-ZAWGYI-
အဂၤါေန႔ကေတာ့ ကြ်န္ေတာ္အတြက္ ေတာ္ေတာ္ ဆိုးေအာင္ လုပ္ထားသလား မွတ္ရပါတယ္.. ကြ်န္ေတာ္ မေန႔က ေလ့က်င့္ေရးျပီးေတာ့ ပင္ပန္းလြန္းတာမို႔ အသံပါ ၀င္ေနပါျပီ.. ကြ်န္ေတာ္ မဖ်ားေပမဲ့လို႔ ထဖို႔ကိုေတာင္ မနည္း အားယူေနရပါတယ္..
ထံုးစံအတုိင္းပဲ ကြ်န္ေတာ္ ဆိုင္ကယ္စီးကာ ေက်ာင္းသြားဖို႔ ျပင္ေတာ့ ကြ်န္ေတာ္ သူငယ္ခ်င္း Too က ဖုန္းဆက္လာပါတယ္..
"ငါ လာေနျပီ.. မေလာနဲ႔ဟ"
အခုေနာက္ပိုင္း ကြ်န္ေတာ္ ဆိုင္ကယ္ ေမာင္းတဲ့ ႏႈန္းကေတာ့ ေတာ္ေတာ္ေလးကို ေႏွးသြားပါျပီ.. အဲဒါေၾကာင့္ ကြ်န္ေတာ္အဖြဲ႔က သူေတြက ကြ်န္ေတာ္ ျမန္ျမန္လာဖို႔ ဖုန္းဆက္ ေလာၾကပါတယ္..
[အဲဒါေျပာမလို႔ မဟုတ္ဘူး.. မင္း Third ကို သြားေခၚေပးလို႔ ရလား? Bone နဲ႔ ငါက ေက်ာင္းေရာက္ေနျပီမို႔ သြားမရေတာ့ဘူး..]
"ခ်ီးပဲ.. Third ဘာျဖစ္လို႔လဲ?"
[သူ႔ကား ေရတိုင္ကီ မီးေလာင္ခါနီး ျဖစ္သြားလို႔တဲ့.. သူေျပာတာေတာ့ မီးခိုးေတြ ထြက္လာတာတဲ့..]
"ေကာင္းျပီ.. ငါ သြားေခၚလိုက္မယ္.. သူက ဘယ္မွာလဲ?"
[တိုက္ခန္း ေရွ႕မွာပဲတဲ့.. ကံေကာင္းလို႔ အေ၀းၾကီး မဟုတ္တာ.. မင္း ျမန္ျမန္သြား.. မဟုတ္ရင္ ေနာက္က်တယ္ဆိုျပီး ေကာခံေနရအံုးမယ္..]
ဖုန္းကေတာ့ က်သြားပါျပီ.. ကြ်န္ေတာ္ ျမန္ျမန္ ဆိုင္ကယ္ေပၚကို တက္လိုက္ကာ Third ကို လိုက္ရွာပါေတာ့တယ္.. မလွမ္းမကမ္းမွာေတာ့ သူ လံုျခံဳေရး ဦးေလးၾကီးနဲ႔ စကားေျပာကာ ဂိတ္၀မွာ ရပ္ေနတာကို ေတြ႔လိုက္ရတယ္.. ဒါေပမဲ့ သူ ကြ်န္ေတာ္ကို ျမင္တဲ့ အခါမွာေတာ့ သူ တျခားသူေတြကိုပဲ ေမးပါတယ္..
"Too ေရာ? ငါ သူ႔ကို လာေခၚဖို႔ ေခၚထားတာေလ?"
အဲေတာ့ မင္းက ငါ့ကို မေခၚခ်င္ဘူးေပါ့?
"သူက ေက်ာင္းေရာက္ေနျပီ.. အာ့ေၾကာင့္ မင္းကို လာေခၚဖို႔ ငါ့ကို ေျပာတာ.. ျပီးေတာ့ မင္းကေရာ.. ကားကို ဘယ္လိုေမာင္းတာလဲ? ေရတိုင္ကီေတာင္ မီးစြဲေအာင္"
"မသိဘူး.. ငါ သတိမထားလိုက္မိလို႔.."
"ေနာက္ဆို မင္းကိုယ္မင္း ဂရုစိုက္.. 4S ဆိုင္က မင္းေရတိုင္ကီကို ေရျဖည့္ဖို႔ လုပ္ေပးတာ မဟုတ္ဘူးလား?"
"ျပင္ဖို႔ ဆိုင္ပို႔လိုက္တာ ၾကာလွျပီ"
"ငါေလ မင္းကို တကယ္ လုပ္ပစ္လိုက္ခ်င္တယ္"
"အဲေတာ့ ငါတို႔ ေက်ာင္းကို ဘယ္လိုသြားမွာလဲ?"
"ငါ့ဆိုင္ကယ္စီးျပီး သြားမယ္ေလ.. မဟုတ္ရင္ မင္းက ေျပးသြားခ်င္လို႔လား "
"ဒါေပမဲ့ မင္းက မိန္းမေတြကိုပဲ မင္းဆိုင္ကယ္ကို စီးခိုင္းတာေလ"
ဟုတ္ျပီ.. အခု သူ ဘာလို႔ ေမးလဲ ကြ်န္ေတာ္ သေဘာေပါက္ျပီ ...
"အရင္ကေလ.. အခု မဟုတ္ေတာ့ဘူး"
"အခုက မင္းရည္းစားတင္ မဟုတ္ပဲ သူငယ္ခ်င္းေတြပါ ပါျပီေပါ့.. ၾကက္သီးေတာင္ ထမိတယ္"
"ငါ သူငယ္ခ်င္းေတြကိုလဲ ေပးမစီးပါဘူး.."
"... ..."
"ခ်စ္သူတေယာက္ပဲ စီးလို႔ရတာ.. ျမန္ျမန္တက္.. မဟုတ္ရင္ ေက်ာင္းေနာက္က်ေတာ့မယ္"
သူ ဘာမွ မေျပာႏိုင္ခင္ ကြ်န္ေတာ္ သူ႔ကို ဦးထုပ္ ကမ္းေပးလိုက္ကာ သူ ဆိုင္ကယ္ေပၚ တက္မဲ့အခ်ိန္ကို ေစာင့္ေနလိုက္သည္။
သူကေတာ့ အခ်ိန္ေတာ္ေတာ္ၾကာေအာင္ တံု႔ဆိုင္းေနေပမဲ့လို႔ ေနာက္ဆံုးမွာေတာ့ ကြ်န္ေတာ္ဆိုင္ကယ္ေနာက္မွာ ထိုင္ဖို႔ ဆံုးျဖတ္လိုက္ပါတယ္။ ကြ်န္ေတာ့္လည္ပင္းေနာက္က အသက္ရႈသံေၾကာင့္ သူ ဒါနဲ႕ မရင္းႏွီးတာ အသိသာၾကီး
"မေၾကာက္ပါနဲ႔.. ငါ ျမန္ေအာင္ မေမာင္းပါဘူး.. 40 နဲ႔ပဲ ေမာင္းတာ"
ကြ်န္ေတာ္ သူ႔ကို ႏွစ္သိမ့္လိုက္ပါတယ္
"၂၀ ဆို ေတာ္ျပီေလ.."
"Third.. ငါတို႔ ဒီေန႔ ေက်ာင္းသြားမွာမလား? ငါ ၄၀ နဲ႔ ေမာင္းေနတာေတာင္ ခရုစီးေနလား အေျပာခံရတာ.. မေၾကာက္နဲ႔ဆို"
"မင္းက ေမာင္းတဲ့သူဆိုေတာ့ ေျပာအားရွိတာေပါ့"
"မင္းေၾကာက္ရင္ ငါ့ခါးကို ဖက္ထား"
"ဟင္! ဟင့္အင္း!"
ဘာမွ မေျပာေတာ့ပဲ ကြ်န္ေတာ္ စက္ႏႈိးကာ ထြက္လာခဲ့လိုက္တယ္။ ေနာက္မွန္ကေန ၾကည့္လုိက္ေတာ့ Third က အေနရခက္သလို ေခၽြးစို႔ကာ က်ံဳ႕ထိုင္ေနတာက ေတာ္ေတာ္ေလး ၾကည့္ရတာ အဆင္မေျပပါဘူး.. ဒါ သူ Chawee ေနာက္မွာ လိုက္စီးတာ ပထမဆံုးေလ.. သူက ဒီေနရာမွာ ပထမဆံုးထိုင္ခြင့္ ရတဲ့သူ မဟုတ္ေပမဲ့ေတာ့ သူက ေနာက္ဆံုးပဲ ျဖစ္မွာပါ..
"မင္း ငါ့ခါး မဖက္ခ်င္ရင္ေတာင္ ငါ့ပခံုးကို ကိုင္ထား.. မင္း ျပဳတ္က်ရင္ ငါ ျပန္လုိက္ေကာက္မွာ မဟုတ္ဘူးေနာ္"
ကြ်န္ေတာ္ ထပ္ေျပာလိုက္ကာ ဒီတေခါက္ေတာ့ သူ လက္ခံမလား ေမွ်ာ္လင့္ေနမိသည္။ ဒီအခါမွာေတာ့ အၾကံက ေအာင္ျမင္ပါတယ္.. သူ ေျဖးေျဖးခ်ည္း ကြ်န္ေတာ္ပခံုးေပၚကို ယံုယံုၾကည္ၾကည္ လက္တင္လိုက္တယ္ေလ..
ဒီေန႔ေတာ့ ကြ်န္ေတာ္ အိပ္မက္လွလွ မက္ေတာ့မွာပါ.. အနည္းဆံုးေတာ့ တေန႔မွာ ကြ်န္ေတာ္ Third ကို မွီေအာင္ လိုက္ႏိုင္မယ္ဆိုတာ ကြ်န္ေတာ္ သိလိုက္ရတယ္ေလ..
ကြ်န္ေတာ္တို႔ ေက်ာင္းကို ေရာက္ေတာ့ ေနာက္ခံုမွာ ထိုင္ေနတဲ့ အေသးေလး မ်က္ႏွာမွာ ေခၽြးေတြ စိုလုိ႕ရႊဲလုိ႔ေပါ့။ သူ ဘာမွ မေျပာေပမဲ့ ကြ်န္ေတာ္ စိတ္မေကာင္းျဖစ္ရံုမွ တပါး မတတ္ႏိုင္ပါဘူး.. ဘာေၾကာင့္ဆို သူက အၾကိမ္ေတာ္ေတာ္မ်ားမ်ား ငိုမတတ္ ျဖစ္ေနတာ ကြ်န္ေတာ္ ေတြ႕ခဲ့ရတယ္ေလ..
"မင္း အဆင္ေျပရဲ႕လား?"
ကြ်န္ေတာ္ သူ႔ကို ေမးလိုက္မိသည္။
"မေသရံုတမယ္ပဲ"
သူ အသက္လုရႈကာ ေျပာလိုက္ေလသည္။
"ေနာက္ဆို ငါ အိမ္က ကားပဲ ယူေမာင္းေတာ့မယ္"
"ဘာလဲ? မင္း ခ်မ္းသာေၾကာင္း ျပမလို႔လား?"
"မင္း အဆင္မေျပျဖစ္မွာ ဆိုးလို႔"
"ငါ့ကို စိတ္မပူနဲ႔.. ဒီတခါပဲဟာကို.."
"အဲဒါဆို စိတ္ပူရမယ္.. ဘာေၾကာင့္ဆို ဒီတခါျဖစ္ရင္ ေနာက္တခါလဲ ျဖစ္လာမွာ"
"ေတာ္လိုက္ေတာ့"
──────⊹⊱✫⊰⊹──────
ကြ်န္ေတာ္ တေန႔လည္ခင္းလံုး Third ဘယ္သြားသြား ကြ်န္ေတာ္ ေနာက္က လိုက္ေနခဲ့ပါတယ္.. သူ အဲ ရန္ပံုေငြပြဲကို မသြားႏိုင္ေအာင္ ကြ်န္ေတာ္ နည္းလမ္း ရွာေနမိေတာ့သည္။ ဒါေၾကာင့္လဲဆို ကြ်န္ေတာ္ အဲကိစၥ မစခင္ အဆံုးသတ္ေအာင္ ၾကံရမယ္ေလ.. အကယ္၍ Third သာ P' An ကို မေတြ႔ခဲ့ရင္ အရာအားလံုးက သူ႔အလိုလို ျပီးသြားမွာ.. သူတို႔ၾကားက ဆက္ဆံေရး ဒီထက္ပိုျပီး အဆင့္တက္လာဖို႔လဲ မရွိဘူးေလ..ဒါေပမဲ့ အရာရာတိုင္းက ကြ်န္ေတာ္ ေမွ်ာ္လင့္ထားသလိုေတြနဲ႔ လံုး၀ ကြာျခားပါတယ္.. အတန္းက ညေန ၅ နာရီ ျပီးတာနဲ႔ ၀က္၀ံၾကီးကေတာ့ တံခါး၀မွာ ျပံဳးရင္း ေစာင့္ေနေလသည္။
ေျမႏိုး P'Cent! မုန္းတယ္! ခင္ဗ်ား ဒီလို သူငယ္ခ်င္းကို ဓားျပတိုက္တာ မေကာင္းဘူး!
ေနာက္ဆံုးေတာ့ ကြ်န္ေတာ္ Third နဲ႔ အတူ အႏုပညာ႒ာန ညေစ်းကို တူတူ လုိက္ရပါေတာ့တယ္.. က်န္တဲ့ ၂ ေကာင္ကေတာ့ အႏွိပ္ခံတဲ့ေနရာမွာ လွဲေနကာ ကြ်န္ေတာ္ကို အားေပးၾကပါတယ္.. ေသေလ..! ကြ်န္ေတာ္ ဒီ ရက္စက္လွတဲ့ ၂ ေယာက္ တစ္ ေယာက္ စစ္ပြဲမွာ တေယာက္ထဲ ထားခဲ့ခံရတာ..
အႏုပညာ ႒ာန ညေစ်းကေတာ့ ပံုမွန္ညေစ်းနဲ႔ ဘာမွ မကြာပါဘူး.. ဒါေပမဲ့လို႔ ဒီက ေက်ာင္းထဲမွာပဲ လုပ္ျပီး ေက်ာင္းသားေက်ာင္းသူေတြပဲ ၀ယ္ေရာင္းလို႔ ရပါတယ္.. အဲေတာ့ ကြ်န္ေတာ္တို႔ ဒီမွာ ထူးထူးျခားျခား ေရာင္းတဲ့ ပစၥည္းေတြကို ေတြ႔ရတတ္ပါတယ္.. ဥပမာ ညာဘက္က စင္မွာ လွပလြန္းတဲ့ မိန္းမေလးေတြခ်ည္းပဲ Nightclub တက္ႏိုင္ဖို႔ ေရာင္းတဲ့ အ၀တ္အစားေတြ ေရာင္းေနၾကပါတယ္.. ေယာက်္ားထုၾကီးတသုိက္ကေတာ့ ရင္သားေတြကို ၾကည့္ဖို႔ တန္းစီ အံုေနၾကတယ္ေလ..
ကြ်န္ေတာ္အတန္းေဖာ္နဲ႔ ကြ်န္ေတာ္ကေတာ့ ၾကိဳျပီး ဘိုကင္ယူထားတဲ့ ဘာမွ မရွိတဲ့ စင္ေရွ႕မွာ ရပ္ေနၾကပါတယ္.. ကြ်န္ေတာ္တို႔မွာေတာ့ စုေဆာင္းပစၥည္းေတြနဲ႔ တျခား နာမည္ၾကီး တံဆိပ္ပစၥည္း ေတြပါတဲ့ ဘူးၾကီး ၂ ဘူး ရွိေနပါတယ္.. Third နဲ႔ P' Cent ကေတာ့ တစ္ ေယာက္ တစ္ ဘူးဆီ ကိုင္ထားၾကပါတယ္.. ကြ်န္ေတာ္နဲ႔ P' Chen ကေတာ့ ျဖတ္သြားျဖတ္လာေတြကို ျပံဳးျပ ေရာင္းဖို႔ တာ၀န္ရွိပါတယ္.. တခ်ိဳ႕ေသာသူေတြက ျဖတ္သြားျဖတ္လာေတြကို ေဆာင္ပုဒ္ရြတ္ကာ ေလာ္စပီကာေတြနဲ႔ ဆြဲေဆာင္ေနတဲ့ အခ်ိန္မွာေပါ့
"Third.. ကူညီေပးတာ ေက်းဇူးတင္ပါတယ္.. Khai လဲ ေက်းဇူးပဲ"
စလာျပန္ျပီ.. သူေတာ္ေယာင္ေဆာင္ ျပႆနာေကာင္ P' Un ဘာလုပ္ဖို႔ ၾကိဳးစားေနတာလဲ?
"ေက်းဇူးတင္စရာမလိုပါဘူး.. ႒ာနအတြက္ပဲဟာ.. အခ်င္းခ်င္း တာ၀န္ခြဲယူရမွာေပါ့"
"ဟုတ္တာေပါ့ ဟုတ္တာေပါ့"
ကြ်န္ေတာ္ အခ်စ္ဆံုး သူငယ္ခ်င္းကို ကြ်န္ေတာ္နည္းလမ္းမ်ိဳးစံုနဲ႔ ၾကိဳးစားကာ အဲလူနဲ႔ ေ၀းေအာင္ လုပ္တာေတာင္မွ အက်ိဳး လံုး၀ မရွိပဲ အခု စကားေျပာေနတာကို ၾကည့္ရတာ ေတာ္ေတာ္ေလး ခံျပင္းပါတယ္.. ျပီးေတာ့ သူတို႔ ပိုက္ဆံရွာဖို႔အတြက္ ကြ်န္ေတာ္ ေခ်ာင္မွာေတာင္ အထိုးခံလိုက္ရေသး..
"အင္း.. Third မင္း ဒီေန႔ ေက်ာင္းကို ဘယ္လိုလာလဲ? မင္း ကားပ်က္သြားတယ္ ၾကားတယ္"
"သူ ကြ်န္ေတာ္နဲ႔ လာတာ"
ကြ်န္ေတာ္ ၾကားျဖတ္ကာ ခပ္ျမန္ျမန္ ေျဖလိုက္ေလသည္။ ကြ်န္ေတာ္နာမည္က Third မဟုတ္ေပမယ့္ ကြ်န္ေတာ္ ေျဖခ်င္လို႔ကို ေျဖတာ.. ခင္ဗ်ား အရင္ လာစတာ!
"အို.. မင္းနဲ႔လား Khai? မင္း ေမာင္းရင္ သတိထားေမာင္းအံုး.. မင္း တခါတေလ ေမာင္းတာ ျမင္လြန္းလို႔ အရိပ္ေတာင္ မျမင္ရဘူး"
"အခု ကြ်န္ေတာ္ ေျဖးေျဖးေမာင္းေနပါတယ္.. မစိုးရိမ္ပါနဲ႔"
"ဟုတ္တယ္"
Third က ၾကားကေန ခပ္တိုးတိုး ၀င္ေျပာရွာပါတယ္။
အမွန္အတိုင္း ေျပာရရင္ ကြ်န္ေတာ္ P' Un က ကြ်န္ေတာ္သူငယ္ခ်င္းကို သူနဲ႔ အိမ္ျပန္ဖို႔ ေခၚမွာကို ကြ်န္ေတာ္ ေၾကာက္ေနတာပါ.. ဒါေပမဲ့ သူ ဘာမွ မေျပာတာမို႔ ကြ်န္ေတာ္ ေနာက္ဆံုးေတာ့ စိတ္သက္သာသြားသလို သက္ျပင္းခ်လုိက္မိသည္။
"မင္း အိမ္ေရာက္တာနဲ႔ Line ကို ခ်က္ခ်င္း ပို႔ေပးေနာ္.. အဲဒါမွ စိတ္ေအးရမွာ"
"ဟုတ္ကဲ့"
"... ...!"
ကြ်န္ေတာ္ အဲနားမွာပဲ ရပ္ေနလိုက္ကာ ေျပာသြားတဲ့ စကားကို ျပန္စဥ္းစားေနလိုက္မိသည္။ ကြ်န္ေတာ္ နားၾကားမွားတာလား? Line ကေန message ပို႔ဆိုတာ ဘာလဲ? မင္းတို႔ တခ်ိန္လံုး Line မွာ စကားေျပာေနခဲ့တာလား?
ကြ်န္ေတာ္စိတ္ေတြ လံုး၀ လစ္ဟာသြားတယ္.. Too က Third ရဲ႕ ဖုန္းကို ေခ်ာင္းၾကည့္ေပးမယ္လို႔ ကတိေပးခဲ့ေပမဲ့ ေနာက္ဆံုးေတာ့မွာ ကြ်န္ေတာ္တို႔ ေပါ့ဆခဲ့မိတယ္.. အဲေတာ့ Third က ကြ်န္ေတာ္ မ်က္ႏွာေကာင္းရေအာင္ လုပ္ေနခဲ့တဲ့ တခ်ိန္လံုးမွာ P' Un နဲ႔ အဆက္အသြယ္ ေတာက္ေလွ်ာက္ ရွိေနခဲ့တာေပါ့?
ကြ်န္ေတာ္ ေသသာ ေသလုိက္ခ်င္ေတာ့တယ္..
ဒါေပမဲ့လို႔ ကြ်န္ေတာ္ သူတို႔ ေျပာတာေတြကိုသာ တိတ္တိတ္ေလး နားေထာင္ေနလိုက္တယ္.. P' Chen နဲ႔ ကြ်န္ေတာ္က ဒီအတြဲ ပလစ္တာ ခံေနရသလိုပါပဲ..
"ဒီေန႔ ေငြေတြ အမ်ားၾကီး ၀င္မွာ.. ဘာလို႔ဆို Khai က အရမ္းၾကည့္ေကာင္းေတာ့ မိန္းကေလးေတြက သူ႔အတြက္ဆို ပိုက္ဆံကို ထုတ္သံုးခ်င္ၾကမွာပဲေလ"
ကြ်န္ေတာ္ တနာရီေလာက္ အဲမွာ ရပ္ျပီး ဘာမွ မေျပာပဲ ေနေနတယ္ေလ.. ဘာလို႔ ကြ်န္ေတာ္ကို မီးလာစေနျပန္တာလဲ?
"အဲေတာ့ ဘာျဖစ္လဲ?"
ကြ်န္ေတာ္ မခံခ်င္သလို ျပန္ေျပာလိုက္သည္။
"မဟုတ္ပါဘူး.. အဲဒါ ေကာင္းပါတယ္"
"ငါ့အထင္ အဲဒါေကာင္းတယ္.. ဒါေပမဲ့ ဟိုမွာ မင္းရဲ႕ အရင္က အသည္းေလးမလား? ရင္းႏွီးေနသလိုပဲ"
"မရင္းႏွီးပါဘူး.. ခင္ဗ်ားရဲ႕ မိ္န္းမ ျဖစ္ရင္လဲ ျဖစ္မွာေပါ့.. ခင္ဗ်ားၾကည့္ရတာ လူအမ်ားၾကီးနဲ႔ အိပ္ခဲ့ဖူးေတာ့ ဘယ္သူက ဘယ္သူဆိုတာ မမွတ္မိႏိုင္ေတာ့ဘူး ထင္တယ္"
ေသလိုက္ေတာ့.. အကယ္၍ ကြ်န္ေတာ္သာ ပြဲေစ်းအလယ္တည့္တည့္မွာ ရပ္ေနတာ မဟုတ္ရင္ လက္သီးရြယ္ျပီးျပီ.. ဒီေလာကမွာ ကြ်န္ေတာ္ မုန္းတဲ့သူ နည္းေပမဲ့ အဲထဲက တေယာက္ကေတာ့ သူမ်ားတကာရဲ႕ အတိတ္မည္းေတြကို လိုက္ေျပာေနတတ္တဲ့ သူပါပဲ..
"Khai က မိန္းမတိုင္းလိုလိုရဲ႕ အၾကိဳက္ပဲေလ.."
"သူက ဂိုဏ္းေခါင္းေဆာင္နဲ႔ တူတယ္"
Third က ၀င္ေျပာေလသည္။
"အို.. မင္းက်ေတာ့ ၾကမ္းၾကမ္းတမ္းတမ္း လုပ္ရတာ မၾကိဳက္တာက်လုိ႔"
ဘာပဲျဖစ္ျဖစ္ သူ ကြ်န္ေတာ္ကို ၾကိဳက္ခဲ့ဖူးတယ္ေလ.. ဘယ္သူကမွ ကြ်န္ေတာ္စကားကို ျပန္မေျပာေပမဲ့ Third ကေတာ့ ကြ်န္ေတာ္ အဲစကားေျပာတာ ၾကားလိုက္တဲ့အခ်ိန္မွာ ပါးစပ္ပိတ္လိုက္ပါေတာ့တယ္.. ဒီေန႕ ရန္ပံုေငြပြဲကေတာ့ လူေတာ္ေတာ္မ်ားမ်ား ပါ၀င္ၾကပါတယ္.. ၃ နာရီေလာက္ၾကာျပီးေတာ့ ကြ်န္ေတာ္တို႔ ေျခေထာက္ေတြ ေညာင္းကိုက္လာတာမို႔ ကြ်န္ေတာ္တို႔ ရန္ပံုေငြ ရွာတာ ရပ္ဖို႔ ဆံုးျဖတ္လိုက္ၾကတယ္..
"ဒီေန႔ ရတဲ့ ေငြေတြကို မိနစ္ပိုင္းအတြင္း ျမန္ျမန္ေရၾကမယ္.. အခု စားစရာ ၀ယ္ခ်င္တဲ့သူ ရွိရင္ ျမန္ျမန္ သြား၀ယ္ထားၾက.."
P' Chen စကားအဆံုးမွာေတာ့ P' An က Third ဆီကို ေျပးကာ
"ငါတို႔ စားဖို႔ တခုခု သြား၀ယ္ၾကမလား?"
"ကြ်န္ေတာ္လဲ ပါမယ္"
ကြ်န္ေတာ္ ၀င္ကာ သူတို႔ ၂ ေယာက္ထဲ ျဖစ္ေစမဲ့ အခြင့္အေရးကို ဖ်က္ဆီးဖို႔ ၾကိဳးစားေပမဲ့ P' Cent ေၾကာင့္ အဲအၾကံက လံုး၀ ေရစုန္ေမ်ာပါေတာ့တယ္..
"Khai.. ငါ့ကို အရင္ ဒါလာကူ.."
"ဘာေစာက္တလြဲ လုပ္တာလဲ? ကြ်န္ေတာ္ ဗိုက္ဆာေနျပီ.. Third နဲ႔ အတူတူ တခုခု သြား၀ယ္မယ္"
"အင္း.. Third.. ေက်းဇူးျပဳျပီး မင္းသူငယ္ခ်င္းအတြက္ တခုခု ၀ယ္လာခဲ့လိုက္ပါ.. ငါ Khai ကို ခဏ ေခၚထားမယ္"
ေျပာတာကို ၾကားလိုက္တဲ့ သူကေတာ့ ေခါင္းျငိမ့္ျပကာ သူနားလည္ေၾကာင္း ျပေလသည္။ ျပီးေနာက္ သူ အဲစိတ္ပ်က္စရာေကာင္းတဲ့ စီနီယာနဲ႔ ထြက္သြားေလသည္။ လခြမ္းပဲကြာ
"ဘာလုပ္ခ်င္တာလဲ?!"
ကြ်န္ေတာ္အသံက အလိုမက်တာေတြ ျပည့္ႏွက္ေနျပီး ကြ်န္ေတာ္ရင္ထဲမွာေတာ့ ေဒါသေတြ ျပည့္ေနပါတယ္..
"ဘာမွ မလုပ္ဘူး.. မင္း သူတို႔နဲ႔ ေ၀းေ၀းေနတာ လိုခ်င္တာ.. သူတို႔ အဆင္ေျပေနတယ္ေလ"
"ဘာအတြက္လဲ? ကြ်န္ေတာ္ ခင္ဗ်ားကို တကယ္ နားမလည္ႏိုင္ေတာ့ဘူး"
"Un က ငါ့သူငယ္ခ်င္း ျပီးေတာ့ Third က ငါ့ညီေလး.. အဲအေၾကာင္းျပခ်က္က မင္းအတြက္ မလံုေလာက္ဘူးလား?"
"ငါက်ေတာ့ေရာ? မင္းညီေလးပဲ မဟုတ္ဘူးလား?"
ကြ်န္ေတာ္ မေနႏိုင္ေတာ့တာမို႔ "မင္း/ငါ" သံုးျပီး ေျပာခ်လုိက္ပါေတာ့တယ္.. အကယ္၍ ခင္ဗ်ားကာ P' Un ရဲ႕ သူငယ္ခ်င္းေကာင္းဆို ကြ်န္ေတာ္ သူ႔ကို ေျပာလိုက္တာကို သူက ဘာေၾကာင့္ ျပန္မေျပာတာလဲ? ကြ်န္ေတာ္ Third ကို ၾကိဳက္တယ္ လို႔ ေျပာခဲ့ျပီးျပီ.. ကြ်န္ေတာ္ Third နဲ႔ ပတ္သက္ရင္ ဘယ္သူ႔ကိုမွ အေလ်ာ့မေပးဘူး ေျပာခဲ့ျပီးျပီ.. အခု ဘာေၾကာင့္လဲ?!
"ငါ ဘက္လိုက္သလို ျဖစ္သြားတာပဲ.... လာပါဦး"
P' Cent ကေတာ့ အနားလာကာ ကြ်န္ေတာ္ကို ႏွစ္သိမ့္ဟန္ျပင္ေပမယ့္ ကြ်န္ေတာ္ ရုပ္ရွင္ေတြထဲက ဇာတ္ေကာင္ေတြလိုပဲ ေက်ာေပးကာ ရပ္ေနလိုက္ေလသည္။
"ကြ်န္ေတာ္ မေက်နပ္ဘူးလို႔ ေျပာတယ္ေလ!"
"ေအး ေအး.. မင္း ႒ာနကို ျပန္တဲ့အခ်ိန္က်ရင္ မင္းစိတ္ကို ေသခ်ာ ထိန္းအံုး.. သူတို႔ ၂ ေယာက္ ခဏေနရင္ ျပန္လာေတာ့မွာ.. မင္း ဘာေၾကာင့္ မင္း သူငယ္ခ်င္းေတြကို အရမ္း ခ်ဳပ္ခ်ယ္ ကာကြယ္ခ်င္ေနရတာလဲ?"
ကြ်န္ေတာ္ သူငယ္ခ်င္းေတြကို အဲလို ျဖစ္တာမဟုတ္ဘူး.. ကြ်န္ေတာ္ Third ကိုပဲ တေယာက္ထဲ ပိုင္ဆိုင္ ခ်ဳပ္ခ်ယ္ ကာကြယ္ခ်င္တာ ဘာေၾကာင့္လဲဆို သူက ကြ်န္ေတာ္ရဲ႕ အနာဂတ္ မိန္းမမို႔လို႔!
ကြ်န္ေတာ္ စိတ္ကို ေျပာဖို႔ ကြ်န္ေတာ္ ျပင္ဆင္ျပီးခ်ိန္မွာ တျခားေက်ာင္းသားေတြ ၀င္လာတာမို႔ ကြ်န္ေတာ္ တိတ္ျငိမ္စြာ ရပ္ေနလိုက္ပီးေတာ့ P' Cent က ကြ်န္ေတာ္ဆီ မ်က္ႏွာတည္ၾကီးနဲ႔ ေလွ်ာက္လာကာ
"မင္း ဆက္တိတ္တိတ္ေန.. မင္း မေက်နပ္ေၾကာင္း ျပရင္ သူမ်ားေတြ ရွက္ကုန္မယ္"
"ခင္ဗ်ား နားမလည္ပါဘူး"
"ငါ သိပါတယ္.. မင္း ဘယ္ေလာက္ ကေလးဆန္တယ္ဆိုတာ.. Khai.. ဒါေပမဲ့ မင္းက အဓိက မဟုတ္ဘူးေလ.. မင္းကို တျခားသူေတြက လည္ပတ္ေနရမဲ့ အေၾကာင္း မရွိဘူးေလ.."
တဖက္သူရဲ႕ အၾကည့္က က်ေတာ့္ကို ေအးစက္စက္ႏိုင္ေစပါတယ္
"ဘာကို ဆိုလိုတာလဲ?"
"Third က ေရွ႕ဆက္ဖို႔ ၾကိဳးစားေနတာကို မင္းက ေနာက္ကို ျပန္ဆြဲခ်င္ေနတာ.. မင္းလဲ သူ အရင္ေနရာမွာ မေပ်ာ္ႏိုင္ဘူးဆိုတာ သိေနတာပဲ"
"အဲလိုဆိုရင္ သူ ေရွ႕ဆက္မယ္ဆို သူေပ်ာ္ရမယ္ဆိုတာ ခင္ဗ်ားက ဘယ္လို သိတာလဲ?"
"ဘယ္သူမွ မသိဘူးေလ.. ေပ်ာ္ရႊင္ျခင္းျဖစ္မလား နာက်င္ျခင္းျဖစ္မလားဆိုတာ.. ဒါေပမဲ့ အရင္ေနရာမွာပဲ ရပ္ေနတာက နာက်င္တာေတြပဲ ေပးႏိုင္တယ္ဆိုရင္ ေရွ႕ဆက္ဖို႔ ၾကိဳးစားၾကည့္တာက ပိုမေကာင္းဘူးလား?"
"... ..."
"မင္းေရာပဲ.. Third ကို အဲေလာက္ ဖက္တြယ္မေနနဲ႔.. မင္းသာ သူ႔ကို တားမေနရင္ သူနဲ႔ Un က အခုေလာက္ဆုိ အစေကာင္းေတြ ျဖစ္ေနေလာက္ျပီ"
"ဒါေပမဲ့ Third က ကြ်န္ေတာ္သူငယ္ခ်င္းေလ.. သူ႔ကို စိတ္ပူတာ ဘာမွားေနလို႔လဲ?"
"ေအာ္.. ဘာမွ မမွားပါဘူး.. ဒါေပမဲ့ ေသခ်ာ စဥ္းစားၾကည့္.. မင္း သူ႔ကို စိုးရိမ္ေနတာလား? မင္းကိုယ္မင္း စိုးရိမ္ေနတာလားဆိုတာ.."
တစ္၅ မိနစ္အၾကာမွာေတာ့ ကြ်န္ေတာ္ကို ပူပင္မႈေတြ ေပးတဲ့ သူက မုန္႔ေတြနဲ႔ အတူ အဲ စီနီယာနဲ႔ ျပန္ေရာက္လာပါတယ္.. P' Cent ကေတာ့ ေလွ်ာက္ထြက္သြားကာ တေယာက္ေယာက္နဲ႔ စကားသြားေျပာေနျပီး ၀က္အူေခ်ာင္း သယ္လာတဲ့ အေသးေလးကို ကြ်န္ေတာ္ ၾကည့္ေနလုိက္တယ္။
"မင္းဟာ"
"ငါ့အတြက္လား?"
"အင္း.. ဘယ္သူ႔ဟာ ျဖစ္ရမွာလဲ? ျပီးေတာ့ ခဏေန ငါ P' An နဲ႔ ျပန္ရမယ္.. ႒ာန ေရာက္မွ ျပန္ေတြ႔မယ္"
"ဘာလို႔ ငါနဲ႔ မလိုက္တာလဲ? ငါ ေမာင္းတာ ျမန္လို႔လား? ဒီတေခါက္ ပိုျပီး အရွိန္ေလ်ာ့ေပးမယ္ေလ"
ကြ်န္ေတာ္ သူ႔ကို ဆြဲထားဖို႔ အသည္းအသန္ ၾကိဳးစားေနမိတယ္.. တကယ္တမ္း သူတို႔ ထြက္သြားတဲ့အခ်ိန္မွာ ဘာေတြ ေျပာၾကလဲ ကြ်န္ေတာ္ မသိတာေတာင္မွေပါ့
"အဲလုိမဟုတ္ပါဘူး.. ငါ သူ႔ကို ဒီရန္ပံုေငြ ပစၥည္းေတြ ကူသယ္ရအံုးမယ္.. ျပီးေတာ့ ငါ သူကို ႒ာနမွာ ျပန္ေတြ႔ရမွာပဲေလ.. အဲဒါေၾကာင့္"
"ငါ့ဆိုင္ကယ္ကလဲ သယ္ႏိုင္ပါတယ္"
"မင္းဟာက ဆိုင္ကယ္မလား? ျပီးေတာ့ အဆင္မေျပျဖစ္မွာ မင္းလဲ သိေနတာပဲ.. အဲေတာ့ ႒ာနေရာက္မွ ျပန္ေတြ႕မယ္"
အဲေနာက္မွာေတာ့ သူ စီနီယာေတြနဲ႔ ထြက္သြားကာ ကြ်န္ေတာ္ကေတာ့ အသည္းကြဲ MV ရိုက္ေနသလို ဆယ္မိနစ္ေလာက္ တေယာက္ထဲ ရပ္က်န္ေနခဲ့ေလသည္။
စြန္႔ပစ္ခံရတယ္ဆိုတာ ဒီလို ခံစားခ်က္မ်ိဳးလား? အစြမ္းကုန္ ၾကိဳးစားေနေပမဲ့လို႔ ဘာတံု႔ျပန္မႈမွ မရရင္ ဒီလို ခံစားရတာလား?
──────⊹⊱✫⊰⊹──────
-UNICODE-
အင်္ဂါနေ့ကတော့ ကျွန်တော်အတွက် တော်တော် ဆိုးအောင် လုပ်ထားသလား မှတ်ရပါတယ်.. ကျွန်တော် မနေ့က လေ့ကျင့်ရေးပြီးတော့ ပင်ပန်းလွန်းတာမို့ အသံပါ ဝင်နေပါပြီ.. ကျွန်တော် မဖျားပေမဲ့လို့ ထဖို့ကိုတောင် မနည်း အားယူနေရပါတယ်..
ထုံးစံအတိုင်းပဲ ကျွန်တော် ဆိုင်ကယ်စီးကာ ကျောင်းသွားဖို့ ပြင်တော့ ကျွန်တော် သူငယ်ချင်း Too က ဖုန်းဆက်လာပါတယ်..
"ငါ လာနေပြီ.. မလောနဲ့ဟ"
အခုနောက်ပိုင်း ကျွန်တော် ဆိုင်ကယ် မောင်းတဲ့ နှုန်းကတော့ တော်တော်လေးကို နှေးသွားပါပြီ.. အဲဒါကြောင့် ကျွန်တော်အဖွဲ့က သူတွေက ကျွန်တော် မြန်မြန်လာဖို့ ဖုန်းဆက် လောကြပါတယ်..
[အဲဒါပြောမလို့ မဟုတ်ဘူး.. မင်း Third ကို သွားခေါ်ပေးလို့ ရလား? Bone နဲ့ ငါက ကျောင်းရောက်နေပြီမို့ သွားမရတော့ဘူး..]
"ချီးပဲ.. Third ဘာဖြစ်လို့လဲ?"
[သူ့ကား ရေတိုင်ကီ မီးလောင်ခါနီး ဖြစ်သွားလို့တဲ့.. သူပြောတာတော့ မီးခိုးတွေ ထွက်လာတာတဲ့..]
"ကောင်းပြီ.. ငါ သွားခေါ်လိုက်မယ်.. သူက ဘယ်မှာလဲ?"
[တိုက်ခန်း ရှေ့မှာပဲတဲ့.. ကံကောင်းလို့ အဝေးကြီး မဟုတ်တာ.. မင်း မြန်မြန်သွား.. မဟုတ်ရင် နောက်ကျတယ်ဆိုပြီး ကောခံနေရအုံးမယ်..]
ဖုန်းကတော့ ကျသွားပါပြီ.. ကျွန်တော် မြန်မြန် ဆိုင်ကယ်ပေါ်ကို တက်လိုက်ကာ Third ကို လိုက်ရှာပါတော့တယ်.. မလှမ်းမကမ်းမှာတော့ သူ လုံခြုံရေး ဦးလေးကြီးနဲ့ စကားပြောကာ ဂိတ်ဝမှာ ရပ်နေတာကို တွေ့လိုက်ရတယ်.. ဒါပေမဲ့ သူ ကျွန်တော်ကို မြင်တဲ့ အခါမှာတော့ သူ တခြားသူတွေကိုပဲ မေးပါတယ်..
"Too ရော? ငါ သူ့ကို လာခေါ်ဖို့ ခေါ်ထားတာလေ?"
အဲတော့ မင်းက ငါ့ကို မခေါ်ချင်ဘူးပေါ့?
"သူက ကျောင်းရောက်နေပြီ.. အာ့ကြောင့် မင်းကို လာခေါ်ဖို့ ငါ့ကို ပြောတာ.. ပြီးတော့ မင်းကရော.. ကားကို ဘယ်လိုမောင်းတာလဲ? ရေတိုင်ကီတောင် မီးစွဲအောင်"
"မသိဘူး.. ငါ သတိမထားလိုက်မိလို့.."
"နောက်ဆို မင်းကိုယ်မင်း ဂရုစိုက်.. 4S ဆိုင်က မင်းရေတိုင်ကီကို ရေဖြည့်ဖို့ လုပ်ပေးတာ မဟုတ်ဘူးလား?"
"ပြင်ဖို့ ဆိုင်ပို့လိုက်တာ ကြာလှပြီ"
"ငါလေ မင်းကို တကယ် လုပ်ပစ်လိုက်ချင်တယ်"
"အဲတော့ ငါတို့ ကျောင်းကို ဘယ်လိုသွားမှာလဲ?"
"ငါ့ဆိုင်ကယ်စီးပြီး သွားမယ်လေ.. မဟုတ်ရင် မင်းက ပြေးသွားချင်လို့လား "
"ဒါပေမဲ့ မင်းက မိန်းမတွေကိုပဲ မင်းဆိုင်ကယ်ကို စီးခိုင်းတာလေ"
ဟုတ်ပြီ.. အခု သူ ဘာလို့ မေးလဲ ကျွန်တော် သဘောပေါက်ပြီ ...
"အရင်ကလေ.. အခု မဟုတ်တော့ဘူး"
"အခုက မင်းရည်းစားတင် မဟုတ်ပဲ သူငယ်ချင်းတွေပါ ပါပြီပေါ့.. ကြက်သီးတောင် ထမိတယ်"
"ငါ သူငယ်ချင်းတွေကိုလဲ ပေးမစီးပါဘူး.."
"... ..."
"ချစ်သူတယောက်ပဲ စီးလို့ရတာ.. မြန်မြန်တက်.. မဟုတ်ရင် ကျောင်းနောက်ကျတော့မယ်"
သူ ဘာမှ မပြောနိုင်ခင် ကျွန်တော် သူ့ကို ဦးထုပ် ကမ်းပေးလိုက်ကာ သူ ဆိုင်ကယ်ပေါ် တက်မဲ့အချိန်ကို စောင့်နေလိုက်သည်။
သူကတော့ အချိန်တော်တော်ကြာအောင် တုံ့ဆိုင်းနေပေမဲ့လို့ နောက်ဆုံးမှာတော့ ကျွန်တော်ဆိုင်ကယ်နောက်မှာ ထိုင်ဖို့ ဆုံးဖြတ်လိုက်ပါတယ်။ ကျွန်တော့်လည်ပင်းနောက်က အသက်ရှုသံကြောင့် သူ ဒါနဲ့ မရင်းနှီးတာ အသိသာကြီး
"မကြောက်ပါနဲ့.. ငါ မြန်အောင် မမောင်းပါဘူး.. 40 နဲ့ပဲ မောင်းတာ"
ကျွန်တော် သူ့ကို နှစ်သိမ့်လိုက်ပါတယ်
"၂၀ ဆို တော်ပြီလေ.."
"Third.. ငါတို့ ဒီနေ့ ကျောင်းသွားမှာမလား? ငါ ၄၀ နဲ့ မောင်းနေတာတောင် ခရုစီးနေလား အပြောခံရတာ.. မကြောက်နဲ့ဆို"
"မင်းက မောင်းတဲ့သူဆိုတော့ ပြောအားရှိတာပေါ့"
"မင်းကြောက်ရင် ငါ့ခါးကို ဖက်ထား"
"ဟင်! ဟင့်အင်း!"
ဘာမှ မပြောတော့ပဲ ကျွန်တော် စက်နှိုးကာ ထွက်လာခဲ့လိုက်တယ်။ နောက်မှန်ကနေ ကြည့်လိုက်တော့ Third က အနေရခက်သလို ချွေးစို့ကာ ကျုံ့ထိုင်နေတာက တော်တော်လေး ကြည့်ရတာ အဆင်မပြေပါဘူး.. ဒါ သူ Chawee နောက်မှာ လိုက်စီးတာ ပထမဆုံးလေ.. သူက ဒီနေရာမှာ ပထမဆုံးထိုင်ခွင့် ရတဲ့သူ မဟုတ်ပေမဲ့တော့ သူက နောက်ဆုံးပဲ ဖြစ်မှာပါ..
"မင်း ငါ့ခါး မဖက်ချင်ရင်တောင် ငါ့ပခုံးကို ကိုင်ထား.. မင်း ပြုတ်ကျရင် ငါ ပြန်လိုက်ကောက်မှာ မဟုတ်ဘူးနော်"
ကျွန်တော် ထပ်ပြောလိုက်ကာ ဒီတခေါက်တော့ သူ လက်ခံမလား မျှော်လင့်နေမိသည်။ ဒီအခါမှာတော့ အကြံက အောင်မြင်ပါတယ်.. သူ ဖြေးဖြေးချည်း ကျွန်တော်ပခုံးပေါ်ကို ယုံယုံကြည်ကြည် လက်တင်လိုက်တယ်လေ..
ဒီနေ့တော့ ကျွန်တော် အိပ်မက်လှလှ မက်တော့မှာပါ.. အနည်းဆုံးတော့ တနေ့မှာ ကျွန်တော် Third ကို မှီအောင် လိုက်နိုင်မယ်ဆိုတာ ကျွန်တော် သိလိုက်ရတယ်လေ..
ကျွန်တော်တို့ ကျောင်းကို ရောက်တော့ နောက်ခုံမှာ ထိုင်နေတဲ့ အသေးလေး မျက်နှာမှာ ချွေးတွေ စိုလို့ရွှဲလို့ပေါ့။ သူ ဘာမှ မပြောပေမဲ့ ကျွန်တော် စိတ်မကောင်းဖြစ်ရုံမှ တပါး မတတ်နိုင်ပါဘူး.. ဘာကြောင့်ဆို သူက အကြိမ်တော်တော်များများ ငိုမတတ် ဖြစ်နေတာ ကျွန်တော် တွေ့ခဲ့ရတယ်လေ..
"မင်း အဆင်ပြေရဲ့လား?"
ကျွန်တော် သူ့ကို မေးလိုက်မိသည်။
"မသေရုံတမယ်ပဲ"
သူ အသက်လုရှုကာ ပြောလိုက်လေသည်။
"နောက်ဆို ငါ အိမ်က ကားပဲ ယူမောင်းတော့မယ်"
"ဘာလဲ? မင်း ချမ်းသာကြောင်း ပြမလို့လား?"
"မင်း အဆင်မပြေဖြစ်မှာ ဆိုးလို့"
"ငါ့ကို စိတ်မပူနဲ့.. ဒီတခါပဲဟာကို.."
"အဲဒါဆို စိတ်ပူရမယ်.. ဘာကြောင့်ဆို ဒီတခါဖြစ်ရင် နောက်တခါလဲ ဖြစ်လာမှာ"
"တော်လိုက်တော့"
──────⊹⊱✫⊰⊹──────
ကျွန်တော် တနေ့လည်ခင်းလုံး Third ဘယ်သွားသွား ကျွန်တော် နောက်က လိုက်နေခဲ့ပါတယ်.. သူ အဲ ရန်ပုံငွေပွဲကို မသွားနိုင်အောင် ကျွန်တော် နည်းလမ်း ရှာနေမိတော့သည်။ ဒါကြောင့်လဲဆို ကျွန်တော် အဲကိစ္စ မစခင် အဆုံးသတ်အောင် ကြံရမယ်လေ.. အကယ်၍ Third သာ P' An ကို မတွေ့ခဲ့ရင် အရာအားလုံးက သူ့အလိုလို ပြီးသွားမှာ.. သူတို့ကြားက ဆက်ဆံရေး ဒီထက်ပိုပြီး အဆင့်တက်လာဖို့လဲ မရှိဘူးလေ..ဒါပေမဲ့ အရာရာတိုင်းက ကျွန်တော် မျှော်လင့်ထားသလိုတွေနဲ့ လုံး၀ ကွာခြားပါတယ်.. အတန်းက ညနေ ၅ နာရီ ပြီးတာနဲ့ ဝက်ဝံကြီးကတော့ တံခါးဝမှာ ပြုံးရင်း စောင့်နေလေသည်။
မြေနိုး P'Cent! မုန်းတယ်! ခင်ဗျား ဒီလို သူငယ်ချင်းကို ဓားပြတိုက်တာ မကောင်းဘူး!
နောက်ဆုံးတော့ ကျွန်တော် Third နဲ့ အတူ အနုပညာဋ္ဌာန ညဈေးကို တူတူ လိုက်ရပါတော့တယ်.. ကျန်တဲ့ ၂ ကောင်ကတော့ အနှိပ်ခံတဲ့နေရာမှာ လှဲနေကာ ကျွန်တော်ကို အားပေးကြပါတယ်.. သေလေ..! ကျွန်တော် ဒီ ရက်စက်လှတဲ့ ၂ ယောက် တစ် ယောက် စစ်ပွဲမှာ တယောက်ထဲ ထားခဲ့ခံရတာ..
အနုပညာ ဋ္ဌာန ညဈေးကတော့ ပုံမှန်ညဈေးနဲ့ ဘာမှ မကွာပါဘူး.. ဒါပေမဲ့လို့ ဒီက ကျောင်းထဲမှာပဲ လုပ်ပြီး ကျောင်းသားကျောင်းသူတွေပဲ ဝယ်ရောင်းလို့ ရပါတယ်.. အဲတော့ ကျွန်တော်တို့ ဒီမှာ ထူးထူးခြားခြား ရောင်းတဲ့ ပစ္စည်းတွေကို တွေ့ရတတ်ပါတယ်.. ဥပမာ ညာဘက်က စင်မှာ လှပလွန်းတဲ့ မိန်းမလေးတွေချည်းပဲ Nightclub တက်နိုင်ဖို့ ရောင်းတဲ့ အဝတ်အစားတွေ ရောင်းနေကြပါတယ်.. ယောကျ်ားထုကြီးတသိုက်ကတော့ ရင်သားတွေကို ကြည့်ဖို့ တန်းစီ အုံနေကြတယ်လေ..
ကျွန်တော်အတန်းဖော်နဲ့ ကျွန်တော်ကတော့ ကြိုပြီး ဘိုကင်ယူထားတဲ့ ဘာမှ မရှိတဲ့ စင်ရှေ့မှာ ရပ်နေကြပါတယ်.. ကျွန်တော်တို့မှာတော့ စုဆောင်းပစ္စည်းတွေနဲ့ တခြား နာမည်ကြီး တံဆိပ်ပစ္စည်း တွေပါတဲ့ ဘူးကြီး ၂ ဘူး ရှိနေပါတယ်.. Third နဲ့ P' Cent ကတော့ တစ် ယောက် တစ် ဘူးဆီ ကိုင်ထားကြပါတယ်.. ကျွန်တော်နဲ့ P' Chen ကတော့ ဖြတ်သွားဖြတ်လာတွေကို ပြုံးပြ ရောင်းဖို့ တာဝန်ရှိပါတယ်.. တချို့သောသူတွေက ဖြတ်သွားဖြတ်လာတွေကို ဆောင်ပုဒ်ရွတ်ကာ လော်စပီကာတွေနဲ့ ဆွဲဆောင်နေတဲ့ အချိန်မှာပေါ့
"Third.. ကူညီပေးတာ ကျေးဇူးတင်ပါတယ်.. Khai လဲ ကျေးဇူးပဲ"
စလာပြန်ပြီ.. သူတော်ယောင်ဆောင် ပြဿနာကောင် P' Un ဘာလုပ်ဖို့ ကြိုးစားနေတာလဲ?
"ကျေးဇူးတင်စရာမလိုပါဘူး.. ဋ္ဌာနအတွက်ပဲဟာ.. အချင်းချင်း တာဝန်ခွဲယူရမှာပေါ့"
"ဟုတ်တာပေါ့ ဟုတ်တာပေါ့"
ကျွန်တော် အချစ်ဆုံး သူငယ်ချင်းကို ကျွန်တော်နည်းလမ်းမျိုးစုံနဲ့ ကြိုးစားကာ အဲလူနဲ့ ဝေးအောင် လုပ်တာတောင်မှ အကျိုး လုံး၀ မရှိပဲ အခု စကားပြောနေတာကို ကြည့်ရတာ တော်တော်လေး ခံပြင်းပါတယ်.. ပြီးတော့ သူတို့ ပိုက်ဆံရှာဖို့အတွက် ကျွန်တော် ချောင်မှာတောင် အထိုးခံလိုက်ရသေး..
"အင်း.. Third မင်း ဒီနေ့ ကျောင်းကို ဘယ်လိုလာလဲ? မင်း ကားပျက်သွားတယ် ကြားတယ်"
"သူ ကျွန်တော်နဲ့ လာတာ"
ကျွန်တော် ကြားဖြတ်ကာ ခပ်မြန်မြန် ဖြေလိုက်လေသည်။ ကျွန်တော်နာမည်က Third မဟုတ်ပေမယ့် ကျွန်တော် ဖြေချင်လို့ကို ဖြေတာ.. ခင်ဗျား အရင် လာစတာ!
"အို.. မင်းနဲ့လား Khai? မင်း မောင်းရင် သတိထားမောင်းအုံး.. မင်း တခါတလေ မောင်းတာ မြင်လွန်းလို့ အရိပ်တောင် မမြင်ရဘူး"
"အခု ကျွန်တော် ဖြေးဖြေးမောင်းနေပါတယ်.. မစိုးရိမ်ပါနဲ့"
"ဟုတ်တယ်"
Third က ကြားကနေ ခပ်တိုးတိုး ဝင်ပြောရှာပါတယ်။
အမှန်အတိုင်း ပြောရရင် ကျွန်တော် P' Un က ကျွန်တော်သူငယ်ချင်းကို သူနဲ့ အိမ်ပြန်ဖို့ ခေါ်မှာကို ကျွန်တော် ကြောက်နေတာပါ.. ဒါပေမဲ့ သူ ဘာမှ မပြောတာမို့ ကျွန်တော် နောက်ဆုံးတော့ စိတ်သက်သာသွားသလို သက်ပြင်းချလိုက်မိသည်။
"မင်း အိမ်ရောက်တာနဲ့ Line ကို ချက်ချင်း ပို့ပေးနော်.. အဲဒါမှ စိတ်အေးရမှာ"
"ဟုတ်ကဲ့"
"... ...!"
ကျွန်တော် အဲနားမှာပဲ ရပ်နေလိုက်ကာ ပြောသွားတဲ့ စကားကို ပြန်စဉ်းစားနေလိုက်မိသည်။ ကျွန်တော် နားကြားမှားတာလား? Line ကနေ message ပို့ဆိုတာ ဘာလဲ? မင်းတို့ တချိန်လုံး Line မှာ စကားပြောနေခဲ့တာလား?
ကျွန်တော်စိတ်တွေ လုံး၀ လစ်ဟာသွားတယ်.. Too က Third ရဲ့ ဖုန်းကို ချောင်းကြည့်ပေးမယ်လို့ ကတိပေးခဲ့ပေမဲ့ နောက်ဆုံးတော့မှာ ကျွန်တော်တို့ ပေါ့ဆခဲ့မိတယ်.. အဲတော့ Third က ကျွန်တော် မျက်နှာကောင်းရအောင် လုပ်နေခဲ့တဲ့ တချိန်လုံးမှာ P' Un နဲ့ အဆက်အသွယ် တောက်လျှောက် ရှိနေခဲ့တာပေါ့?
ကျွန်တော် သေသာ သေလိုက်ချင်တော့တယ်..
ဒါပေမဲ့လို့ ကျွန်တော် သူတို့ ပြောတာတွေကိုသာ တိတ်တိတ်လေး နားထောင်နေလိုက်တယ်.. P' Chen နဲ့ ကျွန်တော်က ဒီအတွဲ ပလစ်တာ ခံနေရသလိုပါပဲ..
"ဒီနေ့ ငွေတွေ အများကြီး ဝင်မှာ.. ဘာလို့ဆို Khai က အရမ်းကြည့်ကောင်းတော့ မိန်းကလေးတွေက သူ့အတွက်ဆို ပိုက်ဆံကို ထုတ်သုံးချင်ကြမှာပဲလေ"
ကျွန်တော် တနာရီလောက် အဲမှာ ရပ်ပြီး ဘာမှ မပြောပဲ နေနေတယ်လေ.. ဘာလို့ ကျွန်တော်ကို မီးလာစနေပြန်တာလဲ?
"အဲတော့ ဘာဖြစ်လဲ?"
ကျွန်တော် မခံချင်သလို ပြန်ပြောလိုက်သည်။
"မဟုတ်ပါဘူး.. အဲဒါ ကောင်းပါတယ်"
"ငါ့အထင် အဲဒါကောင်းတယ်.. ဒါပေမဲ့ ဟိုမှာ မင်းရဲ့ အရင်က အသည်းလေးမလား? ရင်းနှီးနေသလိုပဲ"
"မရင်းနှီးပါဘူး.. ခင်ဗျားရဲ့ မိန်းမ ဖြစ်ရင်လဲ ဖြစ်မှာပေါ့.. ခင်ဗျားကြည့်ရတာ လူအများကြီးနဲ့ အိပ်ခဲ့ဖူးတော့ ဘယ်သူက ဘယ်သူဆိုတာ မမှတ်မိနိုင်တော့ဘူး ထင်တယ်"
သေလိုက်တော့.. အကယ်၍ ကျွန်တော်သာ ပွဲဈေးအလယ်တည့်တည့်မှာ ရပ်နေတာ မဟုတ်ရင် လက်သီးရွယ်ပြီးပြီ.. ဒီလောကမှာ ကျွန်တော် မုန်းတဲ့သူ နည်းပေမဲ့ အဲထဲက တယောက်ကတော့ သူများတကာရဲ့ အတိတ်မည်းတွေကို လိုက်ပြောနေတတ်တဲ့ သူပါပဲ..
"Khai က မိန်းမတိုင်းလိုလိုရဲ့ အကြိုက်ပဲလေ.."
"သူက ဂိုဏ်းခေါင်းဆောင်နဲ့ တူတယ်"
Third က ဝင်ပြောလေသည်။
"အို.. မင်းကျတော့ ကြမ်းကြမ်းတမ်းတမ်း လုပ်ရတာ မကြိုက်တာကျလို့"
ဘာပဲဖြစ်ဖြစ် သူ ကျွန်တော်ကို ကြိုက်ခဲ့ဖူးတယ်လေ.. ဘယ်သူကမှ ကျွန်တော်စကားကို ပြန်မပြောပေမဲ့ Third ကတော့ ကျွန်တော် အဲစကားပြောတာ ကြားလိုက်တဲ့အချိန်မှာ ပါးစပ်ပိတ်လိုက်ပါတော့တယ်.. ဒီနေ့ ရန်ပုံငွေပွဲကတော့ လူတော်တော်များများ ပါဝင်ကြပါတယ်.. ၃ နာရီလောက်ကြာပြီးတော့ ကျွန်တော်တို့ ခြေထောက်တွေ ညောင်းကိုက်လာတာမို့ ကျွန်တော်တို့ ရန်ပုံငွေ ရှာတာ ရပ်ဖို့ ဆုံးဖြတ်လိုက်ကြတယ်..
"ဒီနေ့ ရတဲ့ ငွေတွေကို မိနစ်ပိုင်းအတွင်း မြန်မြန်ရေကြမယ်.. အခု စားစရာ ဝယ်ချင်တဲ့သူ ရှိရင် မြန်မြန် သွားဝယ်ထားကြ.."
P' Chen စကားအဆုံးမှာတော့ P' An က Third ဆီကို ပြေးကာ
"ငါတို့ စားဖို့ တခုခု သွားဝယ်ကြမလား?"
"ကျွန်တော်လဲ ပါမယ်"
ကျွန်တော် ဝင်ကာ သူတို့ ၂ ယောက်ထဲ ဖြစ်စေမဲ့ အခွင့်အရေးကို ဖျက်ဆီးဖို့ ကြိုးစားပေမဲ့ P' Cent ကြောင့် အဲအကြံက လုံး၀ ရေစုန်မျောပါတော့တယ်..
"Khai.. ငါ့ကို အရင် ဒါလာကူ.."
"ဘာစောက်တလွဲ လုပ်တာလဲ? ကျွန်တော် ဗိုက်ဆာနေပြီ.. Third နဲ့ အတူတူ တခုခု သွားဝယ်မယ်"
"အင်း.. Third.. ကျေးဇူးပြုပြီး မင်းသူငယ်ချင်းအတွက် တခုခု ဝယ်လာခဲ့လိုက်ပါ.. ငါ Khai ကို ခဏ ခေါ်ထားမယ်"
ပြောတာကို ကြားလိုက်တဲ့ သူကတော့ ခေါင်းငြိမ့်ပြကာ သူနားလည်ကြောင်း ပြလေသည်။ ပြီးနောက် သူ အဲစိတ်ပျက်စရာကောင်းတဲ့ စီနီယာနဲ့ ထွက်သွားလေသည်။ လခွမ်းပဲကွာ
"ဘာလုပ်ချင်တာလဲ?!"
ကျွန်တော်အသံက အလိုမကျတာတွေ ပြည့်နှက်နေပြီး ကျွန်တော်ရင်ထဲမှာတော့ ဒေါသတွေ ပြည့်နေပါတယ်..
"ဘာမှ မလုပ်ဘူး.. မင်း သူတို့နဲ့ ဝေးဝေးနေတာ လိုချင်တာ.. သူတို့ အဆင်ပြေနေတယ်လေ"
"ဘာအတွက်လဲ? ကျွန်တော် ခင်ဗျားကို တကယ် နားမလည်နိုင်တော့ဘူး"
"Un က ငါ့သူငယ်ချင်း ပြီးတော့ Third က ငါ့ညီလေး.. အဲအကြောင်းပြချက်က မင်းအတွက် မလုံလောက်ဘူးလား?"
"ငါကျတော့ရော? မင်းညီလေးပဲ မဟုတ်ဘူးလား?"
ကျွန်တော် မနေနိုင်တော့တာမို့ "မင်း/ငါ" သုံးပြီး ပြောချလိုက်ပါတော့တယ်.. အကယ်၍ ခင်ဗျားကာ P' Un ရဲ့ သူငယ်ချင်းကောင်းဆို ကျွန်တော် သူ့ကို ပြောလိုက်တာကို သူက ဘာကြောင့် ပြန်မပြောတာလဲ? ကျွန်တော် Third ကို ကြိုက်တယ် လို့ ပြောခဲ့ပြီးပြီ.. ကျွန်တော် Third နဲ့ ပတ်သက်ရင် ဘယ်သူ့ကိုမှ အလျော့မပေးဘူး ပြောခဲ့ပြီးပြီ.. အခု ဘာကြောင့်လဲ?!
"ငါ ဘက်လိုက်သလို ဖြစ်သွားတာပဲ.... လာပါဦး"
P' Cent ကတော့ အနားလာကာ ကျွန်တော်ကို နှစ်သိမ့်ဟန်ပြင်ပေမယ့် ကျွန်တော် ရုပ်ရှင်တွေထဲက ဇာတ်ကောင်တွေလိုပဲ ကျောပေးကာ ရပ်နေလိုက်လေသည်။
"ကျွန်တော် မကျေနပ်ဘူးလို့ ပြောတယ်လေ!"
"အေး အေး.. မင်း ဋ္ဌာနကို ပြန်တဲ့အချိန်ကျရင် မင်းစိတ်ကို သေချာ ထိန်းအုံး.. သူတို့ ၂ ယောက် ခဏနေရင် ပြန်လာတော့မှာ.. မင်း ဘာကြောင့် မင်း သူငယ်ချင်းတွေကို အရမ်း ချုပ်ချယ် ကာကွယ်ချင်နေရတာလဲ?"
ကျွန်တော် သူငယ်ချင်းတွေကို အဲလို ဖြစ်တာမဟုတ်ဘူး.. ကျွန်တော် Third ကိုပဲ တယောက်ထဲ ပိုင်ဆိုင် ချုပ်ချယ် ကာကွယ်ချင်တာ ဘာကြောင့်လဲဆို သူက ကျွန်တော်ရဲ့ အနာဂတ် မိန်းမမို့လို့!
ကျွန်တော် စိတ်ကို ပြောဖို့ ကျွန်တော် ပြင်ဆင်ပြီးချိန်မှာ တခြားကျောင်းသားတွေ ဝင်လာတာမို့ ကျွန်တော် တိတ်ငြိမ်စွာ ရပ်နေလိုက်ပီးတော့ P' Cent က ကျွန်တော်ဆီ မျက်နှာတည်ကြီးနဲ့ လျှောက်လာကာ
"မင်း ဆက်တိတ်တိတ်နေ.. မင်း မကျေနပ်ကြောင်း ပြရင် သူများတွေ ရှက်ကုန်မယ်"
"ခင်ဗျား နားမလည်ပါဘူး"
"ငါ သိပါတယ်.. မင်း ဘယ်လောက် ကလေးဆန်တယ်ဆိုတာ.. Khai.. ဒါပေမဲ့ မင်းက အဓိက မဟုတ်ဘူးလေ.. မင်းကို တခြားသူတွေက လည်ပတ်နေရမဲ့ အကြောင်း မရှိဘူးလေ.."
တဖက်သူရဲ့ အကြည့်က ကျတော့်ကို အေးစက်စက်နိုင်စေပါတယ်
"ဘာကို ဆိုလိုတာလဲ?"
"Third က ရှေ့ဆက်ဖို့ ကြိုးစားနေတာကို မင်းက နောက်ကို ပြန်ဆွဲချင်နေတာ.. မင်းလဲ သူ အရင်နေရာမှာ မပျော်နိုင်ဘူးဆိုတာ သိနေတာပဲ"
"အဲလိုဆိုရင် သူ ရှေ့ဆက်မယ်ဆို သူပျော်ရမယ်ဆိုတာ ခင်ဗျားက ဘယ်လို သိတာလဲ?"
"ဘယ်သူမှ မသိဘူးလေ.. ပျော်ရွှင်ခြင်းဖြစ်မလား နာကျင်ခြင်းဖြစ်မလားဆိုတာ.. ဒါပေမဲ့ အရင်နေရာမှာပဲ ရပ်နေတာက နာကျင်တာတွေပဲ ပေးနိုင်တယ်ဆိုရင် ရှေ့ဆက်ဖို့ ကြိုးစားကြည့်တာက ပိုမကောင်းဘူးလား?"
"... ..."
"မင်းရောပဲ.. Third ကို အဲလောက် ဖက်တွယ်မနေနဲ့.. မင်းသာ သူ့ကို တားမနေရင် သူနဲ့ Un က အခုလောက်ဆို အစကောင်းတွေ ဖြစ်နေလောက်ပြီ"
"ဒါပေမဲ့ Third က ကျွန်တော်သူငယ်ချင်းလေ.. သူ့ကို စိတ်ပူတာ ဘာမှားနေလို့လဲ?"
"အော်.. ဘာမှ မမှားပါဘူး.. ဒါပေမဲ့ သေချာ စဉ်းစားကြည့်.. မင်း သူ့ကို စိုးရိမ်နေတာလား? မင်းကိုယ်မင်း စိုးရိမ်နေတာလားဆိုတာ.."
တစ်၅ မိနစ်အကြာမှာတော့ ကျွန်တော်ကို ပူပင်မှုတွေ ပေးတဲ့ သူက မုန့်တွေနဲ့ အတူ အဲ စီနီယာနဲ့ ပြန်ရောက်လာပါတယ်.. P' Cent ကတော့ လျှောက်ထွက်သွားကာ တယောက်ယောက်နဲ့ စကားသွားပြောနေပြီး ဝက်အူချောင်း သယ်လာတဲ့ အသေးလေးကို ကျွန်တော် ကြည့်နေလိုက်တယ်။
"မင်းဟာ"
"ငါ့အတွက်လား?"
"အင်း.. ဘယ်သူ့ဟာ ဖြစ်ရမှာလဲ? ပြီးတော့ ခဏနေ ငါ P' An နဲ့ ပြန်ရမယ်.. ဋ္ဌာန ရောက်မှ ပြန်တွေ့မယ်"
"ဘာလို့ ငါနဲ့ မလိုက်တာလဲ? ငါ မောင်းတာ မြန်လို့လား? ဒီတခေါက် ပိုပြီး အရှိန်လျော့ပေးမယ်လေ"
ကျွန်တော် သူ့ကို ဆွဲထားဖို့ အသည်းအသန် ကြိုးစားနေမိတယ်.. တကယ်တမ်း သူတို့ ထွက်သွားတဲ့အချိန်မှာ ဘာတွေ ပြောကြလဲ ကျွန်တော် မသိတာတောင်မှပေါ့
"အဲလိုမဟုတ်ပါဘူး.. ငါ သူ့ကို ဒီရန်ပုံငွေ ပစ္စည်းတွေ ကူသယ်ရအုံးမယ်.. ပြီးတော့ ငါ သူကို ဋ္ဌာနမှာ ပြန်တွေ့ရမှာပဲလေ.. အဲဒါကြောင့်"
"ငါ့ဆိုင်ကယ်ကလဲ သယ်နိုင်ပါတယ်"
"မင်းဟာက ဆိုင်ကယ်မလား? ပြီးတော့ အဆင်မပြေဖြစ်မှာ မင်းလဲ သိနေတာပဲ.. အဲတော့ ဋ္ဌာနရောက်မှ ပြန်တွေ့မယ်"
အဲနောက်မှာတော့ သူ စီနီယာတွေနဲ့ ထွက်သွားကာ ကျွန်တော်ကတော့ အသည်းကွဲ MV ရိုက်နေသလို ဆယ်မိနစ်လောက် တယောက်ထဲ ရပ်ကျန်နေခဲ့လေသည်။
စွန့်ပစ်ခံရတယ်ဆိုတာ ဒီလို ခံစားချက်မျိုးလား? အစွမ်းကုန် ကြိုးစားနေပေမဲ့လို့ ဘာတုံ့ပြန်မှုမှ မရရင် ဒီလို ခံစားရတာလား?
──────⊹⊱✫⊰⊹──────