روايه موده الريان...
.#سماح_محمود
. #samah_mahmoud so Mà
الحلقه الاولي ...
اللهم صلي ع النبي💚
معني اسم موده((يعني المحبه ؛؛الاخلاص))عشان اللي سالوني...
--------
فبيت قاسم...
زهره بصوت عالي -الحقني ياا قاسم موده مش في اوضتها ولا في البيت كله واخدت شنطتهااا.
قاسم بستغراب-يعني ايه هتكون راحت فين يعني هياا مشت فين.
زهره بدموع وخوف-بنتي ياقاسم بنتي طفشت وسابت البيت لان اخدت هدومها طب سابته ليه حد داس ليها علي طرف اعمل ايه ياحزني ننزل نبلغ البواليس...
قاسم مصدوم هتكون راحت فين قاسم اهدي ..اهدي وانا هتصرف اكيد راحت هنا او هنا هتكون راحت فين يعني..
دق الباب.
زهره بلهفه-معقول موده رجعت
قاسم -استني هفتح اشوف مين.
فتح قاسم الباب كان موجود علي الباب مصطفي كان علي الباب ...
قاسم -تعالي يامصطفي متعرفش موده راحت فين.
مصطفي بخبث-والله يابابا راحت فستين داهيه عشان لو شوفتها هموتها.
زهره بصدمه-ليه هيا عملتلك ايه عشان تقول عليها كده.
مصطفي-بنتك يامرات ابوياا ياللي ابويا مربيها من صغرها علي ايده عضت الايد اللي اتمدت ليها بنتك سرقت الفلوس اللي كانت في الخزنه بتاعت المحل كلها وهربت وفي شهود علي كده العمال شافوها وعشان عرفينها متكلموش
زهره بدموع وصدمه-انت بتقول ايه مووده مستحيل تعمل كده اكيد ياحبيبي انت غلطان.
قاسم بصدمه-انت بتقول ايه يامصطفي فعلا موده انا اللي مربيها ازاي عمرها ما هتفكر تعمل كده دي ملهاش فإي حاجه دي تربيتي.
مصطفي بخبث-زي ما قولتلك ياحج المشكله مش في كده المشكله انها اخدت 250 الف جينه كل السيوله اللي في الخزانه يعني ربع مليون جينه اخدته وهربت عملت ليه كده انا مش فاهم
زهره بدموع-معقول عملتي في امك كده ياموده معقول طب ليه عملتي فياا كده لو مصطفي بيكدب عمرك ما كنتي هتلمي هدومك ربنا يحزنك علي عمرك ياشيخه زي ما فضحتني..
********
فحداده الريان ...كانو العمال شغالين.
وقصي صاحب ريان الوحيد قاعد معاه..
ريان رفع حاجبه-مالك كده مبوز ليه علي الصبح الناس بتقول يافتح ياعالم يا رزاق ياكريم وانت قالب وشك .
قصي بتوتر-ريان انا لازم اقولك علي مصيبه انا عملتها قبل ما تعرف من بره...
ريان بجديه -خير مصيبه ايه ياا وش المصايب انت.
قصي بتنهيده-انا دخلت علي نيره بنت عم حميده..
ريان بستغراب-دخلت عليها اللي هو ازاي مش فاهم.
قصي بلع ريقه-يعني نمت معاها كذه مره المشكله مش فكده المشكله ان البت حامل مني.
ريان بصدمه وعصبيه -انت بتقول ايه يامصيبه انت قوم معايا قبل ما امسح بيك الورشه دلوقتي انت مش بتصلي وبتخاف ربنا ازاي تعمل فيها كده انت تروح تقول لابوك وتتجوزها حتي مفيش خطوبه قبل ما سمعتها تتطرش هنا او هنا
قصي-مينفعش اقول لابويا انا الوحيد بتاعه وعم حميده السايس اللي بيشتغل عندنا لو قولت لابويا هيدمرهم.
ريان بعصبيه-يعني هوو تدخل عليها وترميها مثلا وبعدين ولا غني ولا فقر ولا زفت دي فيها سمعت بنت والقريه صغيره مش كبيره وبعدين خد هنا البت دي مش لسه فثانويه عامه سنه اولي باين؟؟؟ ضحكت عليهاا ياقصي ضحكت عليها دي لسه عيله
قصي بضيق-مضحكتش عليها انا بحبها والله ياريان بحبها اوي عشان كده مضيتها علي ورقه عرفي يعني مش نمت معاها فحرام.
ريان -اتكتم خالص لا حرام يعني ايه عرفي حتت ورقه وتقطع في اي لحظه ...مفيش ماذون فين الماذون ؟؟؟ الجواز مش اشهرار وبعدين انت لسه في اخر سنه كليه يعني علي الاقل عارف كل حاجه هيااا ايه...ابوك يوافق ميوفقش انا هتجنن ازاي تعمل كده يعني من ساعتين لسه مأبلغه يخربيتك امشي واقسم بالله يااقصي لو ما سترت عليها لا انت صاحبي ولا اعرفك.
قصي بتنهيده-مش هقدر اقول لابويا انا كمان مش قد جواز دلوقتي لو ابويا رفض هعيشها منين لسه مشواري طويل ..
ريان بصدمه-اومال انت قادر تنام معاها وبس اناا لولا بخاف ربنا كنت روحت اتكلمت مع ابوك بس دلوقتي انا ولا اكني اعرف حاجه خلص الموضوع احسن قبل ما بطنها تبان واهلها يموتوها دي قريه عقلها مقفول.
قصي بتنهيده طويله-ماشي هشوف واقولك عملت ايه
ريان-مفيش حاجه هترد عليا بي ايه انت مجبور تعمل كده عندك اختين بنات فكر فيهم
اناا دلوقتي طالع فوق بيتي وياريت مشوفكش تاني غير وانت مفرحاني طول عمرك راجل يا قصي اوع تفضح بنت استر عليها فالدنيا يسترك ربنا فالدنيا والاخره...
*******
فبيت ريان الديب...
رناا ما تقومي يابنتي بقي انتي لا نمتي ولا مخليني اعرف انام وقاعده تعيطي مالك يا موده بقي دي الاجازه اللي بنحلم بيها يابت
موده بدموع-ورحمه ابوكي سيبني فحالي عشان مش ناقصه وبعدين اخوكي ده قفل كده ليه بيزعقلي والبسي طرحه هو شايفني عريانه
رنا-ههه حقك عليا بس والله ريان طيب اوي ثم الحجاب ده حاجه حلوه عادي يعني اكيد خايف عليكي زيي يابنتي
موده بدموع-ما هو انا مليش غيرك عشان اجيله
رنا-ياعمري انتي البيت بيتك هنقعد سوا ما انا قاعده وشي فوش الحيطه بس مالك
موده بعياط-هحكيلك ...موده لسه هتبدأ تحكي بس سمعوه صوت الباب اتقفل
رنا لموده-باين ريان جه استني هشوفه
خرجت رناا كان ريان موجوده وفإيده فطار...
ريان بتنهيده-رنا انا جبت فطار اهو جحزي الفطار ده وخلي صحبتك تصحي تفطر معاناا عشان هتكلم معاها شويه
رنا بستغراب-ماشي بس هتتكلم معاها فإيه
ريان بتنهيده-لما نفطر هتسمعي كلامنا روحي يلا ياحبيبتي
رنا -طيب..دخلت رنا لموده
موده بت قومي عشان ريان جايب فطار هنفطر وعايز يتكلم معاكي.
موده-بس انا مش جعانه وعايزه انام معلش قوليلوا يأجل الكلام لما اصحي
رنا-لا عشان خاطري قومي عشان ريان شكله علي اخره معرفش ليه..
موده لنفسها-اكيد السبب انا
موده لرنا -حاضر هقوم اهو
قامت موده...وخرجت مع رنا
بعد دقايق رنا جهزت الفطار وريان خرجت من اوضته ...
رنا بمكر-كنت بتعمل ايه في الاوضه
ريان بجديه -بصلي ركعتين لله علي ما تحضري الفطار...يلا اقعدو نفطر
موده بتوتر-انا مليش نفس افطر ممكن استني حضرتك لما تخلص فطار وبعدين نتكلم
ريان راح قعد علي الفطار -اقعدي يا انسه موده افطري عشان لما نقعد نتكلم يبقي اكلنا عيش وملح سوه
موده ابتسمت-حاضر
قعدو فطرو ...موده كانت بتاكل وهيا مكسوفه تمد ايدهاا عشان ريان قاعد
ريان حس انها مكسوف وهو حاطت عنيه في الطبق زء بي ضهر ايده الطبق ليهاا
بدو ياكلو وكل اللي علي الطرابيزه ساكتين.
رنا بمكر- وحده مالكم
ريان-لا اله الا الله محمد رسول الله ص...مش شايفنا بناكل يابت ولا ايه
رنا بمكر-انا خلصت اكل
موده بتوتر-وانا كمان
ريان-بص لطبقهاا شاف مأكلتش حاجه
ريان بجديه-كلي
موده-ما انا اكلت
ريان ابتسم-...بصي يا انسه موده احنا مش حاطين ليكي سم فيه بس غلط اما تكوني علي الاكل وفي بيت ريان الديب وتسيبه زي ما هو كلي علي الاقل حاجه بسيطه
موده بتوتر-طب بعد ما نخلص كلام حاضر
ريان وهو كذلك اتفضلي احكيلي قصتك بقي ...
موده-اناا عارفه ان حضرتك مضايق من وجودي وهمشي بس انا مكنتش اعرف حد غير رنا عشان كده جيت ليها انا اسفه
ريان بتنهيده طويله-كفايه اسفه بقي وبعدين مين قالك اني مضايق من وجودك بس من حقي اعرف قصتك وياستي عيشي معانا العمر كله مش هقولك لاء
موده بتفرك في ايدها بتوتر- اصلي ...
رنا-موده احكي عادي يا حبيبتي انتي متعرفيش ريان راجل ازاي احكي عشان لو هتعيشي معانا وفي حاجه هو بعد كده يقفلك فيها
ريان -بالظبط زي ما رنا قالتلك ياريت تقولي ...وانتي يارنا متتكلميش طول ما بنتكلم ..
رنا-حاضر
موده بدموع-اصلي هربت من بيت ماما.
ريان بصدمه وجديه- هربت هربتي ليه وفي بنت محترمه تهرب من بيت مامتها؟
موده بدموع-ما هو انا عشان محترمه هربت والله
ريان-احكيلي كل حاجه يا انسه لو سمحت
موده بدموع-اصلي انا كنت عايشه مع ماما وجوزها بس جوزها بالنسبالي زي اب لان لما بابا مات هو اتجوز ماما وانا كنت صغيره هو رباني وهو كان مطلق مراته وعنده ابن اسمه مصطفي...
طول عمرنا عايشين كويسين بس لما كبرت تصرفات مصطفي اتغيرت معايا خالص...بس مكنتش بروح فمكان من غير علم ماما...بس مصطفي ابن جوز مصطفي حاول يتحرش بيا اكتر من مره...
ريان بصدمه-ايه استغفر الله العظيم ده ايه اليوم ده ياربي ...
ازاي الحيوان ده يعمل كده وانتو متربين زي اخوات المهم كملي ليه مقولتيش ليهم..
موده بعياط-اقولهم ايه بس انا كان في خطوبه بنت جمب البيت صحبتي استاذنت من ماما وروحت وانا راجعه شدني في المخزن جوه وحاول يتحرش بيا لما قولتله هطلع اقول لبابا قاسم قالي اطلعي وخدي بالك الخزانه كان فيها ربع مليون جينه انا صرفتهم شوفي بقي لما اقوله انك انتي اللي اخدتيهم هيعملي فيكي ايه انتي وامك..هتنفذي اللي هطلبه منك...مقدرتش والله قولتلو ماشي هنفذ اللي هتقول عليه بس سيبني اطلع دلوقتي ماما هتقلق عليا ومستحيل هقول حاجه بس متقربش لماما ...المهم طلعت كانت ماما نايمه لميت هدومي وهربت
رنا-الحيوان الحقير دانا لو شوفته هطبق فرقبته...اهدي ياروح قلبي
موده حطت ايدها فوشها وقعدت تعيط
ريان ابتسم وقرب بي الكرسي ليها-اهدي هنعيط كتير وبعدين ياستي انتي هتعيشي هنا معايا وفي حمايتي ومع صحبه عمرك فأحلي من كده ومصاريف كليتكم عليا لما تيجي بإذن الله واهو بدل بلوه هيبقي عندي بلوتين..متخافيش من اي حاجه وانسي الموضوع ده كله يا موده هقولك بي اسمك عشان هتبقي زيك زي رنا عندي.
موده مسحت عنيها وابتسم -ماشي اشطه
ريان -ههه اشطه بس بشرط
موده-ايه هو!؟
ريان بجديه-مفيش خروج من غير حجاب انتي قاعده اهو من غيره ومش راضي ازعلك كفايه العياط اللي نزل منك بس بعد كده في حجاب
موده-انت مقفل اوي
ريان-لا مش مقفل ولا حاجه بس هتتعلقي انتي واختي من شعركم ده واللهي يوم القيامه هيا تعبتني كده متتعبنيش زيها
موده-حاضر هسمع الكلام بس متزعقليش تاني
ريان ابتسم-هو انا زعقتلك اولاني ياموده...يلا هنزل شغلي واي حاجه عايزينها اتصلو عليا .
رنا-لا انا عايزه انام
موده-انا عايزه اكل
ريان-هههه ما قولنا من الاول يلا سلام عليكم ...فتح ريان الباب ونزل علي السلم وهو بيكلم نفسه...
ريان لنفسه-طيب لو سبتها هيقولو عني ايه في القريه ؟ بس اختي عايشه معانا بس مينفعش امشيها خلاص انا كلمتي واحده وبعدين ملهاش حد وانا وعدتها هتكون زي رنا ...
ريان بتنهيده-يلا ربنا يقدرني واحفظ عليهم
*****
عند حميده السايس
نيره -قعده مش علي بعضهااا
نيره لحميده-بابا هو قصي مش هيجي النهارده
حميده-وانتي عايزه قصي بيه ليه
نيره-لا مفيش كنت هساله علي حاجه
حميده-تساليه علي ايه يابنتي
نيره بدموع محبوس-هساله ادخل علمي ولا ادبي
حميده-لما نيجي في الدارسه هبقي اجي معاكي واساليه ياا نيره وبعدين انتي ادره يا بنتي بلاش تتقربي من الناس دول كتير احنا بنشتغل عندهم مش لينا كلام كتير معاهم عشان ميقطعوش عيشنا ياحبيبتي ماشي
نيره دموعها نزلت-ماشي يابيبي
حميده بخوف-مالك يابنتي في ايه؟
نيره بدموع-مفيش ياحبيبي اصلك بتتعب في الشغل اوي نفسي اشيل عنك
حميده ببتسأمه-شيلي عني يابنتي وانتي جايبلي شهادتك فإيدك وتقوليلي يابابا انا نجحت ساعتها تعبي مش هيكون راح في الفاضي
-----------
توقعاتكم ...وتفاعلتكم اكيد....