انا نفسي يكون عندي بيت بي إسمي ، بس ما اقعد فيهو انا و نفسي تكون عندي عربيه بس ما أسوقها انا و نفسي أكون متحرره من اي مسؤوليات ، عاين لي باستغراب قال لي امانيك كلها قروش ! و الحاجات المتمنياها عايزة تديها لي منو!! اذا ما حتقعدي في البيت ولا حتسوقي العربيه ، قلت ليهو مش قلت ليك ما حتقدر تعملها لي ! قال لي انتي جاوبي على سؤالي اول ، عاينتا ليهو جوه عيونو و قلت ليهو لأنو الدنيا ما بتسوا شي من غير القروش اي انا متمنيه حاجات ماديه بس ما لي لأهلي ، قال لي طيب عرفنا انك عايزة اهلك يترفعوا فوق و بالمناسبه دي حاجه جميله منك شديد ، طيب المسؤوليات الإنتي بتقصديها شنو اذا اعتبرنا انك لقيتي البيت و العربيه و امنتي لي اهلك اي شي عايزنوا ، قلت ليهو لمن اتزوج ما عايزه راجلي يحس بي انو اتزوج وحده ح تشتغل و تنضف و تطبخ ليهو و تخدمو لأني مستحييل اكون زوجه مثاليه ، قال لي يعني عايزة تتزوجي لكن راجلك ما يسألك من حقوقو صح ! قلت ليهو بالضبط كده .. قال لي و حتعيشي مرتاحه كده! قلت ليهو مافي زول بحب القيود , متخيل لمن الوحده تطلع و ترجع بمزاجها و مافي زول يتحكم فيها ماشه وين ولا جيتي من وين ! متخيل لمن اقوم ممن الصباح و احقق احلامي و شريكي يكون متفهم الحاجه دي ، ضحك و قال لي والله انتي عجيبه شديد و صريحه كمان ! البشوف وشك البريء ما بقول تفكيرك بعيد كده ، قلت ليهو انا بشبه سيدات الاعمال و متأكده اني ح اكون في يوم واحده منهم ، قال لي والله ان شاء الله زوله طموحها عالي كده ح تصل للدايراهو ، بالإضافه لي كده انتي جميلهه💜 و الجمال بخدم حاجات و رغبات كتييره ، قمتا ضحكتا و قلت ليهو انت فهمتا غلط انا ما النوع ال كده ، انا نفسي اصل للدايراهو بس ما بالجمال بالعقل و بس ، قال لي طيب و الحريه الكنتي بتقولي دايراها ! قلت ليهو ده ما بعني اني اكون متاحهه للجميع ! انا ح اكون لزول واحد و الزول ده ح يكون راجلي ، ما عشلن قلت نفسي اكون متحررة معناها ح اتنازل عن احترامي لنفسي ، قال لي العفو انا ماقصدتا شيء كعب بس ما فاهم متحرره دي بالضبط ! قلت ليهو ياخ ما ح تفهمني ما علينا ، انت ما حققت لي طلباتي و انا ما ح اعمل ليك الطلبات الأنا ما بعرفها ، ف عشان كده ح اقوم امشي ، لميت تلفوني و بقفل في الشنطه هو و كان بعاين لي ، قال لي اول مره شفتك فيها جاني احساس قوي انك متميزة ما بتشبهي بنات الزمن ده ، جاني احساس انك عفويه و بسيطه و بريئه ملامحك ما كانت جميله بس ! ملامحك كانت نقيييه شديييد ، اعجابي بيك الأول اتغير هسي بعد سمعتك بتتكلمي عن امنياتك ما ح اقول ليك امنيات سخيفه ، لكن شغفك البتتكلمي بيهو عنها ده غلط ! مافي زول بصل لمبتغاهو بالطريقه الأنا شايفها في عيونك دي ، كأنوا البتتكلم بت تانيه ما سندس ، ملامحك ما متقبله الكلام البتقوليهو ده خليني انا ، مالك ! انتي زعلانه من شنو ؟ ، كنت مقبله يساري و انا بقفل في الشنطه وبسمع فيهو و هو يميني مدياهو ضهري ، ما عارفه ليه بعد كنت قويه استسلمتا لي سؤالوا ده ، كان نفسي اقول ليهو صحبك السبب ، الكلام كان كتيييير جواي بس ما داير يطلع ، بكيت ، بكيت تاني لأول مره بعد وفاة ساجد ابكي عشان سبب تاني ، بكيت زعله على العملوا معاي رياض و لا زعله على الدبله الشفتها ! و لا اني بحبو و ماقادره اغش نفسي اكتر و اوهمها اني نسيتو , زين ما سألني نهائيا خلاني بكيييت و قام من جنبي دخل المكتب ، بعدها انا انشرحتا في البكا براي في مكاني ، كان بعاين لي من جوه المكتب ببكي ، خلاني بعد اتفشيت قدرتي و جا ما سألني عن السبب نهائيا ، كان حاسي بي مجروحه من حاجه و بحاول اظهر اني قوية ، بعد بكيت جا قال لي قومي اوصلك قمتا معاهو لأنو مافي مواصلات و الوقت إتأخر ، ركبنا العربيه و هو كل ما نقيف في استوب يعاين لي سرحانه في الشوارع و الزحمه ، سألني سندس انتي حبيتي! ما عارفه ليه سألني السؤال ده بس ردي ليهو كان لا ، سكت مني شويه و تاني سألني مقتنعه بالحب المن بعيد ! ضحكتا و قلت ليهو هو اذا من قريب و الناس متأزمين من بعيد ح يكون منو نفعه! قال لي و هو مبتسم ، انتي عارفه في وحده كانت مكانك و الوكاله مكتملهه لمن رياض اتصل و قال لي انتي محتاجه شغل مشيت البنت الكانت قاعده لوكاله تانيه ، و خليت مكانها فاضي ليك ، اتخلعتا😳 قلت ليهو و عملت كده ليه !؟ قال لي ما لأنك محتاجه شغل بس لأني كنت محتاج اشوفك كل يوم و اتصبح بي وشك ، قلت ليهو زين! قال لي ما تستغربي الشعور ده بادي من زمممن من اول مره شفتك فيها ، و من ايام البكا الكنت بجي هناك عشان اشوفك بس من بعيد .. ماعارف ليه اتعلقتا بي شوفتك تقريبا بقيت شايفك في حالاتك كلها ، فرح حزن ضحك صره زعله ، كل تعابيرك بقيت حافظها ، سكتا ما عرفتا ارد ليهو بشنو ، وصلنا البيت و انا ماكان عندي رغبه انزل كان بعاين لي منتظرني انزل و انا كنت بفكر اكلموا ! و لا اسكت ؟ ، ماقدرتا احكي ليهو عن رياض، و ماكان عندي رغبه انزل من العربيه و هو كان لسه بعاين لي عيوني و حواجبي و وشي ، قال لي انا حاسي بنفس احساسك الهسي قلت ليهو شنو😳 قال لي ماعايزك تنزلي ، ابتسمتا و قلت لبهو معليش سرحتا قال لي برضو ماتنزلي قلت ليهو زين ! و بدون اي سابق انذار مسك يدي ختاها في خدو اليمين و قال لي انا دايرك ، اتخلعتا من الموقف شديد و اتوترتا فتح باب العربيه بس و نزلتا سريييع وصلت البيت و انا قلبي بضرب من الخوف .. ماعارفه لي خفتا ! ما تبسطتا لمن سمعتو قال لي دايرك ! ولا لأني حاسه بيهو استعجل ! طيب قال انو معجب بي و من زمان مركز معاي؟ و طيب رياض ! لو عرف بي رياض ! كنت متوتره و مشوشه ماقدرتا استقر في مكان ، اتحومتا و خيطتا البيت ماشه جايه باكل في ضفوري و لسه ما قادره استقر 😭😭💔 يمكن دي فرصه جاتني! كان بإمكاني ارفض زين طوالي و انا متأكده من شعوري و اني ما عندي ليهو حاجه ، بس ماعارفه ليه اترددتا كتير ، لبستا توبي و بي ليلي داك مشيت لي امل قعدنا في السرير في الحوش حكيت ليها كلامنا الحصل كلو ، قالت لي سندس ليه ما طوالي وريتيهو؟ قلتا ليها في حاجه منعتني ، قالت لي عاجبك ؟ قلت ليها لالا انتي بتقولي في شنو كمان 😒 قالت لي طيب انتي متأكده من مشاعرك اتجاه رياض ، امشي هسي شيلي تلفونك و احكي ليهو الحاصل و هو ح يتفهم ويشيلك من راسو طوالي قلتا ليها انا ماعايزاهو يشيلني من راسو قالت لي سندس😳 قلت ليها امل انا ما عايزاهو يشيلني من راسو اي ، قالت لي سندس اوووعك تعملي البفكر فيهو انا ، عاينتا ليها و سكتا قامت من السرير وقفت قدامي صاره لي والله والله تكوني ناويه تلعبي بود الناس ده ما ارحمك و ما ح اخليك ، برضو عاينتا ليها وسكتا قالت لي سندس😡😡 انا بتكلم معاك مشاعر الناس مالعبه ، قلت ليها و مشاعري لعبه صح ؟ قالت لي ما تخلطي الامور قلتا ليها ما تكوركي وتنفعلي راسي براهو واجعني قالت لي بكورك ابعدي من زين عشان انتي عارفاني كووويس بمسك التلفون و بحكي ليهو اي شي ، مديت ليها تلفوني وانا صاره ليها قلتا ليها اتفضلي ! ، قالت لي سندس 😡 قلتا ليها امل مش انتي الكنتي بتقولي لي فكري في اهلك ، اهلك و بس ؟؟ قالت لي اي قلتا كده لكن ما بالطريقه الإإنتي ناويه عليها دي ! قلتا ليها انا هسي ما عندي اي مشااعر اتجاه رياض البمنع شنو اني اوافق بعريس زي زين ؟ قالت لي و لو نفس القصه اتعادت مع زين قلتا ليها ما ح تتعاد قالت لي ليه؟ قلت ليها لأنو انا ما متمسكه بي زين و انا اي زول بتمسك بيهو بضيع مني ، قالت لي خلي كلامك الفارغ ده و انسي الفكره وقفتا على حيلي وقلت ليها ما حانساها و انا عرفتا هسي ردي حيكون شنو لزين ، تصبحي على خير و مشيت بيتنا ، لقيت زين متصل لي اربعه مرات و مرسل مسجات اعتذار عن العملو في العربيه و انا بقرا فيهم هو اتصل تاني ، رديت عليهو الووو ، اول حاجه قالها لي المسجات دي كانت عشان تردي بس لكن صدقيني انا ما ندمان على العملتو و لو الموقف اتعاد ح اعمل الحركه دي مره و مرتين و الف ، انا دايرك ياسندس دايرك شديييد ، قلت ليهو زين انت عايز تصل لشنو ؟ قال لي ليك ، قلت ليهو بي ياتو فهم ؟ قال لي قصدك شنو ؟؟؟ قلت ليهو انا بفهم حاجه واااحده بس للريده ، البيت و بابو دايرني بتعرف ابوي و بيتنا ، قال لي سندس يعني من كلامك افهم انك موافقه علي ! قلت ليهو بتعرف ردي بكره , قفلت الخط و هو قفل الخط مبسوووط شديييد ، اتلاقينا الصباح في المكتب ما مشيت بملابس الشغل لابسه فستان اناناسي و جكت الجينز النص ، شبط بني بي سيور و فاكه شعري ميك اب رهييب ، انتظرتو في المكتب لحدي ما جا لقاني بره مافي دخل جوه و عطرو سبقو بالدخول لقاني قاعده في مكانو وخالفه رجلي و بلف بالكرسي لمن شفتو في الباب ابتسمت ليهو صباح الخير ، اول حاجه قالها ياحفيظ💜 عايز يدخل وهو بعاين فيني اتعتر قمتا ضحكتا فيهو قال لي تضحكي ! قلت ليهو لكن انت ماتعاين قدامك 😂 قال لي ياخ انتي لخمتيني ، ختيت يدي متمحنه و قات ليهو لو انا عايزة اطلع مع مديري برانا ممكن اخد اذن منو ؟ ابتسم ياخ💜 قال لي و لو مديرك وافق لكن بشرط الطلعه تكون ليوم كامل ، خجلتا و قلت ليهو انت مابتشبع من شوفتي! قال لي لا ، قلت ليهو طيب قوم ارح مسكتو من يدو قومتو لمن وقف كان بعاين لي بنظرات حنيه انا ما حصل شفتها في زول ، قال لي ارح ، ركبنا العربيه و سألتوا اها حنمشي وين ! قال لي الخضره و الماء و الوجه الحسن قلت ليهو شنو ؟؟ قال لي انتي الوجه الحسن و الخضره و الماء في توتي , قلت ليهو ايوااا طلعت ما هين والله يامديري قال لي ما تعايني لي كده ياخ رغم مشاغلاتي دي انا زول مسكين والله قلتا ليهو اي اي ظاااهر😂😂 .. وصلنا توتي. قعدنا في المعديه الكانت لافه في البحر فطرنا سمك ، كان بحكي لي عن ايام الجامعه و بعدها لمن اشتغل و حكى لي عن امو و ابوهو و اختو الوحيده ، كنت بسمع فيهو و ما قاطعتو .. ماعارفه كيف الوقت مرا سريع و رجعنا البيت ، جنب باب الشارع سألني قبل ما انزل الخميس الجاي كيف؟ قلت ليهو مافهمتك ؟ قال لي اهلك كلميهم و انا الخميس الجاي
بجيب اهلي يتعرفوا عليهم ، عاينتا ليهو مصدومه بالسرعه دي😳 قال لي مش انتي الكنتي بتقولي عايزه الامور تجتح القزاز و كورك لي قال لي بالله لسه في بفي برسميه ! قلت ليهو زين بس نات بخجحنا لسه ما بنعرف بعض شديد ؟ قال نلي التعارف البكون لوا ياعسل ياااعسل ، كنتا بضحك في جنو ده في بيت لامينا انا و انتي بكوم احلى صدقيني ، كل العايز اسمعو انتي موافقه بي ؟ ضحكتا و قلت ليهو تصبح على خير ، ونزلتا فتح قزاز العربيه و كورك لي قال لي هو لسه في بنات بخجلوا ؟ ياعسل ياااعسل ، قلت ليهو يا مجنون اسكت بتفضحني ، اقتنعت انو زين ده مجنون رسمي😂😂💔 من اليوم دااك اقتنعت انو زين ده مجنون لكن ظريف💜 رجعتا البيت لقيت امل منتظراني سلمت على امي و دخلتا ليها صاره وشها قلت ليها اها خير قولي؟ قالت لي شفتك معاهو , قلت ليها وصلني قالت لي سندس! قلت ليها التوصيل حرام كمان ؟ قالت لي سندس ! قلت ليها امل حبيبتي انتي عارفاني ماناقصه اي هم فوق راسي ، قالت لي مبسوطه كده؟ قلت ليها في وحده ما حتتبسط جنب واحد دايرها ! قالت لي بس انتي عارفه نفسك مادايراهو قلت ليها امل ده ما زمن انتي دايره فلان ولا بتموتي فيهو ده زمن الزول الجاهز و الدغري و زين كده شاريني ، بعدين هو زاتو قال لي ما منتظر منك حب هسي يعني زول ح يصبر علي لمن احبو ده بتعوض؟ قالت لي مابتعوض و انا ما عندي مشكله في ده كلوو ولا في زين ، مشكلتي انو صاحب رياض ، قلت ليها ويعني؟ وقمتا انفعلتا فيها كوركتا و رياض لمن جا يعرس اخد اذنك ؟ و لا عزمك لعرسو ؟ رياض قدر صحبتك ولا احترمها؟ قالت لي وحده ادت امو كف عايزاهو كيف يغفر ليك الحاجه دي دي امو يابت! قلت ليها ولمن امو تنبذ اهلي يبقى حلال ؟ قالت لي لا برضو ما بنكر انهم غلطوا قلت ليها دقيقه انتي واقفه كده معاهم ليه ؟ قالت لي انا ماواقفه مع زول بس انتي بتغلطي وانا ما دايراك تغلطي و تعرسي زين عشان بس فكرة تنتقمي منو و لا تثبتي ليهو حاجه ! ، قلت ليها منو القال ليك اني بفكر في رياض اساساً ! قالت لي هسي انتي منفعله مالك ؟ سندس انتي زعلانه من رياض لسه , قلت ليها ما تجيبي لي سيرة الزفت ده تاني😡 امي جات جاريه بتكوركوا مالكم ؟ امل في شنو بتتشاكلوا قالت ليها مافي حاجه ياخالتو انا ماشه البيت ، قلت ليها اطلعي يلا امي قالت لي سندس!! ، قلت ليها خليها تمشي تغور من وشي ، امي بقت بتعاين لينا الاتنين مستغربه اول مره تشوفنا بنتشاكل قدر ده ، قالت لي امل في شنو ! قالت ليها مافي شي ياخالتو مع السلامه و طلعت زعلانه بس قبل ما تصل باب الشارع انا قعدتا في سريري ابكي ، امل 💜 وقلبعا الحنييين شديييد ماقدرت تتمالك نفسها بكت و هي واقفه في نص الحوش و رجعت لي تاني في الغرفه لقتني قاعده ببكي مسكتني و حضنتتي و بكت ، امي ماقادره تفهم الحاصل شنو ! ديل مالهم ؟ طلعت و خلتنا برانا ، حضنتها شديد وقلت ليها ليه بتزيديها علي؟ قالت لي لأني برييدك قلت ليها و انتي عارفاني بريدك برضو صح ! قامت مسكتنني من اكاتفيني و قالت لي عارفه والله عارفه ، و انا معاك على الحلوه والمره العايزة تعمليهو اعمليهو و انا معاك ، قلت ليها انا بغلط ! قالت لي سندس حبيبتي عايزاك تفهمي حاجه وحده العرس ما لعبه و لا انتقام ولا قرار ممكن نتراجع عنو بعدين بسهوله ، وافقي بي زين و عرسيهو و كملي حياتك و ساعدي اهلك بس خليك خاته حاجه في راسك طول ما انتي مرت زين ، مافي حاجه اسمها رياض ولااا بالغلط قلت ليها خليك متطمنه اني شايله رياض من مخي نهائيا، قلت الكلام ده عشان اتطمن صحبتي امل لكن انا من جواي بتجاهل في مشاعري اتجاه رياض ، اسبوعنا مرا و انا بتونس مع زين بالتلفون ليل و نهار ، يوم التلات قال لي عايز افاتح رياض بالموضوع ، دي اللحظه الأنا كنت منتظراها بفارغ الصبر و يادوووب جاتني لحدي عندي ، قلت ليهو زين كلن تأجلها شويه قال لي لالا رياض ده اعز اصحابي و اخوي عديل ، قدر ما حاولتا انو يأخرها هو رفض ، يوم التلات اتلاقوا الاتنين بالليل في اميره ميلكو كلموا انو خلاص عايز يتزوج و يلحقوا طبعا رياض اتبسط شديد من الخبر و قال ليهو معناها كنت داسي مني و من زمان عندك وحده ، قال ليهو في الحقيقه هي من زمان بس انا يادوب فاتحتها و وافقت ، قال ليهو طيب ما حاسي انك استعجلتا؟ قال ليهو انا واثق من اني دايرها و متمسك بيها شديد ، رياض قال ليهو ربنا يتم ليك على خير يازول الزواج ما خطوه ساهلهه لازم الواحد يرتب ليهو افكاروا كويس و يكون متحضر ، قام ابتسم زين و قال ليهو والله يارياض انا بريدها شديييد و لو بي يدي الليله قبل بكره تكون مرتي. رياض قال ليهو زين ! والله ما اتعرفت عليك ولا العرس لخمني منك ياصاحبي ، دي منو دي الأخدت ليك عقلك وشغلت بالك قدر ده ، زين قال ليهو مفااجأة قال ليهو حركاتي دي ماتعملها لي قول قول ؟ قال ليهو كان نفسي افاجئك لمن تمشي معاي نطلب يدها يوم الخميس قال ليهو كمان محددين ! قال ليهو طبعا ياصحبي ، قال ليهو منو دي ! قال ليهو سندس ، رياض لمن سمع اسمي ما اداهو اي تعبير كان بعاين ليهو و زين بحكي ليهو عني و انو قدر شنو متعلق بي ، رياض كان بسمع فيهو و هو ما مديهو اي تعبير في الوش من الخلعه ، زين ما انتبه انو رياض متجمد الشعور اللحظه ديك ، بعد خلص من كلامو و قاموا قال ليهو كلم ياسمينه تمشي معانا هي بتعرفها , رياض قال ليهو ان شاء الله .. كان منتظر بتييين بتفارقوا و بالليل الساعه 11 مساء جاني تلفون ، التلفون الكنت منتظراهو من رياض احساسي بالعظمه اللحظه ديك ما بتوصف ، ردبت عليهو متكيييفه شديييد ..
يتبع