اتصلتا على الوكاله ردت علي بنت سألتها وكالة بيسان ! قالت لي ايوه اتفضلي ، قلتا ليها ممكن اكلم كابتن رياض! قالت لي عفوا ، هنا ممكن تطلبي تذاكر للسفر او فيزا ممكن اساعدك . قلت ليها طيب انا عايزه اعرف بس مكان الكابتن رياض ، قالت لي و هي بتتأفف يا انسه وكالتنا اسمها بيسان لحجوزات الطيران الكابتن رياض مافي هنا ممكن تتصلي عليهو في تلفونو الخاص اذا عايزاهو طيب ! و قفلت الخط في وشي طبعا شميتها شديد بعد نهيرهها ده ، ومافي غير الرقم ده في الكرت تاني اتصلتا وردت علي وحده تانيه قالت لي مرحب معاك وكالة بيسان قلت ليها معليش بسأل من كابتن رياض ممكن اقابلوا وين ! قالت لي والله ما عندي طريقه اوصلك بيها للكابتن يا استاذه كل البعرفوا انا من يوم اشتغلتا هنا انو هو بجينا مرات بس بمر على كل الوكالات التابعه ليهو لكن ما عندنا اتصال بيهو .. قلت ليها طيب تسلمي عندك زوق برضو احسن من الردت علي قبل شويه على فكره التعامل البدون اسلوب ده ما حبابو قالت لي العفو يا استاذه بنعتذر ليك اذا ضايقناك و ممكن تسألي بقيت الوكالات التابعه للكابتن قلت ليها ممكن توريني اساميهم قالت لي وكاله الزمرد و وكالة الياسمين و وكالة زهراء كلهم و وكالتنا كلنا تحت ادارة الكابتن رياض و مشرفنا سعيد ، قلت ليها طيب يعني ممكن القى رقمو عند الوكالات دي ! قالت لي والله ما عندي فكره بس ممكن تستفسري منهم معاي منو يا استاذه ! قلت ليها اسمي سندس وطيب شكرا ليك على حسن تعاملك و قفلتا منها .. قلت غايتو الناس بالجد بتحبو من تعاملهم بس حبيت البت دي لأنها ما اتلائمت زي الفقر القبليها دي😒 كريهه خلاص شميتها ، المهم فتحت الفيسبوك بتاعي و كتبت أول وكالة زمرد بقيت بفتش كل وكاله بكتبها وبدخل صفحتها بلقى البوستات كلها عن الرحالات و كده و الارقام الكتوبه في الصفحات هي نفس ارقام الكرت .. للحظه كده يئست وقلت انا ما ح الم في رياض تاني فتشت الوكالات كلها ما لقيت حاجه بتوصلني ليهو تعبتا من البحث و قفلتا و نمتا ، بعد ساعتين تلفوني اتصل رديت وانا مدروخه الوو! قالت لي سندس أنا براءه من وكالة بيسان اتصلتي علي قبل ساعتين كده .. بس قمتا اتنفضتا واتعدلتا قلت ليها ايوا ايواا عرفتك ، قالت لي لحسن الحظ الليله مرا علينا كابتن رياض كلمتو بيك قلت ليهو في وحده اسمها سندس اصرت توصل ليك بطريقه بصراحه هو ما اتذكرك بس قال لي اديك الرقم ده ممكن تكتبيهو قلت ليها طبعا طبعا مليني ليهو كم 090.. اها خلاص تمام شكرا ليك كتييير يابراءه على خدمتك لي قالت لي العفو ، طوالي قفلتا منها و كتبت الرقم في تلفوني واتصلتا المره الاولى ما ردا و المره التانيه في اخر رنا ردا علي الوو 😍 اححح من الصوت السمممح ياجماعه قلتا ليهو معاك سندي يا كابتن رياض قال لي اهلا ياسندس ! من طريقة كلامو عرفتا انو ما متذكرني ، قلتا ليهو اتصلت على وكالة بيسان كم مره عشان اصل ليك قال لي ايوا سندس قالوا لي ، قلت ليهو متذكرني! قام ضحك عرفتو لسه ما اتذكر قلتا ليهو انا سندس لاقيتك في جامعة السودان و المطار تتذكر ! وصلتني و اديتني العنوان بتاعكم ! قام قال لي ايوااا سندس سندس يادووب اتذكرتك معليش ماعندي وقت طالع رحله بعد ساعتين كده اتفضلي ! قلت ليهو طيب ما ازعجك معليش و قفلت الخط طوالي ، طبعا ما رجع لي حتى زعلتا لانو اختصرني اول ماردا عشان كده فصلتا فيهو طوالي .. لحدي ماخلص اليوم ما رجع لي بتلفون قلت اتصل بكون خلص الرحله لما بتصل بجيني مغلق حالياً ،، قمتا اتحاوم في الحوش ماشيه وجايه بلوم في روحي ياريتني ما فصلتا لمن لميت فيهو هسي تاني ما ح الم فيهو كلوو كلوو .. ماخليت دعوه مادعيت روحي بيها لمن فرشنا السراير في الحوش انا و امي وملاك طبعا امي وملاك بلصقوا سرايرهم و انا بعيده منهم شويه رقدتا في سريري وبعاين للنجوم ومتغطيه و بلفلف في شعري بي اصابعيني وسرحانه في النجوم تلفوني ضرب رفعتو لقيتو سامر 😒 الساعه كانت تسعه مساء كدهه استغربتا من اتصالوا رديت عليهو قال لي سندس كيفك قلتا ليهو تمام والله انت كيفك ! قال لي كويس الامور ماشه قلت ليهو عرفت انك نزلتا السوق مع ابوك ومسكتا الدكاكين بتاعتو يعني شغل طوالي قال لي نحنا كمان ما ناس حوامه ساي ، قلتا ليهو ربنا يوفقك والله قال لي الحمد لله طبعا منتظراهو يفتح الموضوع الاتصل عشانو قال لي اشتقت ليك ، ماعرفتا ارد بشنو ليهو قلت ليهو تمام قال لي سندس انا بقول ليك اشتقت ليييييك ، اتحرجتا شدييد لأني مادايراهو وعارفه نفسي ماعرفتا اجاوبو بشنو هسي! قال لي مالك ساكتهه ! قلت ليهو ماعارفه والله ارد ليك بشنو قال لي سندس انا دايرك انتي عارفه انا بريييدك كيف 💜 هنا اتوترتا والله وماعرفتا ح اعمل شنو قلت ليهو دقيقه بس ياسامر برجع ليك ابوي دخل لي مكالمه دقيقه بس .. قفلتا منو قمتا قعدتا في نص السرير بفكر هسي انا اعمل ليهو شنو ده .. امي اتقلبت لقتني صاحيه قالت لي سندس مالك ما نمتي ! قلتا ليها مانعسانه نوموا انتي وملاك .. تلفوني تاني ضرب قلتا يا الله ده سامر تااني بس رفعتو لقيت رقم غريب .. قعدتا اعاين فيهو ماعرفتا ارد ولا اعمل شنو ! اتوكلتا ورديت فتحت الخط اول اسمع الصوت لقيتو الصوت الرجولي😍 الووو سندس! قمتا من سريري انطط .. امي بتعاين لي مخلوعه من سريرها 😳 اشرت ليها بيدي يعني اسكتي اسكتي ، قمتا شلت تلفوني ومشيت اخر ركن في الحوش مع الهواء البارد ده قعدت في البنبر وقلت ليهو اهلين قال لي سندس قلت ليهو معاك ايوه قال لي انتي فصلتي قبيل ؟ قلت ليهو ايوه معليش حسيت اني ازعجتك قمتا قفلتا لانك كنت طالع رحله و حمد لله على السلامه قال لي الله يسلمك ، كنتي عايزة تقولي لي حاجه ! قلت ليهو ايوة انا اتخرجتا لي سته شهور و بصراحه قدمت ورقي لي كم مكان عشان الخدمه الوطنيه ومالقيت طريقه كنت محتاجه لمساعدتك ياكابتن ممكن تساعدني ! قال لي بس انا ما عندي خدمات وطنيه في الوكالات لأنها قطاع خاص .. قلت ليهو ايوااا طيب مامشكله أسفه على الازعاج قال لي سندس ما تقفلي زي قبيل المره دي ممكن اتضايق من حركتك قلت ليهو طيب سامعاك قال لي ممكن اشغلك في الوكاله شغل ! قلت ليهو بس انا مابفهم في شغل الوكالات قام ضحك و قال لي مش قرايتك علوم حاسوب! قلت ليهو ايوه قال لي انتي ممكن تشتغلي في كل مكان في العالم .. شغل الوكالات ح تعلمك ليهو المشرفه ميعاد ح ارسل ليك رقمها بكره ممكن تمشي الوكاله بتاعت بيسان ح تشرح ليك كل حاجه وانا ح اوصيها عليك قبل ماتمشي عشان ما تعمل ليك معاينه قلت ليهو طيب تمام شكرا 😍 قال لي عفوا ح ارسل ليك رقمها عشلن تتصلي بيها بكره .. قلت ليهو حااضر وقفلنا من بعض جريت صحيت امي من النوم قلت ليها ماما اصحي اصحي 💜انا لقيت شغل يا امي اتخيلي لقيت شغل طوالي😍 قالت لي والله مبرووك طيب طبعا هي نعسااانه مشتني ساي ورقدت نامت .. اليوم داك انا ماقدرتا اغمض من فرحة الشغل دخلتا النت و بقيت بقرا عن طريقة شغل الوكالات عشان بكره ما اكون زي الاطرش في الزفه و البنات الباين عليهم لئيمات ديل ما يحسوا بي اني اقل منهم قريت في الانترنت انو المظهر اهم حاجه في شغل الوكالات و العلاقات الكتيره برضو ،
الصباح جا💜 وانا مليااانه حماس قمتا من النوم بعد شربتا الشاي جريت لي امل بت جيرانا البيت بعد سلمتا عايهم كلهم ودخلنا غرفة امل قلت ليها امل الحححقي😍 انا ماشه اعمل معاينه وفي وكاله قالت لي وكالة وين يابت المحظوظه💜قلت ليها وكاله بيسان المهم ما تأخريني و اديني لبسه ظااابطه قالت لي تعالي طيب دخلنا الغرفه طلعت لي فستان اسود كده رهييب و طرحه بالليموني فيها ورود كبيييره كده 😍 و شبط اسود فيهو خطين بي الليموني ، اللبسه كانت وااو جدا جدا 💜 و امل ماشكلها لبستها كتير ، اتظبطتا و هي عملت لي ايلاينر وميكب من حقها امل صحبتي 💔😿 و طلعت من بيتهم بعد سلفتني قروش اتواصل بيها ، غشيت المكتبه عشان اطبع نسخه من السيفي بتاعي للوكاله و ركبتا المواصلات لحدي ماوصلتا موقع الوكاله في العمارات دخلت الوكاله بسم الله ماشاء الله اي بت تطق التانيه من السماحه والجيهه والنضافه بنات زي الورد تقولي جايبنهم من الكوفير هسي كلللهم ومنزلنهم ، اليونيفورم بتاعهم موحد وكلهم لابسين بناطلين وفاكيين الشعر ياخ الضفور دي ما مقصرين منها ، شكلهم كلهم بنات عز وانا الجيت غلط وسطهم💔😿 اول ما دخلت لقيتهم بعاينوا لي و في وحده قاعده بعيد شكلها مشرفتهم واي وحده عندها جهاز كومبيتر جنبها .. القاعده براها قالت لي من بعيد اهلا انا السوبرفايزر اتفضلي ! قلت ليها انا جايه من طرف الكابتن رياض! قالت لي اسمك منو ؟ قلت ليها سندس ، اتذكرت الرقم الاداني ليهو قمتا اتصلتا فيهو طلع التلفون عند واحده فيهم كانت بتاكل في لبانتها وبتعاين لي بفلهمه كده ، غايتو شكلهم لئيماات ومفتريااات قالت لي ايواا الكابتن كلمني اتفضلي .. قالتها لي من غير نفس جيت قعدتا في الكرسي مقابله ليها قالت لي انا ميعاد قلت ليها ايواا ميعاد معليش مفروض اتصل ليك من الصباح قبل ما اصل قالت لي ما مشكله اساسا مافي وقت لي ده كلو .. ح اشرح ليك السغل كيف ،، من ردها عرفتها ما تندها اخلاق اساسا ابتسامه ما ابتسمتها لي بالغلط ولا البنات ديل بعملوا كده وبتغاتتوا في الشغل عشان يطفشوا الزول! عموما انا جايه استغل واي وحده حتحاول تتسبب لي في حاجه ح ادوسها برجلي ديل لسه ما عارفين سندس ! ، ولا اشتغلت بفلهمتها و خلفت رجل فوق رجل وعاينتا ليها براس مرفوووع و كأني بت عز أكتر منهم 😂😂 عيوني جوه عيونها قالت لي .. الشغل عندنا هنا على حسب خبرتك وعلاقاتك كل ماتدخلي تذاكر وحجوزات عندك نسبه في القيمه و الراتب ثابت مليون جنيه في الشهر اما الربح البجيك من كل تذكره ده خارج عن الراتب الشهري تمام ! قلت ليها تمام قالت لي الكومبيوتر فيهو البيانات بتاعت الخطوط المحدده ليك و عروض شعر العسل قيمتك بتتقسم بالنص مع الوكاله لانها اكتر العروض بتدخل قروش قلت ليها تمام طيب قالت لي وين السيفي بتاعك ! طلعتو ليها من شنطتي قالت لي اديهو للسوبرفايزر هناك قلت ليها تمام لمن قمتا البنات كلهم بعاينو لي من فوق لتحت بتفحصوا فيني ، قالت لي طيب امشي مع براءه ح توديك للغرفه تديك اليونيفورم بتاعنا من بكره ح تداومؤ معانا حنكون جهزنا مكانك والكومبيوتر بتاعك ، قلت ليها مافي معاينه ؟قالت لي انتي جايانا من طرف الكابتن شخصيا قلت ليها طيب تمام تسلمي .. مشيت مع براءه سلمت علي بوش بشوش واساسا عرفتها لأنها من اول مره اتكلمت اتكلمت معاي بتهذيب .. دخلنا جوه و ادتني اللبسه و قالت لي اعمليها على مقاسك كانت عباره عن قميص جوه ابيض و جكت كبدي شكله بدله بنوتيه كده و بنطلون جينز .. قلت ليها طيب اذا ما بلبس بنطلون ! قالت لي اسكيرت جينز نفس الدرجه تشتريهو قلت ليها طيب تمام .. شلت اليونيفورم وطلعت منهم ركبتا للبيت في الطريق اتصل لي رياض ،بفرح شديد وبجيني احساس كده لمن اشوفو متصل💜 قال لي سندس مشيتي! قلت ليهو ايوا وهسي راجعه شكرا ليك كتير .. قال لي لا ياخ على شنو الناس لبعضها المهم لو احتجتي اي حاجه وريني طوالي قلتا ليهو طيب تمام 💜 قفل مني كان جنبو صاحبو اسمو زين وبشربو في قهوه سوا قال ليهو والله يازين لو شفتا البت دي جميييلهه كيف ماشاء الله ملامحها ما بتروح من بالك كلو كلو لمن تشوفها زين قال ليهو شنو ياصحبي شكلك وقعتا ولا كيف ! قال ليهو لالا الموضوع ماكده ما بعرفها بس شفتها مرتين لكن جمييله جدا جدا ياخ💜 قال ليهو سمحه يعني زي المزز اللاميهم مننا في وكالاتك اصلك مابتشغل الا السمحات النجفاات قال ليهو لأنو شغل الوكالات بالذات بعتمد على المظهر الحسن هسي انت يازين لو مشيت تقطع ساي بتعزل السمحه فيهم و تسألها من الحجز ولا لا! .. زين قال ليهو وعااد دي دايره سؤال وضحك 😂😂 قال ليهو طيب مالك اها شفتا سندس دي انا متفائل بيها لأنو ملامحها جميييله جدا ياخ 😍 زين قال ليهو بتشبه منو طيب من بنات الوكاله ؟ قال ليهو ياخ مابتشبه زول 💜 رياض شال فنجان الجبنه بتاعو و رجع للكرسي ورا وهو بشرب بقول ليهو سمراء جميييله💜 جمالها بسحر الواحد ياخ ..
يتبع
و كده ح نخش في الجد جد 💜 و القصه السمحه قصة السمراء💜😍
