لقيتو متكل في المكتب سرحاان في ورقه و بلف في لحيتو بيدو ،دقيت الباب ما انتبه بقيت واقفه مبتسمه بعاين ليهو لمن انتبه لي ضحك قال لي اوو سندس الساعه تسعه صح 😂👏 قلت ليهو و الله نوييت اطلع بدري بس النومه شالتني وحاات الله 😂😂 قال لي طيب ادخلي و اقفلي الباب وراك دخلتا و قعدتا في الكرسي قال لي كيفك ! قلتا ليهو كويسه ، كان بعاين لي مبسوط كدهه💜 بس ظاهر من عيونو مرهق او مساهر قلتا ليهو خير انت عيان ولا حاجه ! قال لي لالا مصدع بس ، قلتا ليهو سلامتك ما تشوف شر ، قال لي الله يسلمك .. اها انتي كيفك ! ضحكتا 😂 قلتا ليهو كويسه الحمد لله قال لي بتتخجلي كده مالك ! قلتا ليهو مافي شي عشان قبل شويه سألتني بس😂😂 قال لي سندس انتي عمرك كم ! قلتا ليهو 22 سنه قال لي صغيروونه لسه قلت ليهو لا والله ماصغيره ولا حاجه ، قال لي انتي عارفه عمري كم! طبعا نططتا عيوني قلتا ليهو كم😳 قال لي 39 سنه وقفتا على حيلي مصدومه قلتا ليهو مستحييل ما بصدق 😳 مستحيييل, بقى بضحك قال لي اقعدي اقعدي طيب مالك اتخلعتي كده ؟ قلتا ليهو لأنك شاااب و ظاااهر فيك قال لي عمري 29 سنه يابت اقعدي ، قلت ليهو خلعتني والله ، قال لي شكيتي معناها صدقتي ، قلت ليهو لا طبعا ما صدقتك انت صغير و ظااهر فيك ابتسم وكان بدعك في جيبنو قال لي كويس طيب ، سألتو تاني قلت ليهو انت تعبان شديد ! قال لي لالا كل مره بجيني كده بس قلت ليهو اعمل ليك القهوه طيب قال لي لالا كنت بهظر معاك يابت امشي شوفي شغلك بس ، قلت ليهو مافيها حاجه لو عملتها ليك انت تعبان ! عاين لي بس و سكت قمتا على حيلي ، شلتا السخان و مليت مويه من الكولر كبيتها ختيت بن في الكبايه و سكر و انا منتظره السخان هو كان بعاين لي شديييد كنت عارفه انو بعاين لي خجلتا ما قدرتا اتلفت و اعاين جوه عيونو لمن كبيت المويه و حركت البن مع السكر و بصوط فيهو قال لي سندس اتلفتا قايلااهو في مكان الكرسي و هو اتاريهو جا وقف جنب الكولر جنبي لمن اتلفت تاني لقيتو في وشي قلت ليهو بسم الله الرحمن الرحيم ، قعد يضحك قال لي مالك يابت ! قلت ليهو مش كنتا وراي بتين اتحركتا و جيت بييميني! قال لي انتي الما منتبهه خلعتك ! قلتا ليهو اي خلعتني 😂😂 قرب مني لأول مره احس الإحساس الما مفهوم ده 💜 امان و احتواء بمجرد ما هو وقف جنبي بس! عطرو كان مالي المكتب بس لمن قرب شويه و وقف جنبي استنشقتا العطر اكتر 💕 كأني مشيت لعالم تاااني خالص ، قال لي وهو بشيل الملعقه من يدي مافي زول بكب البن جو الكبايه كده انتي ما بتعرفي تعملي قهوه 😂 انا ح اعلمك ليها ،هو كان بتكلم و بعاين في الكبايه و السخان و انا بعاين ليهو و لي عيونو و لي لحيتو 💜 للحظه حسيت اني اتعديت حدودي قلت استغفر الله بصوت قال لي مالك ! 😳 قلتا ليهو لالا ما معاك اتذكرتا حاجه بس ، قال لي بقيتي تسرحي كتير مالك ! من الصباح ؟ قلتا ليهو مافي شي، قال لي طيب كبا القهوه العملتها في حوض اليدين جوه و غسل الكبايه و سخن المويه انا منت واقفه و بتبسم زي العويره😂😂 قال لي اول حاجه بتكبي البن في السخان بعد المويه تغلي شويه شايفه! قلت ليهو ايوه قال لي بتصفيها و تكبي سكر بسيط ، قلت ليهو السخان ما ح يخسر لكن ؟ قال لي لالا ما ح يخسر .. رجعنا قعدنا المره دي ماقعد في كرسي المكتب قعد في الكرسي المواجهني طوالي وختا قهوتو في التربيزة و بقى بشرب شويه و هو بقول يا الله ، كنت مستمتعه و انا بعاين ليهو تمنيت انو لحظه المكتب ما تخلص لحدي ما اموت بس😂😂 الزول ده قادر يخدر احاسيسي كلها 😍 عاين لي براقب فيهو ضحك و قال لي بدل تراقبيني امشي اعمل قهوه ليك قلت ليهو انا مابشرب قهوه بالطريقه دي !، قال لي بتشربيها كيف! قلت ليهو عند خالتو ست الشاي لازم اقعد و اشم ريحة البن البتقليهو و تدقو و تعملها لي و مرات انا بقليها معاها و لا بدقو انا ، قال لي يعني كيييفه ! قلت ليهو ايووه بالضبط كده قهوه زي دي بتاعت كهرباء ما بتدخل راسي ، قام ضحك قال لي و الله انتو الجامعات دي علمتكم قلت ليهو انت بتشربها كده بس؟ قال لي ايوه ولا في كافي ولا فنجان معمول ما حصل جربتا حاجه زي دي و اساسا ما بلقى وقت لي اني احضر قهوه بتتعمل بالطريقه دي , قلتا ليهو والله نص عمرك ضايع ، قال لي 😂😂 سندس شااايف انك بتتونسي وماشايفه شغلك بعدين بخصم منك ما يفوتك ، طوالي قمتا اتنفضتا قلتا ليهو الا الخصم مابقدر عليهو ، خلاص ح اقوم قال لي طيب اتفضلي يا استاذه ، طلعتا بره واصلتا شغلي يوم كان مابتنسي لأنو القعده مع رياض بتحسس الزول انو عايش لسه و ضحكة رياض و ابتسامتو بتدي الزول دفعة معنويات كده لكن😍 اما غضب رياض شفتو مره واحده و اريتو ما يتعاد تاني 💔😭 .. شغاله بسعر و بنزل في عروض في القروبات هو جا طالع خلاص من المكتب قال لينا السلام عليكم ✋ كلهم ردوا ليهو وحتى انا .. طلع بره دور عربيتو ومشى كنت بعاين ليهو لحدي ما طلع هو كان مصدع 💔😭 اتمنيت اكون انا ولا عيونو السمحه دييك ، عدى علي يومين مدروشه في الشغل و رياض مدروش في الشغل ما اتلاقينا تاني .. يوم الخميس الناس كلهم بطلعوا بدري عشان يستمتعوا بي وقتهم كل البنات كانوا مخططين نطلع فيلم ل عفراء الساعه اربعه و بخلص سته بس انا رفضتا امشي لأنو ما كان عندي مزاج للطلوع ، و انا طالعه جنب باب الوكاله اتصل علي سامر سلم علي و قال لي انا عايز الاقيك رغم اني عارفاهو عايز يقول شنو و بتهرب منو بس اصر علي يلاقيني ، لمن زهجني بطلبوا الكتير مني قلت ليهو طيب بلاقيك لكن اقل من ساعه ح ارجع البيت قال لي طيب قلتا ليهو وين قال لي بجي اسوقك من الوكاله بقيت منتظراهو براي جنب باب الوكاله لأنها قفلت خلاص ، رياض كان جاي الوكاله في نفس الوقت وصلت عربية سامر نزل سلم علي و ركبتا معاهو قدام رياض كان شايف منظرنا ده من ورا و انتظرنا دورنا دور ورانا لحقنا ، وصلنا انا و سامر كافي قعدنا فيهو كان كافي متواضع جدا على شارع النيل طلب ليهو شاي و انا قلت ليهو ما دايره شي بس اصر يطلب لي عصير اناناس قلت ليهو اها ياسامر! قال لي سندس انتي عارفه اني دايرك من ايام الجامعه قلت ليهو سامر نحنا قدر بعض ! عمرنا واحد قال لي المشكله وين ؟ انا جاهز للعرس قلتا ليهو ماقصة جاهز ولا لا بس نحنا ما ح نتفق لأننا نفس الفهم ، قال لي انا بريدك ياسندس ، قمتا سكتا .. رياض كان واقف بي عربيتو بره ورا عربية سامر و منتظرنا نطلع ، قلتا ليهو سامر انا ما بفكر في العرس هسي لسه وراي التزامات قال لي اي بت بتحلم تتزوج في العمر ده ، قلتا ليهو الا انا لأني وراي حاجات كتيييره مفروض اعملها سامر أنا ما مستعده لعرس ولا اي حاجه الفتره دي ، بعدين انا ما حاسه اني عندي مشاعر اتجاهك ياسامر بصراحه ، قال لي يعني مادايراني ! قلتا ليهو ماقصة كده قال لي سندس خلاص بس ما تبرري اكتر من كده انا فهمتك عايزة تقولي شنو و ختا القروش للمحل و طلع خلاني ، بقيت بتلفت في زول شافني في الكافي! بعدها شلتا شنطتي و بهدووء جيت طالعه بره بس اول ما اتلفتا شمالي اشوف منو 😳 رياض بعاين لي من جوه العربيه 😳 مشيت عليهو طوالي فتح لي القزاز بتاع العربيه قلت ليهو بي ابتسامه مساء الخير صدفه والله، و هو بصره قال لي اركبي ، ركبتا قدام معاهو و دور عربيتو لشارع النيل القدااام وقف فيهو نحنا جوه العربيه سألني سندس حايمه بلبس الوكاله ليه! قلت ايهو ممنوع؟ قال لي شكلك ما متذكره برضو ، قلت ليهو اسفه ما كنت عارفه انو ممنوع ، لمن قلب لي خلقتو طوالي اتذكرتا لمن كورك فيني لحظة طردني من الوكاله ، ارتبكتا للحظه قلتا ليهو ما كنتا عارفه انو ممنوع انت اتضايقتا عشان كده ، برضو هو ما عايز يرد عليّ رفع حاجبو و قبل عاي قال لي ده منو ؟ قلتا ليهو نعم ! قال لي الكان معاك و ساقك من الوكاله قلت ليهو زميلي في الجامعه ، بس انت متضايق ليه ؟ عشان لبس الوكاله الطلعتا بيهو ولا عشان طلعتا مع زميلي بعدين كل البنات الليله طلعوا عشان الخميس و بلبس الوكاله الرسمي ، قال لي هو ما ممنوع الطلوع بالزي قلت ليهو طيب؟ قال لي اسف مشوش بس ما كان مفروض احاسبك انا كنت جاي صدفه وشفتك انتي وزميلك ، اللحظه ديك عايزة اضحك فيهو بس قلتا ليهو طيب اتضايقتا ليه ؟ لمن عاين لي لقاني مبتسمه ضحك قال لي انتي اكبر مستهبله 💜 قلتا ليهو و انا بضحك فيهو والله ما مستهبله .. كل ما كان يعاين لي بضحك في وشو لحدي ما ضحك و فرد بسمتو💋 قلت ليهو بما اننا جينا هنا مكان البن ارح اوريك القهوه بتتشرب كيف, قال لي وين يابت😳 قلتا ليهو ارح لمره واحده اشربها ك رياض و خلي الكابتن والتكلفات و التحفظات دي بعيد .. عاين لي وقال لي لو ما خربتيني ما ح ترتاحي ، قلت ليهو عشان كمان ما اجيب ليك كلام ، قمتا طلعتا جكت البدله الكبدي بقيت بقميصي الأبيض و بنطلون الجينز ختيت القميص في العربيه ورا و فكيت شعري الكنت عاملاهو كعكه و قلت ليهو كده طالعين كرياض و سندس بس نزلنا من العربيه سوا وهو بضحك فيني بقول لي والله مجنونه عديييل انتي يا بت 😂😂💔 لحدي ما لقيناا تحت جنب البحر خالتو قاعده بعيد بي بنابرها مشيت جريت عليها كان موقعها ظااابط و الهواء البارد مع البحر 😍 رياض قعد في البنبر و انا قلت لي خالتو عايزين قهوه بس ممكن اعملها انا ! قالت لي في تلاته شباب هناك طلبوها قبليك ، قمتا اتلفتا عليهم قلت ليهم عندكم مانع اقلي البن اول ! طبعا اتكيفوا كيف مني قالوا لي طبعا ماعندنا مانع طواالي نحنا ما مستعجلين ، قلت لي خالتو طيب قومي ارتاحي انا بعملها ، شلت البن غسلتو و المنقد كان مولع بقيت بقلي فيهو في القلايه براحه براحه ورياض من غير ما انتبه كان بصور فيني بالتلفون 😍 💕 خالتو اتبسطت مني شديد لأني كنت بقلي البن بطرييقه 😍 ده غير الزباين الجبتهم ليها ناس كتار غيرو مكان قهوتهم وجو قعدوا مكانها و انا كنت بقلي فيهو💕😍 رياض ماشال عيونو مني ولا لحظه خالتو كانت بتعاين ليهو ، قالت ليهو دي خطيبتك ! ولا مرتك! قمتا عاينتا ليهو وعاين لي وابتسمنا ، دي المره التانيه يتقال عننا عرسان مكتوبين لبعض .. قال ليها خطيبتي و سكت انا سكتا بعد قال كده وبس بقيت بتبسم ، لحدي ما قليت البن و جبت الفندق دفيتو و ختيت المويه تغلي بعد غلت نزلت الكنكه من النار و كبيت ملعقتين بن و بعدها سكر حته و جمرة نار من فوقها سكر ، الدخان كان طالع من الكنكه و الولاد ديل قالوا الله 😍💕 رياض كان موثق المشهد كلو بصور في تلفونو ، شلت القهوه كبيت للاولاد والناس في كبابي اما انا و رياض كبيت لينا في جبنه و ختيت فنجانين نجوم💕 و سكر و ملعقه و ختيتهم في التربيزة بتاعت البلاستيك حقت خالتو ، حتى هي قالت لي كبي لي منها في كبايه ، رياض بس كان بضحك و مستغرب من الجو ده 💕 لمن قعدتا جنبو في البمبر و انا بكب ليهو في القهوه هو بقول لي في شعره في رموشك دقيقه ، شالها جراها و ابتسم لي💜 من اليوم داك حسينا انتا اتنين اتخلقنا لبعض بس و قصتنا بالصدفهه ابتدت ،...
يتبع
