راكبه المواصلات الطريق كلو بفكر أفضح بت عمتي سجى كيف ! الم الناس و افضحها قدامهم إنها بتخون راجلها' ولا أصورهم و أنشر الفيديو في الفيسبوك ! ولا اعمل شنو بالضبط ، غايتو لحدي ما وصلتا لي ناس امي لقيتهم لابسين و منتظريني اصل عشان نمشي لي مرة ابوي رشيده قلت ليهت ابوي قاعد قالت لي اي مع مرتو هناك ، طبعا الموضوع حاارقني شدييد كيفن امي تمشي 😭 و لضرتها كمان في بيتها ، غايتو مشيت وانا زعلانه و غضبانه و ما راضيه ابداً لحدي ماوصلنا وفتحت لينا مرت ابوي سلمنا ودخلنا لقينا ابوي قاعد في الصالون يشرب في الشاي مع سيد المصنع الشغال عندو و مرتو دي تتفحص في امي من فوق لتحت سلمنا عليهم ودخلنا البرنده طبعا هو مأجر ليها بيت اسمح من بيتنا ومعيش اولادها ديل كأننا نحنا ما بناتو مكن عشان كده انا مابحبهم اي كبيره على الغيره بس لأنو دايما ابوي مفضلهم علينا انا و ملاك ما بنريدهم .. قعدنا في البرنده و طلعتا طرحتي فكيت شعري يتهوا من الصباح في الجامعه بالطرحه جا ولد المره الكبير اصغر من ملاك بسنتين و ولدها الصغير هو المريض في سنه رابعه اساس كده عمرو تسعه سنين ، طبعا لاني ما بطيقها ولا بطيق حركاتها سالتها وين ساجد ؟ قالت لي جوه في الغرفه راقد قلت لي ملاك ارح نسلم عليهو ، مشينا دخلنا جوه لقيناهو ممد راقد في السرير حالتو كانت تحنن بالجد ولونو بنفسجي عديييل 😭 أول مره احس بالحنيه إتجاههم جات هي داخله ومعاها امي و ولدها الكبير سامي سألتها وانا بعاين لي ساجد قلت ليها ليه لونو كده؟ قالت لي يعني ماعارفه انو اخوك عندو ثقب في القلب ومفروض نعمل ليهو عمليه ، قلت ليها ثقب 😱 ما قايلاهو مريض بي حاجه خطيره كده قايلاهو مرض عادي ، قالت لي العمليه مفروض تتعمل ليهو واحنا لينا سته شهور بنلملم ماعارفه نجمعها من وين ، قلت لي امي انتي كنتي عارفاهو ! قالت لي اي كم مره بحاول كنت اوريك مرضو شنو بس ما كنتي فاضيه كم مره بجي مع ملاك عشان نشوفو ، طبعا ما عارفه اللحظه ديك نزلت علي ملائكة الرحمه ولا شنو ، نسيت عمايل مرت ابوي معانا ومشاكلها وفضايحنا في الحله و هجران ابوي لي امي بسببها و كل الحاجات دي نسيتها بس قعدتا ابكي 😭 بكيت لما شفتا ساجد اخوي راقد ونايم كده وهو مريض قدر ده وانا كنت مستخسره الجيه ليهو ، كان عادي ممكن يموت واكون ماشفتو بسبب قلبي الاسود المليان حقد اتجاه المره دي ، قلتا في نفسي انهم ماعندهم ذنب و في الاخر هم اطفال اتولدو ولقوا امهم مره ابو تانيه و هم اخوانا ، قلت احتمال ريدة ابوي ليهم عشان هو مريض ماعايز يحرموا من حاجه 😭 عشان هو ممكن يموت في اي لحظه 😭 كنت ح اندم لو كان هو مات وانا ماشفتو بسبب غروري ، بقيت ببكي بس زعل من حاجات كتيره كاتماها جواي ، امو لمن شافتني ببكي هي زاتها بكت وامي بكت برضو .. عارفه امي حنينه قدر شنو و يمكن انا برغم القسوه البظهرها من جواي حنييينه شديد وقلبي رهييف😭 الغريبه اني ما بجيهم ولا بزورهم لكن سامي و ساجد بحبوا اني اجيهم في البيت و احسسهم اني اختهم زي مرادي و ملاك ، عشان كده الفرحه كانت ظاهره في عيون سامي لمن دخلت البيت ، حالتي ما بتونس معاهم كتير الا انهم بحبوني لسه ! امو قعدت تبكي كده لمن هو صحى قامت جاريه برا عشان ما يشوفها و امي قشقشت دموعها وقعدت في السرير مع ملاك مقابله لينا ، لما هو صحى من نومو لسه ما مستوعب لقاني جنبو في السرير سألني سندس انتي جيتي ! طبعا العبره واقفه في حلقي الوقت داك و بحاول امسك نفسي بالعافيه قلت ليهو ايوه جيت من قبيل وانت نايم طبعا هو ألجن بنطق السين ثين بقول سندس بطريقه حلووة شديد 😭 قال لي الثلام عليكم قلت ليهو وعليكم الثلام ياخ ..مشتاقين لكن يا ثاجد قال لي ما تحاكيني ياخ قلت ليهو طيب حاضر انت كيفك ؟ قال لي كويس انتي بايته معانا ! قلت ليهو لا ليه؟ قال لي عشان جيتينا بالليل قلت ليهو وانت مبسوط عشان انا جيتكم ؟ قال لي اي و هو مبتسم ، ماقدرتا اوقف دموعي اللحظه ديك وبكيت طوالي امي قالت لي سندس بعيونها يعني اسكتي ما تبكي قدامو قلتا ليها ماقادره ياخ ماقادره ، عشان هي ما تبكي طلعت طوالي بره مع ملاك و سامي جا قعد في السرير بعاين لي ، ساجد قال لي انتي عيانه ؟ قلت ليهو لالا 😭 قال لي بتبكي ليه طيب! قلت ليهو عشان زعلانه ، بكل روح بريئه الولد مسح دموعي و حضن راسي لحضنو الصغير 😭💔 فكا لي شعري لأنو عاجبو طولو بقى بمرر لي يدو لي اخر شعري وتاني يرجعها للبدايه ويكرر الحركه تاني😭💔 حضنو الصغير ده كان فيهو كمية أمان بتكفي الدنيا كلها ياخ .. قال لي زعلانه من منو قلت ليهو من الجامعه عشلن عندي امتحانات وماقريت قال لي طيب و باسني في راسي😭 قمتا على حيلي وحضنتو شديييد قلت ليهو انت تعبان ؟ قال لي لالا انا كوييث امي قالت لي بعد العمليه تاني ما مابنمشي المستشفى للأكسجين عشان مايركبو لي تاني عشان تاني ما تقول لي ياساجد ادخل جوه ماتلعب مع اولاد الحله عشان نفسك مايقوم ، قلت ليهو انت نفسك تلعب معاهم ؟ قال لي
اي كل ما اكون عايز اجري امي بتدخلني جوه تقول لي ما تجري عشان نفسك و تشغل لي التلفزيون و ابوي كل مره بطلعني لكن انا نفسي العب مع اصحابي بره ، قلت ليهو وانا ببكي ح تلعب و ح تجري ان شاء الله .. سامي بعاين لي وبتبسم قلت ليهو مالك ياسامي؟ قال لي المره الفاتت لمن جيتينا و طلعتي اصحابي قالوا لي اختك دي بتشبه ديبيكا بادكون 💜 طبعا في عز بكيتي قعدت اضحك😂😂😂 قلت ليهو ديبيكا عدييل كده قال لي اي و قالوا لي حظك اختك شعرها طويييل😂😂 ، قلت ليهو وللاه لكن لمة اولاد الحله الصغار ديل بس للشمشره والمعاينه و الفحوصات😂😂 غايتو كان جاني عريس و سأل مني هنا حظظي 😂😂 قعد يضحك بخجل كده سامي💜 ، قلت ليهو انت كيف مع القرايه ! قال لي جيت الخامس في امتحان الفتره الاولى قلت ليهو خلاص الفتره الاخيره لو جيت التاني او الاول حنطلع مشوار نحنا التلاته برانا قداام اولاد الحله كمان😂😂 قال لي كويس ، ساجد قال لي ح تبيتي معانا بتين طيب! قلت ليهو قرييب بس خليني امتحن لانو دي اخر امتحانات لي و الإجازة بجيكم هنا تمام ! قال لي تمام ، قمتا وطلعتا برا قلت لي امي ارح لانو بكره عندي جامعه قالت لي طيب ودعناهم ومشينا البيت ، اليوم داك ما جاني نوم تفكيري كلوو في ساجد اخوي😭 واااجع قلبي شدييد حسيت كأنوا عزرائيل حايم فوقو ، غايتو عيوني اتورمت لحدي ما نمتا .. لمن صحيت الصباح لقيت رساله من سجى بت عمتي فيها " اسمعيني انا الليله مسافره مع خالد راجلي مصر ، تلاقيني في المطار في موضوع ح اقولوا ليك قبل ما اسافر بسررعه تلحقيني قبل ما امي تضرب لي ابوك وتكلمو بجيتها هي واحمد للبيت عشان يطلبوك فاهمه " طبعا قلبي وقعع بعد قريت الرساله .. البت دي عمرها ما بتتعدل ولا بتتوب انا لاازم القى لي طريقه اخرسها بيها هي وامها قبل ما ابوي يغصبني على العرس ، قمتا من سرير اتجهزتا ولبستا بنطلون الجينز الفاتح بتاعي و بلوزو امل بت جيرنا الاميارح كنت لابساها للجامعه غسلتا كان عشان ارجعها لي امل لبستها برضو شده😂😂 عشان ماعندي حاجه راقيه وانا ماشه المطار و شعري سرحتو لي ورا وهو مسدول نازل وبس مشبك صغير في النص و كحل بسيط وخصل نازله بقدام و شبط اسود عالي شويه مقفول بي قدام و كلها حاجات امل شده حتى الشنطه طبعا المورده😂😂💔 البشوفني بمنظري ده ماشه المطار يقول بت نازله من طيران لبنان هسي😂😂 ماعارفين اي شي شده الا الشماعه 😂💔، لبستا عبايه وطرحه خفييفه قدام ناس البيت قلتا ليهم ماشه الجامعه طبعا طلعتا بدربي عديل لمن وصلتا زقاق الدكان فتحتا العبايه ودخلتها الشنطه وختيت الطرحه في النص واساسا ما مغطيه شي لانو شعري كلو بره ، رمبتا المواصلات وانا متطمنه مافي زول شافني لانو الزقاق بعيد وبضاري الزول من الناس ، لحدي ما وصلتا المطار كنت بفكر اقول للسجم الاسمها سجى دي شنو ،، دخلتا المطار و ضربتا ليها قالت لي قربتا اصل لسه وقفتا انتظرتها شويه كده وجات سلمتا عليها بي ادب قدام خالد و هو سلم علي قال لي مبروك قلتا ليهو على شنو ! قام هوعاين لي سجى قالت ليهو ما وريتها لسه ياخالد ماتستعجل قال ليها طيب يا سجى لمن توريها اول وابتسم لي كده ومشى بعيد شويه مننا ، قلتا ليها خير قولي ! قالت لي ده شنو المنظر الجايه بيهو ده ؟ قلتا ليها وانتي ده شنو المنظر المسافره بيهو ده ؟ قالت لي قصدك شنو؟ قلتا ليها ماقصدي فستانك وطرحتك قصدي منظر الزوجه البتحب راجلها ، اسمعيني يا بت الناس لو امك بالغلط حاولت تفتح موضوع عرس مع اوبي ولا جابت سيرة احمد صدقيني ح يكون اخر يوم ليك مع خالد ومع اهلك برضو ، انا عندي تسجيل صوتي ليك مع معتصم لمن بتقولي ليهو " ختيت يدي في نصي و بقيت بحاكي فيها بيدي " يا حبيبي مشتاقه ليك شدييد ، وهو الوسخ بقول ليك طيب نأجر ليومين ! .. طبعا وشها بقى ما بتفسر قلت ليها ما تستغربي لي كده انا عندي تسجيلات كتيييره ليكم الاتنين والاحسن ما اوريك اداني ليها منو عشان ما تتجلطي هنا قبل سفرك قالت لي منو ! قلتا ليها حبيب القلب زاااتو الوسخ لمن شفتكم سوا .. حاول يملص نفسو من الموضوع واثبت لي انك انتي الجاريه وراهو وبتديهو قروش من قروش راجلك يتصرف بيها ع فكرة كمان لا انتي لا قلة ادبك فارقين معاهو هو معاك بس عشان المصاريف عموما ما تخليني اقول العندي كلو لانو بطني بتقلب كل ما اجيب سيرتكم .. الصدمه في وش سجى من معتصم اكبر من الصدمه الشفتها فيها لمن عرفت اني عارفه .. انا ما كنت قتدره اصدق انها متخلفه للدرجه البتخليها تكوم وااثقه من انو معتصم بحبها ودايرها وقال ليها بعد تطلقي ح اعرسك و هي بتعمل في مشاكل مع راجلها عشان معشمه فيهو. هو ما عرسها لمن كانت حبيبتو في الجامعه عايزة يعرسها وهي بتعمل كده ! ما متخيله في ناس اغبياء للدرجه دي .. عموما خليتها مصدووومه وراسها ضارب لمن جانا خالد قال لي اها عرفتي! بوش كلو فرحه كده عارفاهو بقصد لي احمد قلتا ليهو اي عرفتا و حتسمع ردي من سجى يلا تصلوا بالسلامه ياجماعه .. هي ما كانت بتتكلم واقفه وبتعاين بس قال لي طيب عشان ما نتاخر يلا نحنا داخليم قلتا ليهو تمام يلا بالسلامه .. مشوا وانا واقفه بلوح ليهم لحدي ما طلعوا حسيت بنفسي رخيصه وانا بستفز فيها كنت مجبورة لكن اعمل كده عشان انتهي من قصة احمد للابد .. كنت بفكر كيف هي بالغباء ده ! كيف وحده زي سجى عندها راجل زي خالد محترم و مقدرها وبحبها و مامقصر في شي من بيتو ومن طلباتها وهي بتخونو ! ما واقعه لي في راسي دي غير انها وحده بس قليلة ادب .. بعد سرحتا كتير وكنت بفكر. اتاري انا واقفه قدام عربية طيار .. و هو بضرب لي في بوري عشان ازح وانا واقفه ، لمن نزل وقال لي لو سمحتي يا اخت اتلفتا لقيتو 😍 الزول السمح داك 😍💕 الشفتو في الجامعه ، قبل ما يتم لي جاهو واحد جاري كان بنادي فيهو يا كابتن رياض يا كابتن رياض .. سلموا على بعض و قال ليهو لي ماشي طوالي .. قال ليهو والله قلتا اول ما انزل من الرحله امشي البيت بدون ما اتلفت قال ليهو ان شاء الله الوالدة بخير ! ردا ليهو ايوه لكن تعبانه شويه كده وماشي اشوفها .. الزول سلم عليهو ورجع بي دربو طبعا لقاني واقفه لسه قدام عربيتو وبعاين ليهو 😍💕 قال لي السلام عليكم , قلتا ليهو وعليكم السلام ، قال لي من قبيل بضرب ليك في البوري شكلك كنتي شارده معليش عايز امر .. قلت ليهو طبعا طبعا معليش .. يادوب ما هو عاين لي ولي شكلي كيف😍💕 قلتا ليهو معليش ممكن اسالك من وين اطلع ! قال لي اول مره تجي المطار ؟ قلتا ياسندس اها فضحتي روحك براااك قدامو بعدين قالها لي باستغراب ، سكتا ما رديت عليهو قال لي بتحسس كده طيب انا طالع ممكن اطلعك لشارع المطار ! احساس هو بسأل وما عارف اني اتكسرتا اول ما شفتو بملابس الكابتن😍 قلت ليهو شكرا ماعايزة اعذبك شكرا تسلم .. قال لي مافيها عذاب شكلك براك والطريق طويل للبوابه .. اتفضلي و فتح لي الباب 😍 ركبتا العربيه 😍 العربيه السوداء السمحه 😍 ياخ انا نيتي نضيفه والله لمن اتمنى اعمل حاجه بعملها .. ركبتا الععربيه زي ما اتمنيت اول ما شفتها اني اركبها و اتمنيت تاني يكون عندي عربيه في يوم😍 .. احساس اخر ياخ 😍 و انا راكبه جنب الزول السمح ده .. احساس جنبك راجل راجل طويل بعضلات زي الممثلين كده 😍 بس اليوم داك كنتا ديبيكا فعلا و جنبها الممثل سيدارت 💕 .. بالله قاعده بتبسم براي زي العويره 🐸 الزول ده كل ما اشوفو بخليني اتبسكم ، من اليوم داك سميتو سبب ابتسامتي 💕
يتبع