Napaiwas siya ng tingin ng ngumiti ako sakanya.
Ang transparent nyang tao in a way na may ilang gestures sya na malalaman mong may hindi sya sinasabi.
I want to know him more. Gusto ko syang kaibiganin talaga. Maaaring alam ko yung pakiramdam na nafifeel nya ngayon dahil parehas kami ngayon. We are moving on to the things na kailangan ng iwanan sa past.
Minsan kasi tanggap mo na. Pero bumabalik pa rin hindi naman maiiwasan yon. Kaya you have to move forward. We have to move forward. At nakakatulong yung pakikisalamuha sa mga kaibigan mo habang ginagawa mo 'yon.
"Huy! Jaki!" Nawala naman ako sa pag-iisip ng magsnap ng fingers si JM sa pagmumukha ko.
Sobrang lapit.
Kaya't hinawi ko iyon at bumalik ang atensyon sa iniinom ko.
"Oh!?" Sagot ko
"Oh kalma lalim ng iniisip mo kanina mo pa kami di pinapansin. Pinaguusapan ka na nga namin eh"
Napataas naman ang kilay ko dahil doon.
"Baliw!" Sabi ko sakanya
"Ano ba yun?" Bulong ko kay Madc.
"Wala girl nag-uusap lang kami tungkol sa California vacay nya dati. Lalim kasi ng iniisip malunod ka nyan sige ka. Enjoy the night!"
"Owkayyy?"
"Okay ka lang Jaki?"
Tanong ni JM sa akin na nakatayo sa loob ng bar counter.
May problema ba sila nung upuan nya at hindi siya mapakali?
"Oo naman! Ayos ako." Sagot ko. At tinitigan siya.
This man. Ang tulin nya mag tago ng emosyon.
Kanina lang ay napansin kong ang lungkot ng ngiti nya. Tapos ngayon naman totoong ngiti yung nakikita namin sa kanya.
Ang transparent nga pero malalim/malihim na tao. Siguro dahil syempre ilang days palang naman kami magkakakilala.
Pero yung trato nya sa amin parang same as the other friends nya naman.
Ang buti ng puso nya. Kaya ang daming blessings na binibigay sa kanya.
Nagulat naman ako ng biglang hawakan ni Madc yung braso ko.
"'di ba Jaki?"
"Ha? Ahh oo."
Nagtawanan naman sila.
Nag-apir pa si JM tsaka si Melvie.
Pinagtitripan nanaman ako nung mga 'to.
"Ay jaki, Alam ba ng mommy mo na nandito kayo?" Tanong naman nya
"Oo naman. Nagpaalam naman ako no!" Napainom naman ako muli dahil sa tanong nya. Kahit nga siguro nasa mid 30's na ko magpapaalam pa ko sa mommy ko e.
"Nagpaalam pero di pumayag? Hahahaha joke lang. Wala ka namang curfew?" Dagdag pa nyang tanong.
"Curfew ka dyan.." pero ang usapan talaga namin ni mommy hanggang 12 lang.
"Hanggang anong oras ka ba pinayagan? Itetext ko ulit mommy mo sige ka. Hahaha!"
"Textmate kayo ni tita!?"
"May number lang textmate agad?"
"Madc, hanggang anong oras ba 'to? Mamaya ako mapagalitan eh." Natawa naman ako sa di nya pagpansin kay Melvie. Kanina lang sila tong magkasundo.
"Di ko alam dyan ayaw sabihin. Takot naman din yan eh kaya magaaya rin yan." Edi wow sya na hindi takot
Nagsalita ang hindi takot kay mommy
Iniikot ikot ko lang yung ginawa nyang cocktail tsaka uminom muli. Di ko pa nasusubukan uminom ng mga ganito. Pero nung pinatikman nya, nagustuhan ko yung lasa. Kahit may after taste pero nangingibabaw pa rin yung sweetness nitong ginawa nya.
"Di mo ba nagustuhan?" May pag-alala sa mukha nya.
"Masarap. Ngayon ko lang 'to natikman. Di naman ako naggaganito before. Pero masaap promise!" Tinaas ko pa yung kanang kamay ko para maniwala sya.
Nakita ko namang ngumiti sya bago makayuko. Di ko alam kung may tinitignan ba sya sa ilalim ng bar counter o ano.
"12." Bigla kong sabi.
"12?"
"Hanggang 12 daw ako pwede."
Nagtayuan naman yung dalawa kong kasama at nagslow clap.
"Masayang masaya ko para sayo baby girl!"
"Pakisampal nga ako be? Nananaginip yata ako"
Akmang sasampalin ko na sana ng pagkalakas pero umilag na sya agad.
"Okay na pala totoo pala 'to. Beks"
"What? Why?" Gulong gulo naman yung gwapong nilalang na nasa harapan namin ngayon habang yakap yakap ako nitong dalawa.
"Nakakahiya kayo. Umayos nga kayo." Sabi ko at inilalayo sila sa akin.
"Di naman 'to pinapayagan kapag 12 eh. Madalas 11 lang ganun."
"Ah okayy?"
"Di ka ba nila hahanapin? Nila Vhong?"
"Di yun. Hahanapin ako nun mga 1 or 2. Minsanan lang naman kami uminom nun, kapag naman uminom sobra! Walang mapaglagyan ng kalasingan." Kwento nya na natatawa. Na parang inaalala nya yung mga nangyayari dati sa kanila.
Well sana ganun sya palagi. Ang gaan sa loob kapag nakakakita ng taong masaya kahit sa simpleng bagay.
"Uy JM! Ano name nung bartender mo na yon?"
Turo ni Melvie sa kasama ni Chris nung nakaraan. Nung isang gabi.
"Ah iyon? Bago lang yan. Kung hindi ako nagkakamali Greg ang pangalan. Type mo ba? Di ko alam kung single yan eh."
Puti rin ni kuya eh. Gwapo rin! Kaso parang hawig sila nung ex ko. Hanggang dito ba naman susundan ako ng ganung pagmumukha?
Napapunas naman sya ng mukha dahil kanina pa namin sya tinitignan.
"Tinanong lang pangalan type agad!? Di ba pwedeng crush muna?"
"Ay sus, itatanong mo ba pangalan kung di mo type?" Ginatungan naman ni Madc si JM.
"May boyfriend na ko no! Duh!" Pero nakatitig pa rin dun sa lalaki.
"Ay may kahawig sya pag side view!" Medyo napalakas yung sabi ni Melvie kaya naman may ilang napalingon sa amin.
"Ingay mo!" Talak ni Madc sakanya.
Sa aming tatlo sya yung tipong tagapagbantay samin ganon. Sya yung palaging nagagalit kapag may kagagahan kaming lahat.
"Sorry!" Nagpeace sign pa si Melvie.
Nakita ko naman na nakatingin pa rin si JM sa bartender nya.
Ito namang si Madc panay tingin sa phone nya.
"Ate madc, okay ka lang?"
Pinakita naman nya sakin yung text ni Troy.
May ipapabigay daw sana kay Bullet.
"Oh anong balak mo?"
"Nanghihingi ako ng suggestion Jaki kaya ko pinabasa yon."
"Oh, baka mag-away pa kayo dyan."
"Uy kausapin ko lang si crush balikan ko kayo mamaya. Hihi" pabebeng paalam ni Melvie.
Pipigilan palang sya ni Madc ay nilayasan na nya kami.
"Ano ba yun Madc?"
"Si Troy kasi."
"Oh ano ginawa?"
"Gusto makipagusap may ibibigay daw sana kay Bullet."
"Okayy? Ang iniisip mo ay di mo alam kung tatanggapin mo dahil puro sya bigay ng kung ano? Maspoil anak mo? Or tatanggapin mo na kasi yun nalang yung way para naman magampanan nya yung pagpapakatatay sa anak nya na di nya nagawa before? Tama ba?"
Talino talaga nitong isa na 'to eh. Natulala kami ni Madc sa sinabi nya.
"Ilang araw mo palang kami kilala pero parang ang tagal na sa husay mo manghula."
"Di mo naman kasi sya masisisi rin sa ginagawa nya. Yun nalang yung way para naman mapunan nya yung pagkukulang nya dati eh. Ang mali nya lang naman, hindi nya ginawa noon."
"Exactly!" Napatango kong sagot
" Husay mo rin talaga eh no?" Dagdag ko pa.
Nagshrugs naman ang mayabang. Mayabang sya pero nasa lugar naman. Hindi nakakainis.
Maiinis ka lang kasi wala kang masasabi.
"Bakit hindi mo muna subukan kausapin para malaman mo kung ano ba yung gusto nya ibigay. Or baka may pag-uusapan rin kayo tsaka ka magdecide. Kasi kahit ano mangyari sya yung tatay nung anak mo."
"Oo na. Eto na. Kakausapin na nga eh."
"Tapos malay mo... muling ibalik ang tamis ng pag-ibig.." pakanta nyang sagot kay Madc. Mapangalaska talaga.
"Gusto mong ibalik kita sa sinapupunan ng nanay mo?"
"Gustuhin ko man malayo nanay ko eh." Pagkasabi nya non ay umalis sya sa harap namin at tumabi sa akin pero nakasandal sya sa counter
Crush yata ako nito eh
WOW JAKI WOW! Hindi rin makapal mukha ko eh. Konti lang. Tumabi lang crush agad.
"Tsaka di na ko kasya don. Ano na sabi?"
"Madc." Malumanay na may tumawag sa pangalan ni Madc.
Napalingon naman kami dahil doon.
"Ano, JM usap lang kami."
Paalam nya samin. Tsaka tumayo.
"JM, yung bilin ko ha? Nako sasapakin kita pag ano."
"Oo na. Mag-usap na kayo. Dito lang ako." Pagkasabi nya non ay lumayo si Madc tsaka si Troy.
Wala naman akong maintindihan sa kanila.
"Yes? Ano yon? Wala akong nagegets." Tanong ko sakanya.
"Wala sabi nya lang wag kita iwan mag-isa baka makatulog ka nanaman."
Sabi nya tsaka inabot yung glass nya.
"Corny."
"Edi mamaya nyan dun ka sa office mo matutulog?"
"You mean? Dito? Sa taas?"
Nagnod naman ako bilang sagot.
"Uhm, yeah. May chance. Tinatamad na rin ako umuwi eh haha." Sagot naman nya habang nakatingin sa mata ko.
Tinignan ko rin sya. Sya kasi talaga yung taong nakikipag eye contact sa kausap.
"Alam mo, ang swerte ng magiging girlfriend mo." Walang anu ano'y nabitawan ko ang mga salitang iyon.
"Hala sya, hahaha. Out of the blue naman. Pero napakaswerte nya nga talaga hahahaha! Joke lang. Tsaka parang ayaw ko muna."
Di ko naman sadyang masabi 'yon pero sinagot nya pa rin.
"Binabawi ko na." Walang emosyon kong sabi.
"Hilig mo mambawi ng mga sinasabi." Napangiti naman sya doon. Alam nya namang biro lang iyon.
"Di mo namimiss?" Tanong ko sa kanya.
Saglit nya ko tinitigan. Bago sumagot.
"Hindi." Sagot nya.
"Maybe I just missed the idea? Concept? Of love. Ano bang tamang term? Yung feeling?" Maski ako ay napaisip sa tamang term para doon.
"Parang wala namang exact word kasi para doon." Sinagot ko naman sya at napangiti kami pareho.
"Sabagay..bakit mo ba natanong? Do you miss him?"
Nagkibitbalikat naman ako.
"Maybe not. Di ko naman na naiisip masyado. Ineenjoy ko ang life!"
"Yan ganyan dapat!" Napasmile naman ako muli dahil sa pagiging supportive nya.
"Kasi dapat di ba nag-eenjoy tayo, sabi ko di ba sa susunod na punta mo dito dapat celebration na."
"Oo na. Dami daming sinasabi." Sagot ko nalang dahil ako naman nagsimula ng ganung usapan.
"Jaki.."
*****
Minsan di rin natin alam kung kelan tayo nakakamiss ng isang tao. Minsan din hindi tayo aware na baka hindi sila yung namimiss natin. Baka yung "thought" or "feeling" lang na may gumagawa o nagsasabi sa'yo ng ilang bagay na nakakapagpasaya sa'yo dahil alam mong it's because of "love". Nagtanong ako dati, may karapatan ka ba masaktan or masasabi mo ba na magmove on ka sa tao na kahit kailan hindi naman naging sa'yo. Then someone explained something and the last words na tumatak talaga sa akin ay yung sinabi nyang, "Acceptance is the key."
-awe_somebuddy