CLEO's POV~
Habang iniinda ko ang sakit ng mukha ko, nagsalita ulit yung pader, ay mali yung taong bato pala. Jusmiyo! Ang tigas ng katawan ah, parang sinadyang tumama ako sa kanya kasi hindi man lang ako nahawakan para hindi matumba. May galit kaagad?
"O-okay ka lang miss?"- Tanong ng walangya. Ay okay na okay ako tsong. Nag-enjoy nga ako sa pagbangga mo sa akin. Oo tama, siya ang bumangga noh, matiwasay akong tumatakbo tapos bigla siyang susulpot sa dinadaanan ko. Bwisit!
"Mukha bang okay ang pagtilapon ko?"- Pagmamataray ko sa kanya ng bongga! Abah! Siya kayang tumilapon dahil bumangga ang mukha noh? Hindi ko pa rin siya tinitingala. Nakayuko pa rin ako at hawak ang maganda kong ilong na mukhang ngayon ay nadisporma na. Tsk!
"I'm sorry, hindi ko kasi alam na may biglang susulpot sa harapan ko na tumatakbo. Mabilis lang ang pangyayari kaya hindi kaagad ako nakaiwas. Patakbo takbo pa kasi eh tss."- Abah! Nanisi pa ang ungas?! Angas nito ah, bigyan ko kaya ng straight job ng maranasan niya rin yung sakit ng mukha ko ngayon?
Bahagya kong sinilip ang itsura niya sa pagitan ng mga buhok ko na nakakalat sa mukha ko, nakatingin siya sa ibang direksyon at mukhang maangas nga. Yabang ah!
"At sinisi mo pa talaga ako?"- Pasigaw kong sabi sa kanya. Iniharap ko na ang mukha ko sa kanya kahit alam kong nakakahiya ang itsura ko dahil maga ang ilong ko.
Tumingin lang siya sa aking ng walang reaksyon. Wow ah! Batong bato talaga?
Nakatingin ako ng masama sa kanya at nakasimangot. Tiningnan lang niya ako ng saglit. He looks so familiar. Parang nakita ko na siya kung saan eh, hindi ko nga lang talaga maalala kung saan. Malamang siguro nakakasalubong ko sa siya dito sa school before. Baka nga ganun.
"Yung a-ano mo.."- Naarte siya na nagpupunas ng ilong. Ano daw?
"Ilong mo, du-dumudugo.."- Mahinang at mahinahong sabi niya sa akin, sabay lihis ng tingin sa akin at baling sa ibang direksyon ang ulo niya. Ano daw ulit yun?
"Huh?"- With matching high pitch yan. Inis na ko kaya pasigaw kong tanong sa kanya yan. Itsura nito, laking tao pilipit ang dila. Hilahin ko kaya ng magkaintindihan naman tayo.
Humarap ulit siya at tumingin sa akin "I said, your nose is -- bleeding."- Sabay turo sa ilong ko ng index finger niya sa kaliwa.
Ano daw? Bleeding? Am I heard it right?
Kinapa ko ang ilong ko kung may natulo nga doon. At pagkadikit ko ng daliri ko sa butas ng ilong ko, may naramdaman nga akong kung anong basa. Inilayo ko ang kamay ko sa mukha ko para makita kung ano yun. Shit! I heard it right! Dugo! Dugo nga! Ang daming dugo! Shemay! Anong gagawin ko? Takot ako sa dugo!
Nanlaki nalang mata ko sa nakita kong dugo sa daliri ng kamay ko. "Aaaah!"- Napasigaw nalang ako sa takot dahil dun. Bigla kong hinawakan ang ilong ko ulit dahil nararamdaman kong may tumutulo ngang dugo sa ilong ko. Ang lakas naman.
"Don't touch it!"- Sigaw niya sa akin. Sabay hawak sa kamay kong pinanghahawak ko sa ilong kong may dugo. Kagulat ah! Natigilan nga ako. Lumingon siya sa may likuran niya at may kung anong kinuha siya sa likuran niya at iniabot sa akin.. "Here! Use this."- Mahinahon lang niyang sabi sa akin. Inabot niya sa akin ang panyo niyang puti at tumingin sa akin.
Sinamangutan ko lang siya at tiningnan ng masama.."Hindi na, may panyo rin naman ako!"- Pasigaw kong sabi sa kanya sabay lingon rin sa may bandang likuran ko para kunin ang paniyo ko doon pero --
"Heto na kasi sabi!"- Pasigaw niya rin sabi sa akin na may pagpupumilit. Hindi ko pa man nakuha ang panyo ko sa likuran ko, bigla niyang tinapal ang puting panyo niya ang ilong ko. Buti magaan niya lang yun inilapit sa ilong ko dahil ang sakit sakit pa rin talaga hanggang ngayon. Nanggigilid na rin ang luha ko.
Napatigil nalang ako at napaharap sa kanya pero hindi ko siya tinitingnan sa mukha, nakapayuko lang ako.
"Wag kang yumuko, itingala mo yang ulo mo.."- Utos niya sa akin. Hindi ko pa rin siya tinitingnan. Bigla nalang ako nakaramdam ng panghihina na tila pagod na pagod ako at nawawala ng lakas ang katawan ko. Parang wala na akong lakas para maiangat man lang ang ulo ko. Ang bigat bigat bigla ng pakiramdam ko.
Hinawakan na niya ang baba ko at sapilitang iniangat iyon dahilan para mapatingin na ako sa kalangitan ngayon. Nahihilo na ko at hinang hina. Parang wala na akong kagana ganang magsalita bigla. Gustong gusto ko pa namang sumbatan ang hambog na toh! Pero dahil nanghihina na ako at nararamdam kong namumungay na ang mga mata ko.
"Miss, are you okay? Bakit parang namumutla ka na?"- Nagtatakang tanong niya sa akin. Oh sige, wish mong masagot pa kita diyan sa kalagayan kong toh. Ganito palagi ang nararamdaman ko kapag nakakakita ako ng dugo, lalo kapag marami kagaya nalang ngayon na sa ilong ko pa mismo nagmumula.
-------------------------------------------------------------------
TRAVIS's POV~
Nako naman, kung kailan namang kailangan ko ng pumasok sa klase ko saka naman susulpot ang babaeng ito at babanggain pa ko. Iiwan ko na dapat siya eh, kaso tumilapon kasi siya at napaupo sa harapan ko. Mukhang masakit yun, ay hindi. Masakit talaga yun. Napahimas ako sa dibdib ko dahil nakaramdam din ako ng kirot sa lakas ba naman ng impact naming yun sa isa't isa eh.
Balak ko lang sanang tulungan siyang makatayo pero mukhang iniinda niya pa ang sakit ng mukha niya na malamang yun ang tumama sa akin. Baka mag-nosebleed siya niyan kung straight sa ilong niya ang tama nun.
Nag-sorry na kaagad ako sa kanya para tapos na ang usapan at makaalis na ako, pero parang inuusig ako ng konsensiya ko sa nangyari sa kanya. Baka kasi nagkasugat siya o nabali ang ilong niya. Inusisa ko siya ulit, pumaupo ako sa harap niya para makita ko ang mukha niya pero nakayuko siya at natatakpan ng mahaba niyang buhok ang mukha niya.
Tinanong ko siya kung okay lang ba siya, pero --
"Mukha bang okay ang pagtilapon ko?"- Sigaw niya bigla sa akin. Nakakarindi naman. Ang inggay talaga ng mga babae, syempre bukod kay Shanelle. Mahinhin kasi yun kahit may pagkamakulit minsan.
Mukhang sa akin pa toh nagalit, ayos ah! Siya nga itong bigla biglang sumusulpot sa dinaraanan ko eh. Tahimik lang akong naglalakad papunta na sa building namin ng biglang may nag-dive sa harapan ko. Akala ko mga babae lang na humahabol habol sa akin, madalas kasi ang eksenang ganyan sa akin eh, kunwaring babanggain ako para lang makadikit at makausap ako. Kaya nasanay na ako na kapag may bumabangga sa akin ay tinitibayan ko ang tindig ko para hindi ako madala tapos titingnan ko sa sila ng masama kapag nagso-sorry sila kunwari sa akin.
Pero iba kasi ang sitwasyon pala ng isang toh, mukha ngang hindi niya sinasadya o alam na magkakabanggaan kami. Kahit naman ako hindi ko alam noh. Biktima rin kaya ako. Nakapayuko kasi akong naglalakad, iniisip ko kasi kung nakabalik na kaya ng Manila si Shanelle. Wala pa rin kasi akong natatanggap na text o tawag mula sa kanya eh.
Noong hinarap niya ang mukha niya sa akin, sabi na nga ba eh. Nagdudugo na nga ang ilong niya. Sinabi ko yun sa kanya pero mukhang hindi nakikinig. Bulag na nga, bingi pa. Tss. Noong na-figured out na nga niyang dumudugo ang ilong niyang halatang namamaga pati na rin ang mga pisngi niya, nanlaki siya ng mga mata na parang gulat na gulat, hindi. Gulat na gulat talaga siya nung makita ang maraming dugo sa kamay niya.
Hinawak hawakan niya pa yung dugo kaya kumakalat ito sa mukha at kamay niya, sinaway ko siyang wag niyang hawakan. Iniabot ko sa kanya ang panyo ko, nako puti pa naman din ito, pero tinanggihan lang niya ito. Abah! Maraming nagpapatayan para lang makagamit ng mga gamit ko tapos tatanggihan niya lang? Kung malaman ito ng mga fans ko malamang magpapagulpi pa yung mga yun sa akin para lang mapahiram ko ng panyo noh. Tss.
Dahan-dahan ko nalang inilapat ang panyo ko sa ilong niya dahil tumutulo na yun sa damit niya. Baka isipin pa ng makakakita na sinapak ko siya kaya duguan ang mukha niya.. Walang palag naman niya akong hinayaang punasan ang ilong niyang dumudugo at itakip dun sa ilong niya ang panyo ko. Nakayuko pa siya hindi ba niya alam na lalong dudugo yun kapag nakayuko siya.
Sinaway ko ulit siya at inutusang tumingala, pero hindi siya tumitinag. Mukhang bingi nga talaga, hindi man lang ako inintindi. Sana naging pipi nalang siya kesa bingi o bulag, ang lakas kasi niya palagi magsalita eh, palaging nakasinghal.
Hindi ko alam pero bakit parang may kung anong nagtutulak sa akin na maging concern sa kanya kahit hindi ko naman siya kilala. But when I saw her face, She looks so familiar. Siguro nakasalubong ko na rin siya kung saan dito sa school o isa nga siya sa mga naghahabol sa akin.
Itinaas ko na ang ulo niya, hinawakan ko ang baba niya at iniangat yun para tumigil na ang pagdudugo ng ilong niya. Nakita kong namumutla na siya, ganoon ba kaagad kadaming dugo ang nawala sa kanya para mamutla siya ng ganun?
Tinanong ko kung okay pa ba siya pero hindi na niya ako sinasagot. Mukhang bingi nga talaga, what should I expect from some deaf? Nakakairita namang parang walang alam ang isang toh kung anong gagawin kapag nagno-nosebleed, daig pa ata ng elementary toh. Nakita ko nalang din na namumungay ang mga mata niya, nako, mukhang mahihimatay pa yata ang isang toh! Bwisit naman oh! Late na ako eh!
Dahil nga sa ini-expect ko na siyang mawawalan ng malay sa arte niyang yun, hindi nga ako nagkamali. Naka-ready na sana ako para saluhin siya kung sakaling babagsak man na siya. Hindi nga ako nagkamaling mahihimatay na, pero hindi ko akalaing patihaya siya babagsak imbis na pataob sa akin. Sabagay, nakatingala nga pala siya. Naknang tokwa itong babaeng toh oh! Istorbo na nga nagpapasaway pa. Muntik ko ng hindi mahabol ang ulo niya dahil bigla nalang siya bumagsak, kung hindi ko nasalo yun malamang may bukol pa itong dagdag.
Tuluyan na ngang nawalan ng malay yung babae, dahan-dahan ko siyang binuhat papasok sa building namin para madala sa clinic.
"Ano pong nangyari sa kanya?"- Tanong nung nurse na nakasalubong ko pagpasok ko ng clinic.
"Eh di nawalan ng malay."- Pilosopo kong sagot, nakakainis kasi, alam ng may pasyente akong buhat buhat nagawa pang magpa-cute sa akin. Nakakadiri naman toh. Lalo pa tuloy akong na-badtrip.
May lumapit na doktok sa amin noong hinihiga ko na siya sa stretcher dun sa clinic. "Bakit may dugo ang pasyente? "- Nilapitan niya yung babaeng nakahiga na at tiningnan ito.
"Nagkabanggaan po kasi kami kaya nag-nosebleed siya sa lakas ng impact."- Sabi ko nalang doon sa doktor na binubuka buka ang mga mata nung babae at iniilawan ng flashlight niyang hawak.
Inutusan na niya ang nurse niya na linisan yung babae at lagyan ng ointment ang magang mukha nito dahil ang pula pula ng mga pisngi niya at lalo na ang ilong niya. Nakita kong marami ngang dugo ang lumabas sa ilong niya para magawang kumalat nito sa suot niyang loose shirt. Napayuko nalang akong bigla at napansing may mga dugo na rin pala ako sa uniform ko. Shit! May klase pa pala ako, ang dumi na ng suot ko. Nakakabanas naman oh!
Dahil sa hindi ko na rin maaabutan yung klase kong yun kahit pa na tatlong oras yun, hindi na rin kasi ako papapasukin ng prof ko kasi late na ako ng lagpas 30 minutes.. Hays. Napabuntong hininga nalang ako habang nakaupo dito sa tabi ng kama ng babaeng pasaway na toh. No choice na ako kung hindi intayin siyang magising man lang bago pa ang susunod kong klase ulit.
Iniabot sa akin ng nurse yung bag nitong babae. Ano ba naman toh? Bag ba ito ng babae? Although mukhang pambabae rin naman dahil sa kulay brown at ung design, pero back bag siya. Usually ko kasing nakikitang bags ng mga babae kahit nila ate, mom at Shanelle ay shoulder bag at hand bag.
Bago ko pa man din bitawan ang bag niya, may narinig akong tunog mula roon.
*She looks so perfect standing there
In my american apparel underwear
And I know now, That I'm so down..*
Teka, familiar tong kantang ito ah?
*Your lipstick stains is a work of art
I got you name tattooed in an arrow heart
And I know now, That I'm so down..
Hey hey hey hey hey hey hey hey...*
Namatay na rin yung tumutugtog na yun sa bag niya, malamang cellphone niya yun. Mukhang may naghahanap na sa kanya.
Binuksan ko ang bag niya at hinanap ang cellphone niya, nung makita ko yun at kinalikot. Oo, alam kong mali pero kailangang may makaalam na sa mga kakilala niyang may nangyari sa kanya para na rin mapuntahan siya dito at makaalis na ako. Nakita kong sasampu lang ang nasa contacts niya. Ine-expect ko pa naman ding maghahanap pa ako ng number ng magulang niya dahil ganun ang mga contacts ng mga ate ko pati na rin ni Shanelle, ang daming naka-save.
Pero tanging nakalagay lang sa kanya ay:
Cloude
Kuya Clarence
Kuya Clifford
Home Landline
Mamu
Manong Pitoy
Papu
Russell Manford
Sis Vana
Vana's Home.
Pipindutin ko na sana ang Home Landline ng bigla siyang gumalaw at umiling.
"Hmn.."- Natigil ako nung narinig ko siyang umiling, kinabahan ako dun ah! Teka, bakit naman ako kinakabahan, eh mabuti naman ang intensyon ko kaya ko ginalaw ang cellphone niya noh.
Nakatingin pa rin ako sa kanya at nakapabaling na ang ulo niya sa bandang kanan niya, nasa may kaliwa niya kasi ako. Tiningnan ko siya na baka gumalaw pa siya ulit eh, pero may napansin akong suot niyang hikaw. Mukhang kilala ko yung hikaw na yun ah. Nakasuot yun sa pangalawang butas niya sa tenga. Tama! Kilala ko talaga yang hikaw na yan eh. Hinila ko ang silyang inuupuan ko papalapit sa kanya, nang makapwesto na ako, hinawi ko ang buhok niya para makita kong mabuti kung tama nga ako.
Tama nga! Yung star na hikaw ko yun, tagal ko ng hinahanap toh eh. Paano ko nalamang akin nga yan? Syempre kilalang kilala ko yan dahil si Shanelle pa ang nagbigay sa akin niyan noong una akong nagpabutas ng tenga limang taon na ang nakakalipas. Hinding hindi ko yan hinuhubad kahit maligo at matulog ako. Pero teka, paano naman kaya napunta sa kanya yan? Malamang siya ang nakapulot. Nako kailangan kong mabawi ang hikaw kong yan, pero kapag kinuha ko nalang yun basta at umalis na baka isipin niyang ninakawan ko pa siya.
Napatingin ako sa hawak kong cellphone niya. Dali dali ko nalang yun ibinalik sa bag niya kung saan nakalagay kanina. Kailangan ko pa pala talaga siyang intayin magising para mabawi ko ang pinakamamahal kong hikaw. Nako naman oh!
--------------------------------------------------------------------------------------------------------------------------
(A/N): Don't forget to vote and comment again! :)
Lovelots!
~KK