بين العقل والطريق
للكاتب غزوان علي
البارت السادس عشر
غيث .. شننوو حامل
وافترت الدنيا بيه وگلبي انكسر مديت راسي وهي نايمه ااااه ياريتني ماعرفتج ياريتني ماحبيتج ياريت انكسرت رجلي ولا اروح بدربج
فتحت عيونها وشافتني وجان تصيحني
موج .. فتحت عيوني شفت غيث مقابيلي نسيت كولشي وصحتي تعاال
غيث .. امشي بأتجاهه ودموعي بعيوني
موج .. صفنت بعيونه وكتله تره اني حبيتك والله وملعبت عليك بيوم بس طريقنا غلط وعمر الغلط ميدوم اريدك بس تفهم هاي النقطه وفراقنا هو الصح
غيث .. اذا انتي تعتبرين حبنا غلط اني اعتبره الصح لان حبيت بصدق وبگلب ابيض وجانت نيتي شريفه وياج
موج .. بس انت اختاريت غلط وتعرف كولش زين اختيارك غلط لتغالط بروح وتسوي صّـح
غيث .. اكو امور تصير للبشر خارج ارادتهم واصلاً ميكدرون يتحكمون بيها وحبج اكثر شى مكدرت اسيطر عليه ودخلت بگلبي وحتى مكدرت اقاوم انجذابي وجنوني بيج وتركت نفسي وروحي تكون اسيره الج رغم كل الفوارق الي بينا رغم كل الظروف الصعبه الي بينا الدنيا كلها كالت طريقك صعب كتلهم اني اسهله بحبي الها وبقيت ارسم طريق لحياتنا لحد ماانتي هدمتي كولشي لهذا اذا عندج حجي زايد احتفظي بيه لنفسج ممستعد اسمعه
موج .. انساني غيث وانسى شى اسمه موج
غيث .. اذا انتي گلبج بدكمه تشغليه وتحبيني وبدكمه اطفي وتنسيني اني موو مثلج بس اوعدج احاول انساج وابدي حياتي ويه وحده تقدر حبي وعاطفتي ومتلعب بمشاعري
موج .. دمعت عيني واني احجي ويه غيث اما داخلي يصرخ ويبجي دم اني ملعبت بمشاعرك بس الظروف اصعب من عدنا لهذا اتمنالك السعاده
غيث .. لتكذبين على نفسج شوفي دموعج
موج .. درت وجهي رجاءاً غيث مااريد بيوم اشوفك وحتى اذا شفتك بيوم بطريق راح اغير طريقي
غيث .. نزلت وجهي وانفاسنا صارت سوه وتقربت من اذنها وهمست بصوت هادئ
لعبالج راح ترتاحين راح تبقين طول عمرج تتأذين وخاصه هذا واشرت على گلبها راح يبقى يومياً يأذيج وهذا واشرت على عقلها راح يوميه يذكرج بيه ياموج اني حبي مينسي لحد تموتين مراح تنسيني لان تدرين كلش زين ماكو انسان بالدنيا حبج بكدي
لهذا عمرج مراح تنسين غيث وجنونه بس اني راح احاول انساج تقربت من رگبتها وشميتها وبست راسها الله يوفقج انتبهي لنفسك وياريت فعلاً منلتقي بيوم لان من اليوم اني مااريد اشوفج
موج .. من طلعت بقيت اشهك من البجي واندب حظي الاسود الي جاب غيث بالوقت الضائع وخلاني احبه واتعلق بيه وبنفس الوقت انتهي من وراه
وراها اجه عمي واكرم لان جانوا يدفعون حساب المستشفى
موج .. طلعني مااريد ابقى صرت احسن
أكرم .. ادللي بس كومي على كيفج
موج .. وهيج خايف عليه
أكرم .. موج انتي بعد ممسؤولع عن نفسج بس مسؤوله عن روح ثانيه
موج .. ومنو بله انت
أكرم .. مبروك حبيبتي واخيراً راح تصيرين ام
موج .. من الصدمه كعدت وردت اوكع
أكرم .. على كيفج يمعوده
موج .. انت كاعد تتشاقى لو شنوو
أكرم .. والله مااشاقى انتي حامل
موج .. شون حامل
أكرم .. مثل النسوان
موج .. انت متخلف
أكرم .. جنت وهسه انتي حاامل
موج .. من الصدمه رجعت تمددت وبقيت بالمستشفى بايته لان تفتر الدنيا بيه اريد استوعب الي صار مكعد استوعبه مااعرف افرح مااعرف احزن لان متمنيت بيوم اكون ام لطفل اكرم وراها طلعت من المستشفى واني جثه بلا روح وتفكير وارهاق عجيب
وصلنا للبيت واستقبلتنا عمتي خوش استقبال
ام اكرم .. شرفت الخاتون بسبع ارواح شوكت تموت ماادري لوحيوان وماكل هذا الكتل كله مجان باقي عايش لحد الان
موج .. باوعت عليها واني كوه امشي ومابيه حتى اجاوبها عفتها وصعدت كافي الي بيه والي دااعيشه
ام اكرم .. شفت شون مجاوبت واحتقرتني
أكرم .. عوفيها يوووم تعبانه ولازم ترتاح
ام اكرم .. شبيها جنها حصان اقوى مني
أكرم .. موج حامل
ام اكرم ..
من عزه العزاج منين حامل يلمصخمه شفتوا موو كتلكم هاي مو شريفة جبتونه وحده من الشارع والعشيره مليانه نسوان يسون راسها وراس عشيرتها اليوم اله افضحها واخليها فرحه لليسوه والي ميسوه
أكرم .. خلي افهمج يايمه
ام اكرم .. شتفهمني يامصخم مرتك زانيه وجابتلنا ابن حرام خلي اروح اسحلها من شعرها واوديها لأهلها يكتلوها ويغسلون عارهم
أكرم .. اوكفي يمعوده خلي افهمج
ام اكرم .. لتخبلني شكوو
أكرم .. حامل مني والطفل ابني
ام اكرم .. هاي شبيك لو مادافني سوه ابني مااريد اضوجك انت مو تدري بوضعك
أكرم .. انتي مسألتي نفسج ليش كتلت روحي ارجعها ومااتزوج عليها
ام اكرم .. كتلي مااريد افشل نفسي كدام مره جديده واصير سالوفه بين اهلنا واصدقائك
أكرم .. هو اكو سببين الاول هي تعرفها رديت الها ضربه ضربتها الي
والثاني حتى اجرب بيها علاجي
ام اكرم .. ياعلاج
أكرم .. اني جنت اراجع طبيب بالحارثيه مال العقم وحولوني بمستشفى بتركيا حتى اسوي عمليه بسيطه وراح يرجع الاغصاب بس الامل ضعيف
ام اكرم .. يمه مدااصدك اي كمل
أكرم .. وردت اجرب بيها وخاصه من رجعت من تركيا جان العدد الي يغصب لابأس بيه وجنت منتظر النتيجه
ام اكرم .. اذا تدري هيج وعالجت ليش مخليتني اتزوجك تاج راسها
أكرم .. بله فشلت ومصار شى شراح احصل غير الفضيحه ومردت اتقرب من بنت ليل لان مااريد ابني يطلع ابن وحده موزينه لهذا رجعتها وكلت اجرب بيها هي احسن من غيرها اقلها اذا فشلت المحاوله محد يعرف والحمدلله حبلت
وكامت امي تهلهل وتبجي من الفرح الف مبروك ابني هيج واشيل ابنك بحضني مدااصدك
أكرم .. ولا اني يووم بحيث جنت مأيس لهذا مكلت لأحد
ام اكرم .. وابوك عرف
أكرم .. ابويه هم انصدم مثلج وبقى صافن ومن حجيتله بجى من الفرح
ام اكرم .. امشي نروح انشوفها ولو اني اكرهه بس هسه هي غاليه منا لحد متجيب ولي العهد
أكرم .. مااوصيج هذا الطفل مجهود ٤ اشهر علاج وابر وروح وتعاال ولعب بحالي لعب تعبت تعب موو طبيعي عدا الالم لهذا حافظي عليه وتحملي موج منا لحد متجيب ابني وراها شسوين بيها سوه عسى لو تحركيها بالجهنم المهم ابني
ام اكرم .. لك توصيني على حفيدي هذا صبر السنين ومي العين هذا الي تمنيت اشوفه گبل مااموت احطه بعيوني
أكرم .. سالمه عيونج يووم يله اصعديلها فوك وحاولي تهديها لتروح هاي الحقيره تسوي شى وتحرك گلبي وتعاقبني وتضيع ابني اخاف اطرحه شى . كروب قصص غزوان علي
ام اكرم .. شحدها غير اذبحها
أكرم .. لازم بالسياسه حتى اني راح احسن معاملتي ويااها حتى لتسوي شى لأبني منا لحد متجيب
ام اكرم .. يله امشي نصعد الها
موج .. متمدده والضيق الي بصدري يهز الدنيا اريد ابجي اصرخ بس اي تصرف غلط مني راح يأذيني وجان تجي عمتي
ام اكرم .. اسمعي موج هاي الفتره كلها شغل ماكو تكعدين وتسكتين اهم شى تجيبين حفيدي وتاكلين زين واذا صار شى بيه الله ميخلصج من ايدي اذبحج واسويها
موج .. تهددين
ام اكرم .. اهدد ونص هذا الغالي الي اتمنااه من الله واجه بمعجزه
موج .. الله كريم اريدها بس تكوم اضوج منها
وطلعت بقيت ايام نايمه ويقومون بواجبي اكو مره حبابه فقيره كامت عمتي تجيبها تنظف البيت همزين اقلها مااشتغل اعرف بيها مميته عليه علمود الطفل بس ااااااه من التعب الي احس بيه وفراغ وشوق لغيث كمت اشتاقله بجنون وروحي ميته عليه بس اصبر نفسي من اتذكر بروحي حامل ومن اشوف بطني يوم بعد يوم تكبر واحس برفساته يمكن هذا الشى الوحيد الي مهون عليه
اكرم كمت مااهتم اله سواء يشرب يسوي محرمات كله كمت مااهتم شيسوي خلي يسوي تعبت وخاصه هو على وضعه بالعكس صار اسوء بقيت اصلي وادعي ربي يكومني بالسلامه واملي عيني بأبني وادعي لغيث بالسعاده
غيث .. رجعت محطم تعبان من الدنيا والي صار مرات اكول الخطأ مني اختاريت غلط للن الكل يردد نفس الكلام الغلط منك لان من الاول اختاريت غلط ومرات من اكعد وحدي ويهيج الحنين بيه اكول لا اني حبيتها حب عذري وجنت صادق بمشاعري وهي مقدرت كل تضحيتي
اياام عازل نفسي وتعبان ومااحجي ويه اي بشر ضايج وروحي بخشمي
زيد.. الى متى متكولي
غيث .. خير شكووو مبين ماعندك دوام وكلت اروح لغيث اكمز يمه
زيد.. هاا يول شبيك تريد تذب ضوجتك بيه
غيث .. شوف زيد اني روحي بخشمي وممتحمل حجايه من احد رجاءاً عوفني لحالي
زيد.. ردت بس اكولك الى متى عايف شغلك بيد العمال تره المال السايب يعلم على السرقه وانت صار اشهر على هذا الوضع بين السجن مالتك وبين انعزالك بسبب موج تره الدنيا متوكف على احد ومشايه بيك بدونك مًـُاشيه بس الفرق راح تضيع كولشي وخاصه شغلك الي تحبه
غيث .. والله مالي واهس وتعبان
زيد.. وراح تبقى مالك واهس وتعبان مراح يتغير شى اذا بقيت بهذا وضعك
غتو لاانت اول واحد ولا اخر واحد تحب ويفشل حبك حاول ترجع مثل الاول
غيث .. محد راح يحس بلي احسه حتى اخويه الوحيد
زيد.. والله حاس بيك وميت قهر عليك بس مابيدي شى اسوي وبهذا الموضوع بالذات مااكدر اساعدك انت لازم تساعد نفسك غتوو
والمطلوب منوو شنوو
زيد.. ارجع لشغلك تره وضع الشركه مالتك تعبان والشغل ممضبوط مثل قبل وهواي مشاكل بيها رحت وتأكدت وهذا امين الي هو اصلاً مووامين ولايم الامانه اكبر حرامي وكلها تشكي منه سويلك حل يمعود والله راح يضيع كل تعب السنين
غيث .. الله كريم
ثاني يوم حلقت وبدلت ورحت للشغل من الصبح ردت اشوف شنو الي صاير
ودخلت وتفاجأ امين بجيتي
اهلاً اهلاً استاذ عاش من شافك
غيث .. تسلم انت العايش تعال وجيبلي كل السجلات اريد اجرد الوارد والصادر وكل شغلنا مال خمس اشهر الي فاتت
امين .. هااا لازم اليوم
غيث .. ليش شكوو بيها غير انت مرتب كلشي حسب كلامك
امين .. لا يراد بعد تعديل
غيث .. شوجنت اتصل بيك تكول كولشي تمام وهسه يراد بعد تعديل هسه تجيب كل السجلات وبسرعه
أمين.. طلعت اركض شون بيه اني هذا الشهر بالذات كومه ماخذ من الدخل شون اطمطمها شووون
غيث .. صحت على العمال والموظفين رحبت بيهم واكو عامل حباب صغير بالعمر بس خوش ولد
تعال مصطفى اكعد اريدك
تفضل استاذ
شوف صوفي اريدك تحجيلي كولشي وكل الي شفته واني ماكو
مصطفى.. ماكو شى استاذ
غيث .. شوف صوفي اني احبك واعتبرك اخويه الصغير وعيوني هنا واعرف امين يبوك مني
لعد استاذ اذا تدري شون ملزمه الشغل صار اشهر
غيث .. لان برگبته عائله وانقهر على عائلته بس اشوف هاي الاشهر شسوه اذا بايك هوايه بعد مابيها مجال لازم اطرده
وكعد يحجيلي المصايب الي مسويهم وكف شعر راسي
انت صدوك تحجي هاي مشاريع بالملايين ضيعهم عليه لخاطر غير شركه حتى ياخذ عمولته
مصطفى ..والله يااستاذ هذا الي صار وحتى بوكتها ابوحمزه راد يتصل بيك ويبلغك بس خاف ليسوي امين ملعوبه ويأذيه الي يمد ايده ويبيع ضميره كولشي الواحد يتوقع منه
غيث .. روح انت هسه واني اعرف شون اربيه واخلي عبره
كعدت ويه امين وادقق وادقق سويت نفسي اخابر ولد صديقي واسأله عن الشركه الي ضيع امين الصفقه منها وهو اصفر ويرجف انداريت عليه
انت اكبر نذل وسافل حرامات امنت بيك العتب موو عليك اني الغلطان الي امنت بواحد حرامي مثلك
امين .. استاذ اترجاك على كيفك واسمعني
غيث .. شسمع وحده اثنين مصايب سوده
امين .. اني مظلوم استاذ
غيث .. من شنو مظلوم من بوكك للدخل لو من بعتني وضيعت صفقه بالملايين حتى ينطوك عمولتك لو الشغل الي دمرته
امين .. استاذ الحجي الي وصلك كله كذب
غيث .. اطلع بره ولتراويني وجهك
امين .. اترجاك استاذ
غيث .. انجب واطلع لتخليني اطلب الشرطه واكو شهود واخليك تعفن بالسجن واذا عفتك هسه بدون عقاب لخاطر اليتامى الي بركبتك الي مع الاسف توكلهم حرام
وبقه يتعذر ويبجي واحد حرامي شترجى منه وطردته ورجعت احاول ارمم الي خربه واحاول ارجع اسمي بالسوك ويوم بعد يوم اشوف كوارث مسويها بيه واحقد عليه بالزايد
ود.. حاولت ماابين ارتباكي من سؤال هشام
ود.. اباوع عليه يعيط ويريد يملخني حتى ايده مكورها مال واحد منتظر احجي وراها يضرب
منو الي احبه ومنو الي عندي علاقه ويااه
هشام ... اكو غيره خالد
ود.. خفت من سؤاله وكمت امتمت من الخووف منيلك هذا الكلام
هشام ... احجي ولتردين السؤال بسؤال شنو نوع العلاقه بينكم
ود.. ياعلاقه انت من جبت هذا الحجي
هشام ... اسمعي ود اني احبج اي روحي بيج ماانكر بس كله ولا الخيانه اقتلج بأيدي وميرفلي جفن
ود.. وكفت مقابيله احترم نفسك موو اني الي اخون
هشام ... ملاحظه حبي واحترامي الج خلاج تتجاوزين
ود.. انتبهت على كلامي وارتبكت موو انت كاعد تتهمني بالخيانه
هشام ... شوفي ود اذا سمعت عندج علاقه سابقة ويه خالد وانتي مكايلتلي راح تشوفين وجهه مني بحياتج مشايفته لهذا عندج فرصه هسه تحجين كولشي
ود.. بس فهمني شنو الي صار وخلاك هيج تكول او تتوقع اكو شى بيني وبينه
هشام ... اكو ولد صديقي هو الي كلي
ود.. شكاال
هشام ... كال جان اكو حب بينكم وخطبج وانتي رفضتي وبعدين رجعتي اله بس اهله مقبلوا
لهذا احجي الصراحه
ود.. ماكو شى
هشام ... خوش هذا كلامج الاخير
ود.. اي
ومااشوف غير يتصل على خالد واني جمدت
الووو الووو
سمعت صوت خالد ورجفت من الخوف وجان يسده
هشام ... احجي هلمره سديته تره ارجع اخابره والي خلقج ماارحمج
ود.. بجيت راح احجيلك كولشي وبديت احجي بهدوء ودموع
وهو مصدوم وخاصه من احجي عن مشاعري اتجاه خالد جان المفروض مااحجيله اقلها عن مشاعري بس كأن واحد وداس على الجرح ورجع ينزف
هشام ... لهاي الدرجه تحبيه واني
ود.. مااحبك اني مااحبك ولا ردتك ولا تمنيتك بيوم
هشام ... ليش مكلتيلي جان انسحبت من حياتج
ود.. لا متنسحب انت دمرت حياتي بسبب الي سويته جان اني هسه زوجته كله من وراك جان اتزوجت خالد من وراك كولش ضاع اني اكرهك
هشام ... متحملت كلامها ضربتها راشدي قوي كولش وعفتها وطلعت لان اذا ابقى اكسر الغرفه على راسها
ود.. كعدت ابجي مووو من ضربته من وجعت گلبي وره مهدأت تندمت لان حجيت جان المفروض اكوله جان رايدني ورفضته ومجرد كلام بسيط بينا لااحبه ولا شى بس بغبائي حجيت كولشي حتى مشاعري بقيت اليوم كله بالغرفه منزلت وراها اجه العصر صاير نار يله لج كومي
ود.. وين
هشام ... لبيت اهلج بعد مااريدج
ود.. شنوو وشكول لأهلي
هشام ... شتكولين كولي لو تريدين اكول الحقيقه الهم اكولهم بنتكم المصون تحب وتكول لزوجها لو ماانت جان اني هسه زوجته محترمت ولا استحت من تنطقها وفوكاها تكول اكرهك اذا كارهتني المن باقيه ويايه
ود.. دنجت ابجي
هشام ... لتبجين كافي ومتسكت زاد البجي ولج كاافي لااكسر الغرفه على راسج خليني متحكم بأعصابي اذا افقدها اعلكج هسه بالبنگه كااااافي
ود.. لتعيط فدووه هسه اهلك يسمعون
هشام ... وشكد عاد انتي تستحين لو تستحين مجان حجيتي بصلافه كل مشاعرج القديمه اتجاه ولد غريب كدام زوجج
ود.. انت كتلي احجي الصدوك تره اذيج
هشام ... ولج كذبي متعرفين لو بس من اتزوجتيني كذبتي
ود.. عفيه مااريد اروح لأهلي شنو عذري
هشام ... مااطيق وجهج موبيدي واذا بقيتي راح أذيج والافضل نطلك . بيج قصص غزوان علي
ود.. لاول مره گلبي نغزني من كلام هشام حسيت اكوشى ديصير وراح اضيع كولشي
هشام ... كومي يله
ود.. اخذت كم قطعه من ملابسي ودعت البنات
هااا يمعوده وين
سكتت مكدرت انطق شى
هشام ... حابه تغير جو بيت اهلها وامها مريضه رايحه اداريها
ام هشام ... هي شوكت اجت حتى تروح
هشام ... يله ود امشي
ود.. طلعت واني الدمعه بعيوني وطول الطريق ساكتين وبس وصلنا نزلني ونزل الغراض وشخط السياره وراح حتى منتظر ادخل لو لا واندار واشوف خالد بالباب اخذت جنطتي ودخلت سلمت على شهد وماما وزيد
شهد .. هاا ولج شوو جنطه خيرج
ود.. مو هشام مسافر ايفاد وكتله خلي ابقى يم اهلي
ام زيد.. اي والله ياريت تبقين كم يوم اشتاقيتالج
شهد .. تعالي ارتاحي
دخلنا للغرفه يله غردي
ود.. شغرت
شهد .. جايه زعلانه موو
ود.. لا
شهد .. وعيونج الي مورمه من البجي
ود.. متحملت وكمت ابجي وحجيت الي صار لشهد
شهد .. غلطتي ود ميصير هيج تره والله زوجج حباب ويموت عليج
ود.. مووبيدي خوفني وخلاني كولشي احجي
شهد .. ايااحجي بس موو كولشي اكو وحده عاقله تكول لزوجها احب غيرك ولوما انت جان هسه هو زوجي واني اكرهك عمي والله رجلج عاقل غير رجال طلقه براسج ويذبج بأقرب حاويه
ود.. تعرفين بيه مااعرف اكذب وخفت لهذا كولشي حجيت
شهد .. اكليها لعد وتعالي كوليلي شخبصتينا بخالد لو علاقه حب وسنين خطوبه جان شسويتي
ود.. اني احبه سنين وهذا يكفيني
شهد .. خلي انطيج معلومه تره خالد خطب بنت عمه
ود.. وكفت على حيلي مستحيل
شهد .. هو شنو المستحيل ود ولد ومن حقه يخطب
ود.. بس هو يحبني
شهد .. بس جبان ومابيه خير وماعنده شخصيه وبكلام امه يمشي والدليل امه من رفضتج حتى محااول يكسبج ويدافع عن حبه والله انتي ضيعتي جوهره من ايدج ضيعتي هشام لخاطر واحد حتى شخصيه ماعنده
ود.. عوفيني وحدي فدووه بس طلعت شهد اتصلت بخالد وارجف
خالد .. هااي ود گلبي ينبض بقوه الوو
ود.. صدوك خطبت
خالد .. شونج ود
ود.. جاوبني صدوك خطبت
خالد .. اي
ود.. واني
خالد .. انتي متزوجه والج حياتج والله يوفقج بيها
ود.. اليوم انهدمت بسببك
خالد .. اني شعليه
وحجيت كولشي لخالد
خالد .. اسمعي ود الي سويتيه غلط وعيب انتي موو صغيره وجان لازم تحترمين رجلج
ود.. يحجي ومصدومه بكلامه توقعت يكولي اطلكي واخذج توقعت يكولي احبج انتظريني اخرب كولشي وارجعلج بس الي صار عكسه تماماً
خالد .. واذا تهدم بيتج بس تهورج انتي فعلاً غلطانه
ود.. هذا الي الله كدرك عليه تكوله
خالد .. وشتريدين اكول هذا واقع اني هسه رجال بحكم المتزوج ومااكدر اظلم بنت عمي ويايه وحبنا انتي ضيعتي من رفضتي اول مره
ود.. موو خابرتني وره الزواج
خالد .. جانت غلطه واعتذر منها واتمنى تنسين الي كتلج عليه
ود.. بهاي السهوله
خالد .. وشنو الي صعبها احنا مواخر اثنين مصار بينهم نصيب وانتي اتزوجتي وعشتي حياتج على شنو جايه تلوميني لان اريد اتزوج اتمنى تراجعين نفسج وتحاولين تصححين اغلاطج وتتحكمين بغضبج لان غضبج مره خسرج اني واعتقد هلمره خسرج هشام
ود.. سديت التلفون بوجه وكمت الطم واعيط
شهد .. دخلت اركض اسم الله شجاج
ود.. اني غبيه ورعنه ضيعت كولشي لخاطر واحد نذل
شهد .. قصدج خالد
ود.. الله لايوفقه
شهد .. موكتلج من الاول ميستاهل ااوف منج
خالد .. سدت التلفون بوجهي جان لازم اسوي هيج حتى ترجع لحياتها لان اني مااكدر اظلم بنت عمي ولا اكدر ازعل والدتي. ولازم ترجع لبيتها لان ماكو امل بأن بيوم ننجمع بس بقيت مقهور ومتأذي وصلت بيه ابجي من وراها بس مابيدي شى الي بينا انتهى وميرجع
شهد .. كاافي ولج من اجيتي لهسه تبجين راح تموتين حتى امج كل شويه تسأل واكذب عليها اكولها نايمه وغتوو سأل عنج وابوج وتالي وياج
ود.. مااريد اشوف احد مااريد
شهد .. يمعوده ليحس احد استري علينا
ود..كلها ايام وكلها تعرف لان اكيد هشام راح يطلكني بعد الي صار
شهد .. بلكت الله تنحل
ود.. شيحلها واني غلطانه
هشام ... رجعت للبيت وطبيت للغرفه واني افتر اذكر عطرها فتحت الكنتور اباوع على ملابسها اشمهم ااااااه ليش حبيتج لو كاذبه عليه ليش ياود كسرتي گلبي ليش
بقيت تعبان على فراكها اني احبها حب موطبيعي بحيث ماانام اله احضن قطعه من ملابسه ردت بس اتعود على غيابها مدااكدر وبنفس الوقت كرامتي ورجولتي متسمح ارجعها وصار حدود ٢٠ يوم تاركها يم اهلها وامي اگلت گلبي بحيث اطلع من الصبح ماارجع اله تالي الليل حتى لااشوف امي وتسألني
ود.. صار ايام بيت اهلي واني صار عندي شعور احس روحي غريبه رغم شايليني بالصلوات بس حنيت لغرفتي اداوم ومااشوفه احس بفراغ والم ومااعرف افسره اشتياق لهشام لو الم من خذلان خالد
وبيوم بالكليه داامشي وشفت هشام واكف يضحك ويه بنيه شنوو من جمال ونزاكه اني بنيه وصفنت عليها شحال هو اكيد انعجب بيها
نور .. شوفي المزه الي ويه رجلج يمه هي هاي البنات الي معدلات موو احنا جنه زلم خشنه
مريم ... هههههههه اي والله صدوك زلم شوفي جسمها وفوكاها تتموع بالحجي
ود.. تخبلت ومتحملت ورحت امشي بأتجاهم
هشام ... شفت زميله قديمه دفعتي بالكليه وسلمت عليها وهي حيل تعزني مااشوف غير ود تجي من بعيد والشرار بعيني هااي شبيها
ود.. هلوو حبيبي
هشام ... بگلبي اكول هذا منو حبيبها بس مفشلتها هلو حبيبتي
ود.. معرفتنا
هشام ... ست اريج زميله جانت ويايه بالكليه
ود.. اهلاً وسهلاً خفت ميعرفها عليه
هشام ... هذه زوجتي ود
اريج .. اهلاً وسهلاً زوجتك حلووه هشووو
ود.. بگلبي اكول وجعوو بگلبج وگلب الي خلفج فوكاها ادلعه
انتي أًاٌلاًحــلى حيااتي
انداريت على هشام لوو بيدي اكله وكتله بهدوء يله حبيبي تأخرنا لازم نرجع للبيت
هشام ... هنا حصرتني الضحكه عرفت غيرانه يمكن احلى شعور حسيته وينج يااريج وين جنتي قبل واشوف ود تغار مدااصدك
يله حبيبتي من رخصتج
اريج .. خلينا نشوفك هشووو
هشام ... ان شاء الله عن قريب
ود.. بس سلمنا ومشينا ساكتين لزمت ايده على القصد كدامها واني لوبيدي اكطعها
وصعدنا السياره وجان هذا هشام يعيط لوبيده يخنكني
هشام ... بله انتي مستحيتي على روحج طفله هي هاي هم تصرفات مووعيب
ود.. لتعيط
هشام ... اعيط واكسر راسج شون هيج تتصرفين
ود.. وشنو هي واكفه يمك تتموع
هشام ... البنت محترمه ومابدر منها شى نظراتج الها لوبيدج تاكليها
ود.. انت منتبهت عليها تتموع وتضحك اذا انت متخاف على منظرك العاام كدام الطلاب اقلها قدر زوجتك ويااك شنوو نظره العالم الي من يشوفوكم تضحكون ومنطلقين ميكولون زوجته الثوله وين
هشام ... اولاً اني مكاعد بمكان مغلق ويااها واكفين بمكان عاام وكدام الكل وبكل احترام بس انتي مدري شخبلج
وانتي اذا خايفه على منظرج العاام مجان خفتي عليه من الطلاب يشوفوج دوم بعيده عني حتى من تمشين ويايه عبالك بجنازه لوبس اني لازم اراعي المشاعر والنظره العاامه وادوس على نفسي وكرامتي لخاطرج
ود.. دنجت وكمت ابجي بهدووء
هشام ... اني نقطة ضعفي الوحيده دموعها من اشوفها انجن مااريدها تبجي
اشش اسكتي دااكول اسكتي
ود.. ابجي بهدووء يله سكتت
هشام ... ليش بعدج تبجين راح تخبليني انتي موو تكرهيني مومتريديني شنو هاي تصرفاتج والله عقل مبقى بيه من وراج
ود.. شون نطقتها وتجرأت وطلبتها ماادري
ممكن ترجعني للبيتي
هشام ... موو عندج محاظرات من تكمليهم ارجعج لبيت اهلج ادللي بس كافي بجي
ود.. لا اريد بيتي موو بيت اهلي
هشام ... يابيت
ود.. بيتنا بيت اهلك
هشام ... نبض گلبي وممصدك الي اسمعه بس اتذكرت شون جرحتني وكالت اكرهك
هشام ... ماكو ود رجعه الي بينا انكسر وميتصلح
هم رجعت تبجي كاافي يمعوده
ود.. العفوو موقصدي اجرحك جنت عصبيه وطلعت
هشام ... انتي هنتيني واذا اني رجال وعندي كرامه لويصبوج ذهب ماارجعج
ود.. دنجت ومااعرف شحجي والاعتذار مراح يصلح الي صار
زين خلي هاي الفتره ارجع للبيت اقلها تمر كم شهر ونطلك بعدني عروس والطلاك هسه راح يجيبلي السمعه المحلووه ممكن تتحملني شهرين وراها الي تريده يصير
هشام ...صفنت وبقيت افكر بكلامها
انزلي هسه كملي محاضراتج ومن تكملين تعالي وانطيج خبر بأي او لا
ود.. نزلت والنار بصدري وحسيت ذليت نفسي من طلبت هيج بس بنفس الوقت اني غلطانه بحقه ليش طلبت هاي الشهرين منه وشريد اوصل محتاره
وكولشي مفهمت من المحاظرات بس خلصت طلع اركض لكيته منتظرني
اصعدي
صعدت هاا شقررت
هشام ... راح ارجعج بس اني مالي علاقه بيج انتي انتهيتي من گلبي ولخاطر سمعتج وحتى ليكولون لعب بيها وطلكها او اكو سبب بيها وطلكها كم شهر ونطلك المده الي تبقين بيها كل واحد ينام وحده يعني ازواج مع وقف التنفيذ بس ايااج ثم ايااج احد يعرف بأتفاقنا وخاصه امي
ود.. مااشي .. كروب قصص غزوان علي
هشام ... يله نروح لبيت اهلج ناخذ غراضج وراها للبيت شنوو العذر مال بقائج
ود.. كتلهم مسافر ايفاد
هشام ... خووش
ود.. اخذنا غراضي وسلمت على اهلي وطلعنا وطول الطريق ساكتين وصلنا لبيتهم البنات سلمووا عليه وامه اكيد ذبتلها كلمه كلمتين واني سكتت
وراها عدلت ملابسي وتعشينا وصعدنا اناام جان يجي هشام ياخذ المخده ونام بالصاله صح انقهرت بس هذا من ايدي وعدت الايام وهو يعاملني بجفاء وعلى كد سؤال جواب اي كلام زايد ماكوو فعلاً شفت وجهه منه محلووه
وبيوم نايمه كعدت على عياط هشاام ركضت وجان يحلم
هشاام اكعد عيني اكعد
هشام ... جنت احلم ود عافتني وركضت واجه عمي وعمي اصلاً مستشهد وكلي راح اخذها منك وجااان اعيط لتاخذها عوفها
ود.. اكعد هشاام فدووه شبيك
هشام ... فتحت عيني واشوفها كدامي
ود.. مااشوف غير هشاام يحضني حييل ويبجي
شبيك فدووه
وبس يبجي اول مره اشوفه هيج شبيك يااعيني وبقه بحضني بحدود ربع ساعه وحسيته ناام رجعته لفراشه ودااكوم جان يلزم ايدي
لتروحين ابقي
ود.. كوم بالجربايه تعاال كومته من ايده وهو مثل الطفل يمشي ويايه تمددت اجه ناام بحضني وحضني حييل استغربت من تصرفه بس اول مره احس بحضنه وكان احساس حلوو وبالامان دعيت ربي يحنن قلبه عليه ويخلي قلبي يحبه
هشام ... كعدت الصبح لكيت نفسي بحضني اااه ياحضنها يسوه الدنيا باوعت عليها نايمه مثل الملاك ضليت صافن عليها واتذكر كل كلمه كالتها على خالد وشون تحبه دمعت عيوني تمنيت تحبيني ربع حبي الج جان يعشتج اميره كمت من حضنها وبدلت وطلعت للكليه حتى منتظرتها مااريد اشوفها واتذكر اشون البارحه بجيت بحضنها واتذكر ضعفي اتجاهها
ود.. كعدت ملكيته عرفت بيه طالع حتى منتظرني واني اخاف اركب تكسي خليت وكعدت مداومت
هشام ... بعد الدوام صارت ساعه ١٠ وهي ماكو خفت وتذكرت الحلم واتصلت بيها
ود.. هلوو شونك
هشام ... وينج
ود.. بالبيت مداومت
هشام ... ليش مداومتي
ود.. انت عفتني وطلعت واني مااعرف اصعد تكسي وحدي اخاف
هشام ... ابتسمت على كلامها مرات احسها طفله وكوولشي متعرف
جنت مستعجل وطلعت بعد مااعوفج
ود.. اياااك تعوفني بيوم
هشام ... حسيتها تقصد موو الدوام بس سكتت
ود.. هشاام
هشام ... نعم
ود.. سكتت
هشام ... شبيج وحد محتاجه شى
ود.. سلامتك وسلمت وسديت ردت اكوله انطيني فرصه احبك لتعاملني بقسوه وانسى الي صار بس مكدرت اني غلطت بحقه واريد اعوضه عن كل الم شافه مني ومداانجح
من رجع كاعدين على الاكل راد مي ركضت جبت المي ومااعرف عثرت وجان اوكع والكلاص بيدي
هشام ... شبيج ثوله مي مدبرتي تجيبين الله بلاني بمره مابيها خير وعفت الاكل وكمت
ود.. انقهرت من كلامه اول مره يحجي هيج وفشلت من امه وخواته بس همه سكتوو محجوا شى لميت الكزاز
صبا.. ولج ود هااي شنوو
ود.. شنوو
صبا.. شوفي ايدج
ود.. من شفلتي والقهره من هشام منتبهت ايدي مشكوكه بقوه والشك ينزف بغزاره
اني شفت الدم كمت ارجف جبانه اخاف
صبا.. هذا يرادله خياط واكو كزاز جوه هشاام وينك
هشام ... هااا خير
صبا.. تعال شوف ود
هشام ... شفت ايدها غركانه بالدم وجهه صار اصفر طفرت من خوفي بيج شى
ود.. لا مابيه ومبرطمه مقهوره منه
هشام ... شوو كومي
صباا لبسيها حتى اخذها للمستشفى
ود.. اخااف
هشام ... اشش مااسمع صوتج
واخذتها وهي مثل الطفله ترجف واني گلبي يرجف خوف عليها مره اعاملها بقسوه ومره لوبيدي احضنها واحطها بنص صدري
والدكتور كال خياط بدون بنج وهي كمزت
ود.. مااااااا مااسوي
هشام ... ولج اسكتي خزيتينا شكبرج وتبجين مثل الجهال
ود.. اخااف والله
تعاالي وجان يحضني ويهمس بأذني وانطه للطبيب ايدي ويخيط وابجي من الوجع
هشام ... تدرين اول مره من شفتج كلت ملاك ويمشي على الكااع
ود..ليش حبيتني
هشام ... الگلب وميريد ود
ود.. وبعدك تحبني
هشام ... بيدج ضيعتي الحب ونهيتي حتى قبل ميبتدي
ود.. لتعوفني محتاجتك
هشام ... يله كمل الخياط
وشفت صدوك الطبيب كمل من وراه ولا حسيت وطول الطريق ساكت ورجعت نمت وبليل حسيت بيه يقيس حرارتي سويت نفسي نايمه مااريد ابين نفسي كاعده اريد اشوفه شيسوي من شفته خايف عليه ابتسمت بداخلي وكلت اكوو امل ارجعه صح طريقي طويل بس لازم ارجعه ولازم هم احبه مثل ميحبني وانسى كل الي صاار
غيث .. مرت اشهر على الاحداث الي صارتلي كدرت اغير من شغلي ورجعت وكفت بالسوك ورجع اسمي بين الشركات عالي ومطلوب وبالشغل الهي نفسي حتى ماافكر بيها بس الليل اااااه منه يهد حيلي بس افكر بيها ومرات اشتغل حتى ماافكر وحتى طريقي غيرته حتى ماافوت من يم بيتهم ومن يحجون بيها اكوم مااريد اسمع اخبارها
وبيوم واني كاعد بالمكتب طبت بنيه حليوه ذات بشره حنطيه وعيونها خضر خلت المكتب كله ينگلب لان شايله جماال ساحر والسبب عيونها رغم حنطيه بس مع لون عيونها طالع وجهه بيه سحر ويجذب باوعت عليها لابسه ملابس عاديه تنوره وقميص وشايله شعرها بأهمال
تفضلي
السلام عليكم ممكن الاستاذ غيث
غيث .. تفضلي اني غيث
اني اسيل اخت امين الي جان يشتغل عندك
غيث .. تفضلي اكعدي اول مره ادري عندي امين هيج اخت حلووه طبعاً احجي بيني وبين نفسي
اسيل .. استاذ غيث اني جايه اطلب منك تسامح اخويه على الي سواه .. بيج قصص غزوان علي
غيث .. انتي عرفتي شسوه
اسيل .. اي عرفت وهو سوه حادث قبل اياام وحالته خطره بالمستشفى لهذا جايه اترجاك تسامحه واذا تكدر تجي وياايه وانت معروف عنك اخلاق وكريم
غيث .. لاحول الله سلامته
وانقهرت عليه صح غلطه جبير بس هذا الرجال بين الحيااه والموت
ورحنا وشفته وصدمني بطلبه
شنوووو انت شكعد تكول امين
موج .. صرت بالشهر السابع وحالتي شبه مستقره واليوم نزلت اتغدا وسمعت هلاهل
خير ياارب هاي منين الهلال
ام اكرم .. اليوم زواج غيث ابن ام زيد تعرفيه اكيد
موج .. غيث
ام اكرم .. وجع شبيج فزيتي
موج .. لا بس تفاجأت
ام اكرم .. اي الحنه اليوم وباجر الزفه وعازمينه
موج .. نار وشبت بگلبي حتى حسيت اوجاع مال ولاده وصعدت فوك وابجي احس حتى الطفل نزل والوب بالغرفه واني اسمع الهلاهل وكل هلهوله عبالك سجين بگلبي وابجي وفتحت الكنتور وبدلت ومكيجت وطلعت اجنن ردت اروح اشوفه لازم اشوفه
ونزلت
ام اكرم .. هااي يمعزايه بيج حيل اطلعين
اي عمه اجي ويااكم
ام اكرم .. يله علوواه اني ردت تجين حتى الجيران يشوفوج حامل ويعرفون ابني رجال وكدر يحبلج
موج .. بله هاي شحجي ويااها واني لوبيدي احرك روحي واحركها واحرك ابنها
طبيت وتقربت منه هو فتح عيونه متوقع يشوفني تقربت منه
يتبع ....
اتمنى منكم تعذروني عالتأخير ولو سمحت الكم الفرصة وتعرفون ظرفي ماكنتم تلوموني وتكولون حقة شون ديلحك يكتب . واغلبكم يعرف اني مااتأخر بالنشر ومضبوط بالمواعيد بس 😔
غزوان علي