ملاحظة ...
قصة #احلام_ناني رح تتوقف الى ما بعد ثالث الامام
يعني البارت الجاي انشره يوم الاثنين الجاي ...
بسب
و هذا اقل شي نقدمه ان نترك كل ما يلهينه عن ذكرى استشهاد ابا عبدالله ...
و هسة اترككم مع ا
البارت٨
#احلام_ناني
بقلمي ديانا ام اية
لا احلل النقل بدون اسمي
يوسف...
عيني سارحة بالمنظر ... رغم عيوني ممتفاعلة وية جمال منظر نهر دجلة من فوگ جسر الجادرية ... و الهوا المنعش الي داعبت نسماته وجهي ... بس فكري مشغول ... و بالي قرار لازم التزم بي ... بعد الي صار وية اماني خلاني اغير فكرتي و احس اني مسؤول عليها ... و هي لازم تلاكي الظهر الي تنسند عليه...
درت وجهي و باوعتها بالسيارة جانت فاحطة بجي ... ما قبلت اظل يمها بالسيارة هي رادتني انزل ... اعتقد صعبت عليها نفسها بعد الي صار...
هذه مرت اخوها عقربة سامة ... والله لو ما هي بيتهم و لو ما هي محسوبة ع النسوان جان انطيتها راشدي صطرتها و عدلت اخلاقها هالحقيرة...
صح هي فكرتي اني الي جبت اماني لبيت سهير و كتلها ذبي جهالها عليها و كافي خنوع و خضوع ....
بس ما ادري بگلبي غصة ع هالبنية... مجنت متوقع رح اشوف من بيت خالتي هالاساءة و القساوة على اماني...
طلعت وياية من بيت اهلها و اخذنه الجهال... يعني اني بذاك الوكت جانت نار شابة بية.... شنو خدامة .... منو موهمهم هي تشتغل عدهم....
صعدت للسيارة و هي قلقة بعد ما كتلها اختاري الج سند لو اني لو اهلج....
بالبداية رادت تماطل بالموضوع بس اني خليتها تحسم امرها من وكفت بالباب و كتلها هسة تختارين....
لبست عبايتها و جرت الجهال و مشت .. مرة وحدة سألتني وين رايحين .. و اني سكتتها .... كتلها من نوصل تعرفين.... اني اندل بيت اهل سهير لان اخوها جان صديقي ..... بايام الاعدادية و معن ويانه و طول فترة الدراسة نلتقي اما بيتنه او بيت خالتي او بيت اهل سهير..... و ابوها يعرفني حق المعرفة و همه خوش عائلة بس هاي بتهم هسة دريت بيها عكربة.... معقولة هاي اخت عمر مدا اصدك.....هواية امور سولفتلي عنها رشا عن تعاملهم وياها... هذا اسمه عبودية .... شنو امي وصتني عليهم شنو هالخريط .... البنية ناسية شلون تعيش و ملتهية بعيشتهم.... متعرف شنو راحة و سهرانة ع راحتهم.....
هسة عرفت شنو جانت تقصد رشا من كالتلي لا تكسر گلبها...
اني بالبداية جنت ناوي اتزوج و ادور وحدة تلم شملي وية ابني.... هسة و بعد ما لكيتها و متأكد ما رح تقصر بتربيتها لابني و بترتيب حياتي الي انترست فوضى .... لازم ارد الها الفضل مقدماً و اكون سند الها و ما اخذلها .... لذلك رقم منار حذفته و دزيتلها رسالة بعد ما الي علاقة بيها ابد..... صفنت بحياتها و باحلامها البسيطة الي صارت تسولفلي عليها هي مجرد انسانة هدفها اسعاد غيرها ... ما عدها اي هدف بالحياة مع الاسف...؟مجنت متوقع معن و خواته صنعوا من اختهم روبوت حتى تلبي احتياجاتهم...
مخنوگ و نار جواية مستعرة ما كدرت الوي ايد هالحرباية من مدتها على اماني....
جنت برة واكف و هي نزلت من السيارة بخطوات ثگيلة و حاضنة ابن اخوها و البنية الصغيرة لازمة عبايتها و تبجي ....
دمعتها بطرف عينها ... احسها ندمانه ع فعلاها هذه ... ادري بيها غصباً عنها سوت هيج بس يجي يوم و تشكرني لان غصبتها تدوس ع مشاعرها...
انفتحت باب اهل مرت اخوها و طلعت اخت مرت اخوها و دخلت جوة و نظرتلي نظرة ضعيفة و خايفة.. ازرتها برمشة من عيني و ابتسمت الها ..
دخلت و اني نزلت من السيارة انتظرها بالباب... اني اعرفهم منو و شنو ... لو ما اخوهم صديقي و داخللهم ما اخليها تدخل وحدها...
تاخرت و قلقت عليها ... صرت ادك الباب حييل لان اجة لاذني صوت صياح ....
دكيت الجرس و احس الارتباك سيطر علية...
ثواني و وكفت سيارة نزل منها رجال ..
وصل ليمي و شافني رغم ليل بس عرفني....
-منو هذا يوسف... ؟؟ يا هلا يا مية هلا بريحة عمر شلونك يابة بعد ما شفناك من سنين
يوسف..: هلا عمي .. شلونك ... اخبارك
-الحمدلله ليش واكف بالباب.؟ تعال اتفضل عمي تفضل
يوسف..: والله عمي زوجتي يمكم .. و دا انتظرها
(بهالاثناء زاد العياط و صار قريب)
-يا ساتر ... شكو جوة .. من رخصتك عمي اشوف شكو
يوسف..: عمي الله يخليك هذه زوجتي جوة و يمكن زوجة معن وياها... سويلي درب حتى اشوف زوجتي خاف صار عليها شي
فتح الباب ابو عمر و فات ... و اني صرت اكل الكع اكل .. بس اريد اوصل للصوت .. جانت اماني واكفة بباب
ابو عمر صار يصيح ع بناته الملتمات ع اماني و وحدة تعيط و اللخ تدفع بيها و هي سمعتها دكول لسهير حرام عليج تلفقين علية... و سهير بترس ايدها شالتها و ضربتها لاماني راشدي...
ابو عمر ..: ... سهيرررر؟؟؟؟؟؟
سهير جمدت و باوعت لابوها... اني اعرفه لابو عمر كلش اولاده يخافون منه .. و يحترموه و يهابوه .. كلمته وحده و متصير اثنين...
وصل ليمها و اني هم ... جريت اماني و خليتها وراية ... جانت غادية فد نوب من البجي و ساكتة ... اني لو بيدي هاي اماني اسويلها فد جارة و اصحيها ع زمانها ...
كتله عمي ما صايرة و لا دايرة ... بنتك تمد ايدها ع حماتها الاكبر منها ... و الي مضحية بعمرها علمود جهالها ... والله لو مو بنتك جان عرفت شأتصرف وياها و اخليها تتندم بس لخاطرك رح اطلبها منك ترد اعتبار زوجتي و هسة ...
سهير ..: يعني باله شتريد من ابوية ...؟؟ يضربني علمود وحدة تافهة مثل هاي؟؟؟؟
و سكتت و سكتها ضربة ابوها ع صفحة وجهها الي صداها اثلج گلبي...
خنست كل الاصوات من بعد هالراشدي و هي متبسمرة و لازمة خدها و تباوع لناني الي دتأن
كرامتها من الموقف الي جانت بي و لازمتني حييل من قميصي....
ابو عمر ..: هسة تعتذرين من حماتج و ما اريد اسمع منج غير كلمة ...
سهير ..: ما اعتذر ... هي التعتذر
ابو عمر ..: اذا ما تعتذرين ما الج كعدة بيتي ... و اخلي كل اخوتج و خواتج يقاطعوج ... مع الاسف هاي تالية تربيتي الج ...
صارت تتبلعم و متكدر تحجي بس عينها تذب سم ...
ابو عمر و بصوت عالي..: ما عندج خيار ثالث لو تعتذرين لو لا انت بنتي و لا اني ابوج....
خطت خطواتها باتجاه اماني الي واكفة وراية ... و بصوت هامس ..: اعتذر
مديت ايدي و لزمت اماني حييل انطيتها قوة ...
و هذيج حسيتها السم وصل للذروة بحيث راحت ركض دخلت و اخذت خواتها وياها ....
اندار ابو عمر و بوجهه سمح .:: عمي سامحونه و مسحوها بوجهي... يوسف عمي ... والله ما اعرف شأكلك ... اكلك مبروك ع زواجك من هالبنية النادرة ... الي والله لو اكعد منا لباجر امدح بيها ما اوفي حقها ... الله يرحمها ام معن ما ماتت سبحان الله هي بمكان امها و حنيتها مغرگة الكل...
عمي اعتذر منكم .. بابا اماني خما زعلتي ... حقج علية و مسحيها بوجهي...
ناني و بصوت مخنوق..: لا عمي ما صار شي
يوسف..: والله لخاطرك رح اسكت و ما اكبرها و الا كرامة زوجتي من كرامتي و هذا مينسكت عليه تمد ايدها و بحضورك و بحضوري...
ابو عمر ..: خاطرك عزيز ابني يا رب مهناين و ان شاءالله شايفين كل الخير ... دتفضلوا نضيفكم ..
يوسف..: لا عمي بيتك عامر ...ظلت ضيافة بنتك خوش ضيافة ضيفتنه.... عمي هالمرة سكتت مرة ثانية ما اسكت اعتذر منك ... لان بنتك هذه مو اول مرة تهين زوجتي ... و اني عندي بعد عتاب لمعن ... شلون يرضى بهالتصرف من زوجته .... و هذه اخته الي ناذره عمرها اله و لبيته و لاولاد و حتى لزوجته هيج يعاملوها ...
ابو عمر ..: لا عمي ... كرامتك و كرامة زوجتك محفوظة ان شاءالله و اني مثل ابوك يا ابني اني دا اعتذرلك فوك اعتذارها ... و رح ادخل هسة هم اشوف شنو السالفة ما جانت هيج ...
ليش صايرة لهدرجة مترحم ضعيف...
يوسف..: ع العموم اترخص عمي و سلملي على عمر ...
ابو عمر ..: هلا بيك ابني ... زارتنه البركة... و اعذرونه ع البدر من بنتي...
طلعت و الرجال انزعجت من الموقف الي انحط بي ... ظل يتعذر ... و هو راجع ليورة رغم هو ما قصّر رد الاهانة لبنته و اقوى ... هم ضربها نفس الضربة و هم خلاها تعتذر... هذا الي ريحني... و الا والله ردت املص رگبتها هالتافهة ... النذلة...
صعدتها بالسيارة لان منهارة من البجي و صعدت اني هم ... بس شنو ... ما كدرت اسكت... نزلت عليها ... و حجيت عليها حجي بطريقة قاسية...
يوسف..: انت ليوين رح توصلج طيبة گلبج.... كااافي بس ... ترة محد رح يصفكلج ... كلمن يصيح يا روحي... مرة اخوج زعلانة و بيت اهلها كاظيتها خوارة و دياحة و بزرتها براسج ... عرفتي دكوليلهم خطيبي رح يجي هالايام و لازم العرس ورة جيتة باسبوع و لازم احضر روحي.... ما شفتج حايرة بصالون ما سألتيني على الفندق ما سألتي ع تفاصيل العرس بدلة و القاعة و المعازيم و الديكور و و و و ... هذا كله لازم انت هسة حايرة بي ... مو جهال اخوج ... حفاظات و حليب و سهر ...
(صرت اعيط و اضرب ع الدشبول)
وهي صارت تبجي اكثر و خايفة من الصوت رجعت ليورة ...
انتبهت ع نفسي و سكتت ... و طلعت حرگة اعصابي بالسياقة و دست بانزين و زيدت سرعتي...
هي ظلت تبجي بس بصوت خافت... متريدني اسمع ... و اني عيني عليها زرفت گلبي...
اتعوذت من الشيطان و غيرت نبرة صوتي..: رح اذبج هسة عند الصالون ع السريع تعدلج و اشتريلج فد فستان و اوديج لحفلة اختج ... وحد انت ع العالم ... ؟
احجي ... ليش ساكتة ... ابدي رايج ...
ناني و بصوت خافت..: ما اروح ما اكدر
يوسف..: و ليش ؟؟؟
ناني..: هيج ما اكدر اروح
يوسف..: ليكون هاي اختج اللخ هم مسمعتج حجاية ... لو غاثتج ... هي جنها هيج والله و الا جان فرحتي و رحتي اعرفج تفرحين لفرحهم و تبجين على بجاهم...
ناني ..: اوكف هنا عفية ...
يوسف ..: وين هنا احنه ع جسر شتردين..؟
ناني..: انزل و عوفني وحدي الله يخليك ربع ساعة مو هواية ... كلش مدا اكدر ... عوفني حباب
وكفت السيارة و نزلت ... و انتظرها تكمل البجي و النحيب الي ما ادري شنو رح تستفاد من هالفصل ...
منظرها و الي صار بيت مرت اخوها خلاني اصر ان اكون الشخص الي يسندها ... و اول شي سويته طلعت السيم كارت القديم و كسرته و ذبيته بالشط ... ذبيت ذكرياتي القديمة و الماضي ...
منار من جنت بتركيا نطيتها طابع و كتلها اني كتلج مرة و اختاريتج و كتلج ظروفي و انت ما قبلتي ...
اذن منصلح لبعض...
بس هي لزكة ها اها هذا السيم كارت و كسرته خلي اشوف شلون رح تتواصل؟؟
وعلى وكفتي حذفت كل حساباتي القديمة ... الفيس و الواتس اب و الفايبر و السناب كلهن لان منار عدها هالحسابات و ما اريد بعد اتفاعل بيهن ... من اشتري سيم كارت جديد رح افعل حسابات جديدة و هالمرة حتكون نظيفة... بأسم يوسف الجديد ... يوسف الي همه واحد ... اسعاد عائلته....
عدت الربع ساعة و اني واكف بمكاني... شفتها مغمضة عينها و متچية راسها ع الكشن ...
حسيتها بسلام ... معانيها صافية رغم مغمضة عينها... و رغم الدمع الي ديقطر من عينها ...
فتحت السيارة و صعدت وهي على حالها... ما فتحت عينها...
سألتها بنبرة هادئة..: حابة تروحين لمكان؟؟
ماجاوبت ...
ورة ثواني عدت السؤال... هم ما جاوبت ....
كلت ما اسكت لازم هالبنية اغيرها باللين او بالشدة ... لازم اغيرها...: اماني ... اسمعيني حبيبتي ....
اتقصدت ادلعها و انطيها الامان و اثبتلها اني الرجل الي رح يكون سندها...
شفتها فتحت عينها ... و باوعتلي و عيونها مليانة دمع و حزن...
كملت ..: شوفي عمري انت ... الطيبة حلوة و خدمة الناس و مساعدتهم ايضا شي حلو و كلنه لازم نتحلى بي... بس الكرامة اغلى من كلشي ... الذات الها حق عليج... نفسج محتاجتج اكثر من هالناس الحواليج كلهم... و اذا ع الحجة المعهودة القديمة الي دكوليلي امج موصيتج عليهم و لان ايتام ... لعد انت شنو مو يتيمة؟؟؟ مو بنتها ؟؟؟؟ خالتي الله يرحمها هي التتحمل وزر هالوضع.... انت جرمتي بحق نفسج اماني... انت نسيتي اهم شخص و ما داريتي ... انت نسيتي نفسج ... نسيتي اماني... دفنتيها بالحياة... ليش ..؟ منو اليستاهل ... منو معن؟؟ هذا معن شفتي مرته ما رباها و علمها تجازي حماتها و تشكرها ع وكفاتهة وياها ...
لو نبراس؟ هذيج نبراس اليوم مهرها و عادي عدها اختها متجي لهيج مناسبة مهمة... مفروض تكون الاولى بالفرحة مو بس بالتعب و الشگة هي الاولى ...
لو منال ..؟ التابع لنبراس... و هم نفس حالة اختها اكيد...
اصحي اماني ... اصحي ... محد ينفع اوكفي ع حيلج و انسندي ع حيلج و اني وياج و بظهرج و ما رح اتركج ... رح اخلي الكل تتمنى رضاج و يتندمون لان في يوم من الايام قسوا عليج و استغلوا طيبتج و احتكروها لنفسهم....
ردتني و صوتها مخنوك..: ما جنت محسبة كارهيني لهالدرجة... ما كدرت ما انطي و اني باستطاعتي انطي...
جان همي بس امي ترضى علية بكبرها و اني اسوي الرادته... ما جان همي رح يرضون او لا ... تعلمت اقدم الشي بدون مقابل ... انطي اغلى ما عندي وهي راحتي في سبيل راحتهم...
يوسف..: حساباتج غلط... محد كلج عفاج ... شكراً ... حتى جهال اخوج الي همه هسة صغار و يحبوج باجر عكبه محد يعرفج و تصير امهم هي الي ربت و تعبت و شقت ... و انت ... انت لا شيء....
يجوز هذا كلامي مثل الملح لجروحج ... بس صدكيني اني محترگ عليج ... اليوم ردت اكلها لسهير لو ما ابوها هالرجل الطيب وكف بعيوني... و الا والله لا املص ركبتها و اخلصج منها هالمسطرة...
اماني..ضحكت ع اخر حجاية كلتها ...
والله مسطرة ... صفرة من السم متنعرف انسانة لو حية....
اماني..: يوسف ... عوفها خلي تولي...
شلت ايدي و حطيتها ع ايدها ... عيون يوسف حعوفها لو بس انت تعوفين العالم كله و تچلبين بذيالي و الله لا اخلي الكل تهابج و تحطلج اعتبار و يحسبولج الف حساب...
امشي وراية و اوصلج لبر الامان.....
اماني ..: و النعم منك ينطيك عافية بس تعرف ما اكدر اعوف اهلي بس رح اقلل من كلشي جنت اسوي...
شسويلج امر الى الله قللي و شوية شوية تركي.... هو بس خلي اخذج و اتزوجج و خلي يشوفون شنو رح اسوي .. و الله لا اخليهم يبجون ع شوفتج ... هي تايهة تهيييي بهييي
وصلنه لبيت خالتي و نزلنه شوية طلعتها من مزاج الكآبة الي جان مسيطر عليها ...
نزلنه و هي ركضت لان شافت الباب مفتوح ...
لحكتها ع السريع و جان نشوف معن واكف بالطرمة ... وجهه مورث و عينه حمرا ...
اني صراحة ضجت منه و گلبت خلقتي عليه...
معن..: شرفتي ست الحسن ...
اماني..: شكو شصاير شو البيبان مفتوحة.. انت مو ع اساس اليوم تتاخر محطيتلك المفاتيح اعذرني لان عبالي اجي قبلك...
قاطعها و اتقدم منها و هو يضربها ع راسها و يوكعها بالگع ... : و لا حجاية اسمع منج
و اني ما اعرف شنو قوة جتني ركضت عليه و اتلازمنه اني وياه ...
يا منحط يا ساقط لك اتمد ايدك ع مرة و منو اختك الي مضحية بحياتها ... علمود شكولك الزفرة يا كلب...
و ضربته بوكس ع وجهه و هو مسكت ضربني ع چتفي ببوكس هم... و صرنه نتضارب ... سمعت اماني صوتها خافت تصيحني باسمي انداريت و لكيتها واكعة ع و راسها دينزف دم
عيوني مشفت بيها شي ركضت شلتها و حطيتها بالسيارة .............