البارت ٥
#احلام_ناني🕊
بقلمي ديانا ام اية
لا احلل النقل بدون اسمي ابدا
ناني....
ايدي بايده و عينه تبث حب يباوعلي بنظرات كله حب ... خلاني املك الدنية ... فتحلي باب السيارة و صعدت و سد الباب... و رجع صعد من كعد گلي انطيني ايدج ما اريد نتفارك....نطيتهياه و اني مستحية و هو ظل يباوعلي و مبتسم... شال ايدي بكل هدوء و طبع قبلة ع ايدي...
و حول نظره للامام و بعدها الابتسامة ع ثغره و ايدي بايده و بايده الثانية و بحركات خفيفة طلعنه بالسيارة و نمشي بيها سريع....
اااااخ ... هاي شجابني بالگاع.... فركت عيني... و اباوع يمنة و يسرة ... وين اني... وين يوسف..؟؟
مو جنت وياه بالسيارة؟؟؟ هاي شنو اني بالحلم لو بالواقع..؟؟؟ رفعت ايدي وباوعت ع اصبعي و بالتحديد للحلقة ... رجعت عيني ع الفراش... وع نفسي... هاي جنت نايمة......!!!
يوووو يا ناني ما تعلمتي صارلج اسبوعين ع هالحلم ... يومية ورة ما انخطبت من يوسف هيجي تالية نومتي حلم و نهاية الحلم اوكع بالكع ...
وكفت عدلت فراشي و اني اتذكر اليوم الي طلبني بي و الطريقة المختلفة.... والله بوقتها دقايق ظليت فاصلة عن الكل ... كلشي ماشفت بس هو كدامي... و كلشي ما سمعت بصوته ...
صح الكل تفاجىء ومن ضمنهم معن الي بعدين افتهمت ما راضي و بعدين يوسف متجادل وياه ... كله انطيني سبب مقنع ترفضني... شنو الناقصني... اني الشعور الي جان محاوطني جبير ... و ما اكدر اوصفه ... ردت اكوم اهلهل ... لا اكمز ... ما ادري هيجي حلمي يصير حقيقة؟؟؟ معقولة؟؟؟
وراها بايام خابرتني رشا و كالت نريد نجيكم حتى نخطب رسمي...
و الله هذا اليوم جان اسعد يوم بحياتي .... نظفت البيت و حضرته لان رح يجون بيت خالتي و يخطبوني ... يخطبوني ليوسف ...حلم هذا ... يا ربي تممها ع خير...
طول الكعدة جنت مستحية و كاعدة عيني و لا شلتها غير مرة وحدة من طلبت مني خالة ثرية تسمع رأي... كلت رأي و اني اباوعله ... ابتسم و خلاني اذوب...
اني بين ما همه صاروا يتفقون ع الحگ و المواقيت المشاية و المهر ... قاطعتهم و كتلهم اني عندي طلب صغير...
الحلقات نلبسهن عند موسى بن جعفر عليه السلام...
همه واوافقوا وحددنه يوم نروح و جان يوم جمعة... ما صدكت نفسي ... و حسيت بهذا حلم لحد ما لزم ايدي و حط الحلقة بيها .. ساعتها باوعت بعينه و بداخلي كلبي يرفرف... گلبي مبرووك اماني .... بلعت لساني و مكدرت اجاوب لان الشعور الجواية ميوصفه كلام . ردت ارد اله المباركة مكدرت استحيت و دنكت...
ورة ما رجعنه خابرني مرة سألني ع قياسي .... شكد البس اذا هدوم و اذا حذاء....
اني من فشلتي كتله اسال رشا ... رشا تعرف..
بس اصر يسمع مني .. وكتله مو تقلد علية البس ٤٢ و قياس رجلي ٤٠ ضحك و كال ليش اقلد...
أنت تقرأ
احلام ناني
Poetryفتاة تعيش حياتها كقربان لعائلتها ..تلبي احتياجاتهم ... تخدمهم ...و قد نست نفسها بين كومة الاوامرالتي تلاحقها يومياً..... لا تعرف الكسل و لا التعب.....تظن انها قد خُلقت هكذا.. و عليها ان تكمل مسيرتها هكذا... لكن هناك حلمٌ قديم ...يراودها كل ليلة...
