البارت١٠
#احلام_ناني
بقلمي ديانا ام اية
لا احلل النقل بدون اسمي
بعد مرور أشهر ........
بعض الاشخاص يملكون حظوظ لا تحتمل السعادة ... لا تحتمل الفرح ... و هم بقرارة انفسهم يعرفون صحة هذه المعادلة ... فحينما يبتسمون توخزهم قلوبهم خيفةً لألا يغزوهم الحزن بسبب هذه الابتسامة .... فيتطيروا من ضحكةً اسعدتهم او فرحةً توسطت قلوبهم ...
نعم فالسعادةُ فأل سيء عليهم ...
جسد بلا روح ... غاب الفكر ... غابت المشاعر ... جمدت الاحاسيس ... وين ناني القديمة ... وين الحيوية ... وين الاريحية لكل شي ... حتى التعب مريح الها...
خمول ... و برودة تسري بجسمها...
ع الاغلب الصدمة أثرت بيها ...
ناني ....
صوت الاذان صدح و هبت الناس تتحضر للصلاة.... الي استقبل القبلة و انظم لصفوف صلاة الجماعة و الي ديصلي طلب حاجة و رافع ايده يتضرع ... واني كاعدة لامة رجلي لصدري و عيني ع القبب و المنارة ... شكد جنت مخنوكة و الدنية ضيقة بعيني ... بس من دخلت لحضرة اباعبدالله فدواته حسيت نفسي قريبة لالله و لنبيه و اهل بيته.... بالبداية اول ما جيت ... جنت تعبانة و مليانه هموم و حمولي تعبتني... ذبيتهن وية دموعي و حسراتي...
اني حاسة نفسي هسة ياله استفاقيت من نومة طويلة... رحلة عمر طويل مابي راحة ... من كثر التعب نسيت احس بالتعب....
كل الناس اذتني ... كل الناس الها بصمة جرح بداخلي... حتى يوسف... هذا يوسف الي جنت اظنه غير عنهم ... غير عن كل الحوالية .... بس خاب ظني ... و خابت دكات قلبي... و حلمي تلاشى و صار سراب....
فرحتي ما رهمتلي... السعادة انخطفت مني و رجعت اتعس من قبل...
مجنت متخيلة رح انصدم بهالكمية و من هالشخص...
يوسف... هو يحجي هالحجي... تطلع منه هو؟؟؟ شلون .. مو هو الي وكف درع يحميني من اقرب الناس الي... مو هو جان طوق النجاة الي ..
نزلت دموعي من جديد من تذكرت الحجي ... عزت علية نفسي... و مدا اتحمل رنة كلامه باذني...
فزيت من ذكرياتي ع صوت الشيخ و هو يقيم الصلاة ....
................
يوسف...: يمة الله يخليج ... انطيني رقم ام رجل رشا اني احجي وياها.... هذا برودج طيح حظي....
ثرية..: ياما حذرتك ... و ياما كتلك ترة مترهملك ... متوالمك ... بس انت دكيت رجل و هاك اتلقى ....
يوسف..: ترة الي صار من جهتها دتشوفني اني الغلطان و حقها لان فهمتني غلط...
و مقبلت تنتظر افهمها ... لزمتني احجي وية وحدة و احجي عليها و اذمها .... شتترجين تصفكلي مثلاً ... لو بنتج ترضين تسكت؟
ثرية..: عاد بنتي والله لو زعلت وياها الحق... شناقصها ...
يوسف..: هم رجعنه لهالقوانة..ولج والله الي ما داخل عقلج ميدخل بعد .. لو يموت متترحميله ... اني اعرفج ... باطلة و مو ع الحق...
و ع هذا رايج ... اياني و اياج تدخلين بحياتي... و بس ارجعها لاماني طبه لبيتج ما اطب ... و هذا ابني ريحته متشميها ... و هسة تشوفين .... انت مينعاش وياج ... متشوفين ابوية الله يرحمه ما جان يطيقج و درب النسوان دربه... لان انت وحدة مينعاش وياج ...طرح بجمع...
أنت تقرأ
احلام ناني
Poetryفتاة تعيش حياتها كقربان لعائلتها ..تلبي احتياجاتهم ... تخدمهم ...و قد نست نفسها بين كومة الاوامرالتي تلاحقها يومياً..... لا تعرف الكسل و لا التعب.....تظن انها قد خُلقت هكذا.. و عليها ان تكمل مسيرتها هكذا... لكن هناك حلمٌ قديم ...يراودها كل ليلة...
