البارت٣
#احلام_ناني🕊
بقلمي ديانا ام اية
لا احلل النقل بدون اسمي
في بيت الخالة ثرية ام يوسف ...
ثرية ..: يمة يوسف ... گلبي عاصرني و اني اشوفك هيج ... لا انت المختارلك وحدة واروح اخطبها و لا مخليني اني ادورلك... يا ابني ميصير ... كبرت و الوياك كلهم متزوجين ... عمرك طخ ال٣٣ و انت بعدك...
يوسف و دياكل..: امي اني ناوي ان شاءالله ....بس انطيني مهلة كم يوم و انطيج الضوء الاخضر...
ثرية..: اي يا الله ساعة المباركة ... يمة حبيبي شلون بنية بالي الك .. والله شايلة حسن اية من الجمال....
يوسف و بضحكة..:: لا يمة لا تفكرين ... اني اختاريت ...
ثرية..:: هااااا ... صلوات مختار و اني ما ادري.. كول يمة ... اني اعرفها؟؟؟؟
يوسف و اخذ تنهيدة و هو يباوع ع الماعون الكدامة..:: اي تعرفيها... بنت خالتي رجاء....
ثرية..و بفرحة..:صدك لو كالوا الگلوب سواجي... نفس اختياري... يا زين ما اختاريت ... شلونها مو حلوة ... بس طولها كافي ...
عقد حاجبه يوسف لان الي باله مو طويلة كلش ...ناعمة ..: منو قصدج يمة
ثرية..: غير قصدك نبراس؟؟؟؟
يوسف و بنبرة مستهزئة ..: هه لا هاي شنو .... متنفعني....
ثرية ..: لعد منو ؟؟؟ منال و مخطوبة لبلال...
يوسف ..: اماني....
ثرية و بنبرة متعجبة..: ناني؟؟؟؟
يوسف ..: اي اماني بنت خالتي رجاء لعد هي مو بنت خالتي رجاء .... ليش متعجبة شنو بس نبراس و منال بنات اختج
ثرية و بتلعثم..: لا ... بس مجنت اظن رح تعجبك...
يوسف ..: و ليش لا....؟؟؟
ثرية..: لان .......
يوسف..: لان شنو .. ؟؟؟؟؟
بيها شي ... كوليلي لا سامح الله مثلاً مريضة ومرضها مميت... او فد شي ميخليها ترتبط ...
ثرية و بعدها مصدومة..: لا هي مو مريضة ... و لا قصدت هيج ... بس يعني ناني....؟؟؟؟ شمعنه هي ..؟؟ معقولة عجبتك،.؟؟؟ ترة هي صح معانيها نويعمة بس شكلها جدا عادي ... و صح خريجة و عدها شهادة بس ابد مو مثقفة... يعني هي بنت اختي و احبها و ما اريد اكسر بيها... بس ما تلوكلك ...
يوسف ..: هو انت شخليتي بيها طلعتيها سگط و مو حلوة و جاية من ورة الهوش... ابد ما كسرتي بيها... مع ذلك ... ما يهمني شكل و لا مركز ... و لا ثقافة ... اني نويت و ها هي ...
ثرية..: شنو بكيفك... تاخذلك وحدة متعوبة جاروا عليها علما كالوا بس ... تكوم تفتر بالاطباء ... و حجايتين بيها خير متعرف تسفط... اني هم يعجبني ابني وحيدي اتباهى بمرته ... كدام كرابتي و صديقاتي...
أنت تقرأ
احلام ناني
Poetryفتاة تعيش حياتها كقربان لعائلتها ..تلبي احتياجاتهم ... تخدمهم ...و قد نست نفسها بين كومة الاوامرالتي تلاحقها يومياً..... لا تعرف الكسل و لا التعب.....تظن انها قد خُلقت هكذا.. و عليها ان تكمل مسيرتها هكذا... لكن هناك حلمٌ قديم ...يراودها كل ليلة...
