وصلو الشركة هاشم قال لي رغبه يلا انزلي وصلنا نزلو دخلو مع بعض كان تلت أرباع عيون الناس عليهم من أول م دخلو رغبه كانت بتقول اكيد فيني حاجة غلط قالت ل هاشم انا عايزه امشي البيت وقف قال ليها انتي مجنونة حاجة قبل شويه اتفقنا على شنو قالت ليهو فيني حاجة غلط كل الناس بتعاين لي عايزة امشي البيت ضحك قال ليها هبلة انتي م فيكي حاجة غلط بس كل الناس مستغربة في جمالك انتي م شفتي نفسك في المراية قبل كدا قالت ليهو كل البنات الهنا أحلى مني قال ليها خليهم يغسلو الحجات الفي وشهم ح يطلعو زيي وواحد بس انتي غير انتي طبيعية عشان كدا مستغربين قالت ليهو ح يشبهوك معناها حلوات وضحكت قال ليها أي اتثاقلي عايزة تتكفي صاح قالت ليهو ايوا وحده بوحده تتذكر أمس قال ليها يلا قدامي ومشو وصلو مكتب هاشم هاشم قال ليها اتفضلي دخلت قالت ليهو مكتبك كبير وحلو قال ليها اعتبريهو حقك ياستي وفي أي زمن تجي قالت ليهو انا الفهمني شنو في شغل المكاتب في أثناء م بتكلمو جا محمد داخل اول م شاف رغبه في نفسو قال بسم الله بشر ولا جنيه وقف في مكانو هاشم قال ليهو أدخل دخل قال ليهو سلم على رغبه دي رغبه الحكيت ليك عنها رغبه دا محمد صحبي وشريكي في الشركة سلمت عليهو محمد كان بقول جواهو ليك حق ياهاشم تهتم بيها رغبه كانت ساكته ومحمد وهاشم بتكلمو في الشغل هي كانت في تلفونه لحد م هاشم ومحمد خلصو هاشم قال ليها رغبتي وينك محمد كان مذهول وقلع عيونو رغبه رفعت رأسه قالت ليهو اسمي رغبه وبطل إنك تغيظني ياهاشم عشان م ابدأ اغيظك اوك ضحك قال ليها م بتقدري قالت ليهو عارفني بقدر وانا مليت عايزه امشي قال ليها وانا قربته أخلص انتظري محمد كان بعاين ليها هاشم قبضو بعاين ليها عمل حركه محمد عاين ليهو هاشم غمز ليهو محمد فهم وقعدو يضحكو محمد قال لي هاشم انا في مكتبي قبل م تطلع مر علي هاشم قال ليهو حاضر محمد قال ل رغبه فرصة سعيدة وزورينا الشركة بتنور بيك قالت ليهو أن شاءالله محمد مشى في مكتبو قاعد سرحان في رغبه ياربي معقول تكون في بت بالحلاوه دي كل حاجة فيها كاملة جمال عيونه براهو يخلي الواحد يجن ياربي هل هاشم بحبها ولا اصلا م بفكر فيها لانو هو مستحيل يحب بعد سامرين فجأة قطعت افكارو رنا قالت ليهو سرحان في شنو قال ليها في البت الاسمها رغبه قالت ليهو شفتها وين قال ليها قاعده مع هاشم في مكتبو قالت ليهو كمان جابه الشركة قال ليها ايوا وطلعت بنوته صغيرة وجميلة جمال خيالي قالت ليهو بالجد قال ليها ايوا قالت ليهو انا ح امشي اشوفه طلعت مشت على مكتب هاشم هاشم قال ليها اتفضلي يارنوش دخلت سلمت على رغبه هاشم عرفه بيها وقاعدين يحكو مع بعض أحياناً رغبه تتكلم ومرة تانية تسكت لحد لما هاشم قال ليها يلا بينا ياحضرة السيدة المالة قالت ليهو وأخيراً قال ليها وأخيراً رنا قالت ليهو طالع بدري قال ليها وعدته رغبه لو جات معي المكتب أخلص شغلي ح اغديها وافسحه هي جات معاي وجا دوري عشان أوفي بوعدي يلا نتلاقى بكرا مشينا يارغبه قالت ليهو يلا طلعو مع بعض مشو أحلى مطعم اتغدو وبعدها طلعو بقو يلفو في الشوارع والأماكن لحد لما جو مارين بالمول وقف العربية قال ليها يلا ح تختاري الحاجة الح تعجبك قالت ليهو بس انا وخالتو إشراقة اشترينا كل حاجة قال ليها ديك ماما إشراقة ودا انا هاشم في فرق نزلو قال ليها م تخافي انا بفهم في حجات البنات ح اختار معاك خاصةً الساعات اوك قالت ليهو بس م ح نشتري حجات كتيرة قال ليها حاضر دخلو وفي كل مرة يقول ليها الحاجة دي حلوة شيليها لما فكرو لقو نفسهم شالو كمية من الحجات قالت ليهو شايف انحنا اشترينا المحل كلو قال ليها ياستي تلبسيهم وتتهني فيهم م عايزك تحتاجي لحد طول م انا قاعد تمام وفي الجامعة عايزك تكوني احسن وحده اوك وم تحسي بالفرق بينك وبين البنات الزيك ماشي رغبه قالت ليهو انت ربنا بعتك لي من وين انت بشر ياهاشم متأكد قال ليها انا بشر وعندي قلب وبينبض جواي عايزة تتاكدي جيبي سكين افتحي شوفي ضحكت قالت ليهو انت مجنون جو مارين وهما طالعين بجمب الأجهزة الإلكترونية قال ليها تعالي قالت ليهو تاني شنو قال ليها ادخلي دخلت قال ل بتاع المحل عايز أحس لابتوب عندك قالت ليهو لمنو قال ليها اكيد ل رغبتي قالت ليهو م عايزاهو اعمل بيهو شنو قال ليها ح تحتاجي ليهو نزل ليهم اداهم اللابتوب هاشم حاسبو وطلعو قالت ليهو ياهاشم قال ليها نعم قالت انا بتمنى لو كنتا اخوي الحقيقي قال ليها هبلة انا فعلاً أخوك كأنها كانت متوقعة تسمع منو رد غير ركبو العربية وصلو البيت إشراقة قالت ليهم حمدالله على سلامتكم أن شاءالله خلصتو هاشم قال ليها خلصنا قالت ل رغبه مبروك رغبه قالت ليها تسلمي ياخالتو وحضنته رغبه قالت ليها انا بحبكم ياخالتو إشراقة إشراقة قالت ليها انحنا كمان بنحبك وانتي بقيتي مننا وفينا هاشم جواهو كانت في حاجة بتتحرك في كل مرة كأنو جبل الجليد العلى قلبو قاعد يذوب في كل مرة حبه حبه كان مركز في رغبه وهي حاضنة إشراقة كان بشوف سامرين في عيون رغبه كان حاسي إنو رغبه بتحرك جواهو نفس الحجات الكانت بتحركه سامرين نفس البراءة نفس كل حاجة هاشم قال ليهم وانا وين من الحضن دا ياماما إشراقة ولا كبرته عليهو رغبه قالت ليهو ياعجوز حضن شنو الليك اصلا انا خلاص اخدتة مكانك انت كبرته وراحت عليك إشراقة قالت ليهم انتو م ح تبطلو مناقرة هاشم قال ليها يعني رضيانه ياماما إشراقة انو رغبه تطردني من حضنك قالت ليهو انت خلاص راحت عليك وقعدت تضحك رغبه طلعت ليهو لسانه وقالت ليهو اخدتة مكانك ضحك وقال ليها انا ليه بخت راسي برأس شافعة قالت ليهو انا شافعة قال ليها باين من حركاتك وضحك قالت ليهو احسن منك ياعجوز إشراقة كانت بتضحك عليهم وكأنها شايفة سامرين قدامه هاشم ودعهم ومشى رغبه دخلت نامت كانت تعبانه محمد كان م قادر يشيل رغبه من بالو حكى عنها ل مازن وعلي قالو ليهو والله مستحيل تكون بالدرجة البتحكي عنها دي انت دايماً بتبالغ قال ليهم ح تشوفوها وح تحكمو جا الصباح هاشم في مكتبو فجأة أتذكر هتان اتصل عليها قال ليها وين انتي قالت ليهو في الجامعة قال ليها بتخلصي متين قالت ليهو 4 قال ليها طيب 5 ح اجي عليك تمام قالت ليهو طيب وقفل منها
يتبع.....