هاشم قال ليها احكي لي خليني اسمعك قالت ليهو ياريتني لو كنتا قوية زيك وقدرتة اتجاوز وجعي زي م عملتة انت قال ليها ح تقدري تتجاوزيهو انا معاك ووعد اني م ح اسيبك ح اسندك قالت ليهو انا لو م لقيت م عارفة كان الح يحصل لي شنو انا حكايتي بدت من وانا تالت أساس لما ابوي اتوفى وقتها حياتي اتغيرت 360 درجه حزنته وبكيت على موتو بعدها اعمامي طردونا انا وأمي من البيت كنتا وحيدة امي وشالو كل القروش وكان م عندنا مكان نمشي ليهو مشينا في الشوارع ونمنا في الجوامع لحد م في يوم لقينا مرة ساعدتنا وادتنا غرفة في بيتا وأمي اشتغلت عشان تدفع الإيجار وحياتنا مشت ورجعتة المدرسة من تاني بس بعدها بفترة امي لقت ليها راجل قال عايز يتزوجه وهي كانت صغيرة من حقها تتزوج وفعلاً اتزوجت ورحلنا بيت زوج امي الجديد وكان بعامل امي احسن معاملة وانا العكس تماماً كأني عدو بالنسبة ليهو ضرب ونبذ ورفع صوت طول اليوم كدا كنتا بقول اكيد ح يتغير وأمي عمرها م قالت ليهو لا بعدها امي جابت بت وكان فرحان بيها على قدر م كان بحبها كان بكرهني عدت ايامي وانا عايشة في جحيم وأمي م كانت بتتكلم امتحنتة شهادة أساس اتفوقتة دخلتة الثانوي بعدها بدت المعاناه الحقيقية في كل فرصة كان بلقاها بحاول وبعدها رغبه بدت تبكي بهستريا هاشم حاول يهديها وفعلاً هدت هاشم قال ليها طالما م قادرة تكملي خلاص قالت ليهو لا انا حابه أتكلم قالت ليهو كان على طول بحاول يعتدي علي وفي كل فرصة وكنتا بخاف أكلم امي لانها م ح تصدقني وكنتا بعيش في البيت كأني في غابة لما بطلع من البيت بكون مرتاحة اول م أحس اني ح ارجع البيت بكره نفسي وبتمنى اموت ولا ارجع بس كان لازم ارجع لاني م عندي مكان امشي ليهو بكون مضطرة اني ارجع لحد م امتحنته شهادة سودانية وجبتة مجموع يقريني خاص رفض يقريني بقروشو ورفض اني أعيد وأمي م اتكلمت وبقيت قاعدة سنة في البيت كأني عايشة في جحيم لحد أخر يوم لما حاول انو يعتدي علي زي كل مرة بس كان فاض بي وم قدرتة ضربتو وطلعتة جارية في الشوارع ببكي زي المجنونة لحد م انت لقيتني ووديتني المستشفى وجبتني هنا هاشم قال ليها دا اتفه مخلوق على وجه الأرض وامك ليه تسكت على الحاجة دي عشان بس ترضي راجلة وتتخلى عن بتها الناس دي الحاصل فيها شنو والدنيا ليه بقت كدا عايز اقول ليك حاجة يارغبه انا معاك والحاجة الانتي عايزاها ح تصلي ليها بمساعدتي قالت ليهو انا م عارفة بس كأنك ربنا ختاك في طريقي عشان تخفف علي كل الحجات السيئة الحاصلة معاي هاشم قال ليها اطمني واعتبريني أخوك طيب م سألتك انتي م مفكره إنك تقري ونفسك تقري شنو قالت ليهو نفسي اقرأ هندسة طبية قال ليها أن شاءالله تحققي حلمك في مكان تاني كان محمد في بيتهم اتصل على هاشم م رد عليهو اتصل على بت خالتو رنا رنا دي بت خالة محمد شغالة في الشركه بتاعت هاشم مكسره في هاشم بس هو م شغال بيها ردت على محمد قالت ليهو أن شاءالله خير اتذكرتني يوم الجمعة قال ليها اتصلتة عليك عشان عايز اقول ليك اتصل علي خالد وقال يكلموكم الليلة عقدو وجا فجأة وح تكون الحفلة في الصالة قالت ليهو بلاهي خالد الكسار ح يعقد معناها منى ح تموت من حسرته قال ليها منى دي اصلا مجنونة مكسراني انا بس م شايفاني والزول المكسرة م شايفة رنا ضحكت قالت ليهو م براها انا كمان زيها قال ليها اقفلي عايز اتصل على باقي الشباب اها ح تجي العقد ولا لا عشان لو ماشة اجي اسوقك معاي قالت ليهو طيب تمام بعدها اتصل على هاشم كلمو قال ليهو خلاص نتلاقى هناك هاشم رجع لي رغبه قال ليها ممكن تبطلي حزن قالت ليهو طيب وأول مرة تضحك ويشوف ضحكتة جواهو قال ماشاءالله ياساتر من ضحكتة طالما عندك ضحكة بتموت كدا ليه طول اليوم مكشرة بعدها قال هوي ياهاشم فوق لو سمحتة قال ليها ايوا عايزك تضحكي كدا إشراقة قالت ليهم كفاية رغي يلا تعالو نشرب الشاي هاشم قال لي خالتو انو م ح يتغدا معاهم لانو عندو عقد زميلو ولازم يمشي قال لي خالتو ياماما إشراقة بتتذكري طقم الجلابية الجديد الجبتو هنا وختيتو في الدولاب قالت ليهو أي قاعد قال ليها عايزو البسو لاني م قادر ارجع البيت وتاني اطلع احسن اطلع من هنا بالمرة قالت ليهو ح اطلعو اخلي الحبشية تغسلو وتكويهو لانو طول في الدولاب قال ليها طيب الفترة دي اخد لي نومة حبه قالت ليهو امشي نوم في الصالون احسن من جوطتنا الهنا قال ليها تمام قال لي رغبه لما الأذان يأذن صحيني اوك قالت ليهو طيب حاضر قال ليها شاطرة يالبكمى صرت ليهو قال ليها بهظر قامت ضحكضحكت قال ليها ح نتعود على الضحكة دي ومشى وقعدو يضحكو مع إشراقة جا وقت الصلاة ورغبه مشت عشان تصحي هاشم لقتو نايم وقفت كانت بتعاين ليهو وبتقول يارغبه القدامك دا ملاك نايم ولا بشر معقول يكون بشر صحتو قالت ليهو الصلاة خلاص بصوت مليان نعاس قال ليها قطعتي لي حلمي يارغبه قالت ليهو بس انت قلتة اصحيك للصلاه وانا اعرف كيف إنك كنتا بتحلم قال ليها طيب قايم قام بعدها جهز لبس الجلابية والطقم تبعه لو حد شافو م يقدر يعاين ليهو مرتين جا طالع إشراقة قالت ليهو ماشاءالله أن شاءالله عين الحسود م تشوفك رغبه كانت م قادرة تعاين ليهو قلبها كان بضرب بسرعة كانت بتقول ليه قلبي بضرب كدا ليه بيحصل لي كدا قطع تفكيره هاشم قال ليها سرحانه وين انا طالع عايزه حاجة قالت ليهو لا قال ليهم يلا مع السلامة
يتبع......
