وقتها هاشم قال ليها اعملي الحاجة البتشوفيها صاح ياماما إشراقة يلا انا اطلع امشي البيت عشان عندي مشوار تاني إشراقة قالت ليهو اقعد اتعشى قال ليها م جعان والله لاني اكلته متأخر شديد في الشركة مع محمد هاشم طلع وسايق عربيتو وهو بيفكر يا ترى رغبه دي ح تفضل قاعدة لمتين مع خالتو ولو خالتو اتعلقت بيها وفجأة مشت وسابته الح يحصل ليها شنو فجأة جاهو اتصال من محمد قطع ليهو افكارو رد عليهو محمد قال ليهو وين انت ياهاشم الشباب ديل منتظرنا اتاخرنا عليهم هاشم قال ليهو ساعة واكون عندكم محمد قال ليهو انت مجنون ساعة كاملة خلاص ح امشي اخليك انت الحقني قال ليهو طيب تمام فصل الخط وصل البيت ورجع طلع إشراقة في البيت مع رغبه كانو بيحضرو في مسلسل لحد لما رغبه سألت إشراقة قالت ليها ممكن أسألك سؤال ياخالتو قالت ليها اتفضلي قالت ليها هاشم ليه عايش براهو إشراقة قالت ليها لانو كان متزوج وزوجتو اتوفت وهي عروس ومن وقتها وهو عايش براهو بعد وفاة زوجتو وهو واحد في امو بعد اتوفت ابوهو أتزوج وزوجة ابوهو كانت بتعاملو كعب شديد وهو كان وقتها عمرو 12 سنة وزوجة ابوهو كانت طمعانة في الورثة بتاعتو بس انا رفضتة اديهو الورثة قلتة إلا لما يكبر بعدها ح اديهو الورثة كبر ودخل الجامعة وجا راجع السودان ومن يومه تاني م رجع لابوهو حتى ابوهو م بسال منو عرسو م حضرو وانا بقيت ليهو كل أهلو وهو كمان بقى لي احسن من أولادي هاشم وصل لاصحابو لقاهم متجمعين سجاير وبنات وممنوعات ورقيص قال ليهم انا مش كلمتكم قلتة ليكم لو بتعملو كدا م تكلموني محمد قال ليهو عليك الله ياهاشم اكسر القوانين الانتا عايش فيها دي وعيش حياتك قال ليهو اسمعني يامحمد دي م قوانين دا مبدأ وانا عايش بيهو وح اموت بيهو من بين البنات كانت في بنوتة شكلها اول مرة تجي كانت بتعاين ل محمد وهاشم بتناقشو كانت محجبة وملامحه ملامح وحده م بت ليل في أثناء النقاش اتدخل مازن صاحبهم قال ليهم لو سمحتو م تخربو لينا مزاجنا وانتو هاشم دا عارفنو وعارفين حركاتو البخليكم تكلموهو شنو البني أدم دا معقد ياخ هاشم قال ليهو طالما انا معقد البخليكم تصاحبوني شنو مازن قال ليهو ياهاشم اطلع لي من راسي م فاضي ليك انا علي صاحبهم قال ليهم ياجماعة اهدو وبلاش جوطة واتفاهمو براحة وبرواقة انتو ناس كبار هاشم قال ليهم انا م ح اقعد ولا دقيقة كمان جابت ليها بنات قصر مازن قال ليهو يازول انت م عاجبك هوينا عليك الله ونصايحك دي أحتفظ بيها لنفسك هاشم قال ليهو بس دا ضياع والواحد منكم بجري ورا رغباتو وبنسى حجات كتيرة بنسى انو الحاجة دي دين وسداد وطالما انت ادينته معناها خليك قدر دينك وأقدر سددو انا خوفي عليكم من السداد م من الدين والبت القاعده جنبك دي يامازن انا متأكد انو هي م قفلت ال 17 سنة ليه م سألته هي ليه عايزة تعمل كدا ليه م سألتها من ظروفة الجبرتة انو تعمل كدا على الأقل كنتا ح تكسب فيها أجر وتكون حافظتة على عرض غيرك عشان ربنا يسخر ليك اليحافظ على عرضك الحياه م كلها عبارة عن مزاج وكيف وجنس يامازن الحياه أقصر من قعدتنا القاعدنها دي وكلكم بتقولو علي انسان معقد انا م معقد انا عندي اخوات حتى لو كانو م أخواتي شقيقاتي بس ابوي وابوهم واحد وبخاف عليهم حتى لو م قاعد اتواصل معاهم بخاف عليهم من الزيكم بخاف لو يوم واحده لقاها واحد من نفس فصيلتكم هل ربنا ح يسخر ليها واحد زي عشان يحميها ولا ح تضيع زي م ضاعو بنات كتار بسببكم مازن قال ليهو خلاص خلصتة محاضرة كل مرة ياهاشم علي قال ليهم انحنا بنستهتر بكلام هاشم بس ح يجي اليوم الح نتأكد انو كلامو صاح هاشم قال ليهم انا ماشي بس البنات ديل ح يمشو قبل م انا امشي مازن قال ليهو أقسم بالله كرهتك وكرهتة اليوم البقيت فيهو صاحبك وكرهتة الجامعة اللمتني معاك انت م داير ماف زول غصبك بس انحنا دايرين وكل النقاش دا والبنات كانو قاعدين بيسمعو في الكلام البنوتة الكانت قاعدة جنب مازن بتعاين لهاشم من أول م دخل م قدرت تنزل عينه من عليهو كانت جواها بتقول البني أدم دا طبيعي وهو بشر ولا ملاك طبعاً هاشم ماشاءالله اسم على مسمى اكتر واحد جميل في شلتو يعني بالمختصر جنتل مان هاشم قال لي مازن انا ح أسأل البنات سأل البت الجمب مازن قال ليها إسمك منو قالت ليهو هتان قال للتانية وانتي قالت ليهو ياسمين قال ليها ياهتان ح تطلعي . هنا ولا عايزة تقعدي قالت ليهو انا ح اطلع ياسمين قالت ليها انتي مجنونة ناسية انو انحنا ح ننطرد من الداخلية لينا كم شهر م دفعنا هتان قالت ليها ارحم ننطرد انتي م شايفة ديل صاحبهم بقول عنهم شنو وانا مجنونة يوم وافقتك انو اعمل كدا مازن قال ليها يلا اطلعي برا يا الركبتي استيكر المحترمة في ثواني قالت ليهو ليك حق تقول عني اكتر من كدا بس الحق علي هاشم قال ليهو يامازن في كل لحظة ح تلقاني زي ضلك يااما اتعدلته يااما خسرتني مازن قال ليهو اطلع من حياتي ياخ هاشم قال ليهو انا عارف إنك أنت سبب البلاوي دي كلها وانت سبب في انو الباقي كلهم يمشو وراك بس يامازن انا يااما خليتك تبقى زي باقي البشر يااما عشتة طول عمرك حيوان كدا وانتي ي القاعده لسه اطلعي حصلي صحبتك هاشم بعدها طلع لقى البنوتات واقفات سلم عليهم قال ليهم عيب الانتو بتعملو فيهو دا وحرام في حق اهلكم هما رسلوكم عشان تتعلمو م عشان تكسرو عينهم هتان قالت ليهو والله العظيم دي اول مرة قال ليها عارف قال ليهم عايزين منكم كم في الداخلية قالت ليهو لا م مشكلة ح نتصرف قال ليها اتكلمي اعتبروني أخوكم ورتو المبلغ قام اداهم المبلغ بي مصاريفهم ركبهم معاهو عشان ييوصلهم الداخلية في الشقة بتاعت مازن مازن قال ليهم انتو البني أدم دا اكيد مجنون مستحيل يكون بشر ياخ م معقول البني أدم دا م عندو رغبات ولا بحس مستحيل بت تقدر تغريهو محمد قال ليهو هاشم دا مختلف عننا ومستحيل يكون زينا وانتو عارفين كدا من ايامات الجامعة الحاجة البنعملة انحنا هو م قاعد يعملة معانا وانتو عارفين مستحيل يكون زينا في يوم بس الحاجة الأنا متأكد منها ح نكون انحنا زيو في يوم اكيد علي قال ليهم اعترفو انو انحنا غلطانين انو انحنا لازم نغير حياتنا بس المشكلة انو انحنا م بنسمع الكلام وحتى كلامو البقولو بنسمعو كأنو م اتقال هاشم وصل البنات ومشى البيت وهناك في بيت خالتو رغبه واشراقة كانو بيحكو لبعض واكتر الحكاوي كانت عن هاشم
يتبع.....
