الحب الابدي

٣١

المغرب حسام قال لي بعد ده اجهزي عشان نمشي الدكتور قلت ليهو حسام خليتو ما ماشه قال لي لا ح نمشي مش امس اتفقنا خلاص 😒 قلت ليهو بس انا عيانه  ما قادره اجلو بكره بنمشي قال لي حبيبي بطلي استهبال وقومي انتي ما عيانه انتي خايفه من غير داعي يلاا بطلي دلع وقومي باسني في خدي 😘 وشال مني  جود قال ليها تعالي دي ماما الخوافه لبسها طلعنا وصلنا الدكتور ونحن في صاله الانتظار وجود تلعب جنبنا وكانت يا دووب اتعلمت المشي تمشي وتقع ما خلت وحده من القاعدين ما مشت ليها طالعه مشاغبه 😅 وانا في عالم تاني البنت  القاعده جنبي شالتها سلمت عليها قالت لي بنتك اسمها مين قلت ليها جود قالت لي اسمها حلو زيها ربنا يرزقني بنوته اموره زيها وح اسميها قود بقلبي قلت النطق مشكله جود ما قود 😅 وانا من الخوف شغاله اطقطق في اصابعي حسام مسكني من خصري بورا قال لي شجن ما في داعي للتوتر ده كلو 😓 لاحظي  القاعدين ديل كلهم يتونسو مع بعض عادي الأ انتي خليك ريلاكس ما في حاجه تخوف كل الـ ح يحصل جوه ح يقول ليك كلام لو ما عجبك وما اقتنعتي بيهو اسمعي كلامو بهنا وفضي بهنا تمااام ؛؛ جود زهجت بكت 😭 عايزه اشيلها حسام  قال لي خليها شالها طلع بيها بره عشان تسكت انا انتهزت فرصة حسام مافي سألت البت الجنبي قلت ليها بصراحه الدكتور ده شاطر قالت لي انتي اول مره تقي هنا ولأ إيه ☺ قلت ليها اي قالت لي والله اطمني ده مافيش دكتور زيو من  ناحية الشطاره انا حملت ابني الأول بسبب علاجو حسام جا داخل بعد شويه ندهو اسمي شجن صلاح ومن الخوف كأنو ده ما إسمي حسام قال لي حبيبي يلا ندخل وانا ماشه وما شاعره بحاجه غير دقات قلبي الزايده 😢 دخلنا للدكتور  قال لي اتفضلي يا مدام قعدنا وبدأ يشاغل في جود إيه القمال ده إيه الحلاوه دي مين المُزه دي وانا اعصابي منتهيه عايزه انتهي واطلع من هنا بسرعه 😔 واخيرا  قال لي خير يا مدام بلعت ريقي وقلت ليهو الولاده قال لي ما فهمتكيش مالها الولاده قلت ليهو عندي مشكله في الحمل قبل كده اجهضت وقالو احتمال ضعيف اني احمل تاني 😢 الدكتور عاين لـ جود قال لي اجهضي بعد القمر ده ولأ قبل  حسام قال ليهو دي بتي وهي امها البديله اها يعني انتي ما عندكيش طفل هزيت راسي لااا وبديت افرك يدي مع بعد وشربكتهم في بعض حسام لاحظ لي فك يديني من بعض ومسك يدي وضغط عليها نظام انا معاك ما تخافي 😘 الدكتور  قال لـ حسام الله عليك والله مراتك مافيش زيها ده لو عندنا هنا كانت سممتك في الاكل انت وبنتك طيب فين امها حسام قال ليهو متوفيه قال ليهو اسف تعيش وتفتكر طبعا المصريين جنهم حنك وكسير تلج وحسام مغيوووظ من ونستو بس ما قادر يتكلم 😅 بعد ما كشف علي وشاف النتائج قال لي أهو إنتي  زي الفل ما فيش حاجه تخوف دي حاجه كل المحتاجالهو شوية حبوب ح اكتبهالك وانتي واظبي عليها وحسام يعاين لي ويتبسم وشكلو مبسوط ☺ وده الكنت خايفه منو انو حسام يأمل علي الفاضي 😔 وان شاء الله المره الجايه  تجيلي وطفلك في بطنك قدامك حسام قال ليهو ان شاء الله طلعنا منو وانا ما مقتنعه بكلامو حسام قال لي كلااامو كتير 😒 قلت ليهو بالعكس ظريف قال وين ظرافتو هسه ولأ عجبك غزلو فيك 😠 قلت ليهو ما كده بس تعاملو راقي قال لي رايك شنو امشي احجز ليك عندو موعد تاني وصر لي وشو 😠 في اللحظه دي  شوفت الغيره في ملامح وشو قلت ليهو يا ريت نهرني شجن لم اتخلعت قلت ليهو سومي بهظر ياااخ قال لي هظار كونك تتغزلي في راجل تاني ما عايزو تماااام هزيت ليهو راسي حاضر قال لي حبيبي انا 😍 قال لجود وهو شايلها  شوفتي ماما حلوه كيف دقيقه دي مش صيدليه ندخل نشتري منها الحبوب قلت ليهو ما تشتريها لأني ما ح ابلعها قال لي لييه 😳 قلت ليهو لأني ما اقتنعت  بكلامو قال لي انتي ابلعيها واصلا ما خسرانين حاجه اشترينا الحبوب ورجعنا البيت حسام جا مد لي الحبه قال لي ابلعيها قلت ليهو قلت ليك ما عايزاها 😒 قال لي ما علي كيفك بلعني ليها بالغصب قال لي حبيبي الخوافه بالشفاء ان شاء الله 😘

وانتهت الاجازه ورجعنا السودان في يوم جرس الباب ضرب وحسام كان في الشغل مشيت فتحتو لقيتها دي ام سمر وبنتها قلت ليها اتفضلي سلمت علي مسيخ ولوت لي خشمها 😏 دخلت قالت لي وين بت بتي الحبيبه قلت ليها  دقيقه اجيبها ليك وجود كانت بتلعب بالالعاب في الغرفه دخلت لبستها وجيبتها من شافتها قالت ليها الغاليه بت الغاليه تعالي في الاول جود رفضت تمشي ليها شالتها بالغصب مسافه جبت ليهم العصير جود بكت وبتقول ماما ماما لم جيت رفعت لي يدها نظام شيليني وانا بكا جود واجع قلبي بس ما بقدر اعمل حاجه 😔 قالت ليها يا بنت انا حبوبتك ام امك طبعا بتطاعن فيني 😢 بتها قالت ليها يا امي مافي داعي للكلام ده قالت ليها انتي هس ما عايزه اسمع صوتك 😠 وجود شغاله تبكي وتأشر لي ماما ماما قالت ليها يا حليلك يا بتي ولدتيها وما اتهنيتي بكلمه ماما وجات وحده غيرك لقتها جاهزه وكمان بتناديها ماما طبعا في اللحظه دي دموعي جرت 😭 دخلت الغرفه بتها جات لاحقاني قالت لي شجن  عليك الله ما تزعلي من امي والله بعتزر ليك بدلها قلت ليها ما مشكله امها جابت جود ولسه بتبكي قالت لي هاك ليها احييي يا سمر لو ما وصيتك هسه كانت قاعده معانا 😒 طلعو وانا قعدت ابكي وحاضنه جود لم حسام جا قلت ليهو  جات ام سمر وبتها قال لي ضايقوك بالكلام قلت ليهو لااا ما كلمتو بالحصل ما حبيت اخلق بينهم مشاكل قال لي انا نبهت عليهم ما يجو يشوفوها الأ انا قاعد لاني عارف طبع امها قلت ليهو ما مشكله مهما كان دي بنت بتها من حقها تجيها في اي وقت 😔

وعدت سنه في يوم كنت قاعده في الغرفه اتزكرت كلام ام سمر قلت كلامها صاح المفروض جود تعرف امها الحقيقيه قلت ليها جود حبيبتي وهي تعاين لي قلت ليها انا ما ماما وهي مخلوعه ما فاهمه حاجه 😳 قلت ليها تعالي شوفي  ماما فتحت ليها صوره سمر في التلفون قلت ليها دي ماما شافتها قالت لي لع ما ماما من غير ما افكر قلت ليها بحده دي ماما ماما ماتت ماما بح 😠 نزلت مني  وجرت لابوها في الصاله تبكي وتقول ماما مات ماما مات حسام شالها قال ليها حبيبتي في شنو قالت ليهو ماما دالت مات وهي اصلا ما فاهمه ماتت يعني شنو بتبكي عشان دي اول مره انهرها وارفع عليها صوتي وحفظت الجمله وشغاله تردد فيها حسام قال لي مالها ما فهمت قصدها شنو قلت ليهو بس وريتها الحقيقه 😔 قال لي ياتو حقيقه 😳 قلت ليهو حقيقه انو امها سمر طبعا حمر لي  واتلفت علي جود قال ليها دي ماما واشر علي جود سكتت فتح ليها قناة الاطفال وعلا صوت التلفزيون اخر حاجه قال ليها اقعدي هنا هسه بنجي تمااام وباسها قال لي تعالي مسكني من يدي ودخلني الغرفه قال لي بانفعال ده شنو العملتيهو ده 😡 قلت ليهو جود ليها حق تعرف الحقيقه انو انا امها البديله وسمر امها  الحقيقيه قال لي وهسه فهمتك يعني ولأ في عمرها ده ح تفهم كلامك عايزه تجننيها انتي 😠 قلت ليهو بس انا قاطعني قال لي انتي شنو لو زهجتي من  تربيتها كلميني اتصرف من غير ما تجننيها وتخليها تبكي بالطريقه دي ولأ عشان ما بتك 😠 طبعا في اللحظه دي عم السكون حسيت بطعنه في قلبي ما شعرت بيها قبل كده حسام زاتو بعد كلامو ده اتخلع 😔 جريت طلعت من الغرفه دخلت  الغرفه التانيه وهو جاري وراي شجن انتظري قفلت الباب بالمفتاح وهو يضرب في الباب شجن افتحي اسمعيني ما تخليني اكسر الباب وانا منهاره بالبكا ما اتوقع يطلع الكلام ده من حسام بعد شويه سمعت صوت جود ماما أتحي ماما أتحي وانا كنت بتقطع بين كلمة ماما البسمعها منها وبين كلام حسام القالو لي 😭 بعد شويه قالت لي ماما اتحي الدم ماما أتحي إندي دم من غير ما اشعر فتحت الباب قلت ليها وينو الدم لقيت حسام واقف جنبها شافتني ضحكت عرفتو ده حسام الـ حفظها تقول كده 😒 عايزه ارجع اقفل الباب حسام ثبتو  بيدو قال ليها جودي حبيبتي اجري التلفزيون عشان اسوقك الحدايق لم غلبني اقفل الباب عشان حسام مثبتو جيت اطلع مسكني من يدي دخلني وقال لـ جود اجري التلفزيون عشان اتكلم مع ماما ونجي نمشي الحديقه دخلني وقفل الباب قال لي والله ما قصدي بس طلعت مني عفوا 😢 قلت ليهو لانك بتفكر كده قال  والله ما كده قلت ليهو فعلا كلامك صاح عشان انا ما امها عملت كده قال لي لاااا انتي امها هسه قلت ليك انتي ما امها زعلتي وما استحملتي فما بالك هي الطفله ح تستحمل كيف وبعدين لييه عايزه تضيعي سنين تعبك وسهرك معاها قلت ليهو كفايه انت ضيعتو في ثانيه بكلامك ده 😒 قرب علي قال لي حبيبي قاطعت  كلامو قلت ليهو حسام عشان ما نخسر بعض اكتر خليك مكانك جود شغاله تدق في الباب وتبكي اتحو اتحو قلت ليهو افتح لـ جود بتك طبعا كلمة بتك دي غاظتو قال لي شجن اسمها بتنا قلت ليهو بس ما عندنا بنت مشتركه دي بتك انت قال لي بحده شجن 😡 وجود تضرب في الباب وتبكي قال لي كلامنا ما  انتهي فتح الباب وشالها دخلت وقفلت الباب بعد شويه سمعت جودي تبكي ماما ماما عشان متعوده تنوم في حضني ما قادره اسمع بكاها وما قادره افتح الباب اشيلها من حسام 😔 بعد شويه حسام دق الباب قال لي افتحي الباب ه

اك جودي  فتحت الباب بعد شلتها منو مسكني بيدي الاتنين من وسطي وجراني عليهو وجود في نصنا قلت ليهو حسام فكني عشان الوضع ما يتأزم اكتر 😒 قال لي  في زول عندو عيله زي دي ويخليها قلت ليهو عيلتك بتك ومرتك الله يرحمها صر لي وشو وطلع نومت جودي في حضني ونمت صحيت الصباح عملت الشاي ختيتو ليهو في التربيزه قال لي صباح النور ما رديت ليهو شربت جودي اللبن طلعت لـ حسام قلت ليهو ماشه لأمي تسمح لي اسوق جود ولأ ح تقعد معاها تحرسها قال لي بحده من متين بتستشيريني لم تسوقيها مكان 😠 قلت ليهو من  عرفت انها ما بتي ما اتكلم معاي دخلت الغرفه جهزت جودي جا قال لي انتظري اوصلك والغرض شنو من مشي ناس امك قلت ليهو من غير مناسبه ولو خايف عليها ممكن اخليها ليك قال الله يطولك يا روح 😒 انتي عارفه قصدي انو الغرض شنو وبتمني انك تكوني ماشه بس زياره قلت ليهو شبه كده ☺ وصلنا  ناس امي وقعدنا نتونس وجود تلعب المساء اتصل علي حسام قال لي انا في الطريق جاييكم قلت ليهو انا الليله ما جايه بس جود جاهزه ممكن تجي تسوقها قال لي ما بسوقها من غير امها وقفل الخط كلامو خلاني اتبسم براااي بالرغم من زعلي 😍 امي جات شايله جود قالت لي عايزه انومها معاي بس قامت تبكي ماما ماما بري طبعها كعب تلعب زي العجب بس من تنعس تبكي ماما ماما 😒 قلت ليها بس عشان اتعودت تنوم جنبي وانا زاتي كل ما احضنها واشم ريحتها بحس بأني في نعمه 😍

😍

اصبحنا الصباح اتصل حسام قال لي حبوبة جود قالت يجيبوها تاخد معاها اسبوع وانا قلت ليها لا تجي تشوفيها في البيت هسه يا ريت ترجعيها البيت عشان ما تجي تلقاها مافي واضطر اوديها ليها اسبوع ☺ قلت ليهو طيب قفلت  الخط مشيت المطبخ لأمي وجود بتلعب جنبها قلت ليها جود تعالي البسي عشان نمشي لـ بابا امي قالت لي اجييي ما قلتي راجعه المسا مالك غيرتي رايك 😳قلت ليها حبوبتها جايه تسلم عليها وكان لقتنا مافي تقوم تردح لبست بتي وطلعنا وصلنا البيت حممت جودي ولبستها عفريتة جنز وفنيله بيضا نص كم ومنتظرين ام سمر تجي ما جات لحدي ما جا حسام راجع من الشغل قال لي نسيت اكلمك ام سمر ضربت اعتزرت جايه بكره قلت ليهو ما مشكله ولسه ما في ونسه بينا بعد الغدا قال لي سايق جود معاي مشوار قريب ☺ قلت ليهو دي بتك  وانت حر ساقها عدت ساعه ما جو راجعين وعدت ساعتين ما جو قلت اضرب اطمن عليهم تاني قلت انتظر حبه المغرب جا داخل حسام براهو منتظره يقول لي جود كده ولأ كده ما قال لي بس يعاين لي ويتبسم بعد ربع ساعه غلبني اصبر دخلت قلت ليهو جود وين قال لي مع حبوبتها قلت ليهو مش انت قلت ح تجي تشوفها هنا كيف توديها ليها وانت عارف جود بالليل بتبكي وما بتسكت لم تلقى روحها في بيت غريب ونحن ما معاها 😒 قرب مني وقال لي مش قلتي لي انها بتي يلاااا انا ما عايز بنتي تعيش في جو اسري مفكك ☺ لو ما اتصالحو امها وابوها ما ح اجيبها قلت ليهو بتهددني بـ جود يعني 😒 قال لي ما عاش اليهددك  وانا موجود وفضل جايي علي قلت ليهو حسام اقيف مكان قال لي ولو ما وقفت الـ ح ينقذك مني منو وجود مافي 😌 عشان كده احسن ليك تستسلمي وفعلاً  استسلمت بعد عدة محاولات بعد اتصالحنا وانا راقده في حضنو قلت ليهو حسام انت لييه تودي جود لحبوبتها تاني ما بتدينا ليها 😒 قال لي هي فعلا عند  حبوبتها بس عند اهلي ما اهل سمر قلت ليهو احلف قال لي وغلاوتك عندي وهسه هي نايمه في حضن هديل وبعدين حبوبتها ما قالت عايزه تشوفها دي خطه مني عشان اجيبك من بيت اهلك 😅 قلت ليهو  الأ تضرب لـ هديل عايزه  اسمع صوتها قال لي حبيبي الزمن اتأخر قلت ليهو بس انا متأكده انها صاحيه ما نايمه اتصلت علي هديل اول ما فتحت الخط قالت حسام دي اخر مره تجيب لي بتك دي عشان امسكها ونحن فاتحين الاسبيكر قلت ليها حيوانه انتي لاقيه لم تمسكيها قالت لي واااي يا شجن دي انتي انا فاكره الضارب حسام عشان كده قلت ليك ما بمسكها تاني بس والله عزبتي عزاب حتي نامت 😔 قلت ليها  خلاااص عليك الله ختي يدك حولها عشان ما تقع وما تخلي هوا المكيف يكون مباشر فيها قالت لي بدل توصيني كده ما تجي تشيليها احسن 😒 ولأ ما فاضيه  عايشه حياتك قلت ليها هديل ما تفلتي في الكلام الاسبيكر فاتح من الخلعه قفلت الخط 😅 حسام قعد يضحك قال لي كان تخليها قلت ليهو قليل ادب

الصباح حسام طالع الشغل قلت ليهو جيب لي جودي قال لي لااا الليله برضو ما في جودي بس في سومي قلت ليهو حسام انا عايزه جودي  قال لي خلاص فتحتي الاسطوانه دي تاني ما بتنتهي بجيبها معاي العصر هسه اتأخرت طلع الشغل بعد شويه الجرس ضرب فتحت الباب لقيتها دي هديل ومعاها جود شلتها بوستها بهنا وبهنا وهي مبسوووطه تضحك هديل قالت لي تاني توبه من جودي امس نامت تبكي والليله من الصباح تبكي وشابكاني ماما وبابا لم زهجتني وجبتها قلت ليها حبيبتي انا 😘 .. شجن اها ح تمشي معاي السوق متين والعرس بعد شهرين 😒 قلت ليها نمشي الجمعه عشان حسام يمسك جودي لانها  ما بتسكت لزول طبعا عرس هديل وهيثم بعد شهرين قالت لي بالمناسبه يا شجن انا عايزه جود تلبس معاي زفاف قلت ليها بخلعه جود منو جود بتي 😳 قالت لي عندنا كم جود نحن 😒 قلت ليها شوفي راي ابوها قالت لي كلمتو وقال لي  شوفي رأي امها بس انتو من الاخر كده قولو لي لااا ما تلبس معاك قاطعت كلامها قلت ليها لاااا ما كده ولو ما لبست معاك ح تلبس مع منو قالت لي جد قلت ليها عندنا كم هديل .. مع انو كنا مخططين انو نطقم الـ3 مع بعض انا وجود وحسام 😢

العصر حسام جا راجع من الشغل قلت ليهو حسام لييه ما جبت معاك جودي قال لي رفضت تجي حنستها تحنيس بس اتشبكت في هديل وما عايزه تجي معاي قلت ليها ارح لـ ماما برضو رفضت وانا ما حبيت ازعلها عشان كده خليتها مع هديل وجود لم سمعت صوتو جات طالعه من الغرفه بابا بابا لم شافها اتخلع 😱وقعد يضحك لم دمع قال لي دي جات مع منو 😅 وانا الحاله مخطط للكذبه  قلت ليهو جات براها شالها قال ليها جودي حبيبتي جيتي لييه يااااخ كان تنتظري بس الليله يعني الواحد ما يعرف يغنج مع امك يومين وعاين لي وابتسم 😉 ...