الحب الابدي

٢٧

يوم نص الليل ونحن في سابع نومه وفي عز احلامنا الساعه 3 صباحاً امي جات صحتني شجن يا شجن اصحي صحينا انا وريم مخلوعين قلنا ليها في شنو 😳ناولتني التلفون قالت لي هاك حسام عايزك 😏 مسكت التلفون رديت وانا  مخلوعه الو قبل ما يسلم قال لي شجن سمر متألمه شديييد من الخلعه قلت ليهو سمر منو 😳 قال لي سمر بطنها واجعاها خليك جاهزه بنجي غاشنك للمستشفى  وانا من غير ما افكر قلت ليهو حاضر قفلت الخط ابوي قال لي عايز شنو في الوقت ده 😳 قلت ليهو سمر بطنها واجعاها شكلها عايزه تلد ونزلت من السرير سريع بديت اجهز حالي امي قالت لي وانتي ماشه وين ان شاء الله 😒 قلت ليها  جايين غاشني للمستشفي قالت لي مالك ومالها دكتور انتي عشان يتصل عليك 😡 وبدت تكورك انتي علاقتك بيهم شنو ما عايزين يخلوك في حالك غالبو يتصل علي اهلو ولأ اهلها 😠 قلت ليها يا امي ده ما وقتو الكلام ده قلت لـ ريم البسي ارح معانا امي زاتها لبست قالت لي ما بخليك تمشي براااك 😒 اتجهزنا حسام جا طلعنا وفعلا كانت سمر بتتألم وماسكه بطنها وبتبكي 😭 امي وريم  ركبو معاها بـ ورا وانا بقدام ومن حاله سمر ما لحقنا سلمنا علي حسام ركبنا وبدينا نتكلم في حالة سمر كأنو شايفين بعض قريب ما تقولو لينا 3 شهور بعدين عن بعض 😢 بس لم شوفت شكل حسام اتخلعت 😱 لانو ده ما حسام البعرفو شكلو كان متغير بيوحي انو اكبر من عمرو بـ 100 سنين واللحيه اتحولت لـ دقن بإختصر ده ما حسام المتعوده اشوفو بكامل اناقتو و وسامتو 😭 المهم امي  نست زعلها وختت راس سمر في كتفها قالت ليها يا بتي شيلي نفس طويل وبقت تهدي فيها قالت لـ حسام كلمت امها قال ليها والله ما خطر في بالي زول الأ اتصلت علي شجن 😔 قالت ليهو طيب انت سايق اديني تلفونك ما صاح ما  نكلمها ناولها التلفون اتصلت علي اهل سمر كلمتهم قال ليها بتلقي رقم امي اتصلي عليها قالت ليهو احسن تتصل عليهم انت 😒 وناولتو التلفون وحسام كان  متوتر امي قالت ليهو يا ولدي ركز في الشارع وسوق براحه ..

وصلنا المستشفي ودخلو سمر غرفة الولاده بعد شويه جات ام سمر من شافتني قالت لي انتي الجابك هنا شنو بعد بتي اتفكت منك تاني لاحقاها هنا 😠 ريم قالت لي المره الهايجه دي منو 😳 قلت ليها دي ام سمر قالت ليها يا خالتو روقي مالك هسه قالت ليها اروق كيف ودي قاعده 😒 في اللحظه دي ريم انفعلت  قالت ليها والله البتتكلمي عنها دي لو ما دقو ليها تلفون وجو ساقوها ما كان لقيتيها هنا 😠 وبعدين ما حباً فيكم تقطع نومتها وتساهر عشان تجيكم 😠 قلت ليها ريم اسكتي 😔 قالت لي ما بسكت ام سمر قالت ليها الاتصل عليها منو قالت  ليها ما فاضيه عشان اقعد اشرح ليك الحصل بعدين اسألي بتك وراجلها قلت ليها ريم عليك الله خلاااص اسكتي امي قالت ليها عندك حق غلطانين نحن الجينا صاح ما كان نجي كان نخليهم يحرقو بجاز 😏 اتلفت علي قالت لي كده عجبك من الاول قلت ليك ما تمشي بس ما بتسمعي الكلام 😒 في اللحظه دي حسام جا قال في شنو 😳 ام سمر قالت ليهو انت كيف تضرب ليهم تلفون قبل ما  تضرب لي مش سمر بتي انا ودي صفتها شنو عشان تضرب ليها وتجيبها وأشرت علي قال ليها ده ما وقت الكلام ده هسه ادعي انو سمر تتحلى بالسلامه امي قالت لي شجن اطلعي قدامي حسام قال ليها شجن ح تقعد واتلفت علي ام سمر قال ليها والـ ماعاجبو الوضع هو الـ يطلع 😠 قالت ليهو بتطردني من المستشفي والقاعده جوه دي بتي 😒 ريم قالت ليها لو بتك بتهمك كان مسكتيها معاك  الشهور الاخيره عشان لم بطنها لم توجعها تكوني حاضراها قالت ليها يا بت انا ما عايزه معاك قلة ادب 😠☝🏻 حسام قال ليها عشان كده احسن نقفل علي كده وانا طبعا بعاين ليهم بخلعه مصدومه وساااكته 😳 غالبني اتكلم جا الدكتور قال  ليهم لو سمحتو وطو صوتكم دي مستشفي ما تخلوني اضطر اطردكم منها واخيرا سكتو بعد شويه جو اهل حسام طبعا خالتو نوره لم شافتني اتخلعت ما اتوقعتني اكون قاعده و لي 3 شهور ما شوفتها سلمنا علي بعض عااادي امي جات قالت لي يا بتي بعد نمشي ما في داعي نقعد اكتر كفايه اهلهم وصلو 😒 قلت ليها يا امي النطمن علي سمر وبعدين نمشي قالت لي سمر اطمني عليها عن طريق هديل ونحن عملنا العلينا تاني ما بيدنا حاجه والدكتور شايف شغلو كلمي هديل تضرب ليك بعد تطلع من غرفة الولاده 😑 بنتكلم كده جا الدكتور طالع  قال حمدلله علي السلامه جابت بنت والفرحه عمت الكل طبعا مشيت بكل ثقه وقوه قلب باركت لخالتو نوره والباقين الأ حسام ما كان موجود امي قالت لي تاني منتظره شنو قلت ليها بس ابارك لـ سمر ونطلع وفعلا دخلت لـ سمر باركت ليها وانا طالعه من الغرفه حسام داخل باركت ليهو بس ما رد علي ...

ونحن طالعين قابلت خالتو نوره بره طلعت الدبله من يدي ناولتها ليها دي اديها لحسام وقولي ليهو شجن قالت ليك صوم تلاته يوم وعيش مع اسرتك وبتك ورسل ليها ورقتها وللمعلوميه يا خالتو ما تقولي انا ساكته الزمن ده كلو عشان ارجع لـ حسام لاااا اطلاقاً بس كنت صابره وساكته عشان خاطر البنوته دي ما عندها ذنب ولو عايزه تفسير لكلامي اسألي حسام يوضح ليك ☺ وما تنسي  تقولي ليهو منتظره ورقتي طبعا امي وريم وخالتو نوره كلهم اتخلعو من كلامي 😱 قلت لامي بعد ده ممكن نمشي هديل حضنتني وبكت قالت لي لييه كده يا شجن عليك الله رجعي الدبله 😭 قلت ليها هدووول ده المفروض يحصل من 3  شهور بس كنت منتظره اللحظه دي وبعدين زي ما قلت ليك خوتنا ماليها علاقه بالحصل ح تفضل زي ما هي زي ما كانت قبل 5 سنين و ودعتها 😘 لم طلعنا  امي قالت لي شجن فهميني الحصل شنو قلت ليها لم نصل البيت بشرح ليك اي شي وفعلا وصلنا البيت وناديت ابوي وحكيت ليهم انو حسام كان حالف علي لو طلبت الطلاق يطلق سمر معاي وانا كنت منتظره لحدي ما سمر توضع حتي اطلب الطلاق عشان ما ح يقدر يطلق ام بتو ابوي قال لي عاقله يا بتي ربنا يحفظك 😘 اها بعد ده ممكن نتكلم في موضوع ولد عبد الله قلت ليهو يا ابوي  انا صاح ح اطلق بس ما عشان اخوض تجربه جديده التجربه دي كفاايه انها علمتني دروس 😔 امي قالت لي يا بتي الرجال كلهم ما واحد و ولد عبد الله ده  كويس والله قلت ليها يا امي لو عايزني اكون مرتاحه تاني ما تجيبو لي سيره العرس قالت لي لكن يا بتي انتي لسه صغيره والعمر قدامك طويل معقول تنهي كده 😢 قلت ليها لااا ما ح انهي كده ح اخد راحه وح اواصل قرايتي ح اعمل  الماجستير لو قلتو لااا ح اقعد في البيت ابوي قال لي يا بتي اعملي البريحك ونحن معاك 😘

دخلت غرفتي ريم قالت لي والله في المستشفى ما فضل لي الأ اكفتك 👋🏻تسكتي لام سمر كده لييه ناقصه لسان ولأ خشم عشان تدافعي عن روحك 😡 قلت ليها في النهايه دي مره كبيره وقدر امك انتي زاتك ما كان تتكلمي معاها كده وبعدين عملت كده عشان خايفه علي بتها قالت لي مش لم تحترم نفسها في الاول عشان اعتبرها قدر امي ولو بالجد خايفه علي بتها زي ما بتقولي كان طلبت من ربنا انها تتحلى بالسلامه بدل شغاله تردح وتصفق ليك بس عجبني حسام سكتها 😍 خلاص فكينا من سيرتها انتي يا شجن ما حاسه انك استعجلتي في  طلب الطلاق ده قلت ليها قولي لي اتأخرتي قالت لي والله حسام شكلو لسه متعلق بيك قلت ليها صاح بـ امارة 3 شهور ما سأل مني ولا جاب خبري 😒 قالت لي القال ليك منو ما سأل منك قلت ليها لييه كان بتصل عندك وانا ما عارفه 😏 قالت لي اااي اقصد لااا لااا بس حسيت بيهو لسه عايزك قلت ليها احساسك غلط وبعدين خلاص حسام عندو مره وبنت تاني ما في حاجه ناقصاهو وبعدين لو ما طلبتو انا كان ح يطلقني هو 😔 ويا ريت لو نقفل السيره دي لأنو خلاص اعتبرتها مرحله وعدت وصفحه وانطوت دخلت علي البنات في الواتس وكلمتهم بـ سمر في الاول رفضو يمشو ليها قلت ليهم والله سمر تعبت في الولاده وانا زاتي كنت حاضراها عليكم الله امشو ليها وعفا الله عن ما سلف 😢 طبعا كلهم  مستغربين فيني اني بقنع فيهم انهم يمشو ليها وفعلا مشو واتصافو معاها وانا بهنا كنت منتظره ردة فعل حسام بعد ما خالتو نوره تديهو الدبله وتكلمو كنت متوقعه انو يتصل علي في تلفون امي حتي لو رقمي الجديد ما عندو بس ما اتصل ولا حتي جاني في البيت 😔 وعدا اليوم الاول والتاني وبعدها فقدت  فيهو الامل واقتنعت انو خلاص اكتفى بوجود سمر وبنتو وفضلت متوقعه ورقتي في اي لحظه 😢 اليوم التالت الضهر حسام اتصل علي امي بس امي  رفضت تديني ليهو قالت ليهو شجن نايمه مع انو كنت صاحيه قال ليها صحيها ضروووووري قالت ليهو والله ما بصحيها قبل كده صحيتها وقطعت نومتها وسقتوها معاكم المستشفى غير الاهانه ما لقت حاجه 😏 وشجن دي خلاااص  انسوها خلوها تعيش حياتها وقفلت الخط بعد ساعتين الباب دق ريم فتحتو لقتو حسام قال ليها نادي شجن ضروري جات تكلمني امي منعتها وطلعت ليهو قالت ليهو عايز شنو ما صدقنا شجن بدت تتأقلم وترجع لطبيعتها 😒 قال ليها يا  خالتي والله الموضوع مهم سمر تعبانه وقالت الأ تشوف شجن قالت ليهو عايزه منها شنو عايزه تثبت ليها انها بتلد وبتي لااا 😏 ريم جاتني في الغرفه قلت ليها الـ في الباب منو سكتت قلت ليها انتي طرشتي الـ في الباب منو قلت ليك 😒 قالت لي والله بصراحه ده حسام وقال عايزك بس خالتي طلعت ليهو وقالت لي ما اكلمك 😢 طبعا في اللحظه دي حسيت بروحي اتشليت قلت جايب لي ورقة الطلاق 😢 لبست توب وطلعت ليهو ماشه وما حاسه برجلي لم وصلت سمعتو  قال لامي سمر جاها نزيف وحالتها خطره وقالت عايزه تشوف شجن ضروري قلت ليهو شنووووو 😳 قال لي كويس انك سمعتي يا ريت لو تجي معاي  المستشفى قلت ليهو دقيقه بس البس عبايتي امي قالت لي ما بتمشي براك ..

وصلنا المستشفي لقينا امها وخالتو نوره يبكو 😭 حسام بخلعه قال ليهم في  شنو قالو ليهو سمر دخلت في غيبوبه وفضلنا منتظرين قريب الساعتين بعدها الدكتور جا طالع قال فتحت الحمد لله بس قالت عايزه شجن منو فيكم شجن قلت ليهو انا ☝🏻 قال لي ادخلي ليها بس يا ريت ما تطولي قلت ليهو حاااضر دخلت ولم شوفتها بالحاله دي انهرت تماما بالبكا 😭 لانو قبل يومين شوفتها  كويسه لم لقيت دموعها نزلت اتمالكت نفسي قلت ليها سمر ام البنوته العسل وسلمت عليها في راسها 😘 قالت لي شجن نادي حسام وما يجي معاكم زول  ناديت حسام قالت لي عايزه اعتزر ليك جنب حسام في اي حاجه عملتها فيك ومرات كتيره كنت بكضب فيك لـ حسام عشان يتخلى عنك ويطلقك بس حبكم كان اقوي والله يا شجن حسام عمرو ما نساك حتي مرات لم يجي يناديني بناديني بإسمك بقول لي شجن ودايما كان بفتح صورك في التلفون عشان كده الغيره عمت عيوني وبتمني لو تسامحيني قلت ليها مسامحاك بس ده ما وقت الكلام ده 😢 قالت لي لااا وقتو لانو ايامي اصلا قربت وعايزه اقابل ربي نضيفه  من الذنوب انا قعدت ابكي حسام قال ليها سمر ما تقولي كده وقعد جنبها قالت لي شجن عايزه منك طلب اخير ويا ريت تنفذيهو عشان اكون مرتاحه هزيت ليها راسي اطلبي قالت لي عايزاك تاخدي بالك من حسام وبتي طبعا اتفاجأت 😳 قلت ليها سمر قالت لي دقيقه ما تقاطعيني ما في زول أأمنها عليهو غيرك واكون مطمنه عليها غير معاك كفايه معاملتك معاي بالرغم من قسوتي عليك خلتني اتأكد من كده وسميها زي ما عايزه 😔 قلت ليها لا يا سمر انتي ح تقومي  بالسلامه وح تسميها جود زي ما قلتي وتعيشو وتربوها انتي وحسام قالت لي يا ريت بس حاسه اني تاني ما ح اقوم يلااا اوعديني انك تربيها زيي بتك وما تحوجيها لشي ولو قبلتي كده بعتبرك سامحتيني طبعا حسام منزل راسو غالبو يتكلم بس لمحت دموعو قلت ليها حااااضر 😢 بس انتي ح تقومي ان شاء الله  قالت لي بتمني بس زي ما قلت ليك بتي امانه في رقبتكم قالت لـ حسام نادي الباقين جو داخلين كلهم حتي امي وخالتو نوره سمر قالت لامها يا امي انا وهبت بتي لـ شجن تربيها علي يدها طبعا كلهم اتخلعو 😳 قالت ليها يابتي بس قاطعتها  قالت ليها يا امي من غير بس لو عايزاني اكون مرتاحه في قبري ومطمنه علي بتي اوعديني انك ما تضايقي شجن ولا تحاولي تقلعي منها البنت كفايه العملتو فيها انا ولو عايزه البنت امشي ليها زياره وانا متأكده شجن ما بتقصر معاها وبتجيبها ليك امها غلبها تتمالك نفسها بكت 😭 وطلع من الغرفه المسا سمر  اتحسنت ورجعنا البيت ريم قالت لي تفتكري ح يدوك البنت غايتو حبوبتها الفقريه دي ما اظن ترضى 😒 شاكلتها قلت ليها لييه تفكري كده 😠 ادعي ربنا  انو سمر تقوم بالسلامه وترجع لـ بنتها وبيتها قالت لي ما قصدي بس سؤال خطر علي بالي اليوم التاني الساعه 6 صباحآ هديل اتصلت علي ..