وعدا الشهر وبكرا العقد طبعا خالتو نوره اكتر وحده فرحانه بالعقد اصبحنا الصباح صحيت حسام سومي قوم في زول بنوم يوم عرسو جراني عليهو قال لي وفي وحده بتعرس لراجلها وحده تانيه رايك شنو نلغي العرس قلت ليهو حسام يلااا خلاص قوم قال لي والله لحدي الان ما مصدق ودايما بتخيلو زي الكابوس ولأ الكاميرا الخفيه قلت ليهو لم تشوف سمر بتتأكد انو حقيقه يلاااا بطل كسل قوم طبعا حسام شرطو مع ناس العروس انو ما عندو حفله عشان كده عملو العقد في الصاله وناس العروس قالو عايزين الحفله جابو فنانه بعد الغدا وشرطو انو ما ح يحضرها قلت ليهو قوم عشان نمشي ما نتأخر قال لي ماشه وين انتي 😳 قلت ليهو ماشه ناس خالتو نوره البيت الكبير ومن هناك نمشي العقد قال لي انتي ماشه قلت ليهو اااي 😌 قال لي اكيييد بتهظري قلت ليهو والله قال لي وبتستحملي تقعدي وتحضري عقدي 😳 قلت ليهو اكيييد قال لي للدرجه دي استغنيتي عني 😢 حضنتو قلت ليهو سومي ودموعي نزلت قال لي شوفتي انتي كده ما استحملتي مافي مشي قلت ليهو لاااا بمشي اعتبرني ماشه عرس صحبتي ما عرسك 😔 طبعا ده كلو عشان اثبت لخالتو نوره اني قويه ومشاركه في العرس بإرادتي ورضاي في اليوم ده كانت في حالة صمت بينا بس عيونا كانت كافيه لتفسير حالة الحزن الجوانا الضهر حسام اتحمم قلت ليهو دقايق وبجهز قال لي علي راحتك بنتظرك وانا بديت احس بالندم دخلت اتحممت اساس اتجهز للمشي طلعت من الحمام لقيت حسام مافي البيت قلت خلاص يكون ماشي يجيب حاجه وجايي وفضلت منتظراهو سمعت الباب فتح قلت ليهو حسام جيت اتلفت لقيتها دي امي قلت ليها لييه ما مشيتي العقد 😳 قالت لي جيت اقعد معاك وعيونها ملانه دموع قلت ليها انا ما قاعده انا زاتي ماشه العقد بس ما مشكله تمشي معانا انا وحسام قالت لي بس حسام جابني اقعد معاك عشان انتي ما تمشي قلت ليها كيف يعني لاااا ح امشي 😠 بنتكلم كده الجرس ضرب قلت ليها يكون ده حسام جايي يسوقنا امي فتح الباب لقتها هديل قالت ليها يا بتي مالك قولي بسم الله وهديل شغاله تبكي جات حضنتني وقعدت تبكي😭 فضلت اطبطب عليها قلت ليها هديل انتي عويره بتبكي مالك ولييه ما مشيتي العرس حضنتني ولسه بتبكي 😭 قالت لي كيف امشي وحسام من يوم الليله لا اخوي لا بعرفو قلت ليها هدوووول ما تقولي كده فكتني وحضنت امي قالت ليها شوفتي شجن عملت شنو 😢 امي بقت تهدي فيها قلت ليهم خلاص ما تضيعو الزمن اطلعو ارح الاتنين حلفو علي ما امشي العرس امي قالت لي ما عافيه ليك لو مشيتي قعدت وانا متوتره وكل ما الوقت يقرب كنت بتوجع اكتر بعد صلاة الجمعه تلفون امي ضرب قلت خلاص يكون عقدو امي ردت قالت ليهو لااا ما هنا كيف يعني ما جا 😳 لم قفلت الخط امي قالت لي ده ابوك يا شجن قال حسام لحدي هسه ما جا للعقد ما قال ليك ماشي وين قلت ليها لااا بس ماشي العقد شلت التلفون اتصلت عليهو ما برد هديل قالت يااااا رب يكون لغى العرس ان شاء الله ما يمشي وانا بقلبي قلت امييييين بس قلت ليها لا حرام عليك يا هديل سمر ذنبها شنو 😒 قالت لي ذنبها انها وافقت 😏 بعد نص ساعه ابوي تاني اتصل علي امي سمعتها قالت ليهو ربنا يعين شجن ويقدرها في اللحظه دي عرفتهم عقدو حسيت بطعنه في قلبي و بروحي عايزه تطلع ونفسي ضاااق دخلت الحمام فتحت الدش وفضلت ابكي 😭 لحدي ما نزلت عبرتي جيت طالعه لقيت هديل حاضنه امي فكتها وجات حضنتني شديد ومن البكا غالبها تتكلم وامي قالت لي ربنا يصبرك يا شجن في اللحظه دي دموعي نزلت امي حضنتني وهديل اصلا دموعها ما وقفت ... استجمعت قوتي شلت التلفون اتصلت علي حسام ما برد اتصلت علي خالتو نوره ابارك ليها العقد وخصوصا انها ما عبرتي برضو ما ردت شلت تلفون هديل واتصلت عليها من اول جرس فتحت الخط وقبل ما اقول الو قالت وين انتي يا هديل كيف يعني ما تجي تحضري عقد اخوك 😠 قلت ليها دي انا شجن يا خالتو نوره ما هديل طبعا اتخلعت غلبها ترد 😳 قلت ليها مبروووك لحسام وبيت مال وعيال وهي ساااكته كل القالتو لي والله يا بتي كل شي قسمه ونصيب وتاني ما قدرت تتتكلم معاي من الخجل قفلت الخط
ابوي وعمي محمد ابو حسام جو غاشني من العقد عمي محمد قال لي شجن ما تفتكري في حاجه اتغيرت انتي عارفه غلاوتك عندي زيك وزي هديل و واحد ما في فرق بينكم 😍 وقدام ابوك دا بقول ليك العايزاهو بعملو ليك لو عايزه بيت براك من بكره يكون عندك ولو عايزه تقعدي هنا وحسام يطلع من حقك ولو عايزه تقعدي معانا في بيتنا مع هديل من هسه تمشي معانا والله مافي حاجه بتنقصك ولو حسام قصرك فيك ما عليك الأ تكلميني وحقك يصلك والله هسه العقد ده لو ما برضاك ما كان خليتو يتم وطبعا انا شغاله اهز ليهو في راسي ومن جوه سكاكين تطعن في قلبي 😭 ابوي قال ليهو ما قصرت يا محمد بس شجن ح ترجع معانا عمي محمد قال ليهو شجن تمشي معاكم تغير جو وتجي راجعه بس ما بتطلع من بيتها خااالص بتكلمو كده وما عارفين الشروط البينا انا وحسام ... وخالتو نوره ما حاولت تواسيني ولا بالتلفون عمو محمد ساق هديل قبل ما تمشي قالت لي شجن ما بزكرك اني اختك ويومي تاني ح تلقيني في وشك بعد طلعو امي قالت لي يلااا لمي حاجاتك وارح ما في شي بقعدك قلت ليها منتظره حسام ابوي قال لي يا بتي حسام يمكن ما يجي لانو في الصاله بعد العقد طلع طوااالي كان داير يجي كان جا قلت ليهو بجي بنتكلم كده حسام جا داخل من شوفتو عيوني اتملت دموع قال السلام عليكم من بعيد ودخل الغرفه طوالي حتي ما جا قعد مع امي وابوي انا حصلتو قلت ليهو حسام قال لي شجن امشي مع اهلك من غير ما يتلفت علي دخل وقفل الغرفه بالمفتاح قلت ليهو بصوت مبحوح حسام افتح عايزه اتكلم معاك قال لي ده ما وقت نقاش يا شجن امشي مع امك رجعت لأمي وابوي في الصاله امي قالت لي ارح يا بتي الله يرضى عليك قلت ليها يا امي امشي انتو وانا بجي العصر ابوي قال ليها ارح يا ساميه خليهم يتفاهمو والعصر بجي اسوقك يا شجن قلت ليهو حاااضر 😔 امي وابوي طلعو دخلت الغرفه حضرت شنطة حسام والدموع نازله وكانت اكبر غلطه في حياتي اني خليتو يعرس 😭 واثناء ما بنزل في هدمو من الدولاب حسام جا داخل من شافني عمل لفت عايز يرجع يطلع جريت حضنتو من ورا سومي فكاني ولزاني منو قال لي شجن مش قلت ليك امشي مع اهلك لييه ما مشيتي لم لزاني رجلي ضربت السرير قلت ااااي اتلفت قال لي شجن مالك اتجرحتي 😢 لقيت عيونو حمرا زي الشرار ما حسيت الا بدموعي نازله زي الشلال وحضنتو وفي اللحظه دي اتمنيت لو الزمن يرجع لي بس لو شهر ورا كنت صلحت غلطتي حضني عليهو قال لي لييه يا شجن تجبريني انفذ قرار وانتي متأكده انو بيأذينا نحن الاتنين وانا بس حاضناهو وببكي بعد شويه تلفون حسام ضرب لم عاين للرقم لمحت اسم سمر في اللحظه دي رجعت للواقع المرير واتزكرت انو حسام بقى عندي شريك فيهو 😭 زحيت منو براااحه جراني عليهو قلت ليهو حسام امشي ليها قال لي معقول تأثر علي علاقتنا من اولها كده 😔 قلت ليهو بس الليله حقتها ومن حقها قال لي انتي عارفه بالنسبه لي كل الليالي حقتك تاني رجعت اتصلت فكيت يدو مني فتح الخط قالت ليهو انت وين 😒 قال ليها خلاص انتهيتو قالت ليهو تعال احضر الفاصل الاخير ان شاء الله قال ليها من الاول قلت ليك انا ما عايز حفله وانتي اصريتي عملتيها وانا ما منعتك ليها بس انا ما بحضرها بعد تنتهي قبل نص ساعه اتصلي علي بكون معاك 😒 قالت ليهو والجرتق ما ح تحضرو قال ليها زي ما عارفه قبل كده انا مجرتق اتجرتقي انتي 🙂 قالت ليهو تمام قفل الخط وجا محصلني في المطبخ كنت بشرب مويه تنزل لي الخنقه الاتخنقتها من المكالمه جا حضني من ورا قال لي ما استحملتي انو نتكلم في التلفون مع بعض كيف ح تستحملي تشوفينا انا وهي في غرفه واحده 😔 قلت ليهو ما بستحمل بس لم اتزكر انو ح يكون عندنا طفل في البيت بتصبر قال لي تفتكري فرحتي بيهو زي ما يكون جايي منك قلت ليهو في النهايه طفل ح يشيل اسمك وزحيت منو قال لي ااااااخ من عنادك وقوة راسك مشيت شلت كم غيار في شنطه صغيره قال لي ماشه وين انتظري اوصلك قلت ليهو لا انت امشي ابوي جايي يسوقني قال لي لا ح اوصلك انا وفعلا وصلني بيتنا طبعا طول الطريق ما كان في كلام بينا 😔 بس كنا مشربكين يدينا في بعض وكل مره كان بعاين لي ولحدي ما وصلني باس يدي وفكاها بعديها مافي زول نطق للتاني بحرف نزلت دخلت البيت وقفت في الحوش قشيت دموعي 😭 ودخلت لقيت امي وابوي استقبلوني كأنو مافي حاجه بس كنت شايفه الحزن في عيونهم وكانو بحاولو ينسوني الحصل 😔
طبعا صحباتي ما قصرو وقفو معاي و واسوني وخاصه هديل المسا لقيت مكالمه من حسام ما رجعت ليهو كأني ما شوفتها وكل يوم كان بتصل علي بس ما برد بعد 5 ايام اتصل علي وكـالعاده ما رديت عليهو مع انو كنت ماسكه التلفون في يدي اتصل مرتين ما رديت بعد شويه ابوي جا مد لي التلفون قال لي هاك ده حسام عايزك وابوي طلع من الغرفه رديت الو قال لي لييه ما بتردي 😠 قلت ليهو كنت بعيده قال لي خلاص خليك جاهزه بعد ساعتين بجي غاشيك قلت ليهو جايي لشنو 😳 قال لي خلاص راجع بيتي 😍 ولأ طارداني منو قلت ليهو لا بس راجعين بدري قال لي خلاااص كده كفايه قلت ليهو تمااام بس ما تجيني هنا تعال البيت طوااالي بكون هناك وقفلت الخط والفرحه ما بقدر اوصفها لانو اول مره حسام يبعد مني كده 😢 رجعت التلفون لأبوي قلت ليهو حسام جايي الليله وانا راجعه بيتي ابوي قال لي يا شجن متأكده بتقدري تعيشي معاها في بيت واحد 😔 قلت ليهو اااي امي قالت لي يا شجن زي ما عمك محمد قال ليك اختاري تقعدي في بيت براك بترتاحي في اللحظه دي اتزكرته شرط حسام لم قال لي ح تعيشو في البيت سوا قلت ليها لااا كده انا مرتاحه والله 😢 ابوي قال لي خلاص اقيفي اوصلك ودعت امي وقالت لي زي ما قلت ليك في اي لحظه عايزه تجي تعالي قلت ليها اكيييييد طلعنا وصلنا البيت قبل انزل ابوي قال لي يا شجن زي ما امك قالت ليك لو هنا ما ارتحتتي اوعك تترددي انك تجينا بيتك مفتوح ليك ما عليك الأ تضربي لي وبجي اسوقك قلت ليهو ربنا يخليكم لي ان شاء الله 😘 دخلت البيت وبديت فيهو نضافه وجهزت ليهم غرفتنا لانو لسه ما كان اشترو غرفة النوم حقتهم وبخرت البيت والغرفه وحضرت ليهم العصير ودخلت اتحممت اتصلت علي هديل وكانت يومي بتضرب لي قلت ليها رجعت البيت ويادوب انتهيت من النضافه قالت لي عايزه تقعدي براك 😳 خلاص هسه بجيك اقعد معاك قلت ليها ما براي ناس حسام جايين الليله 😍 شاكلتي انتي هبله تنضفي ليها انتي وحده حيوانه ما كفايه عرستي ليها راجلك كمان عايزه تشتغلي حبشيتها 😡 قلت ليها هديل والله ده كلو عشان اخوك قالت لي اخوي بعد عرس فيك زاتو ما بستاهل بس انتي وحده متخلفه 😠 وقفلت في وشي الخط اتصل علي حسام قال لي افتحي الباب نحن واقفين برا لبست توبي وجري فتحت باب الغرفه عايزه اجري افتح باب الشقه لقيت حسام في وشي من غير ما اشعر من فرحتي حضنتو سومي تاني اتزكرت سمر عايزه اتفك منو جراني ضماني عليهو شديييد قال لي اطمني سمر مافي قلت ليهو كيف مافي 😳 قال لي نزلتها عند ناس امها يعني الليله ليلتنا 😍 قعدنا في الصال قال لي حرام عليك 55 يوم ما بتسألي مني يا مفتريه 😒 قلت ليهو انت فاضي عشان اسأل منك قال لي لو ما فضيت ليك انتي افضى لمنو واثناء ما بنتونس سمر كانت كل مره تضرب لـ حسام وانا خلاص زهجت منها وحسام يعاين لي ويتبسم ☺ بعد قفل الخط قال لي غيرتي حبيبي قلت ليهو ما غرت بس 55 يوم ما كفتها ولسه لاحقاك قال لي دي مش صحبتك وكنتي بتدافعي ليها وكنتي مٌصره علي العرس مالك هسه زعلتي 🙂 قلت ليهو كنت غلطانه لم بدافع ليها وجيت اقوم جراني لحضنو قال لي تعالي يا غيووورتي حبيبي لو ما رديت ليها ممكن تجي وتخرب لينا اي شي قلت ليهو حسام قال لي حياتو 😘 قلت ليهو انت ما حضرت ليها غرفة النوم قال لي الغرفه جاهزه مالها فيها سرير ولأ ما فيها ضربتو قلت ليهو حسام ديك ما غرفة نوم قال لي خلاص بكره بنمشي نشتريها بس هسه ممكن نعدي الليله دي من غير سيرتها عايز نكون في عالمنا يكون فيهو سومي وشجوني حبيبي تمااام 😍 هزيت ليهو راسي بـ حاااضر وقضينا احلي ليله مع بعض ♡ ...