الحب الابدي

١٨

اصبحنا الصباح صحيت بدري طلعت صحيت هديل قالت لي شجن مالك ياااخ قلت ليها قومي عندنا شغل كتير قالت لي باديه لي حلم خليني اتمو وبقوم .. اديتها لبعه في ضهرها قالت لي اريتك ما مرت اخوي 😂 بقلبي قلت ليها انتظري  مرت اخوك الجديده احسن مني قلت ليها قومي مش جيتي عشان تساعديني يلا اطلعي عشان ننتهي بدري قالت لي خلاص قمت انتي امشي المطبخ قدامي وانا بجي طلعت المطبخ عملت الشاي وجيت صحيتها تاني دخلت الغرفه لقيت حسام نايم بعد دايره اصحي حنيت عليهو قلت الجمعه وقت راحتو حرام اصحيهو طلعت وقفلت الباب براحه واتناء ما بنشرب في الشاي انا وهديل في الصاله قالت لي حسام وين قلت ليها لسه نايم قالت لي فالحه بس تصحيني انا 😒 قلت ليها  ما حبيت اصحيهو والله قالت لي بدخل اصحيهو انا بعد اتقدمت خطوتين جات راجعه قالت لي شجن لبس حسام بسمح لي ادخل قلت ليها لابس فنيله عضلاتيه لو عااادي بالنسبه ليك ادخلي صحيهو قالت لي لااا خلاص خليتو 🙈 قعدت  اضحك قلت ليها يا بت ادخلي لابس فنيله ربع كم دخلت لقتو في سابع نومه نقطت ليهو المويه في وشو قام مخلوع يا حرام 😳 قال ليها هديل والله ما  اخليك جات جاريه حسام دخل اتحمم وجا طالع قال ليها ما بعديها ليك قال لي رشت راجلك بالمويه ولسه قاعده تتونسي معاها قلت ليهو اخ واختو ما بقدر ادخل بينهم اتونسنا الـ 3 مع بعض وانا وهديل دخلنا المطبخ حضرنا الغدا فطاير ومكرونه بالبشمل والتحليه حسام قال البيتزا ما تعملوها بجيبها ليكم جاهزه بس عليكم الله اول فطرونا يعني معقول تعملو الغدا قبل الفطور 😓 قلت ليهو اصبر  حبه النخلص ده اول قال حرام عليك انتو ديل صاحباتكم الجايين انا ذنبي شنو 😔 هديل قالت ليهو ذنبك عرست وحده منهم قال ليها تصدقي كانت غلطه  و واصل كلامو قال بس اجمل غلطه 😍 هديل قالت ليهو احم احم احم قال ليها خلي احم حقتك دي واعملو لينا الفطور الساعه 111 ونص عشان اجهز للصلاه قلت لـ هديل خلاص اول نعمل الفطور عشان نتخلص من حسام فعلا عملنا الفطور فطرنا وانتهينا من عمل الغدا فضل نجهز روحنا لاستقبالهم وحسام اتجهز لصلاة الجمعه ولبس الجلابيه ولبس الطاقيه 😍 قال لي حبيبي بمشي الصلاة  وبجي قلت ليهو طيب بس ما تتاخر دقيقه دقيقه وقف مشيت عليهو قال لي في شنو قلت ليهو عايزه اصلح ليك الطاقيه قال لي انا هسه قايلك عايزه تودعيني بحاجه يا بوسه يا تحصين بس يا خساره حطمتيني 😔 قلت ليهو لا ما تتخيل  تاني يلااا نزل راسك حبه اصلحها ليك قال لي ما بنزلو بس انتي حاولي حصليني ولأ اقول ليك مسكني من خصري قال لي رايك شنو ارفعك تصلحيها نزلت يدو قلت ليهو حسام انت ناسي انك متوضي للجمعه قال لي اعمل شنو البكون معاك بكون زي السكران بنسي روحو 😍 قلت ليهو اممم دمك خفيف صلحت ليهو  الطاقيه وقلت ليهو اها صلحتها ليك من غير ما تنزل قال لي ما في حاجه بتغلبك قلت ليهو عليك الله ما تتاخر قال لي تمااام بعد طلع انا واقفه في المرايه اتسرح جات هديل داخله قالت لي قعدتي مع راجلك هنا ونسيتيني خااالص 😒 قلت لا  والله بس كنت بلبس قالت لي واااي يا شجن اريتها غرفتي يا الله غرفه وراجل والباقي هين 😅 قلت ليها ان شاء قريب وبعدين مافي حاجه كدا ولأ كدا قالت  لي في بس ما عندنا حاجه رسميه قريب قال الأ يكَون نفسو قلت ليها كلبه ده منو ده قالت لي بتعرفي هيثم دفعة ناس حسام قلت ليها كضااابه قالت لي والله العظيم قلت ليها وحسام عارف قالت لي اوعك لسه ما عارف قلت ليها تدفعي كم لانو بصراحه ما بدس من سومي حاجه 😌 قالت لي الأ ده بقتلك هيييي نسيت  اعمل البخور طلعت عملت البخور وانتهينا فضلنا منتظرنهم وانا اتصلت علي سمر أأكد عليها انها تجي بعد شويه بدو يجو واخيرأ كلهم وصلو رهام وملاذ وتقوى واهم وحده سمر انا وهديل استقبلناهم وقدمنا ليهم العصير تقوى قالت لي حسام مافي ولأ شنو مالو ما جا سلم علينا 😏 قلت ليها انتي قايلاهو كافر ولأ مسيحي حسام في الصلاة 😅 قالت لي والله صاح نسيت الليله الجمعه رهام قالت ليها يا  حليلك زهمرتي وما انجزتي هديل قالت ليهم وااااي كلنا ما انجزنا قالو ليها اي والله قلت ليهم الأ سمر مش كده يا سمر بيني وبينك مافي حاجه قالت لي بري والله بورة عدوك انا يا دوووب كده فرحت وعرفت اني ماشه في الطريق الصاح طبعا قررت أعرس حسام لـ سمر وتكون ام اولادو عن قناعه راضيه انها تكون ضرتي وفي نفس الوقت صحبتي بنتونس كده حسام جا داخل ما شاء الله ربنا يحفظو 😍 جا سلم عليهم وانا كنت مركزه في نظرات سمر لـ حسام كان فيها نوع من الاعجاب والخجل اصلا كانت بتحبو من ايام االجامعه  قعد اتونس معاهم مسافه ودخل الغرفه بعد شويه دخلت وراهو قال لي حبيبي ما ح اقدر اقعد في الغرفه كده ح اكون مقيد وهم بره ما ح يكون مرتاحين عشان كده ح امشي البيت الكبير وبعد يطلعو بجي قلت ليهو انت هسه ما قعدت معاهم 😒 كده ح  يقولو انت ما عايزهم جراني عليهو قال لي فعلا ما عايزهم لاني ما عايز غيرك 😘 قلت ليهو حسام خلاص امشي قال لي خلاص ما تزعلي ح

اخد معاهم قعده واطلع ولو احتجتي لاي حاجه اتصلي علي تمام قلت ليهو تمام وطلعنا فعلا قعد اتونس معاهم واستأذن منهم وطلع ملاذ قالت لي شجن حسام اخر مره شوفتو في الجامعه انبرشته وهسه زاد انبراشي فيهو هديل قالت ليها مش اخوي كيف ما يكون وجيهه 😌 قلت ليها بتنبرشو فيهو في بيتي يلا انتي وهديلكم زاتها  تطلعو لي من بيتي ما تقعد الا سمر طبعا كلهم علقو علي حسام الا سمر ما علقت والزول البتكلم وبعلق باللسان بكون واضح وصريح وكلامو بكون هظار ما زي البكتم الكلام عدا اليوم وكان يوم جميييل كلو ونسه وضحك وقربت من سمر شديييد
البنات طلعو فضلنا انا وهديل هديل ما قصرت نضفت معاي البيت ورتبت معاي المطبخ و ولعت البخور قلت ليها مافي داعي قالت لي لا ح ابخرو ليك زي ما جيت لقيتو قلت ليها حيوانه 😅 قالت لي بعد ده انا امشي قلت ليها عليك الله  بيتي معانا قالت لي يا بت تاني حسام بجدعني بالبلكونه وقعدت تضحك قلت ليها لا بالجد انتي حيوانه طيب انتظري حسام يجي يوصلك قالت لي لا بركب امجاد صعب علي حسام يجي من هناك وتاني يرجعني وبعدين ما فاضي لي زاتو وغمزت لي 😉 قلت ليها والله حسام زاتو الليله ما عايزاهو امسكو يبيت معاكم  قالت لي منو النمسكو حسام والله كان ربطناهو يتفك ويجيك قلت ليها هديل اطلعي قبل ما ارتكب فيك جريمه قالت لي طالعه بس خلي بالك من اخوي قلت ليها عليك الله اخوك الليله اقفلي عليهو الغرفه واجدعي المفتاح قالت لي عيني في عينك جدعتها بخدوديه الكرسي ودعتني وطلعت 😘

ما صدقت المغرب اذن صليت ودخلت الغرفه رقدته غمدت عيوني ما شعرت الا بزول باسني في خدي من ورا فتحت عيوني اتلفت لقيتو حسام قال لي الليله ما فقدتيني ولأ وجودي زي عدمو غيابي ما بأثر عليك 😒 بقلبي قلت ليهو لااا والله فقدت السرير اكتر منك 😅 وجا قعد جنبي وتكل راسو في السرير فوق ورجلينو  في الارض قلت ليهو حسام تعبانه والله ما صدقت رقدت قال لي لم صحباتك قاعدين تتونسي وتضحكي معاهم ولم انا اجي تكوني تعبانه 😒 قلت ليهو لا  والله بس عشان واقفه من قبيل في المطبخ قال لي خلاص دي اخر مره تعزميهم قلت ليهو لو ما عايزني اعزمهم هنا بعزمهم عند ناس امي 😏 قال لي حبيبي  بقيتي ما بتميزي بي الهظار والجد واي كلام بتاخديهو علي محمل الجد انا قلت كده بهظر معاك عشان قلتي تعبتي وباسني في خدي 😘 اوعك تفتكري اني  رافض جيتهم اي زول عايزه تعزميهو حبابو عشره قلت ليهو يعني اعزم اي زول في اي لحظه قال لي لو البيت ما شالو نشيلو في راسنا بقلبي قلت كده ممكن اعزم سمر مرة تانيه وبديت ارسم الخطه حسام قال لي ما ملاحظه اني راقد في طرف السرير ورجلي في الارض زحيت ليهو قلت ليهو حسام والله بالجد تعبانه وعايزه انوم قال لي ما تخافي ح ارقد مؤدب قعدت اضحك قلت ليهو يعني عارف روحك قليل ادب 😅 قال لي رايك شنو نشوف انا مؤدب ولا قليل ادب  قلت ليهو لااا خلاص مؤدب مؤدب رقد بقى يلعب بشعري مره يجرو لي اقول ليهو حسام 😒 قال لي خلاص خليتك تاني يشيل جزو يدخلو في اضاني اتلفت  عليهو وشلت يدو ختيتها تحت راسي قال لي طيب من الاول ما تعملي كده ضماني عليهو ونمت 😍

ومن الجانب الاخر بديت اقوي علاقتي بـ سمر شديييد كنت كل يوم بدخل اتونس معاها في الخاص لدرجه لو غبت منها يوم كانت بتدخل تسألني في يوم بتكلم معاها واتس قلت ليها سمر المسا اتصلي علي عند حسام عشان سماعة تلفوني كعبه وكتبت ليها رقم حسام قالت لي لشنو 😳 قلت ليها بس اضربي لي  بالرسايل ما ممكن اقول ليك قالت لي خلاص وفعلا المسا قاعدين انا وحسام في الصاله في التلفزيون تلفونو ضرب كان في الغرفه دخل الغرفه يجيب التلفون وفتح الخط الضارب صاحبو ما سمر وشغالين يتونسو وانا بقلبي بقول اختصرو ياااخ اقفل الخط عشان سمر لم تتصل ما تلقى مشغول 😔 بعد شويه تاني التلفون ضرب فتح الخط الو .. اهليييين معاي منو ... سمر منو 😳 اها بعتزر  والله ما عرفتك وعاين لي باستغراب وانا عملت روحي رايحه ما فاهمه حاجه طوااالي قال ليها هاك شجن شلت التلفون سلمت عليها واتونسنا قالت لي اها الموضوع شنو قلت ليها بس حبيت اسمع صوتك الا اقول ليك كده بعد قفلت حسام قال لي جابت رقمي من وين 😒 قلت ليهو ما عارفه قال لي يعني ما منك  قلت ليهو لااا قال لي تكون دي هديل قلت ليهو اكيييد ما هديل احتمال من ايام الجامعه قال لي احتمال بما انها كانت من معجبني وابتسم 😊 عايز يستفزني  بس ما عارف كلامو ده بيفرحني قال لي شايفك ما علقتي قلت ليهو لاني واثقه قال لي احييي الثقه والواثقه 😍

يوم عزمتها براها من غير باقي البنات حتي هديل ما عزمتها واصريت عليها انها تجي ولبت طلبي وجات حسام لم جا راجع من الشغل لقاها وعدا الموضوع عادي لم جات طالعه قلت ليها لم تصلي البيت اتصلي علي في تلفون حسام اطمن انك وصلتي وهي ما صدقت اقول ليها اتصلي عند حسام 😒 فعلا بعد وصلت اتصلت  علي حسام اول ما سمعت تلفونو ضرب جريت دخلت الحمام عشان يطولو في المكالمه بس اختصرها الحيوان قال ليها شجن هسه مشغوله بخليها تتصل عليك

ولأ اتصلي عليها في تلفونها بعد جيت قال لي شجن وقفي سمر دي ما تتصل عندي تاني لو عايزاك رقم تلفونك عندها 😒 قلت ليهو ما فيها حاجه قال لي  تلفوني ده استعمال شخصي لناسي قلت ليهو انت زعلان عشان اتصلت لي عندك يعني 😏 قال لي انا ما زعلان عشان كده انتي عارفه وانا عارف عشان كده مافي داعي للحركات دي 🙂 ما سمعت كلامو بعد اسبوع تاني عزمتها يوم جمعه وهي  ساعدتني كتير انها ما بترفض الدعوه حسام سلم عليها ودخل غرفتو مشيت وراهو قال لي حبيبي انتي ما ملاحظه انو البت دي جياتها كترت هنا 😒 قلت  ليهو اول ما اسمها البت اسمها سمر قال لي بالنسبه لي ما فارقه صريت ليهو وشي وطلعت قلت ليها تعالي معاي نحضر الغدا دخلنا المطبخ بقيت احسسها انو الحاله وحده رصينا الغدا دخلت لـ حسام قلت ليهو ارح الغدا قال لي وين 😳قلت ليهو يعني ح يكون وين في الصفره  قال لي سمر رجعت بيتهم قلت ليهو لااا قاعده كيف تطلع مواعيد الغدا 😒 قال لي يعني ح اقعد معاها في الصفره سوا لا انتي اكييييد جنيتي 😠 قلت ليهو وطي صوتك وبعدين ما فيها حاجه قال لي  لااا امشي اتغدي معاها انتي انا شبعان ما عايز قلت ليهو عادي ما فيها حاجه ما تخليك معقد قال لي اقول ليك حاجه اخدو راحتكم في البيت اخر حاجه شال المفتاح وطلع سمر قالت لي حسام مالو ما جا اتغدا قلت ليها قال عندو مشوار وفاطر متأخر ☺ سمر فاكره انها بتستغفلني وعايزه تحنك حسام من وراي  الحيوانه ما عارفه ده تخطيطي وبكامل رضاي العصر سمر قالت ماشه مسكتها قلت ليها انتظري حسام يجي يوصلك قالت لي لا بمشي ما في داعي قلت ليها لا ما تطلعي بعد ده براك حسام بوصلك وما صدقت قعدت حسام جا داخل المغرب قلت ليهو قدام سمر حسام الوقت اتأخر وصل سمر بيتهم وسمر نظام اتفاجأت قالت لي مافي داعي ☺ حسام قال ليها لا ما مشكله ارح حسام حمر لي وطلعو  بعد ربع ساعه حسام جا داخل وانا كنت واقفه في المطبخ حضني بورا اتلفت عليهو قلت ليهو حسام متين وصلتها 😳 قال لي وصلتها الظلط وركبتها امجاد قلت ليهو بحده كيف يعني تركبها امجاد مش المفروض توصلها انت 😠 قال لي  انتي همك انها تصل ولأ اوصلها انا قلت ليهو احتمال ما عندها قروش قال لي اطمني حاسبت الامجاد تاني في حاجه ☺ صريت ليهو وشي جراني عليهو قال  لي حبيبي انا عشان ما تتعبي ساااي الفي راسك ده ما ح يحصل قلت ليهو كيف يعني 😳 قال لي خلينا صريحين البتخططي ليهو ده ما تضيعي زمنك فيهو  وتعشمي بت الناس ساااي عمرو ما ح يحصلك واحسن نقفل علي الموضوع ده ولأ اقول ليك طيب تعالي نتفاهم براحه عشان الموضوع ده يتقفل خاااالص لأنو قرفت منو تخطيطك ده عشان اعرس واجيب طفل يشيل اسمي قلت ليهو ااااي 😔 قال لي خليك عارفه لف يدو الاتنين حول بطني و واصل كلامو قال لي طفلي لو ما من هنا ما عايزو انفعلت فيهو افهم من هنا ما بجي وما ممكن وانت عارف كده 😭 حضني عليهو قال لي يبقي ما يلزمني وبعدين اقول ليك حاجه  حتي منك زاتو ما داير كده انا مبسوووط اخر حاجه عشان ما يشغلك عني وبعدين الضمنك شنو البعرسها ارتاح معاها وانا اصلا هسه كده مرتاح قلت ليهو مش ح تجيب ليك البيبي اكيد بترتاح معاها قال لي والراحه الشايفاها انتي دي انا ما عايزها دخلت غرفتي وهو طلع خارج البيت بعد ما فكرت اتراجع من قراري اتزكر كلام خالتو نوره صاح ذنبو شنو يقعد معاي من غير ولاده وفكرت اني انفصل عنو كده ممكن يعيش حياتو بعدها جا راجع البيت كأنو ما حصل حاجه .....