الحب الابدي

١٧

يوم ونحن بنتونس وبنسترجع في ذكريات الجامعه مع بعض خطرت لي فكره اقنع بيها حسام للعرس تلقائيا وفي اثناء الونسه قلت ليهو سومي قال لي حياتو قلت ليهو عايزه اعزم صحباتي عندي هنا قال لي اعزميهم طوااااالي وبتستشيريني مالك 😒 قلت ليهو قلت احتمال انت ما توافق قال لي حبيبي معقوووول ارفض وبعدين البيت ده حقك انتي تتصرفي فيهو زي ما عايزه 😘 ..  عايزه تعزميهم متين قلت ليهو الجمعه قال لي حبيبي نسيتي الجمعه بنمشي ناس امي وبعدين اعزميهم في اي يوم اكون انا شغال عشان ياخدو راحتهم قلت ليهو بس الجمعه انسب يوم ليهم قال لي طيب خلاااص ما مشكله اكتبي لي الحاجات العايزاها من السوق عشان احضرها ليك من يوم الخميس قلت ليهو حاضر طبعا من يوم سمعت كلام خالتو نوره في الكرامه بقيت اتحجج بأي شي عشان ما امشي ليهم 😒 وحسام خاليني علي راحتي  دخلت قروب الواتس  عزمت البنات ودخلت لـ سمر في الخاص اكدت عليها الأ تجي وضربت لـ هديل عشان تجيني بدري تساعدني ...

يوم الخميس بعد عملت الغدا لقيت ريحة الاكل ماسكه في البيت ولعت فيهو بخور واتحممت لبست لي هدوم بس زي ما اتخيلتوها 🙈 وفضلت منتظره حسام بس منتظراهو بنيه صافيه والله 😅 حسام فتح الباب وانا كنت في  الغرفه قال لي شجن تعالي سريييييع جيتو جاريه لقيتو واقف في باب الشقه وفاتح الباب نص ومثيتو بيدو طبعا بعد شافني غلبو يتكلم قلت ليهو مالك واقف ادخل واقفل الباب ما اتكلم معاااي الباب فتح جات هديل داخله جريت عليها حضنا بعض وسلمت عليها 😘 عيني وقعت في حسام بقى يشاغلني بحواجبو  واشر لي علي هدومي يااا دوووب وعيت اني لابسه شنو فكيتها قلت ليها هدووول دقيقه جريت دخلت الغرفه فتحت الدولاب حسام جا حضني من ورا قال لي حبيبي انا جيت افاجئك بـ هديل بس انتي فاجأتيني 😍 تصدقي ندمت  اني جبتها معاااي رايك شنو ارجعها واجيك قلت ليهو حسام ما تفهمني غلط والله ما الـ في بالك ده 😒 ولزيتو جراني من يدي عليهو قال لي طيب انتي عرفتي الـ في بالي كيف وغمز لي 😉 قلت ليهو حسام فك يدي خليني ابدل هدومي هديل  منتظراني بره 😒
قال لي خلاص رايك شنو نديها منوم قلت ليهو تصدق انو دمك خفيف وفكيت يدي منو غيرت هدومي طلعت لقيتها في المطبخ قلت ليها هدوووول والله مشتاقييين قالت لي بالاكتر والله بس شكلي جيت في الوقت الغلط 😉 قلت  ليها يخسي عليك البيت بيتك قالت لي اكيييد لو ما بيتي ما كان هسه لقيتيني في المطبخ بس برضو جيت غلط شلاقتي الجابتني 😅 بس تستاهلي عشان  تاني تقولي لي تعالي بدري عشان كده اتصلت علي حسام يجي غاشيني من الشغل وقعدت تضحك قلت ليها يا بت ما تاخدي في بالك والله جيتي في وقتك يااااخ انا لاقياك وين 😍 حسام جا طالع من الغرفه قال لي ح تقعدو ترقو كده  كتير وانا جعان هديل قالت ليهو عادتك ما بتخليها دايما بتجي جعان قلت ليها شوفتي يا هدووول انا تعبانه كيف 24 ساعه واقفه في المطبخ عشان اخوك يشبع وبعد ده كلو شايفني ما بعمل حاجه 😓 قال لينا خلاص اتلموتي علي انا  اعلن استسلامي وبعدين عشان كده يا شجن دايره تعرسي لي عشان تتفكي مني طبعا هديل قعدت تضحك افتكرتو هظار وانا حمرت لـ حسام عشان ما يفتح الموضوع جنبها 😠 رصينا الغدا ونحن بناكل قعدت افكر انو بالجد هديل ما  عارفه امها عايزه تعرس لـ حسام يعني ما فتحتو الموضوع جنبها ولأ عارفه زي حسام وداسه مني واثناء الونسه حسام قال لـ هديل شايفك ما علقتي علي عرسي التاني موافقه يعني ويعاين لي وانا بالجد اتنرفزت هديل قالت ليهو اااي موافقه طواااالي عرس علي الاقل عايزين لينا حفله كااااربه عايزين نهجج مش يا شجن 😌 قلت ليها اي ياااخ والعجب لو جبت لينا محمد بشير هجاج والله 💃🏻 حسام قال لـ هديل انتي فاكراهو هظار لكن والله شجن جااااده قالت ليهو هوووي يا اخوي ما تقول كده شجن دي بتصدق والله وتقوم تخت ليك صبغه في الاكل وانا ما عندي غيرك 😓 قال ليها بحده هديل انا جادي ده ما هظار ولو ما مصدقاني اسألي صحبتك قاعده قدامك 😠 وانا ساااكته بس كل ما حسام يعاين  لي اصر ليهو هديل اتخنقت باللقمه لم دمعت ناولتها مويه وحسام بقي يدلك ليها في ضهرها قلت ليهو كده كويس يعني بعد شربت المويه قالت لي شجن ده شنو الكلام البقول فيهو حسام ده 😒 غيرت الموضوع قلت ليها زكرتيني ايام الجامعه  لم طردونا من المحاضره وكضبنا علي حسام وانتي عشرقتي بالعصير قالت لي شجن ردي علي سؤالي قلت ليها يعني ما عارفه طبع اخوك جنو تشغيله انتهينا لمينا الصينيه انا وهديل دخلنا الغرفه هديل قالت لي شجن احكي لي موضوع العرس ده شنو الماسك فيهو حسام 😒 قلت ليها يعني بالجد ما عارفه قالت لي عارفه شنو قلت ليها عرس حسام طبعا اتخلعت 😳 قالت لي ما فهمتك عرس  حسام كيف يعني قلت ليها والله عايزه أعرس ليهو قالت لي وهو موافق قلت ليها اااي موافق قالت لي انتي هبله وانتي وحده متخلفه وهسه ح اطلع لـ حسام ودموعها نزلت لم لقيتها انفعلت اتأكدته انها ما عارفه حاجه قلت ليها يا بت بهظر معاك مافي حاجه صاح من ا

لكلام ده قالت لي انتي لو بتهظري طيب حسام كان جادي 😠 قلت ليها يعني انتي ما عارفه اخوك وتشغيلاتو قالت لي انتي وهو  تاني ما تهظرو معاي كده وبعدين انا عويره الصدقتكم بعد ما شوفتك قبيل وريحة البيت خير دليل وقعدت تضحك قلت ليها حاااضر طلعنا الصاله اتونسنا مع حسام 
المسا دخلنا انا وهديل الغرفه بعد اتونسنا قالت لي يلااا اتخارجي عشان عايزه انوم قلت ليها اتخارج وين 😳 انتي نسيتي ده بيتي ولأ خلاص اتفقتو علي انتي  واخوك وعايزين تطردوني قالت لي يا هبله انا قصدي تخارجيني تمشي غرفتك قلت ليها والقال ليك منو ماشه عايزه انوم هنا قالت لي تمشي ولا علي كيفك انتي عايزه حسام يكرهني ويقول انا مسكتك منو صح 😠 يلااا قومي اطلعي  عشان انوم ونصحي بدري قلت ليها انا نايمه هنا لو ما عاجبك ممكن تنومي في الكنبة في الصاله قالت لي حوووووماره بتطرديني قلت ليها ولو كترتي بطردك من البيت 😌 قالت لي بتعمليها انتي خلاااص قومي جيبي لي مويه اشرب وتعالي قلت ليها قومي اشربي براااك قالت لي بتعاملو الضيوف كده انتو 😏 قلت ليها مش لم تكوني ضيفه في الاول قالت لي عليك الله قومي جيبي لي مويه ياااخ ولأ بنوم بعطشي وذنبي في رقبتك قلت ليها قمت بس دي اخر مره اديك حاجه تخدمي نفسك بنفسك ما تعملي لي ضيفه قالت لي الله يسامحك 😔 طلعت اجيب المويه جات وراي قالت لي تصبحي علي خير ونتلاقى بكره الصباح وقفلت الباب من جوه بالفتاح جيت راجعه قلت ليها هديل يا حيوانه افتحي الباب ده 😡 قالت لي خلاص رقدته ما بقدر اقوم قلت ليها والمويه قالت  لي اشربيها انتي اصلا ده مقلب عشان تطلعي وانا اقفل الباب قلت ليها بطلي عواره وافتحي الباب ده .. طيب افتحي اقول ليك الكلام ده واقفليهو قالت لي كان غيرك اشطر يا تنومي في الكنبه في الصاله يا في غرفتك اها اديتك خيارين قصرت معاك 😅 وحسام قاعد في الصاله يضحك فيني قلت ليها هديل هظارك بااايخ افتحي الباب 😡 قالت لي والله ما بهظر خلاص خليك واقفه جنب الباب  كده للصباح وما تدقي الباب ده تاني خليني انوم ياااخ عشان الصباح اقدر اشتغل معاك وحسام لسه يضحك قفل التلفزيون وجا مسكني من يدي قال لي خلاص استسلمي هديل عنيده أكتر منك ما ح تفتحو ليك دخلنا الغرفه فكيت يدي منو بزهج 😒 جراني عليهو قال لي هسه زعلانه مني مالك صح هديل اختي بس هي  القفلت الباب ما انا قلت ليهو بس انا ما زعلانه من هديل قال لي اهااا يعني مني طيب انا عملت شنو 😳 قلت ليهو لييه تفتح سيرة العرس جنب هديل قال لي  مش دي الحقيقه قلت ليهو برضو ما كان تتكلم قدامها قال لييه عشان عارفه الفكره من الاساس غلط صاح قلت ليهو لااا ما غلط قال لي خلاص ما تزعلي لم اكلم اي زول قلت ليهو حسام 😠 قال لي مالك مش ده العايزه انتي خلي الناس  تعرف ولأ ناويه تعرسي لي عرفي قلت ليهو حسام انت وافق اول وبعدين كلم اي زول ان شاء تحوم السودان بمكبر صوت ما بهمني قال لي كوني اوافق ده حلمك الـ عمرو ما ح يتحقق 😊 بقلبي قلت ليهو طيييب انا بوريك ح يتحقق كيف  طبعا كنت جاااده في موضوع عرسو ما عارفه جاتني القوه واليقين ديل من وين الله الهمني بعد سمعت كلام خالتو نوره في الاول صح زعلت منها بس بعد فكرت لقيت معاها حق حسام رقد قال لي ح تفضلي واقفه كده كتير جيت رقدت مد لي يدو زحيتها قال لي اهااا زعلانه يعني ولأ عشان لقيتي هديل وصحباتك بكره جايين عايزه تتخلصي مني من هسه بس اطمني بكره من الصباح ح اخلي ليكم البيت كلو وطالع 😒 بقلبي قلت ليهو طالع وين وانا عامله العزومه دي عشانك اتلفت عليهو قلت ليهو ماشي وين قال لي يهمك في شنو مش زعلانه مني 😏 قلت ليهو لااا بالجد ماشي وين مد لي يدو قال لي اول ختي راسك هنا عشان اوريك ماشي وين ختيت راسي حضني عليهو قال لي يوم الجمعه غير ناس امي بمشي وين قلت ليهو بس بكره جايين صحباتي قال لي يشرفو البيت بيتهم قلت ليهو يعني انت ما ح تقعد قال لي لااا قلت ليهو دي اول مره يجوني في بيتي عايزهم يقولو لي راجلك ما عايزنا نجي عشان كده طلع خلا لينا البيت قال لي حبيبي بنتظرهم اسلم عليهم وامشي بس ما لذيذه اقعد قلت ليهو لااا لذيذه ويمكن احتاج حاجه من بره قال لي حاجاتك كلها حضرتها ليك بقلبي قلت ده اقنعو كيف ما يطلع 😔 فكرت ادخل ليهو من باب الوتر الحساس قلت ليهو  بصوت حنين سومي عليك الله اقعد انا عايزه افتخر بيك وسط صحباتي يقولو راجل شجن ظريف الله يرضي عليك الله يرضي عليك وافق قال لي طيب ح اوافق بشرط قلت ليهو موافقه قال لي قبل ما تعرفيهو شنو قلت ليهو شنو قال لي توريني قرار عرسي ده جبتي من وين قلت ليهو والله كلمتك ما من زول قال لي طيب احلفي انو امي ما عندها دخل في الموضوع قلت ليهو والله امك ما حصل فاتحتني في الموضوع ده طبعا حلفت صادقه لانو هي ما اتكلمت معاي بس انا سمعتها وبعدين انت لييه كل مره بتزكر لي امك قالت ليك عرس ولأ شنو قال لي لااا بس عشان شايفك بقيتي تتهربي لم اقول ليك ارح ناس امي قلت ليهو مافي حاجه وانت بس قول لي ما عايز اقعد مع صحباتك 😏 وانا زاتي 

غلطانه عشان عزمتهم في بيتك واتلفت منو بالجهه التانيه لفتني بيدو قال لي القال ليك منو ما عايز اقعد وبعدين من متين بتقولي لي بيتك 😠 مش كل  حاجه امتلكها انا حقتك حبيبي انا حزاري ثم حزاري تاني اسمعك تقولي كده تمام هزيت ليهو راسي اااي قال لي بعد ده نومي عشان بكره راجيك يوم طويل بقلبي قلت ليهو وانت راجيك يوم جديد  ...