ﺍﻧﺎ ﺑﺤﺐ ﻋﻤﺮ !!!!...
ﺭﺍﺳﻲ ﻟﻒ ﻭ ﺳﺮﻳﻊ ﺍﺗﻜﻠﺖ ﻋﻠﻰ ﺍﻟﻤﻜﺘﺐ ﺍﻟﺠﻨﺒﻲ ... ﻣﻦ ﻟﺤﻈﺔ ﻣﺎ ﺩﺧﻠﺖ ﺍﻟﻤﻜﺘﺐ ﻭ ﺍﻻﻓﻜﺎﺭ ﺩﻱ ﺩﺍﺭﺕ ﻓﻲ ﺭﺍﺳﻲ ﻣﺎ ﺍﺧﺪﺕ ﺍﻛﺘﺮ ﻣﻦ ﺛﻮﺍﻧﻲ ... ﻟﻤﺎ ﺍﻧﺎ ﺩﺧﻠﺖ ﻃﻮﺍﻟﻲ ﻋﻤﺮ ﻭﻗﻒ ﻋﻠﻰ ﺣﻴﻠﻪ ﻭﺑﺪﺍ ﻳﻠﻢ ﻓﻲ ﺣﺎﺟﺎﺗﻪ ...
ﻓﻲ ﺍﻟﻠﺤﻈﺔ ﺍﻻﻧﺎ ﺍﺗﺮﻧﺤﺖ ﻓﻴﻬﺎ ﻭ ﺍﺗﻜﻠﺖ ﻋﻠﻰ ﺍﻟﻤﻜﺘﺐ ﻫﻮ ﺭﻓﻊ ﺭﺍﺳﻪ ﻭﺷﺎﻓﻨﻲ .. ﺻﺮ ﻭﺷﻪ ﻭ ﺳﺎﻟﻨﻲ ( ﻣﺎﻟﻚ ؟؟؟ﻓﻲ ﺷﻨﻮ ؟؟؟ )
ﻗﻠﺖ ﻟﻴﻪ ( ﻣﺎ ﻓﻲ ﺣﺎﺟﺔ .. ﺍﺗﻌﺘﺮﺕ ... ) ﻭﺻﻞ ﻟﺴﺔ ﻳﻌﺎﻳﻦ ﻟﻲ .. ﻭﺍﻧﺎ ﻛﻨﺖ ﺑﻌﺎﻳﻦ ﻟﻮﺷﻪ ﺍﻟﻮﺳﻴﻢ ... ﺍﻟﺤﺒﻴﺐ ... ﺍﻱ .. ﺑﺤﺒﻪ ...
ﺟﺎﻧﻲ ﺻﻮﺕ ﻫﺒﺎﺕ ﻭﻫﻲ ﺑﺘﻘﻮﻝ ( ﺍﻫﺎ ﻳﺎ ﺍﺧﻮﺍﻧﺎ ... ﻭﺩﻋﻨﺎﻛﻢ ﺍﻟﻠﻪ .. ﻧﺸﻮﻓﻜﻢ ﺑﻜﺮﺓ ... )
ﻋﻤﺮ ﺍﺗﻠﻔﺖ ﻣﻨﻲ ﻋﻠﻴﻬﺎ ﻭ ﻗﺎﻝ ﻟﻴﻬﺎ ( ﻣﻊ ﺍﻟﺴﻼﻣﺔ ... )
ﻧﺤﻦ ﺫﺍﺗﻨﺎ ﻃﻠﻌﻨﺎ ﻭ ﻣﺸﻴﻨﺎ ﺍﺧﺪﻧﺎ ﻗﻌﺪﺗﻨﺎ ﺟﻨﺐ ﺍﻟﺒﺤﻴﺮﺓ ... ﺍﻟﻠﻴﻠﺔ ﻃﺒﻌﺎ ﻛﻨﺖ ﻣﺎ ﻗﺎﺩﺭﺓ ﺍﺗﺠﺎﻭﺏ ﻣﻊ ﻋﻤﺮ ﺯﻱ ﺍﻻﻳﺎﻡ ﺍﻟﻔﺎﺗﺖ ... ﻋﻠﻲ ﺍﻟﻤﺴﻜﻨﺔ ﺍﻟﻌﻠﻲ ... ﺍﻛﺘﺸﺎﻓﻲ ﻟﻤﺸﺎﻋﺮﻱ ﺗﺠﺎﻩ ﻋﻤﺮ ﺧﻼﻧﻲ ﻣﺘﺤﻔﻈﺔ ﻣﻌﺎﻩ ﺍﻛﺘﺮ ...
ﻛﻨﺖ ﺧﺎﻳﻔﺔ ﻳﺠﻴﺐ ﺳﻴﺮﺓ ﺍﻟﺤﺐ ﻭﻣﺎ ﺍﺩﺭﺍﻙ ﻣﺎ ﺍﻟﺤﺐ ﺍﻟﻜﺎﻥ ﺑﺘﻜﻠﻢ ﻓﻴﻪ ﺍﻣﺲ ﻟﻜﻦ ﻫﻮ . ﺫﺍﺗﻪ ﻛﻼﻣﻪ ﻣﺎ ﻛﺎﻥ ﻛﺘﻴﺮ ﺍﻟﻠﻴﻠﺔ ... ﻣﻌﻈﻢ ﺍﻟﻮﻗﺖ ﻣﺴﻬﻲ ﻭ ﻳﻌﺎﻳﻦ ﻟﻠﻤﻮﻳﺔ ﻗﺪﺍﻣﻪ ... ﺍﺧﺪﻧﺎ ﻗﻌﺪﺗﻨﺎ ﻭﻗﻤﻨﺎ ﻣﺸﻴﻨﺎ ....
ﺍﻟﻠﻴﻠﺔ ﻣﺎ ﻗﺪﺭﺕ ﺍﻣﺸﻲ ﻧﺎﺱ ﻧﺎﺩﻳﺔ ﻭﺍﻣﺎﻧﻲ ... ﻗﻠﺖ ﺍﺭﻳﺢ ﺭﺟﻠﻲ ﺩﻱ ﺷﻮﻳﺔ ... ﻟﻐﺎﻳﺔ ﺍﻻﺍﻥ ﻣﺎ ﻗﺎﻋﺪﺓ ﺍﻋﺎﻳﻦ ﻟﻴﻬﺎ ﻟﻤﺎ ﺍﺯﺡ ﻣﻨﻬﺎ ﺍﻟﻤﻨﺎﺩﻳﻞ ﻋﺸﺎﻥ ﺍﻏﺴﻠﻬﺎ ﻭﻻ ﺍﺗﻮﺿﺎ ... ﻭﻻ ﻋﺎﺭﻓﺔ ﺷﻜﻠﻬﺎ ﺑﻘﻰ ﻛﻴﻒ ... ﻗﻠﺖ ﺑﻌﺪ ﺗﺒﺮﺍ ﺧﻼﺹ ﺣﺘﻰ ﺍﻋﺎﻳﻦ ﻟﻴﻬﺎ ... ﺑﻜﺮﺓ ﺍﻥ ﺷﺎﺀ ﺍﻟﻠﻪ ﺑﺘﻜﻮﻥ ﺍﺣﺴﻦ ...
ﻟﻜﻦ ﻟﻼﺳﻒ ﻣﺎ ﺑﻘﺖ ﺍﺣﺴﻦ ... ﺗﺎﻧﻲ ﻳﻮﻡ ﺣﺎﺳﺔ ﺑﺎﻻﻟﻢ ﺍﻛﺘﺮ ﻣﻊ ﺍﻗﻞ ﺿﻐﻄﺔ ... ﺩﻱ ﺣﺎﻟﺔ ﺷﻨﻮ ﺩﻱ ﻳﺎ ﺧﻮﺍﻧﻲ؟؟؟ ﺍﻟﺠﺰﻣﺔ ﻏﻠﺒﻨﻲ ﺍﻟﺒﺴﻬﺎ ﻋﺪﻳﻞ ... ﻟﺒﺴﺖ ﺍﻟﺸﺒﺸﺐ ﻭﺍﻧﺎ ﺍﺩﻋﻲ ﻣﺎ ﻓﻲ ﺯﻭﻝ ﻳﻼﺣﻆ ﻟﻲ ... ﺍﻟﻤﺸﻮﺍﺭ ﻟﻠﻤﺪﺭﺳﺔ ﻛﻤﺎﻥ ﻋﺬﺍﺏ ﻋﺪﻳﻞ ... ﻋﻤﺮ ﻳﺘﻜﻠﻢ ﻣﻌﺎﻱ ﻭﻻ ﻓﻬﻤﺘﻪ ﺑﻘﻮﻝ ﻟﻲ ﻓﻲ ﺷﻨﻮ ... ﻟﻤﺎ ﻭﺻﻠﻨﺎ ﺍﻟﻤﺪﺭﺳﺔ ﺩﺓ ﺧﻼﺹ ﺣﻴﻠﻲ ﻣﺎﺕ ... ﻛﻮﻳﺲ ﺍﻧﻪ ﺣﺼﺼﻲ ﻣﺎ ﻣﻦ ﻣﻦ ﺍﻟﺼﺒﺎﺡ ...
ﻗﻌﺪﺕ ﺍﺧﺪﺕ ﻧﻔﺴﻲ ... ﻭ ﻋﻤﺮ ﻭﻋﺒﺪ ﺍﻟﺤﻲ ﺩﺧﻠﻮﺍ ﺍﻟﺤﺼﺺ .. ﻫﺒﺎﺕ ﻟﺴﺔ ﻣﺎ ﺟﺎﺕ .. ﺣﺼﺼﻬﺎ ﻣﺘﺄﺧﺮﺓ ﺑﻌﺪ ﺍﻟﻔﻄﻮﺭ ... ﺍﻧﺎ ﺩﺧﻠﺖ ﺍﻟﺤﺼﺔ ﺍﻟﺘﺎﻧﻴﺔ ... ﻭﻟﻤﺎ ﻃﻠﻌﺖ ﻭﺟﻴﺖ ﺍﻟﻤﻜﺘﺐ ﻟﻘﻴﺖ ﻋﻤﺮ ﻭﻋﺒﺪ ﺍﻟﺤﻲ ﻗﺎﻋﺪﻳﻦ .... ﻭﺭﺿﻮﺍﻥ ﺟﺎﺏ ﺍﻟﻔﻄﻮﺭ ﻭﻣﺸﻰ ..
ﺍﺛﻨﺎﺀ ﻣﺎ ﺑﻨﺠﻬﺰ ﻟﻘﻌﺪﺓ ﺍﻟﻔﻄﻮﺭ ﺟﺎﺕ ﻫﺒﺎﺕ ﺩﺍﺧﻠﺔ ﺷﺎﻳﻠﺔ ﻟﻴﻬﺎ ﺳﺎﺧﻦ ﺑﺎﺭﺩ ... ﺳﻠﻤﺖ ﻋﻠﻴﻨﺎ ﻭﺧﺘﺖ ﺍﻟﺴﺎﺧﻦ ﺑﺎﺭﺩ ﻓﻲ ﺍﻟﺘﺮﺑﻴﺰﺓ ﻭ ﺍﺗﻠﻔﺘﺖ ﻋﻠﻰ ﻋﻤﺮ ﻭﻗﺎﻟﺖ ﻟﻴﻪ ( ﺍﻫﺎ ﺍﻟﻠﻴﻠﺔ ﺟﺒﺖ ﻟﻴﻚ ﺍﻟﻌﺼﻴﺪﺓ ﺑﺎﻟﻤﻼﺡ ﻋﺸﺎﻥ ﻗﻠﺖ ﺑﺘﺮﻳﺪﻫﺎ ... ﻋﺎﻣﻼﻫﺎ ﺑﻴﺪﻱ ... ) ... ﻣﺒﺎﺍﺍﺍﻟﻐﺔ !!!....
ﻟﻜﻦ ﺍﻧﺎ ﺟﺮﺃﺓ ﺯﻱ ﺩﻱ ﺍﺻﻠﻲ ﻣﺎ ﺷﻔﺘﻬﺎ .... ﻃﻴﺐ ﻋﻠﻰ ﺍﻻﻗﻞ ﺧﺘﻲ ﺍﻋﺘﺒﺎﺭ ﻟﻲ ﺍﻧﺎ ﺍﻻﺳﻤﻲ ﺯﻭﺟﺘﻪ ﺩﻱ .... ﺍﻧﺎ ﻋﺎﺭﻓﺔ ﺗﻌﺪﺩ ﺍﻟﺰﻭﺟﺎﺕ ﻳﻤﻜﻦ ﻳﻜﻮﻥ ﺣﺎﺟﺔ ﻋﺎﺩﻳﺔ ﻓﻲ ﺍﻟﻘﺮﻯ ... ﻟﻜﻦ ﻛﻤﺎﻥ ﻣﺎ ﻟﻠﺪﺭﺟﺔ ﺩﻱ ... ﻋﺎﻳﺰﺓ ﺗﺸﻠﺒﻨﻲ ﻋﻴﻨﻲ ﻋﻴﻨﻚ ﻛﺪﺓ ... ؟؟؟ ﻗﻮﺓ ﻋﻴﻦ ﻋﺠﻴﺒﺔ ﺩﻱ ﻟﻜﻦ !!!!!...
ﺍﺻﻠﻲ ﺯﻫﺠﺎﻧﺔ ... ﻭ ﺍﻟﺠﺮﺡ ﻓﻲ ﺭﺟﻠﻲ ﺑﺪﺃ ﻳﻨﺘﺢ .... ﻭﺩﻱ ﻛﻤﺎﻥ ﺟﺎﺕ ﺯﻫﺠﺘﻨﻲ ﺯﻳﺎﺩﺓ ...
ﻗﻌﺪﻧﺎ ﻟﻠﻔﻄﻮﺭ ﺍﻧﺎ ﻧﻔﺴﻲ ﻃﺎﻟﻌﺔ ﻣﻦ ﺍﻻﻛﻞ ... ﻋﺎﻣﻠﺔ ﻧﻔﺴﻲ ﺑﺎﻛﻞ ﺑﺎﻟﻘﻮﺓ ... ﻫﺒﺎﺕ ﻣﺴﺘﻠﻤﺔ ﺍﻟﺠﻮ ... ﻭﺍﻟﻮﻧﺴﺔ ﻣﻌﻈﻤﻬﺎ ﻣﻊ ﻋﻤﺮ ... ﺍﻧﺎ ﻣﺎ ﺻﺪﻗﺖ ﻣﻮﺿﻮﻉ ﺍﻟﻔﻄﻮﺭ ﺧﻠﺺ ﻭ ﻗﻤﻨﺎ .... ﻭ ﻃﺒﻌﺎ ﻋﻤﺮ ﻣﺎ ﻗﺼﺮ ﺷﻜﺮ ﻟﻬﺒﺎﺕ ﺍﻛﻠﻬﺎ ﺗﻤﺎﻡ ... ﻭﻫﻲ ﺍﻻﺑﺘﺴﺎﻣﺔ ﺩﻱ ﻟﻮﻳﻦ ﻭﻭﻳﻦ ... ﺍﺻﻠﻮ ﻟﻮ ﻣﺎ ﻟﻘﺖ ﻣﻨﻪ ﺗﺸﺠﻴﻊ ﻣﺎ ﻛﺎﻧﺖ ﻭﺻﻠﺖ ﻟﻠﺪﺭﺟﺎﺕ ﺩﻱ ....
ﺷﻌﺮﺕ ﺑﻜﺄﺑﺔ ﻭ ﺗﻌﺎﺳﺔ ... ﻣﺎ ﻛﺎﻧﺖ ﻋﻨﺪﻱ ﺣﺼﺔ ﺗﺎﻧﻴﺔ ... ﻃﺒﻌﺎ ﻣﻔﺮﻭﺽ ﺍﻧﺘﻈﺮ ﻋﻤﺮ ﺯﻱ ﺍﻟﻌﺎﺩﺓ ... ﻟﻜﻦ ﻗﻠﺖ ﻟﻴﻪ ﺍﻧﺎ ﺡ ﺍﺭﺟﻊ ﺍﻟﺒﻴﺖ ...
ﻃﻮﺍﻟﻲ ﻫﻮ ﺍﻻﺑﺘﺴﺎﻣﺔ ﺍﺧﺘﻔﺖ ﻣﻦ ﻭﺷﻪ ﻭﻗﺎﻝ ﻟﻲ ( ﻣﺎ ﺡ ﺗﻨﺘﻈﺮﻳﻨﻲ ﻧﻤﺸﻲ ﺳﻮﺍ ﻳﻌﻨﻲ ؟؟ )
ﻣﺎ ﻋﺮﻓﺖ ﺍﻗﻮﻝ ﻟﻴﻪ ﺷﻨﻮ ... ﺳﺮﻳﻊ ﻗﻠﺖ ( ﻭﻋﺪﺕ ﻧﺎﺩﻳﺔ ﺍﻣﺮ ﻋﻠﻴﻬﻢ ﻓﻲ ﺣﺎﺟﺎﺕ ﻋﺎﻳﺰﺓ ﺍﻋﻤﻠﻬﻢ ﻣﻌﺎﻫﺎ )
ﻗﺎﻝ ﻟﻲ ( ﺧﻼﺹ ﻳﻠﻼ ﺍﻗﺪﻣﻚ ... )
ﺳﺮﻳﻊ ﻗﻠﺖ ﻟﻴﻪ ( ﻻ ﻻ ﻣﺎﻓﻲ ﺩﺍﻋﻲ .. ﺑﻤﺸﻲ ﺑﺮﺍﻱ ... ﺍﻧﺖ ﻋﻨﺪﻙ ﺣﺼﺔ ... )
ﻫﺒﺎﺕ ﻗﺎﻟﺖ ﻟﻴﻪ ( ﺑﻠﺪﻧﺎ ﺩﻱ ﻣﺎ ﺑﺘﺮﻭﺡ .. ﻭﺍﻣﻨﺔ ... ﻣﺎ ﺗﺨﺎﻑ ﻋﻠﻴﻬﺎ ﻳﺎ ﺑﺎﺷﻤﻬﻨﺪﺱ ... ) ﻣﺎ ﻋﺎﻳﺰﺍﻩ ﻳﻮﺻﻠﻨﻲ !!!...
ﺍﻧﺎ ﺑﺲ ﻋﺎﻳﻨﺖ ﻟﻴﻬﺎ ﻣﻦ ﻏﻴﺮ ﺗﻌﻠﻴﻖ ﻭ ﺷﻠﺖ ﺷﻨﻄﺘﻲ ﻭ ﻃﻠﻌﺖ ﻋﻠﻰ ﺍﻟﺤﻮﺵ ... ﻋﻤﺮ ﻃﻠﻊ ﻣﻌﺎﻱ ﻟﻐﺎﻳﺔ ﺑﺎﺏ ﺍﻟﻤﺪﺭﺳﺔ ... ﻭﻭﻗﻒ ﻫﻨﺎﻙ .... ﺍﻧﺎ ﻣﺸﻴﺖ ﺷﻮﻳﺔ ﻛﺪﺓ ﻭﺍﺗﻠﻔﺖ ... ﻟﻘﻴﺘﻪ ﻟﺴﺔ ﻭﺍﻗﻒ ﻳﻌﺎﻳﻦ ﻟﻲ ... ﺍﺧﺘﺮﺕ ﺍﻭﻝ ﻟﻔﺔ ﺑﻌﺪ ﺍﻟﻤﺪﺭﺳﺔ ﻃﻮﺍﻟﻲ ﻟﻔﻴﺖ ﺑﻴﻬﺎ ﻋﺸﺎﻥ ﺍﺧﺘﻘﻲ ﻣﻦ ﺍﻧﻈﺎﺭﻩ ... ﻭﻗﻔﺖ ﺍﺧﺪﺕ ﻧﻔﺲ ﺷﻮﻳﺔ ...
ﻃﺒﻌﺎ ﺍﺛﻨﺎﺀ ﻣﺎ ﻛﻨﺖ ﻋﺎﺭﻓﺔ ﺍﻧﻪ ﺷﺎﻳﻔﻨﻲ ﺍﺿﻄﺮﻳﺖ ﺍﻣﺸﻲ ﻋﻠﻰ ﺭﺟﻠﻲ ﺍﻟﻤﺠﺮﻭﺣﺔ ﻋﺎﺩﻱ ... ﺣﺴﻴﺖ ﺍﻻﻟﻢ ﺩﺓ ﻭﺻﻞ ﻟﺴﺎﻗﻲ ﻓﻮﻕ ... ﻭﻗﻔﺖ ﺷﻮﻳﺔ ﻟﻤﺎ ﺍﻻﻟﻢ ﺧﻒ ﺷﻮﻳﺔ ﻭ ﺑﺪﻳﺖ ﺍﻣﺸﻲ ﺑﺮﺍﺣﺔ ﻭﺍﻧﺎ ﺑﻌﺘﺐ ...
ﺩﻱ ﺣﻜﺎﻳﺔ ﺷﻨﻮ ﺩﻱ ؟؟؟ ... ﺩﺓ ﺍﻟﻴﻮﻡ ﺍﻟﺘﺎﻟﺖ ﻟﻠﺠﺮﺣﺔ ... ﺍﻻﻟﻢ ﻣﻔﺮﻭﺽ ﻳﻜﻮﻥ ﻣﺎﺷﻲ ﻧﺎﻗﺺ ... ﻣﺎ ﺯﺍﻳﺪ ....
ﻃﺒﻌﺎ ﻣﺎ ﻗﺪﺭﺕ ﻏﺸﻴﺖ ﻧﺎﺱ ﻧﺎﺩﻳﺔ ﻭﻻ ﺣﺎﺟﺔ ... ﻣﺘﻴﻦ ﺍﺻﻞ ﺍﻟﺒﻴﺖ ﻭ ﻋﻠﻰ ﺍﻟﺴﺮﻳﺮ ﻃﻮﺍﻟﻲ .... ﻧﻤﺖ ... ﺻﺤﺘﻨﻲ ﺧﺎﻟﺘﻮ ﻋﻠﻮﻳﺔ ﻟﻠﻐﺪﺍﺀ ... ﻗﻤﺖ ﺣﺎﺳﺔ ﺑﺎﺭﻫﺎﻕ ﻭﻣﺴﺨﻨﺔ ﻭ ﻧﻔﺴﻲ ﻣﻘﻔﻮﻟﺔ ... ﺍﻋﺘﺬﺭﺕ ﻟﺨﺎﻟﺘﻮ ﻋﻠﻮﻳﺔ ﺍﻧﻲ ﻣﻠﻴﺎﻧﺔ ... ﻋﻤﻠﺖ ﺍﻟﻌﺬﺭ ﺍﻧﻪ ﻫﺒﺎﺕ ﺟﺎﺑﺖ ﺍﻛﻞ ﺯﻳﺎﺩﺓ ﻋﻠﻰ ﺍﻻﻛﻞ ﺍﻟﺠﺎﺑﻮﻩ ﻟﻴﻨﺎ ﻫﻢ ...
ﺍﻟﻤﻬﻢ ﻣﺸﻴﺖ ﺍﺳﺘﺤﻤﻴﺖ ﻗﻠﺖ ﺍﺧﻔﻒ ﺍﻟﺴﺨﺎﻧﺔ .... ﺍﻟﻌﺼﺮ ﻓﺮﺷﻮﺍ ﺍﻟﺤﻮﺵ ﻛﺎﻟﻌﺎﺩﺓ ... ﺟﻴﺖ ﺭﻗﺪﺕ ﻃﻮﺍﻟﻲ ... ﻗﻠﺖ ﺍﻟﻄﺮﺍﻭﺓ ﺗﺒﺮﺩﻧﻲ ﺷﻮﻳﺔ ... ﺣﺎﺳﺔ ﺍﻟﺠﺮﺡ ﻓﻲ ﺭﺟﻠﻲ ﻳﻨﺘﺢ ... ﻟﻜﻦ ﻣﺎ ﻗﺎﺩﺭﺓ ﺍﻋﺎﻳﻦ ﻟﻴﻪ ﻟﺴﺔ ....
ﺧﺎﻟﺘﻮ ﻋﻠﻮﻳﺔ ﺟﺎﺕ ﻗﺎﻟﺖ ﻟﻲ ( ﺍﻫﺎ ... ﻗﺒﻴﻞ ﻣﺎ ﺍﺗﻐﺪﻳﺘﻲ ... ﻗﻮﻣﻲ ﺍﻛﻠﻲ ﻟﻴﻚ ﺷﻮﻳﺔ ﺣﺴﺔ ... )
ﺍﻧﺎ ﺳﻴﺮﺓ ﺍﻻﻛﻞ ﺑﺲ ﻗﻠﺒﺖ ﻟﻲ ﺑﻄﻨﻲ ... ﻗﻠﺖ ﻟﻴﻬﺎ ( ﻭﺍﻟﻠﻪ ﻟﺴﺔ ﻣﺎ ﺣﺎﺳﺔ ﺑﺠﻮﻉ ... ﻟﻤﺎ ﺍﺟﻮﻉ ﺑﻘﻮﻡ ﺍﻛﻞ ... )
ﻭﻗﻔﺖ ﻛﺪﺓ ﻟﺤﻈﺎﺕ ﺗﻌﺎﻳﻦ ﻟﻲ ... ﻗﺎﻟﺖ ﻟﻲ ( ﻣﺎﻟﻚ ﺍﻧﺘﻲ ... ﺣﺎﺳﺔ ؟؟؟ )
ﻭ ﻣﺪﺕ ﻳﺪﻫﺎ ﻭﻟﻤﺴﺖ ﺟﺒﻬﺘﻲ ﻭ ﺷﻬﻘﺖ ﻭﻗﺎﻟﺖ ( ﻣﻴﺮﻭﺩﺓ ﺍﻧﺖ ... ﺟﺴﻤﻚ ﺣﺎﺭ ... )
ﻭﻧﺎﺩﺕ ﺧﺪﻳﺠﺔ ﻗﺎﻟﺖ ﻟﻴﻬﺎ ( ﺟﻴﺒﻲ ﻟﻴﻬﺎ ﺗﻮﺏ ﻏﺘﻴﻬﺎ .... )
ﻭﻫﻲ ﻟﺒﺴﺖ ﺗﻮﺑﻬﺎ ﻭﺷﺎﻳﻔﺎﻫﺎ ﻣﺎﺷﺔ ﻋﻠﻰ ﺍﻟﺪﻳﻮﺍﻥ ... ﺧﺪﻳﺠﺔ ﻏﻄﺘﻨﻲ ﺑﺎﻟﺘﻮﺏ ﻭ ﺑﻌﺪ ﺷﻮﻳﺔ ﺧﺎﻟﺘﻮ ﻋﻠﻮﻳﺔ ﺟﺎﺕ ﺭﺍﺟﻌﺔ ﺑﻮﺭﺍﻫﺎ ﻋﻤﺮ ﻭﺷﻴﺦ ﺍﻟﻄﺎﻫﺮ ﻭ ﺳﺎﻣﻌﺔ ﺗﻘﻮﻝ ﻟﻴﻬﻢ ( ﺑﺲ ﺍﻟﺘﻘﻮﻝ ﺍﻟﻨﺎﺭ ﻣﻮﻟﻌﺔ ﻓﻮﻗﻬﺎ ... ) ....
ﻋﻤﺮ ﺟﺎﺀ ﻃﻮﺍﻟﻲ ﺩﻧﻘﺮ ﻓﻴﻨﻲ ... ﺻﺎﺭﻱ ﻭﺷﻪ ... ﻭﻗﺎﻝ ﻟﻲ ( ﻣﺎﻟﻚ؟؟ ﺷﺎﻋﺮﺓ ﺑﺸﻨﻮ ؟؟؟ )
ﻗﻠﺖ ﻟﻴﻪ ( ﺳﺨﺎﻧﺔ ﻭﻓﺘﻮﺭ ﻭ ﺷﻮﻳﺔ ﺻﺪﺍﻉ ... )
ﻣﺪ ﻳﺪﻩ ﻟﻤﺲ ﺟﺒﻬﺘﻲ ﺳﺮﻳﻊ ... ﻭﻭﻗﻒ ﻭﺍﺗﻠﻔﺖ ﻋﻠﻰ ﺷﻴﺦ ﺍﻟﻄﺎﻫﺮ ...
ﺷﻴﺦ ﺍﻟﻄﺎﻫﺮ ﻗﺎﻝ ﻟﻴﻪ ( ﻳﻤﻜﻦ ﺗﻜﻮﻥ ﻣﻼﺭﻳﺎ .. ﺍﻧﺎ ﺑﻨﺎﺩﻱ ﺳﻠﻤﺎﻥ ﺍﻟﻤﺴﺎﻋﺪ ﺍﻟﻄﺒﻲ ... ﺑﺠﻲ ﻳﺎﺧﺪ ﻟﻴﻬﺎ ﺍﻟﻌﻴﻨﺔ ﻫﻨﺎ ﻭ ﻳﻔﺤﺺ ﻳﺸﻮﻑ ... )
ﺷﻴﺦ ﺍﻟﻄﺎﻫﺮ ﺍﺗﺤﺮﻙ ﻋﻠﻰ ﺍﻟﺪﻳﻮﺍﻥ ... ﻭﻋﻤﺮ ﺍﺗﺮﺩﺩ ﺷﻮﻳﺔ ﺑﻌﺪﻳﻦ ﻗﻌﺪ ﻓﻲ ﺍﻟﺴﺮﻳﺮ ﺍﻟﻤﻘﺎﺑﻠﻨﻲ ... ﻗﺎﻝ ﻟﻲ ( ﻣﻦ ﻣﺘﻴﻦ ﺍﻟﺤﻤﻰ ﺩﻱ .. ؟؟ )
ﻗﻠﺖ ﻟﻴﻪ ( ﻣﻦ ﺍﻟﺼﺒﺎﺡ ﺍﻟﻠﻴﻠﺔ ... )
ﻗﺎﻝ ﻟﻲ ( ﻟﻴﻪ ﻃﻴﺐ ﻣﺎ ﻗﻠﺘﻲ ﻣﻦ ﻗﺒﻴﻞ؟؟؟ .. ﻭﻣﺸﻴﺘﻲ ﺍﻟﻤﺪﺭﺳﺔ ﻛﻤﺎﻥ ... ) ﻛﺎﻥ ﺑﺎﻳﻦ ﻋﻠﻴﻪ ﻛﺪﺓ ﻣﺘﻮﺗﺮ ...
ﻗﻠﺖ ﻟﻴﻪ ( ﻛﺎﻧﺖ ﺧﻔﻴﻔﺔ ... ﻗﻠﺖ ﺣﺎﺟﺔ ﻋﺎﺑﺮﺓ ﻭ ﺑﺘﺮﻭﺡ ... )
ﺧﺎﻟﺘﻮ ﻋﻠﻮﻳﺔ ﻗﺎﻟﺖ ﻟﻴﻪ ( ﻳﺎﻫﻮ ﻋﺸﺎﻥ ﺍﻟﻤﻮﻳﺎﺕ ﺩﻱ ﺍﻟﻤﻼﺭﻳﺎ ﺑﺘﻜﻮﻥ ﻛﺘﻴﺮﺓ ﺍﻻﻳﺎﻡ ﺩﻱ ... ﻋﻼ ﻭﺍﻟﻠﻪ ﺑﺘﻨﻮﻡ ﺗﺤﺖ ﺍﻟﻨﺎﻣﻮﺳﻴﺔ ﻣﺎ ﺧﻠﺘﻬﺎ ﻛﻠﻮ ﻛﻠﻮ ... ) ﻗﻌﺪﻭﺍ ﻫﻢ ﺍﻻﺗﻨﻴﻦ ﻳﺘﻜﻠﻤﻮﺍ ... ﻭﺍﻧﺎ ﻏﻤﻀﺖ .. ﻛﻼﻣﻬﻢ ﺟﺎﻳﻴﻨﻲ ﺑﻌﻴﺪ ...
ﺑﻌﺪ ﺷﻮﻳﺔ ﺷﻴﺦ ﺍﻟﻄﺎﻫﺮ ﺟﺎﺀ ﻭﻣﻌﺎﻩ ﺭﺍﺟﻞ ﺗﺎﻧﻲ ... ﺷﻌﺮﻩ ﺷﺎﻳﺐ ... ﻗﺎﻝ ﺩﺓ ﺳﻠﻤﺎﻥ ﺍﻟﻤﺴﺎﻋﺪ ﺍﻟﻄﺒﻲ ... ﺳﻠﻢ ﻋﻠﻲ ﻭ ﻗﻌﺪ ﻳﺴﺄﻝ ﻓﻴﻨﻲ ﺷﺎﻋﺮﺓ ﺑﺸﻨﻮ ﻭﻛﺪﺓ ... ﻭﻗﺎﻝ ﻟﻴﻬﻢ ( ﺍﻟﻴﻮﻣﻴﻦ ﺩﻱ ﺍﻟﻤﻼﺭﻳﺎ ﺣﺎﻳﻤﺔ ﻛﻞ ﻳﻮﻡ ﻓﻲ ﺍﻟﻤﺮﻛﺰ ﻋﻨﺪﻱ ﺣﺎﻟﺘﻴﻦ ﺗﻼﺗﺔ ... )
ﺑﻌﺪ ﺩﺍﻙ ﺍﺧﺪ ﻣﻨﻲ ﻋﻴﻨﺔ ﺩﻡ ﻭ ﻣﺸﻰ .. ﻣﻌﺎﻩ ﻋﻤﺮ ﻭﺷﻴﺦ ﺍﻟﻄﺎﻫﺮ ... ﺧﺎﻟﺘﻮ ﻋﻠﻮﻳﺔ ﻋﻤﻠﺖ ﻟﻲ ﻧﺸﺎ ﻭﺍﺻﺮﺕ ﺍﺷﺮﺑﻬﺎ ﻗﺎﻟﺖ ﻟﻲ ( ﺍﻟﺠﻮﻉ ﻣﺎ ﻛﻮﻳﺲ ﻣﻊ ﺍﻟﻤﺮﺽ ... )
ﻏﺎﻳﺘﻮ ﻳﺎ ﺍﻟﻠﻪ ﺷﺮﺑﺘﻬﺎ ﻭﺭﻗﺪﺕ ﺗﺎﻧﻲ ... ﺍﻟﻤﻐﺮﺏ ﺍﺫﻥ ﺻﻠﻴﺘﻪ ﻭﺍﻧﺎ ﻗﺎﻋﺪﺓ ﻗﺒﻠﻲ ﻓﻲ ﺍﻟﺴﺮﻳﺮ ﻣﺎ ﻗﺎﺩﺭﺓ ﺍﻗﻴﻒ ... ﺑﻌﺪ ﺍﻟﻤﻐﺮﺏ ﺳﻠﻤﺎﻥ ﺍﻟﻤﺴﺎﻋﺪ ﺍﻟﻄﺒﻲ ﺟﺎﺀ ﺭﺍﺟﻊ ﻭﻣﻌﺎﻩ ﻋﻤﺮ ﻭﺷﻴﺦ ﺍﻟﻄﺎﻫﺮ ...
ﻗﺎﻝ ﻟﻴﻨﺎ ( ﺍﻟﻔﺤﺺ ﻣﺎ ﻇﻬﺮﺕ ﻓﻴﻪ ﻣﻼﺭﻳﺎ .. ﻟﻜﻦ ﻣﺮﺍﺕ ﻣﺎ ﺑﺘﻈﻬﺮ .... ﺍﺣﺴﻦ ﺗﺒﺪﺃ ﺗﺎﺧﺪ ﻋﻼﺝ ﺍﻟﻤﻼﺭﻳﺎ ﻃﻮﺍﻟﻲ ... ) ﺟﺎﺏ ﻟﻲ ﺣﺒﻮﺏ ﺍﻟﻤﻼﺭﻳﺎ ﺍﺩﻭﻧﻲ ﺑﻠﻌﺘﻬﻢ ... ﻗﺎﻝ ﻟﻴﻬﻢ ﺑﻜﺮﺓ ﺍﻥ ﺷﺎﺀﺍﻟﻠﻪ ﺡ ﺗﺼﺒﺢ ﻛﻮﻳﺴﺔ ...
ﻧﻤﺖ ﺍﻟﻠﻴﻠﺔ ﺩﻳﻚ ﻧﻮﻡ ﻣﺎ ﻣﺮﻳﺢ .. ﻛﻞ ﺷﻮﻳﺔ ﺍﺗﺨﻠﻊ ﻭﺍﺻﺤﻰ .. ﺍﻟﺤﻤﻰ ﺍﺻﻠﻬﺎ ﻣﺎ ﻧﺰﻟﺖ ......
ﻗﺒﻞ ﻣﺎ ﺍﻟﺸﻤﺲ ﺗﺸﺮﻕ ﻛﻮﻳﺲ ﻋﻤﺮ ﺟﺎﺀ ﺷﺎﻓﻨﻲ ... ﻏﺎﻳﺘﻮ ﺍﺗﺤﺎﻣﻠﺖ ﻋﻠﻰ ﻧﻔﺴﻲ ﻗﻠﺖ ﺍﻋﻤﻞ ﻧﻔﺴﻲ ﻛﻮﻳﺴﺔ ﻭﺍﻃﻤﻨﻪ ...
ﻛﺎﻧﺖ ﻋﻨﺪﻩ ﺣﺼﺔ ﺍﻟﺼﺒﺎﺡ .. ﻣﺸﻰ ﺍﻟﻤﺪﺭﺳﺔ ﺩﺭﺳﻬﺎ ﻭﺟﺎﺀ ﺭﺍﺟﻊ ﻃﻮﺍﻟﻲ ... ﻳﺸﻮﻓﻨﻲ ... ﻛﻨﺖ ﻟﺴﺔ ﻓﻲ ﺣﺎﻟﺘﻲ ...
ﻫﻮ ﺑﺲ ﻗﺎﻋﺪ ﺳﺎﻛﺖ ﻳﻌﺎﻳﻦ ﻟﻲ ﻭﺻﺎﺭﻱ ﻭﺷﻪ ...
يتبع.....