عشق المومنين(أبناء الساده)

بارت الثامن والعشرون

////صباح الرحمه والطيبه////
//////نازك الحمراني////
///////عشق المؤمنين///

سيد مهدي

اجمل هروب هو الهروب الى الله تعالى حيث الطمأنينة
والهروب الى عالمك الخاص الى ما تحب الى ما وهبك تعالى لتحيى لترى الجمال لتشعر انك موجود
الى حبيبتي وقارورتي
كنت ادعى سابقآ أنا
ولأن جمي أنتِ...

لاماضي....
ولاحاضر
ولامستقبل
يعنيني ان الم تكنِ به أنتِ

فأنتِ نصفي...
لا بل كلي.....
أنتِ أنا
وأنا أنتِ

فأنتي
منذ عالم الذر
إختاركِ الله حليلتي

حليلتي عقیله هل آسم الي أخترق....گلبي برجوعها الحياتي
رجع الامل الحياتي
حبيتها بواهس عطشان للماي....ماانكر صارت الماي الي
الي يحي كلشي، هيچ عدیتها،وهیچ حسبتها..

مثل ماي الحياة بقاروه وبس هو عندي...
وكل مااشرب مجعه منه،ينطيني حياة جديده..

من عرفت حامل فرحتي ماوسعتها الدنيا يصير عندي قطعه منها ومني، برغم أختاريتلها احلى عقد ذهب هدايه...بس هل شي مكفاني....

مريت على زرت الامام الحسين عليه السلام واخيه ابا الفضل طلعت من طقوس الزياره رحت الحلويات المصطفى اخذت منهم حلويات ولان عدنه دوره تفقيه بجامع قريي اخذت ويه الحلويات حلال مشاكل

قبل اذان المغرب مريت خليت المصلين والشيخ يقرون ورد مظهر العجائب وزعتلهم اكياس الحلال بنية حفظ وسلامة الحمل..

يجوز هذا صار احلى يوم لان حفظت بيه جزء جديد من القرأن وشقى الشباب من عرفو راح اصير اب
وهمين فرحان بحمل عقيله
كل يوم من ايام حملها

....استغفر كل اسبوع اذا مو كل يوم أقراء سورة الحاقه... الي الشيخ كالي تحفظ الجنين بأحشاء الأم..
كل يوم هل قاروره تحلى بعيني..وكل يوم حبها يزيد

حبيت قربي منها وهي بين ايدي، اشوف بيها الطهاره الانثويه....الأستمتاع القدسي فوق المألوف احبها...

وبأستمتاع الحلال اتمكن منها....
كل يوم اشكر الله على هل نعمه الي عندي
ملكه بمملكة حياتي،حسن التبعل الي هي طبقته ويايه
خلاها تكبر بعيني أكثر....

چان كاعد مؤتمر الاطباء كد ماشتاقيت الها،طلعت النقال نزلته الحضني والاجتماع مستمر دزيت الها مسج كتبت بيه مشتاق الچ و احبچ ابتسمت لان قرت الرساله

ردت هي انه همينه مشتاقه الك كلششششش بقينه نتراسل الا ان بدى المؤتمر الثاني وانه مشتاقلها رجعت ملهوف عليها

دخلت للغرفه المملكتي وگلي لهفه، شفت على مجر موبايل جدي...لزمته اگلب بیه متعجب شجابه هنا بس عفته لأن مشتاق القاروتي مااهتميت، هتميت الحضنها خاصه وعقيله بين ايدي.....

بدى يرن موبايل جدي حاولت انسا صوت الاتصال بس تكرر كمت ودي ابقى برغم الرقم مار عليه استغفلته

فتحت خط..صوت ابنيه تتوسل گل ظني من العوائل الي متكفلهم جدي...وهي دگلي

-حبي وينك....اسنين وماناسيتك سنین وبقیت علی زواجي منك زواج المتعه هاي انت مرمش عليه انت تحبني مو
تفاجات گلت الها
-

-سناء اشلون تتصلين وليش،هاااااآا بقیت اجادل ویاها
التفت اشوف عقيله وراي، چانت نیتي أخبرها بس ماصارلي وگت غمضت عيوني بخجل منها.لأن ماخبرتها انا مزوج متعه قبل هل موقف مادري ليش مگلت الها

اقتربت احضنها حتى ابرر ودافع عن نفسي انطي سبب الزواجي دفعتني وداخلي شي اتكسر دفعتني واني أشوف حالتها... دفعتني واني اتناوع الهستيريتها...

مثل هستيريتها بيوم زواجنا مرتين تنغش بيه...
مره اتعس "من مره
مره بتشوهي
ومره بزواج المتعه

ابتعدت بخطوات يائسه أتقدمتلها متوسل"مبرر،الكى حل
ماقبلت تفهمني خفت عليها واريد ابررلها
صوتها على...
صاار عالي تصيح

-غشششششششااااااااااااااااااااااااااااش
تلمست ايدها اذكرها بأيمانها
-صوتچ حبیبه تعوذي من الشيطان عقيله

-ياااااااا ايمااااان ابوووو المتعه ياااايمان حتى المتدين حيوان يدور بين افخاذه
مااستجابت..حسيت هانتني من كالت حيوانات
نترت بيها

-وووچ منووووووووووووو حیووان واني لو حيوان چان جبرتچ تنامین ويايه باول يوم زواجنه و من زمان...
جریت سبحتي أستغفر....اردد ورد ياكاظم الغيض

هدئت بس كلمة غشاش"حيوان بالي رفعت ايدي بأخر لحظه ردت انزلها بس كرررت كلمة حيوانات كلكم
كزيت على اسناني،ضربتها راشدي نصة وجهه ورجعت باوعتلي متفاجأه بتعدت واني أشوف ايدي اشلون أضربها...مو هاي روحي الي بين جنبي ابتعدت ياأس...

اريد افتح الباب...ويه فتحت الباب
دخل جدي...
اتمنيته يضربني مثل ماضربتها أتناوع الأيدي أفتحها واسدها، اشلون أضربها اذا هي غيرتها كامرأه نست

وعلت صوتها عليه اني شنو عذري جدام رب العالمين...
جدام حبيبي محمد...
جدام الامام المنتظر عجل الله فرجه واني اعتبر نفسي من رجاله
وين اني من حديثه وهو يكول
"خير الرجال من أُمتي الذين لا يتطاولون على أهليهم ، ويحنّون عليهم ، ولا يظلمونهم "

ليش ماصرت من اصحاب حديث
"من احتمل من امرأته ولو كلمة واحدة ، أعتق الله رقبته من النار ، وأوجب له الجنّة"

جدي دفعني من الغرفه عيوني عليها اتناوع الها والكعدتها الي كسرة گلبي..كعدت بلمكتب بيدي السبح اريد استغفر

دخلت امي"وزوجة عمي ام عامر"منتهى بنت خالي
كعدن وهن يلومن عقيله..كالت امي

-شنيه دلاله صريخها وصوتها العالي بيت الساده عمرهم
ماااطلع صوتهم تالي عليه هاااي الملحه

افر بسبحه وساكت ماارد افكر كيف اراضيها..وارضي الله اكثر مانرفزني كلام منتهى كالت

-هي العدها واحد مثلك ترفع صوتها عليه شو جنها معيديه المفروض انه منها اصير خدامه جوه اقدامك وشتريد انت هي تسويلك هل متعافيه

كمت الغضب براسي اشر باصبعي أهدد بيهن بيني وبينهن اربع خطوات

--أنتي ااااااااااااااااااااااااخرررررر من يتكلم بشأن عقيله..
محترمچ لان خطار...السانچ جوه حلکچ یبقى خطوه وحده لاتقتربين يم عقيله خطوه وحده اذا تقربتي منها،انهييچ وحق الله انهيييييييييييييييييييييييیچ
انداريت على أمي وام عامر...گتلهن
-يعني تتحسفن أشوفن اثنين فرحانين...بیچن مررررض
خاصه انتي يمه
يمه ترى مالي غرض بلكاعدات ولااااا يهمني ابد لان
مريضات نفسيا...أنتي أمي تعرفين شنيه ام ياامي يعني تفرح الفرح ابنها وتحزن الحزنه

البنيه ماتشكي بس احس بيها..تتأذى لازم تفرحين من اتشوفين سعادتي وياها،ليش اطبكين وي الغير....والغير
يتمنى موتي
جاي دگوم مرت عمي تحچي خزرتها وعفت المكتبه اجا وراي سيد مچتبی...یصیح

-آوکف سید وین رایح وييبييييين طالع وانت عصبيي
وكفت اجاوبه

-رااااأاایح اجهز نفسي اخر ايام شعبان اريد أعتكف لان
برجب ماكدرت...
وهمين نفس الوقت عقيله ترتاح مني.. واريد اكفر عن ذنبي...لان ضربتها
صفن بيه سيد مجتبى وكال بتعجب

-وانت شجاك تضرب ...
ضجت وانه ارد

-ساااااااأااأااااااااعة شيطان الله يلعنه...اني اخذت شفت جماعتي يومين حتى يداومون مكاني تلث ايام
واكمل اعتكافي، رح احضر ملابسي..

-الله يسهلك
گتله

-وانت ليش ماتجي تعتكف ويايه...وهم اطهر نفسك
رد يضحك

-هو اني شكلي مال مال واحد يعتكف هههه وانا أخوك تعرف بيه صلي"واصوم"مأدي الواجبات كلهن والباقي
والمستحبات عليك
تبسمت اله
-يلعن شيطانك ماتتغير..
رد

-والله ماأظن اله غفران اتصير من نصيبي ويجوز هي تركبني مركبكم وصير مثل الي ركبها نجى ومن تخلف عنهم هلك اله غفران ههههه

-سيد مجتبى اثكل

-هو حثكل بس اريدها خويه وحتى لو مو مو وقتها
بس اريد اعرف غفران ماردت على عقيله الجواب صار هواي.... حتى بس توافق ادز سيد باقر يخطبها...شدگول
جاوبته

-والله يخوي رفضت مو كتلك ماتقبل...هسه اني بيا حال
-يعني انت يمك عقيله وبيا حال... اني مكرود البخت شكول...رايح افتح الصيدليه واسمعلي أغنيه دينيه...

-شلك بيها وين اكو اغاني دينيه..

-الله كفيلك اكو.... سمعت أغنيه كد ماتبچي وحزينه
عبالي لطميه وانصدمت طلعت آغنیه ويسموها اغنيه دينيه اقصد انه اسميه

-روح خویه...روح تری الغناء يجلب الهم والبلاء وين تروح....يوم يصب في اذنهم الرصاص الحار
-الله يچفینه...‌شر الرصاص
عفته وطاعت رحت عندي شغله خلصتها
رجعت بوجه المغرب....توضيت دخلت للمكتب اصلي

فرشت السجاده واتناوع وراي.. كل يوم نصلي سوه اليوم ماكو مايحقلي أمم بيها لأن اني مو شخص عادل...ضربتها راشدي
كملت صلاتي، طبكت السجاده...

خطواتي للغرفه دخلت مدنج واتناوعلها،لابسه چادر آبیض وتقرأء قرأن بصوتها العذب،ترتل بقدسيه عجيبه، تناوع الايدي والها....
ألمثلها هم ينضرب..
المثلها هم ینتر بیها
ابتعدت فتحت الكنتور...وهي غارقه بعالم العباده
دخلت للحمام..اغتسلت غسول الزياره لبست ثوبي الأبيض والسروال...
طلعت لكيتها محضره علاجي، مااكدرت ماأسلم عليها قبل لا اطلع...وكفت يم الباب مااعرف بيا وجهه اسلم...

الحظه تخايلت رح تحضني، نداريت عليها وهي كاعده عسجاده....بست راسها دنجت بست ايدها....

-يابنت گلبي قارورتي رايح...للزياره الضرب مو عادتي وحق عليل كربلاء، بس انتي مانطيتيني مجال اوضحلچ
رایح للزیاره... وراجع الکا ضحكتچ...الحلوه

خابرت والدتچ....تجي يمچ بس ماترحین منا ومطلعين من البيت رفعت عیونها حمر کد البچي...

-اريد أروح البيت أهلي...كمت منها

-ماكو روحه...وذا طلعتي مذمومه الى يوم الدين
تلث أيام وراجع

-اهلي سيد

-مكانچ یمي مو يم اهلچ

طلعت شفت امي بست راسها وأوصيها عليها
-مریتي بالج عليها يمه امانه
-تدلل يمه
جدي وكف كبالي كام يرتب غترتي على چتافي گالي
-سيد ترى حرمتك مامرتاحه بسبب

العلويات، الكاع الي عندي رح أبنيها الكم...شدكول
رديت عليه.

-مااعرف مولاي...بكيفك بس حرامات الغرفه سويتها على ذوقي وتعرف أشكد تعبت بفصالها...وبلحديقه
شكد زرعنه بيها واخاف بناء البيت يطول لأن أني نقناقي بهل شي..

-لا تهتم يا بويه يبعد جدك اهم شي عندي راحتك...
المشاكل تطرد أقوى حب....أحچیلك عن تجربه وليدي...
كد ماصار بينا مشاكل اني وجدتك لاهي جرعتني ولا أني... وحتى أنكسر واهسي من النسوان...كلت
كلهن مثلها...
برغم نذرت حياتي الكم والعمامك، بس احس لو مااخذ الانسانه الأحبها چان حیاتي غير..عقيله اتحبها وتحبك....
العزال بغير بيت أفضل

-أنشاء الله جدي...على أمرك

-لا كون انت مقتنع لأن اشوف بيك شبابي الضاع
أربعين سنه مبتعد عن جنس النساء...
ليش؟؟؟؟
غير شفت بيكم نفسي. فما مااريد اشوف بيكم تعبي
وبلأخص أنت أبن العزيز....وروحه..

-جدي ادعيلي لأن چنت ناوي اعتكف بلجامع بس ابالي اريد اروح أزور اجدادي...

-روح ابني أجدادك أحباب الله وليزورهم يزور الله حضنته وطلعت طول الطريق ريد الغي أفكاري بدنيا

اريد احضر نفسي الأيام الله...اريد اشيل احزان الدنيا
وصلت المرقد أمير المؤمنين أريد ادخل للحضره ومستحي من عملتي كعدت بلصحن...
فتحت جنطتي اريد دعاء يثلج گلبي..
أُنَاجِيكَ يا مِوْجُوداً في كُلِّ مَكانٍ ، لَعَلَكَ تَسْمَعُ نِدَائِي , فَقَدْ عَظُمَ جرمِي وَقَلَّ حَيَائِي , مَوْلاَيَ يا مَوْلاَيَ , اَيُّ الأَهْوَالِ أَتَذَكَّرُ , وَأَيَّهَا أَنْسى , وَلَوْ لَمْ يَكُنْ اِلاَّ الْمَوْتِ لَكَفى كَيْفَ وَمَا بَعْدَ الْمَوْتِ أَعْظَمُ وَأَدْهى , مَوْلايَ يا مَوْلايَ حَتَّى مَتى وَاِلَى مَتْى أَقُولُ لَكَ الْعُتْبى مَرَّةً بَعْدَ اُخْرى , ثُمَّ لا تَجِدُ عِنْدِي صِدْقاً وَلا وَفَاءً , فَيَا غَوْثَاهُ ثُمَّ وَاغَوْثَاهُ , بِكَ يا الله مِنْ هَوىً قَدْ غَلَبَنِي , وَمِنْ عَدُوِ قَدِ إسْتَكْلَبَ عَلَيَّ , وَمِنْ دُنْيا قَدْ تَزَيَّنَتْ لِي , وَمِنْ نَفْسً اَمَّارَةٍ بِالسُّوءِ , إِلاَّ ما رَحِمَ رَبِّي , مَوْلايَ يا مَوْلايَ , إِنْ كُنْتَ رَحِمْتَ مِثْلِي فَارْحَمْنِي , وَِاِنْ كُنْتَ قَبِلْتَ مِثْلِي فَاقْبَلْنَي , يا قَابِلَ السِّحَرَةِ اَقْبِلْنِي , يا مَنْ لَمْ اَزَلْ [ لا اَزَالُ ] أَتَعَرَّفُ مِنْهُ الْحُسْنى , يا مَنْ يُغَذينِي بِالنِّعَمِ صَبَاحَاً وَمَسَاءً , اِرْحَمْنِي يَوْمَ آتِيكَ فَرْداً شَاخِصاً اِلَيْكَ بَصَرِي , مُقَلَّداً عَمَلِي , قَدْ تَبَرَّأَ جَمِيعُ الْخَلْقِ مِنِّي , نَعَمْ وَأَبِي وَأُمِّي , وَمَنْ كَانَ لَهُ كَدِّي وَسَعْيِي , فَاِنْ لَمْ تَرْحَمْنِي فَمَنْ يَرْحَمُنِي , وَمَنْ يُونِسُ فِي القَبْرِ وَحْشَتِي , وَمَنْ يُنْطقُ لِسَانِي اِذَا خَلَوْتُ بِعَمَلِي , وَسَاءَلْتَنِي , [ وَسَأَلْتَنِي ] عَمَّا أَنْتَ أَعْلَمُ بِهِ مَنِّي , فَاِنْ قُلْتَ نَعَمْ , فَاَيْنَ الْمَهْرَبُ مِنْ عَدْلِكَ , وَاِنْ قُلْتُ لَمْ أَفْعَلْ , قُلْتَ أَلَمْ أَكُنِ الشَّاهِدَ عَلَيْكَ , فَعَفْوُكَ يا مَوْلاَيَ , قَبْلَ سرَبيلِ الْقَطِرَانِ عَفْوُكَ يا مَوْلاَيَ قَبْلَ جَهَنَّمَ وَالنِّيرَانِ عَفْوُكَ عَفْوُكَ يا مَولاَيَ قَبْلَ أَنْ تُغلَّ الأَيْدٍَي اِلَى الأَعْنَاقِ , يا أَرْحَمَ الَّراحمينَ , وَخَيْرَ الْغَافِرِينَ"""
أفتركت وراي...أشوف ناس يبجون من كد مامندمج قریت قرائه حزينه...وهم أتفاعلو ويايه

حسيت هاي أشاره من ربي أنو الناس بچت علی قراّتي
ربي سامحني...

بقى كون عقيله تسامحني نمت بداخل الصحن الحد الفجر اتصلت على السايق اروح الكربلاء
ونيتي زيارة الحسين واني بين المقامين
هنا الجنه هنا الراحه الزوار تزور نهایه شعبان..
آدیت یمین الزیاره...وا أمالي اكون من شيعته برغم تعب اقدامي...من التنقلات بس اريد أحقق"الثواب على قدر المشقه"
الألم رجع عليه...
الصداع ومكان الحادث أذاني صارت روحتي السامراء..

اريد أباغت الوقت دخلت للعسكرين زرت بگلب معقود الهم بدت همومي تتلاشا...
نزلت للسرداب كل خطوه انزل احسن نازل لواد المقدس اهنا عشق المؤمنين هنا نصير المظلومين....
بقيت بي لليل....ماطلعت صليت صلاة اليل ...
اريد احاچي معشوقي الغائب....اريد اسئله عن حاله
كيف يراقب وضعنا...
تخايلت الحجه المنتظر كيف يتعذب الاجلنا..وهو ابونا..
اي هو مثل الأب المسجون ...
ويشوف أبنائه يعذبون" ويعصون"ينقتلون"ينذبحون
شنو شعور هل اب من يشوف أبنائه هيچ
وشكد يتألم
الحجه منتظرنا....
منتظر يكثر عدد الأوفياء الي بينا...
حتى ينقذ البقيه
بس احنا غارقین بملذات وعصيان الله
عيوني تدور على الجدران السرداب
قريت بصوت خافت واني اناجي
الله سبحانه وتعالى
اريد استشعر عبودتي لله
عبودية العبد

الي مايختلي بمعشوقه الا بالليل
حتى يكون مناجاتي لله همسآ
مثل العاشق...
مثل الهائم بحب الله
والمعترف بذنبه

اريدستجلب عطف رب السماوات والارض
يغفرلي..
اريد ادخل الملكوت الرحمن..
يغفرلي...

"فعفوك عفوك يا مولاي قبل سرابيل القطران، عفوك عفوك يا مولاي قبل جهنم والنيران، عفوك عفوك يا مولاي قبل أن تغل الأيدي الى الأعناق، يا أرحم الراحمين وخير الغافرين"

كملت الايام الثلاثه...دفعت دية ضرب عقيله واديت يمين والولاء والعهد مع الحجه المنتظر عج الله فرجه أن اكون من جنوده الأوفيا
تناوعت للموبايل قارورتي ابد مااتصلت عليه ولا حتى مسج منها
اشكد اشتاقيتلها...
واشكد ناويه تعاقبني

‏عندما يشاء الله فلا قيمة لقوانين الحياة، ولا وزن لتدبير البشر، ولا أهمّية لحواجز المستحيل

.................
غفران///

سنرحل ويبقى الأثر
فبأي أثر سنذكر ؟؟
وبأي عمل سيختم لنا؟؟
وعلى أي حال سنلقى ربنا؟؟
نسألك حسن الختام وأن نلقاك وانت راض عنا يارب.

طلعت من دار الأيتام...واني فرحانه
خلال تطوعي بهل دار.... المديره رفعت كتاب بيه...

عسى يستجابون واثبت
واليوم خلصنا سبح الاطفال وتلبيسهم ملابس زينه
اريد أوصل للبيت تعبانه...

تلاكيت وي أيناس بطريق...حضنتها... أشكد ونستنا چانت بجامعه..

-وين ماوين ايناس شخبارچ...بشري تعينتي لا

-الحمد الله لا... والله ماتعينت...وانتي بعدج مامزوجه
خيه الحي ابدا من الميت..

-مااكدر ايناس كل يوم يمر اسود من يوم عباس بالي وافكر ماكو مثله... كلما اقرر انسى صورته كبالي اصير...

هو وضحكته
تتوقعين الكى شخص مثله....
زين لكيت منو يضمنلي انو مايتكرر الفقد...

معلیچ بتعاستي...
انتي شخبارچ...
ردت تضحك

-مادريتي...

-لاأااااا شدري

-انه ازوجت "وطلكت" وهسه أزوجت

-لا صدك شلون....

-أول واحد أزوجته...على أبو متدين..
وكصته ماكلتها التربه
ورح يدللني لأن متدين...
اشو هذا طلع هوش الله بكاع الله...
لا يهش ولاينش بدين وهل الصنف هذا...هو نفسه
ألي كرهه الناس بلأسلام يعرف من الدين بس النكاح بي أجر...
ومن القرأن....مثنى وثلاث..
لايصرف...
لايحترم...
يدور نسوان...

ست اشهر وكلني العافيه...
تاليها بظهريه حاره دخل للبيت
جايب بيده مرأه ...
طليقته مطلكها من سنتين رجعها...
من اجى هو واهله يخطبوني
حتى ماذكرونا...هو مطلك
لأن چان بغير محافظه وسكن جديد عدنا..

رفعت دعوت طلاك عليه.....
واخذت حقوقي منه بلعافيه
خلصت العده....
جارنا ولد حباب....زوجته ميته من سكر الحمل
ميته هي وطفل..

صدك مامتدين مثل ذاك الاول
بس رجعلي الامل انو مو كل الرجال كذابين
أزوجت من تلث أشهر...وهسه اني حامل..
وجاي اربي بابنه...احصل اجر خوش شاب يباوعلي مثل العافيه هاي مغامراتي...وي الرجال..
المهم أنني أداومين بدار الأيتام...الي چنها بیت
-آي هيه ليش...

-لا بس بيها شاب...أسمه سلمان
ولد ملتزم...وحباب
تعرفه خالتي...
هو يوزع سلات رمضان على عوائل المتعففه
وعل أيتام گلتلي رح يسجلچ...بیها

-يجوز سامعه باسم سلمان‌‌ مار عليه...بس مااذكر
عل عموم أريد أرجع لان‌كلياتي أذني..رجعت تعبانه ودایخه....
الحد المغرب....کعدت صار اللیل الوجع آذاني...
انهاريت من الألم كل مره يجيني...بس خفيف بقيت أصرخ من الوجع... طلعت علاجي اخذته...مثل كل مره أهدء الألم نسبيا هل ألم من تلث أسنين...
ماتركني...

اليموت صدك يرتاح... والعذاب للعايش....
وين أخوي علي وين خطيبي...عباس
صدمه ورى الثانيه. كمت بنفسي لاجل اهلي
بس بداخلي جرح مايبرى
الحد
الساعه بثنتين ليل..
رد الوجع
بچیت آتمنیت الموت...
لا الموت صار قریب علیه....

وچن طافیه روحي..اصرخ وابجي وجع
على صوتي دخل أخوي أحمد كتله بحيل موجوعه..
-حط طلقه براسي وريحني ألم فضيع
حسيت من الألم رح يغمى عليه....
مااريد أفقد ديني بسبب الألم...بقيت اكرر
اللهم لااسئلك رد القضاء ولكن اسئلك اللطف فيه....
اللهم لااسئلك رد القضاء ولكن اسئلك اللطف فيه....
اللهم لاسئلك رد القضاء ولكن اسئلك اللطف فيه....

صرت مثل طافيه ومن ايد الايد صرت
الحد مافتحت عيوني
اني بلمستشفى اتناوع والدي" ماما "اخواني"
يبچون علیه....ألمغذي بيدي...‌كعدت بعد موجت الم فضيع واحس بكلشي يصير بيه...من يحطولي الكانونه...
من يسحبون دم بس ساكته لأن الوجع أقوى...
اسمع الدكتور يكلهم بعد شوفولها متبرع كلياتها تعبانات

مايأست واني اعرف الي يصير بيه امر الله الله هل خالق الروح البﻻء بكل اشكاله
تعب"
فقد عزيز...
الألم...
نكران للجميل...
كل هل اشياء الهن رب العالمين وعلينا تحملهن
مهما يحاول الشيطان...‌انو يخلينا نقنط من رحمة الله عزوجل
وونترك الطريق المستقيم

ونغوص اكتر بلذنب....
لكن مازال عندي لسان....
اخلي يلهج بذكر الله
بهل لحظه فكرت أنو لازم أفتخر انو أني طالما بيه نفس عندنا فرصة أستغفر.. عندي فرصه أقرأء قرأن...
هل شي أستشعرته ...
بقيت استغفر ربي...وارجع اكرر اقرا هل دعاء
اللهم لااسئلك رد القضاء ولكن اسئلك اللطف فيه....
نمت وكعدتني ماما...

نروح أنسوي تحاليل لساني يلهج، بين السونارات وتحليل جديده حتى انسوي غسيل كليه..
ماچان آکو لحظة شك بقلبي...بقوة هل أيه كل فكري
"وأيماني أنصب بيها...

طلعت ماما من ألغرفه...حضنتني كالت
-بليل الطبيب مأيس منچ هسه التحالیل سلیمه...
مجرد رمل بقی عندچ من تلث آسنین...
عجز الکلیه وبعد تعب ماارح یچیچ هل ألم
فرحت بداخلي...واني أشكر الله
-يارب ماألطفك رحمتك...طلعنا وبقت مجرد تحليل ادار
رح يكون بلمستشفى..‌شفت الفرحه بعيون اهلي...
وكيف فرحولي
واني اكول بسبب دعائي ربي شال مني هل مرض
ثاني الصبح...رحنا للمستشفى دخلنا للمختبر...طبيب التحاليل يمه دكتوره واكف مقابيلها يسولف....يضحك
ماركزت بصوت...
كد ماركزت بحرمة هل كلام وضحك الي بلايه معنى

اريد اعرف منو
وين الحرمه...
وهيچ ضحك بين الزملاء
بقت نغمة الصوت تتوضح عندي...وهي تقترب

-السلام عليكم...رفعت راسي..واشوفه بدلة الدكاتره ونفس ضحكته
-سيدمچتبی وعلیکم السلام، اقترب من ماما وهو یاخذ الورقه منها يتفحصها وهو يت تناوعلي دنجت منه....
كال
-خاله رح ادخلكم على الدكتور صديقي..‌وأي تحاليل اني هاي غرفتي... وأنتي غفران يارب مشافات
.
مارديت عليه...ابتعد ودخل بهوست السره
واحنا وراه دخلنا للدكتور.. موقفه حلو نوع ما
لكن مااحب الرجل المجامل بلا معنى"ولاهدف

الدكتور كتبنا علاج...طلعنا...
اقترب سيد مجتبى....یسولف وي ماما ابتعدت مااريد اسمع له... رغم كلشي بيه..حلم ابنيه
من وسامه
وشهاده
وضع مادي
بس اني أشوفه لا...
مو حلمي أني
اني احلامي بسيطه..
رفعت راسي بلا قصد واشوفه يتفحصني....كال الماما
-خاله كلش بنتچ ذبلانه ليش هيچ...اگدر ادليكم على طبيب يساعدها ارجوج خاله...
.جاوبته
-لا یمه صارت آحسن اشکرك يمه... جرتني من ايدي....
ابتعدت وعيونا احسهن تتبعني......
وماما فرحان بتحاليل السليمه
رجعنا للبيت....
الحد العصر..عقيله خابرت تبچي ماما تهداء بيها....
اشوي وخابر سيد مهدي...وهو يوصي ماما

-مارح يرضى انو عقيله تطلع من البيت..
كلم ماما بأدب ومعتذر العصر اشوي صرت احسن...
رحنا أني وماما أنشوف عقيله وتلكانا سيد باقر...يسلم وهو يكلي

-شلونچ غفران...مچتبى خوفني عليچ..
-اشکرك سيد باقر ترى ابنك يبالغ...
طلع من الصاله على كلامنا...وهو يتحجج
-منو يبالغ....غير مريضه..‌تعبانه وهالات سود..
ابتعد من عنده....ماخليته يكمل كلامه
مااريد أحتك بيه..
خصوص عقيله قبلها بسبوع كالت معجب بيچ
دخلنا العقیله...وهي تقراء قرأن
كعدت يمها...حضنتني تبچي....وتحچي

-صدمني غفران...يضربني
كل هل دلال"ورومانسيه"ضربني
-لا حبيبه ساعة شيطان...الولد خابرنا ضايج عليچ
وخبر ماما ممتقصد...
وحتی ماقبل تاخذچ...
هاي انتي سامحتي سميره"والدج"واخوچ

-هو غیرهم....حبيبي وعزیز وضربة العزيز تحز بلخاطر
ادري اجاوزت عليه...بس مااكدر اوصفلچ شعوري
بهل راشدي...ولي سمعته
بقيت يمها...
ساعه أضحكها...
على سوالف ايناس
ساعه اخليها تقرالي قرأن...وترتل..
طلعت من الغرفه...وماما يم العلويه ام مهدي
كعدت على تخم رتبت عباتي...
دخل سيد مچتبى...وهو يكعد مقابيلي..
والدته تناوعت عليه..وعليه...رن موبایله طلع...
كالتلي آم مهدي برفعت حاجب
-أنتي ليش ممزوجه..الحد الأن
-ماامفكره بلموضوع علويه
-والله الشابه"والشابه"من يتخرجون لازم يزوجون
هسه ابني مچتبی لكيتله ابنيه
من طبقتنا وعلويه...يعني
مال
وجمال
وحسب
ونسب...مااريد مثل سيد مهدي على مزاجه...
وهل لازكه بكودريات العجائز...
اني أستحي ألبسهن...تناوعتلها واني أضحك
سيد باقر اجى كعد يمي...
وعلى صفحة اليسرى يمي ماما...كتلهم
النبي محمد صل الله عليه واله يكول
" اتوني بآعمالكم لا بآنسابكم " مو سيد باقر
-لا عاب حلكچ بنیتي...بس شني قصدچ..
حسیته یعرف آقصد العلویه..

-بلا قصد مولاي. موع احترامي لجميع السادة ترة السيد بأخلاقة
احنا كامجتمع اسلامي معيارنا بتميز الشخص
عن الاخر موالنسب وانما التقوى

( يا ايها الناس انا خلقناكم من ذكر وانثى وجعلناكم شعوب وقبائل لتعارفو ان اكرمكم عند الله اتقاكم))يعني التقوى
وحدى من فضائل الانسان التقي...
عدم التكبر
تناوعتلي العلويه....وهي تسحب كلاص ماي يمها

-هاي المحاضره عليه...اعوذ بالله منچ

-لا خاله مو عليج...‌‌‌احجي بشكل عام..
ماما تسمع"وسيد باقر...ماما يمي..
كرصتني خلتني اطفر من مكاني تناوعتلهم يتناوعون عليه
وعلی کمزتي...من فشلتي
كتلهم

-ها الورده مال طخم حسبالي صرصر
ضحكو كعدت...والعلويه تبسمر لساتها كل ظنها كاتله روحي على ابنها اشرت الماما نروح
رمشت الاخوي منتظر كال خمس دقائق.. جاي نطلع

....وصلنا للطارمه.. الجده باوستني وهي تضحك
-دمچ محبوبه یاجده...بس انتي شابه
وياجدة الحزن ياكل العمر...
-انشاء الله ماكو شي...بس جاي تشوفيني اشو بس اضحك واضحك الناس ويايه
-عفيه بنيتي عود تعالينا
-انشاء الله
خطواتي يم الكراج واهورن اخوي العالي.. شفت سيد مچتبی مچتف ایده الصدره ومرتجي على السياره...
مثل المنتظرنا

بداخلي اكول ليش كلساع يصدفلي... طلعت بسرعه..
وبقت ماما تحچي وياه... اشوي واجت..كالت

-اخطيه چان منتظرنا مچتبی هو يوصلنا، حتى مافتح عيادته....ذكرني بسيد مهدي اول مره من شفته هم وكف لح علينا يوصلنا
اني وعقيله

-اي نبع الحنان مااوصيچ ربطي السالفه وألفي فلم
وسوي قصه براسج بيها حب وتاليف ا بليس
ردت
-لا بنتي ماأربط حياتچ لان هاي قسمتچ وحره بیها برغم سيد مهدي محاچي عقيله...عنچ بس اني مخليتچ براحتچ

<آشکرچ ماما...بس آدفعي كفاره كرصتچ
صارت زرکه...واحتمال گنگري....
رجعت كرصتني...

-اسكتي يمفلوگه...چا مو عیب تصچمین ام مهدي ولچ السانچ...لادگول عرمه

-ماما حبي غلطت قابل "عليت صوتي"
لا أبد ابد

مجرد محاضره دينيه كله بما يرضي الله..

-بلبیت نوصل یاام یرضى الله
.
ردت ضربتي على چتفي...واخوي منتظر يضحك كلها

-ماما غفران خيتي أعرفها ماترد اله..... على الي يستحقون الرد

أنطلقت السياره....أتناوع للشارع مااعرف لشوكت نيران گلبي تخمد...وتتحول رماد
هل نار تتحول رماد وتجي عاصفة فرح....تذر هل رماد
وابدي بدايه جديده...بحلم جديد...
مااعرف أشوكت....
ولشوكت أبقى معلقه بأطلال ماضي...
وبحزن اسود..ياكل احلامي

اللهمّ إنّي أسألك الهدى والتقى والعفاف والغنى، والعمل بما تحبّ وترضى، اللهمّ إنّي أسألك من قوّتك لضعفنا، ومن غناك لفقرنا وفاقتنا، ومن حلمك وعلمك لجهلنا، اللهمّ صلّ على محمّد وآل محمّد، وأعنا على شكرك وذكرك، وطاعتك وعبادتك برحمتك يا أرحم الراحمين.

.......................

عقيله
رغم ضجت من سيد مهدي بس من لبس ثوبه الأبيض وغترته الخضره.وتناوعتله وبگلبي أرقي من عيوني یاربي اشكد وقور يطلع بهل لبسه...‌يصير چنه شکل ملائکه

اتمنيت اوكفه واگله لاتروح.تمنيت احضنه
شي داخلي مصر....صدمتي بضربته
وهو انسان يحلل "ويحرم.
أشعجب بدر منه....اريد انسى الي صار

باس راسي‌وهو يطلع بچیت بلهفة عليه.....
اليل خلصته بصلاة الليل....

الصبح اشوي نمت واني حاضنه الخاولي مالته
بي عطره....

مااعرف شايله عليه....مدري مصدومه بيه
غلقت موبايلي....

لان رفض أبات عند أهلي گعدت الصبح
رحت الغرفة جدي لكيته...يرتب افلوس...
كعدت يمه اساعده واخليهن بظروف
واكتب اعناوين الناس المتكفله من دفتر مخلي يمه

اريد احچي...رفع راسه گلي

-أچم جزء بلقرأن حافظه...

-وصلت عشرين جزء...بس ياجدي..الي صار
اخاف يكرره...‌ماالي حق احاسبه على ماضي
بس الي يندل طريق...يرجعله

ثانيا اني هواي نظلمت...وعمري ماأتأثر
بس أتأثر من الغش" والكذب"
وهل شي أثر بيه..ليش مخبرني..

اعرف المتعه حلال بس اعتبرها زنا بغطاء شرعي.......ارتجى جدي عل التخم وهو يتناوعلي...يسد الظروف

-شوفي بنيتي ....

مو اني اعلمچ آسس آلدین بس من أقبح الذنوب وأكبر الكبائر آنو ينسب الانسان التحريم....
والتحليل الی الله بغير علم والقران یکول

(ولا تقولوا لما تصف السنتكم الكذب هذا حلال وهذا حرام لتفتروا على الله الكذب)
یعني مو كل حلال يجب أن نقبله لأنفسنا
يعني ناخذ مثل الزواج من اسس الدين
فلو أنتي عندچ بنت أتقدملها یخطبها مسلم أفريقي شديد السواد نتن الرائحة...تقبلین...
آکید لا...

فیا بنتي نرجع الزواج المتعه....وانتي قاريه قران
كأمرأه ايه صريح...تكول بتعدد الزوجات..
وانتن ترفضنها"مثى وثلاث ورباع" تاخذن منها
"فان لن تعدلو"..

فكيف ايه من بين السطور تردنها
وهي ايه "فَمَا اسْتَمْتَعْتُمْ بِهِ مِنْهُنَّ إِلَى أَجَلٍ مُسَمَّى فَآتَوْهُنَّ أُجُورَهُنَّ"

يابويه الدين كلمن يفسر على هواي...
التشريعات الأسلامه...
من اجت الها قوانين واحكام
وشروط...يله تصح

وزواج المتعه حاله حال...بقية الاحكام
يعني شرع الله

مانكدر ان نحرمه أو ونحاربه
والخلل يابنتي مو بسنة الله ورسوله..

الخلل أبمنو يطبق...هل سنه
ولي يطبقها هم الجهلة من النثيه
"والرجال

يعني النسوان أستخدمنه مو حتى يحفظن نفسهن
انما لغرض مادي وغريزي سخيف

وهذه ماصادفته بمكتب سيد صادق
وي سناء...

-سناء منووو جدي

-سناء سالفتها سالفه وليدي مهدي من عبنا زلمه...حماها من اخوها

وراح رجعها للبيت من شاف وضعها المادي مدري شلونه اخذني الهم تكفلت بعيشتهم بس هل بنيه...بقت تتراسل وياه وتخاف وطلبت منه يحميها رفض...

الحد مايوم تمرضت امها...رحنا أني وياه
حالنا حال العوائل..لنروحلها...
هجم أخوها على البيت...وهي خافت
كالتله أريدك تحميني...ازوجني حتى لو مؤقت
اجى اخذ رئيي...

كتله مازال هو حلال الله شكو بيها...
يبوي عقيله أبني طاهر ويحب الطهاره
ماتمتع وياها ...اله بعدد الاصابع
لان عرفها تريد توصل لفلوسه
تركها حتى قبل مايعرفچ...

ومن عرفچ....حرم نفسه علی نسوان
حبچ گلب "وعقل..

وحتى من سوه الحادث قبل هي اجته بحكم احنا معروفين
داخله وي الناس الأجت أزوره....
محد انتبه...ومن شافها ظال يصيح
وتخربط وانا أبوچ. وطلعناها...

وهي رادته بس يرجعها رفض البنيه نسته.

بس مااعرف منو مدخل موبايلي للغرفه
هل شي لازم اتباصر بيه

-زين جدي...شلون حلال والله يخرب المجتمع
ومشاعرنا احنا النسوان

-شوفي بنيتي عقيله حاشى لله ان يظلم
اكو ايات قرآنيه تحث على الجهاد...

جهله الدين استخدموها نحو توجه ارهابي
وقتل للابرياء وستغلوها الارهاب باسم الدين والارهاب

فأغلب الأوادم فلت عياره الدين كلش واضح
الوادم يستغلون هذا الموضوع لرغباتهم
وما يهمهم أي شيء بعد والاكثريه من جماعة الرذيلة

يعرفون الحكم شرعي الصح
ورغم اتشرع الهم أن هذا الزواج حلال
بس أكثر الناس تتجه للزنا.....؟؟

والامام علي عليه السلام ذكره
"متعتان كانت مبحتان في عهد رسول لله متعة الحج ومتعة النكاح""

-زين جدي نفرض صار طفل...وشنو صحه هل زواج

-يبوي لازم اتفاق بين الرجل والمراة على الطفل
قبل العقد

الغلط بلناس"المايرده مرضعه سوك العصا ماينفعه"
ويبقى هل زواج رغم شرعيته
نظرته الناس ومجتمعنا عشائري
دائما تكول عنه عيب وبيه خلل

فهو بيه خاصيه حلوه ومشتركه
الزواج الدائمي يبني المجتمع
والزواج المنقطع ينقذ المجتمع من الزنى والرذيلة

وكل الرجال الي بدنيا يدورون عن النزوة
فليش يا بوي ماتكون هل النزوة بحلال
وضمن عقد وشروط

بدون اضرار بالمجتمع او اضرار بزوجه الاصليه

فال الحق بين
والباطل بين
المتعة حللت بعهد النبي
وتمتعوا الصحابة والنبي يقول"هي سنتي فمن رغب عن سنتي فليس مني"

،-مشكور جدي وهاي الظروف كملتهن

-الله يبارك بيج

طلعت افكر بكلام جدي....

خلص اليوم
واني ماامفكره اتصل على سيد مهدي وبليل نمت كوه نمت صادف متأخره....نمت نومه طويله
كعدت الصبح....وكفت مقابل المرايه
ارتب حجابي

لكيت علبه ويمها رساله فتحت العلبه
محبس ذهب بيه خرزه بيضه در النجف.، والرساله مكتوب لخط وواااضح صباح الخير...يااجمل زوجه...

عندي عمليه مستعجله والمستشفى تريدني ابقى اساعدهم

اتمنى عجبتچ الهدیه.. واتمنی تنتظريني مثل كل يوم..تنظريني بضحكه وشبكه واعرف راح تتلگيني وعندي امل رح تسامحيني لان انه احببببچ
المعذب بحب زوجته الجميله وفتاته لسيد مهدي

‏عندما يشاء الله فلا قيمة لقوانين الحياة، ولا وزن لتدبير البشر، ولا أهمّية لحواجز المستحيل
............ ......
............ ......