عشق المومنين(أبناء الساده)

بارت اثنان وعشرون

////جمعه مباركه/////
//نازك الحمراني وعظم الله اجور الجميع
بأستسهاد مَـنْ سَمِـعَ صَـوْت أَضْـلَاع أَبِيَّـه تَتَكسَّر السّلام على قلبه المحزون وهو ينادي:.‏"أنا ابن المرمّل بالدّماء، أنا ابن ذبيح كربلاء".

...................

حليلتي تحبني اه ياقلبي

‏أصدق علامات قرب الفرج اشتداد الكرب
ليست مجرد عبارة إنشائية بل من الحقائق التي خلدها القرآن لما بلغ بيعقوب عليه السلام البلاء منتهاه وفجع بفقد ابنه الآخر وابيضت عيناه من كثرة البكاء وحرقة الحزن أدرك هذه الحقيقة الآن فقال لبنيه﴿لا تيأسوا من روح الله﴾
فكان الفرج بعدها.

سيد مهدي//عقيلة تحبني متأكدة خويه تبچي عليه

-اي سيد ومقهورة حيل عليك‌ وتريدك

نقطع الاتصال خلص رصيد باوعتلي غفران متعجبه لان چنت مخليه آديه اثنینهن على حلگي وابچي لأنو چانت فاتحة آلحاگيه سمعت صوته مشتلقه

ضجت من انكطع ثواني گالت غفران

-شوفي على گولت ام فواطم اذا يريدچ هو بعد یبادر

ثواني رجع رن الموبايل فتحت غفران الاتصال گالها

-اختي غفران طيني عقيلة احجي وياهة
يصير

-اي يصير ليش لا....

مدت الموبايل اليه اخذته خليته على اذني گلت بشوق وتوتر

-السلام عليكم

لسی احچي فصل كامت غفران گالت

-راح اصلي صلاة ألليل انتي ابقي سولفي
وياه شووي تلحلحي يااختي ميصير

-هاااا

-لااااا ربحنه

تناوع الغفران مددت السجاده الموبليل بيدي واگولن خاف مایتصل مل مني گلت الغفران

-شو اتصلين جدامي چنچ خایفه مو خوفتیني الله عليچ

اندارت علیه تحاچیني

-وووولچ آخاااف نتندم وانه اوثق برأي ام فواطم ونصيحتها بس خاااف نتندم

-زين ليش خايفه

-منچ لاااا تفشلینه وضيعين ٣٠٠سنت الذبيتهن عليچ خالي بلاش

واحنه نحچي أتصل رن مرتين‌گمت ارجف ماأقبل افتح الخط‌ لسى خجلي مسيطر وميته مستحى

بعدها غفران واكفه وانا مافتحت الخط
اجت عليه،اخذت مني فتحته داست دكم الاتصال وخلته على أذني من سمعت صوته واني مشتاقه اله ،وخاصه أول مره اسمع صوته بلموبايل..گال

-السلام عليكم

صفنت آتمعن نبرت صوته متمت ردیت

-وع...وع...عليكم...أس.سسلام

رد علیه

-استلم انه دكتور وعقيله جاي أتعلميني أتهجا شلون

-هاااا ..لا وعليكم السلام

-آلله، یاصوتچ شحلوه بتلفون شلونچ شخبارچ...

بقیت ساکته مااعرف شگول

-هاااااااااا وتالي رااااااااح تبقين ساكته ولشوكت"وتالي هااااا يعني سگوتچ وین یودینه وین‌ یاخذنه، ترى سگوتچ دمرني
حتى ماخلاني اتناوع الاي شخص ولا أكعد يم أي أحد خاف يسألني

عقيله انتي باااارده،وبرودچ برد حیاتنا
وووچ ردتچ وماردت غيرچ وانتي بلمقابل شسويتي بس الجفاء منچ

هووو يحچي وانه ابچي بنشغه جاوبته

-ووووالله أنه همین آحبك ومن بعدك تعبت افترکت عني وماسألت عن اخباري ولا عن حالي رغم چنت اشوفك تدخل وتطلع تخدم الناس بفاتحة اخوي

-هاااا شفتيني وماعرفتي أدزين طفل أو اي شخص اليه ،وخلي بالچ من خدمت بلفاتحه انه واخویه ولد عمي ترى من باب الاصول موووو الاجل شي

-يعني گل ظنك انه مااحبك

-مو بس ظن انا متأكد انه كل المحاولات
سويتهة وياچ‌ مشیت ویاچ بگل مکان وانتي نافرتني،لاااا وفوگها ضلعي لچمتي
بايدچ ورفستیني بين فخذي شترررردين
اتوقع انتي تحبيني

-الله مچان قصدي... مچان قصدي من دفرتك،ورفستك حيييل ودور أنت بسبب الرفسه زعلت وانه والله ممتقصده چنت

-لااااااااا مو بسبب الرفسه ابد اقسم باالله ابتعدت لان حسیت بگرهچ ورغم شفت رفضچ الیه بس أني اناني وبقیتچ ویایه

ابتعدت لان ماارضى على نفسي انتي أنسانه من حقچ ترفضيني بس مو برفس
رجائآ لا تذكريني بذاك اليوم لتم أاذكر الوجع ورفسه وتشيغ روحي

بچیت وغفران مره طك راسها مره اطك كصتها،مره تريد تشمر المشط لان تريدني
أحچي كلشي

تشجعت وجاوبته

-ماكرهك ما أكرهك لاااتحچي هيچ رجوك
چانت عندي ظروف وظروف قويه

صمت بيناتنا استمر أقل من دقيقه صمت بس شرح خجلي،وحبي،وشتیاقي

ومن طرفه حچی لهفته،ورغبته رغم ماا حچی بس صوت انفاسه يجيني عصبي
واني صوت البچي مالتي الكاتمته سكت شويه ورد گال

-یعني قصدچ چان عندچ العذر الشرعي مو....

سكتت من‌الخجل ماگدرت اگله اي او لاا
رجع هو گال

-تمام العذر الشرعي عندچ مو یعني شگد يوم "يومين"سبعه" عشره "اخمسطعش
خو گووووووليييييييييييي عذر عشري
هسه تكولين چانت عندي ظروووووف

علت نبرة صوته وحفييف انفاسه زاد رغم نبرة صوته ألعصبيه يحچي بصوت ناصي

جاوبته بثقه مدري شعجب وگتله

-مووو گل الحچي الك همات أنت عفتني ورحت نايم بالاستقبال

رد
-ولچ لااااااااا أجننیني لو جايه مره وحده
مرررررره وحده اليه

رديت بعد مانفگت العگده

-أي ووووشلون أجي وانت حتى متتناوع بوجهي اصلا خفت تتعصب ومن أجيك تطردني وتذكر الرفسه

-أي حررررگي گلبي وعيدي سالفة الرفسه

-أي مووو انت متباوع الوجهي خفت

-إخ ربي أني مااتناوع بوجهچ، ولچ أنه اراقب کل حرگه منچ...بعیون ناصیه حتی جواریبچ السود اعرف نقشتهن ام السعفه
أنتي أنتي لوووومتناوعتلي چان لگيتيني مووو بس أتناوووووووع لاااا وضايع بيچ
آخ ربي أستغفرررررك

رجع سكت وصوت‌ نفسه هداء

گتله
-ها سيد مهدي وينك

-يمچ بس سؤال هو منو ميتناوع بوجهه منو انتي لو انه

حيرتيني وحرت شگول
وحك الله گلبببببببببببببي من كلامچ جمر
انتي تدرين جدي من‌ زوجتچ چم مره‌
وچم دوب يطلب نيشان..

وگتله هل آبنیه متريدني تدرين بيه ممصدك آنتي متريديني‌لأن شاك شاك
آنا عاجز وماادبر اتقرب المرآه

يارب قويني على برود هل أبنيه
كل يوميه ايلح شوكت اطلگج...
گافي عايفج معلگه...لا أنتي لسما ولاانتي للكاع

ايكلي اذا متگدر تخش بیها لا تحرمها وتصیر اناني خل البت أشوف حال سبيلها
تعرفين ششوف بعين جدي..

الم" وانكسار مشايفه من قبل بحياتي ....
كل ظنه انه شخص عاجز كون سكتت أهلي وخفيت بلي سويتي بيه وبرفضچ

حتى محد حچی من آهلي عليچ بعد
ولا يقبلون ينجاب طاري هل شغله
تفتهمين هاي لاآشياء شدل
وشيفكرون بيه...انه مو رجااااآاال

عقيله بعد ماكدر.گااعداتحمل فوك طاقتي
لچ فوك ألي شفته منچ هسه جاي اتحمل ملامة وكلام أهلي

-هااااا يعمي شنيه هسه

-شنيه هسه خرب اابليسچ مووووكاااافي عاد مليت منچ‌ ماااااااآريد برودچ
مااااااااااااا اريدچ مااااااتریدچ
غلق الموبایل بوجهي

"عقيله"
يحجي سيد مهدي بعصبيه وحزن،وقهر
مره يتعصب ومره يهداءء

اسمع الكلامه بلا ما أحچي سمع وابچي

حاطه ايدي علی حلكي مااريده يسمع بچیتی ولا شهگتی‌وكال كلمه وجعتني

-أنتي محبيتيني،أنتي زهدتي حبي،انتي انسانه ضيعتي حبي سنين وانه اوكف الج باب الجامعه نظره منچ تکفینی چانت

گلبي اذا ماشافچ چان یتعذب،واسكته بتسبيحه وقرات قرأن

من ازوجنه وشفت صدچ الیه،وضوجتچ
انتهیت گلبي نصب عزا على نفسه من غير نظرات اهلي الكل يظن الحادث ماثر على رجولتي

وانه كل يوم الاشوفچ بیه من زوجنه اریدچ وانتي مخلصتها بچي وبردو

ظل يحچي منهار،وتعبان یردد بررررودچ
ماااااااااریده..مااااأاااااااريدددد
وانه گلبی یریده

اخر شی غلق النقال لان تعب من العصبيه

ظليت ألليل
كله محزونه عليه،وعلى نبرة القهر بصوته

چان آلبالي بس اني آلي مبتليه
ولبالي بس اني عندي مصيبه
وكاعد اتحمل" وصابره "

طلع هو مثلي عنده بلاء،وناس تحجي عليه،وتقهره،وتاذي وهو يسد عني

مانمت ولاغمضتلي عين ودي أخابره...
بس خايفه منه،ومستحيه

مددت سجادي أصلي صلاة ألليله خلصت طلع مفاتيج الجنان،وبديت اقراء دعاء المجير،وسورة يس عسى تنقضي حاجتي الى ان خلصت وصليت صلاة الصبح

أريد انام بعد ماتحمل راسي اذاني
تفكير "قلق"خوف"ارفع راسي والقهر بكل مكان

آخوي فراكه صعب‌منا سيد مهدي اذاني بكلامه‌ورفضه أليه

رن الموبايل هذا رقمه فرحت،وممسيطره
بلا شعور بسرعه شلته...

اريد احچي واكله احبك مهدي....سبقنا بلكلامه..

-ااااأااااخ ااااخ ياعقيله ااااااااخ يابلائي ااااااااااااخ ياقارورتي صوتچ من سمعته کله شغل عقلي وبالي لهيت نفسي حتى مافكر بيچ

صلیت صلاة اليل،قريت قرأن والوكت ماعاد يخلص اله بيچ وحوالیچ

أنتي بلاء الله...بلاااأااااااااااااااء بلاني بيچ
ومرض مزمن ماااااااااكدر اشفه من عنده
آووف لوتدرین آشکد مشتااااااأاااااااااقلچ
بكد رحمة الله...

یابنیه ليش السكوت مو تمرمرت بفراکچ
اشکييييييي برودچ مستحاچ‌عند منو،
و آدفي برررررودچ یم‌منو يااااااقارورتي

ماعاد أكو مكان للفراك بینه،الظاهر اثنينه متعوبين ويراد واحد يشيل تعب الثاني احبببببببببببببچ أحبببببببببببچ وحق جدي

گل کلمه یکولها اخجل الف مره ردت اكله انه همينه احبك مطاوعني لساني مكدرت

.بس ردیت عليه

-اسفه سيد مهدي..
عل كل الي بدر مني بلا قصد

-بس اسفه حبيبه هذا الكدرتي عليه

اقتحمت خجلي وگتله وانه مغمصه عيني

-لاااااا مو بس اسفه انه والله والله والله والله أحبببببببببييك..ووومشتننتاقتتتتلك

-اه اه أه أه أه اخ یاحليليتي ورب الكعب
عيديها عیدها عسی رب یلطف علی قلبی
المتعب من حبچ‌ممصدك دگولیها عیدیهااا

-هاااااا

-لاااااااا یابه خلينا لاتعيدين..تخرب هههه
وهسه یابنیه قارورتي وینچ

-هناااآ موجوده اسمعك...

-أريدت بعد مانفترق لان اذا شفتچ وراها
فارگتچ مااظن اطول وراچ لان انتييييي ماتعرفين شگد غاليه، شگد عزیزه شگد احبچ،واموتن بیچ

-آنشاء الله ماتفترق لان انه هم تعبت من أنت بعيد عني تعبت كلش

-ماظن كثر تعبي لان بيچ برود یگتل بلد یعني عندچ قدره ماتفگرین وتلتهین بغير شي أنتي اقوى مني بمراااااااااااحل لان انه احبچ اگثر منچ

گدرتي تلهين نفسچ عني وتفگرین بحچي الناس،الیوجعچ ومتذگریني أختاريتي
السگوت مثل گلشي يصير بيچ‌ سگتین

ببنما انا حتى شوگي الچ عالجته بشي يوجع حتى انساچ ومانسیت

ردیت علیه مقهوره

-حتی تنساني وجعت نفسك شلووون

-اي حتى انساچ تحملت الوجع سافرت للهند وسویت آگثر العملیات وجع هناك ركبت بلاتين داخل عظام ايدي، وبلاتين على عظام رجليه،ومانسيتچ

ادور سویت اربع عملیات الوجهي حتى أعالج بقیة الاثار واصعب عمليه صارت التشوه الي يم عيني خفت لاتطفى

حاولت حاولت اعيش الالم حتى اتخلص ٱتخلص من تعب الاحساس بيچ وبعیونچ
لگن گلما التهي بعملياتي گلما یتقیید عقلی اوقلبي بیچ وبگلچ

رغم ادرب نفسي مااجيب طاريچ جدام اهلي حتى احافظ على مكانتي‌عتبارتي
،ا الي محد گدر یجیب طاریها طووول عمري لکن مگدرت

وحتی اگرهچ صرت اتخیلچ من افوت من یمچ او اقترب علیچ ودنگین راسچ منقرفه من شگلي

ردت انساچ یجي الليل ويصير حرب داخليه جوه راس
صار يحچي ونفسه هااااااديء يجيني ويه صوته الحلو..الله اأااااااشكد مشتاقتله حتى للندوب لبوجه مشتاقتلهن

بقیت ساکته وهو یسولف عن حبه الیه
یسولف عن عذابه من العمليات والي مصبره انو انه اشوفه في يوم ممشوه

يسولف عن حبه القوي اليه وممصدگه هلگثر یحبني موت،ودافع عني شكد حچي ومخيرين يزوجوه ورافض

وكل كلمه والثانيه يگولي احبچ مشتاق
احبچ واریدچ..مالکیت حرمه بگلبي غيرچ
ويرد يستغفر لان تعصب

اخر شي گال

-ررررررررروحي حبيبه نامي روحي عقيله
أأكيد ظليتي كاعده تبچين

تعجبت شلون عرف

رديت

-عجيب منك سيد شلون عرفت چنت ابچی

-اااخ ياگلبي بعدچ تسالین شلون اعرف هوه گوووکککاو واحد مایعرف روحه من تضوج من تبچي من تزعل

-الله شگد حلو حچیك

-لأن طالع من الگلب

-شگد صوتك راقي

-لاااااان مشتااااااق صار دهرر

-حبك هلگد چبیر مااعرفت احتوی

-لااااااا انساء الله راح تعوضيني من نرد سوه تعويضات هواي اريد اريدچ بگلشي قارورتي

-وهسسه

-هسسسسه روحي ياودعيتي عند الله
روحي نامي العيون الحلوه اريدها حلوه
مااريد دمع بيها

من مستحاي غلقت الموبايل بسرعه بلا مااسلم

من السعاده والفرح بلااااا فراش جريت مخده من الكنتور ونمت بلكاع

نمت وضحكتي بوجهي.ومن الفرحه نمت بسرعه...

فزيت على صوت غفران...وهي مخلوسه
وتجر بيدي حيل كعدتني بخرعه...وتصيح

- ااااااااكعدي ولچ اکعدي عيااأااااالچ هنا
عزااااااااااا صخاااااااام ووولچ سید مهدي

-شجااااااابهم

-ولچ سید مهدی راح يكول ألابوي بناتك بنص الليل خابرني،وتحارشن بیه
وراح ننبسط

وراح نتعلك على البننگه شگول علیچ يااااانازك كله من ام فوواطم لو مماخذه نصيحتهااا چان هسه انه نايمه ونتي تبچین وحدچ

-وولچ شصایر غير اعرف

-هسه ننننكتل كتله من هل تمام ماما تحضر البلايس مالتها اقصد ألاصابع.
وكل كرصه تكرصنا تورم شهر

-ياأااا يعني سيد مهدي گال الهم غفران خابرتني راح گلبي ياشيخه الحمد الله
بالي جابوني انه بلوسطه

-ليييييش ولچ الحمد الله

-اي مو اکید سيد مهدي يخاف عليه فیشمر السالفه علیيييييچ مووو علیه

-هلو هلو ماعليه اذا نبسطت اكلهم هي تبچي
دخت منها...
معليه الكتله والصوندات انتي‌هم تاكليها وگلهاآا کووووومی

-وووولچ ميكول اشبیچ خوفتینی
كمت وغفران وراي..تفرك بايدها خايفه" وتخوفني

طلعنه للمطبخ شفت ماما تحضر شاي
...ارد احچي
غفران تتحلمص يمي‌تفرك بيدها ..تقربت يم ماما

-ماما شعرفتي ليش اجو

-يمه بنيتي الساده يريدون يرجعوچ
طاكه بروسهم عرج الهواشم من يطك.الله يستر مدري حلمانين واجو مدري احد گایل الهم تعالووو ولو هو عرج الهواشم هیییییچ ماینحرز

بقینه اني وغفزان وحده تتناوع لثانيه

-يعني يردوني

-اي مبين حتى الحچي الي دار بين خالچ وبينهم سيد باقر كايله

انو انريد بنيتنا
وسید مهدي چان مسافر ماصار اله هواي
هييچ عشر ایام من راجع ویریدها وهسه كاعد يسولفون بلرجعه

جاي ماما تصب چاي أصوات الصياااااح
والحچي،وصوات الزلم علت وصوات زلم ثانيه تهدددد وتوعد

شمرت ماما خاشوگه الچاي وركضت‌ على الصوت وانه وغفران تبعناها باب لديوانيه اشوي مفتوح...

ثاري جايين أبوي وياه عمي زهير وعمي ابو ياسسين ةصااااح

- سيد باقررررر هو ااااااااااابنك مسافر.
انتم وووووووووووووووین چنتو مووتى

ووووووولگم الله يهلككم الناس العالم أکلت وجوهنا مو عيب عليگم هااآااااي انتم عود ساده وتخافون الله شامرين اليتيمه بلايه ذنب وبس تبچي من حچي الناس وعلى ابو بيهاااا شي ونشمرت

سيد باقر صاح متعصب وبهيبه

-شنيييييييييييييي الوادم تاکل ووجهگم
هذا الحچي مايصير اليتيمه بنيتنه وابني عنده عملياااات هووايه وثانيا يازهيييير

ليش تجاوووووز يااخي بنتكم نعم التربيه
والاخلاق"
ودين"
والعفاف"
وطهاره
وشنمدح بيها قليل بحقها
ولو ماهي هيچ
مالكيتنا جااااااااين اعليهااااا

وانه مااجيت وحدي انه ولدي لااااااااااااا اجيت ارفع راسههاااااا جدامگم

جبت كلللللللللل الساده الهواشم وجايكم
وووووبنص هاي العشاير والزلم عقيله حرمة سيد مهدي اااااأااااااانريدها وبنتنه

عمي اندار على خالي ورجع دار للسيد

-هااااا يلساده يعني بتنا مابیهاااااا اي شي
وما عليها آلعيبه آنتم سودتوا وجوهنا
وخليتوا لي يسوه ولي ميسوه يحچي بعرضنا و بينا

وخليوتو الناس تاگلنا‌ لحم فاطس...
على بو خاف لكاها؟؟استغفر الله

اااوف من طغيان البشر الغني ساكتين وبالعين أتخلى سلايه
ماطول هييييييييييييييييييچ الحچي..
وبتنننننننننا شريفه

ماااااااااااااالكم مره عدنا...
وعقيله بعد مو الكم والبيت النطاگم مره يتعذركم....يلساده يلمصونين

كام الصياح يعلى سيد باقر نتررر بیهم

-بنتنه ووووو ناخذه احننه عقيله چنت الساااده

صاح ابو یاسین

-ماااااااالگم چنه وعقیله راااح اطلگهااااا
رجال شاااایب وتحچي وتهدد موعيب عليك عوود سيد

ولد سيد باقر من سمعو هییچ حچي بقو يصيحون وحتى صوت سيد مجتبى على

مانشوف اله طلع مجتبى للطارمه يصيح ويدافع على جده ضرب ياسين بوجهههه
تماطلوو بطارمه

وعلى صياحهم ندفع باب الي الجوارين اجت كلها ادخلت وعمي زهير قافل
...ويصيح

-لا أاااااااااااااااااااابوها"ولا خالها يدخل
وهذا ابوها مسلمه بيدي السالفه

خالي صار عصبي گله

-محد یدخل عقیله انه الربیتهاااااا وهی وصیة اختي المرحومه وترد الرجلهااااا

سيد باقر من شاف الصوت عالي عليه ضاج گل الخالي

-نترخص يبوو علي وانت صاحب مصاب
اروحن احذ ولدي وراجع الك تالي انه وسيد مهدي

طلع سيد باقر زعلان وشفت واحد لابس ثوب اسود وغتره خضره على راسه أي هذاأاا هوو حبيبي

راحووو والقهر موتني لانبوي وعمي سوو روحهم يحبوني حتى هانوا خالي حملو سبب زواجي..

بس موقف خالي عالج الموضع تقرب من سيد باقر قبل لايطلع تتعذر منهم كالهم

-إمسحوها بوجهي دخيل بختگم وانت ياسيد باقر صاحب ابوي وصاني بيك لااتزعل ومالك غرض عقيله الگم وچنتگم
اني اصرف وياهم...

مالك غرض سيد باقر.....عقيله الكم

رد سید باقرر

-متقصررر ویعینك على البلوه العندك وفوكهااااا قهر بناتك

طلعو صارت هوسه ثانيه" مشاحنات
بين عمي وخالي‌

خالي ضررب عمي زهير طاح للكاع هنا عمي زهير تعصب عاف خالي دوفع باب الهول وراد ياخذني خفت منه خالي صاح عليه

-والله اني اااااااااااارجع عقيله الزوجها
وماااااااااااااااااتطلع مني ومن بيتي
اله وهي رايحه البيت زوجها

وانعل ابهاتكم يابو طاااااااااااااااااهركم
يا ماعدكم ناااموس شنو تريدون آطلكون عقیلهنهي مره أتريد زوجها
وزوجها يريدها

ولك زهييييير مااتمس عقيله وبس تمسها اندددمك تندم على اليوم النولدت بيه

ومحد ياخذها لاابووووهاا ولاانت يازهير ولاحتى أكبر شارب عدكم

وهسه
يله طلعو ياااااااااااااااااااابرى بيتي طلعوو طلعووووو طلعوو ياااعاررررررات
فشلتونه ويه الساااااده والعشاير الأجت

طلعووووو واريد واحد منكم يوصل لحد باب بيتي وحق هل يتيمه عقيله اله ااااااكسر رجل ثنينهن واخليهن برگبته
وخلي عبره لمن اعتبر

بقى خالي يصيح بيهم سحب ابويه من ياخته ودفعه برى اللبيت سحب عمي زهيرررر وطرده لشارع طاح على الصبه

اخذ ابويه من ايده وهم دفع بقى خالي يدفع بيهم الى ان طلعو والحد الباب خالي يدفع بيهم وهم يتوعدون يرجعون

-اله ناخذ عقيله يمنه غصب عنك فااااهم

دفعهم وسد الباب ووگلهم

-بیتي الحد ماااااااموت يتعذرگم‌فاااهمین

صارت الطارمه هدوء دخل خالي عينه
اجا يمي وصدره يصعد وينزل تعبان نقهر من شافني ابچي...لزم متني گلی

-لااااااا تخافين يبوي ماياخذوچ طردتهم..‌
محد یاخذچ من حضن خاالچ بنت الغاليه
بنت ناجيه اختي وصية ابوي

تناوع للساعه‌‌ وآنتی آم علي رايح بااالچ
تدخلين خوووانچ لاهمه ولاووووولدهم

وهسه انه رایح آخذ بضاعه تجار‌ صار أربع تشهر كاعد بلا شغل...حضري ملابسي

-علی عیني ابو علي الحمام جاهز وهسه احضر الك ملااابس

راح خالي للحمام حتى يسبح حضر نفسه
طلع مبدل مشط شعره تلو طلعنا للباب أنودعه
...وصى ماما

-أم علي امانة الله ورسوله حتى لو أتأخر
بشغل أخوااااانچ أخوووانچ لااااا آخلیهم
لآن یاخذون عقيله....

-صار ابو علي...تدلل محد ياخذها ابد
طووول مااني موجوده

ردت غفران

-عد عيناك عندك ابنك ابوشامه

-متقصرين بني

-وانتي يا ام علي يلغاليه ولاتنسین علاج الضغط لا تنسي ام علي..

-ابطن عیني

راح خالي ونقهرنه بروحته كلش لان تعب كد ماصاح وعيط..رغم ابوي وعمي يخافون منه ويهابوه كلش بس تعب كد ماجادلهم

رجعت الغرفتي كمشت الموبايل رنيت
على سيد مهدي ما گو....

وبقيت أفكر خاف لأن أنطرد جده وعمامه زعل وبعد مایریدني اشلوون ياربي

بقيت النهار گله خایفه الحد الليل گاعد اقراء قران الموبايل يمي شلته اتصل وهم ماكو

جاي انام رن نقالي عل فتحت خط رأسن گال

-شلونچ قارورتي...

-سيد الله عليك كون جدك زعل فدوه....

-گووليلي حبيبه شلوونچ

-زینه الحمد الله بس سید باقر شلون

-نیالك سيد باقر يسالون عنك وسيد مهدي المكرود محد يساله

-لاااا مو جدك طلع عصبي ومقهور

-ماااايزعل وحتى لو يزعل عقيله مازال اني اريدچ مصمم عليچ محد اله دخل

وانتي مالچ دخل بليزعل انه دت اتصرف من كيفي وحسب گلبي

-زين وعمامك چنهم مقهورین واعصاب

-یبویه گتلچ اناااااااآااآ رايدچ محد یوکف بوجهی ابد ولا بوجه گلبی

-یعني عمامك الساده رح يجوون الخالي من يرد من السفرر

-،عفاااااااااااااااا ترى انه علمودچ جبت ساااادت كربلاء وذااااأاا استوجب الامر اجي وجايب حتى سادت النجف حتى اردچ بس رح ننتظر خالچ لتخافین..

-اشگرك

-وانه احبچ...

-واني أحبك...

-رووووووحي نامي يابعد سيد مهدي وراي سهر ابقى ويه جدي اشوي تعبان ومتعصب خطيه

وعمامي يمه كاعدين ضايجين لأن أنهان بعد هل عمر...

-حقهم بس خاف يملون من ابوي

-گتلچ مازال اني متمسك بيچ یاحلیلتي
محد یوگف ضدي غلقته منه وخايفه..

فرشت السجاده اصلي صلاة الليل مجرد خلصت صلاة اللبل رفعت ايدي و متاكده
بگل حواراتي مع الله لم اكن اسمع اي مقاطعة،كانت الساعات كلها لي ،كما انني بكيت دون حرج ولم اخجل ابداً من الحديث عن مشاعري له ،لقد تكلمت كثيراً ولم اسمع صوتاً يأمرني بالسكوت ،كنت اشعر بالهدوء وكل الفوضى التي بداخلي كان يرتبها

گملت‌متاجاتي نمت رغم ضوه الشمس بعيني لان هاي طبيعة غفران من تكعدني

فتحت عيوني گالت

-یله گومي نتريك ماما كاعده وحدهااااا وصايجه كلش

-ليش ضايجه

-المشاكل هووواي حقهاااا

كمت رحنه انه وغفران جهزنه الريوك
اجبان وچاي رحنه الماما خطيه گلت اول لگمه

اتصل عمي زهیر رفعت ماما الموبایل علت المایکرفون كلها

-ام احمد خیتي موووو انه اريد اتفاهم وياچ ليشش رجلچ طردنه ترضيها

ردت

-ماأابينا اي تفاهم يبن امي وابوي يجي ابو علي عود تتفاهم أنت ويااه

-مووو انه اخووچ

-اخووي وتتتهجم على بيتي وانه ستوني
فاگدتلي شاب يسوى الدنيا ورجلي رراح يموت قهررر عليه لااااحترمتو مصابه ولا حترمتو عمره وليهين زوجي ماليه كلمه وياه ولااااا سلام

غلقت الموبايل بوجه عصبيه

لزمت ايد ماما امسحها كتلهاا

-گله مني مووو ماما

-لااااا حبيبتي ابوچ وعمامچ من زمان یتصرفون غلط

بقينا وحدنا اني وماما"وغفران الولد بلمدرسه..واحمد الچبیر كمل أعزاله كامل

ساعه مرت على المكالمه اندك باب بيتنه واندفع حيل ..

دخلو علينا ابوي وعمي زهير ...چنت کاعده بلكاع ردت أگوم خااایفه اجی علیه عمي زهیر دنج مد ايده يعت ویجر بيه من ایدی وردني ويغلط عليه

-چلبه حقیره كپگومي وللللچ مالچ ظله هنا گووومييي

أريد افلت منه جر ایدی منه وهو یجرنی
سحلني بطرمه سحله قویه

وانه اتوسل بیه واگله

-لااااااااا عمي فدووووووه الك خاااااالي يززعل مااروح ماااااروح

ماما ماقبلت عليه گامت گوه لزمت ایدي
جر بيه منه.وتصيح وتصرخ عليهم

-طلعوووو ولك زهييييييير يلظالم اطلع
من بيتي اطلللع كسرت ايد البنيه ولك ابو رااااامي بنتك راااح تتكسر ايدهاااا تعال

مااحس اله ابوي اجى فرحت گلت راح یساعدني ثاري اجى يساعد عمي بس الفرق ماسحبني مم ايدي

لزم كصيبتي لفها على ايده حییییيييیل وسحلني من شعري

كمت ابچي من الوجع واشهك احس راسي تملخ بيد ابوي....صحت من الوجع

-ماااااااااروح ویااااااکم فدوه انتم هنانه وتگتلون بیه بویه فدووووه مااروح فدوه الله يخليك بوووويه والله شعري يوجع
بوووويه عووف كصيبتي بوووووويه

ادير بعيني و اتنوع احنا تلاث نسوان

وهم‌اثنین رجال خشنه یجرجرون بیه صياحنا عالي غفران ركضت علينه گامت تحجي وتجر شعري من ابويه وتگله

-وووولکم لو بیگم رجال وزلمه من صدگ انتم حتی ماتتعدون علی نسوان

عمي زهییر صاح علیها

-عفرااااااان لمي السانچ واذا مسگتي
اكوم امدچ آمدود بلگااااااااااع وکسرچ آمكان عقيله

صارت بوجهه وكفت گباله وتخزرر

-علوووووووووات أاأاني اريدك تسويها
وارید اشوفك مجرد ترفع ايدك ياخالي علمود هذاااااااااااامركز مال شرطه يمنا
أروح الهم واشكي عليكم وااااااعرف شسوي بيك لأن ابويه ويااااااايه وبجانبي

وشوووف يازهيررررر ماااااسكتلك لو مو تصييييييير خالي لان تعرف انه منووزز
أني الزلمه الرابع الأبو علي

ماكو رجال يدنالي ولاااااااا حتى يطخني لان مو بگدي انتم ولاااااااا تگدرولي اته بنت ابوووو علي زلمه خلى بنته قويه وتحط اصابعهااا بعين أگبرررر نذللللل

صفنو عليها ماجاوزوا وياها يخافون من خالي لان يعرفون غفران عزيزه عنده

أبوي جر عمي كله..

-لا تحط راسك وياها ابوها ميسگت عن حگها ويمددنه مدود هي واخوها الچبیر وابوهاویکاومونا ویشرشرونا علی آلحبل...
اخووهاااا احمد یفطسك عوووفهاااااا

تقربت غفران من عمي زهييير كالت اله

-اسمع كلام أخوك...نشرشرك علحبل
ابوي واخوي ميسكتون عن حقي..يازهير

يعني خلي گدرتك على الي ابوها بنفسه
ذل بنته خلي گدرتك على الي ابوهااااا يهينها ويخلي الناس تضربهاااااااا وخلاها ياهو ألچان يجي يتحكم بيها خلي كدرتك على اليتيمة اب وابوها عايييش
الله لااااااایسامحگم
لو بابا هنا ماچان گدرتووو هیچ اضربوهاا
ولاااااسوون هييييييييييييچ

ابوي ولاچن یسمع کلامها بقیت آمچلبه بآأمي ماريد أروح ابچي وامي مچلبه بيه.

أجا عمي دفع ماما طاحت بلكاع
شاطت روحي وراها واني ادري بيها مريضه ومو حمل هيج مصايب.

غفران القويه نصت عليها تبچي تكومها وتمسح بوجهه ماكدرت ماما تگوم لان الطیحه قویه هدت ماما ایدي وبقت بلگاع تتلوی غفران کعدت یمها تبچي

ابوي هد كصيبي ستغليت الوگت دنجت علی ماما ست راسها ولان خفت عليهاا وخاف ياذوها...شبكتها

-ماما شلوونچ متوجعه احچييي ماما كوه تحچي درت وجهي على ابوي وعمي

وكتلهم

-بويه عمي أروح وياگم امي مريضه گافي
وحتى غفران مريضه الله يخليكم كاااافي
حضنت امي وكمت ابچي كلت الغفران
.
-خیتي عينچ علی ماما...

اتنوعلها تخربطت کلش

ومن ابقی تشوفني ابصرخ تموت من القهر وهمه خوانها قابل تشتكي عليهم

غفران..گامت متعصبه مقبلت اروح عافت ماما اجتني

-شنووززو ترووووحين ولچ معليچ بماما
هسه اطلع والم امه محمد عليهم
متروحين ابقي هسه ماما صير زينه

رایحه البس عبایتي وروح اشكتي عليهم
رايحه المركز الشرررطه

اجت تروح لزمت ايدهااا
حضنتها حيييل

-غفران ماما تعبانه مالها خلك قهر فوك قهرهاااا حبابه وانتي گلیتچ تعبانه فد مره
أروح ویاهم الیوم ومن يجي خالي من السفرررر بعد چم یووم هو يرجعني ..

-ووولچ یاذووووچ عقیله لااااا ترحییین‌
بااعي خدچ‌ بیه دم من طك ابوووچ هاي وانتي هناااانه بيت بابا هناااك شيسوون بيچ عقیله

-غفورره روحي الماما تخربطت رووحي

اثنينه نحچي ونبچي خفت على امي لا يصير بيها شي..

جاي اروح للهول صاح عمي

-ووووين تعااااي

-هسسسه بس أعبايتي والبوشي دخلت چانن علی القنفه لان اليبح دخلتهم من الحبلا قبل لااا اتريك لبستهم وطلعت
دنجت بست راس ماما وايدها مچلبه بیه

تحچي بوجع وضغطها صاعد

گتلها

-ماما خالي يرجعني لاااتتخافين عليه

ردت

-مووو ياذوچ ویطگوچ

-قابل اول مره یا ماما ‌صاحت بصوت تعبان

-لاااا ااا لا ااا ترحين لااا ترحين

بس غفران من خدها رحت وياهم همزين لبست بوشي لان دموعي ماسكتت

اول ما ركبن السياره ابویه هو یسوق
وعمي بصدر وانه ورى تحركت السياره

التفت عمي عليه يغلط ويغلط ويعيط

-ووووولچ مطيه الناس ذبوچ ذبت الچلب
لیش مچلبه بیهم عود ابنهم دكتور وذااا
يااحقييييره ادبسززز مطييه چلبه

عودد لان آغنياء وذاااا اهم شي كرامتچ وذا دكتور وذا غني حقييييره بس صبرچ
خاااف خالچ دلعچ انه اربیچ

سگتت ماحچیت شي لان ابويه سنده گله

-انااااا صوچي الخاطرر الحجي ابو كامل الله يرحمه لان احبه احترمت قراره

رد عمي عليه

-هوووو محد خربك غيررر حبك الناجيه

صاح ابوي بيه

-گووول الله یرحمهاااا

-عمي الله يرحمهاااا بس شفت وين وصلنه بسببك چان هسه مزوجه یاسیین

سكتت وعمي يدردم وکفت السیاره..نزلت
صار بوجهي بيت سميره... بيت ابوي..

يعني رجعت للمربع الاسود للذكريات السوده ،للجوع،للعطش،للقهر،للضرب

أقسى شي هو ان الانسان يرجع ألمكان
ماشاف بي اي خير شاف بيه ألم،وذله
كل مگان بهذا البيت اني باچيه بيه من الگتل ومن الجوع" ومن السب والغلط

گل مگان بیه یشهد انه اصرخ واعیط لان سمیره تچوي ايدي بسچینه اذا نجحت ولدها رسبووو

هنا باب البيت گتلتني بصونده على رجلي
بحيث يومين اعرج
أيام سوده عشتهن بیه شكد اكره البيت
طفولتي بيه سوده كيف هسه راح اعيش بيه وانه چبیره

دخلت للبیت بطرمه وتذكرت‌هنا چانت تعاقبني هنا چانت آتجويني بسجينه
هنا حرگت ايدي

هنا وكفتني حافيه بشمس ورجلي تحترك
لان الگاع صبابه آدموعي مسكتن بس لان بوشی مامبین رآاسن كطع صفنتي صارت بوجهي سميره تهز بيدها ...

هینفسها ممتتغيره نفس الظلم والكبر بس سمنانه وطك بعلچها... ادگل لابوي

- هااااااااااااااااااااااااااااا جبتها يحظي...
غمضت عيوني منها
ابنها ألچبير رامي تنوعتله...مزوج
رامي اشكد أنكتلت بسببه....صاحت سميره

-كتلك أبو رامي...بنت ناجيه ماوراها بس الضيم والقهرر ام بوشي ام بلاااااوي
رح تكسر ركابينا وطيح شرفنه

تحچي وتمشي صوبي تقربت عليه مااحس ومدري اشلون اله شالت البوشي من وجهي و رفعت ايدها؟

‏" تهون جميع الابتلاءات عند مُصيبة الأمام..عندصبر زينب
صغيرة أحَزان الدُنيا و إن صُعبت جميعها
لانها بعين الله .. فَ زينب التي
رأت عُظم المُصاب قالت : ما رأيت إلا جميلا"

فا السلام على من بقيت وحيدة بلا ناصر ولا معين مع الأرامل و اليتامى ..
السلام على جبل الصبر الحوراء زينب

#يتبع
.......