عشق المومنين(أبناء الساده)

البارت الخامس

...كل عام وانتم بخير...
...نازك الحمراني.....
...عشق المؤمنين... ..

عقیله.....

"يا الله ، لستُ إلا كائنًا صغيرًا على هذه الأرض ، خسارته لا تحدث شرخًا بالعالم ، وأحزانه لا تكسف بالشمس ، لكنك تعرف كيف تنطوي في قلبه الحياة ، وحدك الذي تعلم أنه كم من الوقت الطويل الذي مر على إنطفاء النور في قلبي وبهتان الحياة في عيني ، وهربي من كل شيء حتى من نفسي ، فأعدني إلى نفسي ، وأعد كل ما فقدته إلي واستجب مني دعائي يا الله فأنت تعلم أنه نجاتي.

شفت جدو كوه يجر نفس وكف يمه خالي يبچي عرفنه هو وصل مرحله(الاحتضار)

خالي يبچي كعد يمه باس ايده يحاچي

-هاااااا بويه ناوي تروح وتعوف الحمل عليه مو تعبت من ذاك الوكت الهذا لوكت
والمقويني انت ليش وعقيله موكلت ماااتعوفها اله انت مرتاح

جاوب جدي بصعوبه وعيونه الي

-طمأنيت اعليها بويه طمئنيت كلشششش وگتلکم مااموت اله وانه مطمئن

-شتقصد يبووويه

-خافن اموت وصیتي امانه بركبتك انت
عينك انت وخوتك الثنين على عقيله..
عقيله أمانتي عدكم تلاثتنكم خصوص انت
وهمين ماتزوجها الاي احد لان عقيله بعد صارت چنة الساده.أني نطيتها الهم..

جاوب خالي

-ياساده قصدك بيت سيد باقر زين والمن ومنو الخطبهااا

-خطبها سيد باقر الحفيده سيد مهدي

چنت واگفه ابچی علی جدي وهو يوصي بيع ماعرفت شنو يقصد چنة الساده
زين وشوكت"وليش

گتله بقهررر

-جدي فدوووه لاااتحچی خلینه نروح للمستشفی

تناوع الیه وعیونه ادمع

-لااااااه یابعد جدچ الروح هذا حدهااااا

دنيت عليه نمت على صدره ابچي

-لااااااادكولهاا جدووو فدوه الك اضيع والله اضيييع لاااااتعوفني الله يخليك جدوو خالوو يريد يكومك ساعده خلينه
نرووووح يله جدو

ايده چانت علی راسی طاحت وسبلهااااا
رفعت راسي واشوف خالي يبچي وجدو عيونه مفتوحه

صرخت واجت ماما عمتي على صوتي وغفراااان بچینه صرخت واصرخ البارحه انه ویاه بلیل نسولف وصلینه التمو الناس واخذو جدو من بين ايدي

اخذو الحنان كله اخذوه وخو اخر كلمه كالها عقيله،اخر حجيه يوصي بيه ااااخ ياااااجدووو

غفران شبكتني تبجي ويايه من هل لحظه شي ونكسر داخلي.چان جدي هو الحنان
"والآمان"الیه....

سووو الفاتحه رغم الكل تبجي اله انه اشهك واتنفس بچي مااعرف یجوز اکثر وحده تآثرت بوفاة جدو آني حتى اكثر من خوالي...الي هم ولده

الاول مره احس بطعم اليتم،الاول مره االدنيا ضيكت بعيني خلصت الفاتحه
وانه معتكفه بغرفة جدي ماطلعت منها

اخلصها بچي وعياط حتى غفران"وماما حاولن يصبرني مكدرن

الي بيه مو اعتراض على حكم الله...
البيه حزن"فقد"ضياع بس أني احسه هل ضياع لان حتى بيوم الي يعالج..يحتضر
أني الليل كله متمدده يمه...وحاضنته...
والصبح تركني وحدي...

مرت أيام من الفاتحه ويوم أطول من يوم..أمرار اكول...خاف أضيع بعد جدي...
وأمرار أكول لا...عندي ماما وزوجها..الي هو خالي..
اخوي علي...
غفران..
أشلون أضيع...
إنتبهت على نفسي اني وصلت مرحله "التذمر" القنوط...لا ابد ماقنط لأن عندي الله..

طلعت كتاب...الصحيفه السجاديه...
هذا الكتاب...دائما من اضيق بيه السبل...
اقرالي دعاء منه...
ارتاح نفسيآ...لأن احس جزعت"
على وفاة جدي..وحزنت ...ماارید شی یخلیني حزينه بس من اعصي الله...احزن
فتحت الكتاب ..وانا اقراء

"أَسْأَلُكَ اللَّهُمَّ بِالْمَخْزونِ مِنْ أَسْمائِكَ، وَبِمَا وَارتْهُ الْحُجُبُ مِنْ بَهَائِكَ، إلاَّ رَحِمْتَ هذِهِ النَّفْسَ الْجَزُوعَةَ، وَهَذِهِ الرِّمَّةَ الْهَلُوعَةَ، الَّتِي لاَ تَسْتَطِيعُ حَرَّ شَمْسِكَ، فَكَيْفَ تَسْتَطِيعُ حَرَّ نارِكَ؟
وَالَّتِي لاَ تَسْتَطِيعُ صَوْتَ رَعْدِكَ، فَكَيْفَ تَسْتَطِيعُ صَوْتَ غَضَبِكَ؟ فَارْحَمْنِي اللَّهُمَّ فَإنِّي امْرُؤٌ حَقِيرٌ، وَخَطَرِي يَسِيرٌ"

جاي اكمل..بقية الدعاء
دخل أخوي علي...الي كل يوم..
يريد يطلعني من حزني..كعد يمي...
وساند وجه بأيده...سديت الكتاب...

-وتالي خويه..ترى الراح مو بس جدچ..
جدنا كلنا...

طلع ورقه من جيبه.. .كالي..

-هاي أني كتبتها..بخطي...
بس هي كلام جدي...
يلقني واني اكتب...
من چنتي ترحين للمدرسه

-مال شنو يخوي

-من تقرينها عود تفهمين هاااااا ومازال
من خلصت الفاتحه مال جدي واليوم السابع لازم اكلچ شی

-شدگلي علي ثوب جدي ماانطيكم ياه
خليني حاضنه ثوب جدي وابچي...

-لاااااا مجاي على الثوب بس جدي .چان یوصی بزواجچ .من الساده

-انه یازواج علی انه بهل ايام الي ورى وفاته جدو ختمة القرأن له وصليت نيابه عنه..بعدني احس ماموفيه حقه...

-ووولچ قابل ازوجچ هسه دقری الرساله

نهض علي باس راسي ونطاني الورقه.

-أقريها زين....وراچ دوام..باچر آول یوم الچ بلجامعه..

طلع وهو یسد الباب..
واني فتحت الورقه..مكتوب..

-بنت الغاليه...اني نطيتچ الناس تخاف الله..
ناس تعرف حق الله...ولي يعرف حق الله..
يخاف يغضبه...

أن بقيت عايش أني أزوجچ‌ بآیدي جهزچ
وسویلچ آحلى عرس..
وأن متت...ورحت عند غفور رحيم
عمتچ آم آحمد..وخالچ"والدچ..
لآن الکل یدري سید مهدي خطبچ وقرینا الفاتحه واني نطيتهم وعد للساده
ماأريدچ..تبچبن‌ علیه ..ولا تحزنین..
وهاي وصية...لازم تطبق.
وهسه هو مثابة زوجج...لأن قرينا الفاتحه
وحددنا المهر..
حضنت الورقه....واني ابچي
أخر هم جدي ..ولأول اني..
شلون مااحزن عليه

بدات أصفُّ شدة رغبتي بالبُكاء وبأنّ الأيام تمرُّ‌ ‏بطريقةٌ قاسية لا أستطيع التعايش معها وتقبُلها.

لکن آتذكر سيدتي زينب عليها السلام و قدرتها الهائلة على الصبر تجعل الناس أحياناً يظنون أنها جبل المصائب رغم حزنها لكنها قويه و أي حُزن الذي سيخيم '
عى قلب سيدتي زينب فهي فارقت الجمع
فراق الإخوة ، فراق الأبناء ، فراق العشيرة وفراق العز والدلال

........................
غفران///

منذ أن كنتُ في القماطِ رضيعاً
ليَ حُبُّ الحسينِ قد كانَ مهدا
أرضعَتني أمّي حروفَ "حُسينٍ"
فتجارتْ بين الشرايينِ شهدا

كبرت بيت أهلي وأعرف أنو مو بس انه البنيه بلعائله عندي اخت اسمها عقيله
أختي الي چنا آني وياها على چربایه وحده أنام...
تالي عرفت هي بنت خالي بس هل شي مغير...حبي تجاهه بلعكس زاد واحلى شي ذكرياتنا سوه آتذكر من طفولتي وياها جنا نلعب بيت بيوت ونرتب ملاعيبنا.... وعدنا لعبه چبیرخ ولادیه
هي بمثابة زوجي عود سكير....
ولعاباتي الزغار تسعه هن بناتي
وعود حايره بالعيشه......وافكر ششتغل اعيش بناتي

وعقيله عود جارتي چان رجلها عطال
بس نايم وهي عدها مكينة خياطه..
تخيط وتعيش ولدها واني من ضوجتي اجي اسير عليها...

وابجي عدها وهي صبرني وأخلي علاكتي يمي...واكعد أسولف هستوني جايه من سوك وبلأخير اخذ لعابتها الچبیره..واشرد بيها هل لعابه الي شتراها جدي..الها

اخذها واشرد وهي تبچي عليها..
چانت احلی لعبه لعبتنا بس بیومها من آجی خالي ابو عقيله...أخذها کلشي تغير...
بقيت ابچي عليها أيام...وأيام واكعد باب الطرمه..بيدي العابه وأكول...هسه تجي...وانطيها الها برغم هاي لعبه عندي عشق وياها.. بس كلت من ترجع أنطيها الها...

وهي بنفس الوقت
طبيعتها هادئه...
ومو اجتماعيه وي الجهال بس ويايه
يعني برغم..عدنا قريبات بس هي..وياي تلعب واهلي كلش يخافون عليها....
خصوص ماما...
دائما يصيحون....عليه ألاجلها
أذكر جدي ..جدتي كلهم كلشي ولا واحد يجيسها
واني اضوج...اروح أعت بكصيبتها
ابسطها اكلهم ليش تحبوها اكثر مني...
واروح اختل بترك بورى بيتنا...
تجي صالحني ....وتبوسني...
نرجع نتحاضن...
ومترضه مامه تبسطني لان امي تبسط

برغم اذكر شغلات قليله..
بس من راحت... تمرضت عليها ...
مااذكر شلون تمرضت....
بس عرفت من ماما..انو أني تمرضت عليها

بس من رجعت حس روحي ردتلي
مااهتميت حتى لعيونها متاذيه...
اهم شي رجعتلي..اختي فرحت بجيتها وشبكتها واني أبچي..واصيح

-بعد ماتعوفيني...ورى ماصارت زينه
وطابت عيونها..
رجعنا لمكافشنا....هل مره مو علمود لعابه
ابچي...لا
أبجي لأن شعرها طويل...
لأن. هي ماتكص شعرها....ومعتنيه بيه...

أما اني..فچنت آکصه....
فچنت آتعارك وياها وأصيح..بس مو بخباثه
فماما كلشي ولا صوت عالي...تجي تبسطني وعقيله خطيه تحرمص لأمي..
علمود متبسطني...
واني اظل اصيح ليش هي شعرها طويل
واني كصير ابجي..
واشوف البيت يضحكون عليه...

بعدها كبرنا...وراحت هل اشياء....
وصارت مجرد ذكرى صرنا خوات گلب علی گلب وحده تشكي لثانيه...
وحده" بير" آسرار ثانيه

نصلي صلاة الليل سوه والمصايب من نرید آنسوي سوه
بس أكو اختلاف بشخصياتنا...

هي هادئه ومطيعه بحیث آذا أنغلط عليها
أو صار اي شي يصير مترد "وتسكت وتسامح ااناس....

اني اختلف عنها "وعن هدوئها...
عنوديه ولي يسحك على طرفي ماسكتله
هي متقبل فاسمي اني وياها مختلفين

حتى مره من المرأت أجاوزت عليها قريبتنا....سكتت

برغم اني أزغر منها بتلث سنوات....
اجرها من ايدها وأكلها

-لاسكتين عقيله هاي ناس تاكلج متتناقش حتى لو هي ماراضيه....
فأني ارد واتعارك وياه...
أظل تنطيني حجج وتبري موقف الناس....
بس ابقى اني مااقتنع بسكوتها..
فاسمي ادافع عنها كدام ناس...
الكل بقى ميعاركها....لأن اني ادافعلها

بس نبقى بينا نتكافش كل يوم....

اتعجب على خجلها..
خجوله الدرجه....
بس من نروح للزياره....وخصوص امير المؤمنين

دائما تدخل من الباب وبيدها كتاب زياره وياها وتسوي الاعمال بصوت عالي حنين
الكل يسمعه...الحد ماتكعد يم الشباك
وتكوم تدعي بصوت عالي حزين
النسوان كلها تلتم عليها ...
لان صوت يجنن وحنين يبجي..

چانت بسادس واني بلخامس ادبي...
شاركت بدوره مال قرأن. وفازت بلحفظ والقرائه...
العتبه الحسينيه....كرمتها بهديه...قرأن
وصار هذا القرأن...مرافقها وين متروح..
ومن تمرض جدي اجوي خطبوها ناس ساده..
يصيرون أصدقاء جدي....
وعلى ساس من يطيب جدو يخطبوها...
بس جدي اتوفى وبعد وفاة جدي....تأجل الموضوع....
وهي صارت جامعه...واني سادس أدبي..
وچنت من آطلع...آتصیر طلعتي وي جارنا...ولد هم بلجامعه

طول فترة السادس اشوفه
.بس عمري مامنتبهه على شكله...
لأن اعرف هل شي حرام انو اتناوع اله
بس أنتبهت على لفكس مالته مكتوب باطاره كلمه استغفر الله اتناوع للكلمه
واستغفر وادنج.
الحد مانجحت من السادس..
وصار دخولي للجامعه قسم تاريخ...
وبدخولي للجامعه فرحانه صار بوجهي
نفس الولد ابو الفكس دنجت بسرعه..

وهم ماشفت شكله زين..
مااريد احصلي ذنب الأي سبب
لأن اني وعقيله....مشينا على خطوات ماما،وخلق ماما ودين ماما

بس همين عرفته من اللفكس الي بيه كلمة استغفر الله ورسم بقلم جاف

‏على المرء أن يمسك بعنان قلبه. لأنه إذا ما أطلقه فسرعان ما سيلعب بعقله".

........

وكأن الكون يعلم بعشقي..لكِ
وكأن الله يختبر حبي.....لكِ
فبعد أن كنت ناسك"متزهد
عن النظر...للقوارير..
اصبحت مذنب....حين نظرت
مذنب حين طالت نظرتي..
وسجل في صحيفتي..اعمالي
اني من العاصين..

.....سيد مهدي....
بیومها رحنا نخطب حفيدة حجي كامل عقیله چان گلبي مقبوض هاي أني...هيچ مستعجل...
اني الي كوه قنعت ازوج..زواج مؤقت...
زواج مؤقت بسبب موقف
ولو ما الموقف الي صرت بيه...ماأزوج مؤقت
فكيف هسه...
أفكر بزواج دائمي.....
شوفتي العقيله...
مثل شي وقلب توازني
رحنا البيت جدها ومنظر عيونها الزرق
متفارك عيوني..
برغم هي منزله الحجاب بشكل مبعثر....
بس هل الون الداخل عيونها "الفيروزي...
طلعني من ثوب الوقار..الي چنت عایش بیه
عراني لثوب المراهقه....
ما چنت آنظر الأي أنثى لأن احسب كل وحده
هي عرض وستر وحتى مااتحاسب قررت اخطبها بوقتها آخذنا موافقت جدها....

بس ألي اخذ لب العقل...صفاتها
هي مثلي..
تحفظ قرأن...بس أفضل
طلعت مستبشر...منتظر ناخذ موعد...
وكلي امل...انو جدو من يروح...يحدد الموعد..
تصير بعد الي...
وراها بيومين...
جدي راحلهم...وانه رحت للمكتبه اخذت كتاب نهج البلاغه...
لأن چان عندي مسابقه
احفظ الخطبه الشقشقيه.....لحتى القيها
ماكدرت اميز الكلمات....
لأن كل فكري يم جدي...الي راح وبطى...
بقيت كامش الكتاب....أقراء...ومااقراء

دخل جدي...واشوف جدي وجهه حزين...
سويت روحي مامهتم مااريد يكول عني مستخف...
لان مرتين يغزني بلحچي..
بس داخلي الف سؤال...والف استعجال

اني بطرف القنفه...وهو كعد بطرف البعيد عني
بيده سبحه...يسبح...واني مركز عليه...
بس مدنج طلع مشط من ثوبه...مشط لحيته صاح للعامله زنان...دخلت

-اي بابا سيد..تفضل يتنوعلي...ويحاچیها..

-بويه استكان چاي..ثخين اريد اشربه وانام

-صار بابا...
جدي بقى يلعب بأعصابي....ويتلاعب بخلكي
ونظراته الي..بضحكه
ضرب عكازته بلكاع..وهو يصيح الأمي..

-أم مهدي تعالي يمي بويه دخلت أمي وهي تكعد يمه اني طك وجهي دم من الاعصاب تنرفزت وتعصبت لان منتظر جواب بيت حجي كامل
...ظل يحچي وي امي...كلها

-تدرين أم مهدي..الساده الهواشم بيهم حاله أذا تعصبو...وحتى لو سوو روحهم هادئين...
رح يبين بيهم

ردت امي

-اشلون عمي...يبين

-أني اكلچ آشلون ام مهدي..اشر على مقدمة وجه
آهنا بجبهة الرجل الهاشمي يطك عرج الهواشم
يبين العصب....ويصير أزرك لونه..
مثل ابنچ مهدي...شوفي كصته اندار عليه...

-مهيدي...الناس قبلو نحجزها الك...وننتظر بس يطيب حجي ابو كامل..شوف شنسوي....
خليت الكتاب يمي...وطفرت بخطوه اسرع من گلبي
كعدت بكتر جدي..واني ابوس ايده

-اي مولاي..وشوكت نروح نخطبها...

-مهدي شبيك يابوي....الزلمه مريض..
ننتظر...اثكل ابني...
هاي انت ابو عقل الچبیر...

-والله جدي أخذته عقلي.. شسوي..

-لاسوي شي...ادعي ربك يتمم بخير...رفعت ايدي

-يارب....رن موبايل جدي....وهو يخابر تغير وجهه
باوعلي وجاوب

-مات حجي أبو كامل...كعدت وراسي بين رجلي
چنت آحسب یوم "یوم..آزوجها..
وآخذها الحضني...
تالي على حظي يتوفى جدها...

طلعت ضايج مخنوك من البيت وكل تفكيري بيهاااا بقيت اداوم بجامعتي...
محتار أشلون أشوفها....
بعد هي حلالي...الفاتحه وقرينها...
المهر وتحدد...
ماكو بعد نظره شرعيه...ولا ذنب
هي حلالي...

مر اشهر على وفاة حجي ابو كامل
بيومها كعدت يم جدي...الي چان یصفط ظروف..
ويخلي بيهن أفلوس...
كعدت ارتب وياه...واسجل بكل ظرف..
اسم عائله...متكفلها جدي...

كتله
-جدي رحمه الجدك...اشوكت نروح نخطب رسمي
اجتي امي...وهي تحسب ويانا الفلوس..
جر حسره....وهو بعيونه نظره...

-ابني من ادور السنه يله مايجوز عيب..

-مولاي ارجوك ..بس نعقد...بعدين نزوج..
والله تروح مني....

-شني تروح منك...قرينا فاتحتها...بعد هي مريتك
اشرت للوالده...تشاركني...كالت

-اي عمي مجرد عقد..الولد متشوفه عاشك
وعشك الساده أمر من المر...
نهض جدي وتركني وهو يستغفر...طلع من الصاله ونهضت وراه وصار بوجهي وهو يريد يدخل حچى بعصبيه

-مهيدي شوف مال زواج واني اعقدلك
ماكو تحلم اعقدلك وأنت ممتخرج
وعدت والدك...
آخليك تاخذ شهادتك أنت وأخوك
أتبيض وجهي ومن تتخرج أزوجها ألك..
مابقالك بس سنتين
هسه أنت مرحله رابعه....أركد وانا أبوك..
وجيب الشهاده وزوجك..

کلام جدي أذاني وخابت اظنوني ماينلام بيه انو اني متغير
لأن نفسي صرت مااحرز نفسي أشبيه..
سكتت لان مااريد اكسر برئيه

بقت الأيام تمشي واني كل يوم احبها أكثر
عقيله صارت الدعوه والحاجه بيني وبين الله
كل مااذكر كلام جدهاوهو يحچي عنها بفخر وكيف التزامها الديني ارفع ايدي بشكر لله وأدعي..

-يارب مكني أكون كفأ الها هيچ اتصير اليه...خلقه"اخلاق"کامله"والکامل الله

اکعد اتشکر الله..علی هل عطیه الثمینه
واکول لآن مالعبت بآعراض الناس... ظهرتلي عقيله

صارت العطله جيثوم ماترضى تخلص..
اطول عطله بحياتي لأن انتظرت تخلص حتى أشوف عقيله
عرفت هي اليوم دوامها رحت للجامعه مالتها دخلت واني أدور على ابن عمي...
الي يداوم مرحله رابعه....اتصلت عليه أجاني...

سئلته عن طلاب المرحله الأولى...
أخذني الولد صديقه...تسالمنا سئلته

-ممكن أدليني طلاب المرحله الأولى قسم عربي محتاج منهم شغله

جاوب

-اي اخويه هذيچ القاعه...بس ویاهم ابنیه قنبله صاكه..تموووووووت
بس كلش معقده عيونها زرك ايه ايه ايه من جمال ضجت من كلامه وهو يحچي مفردات ضحله ومندمج بلمدح بلامااعرف
انو عقيله أو غيرها طكت غيرتي الهاشميه
ونار براسي

لميت ياخته بأيدي..وكمشتها..

-ولك قسم باالله أن ماسكتت وأنت تحچي بأعرا الناس يمي أطمك بحفره
ناقص شرف ترضاها واحد يحچي
بعرضك هيچ.....احب لآخیك ماتحب لنفسك

جرني ابن عمي
والولد بقى مصدوم وابن عمي يجر بيه
ودي أكتله...بس نداريت له...كتله

-وين حرمة الناس..نعدمت عدكم الغيره

واني احچي عليه..
وتوقف كلشي حواليها

شفتها اكبالي تتمشى بهداوه وقار،وحشمه وكفت ماكملت طريقي..رجليه ماتحركت

اتناوع الها شلون ألعبايه ذابه نفسها على جسمها مطیتها جمال فوك جمالها....
هي قمر والعبايه الليل..
اوصفها بلقمر أظلمها

ايدي خليتها على گلبي الي يدك حيل...
وجهي نار أريد اشيل عيني
عيني ماترضى
لمسات عل چتفي صحتني ايد ابن عمي ...گال

-بس لا هاي الورده بوسط البنات...
ولك تشحط.........
حروره صعدت براسي..اکثرررر شسالفه گلهاااا تتغزل
انداريت عليه....بخزره وعيوني حارات صارن

-أتوكل باالله ولا توكف جدامي..لوغيرك حچاها
چان عرفت آدباري وياه..
دنج راسه...وهو حاس على روحه

-سيد مهدي...مامتقصد..بلعافيه عليك
أبتعد مني
واني أتامل هل حوريه...الي كعدت عل مسطب ومن العبايه مبين نحت جسمها..

واشوف صديقتها واكفه مقابيلها ياربي شلون تبتسم هنا گلبي محترك...بغيره..
اشلون تحرك اشفايفه...وشلون مايله راسها وتحچي وي صديقتها بهدوء
...زاد بغيرتي عليها.
والهوى يصد ويلاعب عبايتها...
فاض الكيل...واني متعصب هاي زوجتي
شنو واکف بعید...لازم انبهه علی کعدتها

كعدت تخرج العابد من محرابه

"قلبي انتي أحتللتي جسدي ،تلاعبت عيناكِ على أعصابي ،تراقصت رموشكِ فوق دماغي." قارورتي أنتي

مشيت خطوات بطيئه عليها ايدي بجيب الستره أقتربت منها على المسطب هي كاعده...اني بوراها غمضت عيوني احاول
أحافظ على البركان داخلي وانه احچي

گتلها بلا مقدمات وهي مطيتني ظهرها

-السلام عليكم أني مهدي الهاشمي
.ماتعرفيني
بس اني أعرفچ...ممکن احچي ویاچ..علی نفراد

......‌...
لحد یتكلم عن زواج المتعه بلا مايعرف شروطه واحكامه،وقوانينه،ردت اكتبلكم بس حفاظ على تسلسل الاحداث ماكتبت
هسه اكتب تالي،كيف يكون،وشنو شروطه

ولحد يتفلسف ويكول حرام لأن الافتاء بغير علم ذنب عظيم وانه مجاي اشجع على زواج المتعه،لان انه امراه حالي حال أي امرأه تكره تعدد الزوجات وتكره زواج المتعه،او المسيار،او السري،اوي نوع اخر

لكن اكو من جاي يحجي عن المتعه لأن يعتبر مساله دينيه مثيره للجدل ولأن في فتره من الفترات درست الفقه مقارن..
حكون انشاء الله موضحه الكم كولشي
يعني اوضحه حسب السنه وللشيعه...