عشق المومنين(أبناء الساده)

البارت الرابع

♥️عشق المؤمنين♥️

الجزء الرابع

💙مسائكم رحمه💙

....نازك الحمراني...

" اللهم يا مسهل الشديد و يا ملين الحديد و يا منجز الوعيد ويا من هو كل يوم في أمر جديد ، أخرجني من حلق الضيق الى أوسع الطريق بك أدفع عن نفسي ما لا أطيق ولا حول ولا قوة الا بالله العلي العظيم.. "

صرخت وانه ادعي بهذا الدعاء وهز بجسم جدو

-جدووووو....

اجو خالي نقلنا للمستشفى وجتني غفران تصبر عليه گالت

-گولي ياالله

-ياالله...بس غفران محد بقالي تدرين من أخذني خالي اعالج عيوني...
بقيت بحضن جدو بحضنكم عشت احلى ايام عمري...بين حنان جدو وطيب ومحن وعمتي وخالي
ولأاحلى انتم أخواني برضاعه صرتو خواني

وجدو كلشي اريد يسويلي حتى كل فتره ياخذني للزياره..
وشوكت مااكله يفرفرني
ياخذني المدينة الألعاب....
مثل طفله...رجع يباريني يدللني

غفران الدلال الي بحضن جدو...هو من لطف الله..
جدي صارلي الحصن الحصين...
نبع الحنان...
حتى من أسهر على الدراسه يخاف عليه...
من أذكر جدتي وابچي...
يحضني...ويكلي..

-لاتبچین...اني موجود...
ليش يصير بجدو هيج وهو يحبني

-انشتء الله يطيب وماعليه شي لاتفاولي

حضنتها وبقينا نبجي رجع خالي وهو مقهور ومن هل لحظه بدينه ناخذ جدو من طبيب الطبيب متحنت الخامس شون ماچان وهنا جدو بدی یتعب شکد چان طموحي اطلع معدل مكدرت لان جدو تأزم صارت اصعب مرحله عندي هي الصف السادس أدبي لان هنا
بدا صحته تضعف اي اكل ياكله يتقيئها...
اخذنا للطبيب....
تحاليل وسونارات...ماكو شي..
بدا ينحل...يضعف"تعلعل...
ومحد وكف على علته...ساعه يكولون قولون..
ساعه قرحه....
الحد بعد عدت تحاليل....
طلع بيه الخبيث....وهنا الصدمه دمرتني صرت ادرس منا واباري منا وقرر الدكتور جلسات كيمياوي وهو ضعيف كلش

صرت اروح اني وياه أثناء علاج أبرة الكيماوي

اكعد يمه على الچربایه اتلمس ایده وهو یتوجع‌ ویستغفر

حتى الاطباء انقهرو عليه لان من يصيح من الوجع صياح كله لاحول ولاقوه الا باالله..فبقو يضربونه خمسه سيسي...كل سيسي يبقى ساعات
لحتى يتحمل...الألم ابچي من الكاه غافي
ومن يكعد ابقى اسولف وياه
لان جدي ذبل كدام عيني....مثل ورقه صفره بفصل الخريف
واني مابيدي....بس الدعاء

وعلمود جدي قررت أترك السادس وأبقى يمه لكن هو رفض گلي
من‌سمع نقاشي ويه ماما عمتي

-لااااااااا ابد ابد أنت بنيتي الغاليه
...شهادتچ اسلاحچ لاااااتتركين السادس
بنت ناجيه الغاليه دراستج اهم لاتخليني اضوج منچ

كال هل كلمه وتخربط
تخربط جدو وهنا نقلناه للمستشفى خلوله مغذي صار احسن طلعنا انه وخالي قاسم
من المستشفی على مسؤليتنه

مر يومين على وضع جدي مامستقر...
الوجع العنده تعبه...وهو يتألم صاحبه سيد باقر ماتركه كل يوم يجي يشوفه

وانه اكعد مبتعده‌‌ منهم اقرا قرأن واشوفه مرتاح من يجي سيد باقر
جدي الي دللني....مريض
الي أحتواني مثل الأب.....المرض يمشي بجسمه

أدعي رب العالمين يحفظه ألي....وبنفس الوقت
أشوف متألم..
بعد ميفيد وياه العلاج...
لأن المرض والوجع...حرمه من الأكل
أكل آعضائه الداخليه ادمرت بسبب الگیمیاوي

والسرطان انتشر بجسمه سوه عنده عجز
كلوي..الوجع التوجعه جدي ماتوجعه شخص..كل جسمه صار عباره عن الم ماكو شي بجسمه صاحي

صدك اريده يعيش بس شوفه يتلوى وهو يكلي روحي للدوام عقيله روووحي

أروح للمدرسه....وأرجع مباشره للغرفه مالته...
أشوفه شنو يحتاج...
برغم أبنه الي هو خالي أبو أحمد......
وبرغم عمتي أم أحمد"وغفران وكل البيت....
محد مقصر وياه...
بس يحتاجني ألي أكثر...

بليل كعدت أتوضاء...كملت الوضوء
حضرت عدة العشق الألهي
فرشت السجاده...
خليت السبحه"التربه"يمي القرأن
"ومفاتيح الجنان
وستعديت الصلاة الليل....
دخلت العالم الرحمه..العالم العشق المريح
ماأعرف أوصف نفسي...من أختلي بهل الصلاة
انسى هموم الدنيا كلها...واسشعر الروحيه الألهيه والروحانيه

الكل بهل وقت نايم...الا العاشقين للرحمن
الكل هسه يتحلم....اله المتقربين لله.
الكل يفكر بهمه.... اله المتوكلين على الله..

كملت صلاة اليل أذن الفجر وهنانه ختمت صلاتي
شلت عدة العشق الألهي...
وساعدت جدي يصلي...واني اسنده بركوع"وسجود كمل صلاته عدلت كعدته

رحت للمطبخ حضرتله الريوك وجبت الصوبه دخلتها للغرفه يمه خليت الخبزه على الصوبه لحتى أتكسب..
هو يحب هيچ یاکلهااا

اكل لكمه والوجع موته بس يتحمل علمود العلاج مد ايده الجيب ثوبه طلع المحفظه مالته الي بيها الصوره...
وبيده يمسح بلوجوه....وهو يستغفر بضيق صدر

-شوفي عقيله حچيتلچ قصة أثنين من بزري بعد أثنين...كمت واني أكعد يمه

-خاف تعبان جدو موبلزوم..بلا مايعقب على سؤالي..كال

-بعد كامل أبني العود الله يرحمه الي استشهد وعمره أربعه وعشرين سنه...
وأخته ناجيه عمرها أثمنطعش سنه
شوفي هذا
الولد ألي لابس ثوب بازه هذا أبني....سلام چان یداوم معهد فنون الجمیله
ثاني مرحله شوفي عيونه شلون زرگه شلون حلو

سلام ابني عشك أبنيه وياه من بغداد
قررنا اني وامه نخطبها له بس بحرب الواحد وتسعين چان مأجر هو وجماعته بيت... من صارت الضربه مال بوش رجع
من بغداد حتى يجينا لان خاف على امه
الامريكان قصفو السياره الي جاي بيها
واستشهد.. وهو زغير بعده مامزوج

چانت عنده آمنیات هواي منها یصیر اشهر رسام
ویاخذ الحرمه العشكها..ويسافرون لأن هيه نحاته،ورسامه
چان سلام یسولفنا الي ولأمه عن حلمه....
وعیونه تلمع...افرح من اشوف حبه الهة
وشلون لمعت الحب حلوه
ماعرفت هاي المعة لمعة موت..

عنده ثقه یتحقق حلمه‌بس مایدري انو القدر ما یتآمن ولا عنده ثقه...
آحلی شي بسلام الله يرحمه...دائما چان یلبس قبعة الرسامين....
بس؟؟؟

سلام وأحلامه"موهبته وحتى "گلبي"
وگلب آمه جوه...التراب

ظل صافن جدي..نفس صفنته على فراغ..
مثل يذكرله شي وظهر كدامه
عيونه أنترسن دموع....وهن ينزلن على خده المتعرج
خده الي أنحت بتجاعيد الزمن ...وطول العمر...
وحزن الدهر
جريت أيده...بستها..

-كافي جدو أرتاح...چن مایسمعني شگول اله ولا یسمع

رجع گال واشر بصبعه

-وهذا الي لابس بجامه وعريان صدره
هذا أبني حسام‌ هذا ورد البیت مالتنه لأن صلى صلاة الجمعه مدري ليش
وشنو امسويه..
المهم هو يشتغل ممرض...وي دكتور سيد جعفر

-سید جعفر منو

-ابن سید باقر...خالچ سلام صویحب سید جعفر الروح بروح أبن سيد باقر الي شفنا بلنجف تذكري...

-اي جدو تذكرته.. الي لابس غتره وثوب اسود..
وكالك حفيده جاي يقرأءدعاء...تذكرته

-أي بنتي هو چانو آثنینهن...اصدقاء..
ابني أخذته الحكومه بسنة الثمانيه وتسعينوالحد هل وكت خبر ماكو منه.....
من صار السقوط....وطلعت القبور الجماعيه..
دورت بكل مكبره تطلع...
وبكل مكبره يكتشفوها....مالكيت خبر منه
راح سلام...
وراحت جثته...
وراح شبابه
وماتت أمه بحسرة خبره....واني مثلها
أموت بحسرة گبره....

مگدر جدو یگمل صاح بحرگه

-آااااااااخ ربي أااااااخ يااالله الفراك يوجع
ياربي راااااح اموت ومالاگي جثة وليدي
اااااااخ ياربي كل يوم ادفن بيدي بطل كل يوم ادفن واحد من بزري وچنت قانط
هسه اتمنی الگی جثة وليدي حتى ادفنه
اااااااخ ربي

هنا تخربط مره ثانيه عيونه صارن بيض صرخت حيل على خالو ركض خالي علينه ناخذه للمستشفى....
واني ماتركت الدعاء
ولساني بس يدعي اله بسلامه
دخت من كد البچي..

رحت للمستشفى وياهم وكعدت يم جدي نايم على چرباية المستشفى..شافني ابچي
اشرلي بيده اجي يمه...

-تعااااااي بنت الغاليه تعااااااي

تقربت منه دنجت شبگته بعدني وگال وعيونه الخوالي...

-مااوصيكم بلغاليه هاي العزيزه بنت خیتگم ناجیه یتیمه ودور علی المحنه

الدكتور تقرب من عدنا حچی ویه خوالي

گال بقهر وبهمس

-الحجي صار لسانه ثگیل بطلعو البیتگم
لأن مابيدنا شي..
اكتشفنا المرض متأخر ومنتشر بجسمه

جدي سمعه..حاول يكوم من نومته وهو يرد على دكتور بوقار وهیبه

-شوف دكتور روحي ماترضى تطلع
وترتاح
الا لمن أطمئن على حفيدتي‌اله من أمن اعليهااااا تعرف ليش لان ربك عااااااادل
ربك مو ظالم ويظلمها اله اسلمها للي يعرف قدرهااااا

بچیت علی حچی وگل احنه نبچي حتی
الدگتور گال

-سبحان الله رغم وجعه يحچي صدك زلم گبل ابطال

وفعلا جدي يفكر بيه برغم ماعاف احد من اجاه....الا يوصي بيه
وكلساع يكمش ايد خالي لو ماما...ويكلهم

-ديروا بالكم على عقيله ابو احمد عفيه بالك على بنيت اختك ناجيه هاااايه بنت الحنينه

وبقى جدي الناس التجي يوصيهم بيه
بس اني بيدي القرأن اقرأء السلامته
اجتني ماما

-يله عقيله خل روح رح يجي خالچ..
جاي نطلع من المستشفى....کام واحد من الکاعدین

-آني أوصلكم ماتأجرون سياره...جاوبته ماما..

-لا سيد مهدي أرتاح...جدك يحتاجك مايصير

رد بهدوء

-لاااااااااا خاله سيد باقر ميحتاجني أتوكلو اني همات طالع ویاکم ازتكم

برغم عرفت الصوت هذا...بس مو بالي
لان مقهوره على جدب

طلعنا وهو يتقدمنه فتح باب السياره ركبت وحاضنه القرأن على گلبي
اريد أصبر...واصبر نفسي بيه...
واني افگر...بجدي بعد هل عذاب الي عاشه
وحرمانه من أولاده....
الخبيث تعبه وهو ماترك سبحته...
ولا ترك شكره لله...ولا أستغفاره...

حتى خالي الزغير...تعصب أشوي منه ونتر بقهر وحزن

-هووووووووه كاااااااااااااااااافي الشهداء لنطيتهم ،وتعبك،وصبرك،وقهرك وفوكاها عاباك الله بهذا المرض شنو من مصيبه مااجت عليك شتستغفر يابويه مو تعبت

جاوبه جدب

-لااااااااااااا تگول هیچ ابني انه مربیتك لى الغلط الي اسوي انه أواسي أمير المؤمنين بيهم"عليه السلام ....أواسي الحسين...عليه السلام
عسى حالي....وشهدائي يخففن احزان أهل البيت عليهم السلام...

يسوق السيد ماما أسولف ويه السيد وهو يسولف ويجاوبها
...واني افكر بجدي
بصبره...
وبأيمانه...
وصلنا للبيت نزلت ركضت على الغفران تحاضنه
بچینا اثنینا

رحت للمطبح احضر شوربه الجدي حتى اروح اخذها اله...وهنا صاحتني غفران

-عقيله تعاااااااي جابو جدي فرحت وشفت الناس بدربونه شلون فرحانه خلصناها سوالف انه وياه وهنا الناس رجعت تجي وتروح على جدو
وحتى صديقه سيد باقر ماتركه كل يوم يجي يمه ويسولفون

ابيومها لفجر..واني أصلي يم جدي
كملت صلاتي جبت طاسه اله ساعدته يتوضى وساعدته بركوع...وسجود...رفع راسه للسما..وايده
وهو فرحان كلش...يدعي بفرح

-يااااااااااا ربي أشكرك يااااااربي اشكرك حاااااااااشاك تظلم هل يتيمه وعرفت راح تساعدهاااااا

يااارب اشكرك اخرت اجلي الحد ماطمنت على بنت بنيتي حمل ونشال عني هسه
وطمئنيت على الغاليه.

-شتقصد جدووو طمانت عليه

....
سيد مهدي

رؤيتك أيتها الحوريه ..
هو شرف لنفسي...
فكل مارأيته منك....
فتاة...تتدفق طهرآ زينبيآ
جمالها كضوء قمر وروعته...
فهل ستكوني حلالي السرمدي
سكن تجلب لي السعاده بما فيها..
لكيِ كل العمر....
وكل المنى
شكرا واكثر ايتها العفيفه...لأنكِ ستكوني..منزلي

من أول مره...شفتها هل ابنيه...
شي وتحرك بداخلي بيومها طلعنا أني واخوي مجتبى
وأبن عمي...حسن

رحنا الدار القرأن عدنا درس حفظ..
من طلعنا كل مره انه اسوق بس هل مره شمرت السويچ على أخوي مجتبى..گتله

-أنت سوق مالي خلك...كعدت ورى وأبن عمي عامر بصدر
واخوي يسوق....
واني بالي ساعه أفكر بيها وساعه أستغفر...
صاح أخوي بصوت...

-ها سيد مهدي عاشك؟؟..أظنك عاشك...
بس لا هاي المهندسه الي تزوجتها متعه...هیحبيتها..
ماجاوبتهم...لأن يعرفون اكره..اسولف بعراض الناس

اندار مجتبى عليه...

-شني خويه شجاك وصافن وين ضحكتك سوالفك
صدك عاشك...ههههه

گال عامر

-سید مهدي اذا عاشك لاتجي ويانه الدرس القرأن ههههههه

فطنت على كلامهم......اني أعشك واحب..
أو اصلآ سوالف الحب ماأمن بيها..
ومن يحچون جماعتي بلحب...ابقى بس أتنوع..

فكلت لا هيچ یجوز شي حلوه...
أو لأن شفتها تقرأء دعاء بصوت حزين...
واني احب هيج قرائه دعاء متقنته..
هواي عقلي يبرر القلبي...

رن الموبايل واشوف المتصل جدي باقر
...فتحته

-تفضل مولاي امر خدمه..اني هسه ويه مجتبى..وعامر عدنه درس قران هااااااا ترى باركلي..الجزء الأول حفظته بأمتياز
وبلشت بلثاني...واجاني شكر من العتبه الحسينيه
جاوبني بفرحه...وضيج

-مبارك أبني..بس أريدك بشغله...رفيجي حجي أبوكامل
رجع تخربط...رايح له...

-لا لا جدي لا تروح...عيب اجي وياك..انه قريب عليك
هسه عشر دقائق ويمك...غلقت الموبايل.

وكف السياره مجتبى .....وهو يحاچینی

-شنی سید مهدي تگله قریبین وچنت مابيك حيل تسوق وهسه وكفتنه بنص الطريق چا واحنا وين نولي

جاوب سيد عامر

-انطكها مشي شبيك والله تناوع اله شلون صافن ههههه

رد سيد مجتبى

-بعد اخوك ياعضيدي انت مو عازمنا نتعشی بلمطعم.....

جاوبتهم واجر السويچ

-آي بس هسه نزلو هنا...أريد أخذالسياره..
وانتم رجعو بتكسي..

نزلت وهم نزلو يتنوعولي خوي مجتبى
..گال

-بس هنا على الجسر رحمه الجدك هسه وين نلكى تكسي عاد عبرنه الجسر

ركبت االسياره من الجام كتلهم

-تلكى خويه...هواي سيارات تركتهم واني اسوق حيل
ماعرف شني الي يخربط حالي...
اول تالي أسوي بعضيدي هيچ ودك بيه دكه حتى هو ممصدك لان مجتبى مو بس اخوي لاااااا وعضيدي وسندي

وصلت للمسجد رمشت الجدي طلع اليه..
وجهه حزين...كال

-السلام عليكم....

-وعليكم السلام مولاي...وين انروح للمستشفى مو

-أي وليدي للمستشفى سقت وبالي من اشوفها شسوي
مو كل مره الحيله الشرعيه..تدبر

وصلنا...ومن دخلنا للغرفه احاول أغض البصر.....
دخلنا...
جدي كعد يم چرباية حجي أبو كامل...الي
و چهه منتهي..من الوجع باقي جلد وعظم

أسمع صوت الحوريه الأنسيه يمي...
وكياني تلخبط...
بقى جدي يسولف..
كعدت بعيد عنهم واسمع بچيها...الي يدمي گلبي..
ودي أوكف يمها وأصبرها ....
كل ونه من عدها...
تخليني ضاغط على مفتاح السياره
الى أن حسيت بسببه بلألم بکف آيدي...
واشوف طرف المفتاح..
نابت بأيدي ومسوي أثر من الوجع طاح المفتاح..
دنجت أشيله صوت الخرخشه...لأن مفاتيح الشركه وياه..سوت صوت قوي.

رفعت راسي وانه منصي صارت عيوني بعيونها تلافيتها...همست دون متسمعني

چبر اللَّه قلبكِ يااصاحبة العيون الزرقاء، ان يشفي جدكِ
وجبر الله قلبي بسحر عينكِ
يا ريحانة جدها كم انتي ملفته ومُختلفه كأنكِ القُمر بين النجوم
ريحانه تَـجعل الحِـزن يَـبدو شهياً

دارت وجهه المتروس دمع وحزن واني بگلبي ادعي

-يارب صبرني على حب اخترق القلب بدمعها درت محبسي العقيق..
على راحت ايدي
طلعت سبحتي من جيبي....
وأدير غرزاتها استغفر ربي....على ذنب بقلبي...
اريد اسويه...
وهو النظر....الأنسانه عفيفيه

أرتجلت شفافي غزل عذري الها...

ك مسبحة عااابد...أنتي وأنا
جمعتنا اانامله أقدسيه....
من غير ميعاد
ف يارب يارحيم..
لاتجعل الشيطان يقطع خيط ميعادنا

جفلت من لحظة أستغفاري...على صوت والدتها..
وهي تترخص من حجي أبو كامل

-رايحه عمي راح يجيك ابو احمد والباچر نجي اني وعقيله..
لأن الردهه هسه تنترس رياجيل....

اول ماكامت يم عمتها لتفتو عليهن الزلم وهن يكومن وهنه ماوياهم محرم
...تقدمت منهن...واني مدنج..

-خاله ميجوز الدنيا مغرب أني أوصلكم...
مثل الرفضت...بس جدي أقترب منها كان جدي صار قارب انقاذ بوقت الطوفان ودي ابوس راسه على موقفه گال

-اني هم أترخص تعاي ام احمد ويانه فرحت من جدي كال هيچ..
نزلنا وهنا ورانا...فتحت باب السیاره...
واشوفها محتضنه القرأن...وجهه أحمر...

نظرتله نظرة انسانيه...خاليه من الهيام
نظرة عطف...على انسانه مكسوره....
نظره....مابيها ذنب نظرة حلال بلا حرام.

بس مااانكر هل نظره من عدها انصدمت...
لأن فاتت من يمي...
شفتها عن قرب....وياليت ماشفتها

قربها وانه ابحلق بعيونها چانت الخطوة الاولى للضرر

كعدت ومن المرایه اتناوع الها وأسوق...
ماارمشت...النظره الأولى لك....وهاي الثانيه عليك

ياربي استغفرك من الثانيه....
ظليت أتناوع من المرايه...
وثغري يمتمت

-يا ربي شنو فاتح باب الجنه.‌ومنزلنا الحور العين تبچي....

اشوفها وكل اشوي تسوحل بخشمها بچفیه قماش قدیمه
الي صار خشمهااحمر...من كد ماتمسحه .

الذنب يسجل عليه...لأن عيوني ماتقبل تبعد عنها
جاي أراقب كل حركه أسويها
وهي ولا همها....ولا یمها صحيت ع صوت جدي...ايكلي

- يبويه ألوادم لا تسحكها وتموت الك واحد وانت أسوق..
لازم تتناوع الجدام تتناوع على الشارع
..أندرايت عليه..
واني أضحك له...لأن حس عليه...
وهو كمل يضحك عليه .....ايگلي

- یبويه لازم الانسان يصير حريص بسياقه..
اذا بالك مو صافي....ليش تسوق
لأن الحادث يبدي من هفوه بسيطه....
مثل الذنب نفس الشي يسجل من هفوه بسيط.
تالي يصير تعويد على الذنوب...

عرفت يحاسبني...على صفنتي على البنيه

وهنا بقيت اتحلمص اعرف اسمها كالت عمتها وهي تنزل

-عقيله ويااااااچ جنطتي يمچ

شلوون اسم یاربي عقيله

وڪٲن اسمها غـزل حروفه جـميله مكتوبه من خيـوط الغيـم

نزلت امها...وهي نزلت..
نزل جدي يوصلهم للباب...وانه هم نزلت على الواهس تبعتهم حتى الحك اشوفها
لان جدي ماخلاني

مالحكت لان دخلت بسرعه مثل تركض
عرفت دخلت تريد أتكمل بچي...

بقيت واكف يم بابهم اتشكرت أمها من جدي
ودخلو ....
من سدو الباب...حسيت بروحي خلاص
اني عاشك....
اني أحب.....
صعدت بسياره بخطوات ثكيله...
اريد احرك السويچ...مااكدر أشغلها...
عيوني الباب بيتهم ..اجى جدي كعد يمي
الي يريد يعاتبني...

دنجت على ايده بستها...واني عقلي مستخف...كتله

-دخيلك مولاااااي لاااااااتحچي ولاا كلمه أخطبها اليه اريدها.....
سحب ايده...وهو يقهقه...بصوت عالي

-ههههه اني مثل رئيك هيج اكول
...نخطبها....صحت

- يالله "يارب يارب

نزلت من السياره فتحت الباب له

يله جدي انزل فدوه نخطبها....

گلي بضحك

- وين بويه لاتستخف ولك اثكل....أنت المؤمن....كتله

- ليش جدي ألي يشوف هيج... بعد يظل ثكل...يضل ايمان

اخذني من ايدي....وصاح..

-روح أركب خل نرجع البيوتنا لا تستخف
صعدت واني اسوق...وكل اشوي اشوف جدي يضحك وانه فرحان معقوله راح تصير اليه
وصلنا لبيت...بقيت سهران اكمل راچیتات الادویه الاطلبهن للصیدلیه

نمت تعبان كلش بعد ماکملت سهرتي على العلاجات والآدویه الطلبتها ...

الصبح....کعدت مستعجل...لآن جدي وعدني...نروح
شربت بس كهوه...واني اخذ بأيد جدي...

-هسه نروح ولاااا طلع سالفه انه احبه صااااار سنه شفتها تلث مرات بس خذت عقلي وحتى مافكر بيها زايد حفظت جزئين قرأن بس البارحه خلاص عقلي وگلبي گالو هذا عشك مو لعب يعني انه احبها لاااااتتحمل ذنبي اذا ستخفيت

-يله بويه شگول بعد انه افرح من‌تخطبها
لان یتیمه ومکسوره

-وداعتك اله اخليها تنسى شي اسمه يتم
چنت بلبدایه مقهور علیهاااا لان هواي تصرف دموع وهواي تبچي تالي تاكدت انه عاشكهااااا

-رووح جهز السياره جاي وراك

اجت امي وكفت يمي كالت

-هاااااا وين ابني الخدامه كالت ممتريك

-يمه ادعيلي اتصير لبالي الشغله

-الله يسهلك بس شنو الشغله

جاوب جدي

-ام مهدي بس اكلچ ابنچ مستخف ویرید یزوج بسرعه

جاوبت امی

-یووم السعد هوو شعندي غيره وغير اخوه حتى لو يتامى انت جدهم ماتقصر

رد جدي

-ذوووول ولد سيد جعفررر ولد الغالي البطل الشهيد شلون اقصر وياهم

بست راس امي وراس جدي وهنا التزمت السكوت حتى اسمع شورهم

انطلقنا البيت ابو احمد وصلنه چان الخطار مالیه الدیوانیه وصاله

تانینه الغرفه تفرغ‌..وغيرتي انثارت خاف احد يلمح عقيله تقرب جدي من حجي ابو كامل...گله

-حجي أبو كامل جايك بطلبه...ومااريدك تفشلني..

حجي ابو كامل...چان یجر النفس کوه....

-کول سید باقر انت رفیجي ومولاي تأمر ماتطلب...

-مايامر عليك ظالم رفيجي وصويبحي جايك وأني اطلب ايد حفيدتك...عقيله
الحفيدي مهدي...هل اشوفه جدامك
...خلقه"اخلاق..
وصايم"ومصلي"مرحله رابعه كلية طب...
أبن ابني الشهيد سيد جعفر...صديق سلام ابنك...
فخاف ربيت ذاك تربيه صالحه...ابنه ربيته افضل...ويتيم مثل عقيله

ومثل ماانته ربيت عقيله اني ربيته بعد استشهاد والده...هو واخوه..

فرحت حجي أبو كامل.وهو يجاوب جدي
عبالك چان منتظرنه گال بفرحه

-أي سيد باقرررر تری حفيدتي هم تربيتي‌
حافظه عشر أجزاء للقرأن..فازت بلأبتدائيه
والمتوسطه"
والاعداديه
"بلقرأءة والتجويد...
هاي بنت المرحومه الحنینیه نجيه..
أذا وافقت عقيله اني اطيك ياها..
واخذوها بعباتها......
انتم اشرف ناس....
.........
عقيله..
أهل الدنيا كسالى عند الطاعة وشجعان عند المعصية، فالواحد منهم عندما يريد أن يقف للعبادة يكسل ويرفع قدماً ويؤخر أخرى ويستخف بها ويؤخرها، عندما يصير وقت الصلاة لا يهتم بأن يؤديها في وقتها وغير جاد بها ويتلف الوقت بشكل لا يبقى وقت للصلاة،

هذه الخصوصية من جملة أوصاف المنافقين {وَلَا يَأْتُونَ الصَّلَاةَ إِلَّا وَهُمْ كُسَالَىٰ}، كما يصفهم الله سبحانه أهل الدنيا يكسلون في العبادة وهم وقت المعصية والذنوب جديّون ويرتكبون الذنوب بكل قوة وشجاعة.

سدیت الکتاب الی چنت اقرا بیه وکلماته عن اهل الدنیا ارید احفظهن حتى مابچي
كطعت خلوتي غفران دخلت ركض للغرفه
وهي أتجرني..
چانت غرفتنا یم الدرج...جرتنی لحتی نصعد..

-كووووومي بسرعه لااااتحفظين هسه تعااااااي شووفي

كمت وياها وحجابي على راسي

-ولچ کولي شكو....طكتني بجتفي...

-هسه من يطلعون صبرچ وكفنه يم البلكونه اشرت اي اي شوفي هذااااااااااك
عيوني ادور...واشوف سيد باقر
وهذا الولد الشاب
يجوز شايفته ما ركزت زين...
من طلع...تنوعت الأناقته لابس قاط..
من دون رباط شعره اسود فاحم...من بعيد شفته وسيم...نداريت الغفران...

-لچ منو هذا....اظن شايفته

-ولچچچچچ‌ هذاااااااااااااااا سيد مهدي خطبچ..من جدي...

-خطبني شجاي تگولین اکوول جدي كاال هسه رتاحيت لحگي عليه غفراااااااان لحگي خيييييييييخ

-شكوووو عقيله ليييش البچيييييي

عفت غفران ونزلت الدرج ركض...گلبي انقفص رحت للغرفه البیها جدي وادعي ربي مايخليني افقد

دخلت واشوف جدي كوه يجر نفسه
انطاني نظره مافهمتها بس عرفتها هاااي نظرة وداع

.....

♥️اجعلو کل خطوه تخطوها في حياتكم تكن قربةً لله؛ فماكان لله ينمو♥️