فى قصر عزالدين
كانت ديمه قعده فى اوضتها وبتعيط سمعت تليفونها بيرن مسكته وبصت فى لاقته الرقم اللى اخر مره كلمها منه عصام فتحت الخط وقالت
ديمه :- نعم
عصام :- نعم الله عليكى يا قلبى ايه رأيك فى الفيديو عجبك ده انا عندى غيره كتير
ديمه :- حسبى الله ونعمه الوكيل فيك انت ايه شيطان ماشى فى الارض
عصام :- هههههههههههه لا حوشى يا بت انتى الملاك اللى ماشى فى الارض
ديمه :- انت اكبر غلطه فى حياتى
عصام :- ها هتيجى امته الشقه ولا ازعل وانتى شفتى زعلى عامل ازاى
ديمه :- ماشى يا عصام استنانى بكره
عصام :- حلاوتك يا ابيض ايوه كده خليكى معايه على الخط مش لايق عليكى دور البنت المحترمه ايوه كده ارجعى معايه ديمه المنحرفه
ديمه :- ماشى يا عصام استنانى سلام
عصام :- سلام يا جميل
وقفلت معاه وقالت بكره نهايتك على ايدى يا كلب يا واطى
............................................................
فى الشقه عند حبيبه
وصلت حبيبه الشقه وكانت جايبه معاها سندوتشات حطتها على التربيزه واكلتها وقامت اتوضت واداة فرضها
وبصت فى سعتها لاقت الوقت لسه بدرى على الحفله قامت ونامت على السرير على ما يجى معاد الحفله وشويه وصحيت على صوت التليفون بصت فيه لاقته رقم رشا فتحت الخط وقالت
حبيبه :- اذيك يا رشا
رشا :- الحمدالله انتى كنتى نايمه ولا ايه
حبيبه :- اه قولت اريح شويه
رشا :- انتى مش مفروض تنزلى الشغل النهارده
حبيبه :- اه ونزلت بس النهارده عاملين حفله بمناسبة انضمام شركتهم مع شركه تانيه والموظفين كلهم واخدين نص يوم
رشا :- يا بختك يا ستى اول يوم ليكى حفله
حبيبه :- والنبى يا اختى نقطينى بسكاتك مش كفايه المصيبه اللى هشتغل معاه بكره
رشا :- مين ده
حبيبه :- واحد كل ما اقع فى سكته يسمعنى كلام زى الزفت ووشه استغفر الله العظيم مش بيضحك لحد واخد علطول وضع التكشير
رشا :- المهم شكله ايه مز
حبيبه :- اممممم هو حلو واوى كمان بس اسلوبه زباله فى الكلام
رشا :- المهم يا اختى الوجه الحسن ومش مهم اى حاجه تانيه
حبيبه :- يا اختى اتنيلى هو انا لحقت اطلع من موضوع مصطفى واشرف علشان افكر ابص لحد تانى
رشا :- اه صح فكرتينى ده انا متصله علشان كده
حبيبه :- ايه فى ايه
رشا :- ابن عمك سايب ناس ترقبنا قدام البيت
حبيبه :- يا نهار اسود هى حصلت معاه ان يرقبكم كمان
رشا :- حبيبه ابن عمك ده شكله شرانى ومش ناوى يجبها لبر انا من رأى اتصلى بأخوكى وعرفيه كل حاجه وهو هيقف جمبك مش هيسيبك لوحدك
حبيبه :- مش هينفع ادخل اخويه فى مشاكلى واعرضو للخطر بسببى وممكن كمان يخسر شغله ومستقبله انا مش لوحدى يا رشا انا معايه اللى اقوى من الكل معايه ربنا
رشا :- ونعمه بالله انا بس خايفه عليكى
حبيبه :- سبيها على ربنا هسيبك انا دلوقتى علشان الحق اجهز للحفله
رشا :- ماشى يا قلبى خلى بالك على نفسك
وقفلت مع رشا وقامت غسلت وشها ولبست هدومها وطرحتها وحطت ميك اب خفيف وبصت بصه اخيره فى المرايه على نفسها وخرجت من الشقه ووقفت تاكسى وراحت الحفله
............................................................
فى قصر عزالدين
كان سيف خلص لبس وراح يبص على ديمه خبط على الباب ودخل
ديمه :- اتفضل يا ابيه
سيف :- انتى لسه مجهزتيش
ديمه :- انا قولت لبابا مش هقدر اروح معاكم
سيف :- انتى بقالك فتره مش طبيعيه لو تعبانه اوديكى لدكتور يكشف عليكى
ديمه :- بخوف لالالا انا كويسه بس المذاكره تاعبه اعصابى شويه
سيف :- خلاص اجهزى وتعالى معانا الحفله وريحى اعصابك شويه
ديمه :- حاضر يا ابيه
وخرج سيف وديمه فتحت الدولاب علشان تطلع حاجه تلبسها للحفله
............................................................
والكل جهز للحفله وركب عزالدين مع السواق وركب أدهم عربيته وركب سيف ومعاه ديمه فى عربيته والكل راح على الحفله
............................................................
فى بيت حسن جادالله
كان عمر قاعد فى اوضه وسمع اتصال على تليفونه بيبص لاقه رقم صاحبه
عمر :- السلام عليكم
صاحبه على :- وعليكم السلام
عمر :- ها عرفت حاجه عن اختى.
على :- الرقم اللى انت اديتهولنا وصلنا لمكانه
عمر :- بجد فين
على :- فى شارع (.........)
عمر :- عشر دقايق واكون عندك
على :- تمام مستنيك
وقفل مع صاحبه على وكان طاير من الفرحه ولبس هدومه بسرعه وخرج من البيت ونزل ركب تاكسى وراح مكان ما على مستنيه
عمر :- ها فين العنوان بالظبط
على :- الاشاره جايه من البيت ده
عمر :- راح وخبط بسرعه
فتح ليا طفل عنده 10سنين
الطفل :- ايوه حضرتك
عمر :- فين حبيبه
الطفل :- حبيبه مين احنا معندناش حد بأسم حبيبه
عمر :- خش يا حبيبى نادى عليها انا عارف ومتأكد انها جوه
الطفل :- والله مفيش حد بالاسم ده هنا
عمر :- مسك تليفونه وجاب الرقم وطلبه وسمع صوت الرنه زق الطفل ودخل لصوت التليفون واستغرب وقال
ده مش تليفون حبيبه
الطفل :- ده تليفونى
عمر :- رن تانى والتليفون رن فى ايد الطفل وقال بس الرقم ده بتاع اختى ايه جابه عندك فى التليفون
الطفل :- اه الخط انا لاقته واخده حطيته فى التليفون احول الرصيد اللى فى عندى على خطى وكنت هطلعه وارميه تانى
عمر :- بخيبت امل رصيد طب انت لاقيت الخط ده فين بالظبط
الطفل :- لاقته فى شارع (.........)على البحر
عمر :- ماشى وفتح التليفون طلع الخط اخده واده التليفون للطفل وخرج من البيت
على :- ها لاقتها
عمر :- بإنكسار لا ده هى رمت الخط وواحد لاقه وحطه فى تليفونه
على :- معلش يا صاحبى انشألله هترجع ليكم فى اقرب وقت
عمر :- يارب
ومشى الاتنين وروح عمر على البيت وراح على على القسم
............................................................
فى الحفله وصلت حبيبه ولفتة انظار كتيره عليها من شدة رقتها وتناسق جسمها وشافت حبيبه السكرتيره ساره راحت عندها
حبيبه :- هاى
ساره :- ايه الجمال ده بجد شكلك تحفه
حبيبه :- ميرسى يا قلبى ده من ذوقك
ساره :- لا بجد ده انتى الانظار عليكى مش واخده بالك
حبيبه :- على ايه على العيون الزرق ولا البياض ولا الطول ده انا قزمه
ساره :- هههههه مش شرط تكون عيونك زرق ولا بيضه ولا طويله ربنا بيخلق فى كل انثى جمال مختلف وانتى ربنا خلقك بسمارك وعيونك البنى وقصرك علشان يصورك فى احسن صوره وبجد الفستان مع الميكب مع الحجاب تحححححفه
حبيبه :- بجد شكرآ ليكى وانتى طلعه زى القمر بسم الله مشاءالله عليكى
ساره :- شكرآ يا جميل وياريت نكون اصحاب
حبيبه :- اكيد طبعآ ده شرف ليا
وفى الوقت ده وصل عيلة عز والصحافه حوطتهم
حبيبه :- ايه ده هو الرئيس هيحضر الحفله
ساره :- ههههههههههههه ده انتى مشكله دى عيلة عز يا بنتى مش اى كلام والصحافه بتتمنى كلمه منهم وبالذات اللى اسمه سيف الصحافه بتستنشق على كلمه منه
حبيبه :- ليه يا يعنى يكنش بطل من مسلسلات بيلود وانا مش عارفه ده راح ولا جه حتة مهندس
ساره :- يا شيخه حرام عليكى سيبك من ان هو ممتاز فى شغله ورقم واحد فى مصر مش شايفه وسمته يخربيت جماله ولا عليه شوية تقل مشفتهوش على حد اهو ده اللى يتقال عليه يا واد يا تقيل بجد ده انا بكرش عليه من زمان ولا هو هنا
حبيبه :- والله انا شيفه انو عادى يعنى وبلعكس ده واحد كشرى وكئيب وفوق كل ده متكبر ومغرور
ساره :- يا نهارك ابيض انا اول مره اشوف واحده بتقول كده على سيف عزالدين ده كل البنات هتموت عليه وبتكرش عليه وانا اولهم
حبيبه :- علشان انتو بنات تافهين
ساره :- ده انا كان نفسى يختارنى للشركه بتعتو بس للاسف ولا عبرنى
حبيبه :- هو انتو تعرفو من زمان
ساره :- اه طبعآ من زمان وهما شغلين معانا بس فى الاخر اتفقوه ان يضموه الأسمين مع بعض وتبقى شركه واحده
حبيبه :- ده من حظى الاسود
ساره :- بأستغراب ليه بتقولى كده
حبيبه :- علشان للاسف من بكره هبدء اشتغل فى شركة عز ومع المقرف سيف
ساره :- واوووو يا بنت المحظوظه هتشتغلى فى شركة عز وكمان مع سيف ده انتى امك دعيلك فى ليلة القدر
حبيبه :- اه اوووووى
وفى الوقت ده جه أدهم
أدهم :- الدنيا كلها بيطلع ليها قمر واحنا طالع عندنا قمرين
حبيبه :- نعم حضرتك فى حاجه
أدهم :- بغمزه 😉😉 نحب نتعرف يا جميل
حبيبه :- لا يا ننوس عين امك عم جميل مات واخدنا عزاه
أدهم :- خلاص لازم اعزى ادينى عنوان البيت وانا اجى اعزى
حبيبه :- روح يا بابا العب بعيد مش ناقص غير شوية عيال يجو يتكلمو ومسكت ايد ساره ومشت
أدهم :- اتصدم من ردة فعل حبيبه وقال ايه البت الجاحده دى انا يتقالى ننوس وعيل لا ده نوع جديد مجربتهوش ولازم اجربه
عند حبيبه ساره كانت مصدومه
حبيبه :- ايه مالك كل ده من معاكسه
ساره :- انتى عارفه اللى مسحتى بكرامته الارض ده يبقى مين ده يبقى ابن ع
حبيبه :- قطعتها وقالت مش عايزه اعرف وانا يخصنى فى ايه ابن مين ده
ساره :- يا بنتى ابلعى ريقك واسمعينى ده يبقى أدهم ابن ع
حبيبه :- خلاص بقى يا ساره ميهمنيش يبقى اسمه ايه ولا ابن مين وعن أذنك
ساره :- رايحه فين
حبيبه :- هدور على الحمام
ساره :- اوكيه على ما اجيب حاجه نشربها
ومشيت ساره تجيب مشروب وحبيبه قعدة تدور على الحمام ومعرفتش توصله
حبيبه :- يووووه بقى هو مفيش حد هنا اسأله وبعدين خبطت فى ديمه وقالت ا.ا.اسف مش قصدى والله
ديمه :- لا ولا يهمك
حبيبه :- طب لو سمحتى متعرفيش فين الحمام
ديمه :- اه اخر الطرقه دى يمين
حبيبه :- شكرآ اوى ليكى
ديمه :- العفو
حبيبه :- راحت الحمام وخلصت وهى طلعه قبلت أدهم
أدهم :- ايه يا جميل مش محتاج مساعده
حبيبه :- تصدق انك سافل وقليل الادب
أدهم :- هههههه وانتى قولتى ايه جديد ماالناس كلها عارفه ان انا كده
حبيبه :- لو سمحت وسع علشان امشى
أدهم :- قرب ليها اكتر وقال ليه ده انا حتى مرتاح كده
حبيبه :- احترم نفسك وابعد عن سكتى
أدهم :- طب لو مبعدش هتعملى ايه
حبيبه :- رفعت أيديها ونزلت بيها على وشه وقالت هعمل كده وزقته ومشيت
ادهم :- حط ايده على خده مكان القلم اللى ضربته ليه حبيبه وقال بقى انا واحده تمد ايديها عليه ده ليله امها سوده النهارده ودخل الحفله
حبيبه :- كانت ماشيه متعصبه وعماله تبرطم على أدهم وفجأه رجليها اتلوت ووقعت فى حضن سيف
سيف :- اتفاجئ بحبيبه فى حضنه وحركه لا ارديه حط ايده فى ضهرها وبص فى عنيها
حبيبه :- اتكسفت وقالت احم ا.ا.اسفه رجلى اتلوت غصب عنى وبعدت عنه
سيف :- احم مش تفتحى وانتى ماشيه ولا مش واخده على جو الحفلات المحترمه وواخده على جو البارات والمسخره
حبيبه :- لو سمحت اتكلم بأدب وبعدين دى حاجه غصب عنى يعنى مش هموت واجى فى حضنك
سيف :- غصب عنك لا جو المسخره والتمثيل ده ميخلش عليا روحى ياشاطره اعمليهم على حد غيرى واضحكى عليه وخليه يقضى معاكى ليله مقابل قرشين
حبيبه :- انت بنأدم وقح وبعدين لما انت شايفنى وحده رخيصه وبتاعة رجاله اخدنى عندك فى الشركه ليه
سيف :- علشان اعرفك ان الله حق واندمك على اليوم اللى وقفتى قصادى فيه وطولتى لسانك عليه
حبيبه :- هتعمل ايه يعنى على فكره انا مبتهددش ومش بخاف من حد
سيف :- لما نشوفو هتبقى قد كلمتك ولا هترجعى فيها
حبيبه :- اللى عندك اعملو ونشوف مين اللى هيستحمل فى الاخر
سيف :- ضحك ودى اول مره تحصل هههههههههه بقى انتى يا جربوعه هتتحدى سيف عزالدين والله ضحكتينى
حبيبه :- طب كويس ان قدرت اضحكك وده فى حد ذاته اول انتصار ليا ان عملت المستحيل يا سيف عزالدين
سيف :- اسمى استاذ سيف متنسيش نفسك
حبيبه :- لا استاذ دى فى الشركه فى اوقات العمل الرسميه غير كده انت سيف وبس عن اذنك وسابته ومشيت
سيف :- اتغاظ منها يعتبر حبيبه اول بنت تقف قصاده ومتخفش منه وقال ماشى لو مكنتش اعرفك مقامك يا بتعة الرجاله مبقاش انا سيف عزالدين
عند حبيبه صعبت عليها نفسها ومشيت فى مكان بعيد وقعدة تعيط بس سمعت صوت تانى بيعيط بصت حواليها تدور على صحبت الصوت وشافت حد قاعد وحاطط وشه مابين رجليه وبيعيط
راحت عنده واتفاجئة لما شافت هى هى نفس البنت اللى دلتها على الحمام
حبيبه :- يا انسه تعبانه ولا فيكى حاجه
ديمه :- مسحت دموعها وقامت وقفة وقالت ش.ش.شكرآ مفيش حاجه
حبيبه :- لو محتاجه مساعده انا ممكن اساعدك
ديمه :- ياريت كان ينفع عن اذنك
ولسه هتمشى حست بدوخه ووقعت فى الارض اغمى عليها
حبيبه :- يا نهار اسود البت ماتت ولا ايه ونزلت على ركبتها وخبطت على وش ديمه وقالت يا انسه فوقى وقعدة تخبط على وشها وبرضه ما فقتش طلعت حبيبه ازازة البرفان من شنطتها ورشتها على ايديها ومشت ايديها تحت منخير ديمه
ديمه :- بدءة تفوق وحركة راسها
حبيبه :- فوقى يا بنتى انتى يا انسه
ديمه :- اممممم
حبيبه :- ساعدتها تقف وقالت انتى معاكى حد
ديمه :- اه اخواتى الاتنين وبابا
حبيبه :- طب تعالى اوصلك عندهم
ديمه :- ها لالالا شكرآ روحى انتى وانا بقيت كويسه
حبيبه :- كويسه ايه انتى مش قادره تمشى
ديمه :- لا انا كويسه بس ممكن يكون ضغطى واطى شويه
حبيبه :- طب انا مش هينفع اسيبك لوحدك فى الحاله دى
ديمه :- شكرآ ليكى متتعبيش نفسك اكتر وقطعت كلامها وجريت رجعت
حبيبه :- ده انتى شكلك مدمر خالص
ديمه :- بدموع منه لله اللى كان السبب
حبيبه :- جوزك
ديمه :- ها لالا انا مش متجوزه
حبيبه :- اه اصل انا بحسبك متجوزه و حامل علشان الدوخه والترجيع ده
ديمه :- احم لا بس ممكن واخده برد والضغط واطى شويه
حبيبه :- بعدم اقتناع الف سلامه عليكى تعالى اوصلك لحد من اهلك
ديمه :- اتسندت على حبيبه ووصلتها لابوها
وبعد وقت انتهت الحفله وكلو روح على بيته ونام
............................................................
بقلمى (دودو محمد)