وراء كبرياء عاشق - للكاتبه دودو محمد

الفصل الثالث وعشرون

فى المستشفى

وصل سيف وحبيبه وعمر مع حسن ودخل حسن اوضة الكشف ودخل الدكتور معاه واستنا التلاته بره وكانت حبيبه منهاره فى حضن سيف وعمر كانت دموعه نزله من عينه وحاسس بالذنب علشان اتكلم قدامه وشويه والدكتور طلع من الاوضه وجرى عليه التلاته
عمر :- ايه يا دكتور بابا عامل ايه دلوقتى
الدكتور :- البقاءلله حولنا معاه بس القلب وقف مستجبش لينا
حبيبه :- لاااااااااااا بابا مامتش وراحت لدكتور ومسكت هدومه ط.ط.طب خلينى اخش ليه وهو هيقوم علطول ه.ه.هو لما هيشوفنى زعلانه وبعيط هيقوم يمسح دموعى ويطبطب على زى كل مره وراحت لعمر وقالت طب قول انت يا عمر يدخلنى ليه بابا مستحيل يموت اكيد هو نايم شويه والدكتور مش فاهم حاجه وراحت لسيف وقالت طب انت ياسيف قوله يدخلنى ليه مش انت بتحبنى طب لو بتحبنى دخلنى لبابا
سيف :- اخدها فى حضنه وقال يا حبيبتى وحدى الله كلنا هنموت ادعيله انتى بس بالرحمه
حبيبه :- زقته وقالت كداب بابا عايش مامتش
سيف :- حاول يسيطر عليها ويهديها قال طب اهدى بس يا حبيبتى واخدها فى حضنه
حبيبه :- قعدة تزق فيه وتضرب فيه لحد ما اغمى عليها فى حضن سيف
سيف :- شلها ودخلها الاوضه وكشف عليها الدكتور واداها ابره مهدئه ونامت عليها حبيبه وخرج سيف من الاوضه وراح لعمر وطبطب عليه وقال
سيف :- وحدالله ياعمر البقاء لله وحده
عمر :- بدموع ونعمه بالله كل اللى مزعلنى ان انا السبب فى اللى حصل لو كنت قدرت اتحكم فى اعصابى ومتكلمش مكنش حصل كل ده
سيف :- يا عمر ده عمره ولكل اجلا كتاب المهم دلوقتى تخلص اجراءت الدفن اكرام الميت دفنه وتبلغ عندكم فى البلد
عمر :- ماشى وراح يخلص اجراءت الدفن وبلغ الخبر فى البلد والكل جه وادفن حسن واخده عزاه فى المقابر والكل راح على بيته وراح سيف وعمر على المستشفى لحبيبه وكانت لسه مافقتش من المهداه وشويه وحركة راسها وفتحت عنيها ولاقت عمر وسيف قعدين معاها فى الاوضه
حبيبه :- امال فين بابا بيصلى ولا ايه
عمر :- يا حبيبتى اهدى وادعيله بالرحمه
حبيبه :- بس بابا مش ميت بابا عايش
سيف :- يا حبيبه اتقبلى الخبر بقى باباكى ربنا افتكره
حبيبه :- بدموع يعنى ايه يعنى مش هشوفه تانى يعنى مش هياخدنى فى حضنه تانى ويطبطب عليه مش هيسمعنى القرأن مش هياخدنى ويمشينى على البحر زى ما كان بيعمل معايه ا.ا انا عايزه اشوفه
عمر :- ابوكى ادفن يا حبيبه
حبيبه :- حتى دى اتحرمت منها اتحرمت ان اودعه واشوفه لاخر مره
سيف :- يا حبيبتى ابوكى عايش فى قلبك ادعيله بالرحمه واقرى ليه قرأن هو ده اللى هينفعه دلوقتى
حبيبه :- بدموع ااااااااااه يا قلبى الموجع عليك يا بابا مش قدر اصدق نفسى ان مش هشوفك تانى ربنا يرحمك يا حبيبى ويجعل مثواك الجنه ونتلاقى مع بعض فى اقرب وقت
عمر وسيف :- اللهم امين ياحبيبتى ويخليكى لينا وفى الوقت ده دخل أدهم
أدهم :- البقاء لله ياحبيبه وبص لعمر وقال البقاءلله انا اسف والله لسه عارف الخبر وسيف اتلخم ونسى يبلغنى بالخبر
حبيبه :- بدموع بابا مات يا ادهم وسبنى وبعد عنى ومش هقدر انام فى حضنه تانى
آدهم :- وحدى الله يا حبيبه كلنا هنموت ومحدش فينا دايم فيها ما دايم الا وجه الله
كلهم :- لا أله الا الله ونعمه بالله
حبيبه :- بصت لسيف وقالت سيف انا عايزه اروح شقة بابا
سيف :- مش دلوقتى يا حبيبه
حبيبه :- لا ياسيف دلوقتى وبصت لعمر وقالت والنبى يا عمر خدنى الشقه بتاعة بابا
عمر :- خلاص ياسيف اللى يريحها يمكن لما تروح الشقه ترتاح شويه
سيف :- ماشى يا حبيبتى وقام كلهم وركبو العربيه مع أدهم وراحو لشقه حسن جادالله
............................................................
فى شقة حسن جادالله