وراء كبرياء عاشق - للكاتبه دودو محمد

الفصل العشرون

اشرقت شمس صباح يوم جديد بنورها الساطع فى سماء عروس البحر لتستيقظ حبيبه من نومها قامت من على سريرها دخلت حمامها واخدت شاورها واتوضت وخرجت لبست هدومها واداة فرضها وخرجت من اوضتها ولاقت الاوضه اللى فيها سيف مفتوحه راحت خبطت على الباب وقالت 

حبيبه :- حد جوه احم يا استاذ سيف انت جوه بس ملاقتش رد دخلت الاوضه وملاقتش حد قالت وده راح فين وخرجت من الاوضه راحت على المطبخ عملت ليها قهوه وشويه ولاقت سيف بيفتح الباب
سيف :- السلام عليكم
حبيبه :- وعليكم السلام
سيف :- ايه صحيتى من بدرى
حبيبه :- لا من شويه انت كنت فين
سيف :- حط الكياس على سفرة الاكل وقال كنت بجيب شوية حجات للبيت والتلاجه مفهاش اكل
حبيبه :- انا اسفه علشان انا السبب فى اللى انت فيه
سيف :- اللى هو ايه
حبيبه :- علشان بسببى سبت القصر وعربيتك وشغلك
سيف :- لا ما انا لاقيت شغل فى شركه هندسه وهنزل فيها من اول الشهر واما القصر والعربيه فده مش مشكله عندى حبيبه انا عايزك تعي (قصده تعيشى معايه)
حبيبه :- قطعته وقالت بكره اروح عند اهلى وتطلقنى وترجع انت تعيش حياتك الطبيعيه مع أهلك
سيف :- حبيبه اسمعينى انا بحب(قصده بحبك)
حبيبه :- قطعته من غير ما تبرر موقفك عارفه هتقول ايه انك بتحب اهلك وعايز ترجع تعيش معاهم من تانى بس احب اطمنك ان انا فى اقرب وقت هروح عند اهلى علشان واحشنى اوى وانت ترتاح من الحمل اللى عليك
سيف :- يا حبيبه افهمينى انا عايز اقولك ان انا مش عايزك ت (قصده تمشى وتسبينى)
حبيبه :- عارفه مش عايزنى اطول فى القعده متخفش انا مش حابه القعده معاك اكتر منك بس مضطرين نستحمل بعض اليومين الجاين لحد ما اوصل لاهلى
سيف :- بغيظ ياريت علشان مش طايق اشوف وشك كل يوم على الصبح وسبها ومشى ودخل اوضه
حبيبه :- ده ماله ده
............................................................
عند حوريه كانت قعده فى بيت امها
وسمعت خبط على الباب قامت فتحت ولاقته اشرف
حوريه :- كنت فين يا منيل على عينك وايه عمل فيك كده
أشرف :- جوز بنتك واخوه بس ودينى ماانا سايبهم لو مكنتش اطلع روحهم واخلص منهم كلهم مبقاش انا أشرف جادالله
حوريه :- وجوز المخفيه واخوه هيعملو فيك كده ليه
أشرف :- ها ع.ع.علشان طلبت منهم ان حبيبه تيجى هنا ويجو يطلبو ايدها مننا قصاد البلد كلها
حوريه :- انت هتقولى ده ناس شايفه نفسها وانا عارفهم
أشرف :- بس انا هخلص منهم كلهم
حوريه :- تبقى عبيط وهتروح فى داهيه على ناس متسواش
أشرف :- انا عايز انتقم منهم على اللى عاملو فيا
حوريه :- احنا ممكن نخرب حياتهم من غير دم ولا حاجه
أشرف:- ازاى مش فاهمك
حوريه :- هقولك
............................................................
فى قصر عزالدين

كان عزالدين قاعد على مكتبه وجه ليه اتصال على تليفونه رد وقال
عزالدين :- السلام عليكم
المتصل :- وعليكم السلام
عزالدين :- ايوه مين حضرتك
المتصل :- انا صاحب شركة (.........)للهندسه وكان فى حاجه حصلت وقولت لازم ابلغ حضرتك
عزالدين :- اتفضل قول
المتصل :- الباش مهندس سيف جيه عندى النهارده وطلب منى ان ينزل يشتغل عندى فى الشركه ومردتش ارفض الا لما اقول لحضرتك الاول
عزالدين :- شكرآ جدآ ليك ولما يجى ليك تانى ارفض الشغل معاه
المتصل :- اللى تأمر بى حضرتك مع الف سلامه وقفل معا المتصل
عزالدين :- ماشى يا سيف مفكر نفسك تقدر تتحدانى انا هوريك اقدر اعمل ايه فيك وانا وراك لحد ما تطلق بنت حوريه وتيجى ليا ندمان ومسك تليفونه واتصل على جميع شركات الهندسه وطلب منهم ميقبلوش يشغلو سيف عندهم والكل وافق على طلب عزالدين
............................................................
فى شقة ادهم