Tahimik lang na nakikinig ang mga ametista. Tila ayaw nilang huminga. Para bang ayaw rin nilang kumurap.
Ito ang unang araw ng pagiging Grade 10 ng mga Ametista. Kung noong Grade 7 ay 45 sila, 32 nalang sila ngayon. Sila ay tunay na alamat. Napagtagumpayan nila ang tatlong taon sa hayskul... ang tatlong taong puno ng pagsubok.
At ngayong grade ten na sila, alam nilang mas mabigat na hamon ang nakaabang sa kanila. They will surely travel the world just to finish the said mission... ang mahanap ang legendary formula.
Legendary formula. Ito ang pinaniniwalaang pinakamakapangyarihang formula ng Teresa National High School. Ito ang magiging susi para ma-solve ang math problem sa isang paligsahan. Pero bago pa nila makita ito, maraming pagsubok at hamon ang kanilang haharapin. If they have to kill in order to get the legendary formula, hinding hindi sila magdadalawang isip. They've been doing it since grade seven. Ito rin ang dahilan kung bakit thirty two nalang sila ngayong grade ten. 13 out of 45 got killed because of betrayal, hunger, lost at kung ano ano pa. This battle is between life and death. Kill or you will be killed. If you will survive, then congratulations. You deserved it.
"Kung noong grade seven ay may dalawang sem, noong grade eight ay five, grade nine ay eight, ngayong grade ten ay ten sems." Ani Mr. Balangue, ang adviser ng Ametista.
Mga bulong-bulungan ang namayani sa buong paligid. Halos lahat ay kabado. May iilang nagrereklamo, may iilan ring nawiwindang, masaya at tahimik lang. Lalo na si Marianne.
Si Marianne ay may matatalim na mata. Nakasandal siya sa kaniyang upuan habang matalim na nakatitig sa kawalan. May kung ano ano rin siyang sinusulat sa kaniyang papel na 'di maintindihan.
"Grabe naman 'yong ten sems!" Bulalas ni Russel, ang pinakareklamador sa klase. Mabuti at nakarating pa siya ng grade ten. Kung hindi dahil sa pagiging 'joker' niya, matagal na sana siyang patay.
"Oo nga." Segunda ni Shane na ngayo'y magkasalubong ang mga kilay.
Tahimik lang na pinagmamasdan ng adviser ang kaniyang advisory. Inisa-isa niya ng tingin ang lahat.
"Okay..." ani Mr. Balangue. Natigil sa bulong-bulungan ang lahat at napatingin ng diretso sa guro. "Every sem takes one month. Dahil may sampung buwan kayo sa school na 'to, may sampung sem kayo. At bawat sem, isang formula ang dapat na mahanap."
"So it means may sampung formula tayong hahanapin?" Pabulong na tanong ni Carla kay Ayessa na katabi niya lang.
"Siguro." Sagot ni Ayessa sabay kibit balikat. Si Carla naman ay naglihis ng tingin at napatunganga sa kawalan.
"And starting next week, tuwing friday nalang ang pasok niyo." Dagdag ng guro. Muli na namang umingay ang klase dahil sa mga bulungan nila.
"Edi ang saya!" Bulalas ni Kyla sa gitna ng malawak na ngiti. "I have ample of time for Earl." Dagdag nitong kinikilig.
"Baliw!" Si Quennie sabay hampas ng mahina sa kaniyang katabi. "Sa loob ng isang linggo, wala tayong ibang gagawin kundi ang hanapin ang formula." Umirap siya.
"Ay?" Bumusangot si Kyla.
"Oo!" Segunda ni Rychelle. "Kasi 'di ba? Ganito rin 'yong ginawa natin last year. 'Yon nga lang, tatlong araw 'yong pasok natin sa isang linggo para sa reports."
Mataman lang na nakikinig si Marianne na nakaupo sa kanilang likod. Umirap siya't napahinga ng malalim. Kung gaano siya katahimik, ganoon ka-ingay ang kaniyang utak.
"Friday is for reports only." Sabi ng guro kaya natahimik muli ang Ametista. "Every friday, magbibigay kayo ng updates sa isa't isa tungkol sa paghahanap niyo ng nawawalang formula. At kayo na bahalang mag-usap usap. Kaya niyo na iyan." Huli niyang sabi bago lumabas ng silid.
"Hay naku..." napairap si Angelika. Tumungo siya't natulog muli. Ilang oras lang ang tulog niya kanina kapupuyat mag-facebook.
Ilang sandali pa lang ang lumipas ay nagkagulo na naman ang Ametista. Kaniya kaniya silang may ginagawa. Ang iba ay nagkukwentuhan, ang iba'y kumakain, nagkakantahan, at ang iba naman ay pinag-uusapan pa rin ang tungkol sa nawawalang formula.
"Saan na naman kaya natin 'yon makikita?" Tanong ni Glaiza kay Via.
"Ewan ko nga rin, eh." Nag-aalalang tugon ni Via sa kaniyang katabi.
"Last year, 'yong legendary formula ay nahanap ni Nicah sa ulap." Pahayag ni Jezelle.
"Kaya nga." Angil ni Glaiza. "Akala ko ba sa lupa lang? Bakit umabot sa langit? Buti nalang nakakalipad si Nicah."
Napabuntong hininga ang tatlo. Wala silang ideya kung ano ang susunod na mangyayari. Wala silang clue kung anong klaseng formula ang ipapahanap sa mga Ametista. They don't have any idea kung saan muli sila maghahanap. Kung saang kontinente. Grade seven was in north and south america, grade eight was in Africa, grade nine was in europe. At ngayong grade ten, hula nila'y sa kontinente ng asya.
"Teka..." si Daniel sa kaniyang mga kagrupo. "'Di ba bago ang formula, may magic paper pa?"
"Oo. Bakit?" Si Janrez.
"Edi ibig sabihin, ten magic papers?" Si Luise.
"Ewan." Kibit balikat ni Janrez.
Sa bawat magic paper ay makakakuha sila ng mga formula. At sa pinakahuling laban ay isang legendary formula ang kanilang hahanapin. Mahalaga iyon 'pagkat gagamitin 'yon sa pagsagot. Pero ang tanong, mahahanap kaya nila kaagad iyon?