Wo din aj bhi yaad aate hai,
Gam mein bhi humko hasa jate hai,
Jab bin mange milti thi khushiya sabhi,
Jab na thi koi bhi hasrat nayi...
Jab chhot lagti toh marham bhi tha,
Ab chhot nahi par dard hai bahut,
Jab chizo se khushiya judi thi nahi,
Jab har din ki khwahish hi thi nayi...
Jab suraj nikalte hi uth jate the,
Ab din guzarte hai darte hue,
Na karta hai mann par jiye ja rahe,
Har lamhe ke gam ko piye ja rahe...
Tab na ranjish koi thi dil mein mere,
Ab har baat se bante hai dushman yaha,
Tab dosto se karte the baatein kayi,
Ab unke hi paas waqt hai kaha...
Na milta tha khilona to rote the hum,
Ab log khelte hai dilon se hi roz,
Na dikhte hai aasu par hum ro gaye...
Wo bachpan ke din ab kaha kho gaye...
Wo bachpan ke din ab kaha kho gaye...
A beautiful feeling called...
De RohitSachdeva8
A collection of poetry from the depth of my heart, expressing different shades of love... Mais