لم تعرف كم مضى من الوقت وهي تقف امام المغسلة وتنظر في المرآة الى دموعها التي اختلطت مع الماء الذي غسلت به وجهها بعد مكالمة ابنة عمتها الصغيرة التي كانت تبكي بألم وحزن وتطلب منها الاسراع لكي يعودو الى منزلهم او بالارجح قصرهم ... اخبرتها عن حالتهم المأساوية وانها تخشى الموت في هذا المكان الذي لا تحبه .
رأت بريق من الحقد في عينيها ....
اقسمت بأنها ستجعلهم يندمون على كل ما يحدث لعائلتها خصوصا مديرها الغامض الصارم الذي يحب اللون الاسود ويعشق ارهاقها واذلالها في العمل .
جففت وجهها وخرجت من الحمام .... توجهت نحو نافذة الفندق الزجاجية التي تتخبط بها حبات المطر الكبيرة ..... وجدت نفسها تبدل ثيابها وتنزل بسرعة الى الاسفل بالرغم من الارهاق الذي تشعر به نتيجة ذلك الاجتماع المغلق الطويل في احدى الفنادق الفخمة بلندن.
نزلت الى الاسفل ولم تكلف نفسها بارتداء معطف يقيها من برودة الجو ومن قسوة هذه العاصفة ...... كيف حدث هذا؟في ايام فقط تحولت حالتهم بعد ان كانوا تلك العائلة الكبيرة السعيدة التي تملك انجح الشركات .... تلك العائلة التي ترتبط ببعضها ارتباطا قويا ودائما تسمع اصوات ضحكاتهم الفرحة.... اصبحت الان العائلة التعيسة التي لا حول لها ولا قوة ..... اخوها في حالة مزرية والجميع ينتظرها ..... لن تعود فارغة اليدين .... بل ستعود وهي منتصرة وستنقذ عائلتها من هذا الهلاك .
فجأة احست بمنديل مبلل يوضع في انفها لم تقاوم كثيرا وسقطت في الحال .... وبسرعة حملها ذلك الضخم الى السيارة .
فتحت عيناها ببطئ شديد ... وضعت يدها على رأسها وهي تحاول ان تستوعب ماالذي حدث لها .
وجدت نفسها في غرفة اقل ما يقال عنها رائعة .
ارضية من الرخام العاجي .... نوافذ فرنسية رائعة ازالت (بضم الالف) عنها الستائر لدخول اشعة الشمس.... سرير ضخم من الابانوس مفروش بالحرير الناعم وعلى جانبيه اباجورتين جميلتين .
جلست بسرعة على السرير وهي تنظر باستغراب حولها .
نهضت وتوجهت نحو النافذة .... السماء به بعض الغيوم البيضاء وليس هناك شيئ غير المروج الخضراء الممتدى الى ما لا نهاية ويتوسطها كروم كبير ( محل زراعة العنب)
التفتت الى الباب بعد ان فتح .... دخلت منه خادمة ترتدي فستان قصير واسع اسود اللون وتربط في وسطها ازرار صغير ابيض .... قالت لها بلطف : Good morning my lady .... can you please wear this dress cuz sirs are waiting for you at down to eat the breakfast together
(صباح الخير سيدتي ... هل يمكنك رجاء ارتداء هذا الثوب لان السيدان ينتظرانك بالاسفل لتناول الافطار معا)
صرخت وهي ترمي الفستان في وجه الخادمة : How are you and what do you want ?
( من انتم وماذا تريدون )
الخادمة وهي ترفع الفستان : please ware it ... I shall come to take you for them and you will understand every thing
(ارتديه رجاء ... سآتي لاخذك اليهم ... ستفهمين كل شيئ)
قالت قبل ان تخرج وتغلق الباب : Belive me you are very lucky
(صدقيني انتي محظوظة)
سالت دموعها بخوف .... ماذا يحدث لها .... اين هي ومن هؤلاء الناس.... كل ما تتمناه الان ان تكون في حضن والدتها بالقرب من اخيها وابيها .
#flash_back
#قبل_عدة_اشهر:
استيقظت على صوت صراخ اخيها : بياااااان 😀
بيان بي خلعة قعدت في السرير : بسم الله مالك في شنو😳
مجد : نايمة لي ☺️
بيان: اخ من السؤال .... اخ من الغباء اخ اخ ... نايمة مزاج يا حبيبنا في حاجة 😠
مجد: ياخ الليلة في زول حفلة نجاحو وتخرجو من الجامعة بينوم ؟
بيان : حفلة نجاحي ما عرسي .... وبعدين انا تعبانة الليل كلو سهرانة برتب مع الشغالات عشان كدا خليني انوم .
مجد : دي شنو الكئيبة دي جنك نوم .
بيان بي غيظ وزهج : اها كان قمت حاعمل شنو ؟
مجد بي برائة وهو بيحك راسو : صح كلامك حتعملي شنو .... خلاص نومي نامت عليك حيطة يارب .
قرب منها عايز يبوسها ... زحت منو بي سرعة .
مجد بي ذهول : مالك
بيان : حتعمل شنو ؟
مجد : بوسة الصباح يا اختي ماف شي ... ما عايز اكلك .
بيان بي شك : مجد ما تكون واحدة من مقالبك السخيفة .
مجد : انتي هبلة ؟؟؟؟ مقالب شنو بالصباح .
عاينت ليهو مسافة قبل ما تمد خدها عشان يبوسها .. وماحست الا وجل الشعر مالي وشها
مجد بي ضحكة استهبال: 😂😂😂معليش بس شلتو كتير وما عرفت اوديهو وين قلت وشك اولى بيهو..مسح الباقي في بطانيتها وقام .
بيان بي صوت عالي : اططططلع برررره .
مجد ببرود : اصلا طالع يا بيبي 😏.
بيان بي عصبية وهي بتمسح الجل من وشها : ببو يشقك سامععععني ببو يشققققك .
اول ما فتح الباب لقى اختو الكبيرة ريما شايلة ولدها بيد وماسكة بتها بيد .
ريما وهي بتضحك : اها عملت ليها شنو المرة دي 😂.
مجد وهو بيبوس راسها : عارفاها مجنونة وعندها اعصاب صح ؟
بيان جات وضربتو في ضهرو بي عصبية : مجنونة في عينك .. عاينت لي ريما وهي بتقول : عارفة قلة ادبو صح؟
ريما وهي بتضحك على اخوانها : هششش خلاص اهدو اهدو
مجد شال جوري بنت ريما : اخخخ مالك بقيتي تقيلة كدا .
جوري: كول ماثاء الله
مجد : ما تخافي يا هناية ما بسحرك
جوري : لا لا بتشحلني ... كول ماثاء الله
مجد : اها ماشاء الله .
نزلها وعاين لي ريما : كيف وليد (زوجها)
ريما : تمام والله الحمد لله .. وانت كيفك ؟
مجد : شايفة حالتي مع المخلوقة دي .
بيان : يخلخل ضروسك بتهبشني وبتجي تتفاصح ؟
مجد ختا سبابتو في راسو : على كييييفي لساني وانا حرررر فيهو 👈😏.
ريما : خلاص يا جماعة ولدي حتصحوهو من النوم .
بيان: والله ولدك مسكين عندو خال عبيط زي دا .
مجد : انا عبيط ابيان 👈😳؟
بيان : اي ومتخلف واهبل كمان .
مجد : لازم ياخ والفضل يعود ليك انت معلم واحنا منك نتعلم .
بيان ووشها محمر : الكلام دا لي انا ؟
مجد : اااي 😜
وطلع بي سرعة قبل ما تلم فيهو ... جوري جرت وراهو : حالو حالو
مجد : عيونو
جوري : ثودني معاك ( يثودك وين ياختي 😂)
مجد : معليش يا جوجو ما حاقدر الليلة عشان عندي شغل كتير بس حاسوقك مرة تانية اتفقنا ؟
جوري : اي .
مجد وهو بينزل ليها تحت : كفك ✋️
مدت يدينها الصغار : 👐
وطلعت لي امها اما مجد نزل تحت لقا امو خلصت وردها ومسكت ورق قضية جديدة .
مجد : صباح الخير
هدى (امو) : صباح النور ... صوتكم لي عالي .
مجد : دي بيان ما انا 😸... وين ابوي ؟
هدى: طلع بدري
مجد : طيب انا اطلع برضة بعد دا
هدى : لا استنى اشرب ليك حاجة ما تطلع بطنك فاضية .
مجد : ما حينفع كدا انا اصلا متأخر .
امو : مجد 😒
مجد: طيب 😸
امو نادت الشغالة .... جات الشغالة بي سرعة وهي شايلة الصينية وفيها كباية قزاز كبيرة فيها عصير منقا لمن مندية من برا وفيها تلج دراش 💔
شال الكباية وشفط نصها وختاها وبي سرعة طلع : شكرا يا هدهد ❤️.
هدى ابتسمت : ربنا يحفظك يا مجد ويحميك .
طلع بي سرعة الحارس فتح ليهو البوابة ... وكتح بي عربيتو الرينج .
تلفونو ضرب .
مجد: حسام يا
حسام (ولد عمته): ممكن تغشاني عشان انت عارف انا وقعت كيف امبارح في الكورة ... وهسه ضهري واجعني ما حاقدر اسوق .
مجد: طيب مسافة السكة .
وصل ولقاهو واقف ليهو جمب البوابة وواقفين جمبو حرسين .
حسام ركب وكان ظاهر التعب في وشو
مجد : ياخ ماكان في داعي تجي .
حسام : لو ماجيت حاخرب المحاضرة الحنقدمها والبنجهز فيها من شهور .
مجد: وانت خايف علينا يا حسمسم ؟
حسام : بس ما تقول لي حسمسم دي دلع لي حسام 😳
مجد : عيبا لي 😌
حسام : بغض النظر عن حسمسم انا اصلا جاي عشان الموضوع تاني .
مجد : اصيل ود اصول .
وصلو الجامعة ونزلو .... كل الانظار اتوجهت ليهم الاولاد بعاينو ليهم بي غيرة 😠 والبنات بي اعجاب 😍.
ومن بعيد جو شلتهم جاريين عليهم .
خالد : ما معقولة لكن اتأخرتو كدا ليه ؟
حسام وهو بيأشر على مجد : انا ما دخلني هو السبب .
مجد : الحسنة في المنعول ما بتنفع.
ريان: شنو يا اصلي جامعة ابوك هي ؟ تجي زي ما عايز وتمشي زي ماعايز ؟
لؤي: انتي ياريان محسساني انك جيتي من الفجر ...كان ما جيتي قبليهم بدقايق.😏
ريان : انا شايفة انو احسن تسكت وتمسك لسانك عليك 😒.
حسام : لي يسكت خلي يقول الحقيقة😏
*حسام ولؤي بحبو يغيظوها .
سمعو صوت انثوي وراهم : مجد لبستك حللللوة .
دا كان صوت شيرين حبيبة مجد 😗(اها الولد مجكس عشان ما تختو عيونكم عليه)
ريان: اها تمت الناقصة 😒(ما بتحبها)
*مجد لابس بنطلون اسود وتشيرت يدينو كاملة مكفوفة لونها ابيض ومسطرة بالطول بالاسود.... جزمة رياضية Nike سوداء فيها علامة ✔️ بالابيض .... نضارة شمسية عاكسة للشمس رافعها في راسو ... وشنطة ضهر Puma
رؤى بصوت هادئ: يا جماعة فاضل اقل من 10 دقايق .
لؤي بي حماس : طيب يلا نمشي سريع .
بقا بيلزلز في اصحابو وهو بيقول : اتحركو اتحركو اتحركو .
مشو كلهم ودخلو القاعة الحيقدمو فيها محاضرتهم وكان في حضور من عدة جامعات مختلفة وضيوف كبار.
تعالو نتعرف على بعض الابطال ☺️:
*بيان : عمرها 22 سنة اتخرجت من كلية ادارة الاعمال اولة الدفعة من اول سنة .... جميلة ... لونها ابيض نضيف ..شعرها لي نص ضهرها حريري مصبغاهو بني فاتح... عيونها عيون غزال ... خشمها شكلو جميل ... انفها سنين وحلو ... طولها متوسط لكن مايلة للطول ...جسمها حلو ورفيع .
*ريما : اختها الكبيرة عمرها 25 سنة جميلة عندها ولد عمره 10 شهور ... وبنت عمرها 4 سنوات اسمها جوري 😇.
*مجد: اصغرهم عمره 19 سنة..كلية صيدلة السنة ال3 ... لونه فاتح ... طويلون(طويل 😹) .. ضعيف ومعضل... عيونه جميلة ... مز 😍 بمعني الكلمة شعره اسود ناعم... بيحب يعزف على الكمان (كمنجة 🎻) عفوي ... قلبو كبير وابيض ..بيحب يساعد الناس ❤️..طموح.
*هدى: امهم..محامية كبيرة ومشهورة لانو ماف يوم مسكت قضية الا وكسبتها امرأة فاهمة وعاقلة .
عماد بكري : ابوهم.. رجل اعمال كبير ذو خبرة... عندو شركة كبيرة شراكة مع اخوانو وراجل اختو.. رسمي..طيب.. بيحترم الناس .
بعض ما خلصت المحاضرة والشلة طلعت بعد ما قدمو محاضرة جميلة اشادو بيهم فيها.. مجد كان ماشي مع شيرين..نزل نضارتو في عيونو
ودخل يدينو في جيبو.. في عين بتعاين ليهو من بعيد..نظرات مليانة حقد وكراهية.
عمر:اااخ بس لو تعرف انا بكرهك كيف يا مجد..بكرهك بكرهك بكرهك.
حاتم (صحبو القاعد جمبو): عليك الله نضف قلبك دا شوية وخلي حقدك دا يا عمر.
عمر بي غيظ : اي حاجة زفت زفت (مجد) الناس كلهم بيحبوه..وشاطر.. ومصاحب اسمح بت في الجامعة لي كدا بس .
حاتم: لا حول ولا قوة الا بالله انت مالك ومالو خليهو في حالو ما معقولة يكون قلبك اسود كدا ياخ .
عمر : انا صحبك ولا هو ؟؟؟ شكلك كدا انضميت لي قائمة معجبينو..
حاتم : انت عارف انو انا صحبك..بس صحبي لمن قلبو يكون اسود دي مشكلة.
عمر : انا قلبي اسود وما نضيف... عجبك اهلا وسهلا...ما عجبك اتخارج مني طوالي.
حاتم وقف على حيلو : طيب يا عمر انا متخارج... بس قبل ما امشي احب اقول ليك مجد ما قدرك ما تلعب بالنار ياشاطر .. لانها بتحرق.
عند ناس مجد:
ريان وهي بتفرك يدينها بي حماس: بعد دا موضوعنا الحلو.
ريان ركبت مع رؤى..حسام ركب مع لؤي..شيرين ومجد مع بعض..خالد براهو
وصلو مركز غسيل الكلى.
مجد وهو بيوقف العربية : يلا
شيرين: لا انا ما حانزل
مجد بي استغراب: لي ؟
شيرين: مجد معليش بس انا بقرف من الناس ديل لانو
وقبل ما تكمل كلامها مجد شغل العربية تاني عشان التكييف يشتغل.. ونزل من العربية وقفل الباب بي صوت عالي دلالة على انو زعل منها.
لكن شيرين ولا هماها فتحت المراية الفي السقف وبدت تصلح في مكياجها.
مجد واصحابو دخلو المركز..بدو يسلمو على المرضى ويتفقدو فيهم ويتكلمو معاهم ويهاظروهم عشان يضحكو..مجد براحة مشا لي مكتب المدير..اداهو شيك بي مبلغ كبير.
المدير: الله يبارك فيك يا مجد انت واصحابك ما بتقصرو .
مجد وهو مبتسم: الله يخليك.. وعليك الله لو في اي حالة جات وماقادرة تدفع اضرب لي طوالي يادكتور ..في ناس احنا املهم بعد ربنا .
المدير: ان شاء الله ...في ميزان حسناتكم جميعا.
طلع مجد من مكتب المدير وكان في دكتورتين بيتكلمو.
دكتورة1: دا منو؟
دكتورة2: دا اسمو مجد بيجي هنا كل اسبوعين هو واصحابو بيتبرعو بي مبالغ كبيرة ... وبيسلمو على المرضى وبيسمعو منهم.. وبيجيبو ليهم هداية وبيضحكوهم ويفرحوهم.
دكتورة1: ماشاء الله..ربنا يزيد من الشباب الكدا.
طلعو واي مجموعة ركبت عربيتها ... مجد بعد ما حرك العربية وقفها تاني ونزل بي سرعة... كان في مرة كبيرة ومترددة تقطع الظلط وشايلة اكياس كتيرة... مجد مشا ليها: السلام عليكم يا امي .
المرة : وعليكم السلام يا ولدي.
مجد شال الاكياس والمرة بتعاين ليهو بي استغراب... مشا وداها الجهة التانية من الظلط... وجا راجع ليها وقطعها... وقف ليها امجاد..ركب ليها الاكياس وساعدها في الطلوع ..دفع لي بتاع الامجاد بعد ما عرف هي ساكنة وين ... المرة اصرت انها هي التدفع بس اصرار مجد كان اكبر... قبل ما يقفل ليها الباب .. قالت ليهو:ربنا يرضا عليك دنيا واخرة ويحفظك لي امك ويبعد عنك اولاد الحرام يا ولدي .
مجد وهو مبتسم ابتسامة عريضة وبيرفع يدينو : اااااامين .
شيرين كانت متابعة الموقف: غايتو بس هسه انت بتعرفها من وين عشان تساعدها لا وكمان بتدفع ليها اااخ يارب صبرني .
مجد ركب العربية وما اتكلم معاها ولا حتى عاين ليها..وقف في محل العاب اششترى العاب كتيييييرة لأنو وجهتهم التانية كانت لي دار الايتام.
لقا اصحابو وصلو قبيلهو وواقفين مستنينو... نزل وما طلب من شيرين تنزل معاهو... جو ولدين ساعدوه في تنزيل اكياس الالعاب.
اول ما دخلو جو الاطفال جاريين وهم فرحانيييين وكانو بيصرخو بصوت عالي: بابا مجد جاااا.
كانو متعودين عليهو وبيستنوهو دايما عشان يجيهم كانو كلهم بحبوهو هو واصحابو شديد.... هو واصحابو البرغم من عمرهم اللسا صغير لكن كان قلبهم كبير وبيحبو يساعدو الناس ويرسمو البسمة في وجوهم.
مجد وخالد قعدو ليهم في الارض وفتحو ليهم يدينهم.. الاطفال كلهم جرو لي مجد وخلو خالد براهو فاتح يدينو 😂(شاكوش يا 🔨)
خالد وهو عامل تكشيرة الاطفال : وانا ماف زول بيجيني : (
كلهم ضحكو عليهو ... وجو باقي من الاطفال جاريين عليهو وحضنو.... كانت اشكالهم جمييييلة وبتدخل البهجة في النفوس تخلي اي زول يشوفهم يحس بالامان وبعرف انو الدنيا لسا بخير.
ريان ورؤى بيلعبو مع طفلان بالعروسات 👱..لؤي مقعد جمبو مجموعة وبيقرا ليهم في قصة..حسام بالرغم من انو ضهرو بيوجعو كان شايل طفلين في كتافينو والثالث مشعبط في ضهرو 😂وبيلعب فيهم وهم بيضحكو بصوت عالي..خالد شايل طفلتين في رجلينو والباقيين قاعدين جمبو بيغني ليهم ويحفظهم عشان يغنو معاهو..اما مجد كان بيوزع ليهم في الهدايا 🎁 والالعاب🐼🐣⚾️🚘🚖والحلويات 🍩🍫🍭🍬.. وبيشيلهم ويكلكلم عشان يضحكو.. ويبوسهم بي حنان ويمسح على رؤوسهم..كانو كلهم بيحاولو يعوضوهم عن الحنان الاتحرمو منو من دون ما يذنبو بي اي حاجة .. بس الله كريم وموجود معاهم..لو الدنيا قست ربنا رحيييييم.
تعالت اصوات الضحكات الطفولية البريئة الدالة على السعادة البتتسمع كل ما مجد واصحابو يجو هنا 😊.
بعد ما ودعو اطفالهم الصغارطلعو بره.
مجد: شباب ما تنسو حفلة بيان الليلة تمام ؟
ريان دي حاجة تتنسي ؟
مجد: انتي هسه بتقولي كدا لكن بعدين حتشبكيني عيانة وتعبانة وعندي صداع وووب علي عايزة اموت وحركاتك البتعرفيها براك ديك.
حسام : اصلا دي حركاتها.
لؤي:حركاتها الدارسنها وحافظنها
حسام: شكلك كذابة وما حتجي.
ريان :حاجي عشان اثبت ليكم الاتنين اني ما بتكلم في راسي😠
لؤي وحسام وهم كاتمين ضحكة استهزاء: نشوف 😏
مجد وهو بعاين لي ريان: وعد حتجي؟
ريان بي نظرةاصرار:وعد
مجد وهو متوجه لي عربيتو : يلا مع السلامة نتلاقى هناك وماتنسو تدربو كويس عشان المفاجأة ما تبوظ.
اي زول ركب عربيتو .
لؤي: 😂 شفت ري8ان وشها بقا عامل كيف ؟
حسام : شوية وتنفجر 😂💔
لؤي:الليلة لازم نزهجها نتسلى شوية .
حسام:بتضربنا لو زهجناها شديد 😂
لؤي: مالي درجة نهيجها بس نغلس عليها.
حسام:زييييت
عند ريان ورؤى:
ريان: شفتي العقربة شيرين ابت تنزل هي نست انو مجد ما بيحب الحركات دي ...اصلي ما بريدها ولا بطيقها مجد مستحملها كيف الله اعلم.. بتقتلو في يوم .
شيرين : كيف تقتلو 😂.
ريان : هو براهو عندو ال وبقت بتكحكح كانها انتبهت لي نفسها .
ريان وهي منتبه مع السواقة : عندو شنو ؟
ريان: عندو حساسية من الحركات دي.
عند مجد وشيرين:
شيرين شغالة تتأفأف وتكحكح عشان مجد يعاين ليها 😂.. لكن مجد مطنشها ولا شغال بيها الشغلة .
شيرين:مجد
مجد:.........
شيرين :اظن بتكلم
مجد:..........
شيرين بصوت عااالي:مججججد
مجد ضغط فرامل بي زهج: في شنو عايزة شنو ؟
شيرين: انت لي بتتكلم معاي بالاسلوب دا 😢؟
مجد : اخ نسيت البتقرف من ناس الفشل الكلوي مفروض اتكلم معاها بي اسلوب احسن .
شيرين : شنو ؟
مجد : ممكن افهم لي قبيل رفضتي تنزلي معاي اخخخ نسيت نسيت انتي بتقرفي منهم .
شيرين: 😢 مجد انا بكره الدم ... بابا الله يرحمو مات بالفشل الكلوي انت ما اديتني فرصة عشان افهمك طوالي نزلت .
مجد سكت مسافة وهو بعاين لي دموعها الجارية ..شال المنديل ومسح ليها دموعها:انا اسف .. بس انتي بدل الاسلوب القبيل دا كان تفهميني وتوريني السبب دا ... ما تزعلي مني .
مسحت دمعتها وهي بتعاين بالشباك وبتهز راسها بمعنى كويس.
مجد قبل وراهو وجرا كيس كبير مخملي لونو اسود: يا حلو
شيرين:....
مجد : شفتي انتي لسا زعلانة قلت ليك معليش... والله اسف... شوفي جبت ليك شنو
قبلت طوالي عليهو😂... وشالت الكيس منو وهي لسا صارة وشها.
مجد: ماف شكرا...تسلم...الله يخليك
شيرين: لا
مجد: لا؟
شيرين:اي
مجد: ما مشكلة المهم ما تزعلي... وما تفتحيها الا لمن توصلي البيت.
وصلها عمارتهم ونزلت.
مجد: ماتنسي الليلة حفلة بيان .
شيرين : ما ناسية حاجي ☺️.
عند خالد:
شغال يغني قدرتو مع القونة : سجل لي شركااااااتك..سجل لي شركاتك عرباتك🎵🎶🎤(حالة صعبة 😂😂😂)
نجي نتعرف على شلة مجد:
*ريان: 19 سنة ...3 صيدلة ... دبدوبة وحلوة😍 لونها اسمر فاتح جميل..شخصيتها قوية..مضحكة وظريفة
*رؤى:19 سنة... 3 صيدلة... جميلة جدا جدا جدا ... هادئة... شخصيتها حلوة... محجبة وانيقة شديد... بتعزف على الكمان🎻 زي مجد.
لؤي: 19 سنة ...3 صيدلة.... حلبي... طويل ضعيف ومعضل...شخصيتو مضحكة... مز 😍
خالد: 19 سنة ...3 صيدلة.... لونو اسمر جميل... طويل.... عندو عضلات 💪... شخصيتو معتدلة بين هادئ ومضحك.
*حسام: ولد عمة مجد... هو مجد كأنهم توأم بيتشابهو شديد في اي حاجة لي درجة مرات ماف زول بيعرف يفرقهم.. بس حسام عندو شامة في خدو ومجد لونو افتح منو بشوية.
*شيرين: جكسوية مجد من 3 شهور... بيحبها شديد... قصيرة وبتلبس دايما جزم كعبها عاااالي 👠... جات متحولة جامعتهم السنة دي يادوب... مغروووورة... جميلة وفيها انوثة... عيونها واسعة... مصبغة شعرها احمر داكن... ودايما بتكون عاملة روج داكن لابسة زمام... شلة مجد كلهم بيكرهوها وما بيتعاملو معاها... الا خالد ورؤى... رؤى ماعندها ليها شي بتعاملها عادي.. خالد بيعاملها بي طريقة غريبة في سر من وراها.
مجد وصل قصرهم 🏰 (حاقول بيتهم وخلاص)
بركن العربية... ودخل كانو الشغالين بيجهزو.. ومنظم الحفلة بيوجه فيهم..سفرة كبيييرة طويلة خاتين فيها صنوف الاكل...وواقف جمبها شيف... سفر دائرية وحولها كراسي في الحديقة وبركبو في الاضاءات.
اول ما دخل جوه جوهو بنات عمتو (اخوات حسام) يقين ونادين .
*يقين 13 سنة ممتحنة ثامن... عسولة ... شعرها طويييل... مجنونة وقصيرونة 😍
*نادين 17 سنة ممتحنة 3 ... حلوة ... ملامحها ناعمة بتلبس نضارات نيرد 👓... شعرها مموج نازل تحت كتافينها..
يقين: مجوووود
وحضنتو بالجنبة ... يعني على صفحتو .
مجد: عيون مجود.
نادين: مجد كيفك .
مجد: المنتحرة 😂(الممتحنة -_-) انا الحمدلله وانتي ؟
نادين: الحمد لله 😔
يقين لسا ماسكة في مجد.
نادين: يقين يلا
يقين : مام 😛
نادين : اسمعي الكلام
يقين: بتغيري مني ؟ (شافعة قليلة ادب بكسر القاف😂)
نادين : يقققين
جات الشغالة : يكين ناتين بابا كول يو .
يقين ونادين مشو...
ونادين بتعاين لي يقين بتوعد.
مجد شال نفس بي ارتياح لانو الشكلة قربت تقوم بين البنات.
طلع وفي السلم لاقى بيان
مجد: بياني 😀
بيان:ببو يشقك غور من وشي عشان ما انهزك 😒
مجد: ياااخ ما تقولي دي زعلة الصباح
بيان : اي زعلة الصباح واوعك تقول لي خلي قلبك ابيض وانسي لانو دا الكلام البسمعو كل يوم.
مجد وهو بيلعب بي شعرو : الحياة من دون مقالب ما بتمشي.
بيان : لا يا ابو الحياة.
فجأة جات جوري كاتحة كتح من بين رجلينو وهي بتكورك: ماااامي ^_^
مجد وهو بعاين تحتو بي خلعة: دي جات من وين 😳
بيان اتفجرت من الضحك على شكل مجد وجرية جوري.
مجد: اضحكي براحة فجرتي راسي براهو مصدع.
بيان وهي لسا بتضحك: سلامتك
مجد: قلبتي الوش التاني ؟
بيان: ظاهر في وشك انك تعبان امشي اخد ليك نومة عشان بعدين تقدر تقابل الضيوف.
قرصتو في خدو قبل ما تنزل(حنان الاخت الكبيرة ❤️)
مجد: بيان صحيني بعدين طيب ؟
بيان: في اختراع اسمو منبه
مجد: ما انتي عارفة انو ما بيصحيني.
بيان: خلاص خلاص .. ياجيتك انا يا رسلت ليك زول .
وتابعت مشيها في السلم.
مجد دخل غرفتو بلع ليهو حبوب💊... دخل الحمام اخد ليهو شور مننننعش 🚿... طلع لبس بنطلون البجامة ونطا في السرير وغطا في نوم عميق .
#نهاية_الجزء_الاول
اها رايكم ☺️.... الجزء الجاي فيهو احداث مشوقة اكتر وحلوة ان شاء الله تعجبكم .