_
الساعة 9 الصباح
صحت بكسل وهي تتمغط
لفت لـ الساعة وشهقت بصدمة
لسع م صلت الفجر
جلست بسرعة ولفت لوليد
تولين : وليد
وسكتت بعد م شافته صاحي ويطالع فييها بخبث
استغربت ومسرع م شهقت
سحبت اللحاف بسرعة وغطت جسمها فيه
تولين باحراج : وصخ
وقفت وراحت الحمام بسرعة
_
تولين تكلم نفسها وهي بالبانيو : يمه وش ذا الجرءة اللي فيني وش سويت انا ي ربي
صارت تحرك يدينها تحت الموية : لا عادي ذا حلال لالالا حرام ، لا حلال "حطت يدها ع راسها " ي ربي انا وش فيني ؟
وليد بصوت مرتفع من ورا الباب : حلال حلال ولا جيتي تفكرين خفضي صوتك سمعته وانا جالس
ضربت خدودها بفشلة : ي رببببببببيييي
_
كانو العمات والخالات يفطرون بالمزرعة
والرجال كانو بالخيمة يفطرون
"زيتون ، جبن ، عسل ، مربى ، و معجنات باللحم والدجاج مسويتها ام وليد "
ام فيصل : تسلم يدك ي ام وليد اعطيني الوصفة بعدين
ام وليد : الله يسلمك حبيبتي برسلها لك واتس
ام فهد : ارسليها بالقروب
ام وليد : اوك
سمعو صوت ضحك البنات من بعدين
سلمو وجلسوا
غرام بتلذذ : ماشاء الله المعجنات ذي وش زينها من مسويها ؟
لينا : امي اكيد
ام وليد : ايه انا مسويتها بالعافية "وبتساؤل" وين زوجة اخوكم ؟
لينا بخبث : يمكن نايمه بالعسل يمه
ام وليد بابتسامة : الله يهنيهم
لينا بتساؤل : رفعتي لهم شي يمه ؟
ام وليد وهي تتعدل بجلستها : اكييد
دخلت تولين وابتسامة خجل مزينة وجهها : السلام عليكم
ردو السلام وهم مبلمين ومستغربين من اللبس !
شورت جينز اسود وعليه سلسال من الجنب باللون الذهبي
وبلوزة شيفون بيضا بدون اكمام
ولابسه فوق ذا كله جاكيت اسود
وشراب لتحت الركبة كان بيدها
عشان البرد
تولين باستغراب وهي تمسك كوب الحليب : وشفيكم
لينا بهمس : ي بنت الحلال قلنا لبسك امس قدامنا عادي لكن قدام الكبار لا بيضحون فيك
تولين باستغراب تطالع نفسها : وش فيه لبسي ؟
لينا وهي تتكلم بهمس : م فيه شي ي عمتي بس قصير زيادة عن اللزوم
ام سامي بحده : وش ذا الملابس استحي ع نفسك
تولين بنبرة باكية : وش فيه لبسي ؟؟
وشدت ع الجاكيت
ام سامي : قومي غيريها قومي
زحفت لبعيد والعبرة خانقتها : ي جده
ام سامي : وصمه بلا قله حيا قومي غيري هاللبس الفاصخ
دخل وليد بعد م تنحنح : وش فيه لبسها يمه
ام سامي باستصغار : وش اللي م فيه اذا بتلبس ذا اللبس خلها تلبسه بجناحكم مو قدامنا
لبست الشراب وبنبرة باكية : طيب وكذا
ام سامي بتفكير بعد م حست انها زودتها : كذا عادي
كتم وليد ضحكته وهو شايف انه م فيه فرق بشراب او بدون الله يكرمكم
_
كانو الرجال يتكلمون عن الشركة
والشباب جالسين يلعبون بلوت واللي يلعب اونو
وريان وشلة الدكاترة كانو يتكلمون عن الحالات اللي تجيهم
ريان بشفقة : والله فيه اطفال اشوفهم احس قلبي يتقطع الله يشفيهم
مازن بتساؤل : انت وش تخصصك ؟
ريان : انا طبيب جراحة
مازن : طيب ووليد ؟
عقد حواجبه بتفكير : والله م ادري كوكتيل بس يمكن يشتغل بقسم الطوارئ
مازن : يوووه والله الحالات اللي هناك هي اللي من جد تقطع القلب كيف وليد متحملها
ريان بغموض : وليد قلبه قوي اقوى من اي شخص
_
" خذها اليوم بس لا يشوفك سامي ، حرام شوفو جسمها كيف صار ، لييييش تسوون فيها كذا خافو الله ، بنتييييييييي ذبحتووها ردوها ليي "
كانت ماسكة راسها وصرخت باعلى صوتها وعيونها مفتوحة ع وسعها
سكتت وهيي تاخذ نفس كانه شهقات
صارت ترتجف بقوة واطرافها بدأ يتغير لونها
لينا بصراخ ويدينها ع وجهها : يمــــــــــآآآآآآآآآآآآه
صارت تصرخ وتصرخ ووليد يحاول يقيد حركتها بعد م شافها تفقد السيطرة ع نفسها
ام وليد ببكاء صرخت ع تولين : نادي عمك بسررررعة
وقفت وهي تركض باسرع م عندها لـ بيت الشعر
_
دخلت وهي تبكي وشعرها لاصق بوجهها والدموع ماخذها من خدها نصيب
تولين وهي تصرخ : عميييييي لـ لـينــآ
لفو كلهم لجهتها بخرعه
وقف ابو وليد بسرعة وهو يتجه لها
مسكها من كتوفها وهو يهزها بعد م شافها بدأت تفقد الوعي : بنتتتتتتتت توليين
نزلها ع الارض وطلع يجري بعد م استوعب كلامها وهو خايف انها بدأت تستوعب اللي صار
تولين وهي بنص وعيها : لـ ليـ..نــآ تـ..ــصرخ "وكحت بقوة بعد م اختنقت" لـيـ.ـنـا
حست باحد يحضنها بقوة وكأنها يغطيها
رفعها عن الارض وطلع فيها برا بيت الشعر
لمحته ...!!
كان شاب واضح انه بأواخر العشرينات
نزلها ع الارض وضربها كفوف خفيفة ع وجهها
الشاب : بنتت تولينن !!
استوعبت بسرعة ورجعت دموعها تنزل بغزارة
تبغى توقف بس كل م حاولت توقف تطيح
فـ النهايه استسلمت وتكورت ع نفسها وحاولت تغطي وجهها وشعرها
الشاب : انا عمك م يحتاج تغطين عني
تولين باستغراب : كيف ؟
عمها : عمك اخو ابوك واسمي رعد وبعدين ليش تصرخين كذا
شهقت وهي ترتجف والدموع غطت وجهها : لينا تصرخ وشكلها يخوف وعمتي قالت لي اخبر عمي
رعد بخوف : لا إله الا الله امشي معي نشوف وش صار
وقفت معه بسرعه بعد م استعادت توازنها
راحت و ي ليتها م راحت
لينا كانت تصرخ باعلى صوتها وواضح عليها الجنون
وملابسها فوقها ممزقة والدم ينزل من خدها ويدينها
وعيونها مفتوحة ع الاخر
تراجعت لـ ورى بصدمة وصدمت بعمها اللي كان وراها
غطت عيونها بيدها وصارت ترتجف هي الثانية بشكل جنوني
طاحت ع ركبها وانهارت تبكي بصوت عالي
طلع ابو وليد علبه فيها محلول من شنطه ام وليد
واخذ الابرة الفارغة وصار يعبيها بالمحلول
حقنها فيه وبدأت هي تهدأ تدريجيًا
حتى طاحت بين يدين ابوها
فجأة بلحظة انشغالهم بلينا
طاحت تولين ع الارض متمدده جنب لينا
وجسمها مزرق وفاقده الوعي
_
_
لف وليد لها بسرعة وهو يعدل وضعيتها ويفتح ازرار بلوزتها
ضرب خدها بخفه وهو يلتفت حوله يدور شنطتها
لف لهم بتوتر وبصوت مرتفع شوي : البخاخ وينننه !!!
لف ع وحده من البنات وكانت محجبه : بخاخ تولين وادويتها تحصلينها فوق الطاولة بغرفة النوم جيبيها بسرعة
وقفت غرام بتوتر وراحت ركض لـ الفله
مرت دقيقة
دقيقتين
ثلاث
خمس
قفلت معه
جات غرام وهي شايله بيدينها الادوية
رمتها ع الارض قرب وليد اللي اخذ البخاخ بسرعة وحطه بفم تولين
وليد بقلق : بنتت خذي نفسس تولييييين
تصلبت اطرافه لـ لحظه
معقولـــه ؟؟
ماتت !
حط راسه ع صدرها ويده عند نبض يدها اليسار
متـــــــــــــــــــوقــــــــــــــــف
!
سحبه ابوه ع ورى بعد م شافه جاب العيد وصار يهز بتولين بعد م توقف نبضها
حط يدينه فوق بعض وبمنتصف صدرها حطهم وصار يضغط بشكل قوي نسبيا
بعد م شاف ان وليد م مخليه يكمل شغله سوى حركه افقدته وعيه
وابو وليد رجع يضغط
" ويـــــنـــعشـــهــآ "
معقوله حياه تولين انتهت بهذا الشكل
؟
_
رامي محمود الــــ####
تم اصدار عليه حكم الاعدام
وسيتم اعدامه
صباح يوم الاثنين
وبقدره الله سبحانه وتعالى
رجع لها النبض
بس ضعيف
ارتفع صوت سيارتين الاسعاف اللي جاات تاخذهم المستشفى
_
ابو وليد بسرعة لرعد: صحي الخبل ذا وقول له يلحقني
وركب سيارته ومشى
رعد بقلق: المشكلة مو هنا "والتفت لوليد " المشكله انك عطيته ضربه من قلبك وشلون بيصحى الحين ؟
وركب سيارته هو الثاني مع الجد ولحقوا الاسعاف
_
عادل (اخو تولين من الاب ): وشلوون بيعدمونه وانا لي 10 سنين م شفته ؟
ضربه كف وبوقاحه : م جمعت الست ملايين مثل م قلت لك !
عادل بجنون : وشلووووووون بجيبها فهمنييي ؟
دخل واحد وبنفس وقاحه الشخص الاول : يلا موعد الابرة
سحبوه بدون رحمه وغرزو الابرة بيده
كانو يوجهونه لـ ( المــــوت البطيء )
_
المروج ، السكير ، العاصي
كم اغتصب بنت بدون رضاها ؟
وكم وحده قبلت ؟
كثيريييييين
وكم بنت حملت منه
بس هو ابد !
م تفرق عنده
عنده الدنيا شهوه وسرير فقط !
والاخرة م عمره فكر فيها
م يدري
ان الدنيا فانيه
والاخرة حساب وجزاء
كان يبتسم بكل برود وههو يردد بصوته المقزز : بنتي السبب بكل شي ..!
_
لورآ بصوت حزين : راكان
راكان وهو يبوس بنته : عيون راكان ؟
لورآ بحزن : ي تعترف فيني قدام اهلك ولا طلقني طفشت والله العظيم طفشت
راكان بحده : خبرتك وبرجع اخبرك م تزوجتك الا وانا متاكد انك عارفه ان م راح تقابلين اهلي ابــــــدًا
لورآ بدموع : حرام عليك "وبرجفة" اجل طلقني غيرك يستاهلني
راكان بحده مخيفة : وشوووو طلاق ماني مطلق م راح تشمين ريحته لو تموتين قدامي
لورآ بصرخه مخنوقه : ادررري فيك م تحبنييي والله م تحبني ليش اخذتني ؟
راكان ببرود: بطلي الكلام الفاضي
مسكت مكان العملية بألم : حسبي الله عليك حتى عماتي م يعرفون بزواجي
راكان بقهر : لاتدعيييييييين والله لو عرفتي وش اللي يخليني ابعد عنهم انك تندمين على كلامك هذا
لورآ : ابغى اشوف عمي وعمتي ي راكان ابغى اخبر الناس اني متزوجه مو مثل م يعتقدون "عـــآنــس "
حرك يده بملل : كلام فاضي قال عانس قال
لورآ بصراخ : لانك م تحس فيه ولا تعرف معناه قلت كلام فاضي "وبقهر" من حقييي هذا الشي والله من حقي
راكان : بعد شروطي صار مو من حقك
_
بعد الاعدام بـ ساعات
انتشر الخبر على مواقع التواصل الاجتماعي
اسم المعدوم "رامي محمود"
فقط
بدون اسم العائلة
بس فيه صورة وحده
صورة دم وبطن "رامي"
ومكتوب ع بطنه بالقلم الاسود
" Death to you "
_
بعد م استعادت وعيها
كانت الدنيا ضبابية بعيونها
حاولت تركز بنظرها لـ اللي جنبها
عمها ، زوجها ، وعمها الجديد "رعد" ، ورجاال كثيرييين !
انصدمت وحاولت تتكلم
بس تفاجاءت !
وجيههم غالب عليها الحزن
وشخص كبير فـ السن
واضح عليه الانكسار
رعد بهدوء : البنت صحت ي جماعه
ركزو نظرهم عليها وهي ارتبكت
الجد : الحمدلله ع السلامة ي بنتي
ناظرتهم بخوف ولا تكلمت
طالعت بوليد وهي منصدمه كيف يخليها بدون م يغطيها
ابو وليد بصوت مبحوح : تولين ذولا اعمامك وذا " واشر ع الجد " جدك
انصدمت بقوة ولاشعوريا تكلمت :I do not believe you
انصدم ابو وليد والاكثر وليد
وشلون تتكلم بالانقلش وهي م عمرها زلت فيه قدامهم ؟
"بس اللي م يعرفونه
انها كانت تعيش عند اخوالها الى ان صار عمرها ست سنوات
وبعدها اخذها ابووها
لانه اصلا م كان يعرف ان عنده بنت من زوجته الراحله !
وهي بدأت تطور لغتها "
فهمو انها م تتكلم عربي
تولين بنبرة باكية بالانقلش : والدي اخبرني بانه لا يوجد لدي عائلة
ابو وليد ببحة : الله يسامحك ي رامي "وكمل بضيق " تكلمي بلهجتنا عشان يفهمونك الباقيين
تولين : ابوي م خبرني ان عندي اهل قال لي انه وحيد ابوه وابوه توفى !
ابو سامي بانكسار : الله لا يسامحك ي رامي
رعد : ادعي له ي ابوي المـــــيت م يجوز عليه الا الرحمه
تولين باستغراب وصدمه : مـ مــيت ؟ وشلون ميت قبل شهر كنت عنده ؟
رعد بزله : اعدموهه !
صمت غريب منهم حسسها بالوحده
ركزت نظرها ع يدها اللي فيها ابرة المغذية
تولين بصوت غريب "حقد،كره،حزن" : احسن يرتاح ويريحنا
ابو فهد : استغفري ربك ي بنتي مهما كان هو ابوك
تولين بنظرة حاده: لا مو ابوي ، لو كان ابوي م كان سوى اللي سواه وخلاني احتاج له وهو جنبي ! "وببكاء يقطع القلب" شعووررر يقتلللل محد يدري قد ايش كنت اعانييي منه ! "وبشهقه" كم مرة حاول يقتلني وكم مرة حاولت انتحر انا ؟ كثيييييييييررر"مسحت دموعها" جسمي تشوه كله حروق واثار "حطت وجهها بين كفوفها وكملت " كنت اروح المدرسة والكل يضحك علي "وبحقد اول مرة يسمعونه بصوتها " ليش م يضحكون مو انا بنت السكير ؟؟؟ كم مرة جاتني بنت تقول ابوك سوا وسوا
بعد م هدت تكلمت برجفة : لا احد يكلمني عنه رجاءًا
وشالت المغذي من يدها وراحت لـ دورة المياه"الله يكرمكم"
كان ابو وليد حاط جبينه ع كف يدينه : يــاا الله
كان وليد يراقب الموقف بصمت
بعدها تحرك وطلع
_
لينـآ كانت صاحيه قبل تولين بـ ثلاث ساعات وكتب لها الدكتور خروج
جا رائد اخذها ورجعها المزرعة
كان جالس معاها ع الكراسي الخارجية
رائد بحنان غريب عليه : وشلونك الحين ؟
لينا : الحمدلله
م حب يزعجها بالاسئلة : تبغين اوديك غرفتك ؟
لينا بابتسامة : ي ليت والله م فيني حيل ابد
ساعدها توقف ودخلو الفلة
كان يسولف معها وهم يطلعون الدرج
لينا بتساؤل : م اتذكر وش صار خبرني
رائد باستغراب : والله حتى انا م ادري كنت طالع الا قالو لي لينا بالمستشفى
دخلت غرفتها وهي تنسدح ع سريرها : يلا اقلب وجهك ابغى انام
رائد بصدمة : لا لا م اتفقنا ع كذا
لينا بنعاس : والله فيني نووووم روح نام الحين بعدين اذا صحينا نسولف
رائد تثاوب : اصلا فيني نوم بس قاعد اكابر
لينا: قفل النور والباب
رائد قبل م يقفل الباب :طرده محترمه !
لينا : افهمها مثل م تبي
وغمضت عيونها ومسرع م دخلت ف النوم
قفل الباب وراح لغرفته هو الثاني
_
كان ورا النخل وحالته حــآله
كان مستند ع النخل وقبضه يده شاده ع صـدره
خـالد بألم : يــــــآرب
اخذ نفس بصعوبة وهو يلتفت
درى بمرضه وهو لحاله وش يبغى فيهم وهو بعز ضعفه
طلعت منه آآه من شده ألمه لا شعوريًا
كان تعباااان حده
الدكتور قال له حرفيًا : قلبك تعب
وهو بعد م عرف ذا الشي
اخذ ادويته كلها وحطها بالبانيو و حط عليها مويه
حتى ذابت
صرخ بـألم :آآآآآآآآآه ي ربــي آآآآآه
كان مو منتبه !
لـــ
اعمامــــــه
وابـــوه
اللي كانو جايين باتجاهه بعد صرخته
تنفس بصعوبة وهو يرجع لورى
خالد بهمس : انا راضي والله راضي لحد ييجيييييي
ابو وليد بخوف : خالد وش فيك ؟
خالد وهو يحاول يقوي صوته : و ولـ لا شي
نوبه قوية خلته ينحني غصب عنه ويتأووه
ابو وليد بشك : خالد وين ادويتك وليش انت هنا لحالك
خالد : رميتــ..هـا
ابو وليد بصدمة : ليييييييييييش
بدا نفسه ينتظم لان ابوه غصبه يدخل البخاخ بفمه
وتدريجيا وبعد وقت انتظمت نبضات قلبه ونام
شاله ابو وليد مع ابو فيصل ودخلو فيه لـ الفلة
بعد م دخلوه غرفته وسدحوه
لحفه ابو وليد والتفت ع الغرفة
علب الادوية فاضية !
يعني كان صادق
تنهد بغضب وشغل المكيف ثم طلع
_
ابو سامي بصوت قوي: وليش م وديته المستشفى ي سامي ؟
هز راسه بعدم حيله : وش اسوي يبه عجزت فيه
ابو سامي : وده لـ المستشفى وانا ابوك حالته م تطمن
ابو وليد : يبه خالد عنيييييد مرة ولا يرضى يسوي الا اللي براسه بعدين يبه مرضه مو هين فيه القلب
مازن : لازم يروح المستشفى ي عم حالته مثل م قال جدي م تطمن
ابو وليد : المرض فيه من ثلاث سنوات ونص ولا خبر احد بالصدفة دريت
مازن : الله يشفيه
ابو وليد والجد : اللهم امين
م كانو منتبهين لـ اللي جالس بالزاوية
تنهد بضيق وبهمس : سمعتك وش قلت ي خالد ! من قال ان مالك امل ؟
_