_
وصلوا المزرعة بعد 3 ساعات سفر
دخلت تولين وهي دايخه بس ودها تنام
وليد وهو يضرب كتفها بخفه : نامي الحين وبصحيك الساعة 3
تولين : طيب
كانت المزرعة عليها اسوار وفيه بوابة كبيرة بيضاء
بعد البوابه تقريبا 20 متر مساحه فاضيه
وكانت مزروعة وتجنن
بعدها فلتين كبار وفيه بجنب الفلتين بمسافة مراجيح والعاب لـ الاطفال
وكان فيه غرفة كبيييرة وجمييلة بشكل لا يوصف
كان لونها وردي
وموجود ملعب صابوني كبير
وسماعات كبييرة
و3 ميكرفونات
وبعد الستارة فيه مسبح
كانت هذي مسويها ابو وليد لـ البنات عشان يلعبون فيها وياخذون راحتهم
وميني ليزر حق الحفلات
وجنب الغرفة بمسافة قصيرة بيت شعر
لـ الشباب
بعد البيت كمان بمسافة كبيرة اسطبلات وفيها خيول وبجنب الاسطبل فيه قفص دجاج
كانت المزرعة كبيرة ووسيعة وفيه جزء او منطقة كان عليها بوابة حديد وابو وليد محذر عليهم انهم م يقربون منها
...
دخلو الثلاثة لـ الفلة الاول وتفرقو كل واحد لغرفته
كان فيه مكان بالفلة لابو طلال وابو فيصل
اخوان ابو وليد
ونفس الشي بالفلة الثانية
_
ابو وليد بابتسامة : وصلو قبلي انا وريان
كانو مقسمين لثلاث سيارات
ابو وليد معه الشنط والخدم
ورائد وخالد مع ريان
وتولين ولينا مع وليد
وصل ريان ونزل وهو يتمطط>يحرك جسمه
ابو وليد : طيب قفل السيارة ع الاقل
ريان بتعب : م تعودت اسوق لفترة طويلة طول عمري بالرحلات
نزل رائد وهو يتأفف : ماشي ع بيض انت ؟ والله لو ادري كان اخذت سيارتي
ابو وليد بسخرية : عشان لا وصلت اشوفك تو قايم من النوم ومصحصح بعد "وبيأس" ادخل داخل الله يصلحك
خالد : من زود سرعته يبه صادق رائد نمشي ع بيض
ريان بتعب وهو يممشي : احمدو ربكم ولا اللي زيي يخليكم تمشون كعابي
رائد وهو يمشي وراه : ليش سلامات اللي مثلك يتمنون اكون معاهم لو بس طيف
خالد : اهم شي الثقة ي رائد
ريان بسخرية : لا وربك اني تمنيت انزلكم ع اقرب مستشفى مجانين
ابو وليد بتساؤل : ليش سوو شي ؟
ريان : وهم اصلا تركو شي ؟ كل شي سووه صراخ تطبيل اغاني كل شي
رائد بضحكة : بعيش حياتي اجل بنتظر واحد من قوة البرود راح يجيب اجلي ؟ لا والله الله يحفظني بس
ابو وليد بابتسامة : امين الله يحفظكم كلكم "وعقد حواجبه" ادخلو داخل خلونا ننام شوي كويس محد جا الحين
خالد بنعاس : كويس فيه ناس تفهم ولا وش يجيبهم من صباح الله خير
رائد : منجد ولا فيه واحد بكل قواة العقلية يجــ...
م كمل كلامه الا دخلت سيارة ابو طلال وابو فهد وابو ترف
خالد بتعاسة : ي نهار اسود بدري
رائد بههمس : امشش معي نتسحب ونروح ننام ما عندهم سالفة خاصًة فهد ينرفززز اللهم صلِ ع محمد
سحبهم ابو وليد وبهمس حاد : انقلعو سلمو وادخلو لا بارك الله فعدوينكم
رائد بارتباك : بروح انادي وليد يجي يسلم
ابو وليد بنص عين : لا تشرد
رائد بتحلطم : من زينهم الحمدلله طلال جا يفتح النفس
ودخل حتى ينادي وليد
سلمو كلهم وجا خالد بيسلم ع فهد حتى تكلم معه بسخرية
فهد بسخرية وبصوت مرتفع : سمعت ان بعض الناس تعباااانه
م رد عليه خالد
فهد كمل : الحمدلله بس فيك ولا فيني
خالد بسخرية : اجر ان شاء الله مو ضياع حسنات
فهد : خل الحسنات ع جنب المرض وش يعالجه ؟
خالد : مرضي مو خطير عشان تحسسني انه خطير
فهد بسخرية : اهاا "وبخبث" سمعت من بعض الناس ان فيك القلب صح ولا لا ؟
خالد ببرود : ايه فيني القلب "وناظره بنظره حاده" فيها شي ؟
فهد : ميين اللي راح تقبل بواحد فيه القلب
خالد ببرود : اذا اراد ربك بتوافق من فوق خشمك مو انت اللي تقرر
رجع رائد ومعه وليد بعد فترة والنقاش احتد حتى وصل لـ الضرب
ابو فهد لـ ابو وليد : خل ولدك يبعد عن ولدي
ابو وليد ببرود : ما هم ببزران عشان نفصل بينهم هم اللي بدأو المشكلة هم اللي يحلونها
كانو يتضاربون بقوة وكل واحد وده يفرغ حرته بالثاني
كله لان فهد قال " امك غبية م عرفت تربييك "
خالد انقهر
الا امه
الا حبيبته وقلبه لو تطلبه عيونه م تردد يعطيها
شدد فهد قبضة يده بخبث وضرب خالد بقوووة ع صدره
قفل عيونه وهو ينحني ويكح بألم
خالد بعصبية : الله يــ#### ي ######
وتفل دم ولف عليه
خالد : غبيي انت ؟؟ لو ماني مقوي جسمي كان رحت فيها
فهد بخبث : ماني غبي اذكى منك ولا وش رايك اخبرهم باللي بينك وبين ناصر ؟
فتح عيونه ع وسعها وبصراخ : وش يدريك بناصر ؟ وين راح ؟
فهد ببرود : انا اللي مرسله وانا اللي مسؤول عن هذا كله
بدأ يعصب واحمّر وجهه بقوة خنق فهد من رقبته وبصراخ : والله وبالله وتالله لو م تخبرني مكانه لـ تمسي ف المقبرة
فهد بنفس الصراخ حاول يبعده : م مجبر اخبرك بعد عني خنقتني
صار يضربه بقبضه يده بقوة وهو يتكلم بفحيح : تخبرني مكانه ولا لا
فهد بصعوبه والدم ينزف من خشمه : لا
خالد بعصبية : طيب
لف ع الكل وبصراخ : م مسؤول عن اللي بيصير فيه لو م تكلم الحين
طلع جواله بسرعة وهو يرتجف من التعب والالم
دق بسرعة ع " . "
وكان اسمه عبارة عن نقطة
خالد بعصبية : بتجي الحين ولا لا؟ ايه حصلته ..ايه هو السبب باللي صار بتجي الحين ولا لا ؟ طيب برسل لك المكان وتعال بسرعة .."وبخبث" وخذ احتياطك معك
قفل الخط وهو يبتسم بخبث : ثلاث دقايق وخمسة وخمسين ثانية فيه شي تبغى تقوله قوله الحين لانهم م راح يشوفنك ابـــــــــــــــد
ابو وليد بعصبية : خـــالد وش راح تسوي تكلم
هز راسه بالرفض وبدون م يتكلم
طلع سيجارة قدام الجميع وصار يدخن بشراهه
دخلت سيارتين لـ المزرعة
رمى السيجارة وهو ينطق : هذا هم وصلو بسرعة
نزل واحد وهو يأشر لـ خالد وبضحكة : م توقعتها بهذي السرعة
خالد : والله عاد وش اسوي م بغيت اناديك الحين لكن هو جابها لنفسه
الرجال : هاه نبدا شغلنا
خالد بابتسامة : ابدأو شغلكم ولاتقصرون فيه
ابو وليد بصراخ : خـآآآآلد
خالد : سم طال عمرك ؟
ابو وليد : حركاتك هذي مو مع الضيوف ولا هي بقدامي فاه م ولا لا
خالد ببرود ولع سيجارة ثانية : انا حلفت م راح يطلع حتى يتكلم ولا راح يمسي بالمقبرة محد قاله اهو جا لـ النار برجلينه
ابو وليد : منو ناصر ي خالد
خالد بحقد وعيونه تلمع : تبغى تدري من هو ؟ مستعد تسمع
هذا الله يسلمك واحد خدعني وباع صداقتنا عشان شي تافه وسوى لي شي م توقعته "وبصوت مرتفع شوي " شي ولا بالاحلام راح بلغ عني واني اتاجر بمخدرات وفالنهاية جاني القلب من الصدمة !
وفالنهاية يطلع ذا "واشر ع فهد بتقزز" هو المسؤول عن ذا كله ؟ ليييييش ؟!!!!
نزلت ام فهد من السيارة وهي تبكي
راحت لخالد وهي تشهق من البكي : تكفىى اترك ولدي تكفى والله اعطيك اللي تبي
خالد : بعدي ي زوجة عمي
ام فهد : تكفىى ي خالد
خالد :بعدي
ام فهد : الله يخليييييييييك والله م راح يعيدها
خالد بعصبية : قلت لك بعدي ولا لا
ام فهد : م راح ابعد اول شي بعده عن ولدي
طلع مسدس من جيبه : ببعدك بذا
شال الامان ورفعه لـ السماء
ناظرته بدون تصديق
طلق طلقة وناظر فيها بابتسامة جانبية
خالد : خلاص ي مراد بعدين افضى له والله لو مو زواج اخوي اليوم كان علمته الشغل زين
ركب مراد سيارته ومشى
راح وليد بخفة وهدوووء ضربه ابرة حتى يطيح خالد بين يدينه
ابو فهد بعصبية : ليش نومته ؟ كان خليته يكمل الله يسود وجهك ي فهد
رفع كتفه ببرود : وجهه زرق من التعب والعصبية مو زينه له ينام احسن له مو ؟ بعدين قاعد يرتجف من اول م تشوفون انتو ؟
مو ناقصين يدخل بغيبوبة ثانية
رفع خالد بخفة ودخل فيه الفلة
ابو وليد باحراج : سامحوني والله م كنت ادري
ابو فهد : م عليك الغلط من ولدي ي سامي ولا تشيل هم بربيه من جد وجديد ان شاء الله
ابو وليد : تفضلوا
دخلو الحريم المجلس
والرجال لـ بيت الشعر
...
الحريم
ام فهد ببكي : والله م دريت انه كذا حسبي الله عليه
ام ترف : هدي ي ريما احنا ربينا وكبرنا وتعبنا الغلط مو منا منهم
ام وليد انحرجت بعد م درت بالسالفة و اعتذرت منهم
دخلت لينا وسلمت عليهم بدون نفس
ترف بدلع : ي كااافي سلامات ؟
لينا وهي تجلس : الله يسلمك تعبانه شوي
ترف بهمس : هه اخرتها مطلقة استغفرالله بس
لينا وهي تحط رجل ع رجل : وش نسوي عاد م يعجبه العجب
ترف: انتي اللي طفشتيه بـ اسلوبك
لينا بدون نفس : وش دخلك انتي طفشته ولا م طفشته مالك دخل حياتي وانا حره !
سكتت ترف وهي ناويه تردها لها
نزلت رجلها وهي تهزها بتوتر تولين تاخرت ولا نزلت
تخاف انها نامت لانهم صارو يصحونها بصعوبة
وقفت وطلعت من المجلس بعد م دق عليها وليد يطلبها تصحي تولين لانهـآ نـــــآيمــه
...
لينا : توليين قوومي الناس جات
تولين لا رد
لينا بعصبية ضربتها ع كتفها وهي تنطق : تولييييييييييييييييين
صحت بصعوبة وهي تهمس : خيررررررر
لينا جلستها بدفاشة وبعصبية : قومي عدلي مكياجك وانزلي
تولين : طيب بشويش كسرتيني لاإله الا الله
وقفت تولين وهي تتوجه لـ الكومدينة
بدأت تعدل مكياجها وعدلت فستانها اللي كان عليها
فتحت الباب وهي تسمي ولينا تمشي وراها
دخلت المجلس وانصدمت بردة فعلهم
