_
حط يده ع صدرها من جديد وضربته ع يده بقوة وراحت لـزاوية الحمام
تولين بانهيار: تكففى بعد عني
1 بخبث: لا والله فرصة حلوة ليش اضيعها
رفعت يدها اللي فيها المسدس ورجعت فيها الذاكرة لـ وليد يوم علمها كيف تشيل الامان
شـالت الامان و..
طـــــــراخخ
و طاحت ع الارض مغمي عليها
مسك رجوله بـألم : آآآآآآآآآآآه بنت الـ####
وليد بصراخ : ي كــــــــــلآب
ولف لابوه اللي وراه : دق ع الشرطة يبه
تقدم من 2 وضربه بقوة ع بطنه وطاح ع الارض
لف بسرعه لـ اللي حاول يخنقه وضربه ع رقبته
راح لـ الاول وضربه ع ركبته من ورا برجله وصار يضربه كفوف
وليد بصراخ : اذا عندك شي ي الر### تجي عندي وجه بوجه مو من تحت لتحت ي الزفت
ابو وليد بصراخ : ألحق زوجتك انا بتفاهم معاه
راح لـ تولين ومسكها بخفة قلبها ع ظهرها
فسخ تيشرته وغطاها فيه وشالها من الارض
طلع من الحمام وحطها ع السرير
ضرب خدها بخفة : تولين ،، تولين
م تحركت
حط يده عند نبضها وهو خايف تجيها نوبة قلبية
كان نبضها ابدا مو منتظم
اخذ بلوزة من الكبت ولبسها ع السريع
اخذ تيشرته ولبسه ولف اللحاف عليها
شالها وطلع
_
زياد بتوتر: والله م اعرف وش اقول لها
..: اسمع انت اعطيها هذي العشبة وبتسقط خير شر بس اتوقع فيها ضرر عليها
زياد توتر وخاف: وش اسوي اخاف اقول لها وترفض
..: يابن الحلال اعطيها العشبة وتوكل ع الله
زياد بعصبية : الاعشاب ي محمد م فيها لعب اخاف تسبب لها عقم!
محمد بخبث: اسمع نصيحة مجررب وترى العشبة رخيصة
تنهد بتوتر: م يهم السعر وكل تــ## انت وعشبتك مع السلامة
قفل الخط ولف بعصبية لـ لينا اللي طلعت من المطبخ
لينا بحب : حبيبي وش فيك؟
زياد بعصبية : م فاضي لك
لينا بصدمة : طيب طيب وش فيك معصب !
زياد بصراخ : ي بنت الحلال شايفتني معصب لا تكلميينيي
لينا وهي متعودة ع مزاجية زياد المتقلبة طالعت فيه بحده: طيب ترى الفطور بالمطبخ
زياد انتبه ع عصبيته اللي من غير سبب بالنسبة لها : اسف بس والله مضغوط ي لينا
لينا بحده : بتحمل وبتحمل حتى يفرجها الله
تقدم منها وبتساؤل: زعلانة ؟
بوزت بزعل: ايه ولا راح اسامحك
لف زياد لها وباس راسها وطلع من الباب بسرعة
بعد م جاه اتصال
رفعت كتوفها باستغراب : وش بلاه !
_
راكان بحب : ههههههه والله فكيتيني منها ي قلبي
الممرضة بحب مماثل: خلاص حبيبي لا تشيل همها "وبتساؤل" اهم شي حولت ملفها لـ الدكتورة رانيا ؟
عقد حواجبه بضيق: ايه حولته من وقتها
الممرضة : طيب قلبي بسكر الحين وبدق عليك بعدين امي تناديني
راكان : طيب حياتي مع السلامة
الممرضة: فـ أمان الله حبي
_
صحى من النوم وكل خلية بجسمه تعوره
ريان بتعب : لااا اله الا الله
مسك عكازاته اللي جابها وليد امس وفتح كيس علاجاته
اخذ المسكن اللي جابه وليد والادويه الباقية
وقف بصعوبة وحط ثقل جسمه على العكازات وتوجه لـ الحمام
_
فتحت عيونها بتعب حست باحد يناديها بس م مركزة
لفت راسها وحصلت وليد جالس جنبها وماسك يدها
وليد بهدوء: الحمدلله على سلامتك
غمضت عيونها وهي تتذكر !
فتحت عيونها ومسرع م تذكرت اللي صار لها امس !
نزلت دموعها والتفتت له بخوف من اللي بـ بالها
فهم عليها وبهدوء: م سوو فيك شي لاتخافين
تكلمت بصعوبة ودموعها تنزل : قتلته ؟
وليد بنفس الهدوء : لآ
سكتت و م ردت
فيه شي بداخلها يقول قتلتيه انتي قـآتلة
غمضت عيونها وهي تحاول م تفكر وتحس انها بتنجن لو فكرت بهذا الشي
وليد بنبرة غريبة : لاتفكرين فيه بتتعبين حالك
دخل واحد وبتوتر : د.وليد
وليد باستغراب : هلا ؟
كمل بارتباك : الرجال اللي اطلقت عليه المدام الرصاصة توفى
فز بخوف واشر له يسكت
تولين بصدمة : ماات !
وليد بارتباك : لاا
تولين بصراخ وهي لسع مصدومة : مـ.ـآت ! انـ..ــآ قتلــ..ـته
سحبت المغذي وقامت بسرعة مسكت وليد وهزته بقوة : قول لي قتلته ؟
طلع الرجال
لف وليد يده اليمين ع خصرها واليسار ع ظهرها وشدها له
وليد بهدوء : اذكري الله انتي م سويتي شي
تولين بانهيار: الا سويت بيقتلوني صح ؟ لااااااا م ابغى أموووت
دخل ابو وليد بسرعة وبتوتر : وليـد دريـ..
اشر وليد بيده بمعنى انه عرف واشر ع تولين بمعنى وش اسوي ؟
ابو وليد بهدوء : ي بنت الحلال اذكري الله لا تبكين م زين لك
بالنسبة لها
حاولت تدفن راسها بصدره وكل مالها تختنق وتردد بصوت مخنوق ومتقطع : آنـ..ــآ قــ.ــ.ـآتلــ...ــلة آآآهـه
وبـألم : خـ.ــلآص انـ.ـا راح امـ.ـ..وت ؟
وصارت تشهق بقوة تحاول تاخذ نفس
صار جسمها يرتجف بين يدينه وهو يحاول فيها تهدى بس هي م قادرة مجرد فكرة انها قاتلة تحس انها بتنجن بـ أي لحظة
تولين بـألم : آآآآآآهـه قــلـبــي آآآآآآآآآآآآآآآآهــه
تقدم ابو وليد بخوف : تولين اذكري الله حاولي تاخذين نفس
حطت يدها ع صدرها وشدت عليه بقوة حتى طلعت تجاعيد ع البلوزة اللي لابستها
ألم فظيع أول مرة تحس فيه
تسمع صراخ ، كلام ، دخول ممرضة ، ووليد حبة بيده
مسكها وليد بسرعة وسدحها ع السرير
دخل الحبة بفمها ويحاول فيها تبلعها
اول م بلعتها نزل الاكسجين وحطه ع خشمها وفمها
حست بشي حاد بيدها بعد كذا م حست بـ شي
...
ابو وليد بحده: ليش عطيتها الابرة
وليد بحده مثله : اعرف مصلحتها
ابو وليد بحده : طيب وش يدريك ممكن تدخل بغيبوبة
وليد بتفاؤل: لا ان شاء الله ازمة وتعدي
_
الممرضة : هلا حبيبي
راكان :هلا قلبي "وبحب" وحشتييينيي
الممرضة بحب: وحشتك لي م تجي قد وحشتي لك
راكان : ابغى اشوفكك
الممرضة بخجل: البيت بيتك حياكك
وقف بسرعة وبنبرة غريبة : جد يعني اجي الحين
الممرضة : بشوف امي وابوي واقولك
راكان بحب : انا حبيبك مالهم دخل
الممرضة بزعل: راكاان م اسمح لك هذولا امي وابوي
راكان حس ع نفسه: اسف حبيبتي بس متى م فضيتي دقي علي واجييك
الممرضة بخجل: اممم راكان
راكان : عيوون وقلب وحياة راكان ؟
الممرضة بخجل : ولدك يسأل عنك
راكان بفرح : وشووو متى بدأ يتحرك ؟
حطت يدها ع بطنها وبشوية احراج: اممم من اربع شهور وشي
راكان : وليش م قلتي لي "وبفرحة " اسممعي بجي اخذك الحين جهزي اغراضك
الممرضة : طيب بسس "وبتردد" ابوك ؟
راكان بتساؤل: وش فيه ابوي؟
الممرضة بتردد: لازم يعرف بزواجنا
راكان بتوتر خفييف: م لازم
الممرضة بشبه عصبية: الا لازم الى متى وانا انتظر منك تعلن زواجنا؟
راكان بعصبية : انتي م تزوجتيني الا وانتي عارفة اني باخذك مسيار
الممرضة بكت بصوت مخنوق: طيب وش ذنبي انا حالي من حال غيري
راكان بتصريف : مع السلامة بقفل
الممرضة بزعل: م راح ادعي عليك اخاف ربي بهـ الليول يصيبك بشي
راكان بعصبية : ابوي م يعرف ولا راح يعرف "وبتهديد" تمشين معي زين امشي معك زين تعصبيني اطلقك !
انجرحت الممرضة وبصوت مكسور : طيب م تخاف الله وانت تقول اطلقك ؟ طاري الطلاق يجرحني ! الطلاق عندك مثل شرب المويه لو انك ي راكان بمكاني راح تحس فيني "وبعبرة" وقبل كل شي ي راكان اذا الطلاق يخليك ترتاح مني طلقني !
راكان بصدمة من كلامهآ : أءء لورآ والله م قصدت
لورآ بعبرة وبصراخ خفيف :حرام علييك حس فينيي كفاية انا تعبانة خلققققه
راكان بخوف : وشوووو تعبانة من وشو ؟
لورآ بكتمة من البكاء وغير كذا الحمل مو مخليها تتنفس زين : خلاص انا مكتومة الحين
راكان بخوف : لورآ والله آسف م قصدت
لورآ : خلاص مسموح بقفل
راكان :لا لا تقفلين حتى ترسلين لي بوسة مثل كل مرة
فجأة سمع صوت اختهآ تتكلم بخوف : لورآآ
خاف عليها وتكلم بسرعة : لورآ ، لورآ
تقفل الخط فجأة وعصب هو ورجع دق عليها
اخت لورآ ببكاء: لورآ طاحت
راكان بخوف : شوفي امك ولاابوك حوالينك ؟
اخت لورآ : م فيه احد بالبيت الا انا وهي
راكان خاف اكثر: اسمعي لبسيها العباية دقايق واجيي
اخت لورآ: طيب
وقفلت الخط وراحت لاختها تجري
اخت لورآ: لورآ ، لورآ تكفين قومي زوجك شوي ويجي
لورآ وهي تتأوه : آآآآآآهـه بطنييي خلوود
خلود ببكاء: تكفييييين زوجك شوي وبيوصل تحملي
وخافت يوم شافت اختها تشد ع بطنها الكبيرة وتتكور ع نفسها
وانصدمت اكثر من الدم !
اول م سمعت صوت الجرس فتحت الباب وتخبت خلفه
دخل راكان يجري وبعصبية : وين الغرفة؟
*****لورآ*****
ألم فظيع اول مرة احس فيه سمعت صوت زوجي وابو عيالي بعد كذا حسيت بنفسي مو ع الارض فتحت عيوني بصعوبة وانا اسمعه يناديني ويصرخ ع اختي تفتح باب السيارة
****
راكان بخوف : لورآ تحمملي
وبصراخ : افتحي باب السيارة بسرعة
فتحت خلود الباب وهي ترتجف بقوة نزّل لورآ وركبت خلود معها
راكان وهو يده اليمين ورا السيت اللي جنبه ورجع بـ السيارة لـ ورى
لف وحرك السيارة بقوة حتى طلع صوت الكفرات اللي تحتك بالارض
...
راكان بخوف : وش صار ؟
الدكتور بأسف: الام ****
