لينا : توليين قوومي الناس جات
تولين لا رد
لينا بعصبية ضربتها ع كتفها وهي تنطق : تولييييييييييييييييين
صحت بصعوبة وهي تهمس : خيررررررر
لينا جلستها بدفاشة وبعصبية : قومي عدلي مكياجك وانزلي
تولين : طيب بشويش كسرتيني لاإله الا الله
وقفت تولين وهي تتوجه لـ الكومدينة
بدأت تعدل مكياجها وعدلت فستانها اللي كان عليها
فتحت الباب وهي تسمي ولينا تمشي وراها
دخلت المجلس وانصدمت بردة فعلهم
_
شهقات تفاوتت ف المجلس
رجعت ع ورا بخوف
هي م تعودت لسع ع الجمعات
نطقت ام ترف بمياعة وكانت تطق بالعلك : ووع توقعتها احسن من كذا كانها الخدامه
غمضت عيونها بقهر ونطقت : السلام عليكم
ردو السلام كلهم
جلست واشتغلت الماكينة حقت ام ترف
ام ترف : يقولون فيك مرض نفسي صح ولا لا ؟
تولين بصدق : الحمدلله فترة وعدت
ام ترف : مع اني تمنيت بنتي ترف لـ وليد بس شكله ولدكم ي ام وليد م ياخذ الا البقايا
ام وليد بعصبية : احترمي نفسك ي ام ترف واحشمي المكان اللي انتي فيه
ترف بدلع مو لايق : امي صادقة شوفي لا شكل ولا اخلاق اوووففففف ي ربيي
لينا وهي تحط رجل ع رجل : الحمدلله ع الاقل مو زي بعض الناس شوي وتروح احبالها الصوتية
ترف بدلع مااصخ : انتم اسواتكم خشنه مرا ايش اسوي ؟ >انتم اصواتكم خشنه مرة ايش اسوي ؟
هزت تولين راسها وبهمس سمعته لينا : الحمدلله الذي عافانا
ام ترف وهي تطق بالعلك : الا اقولك ي تولين وشلون تزوجك وليد
تولين بابتسامة تغيض فيها ام ترف : مثل م تزوجك ابو ترف
ام ترف بخبث : الحمدلله انا لبست فستان ابيض وباحسن قصر تزوجت
تولين بنفس الابتسامة : صحيح شافني وانا تعبانة لكن تزوجني و وليد م تهمه المظااهررر <وشددت ع الراء
ام وليد بضيق : بتسكتون ولا شلون ؟
وقفت وباست راس عمتها وهي تتكلم بطيبة : الحشيمة لك ي عمه والا بعض الناس م تستاهل
جلست بمكانها وهي تتكلم مع لينا
تولين بعصبية خفيفة : الله ياخذك انتي ووجهك بالله هذي طريقة تصحيني فيها
لينا بضحكة : عاد وش اسوي نومك ثقيل ولا رضيتي تصحين وخبرك عاد ام ترف م ترتاح حتى تقول اللي بقلبها
تولين : بس مو كذا حسبت فيه شي
لينا : الله اكبر واحساسك ذا م يجي الا وانتي نايمه ؟
سكتت لينا بعد م حست بالانظار عليهم
ام ترف : اووووف الدنيا كتمه
تولين تحس بنعاس هي ماسكه نفسها من اول والحين خلاص وصلت معها
وقفت وهي تحس بخمول : عـ.ــن اذنكم
وطلعت بسرعة وهي تتوجه لـ غرفتها هي ووليد
_
ام ترف :سلامات تطلع كذا مالها نص ساعة من جلست
ام وليد بهدوء : البنت تعبانه ي ام ترف
لينا بقهر : وامسكي لسانك لو سمحتي فيه ناس راح تتحمل وتسكت وفيه ناس لا
نزلت دموع التماسيح : راح اخبر اخوي عليك ياللي م تربيتي
لينا بعصبية خفيفة : انا اللي م تربيت ولا انتي ؟ شايفه اسلوبك كيف تراك ببيت ناس مو ببيتك عشان تاخذي راحتك زيادة
دقت ترف ع عمها ومع بعض البهارات اللي زودتها عصب شوي
دق الباب وبصوت جهوري عالي : ي وووللد
ام وليد : تغطوا ابو وليد بيدخل
طبعا ترف اللي مستور فيها من الصدر الى ربع الفخذ
ومن تحت كله مكشوف وظهرها وصدرها نصه طالع والمكياج كانها عروسه
والعطر مخلص
ابو وليد : السلام عليكمم
ترف بدلع : هلا عموو
ابو وليد بتقزز بس مو مبين : هلا وغلا
وكمل : سمعت ان فيه مشكله صارت عسى م شر ؟
ام وليد بربكة: اختك طولت لسانها شوي ع تولين ولينا متحملت وردت عليها
ابو وليد بصوت حاد : وش قلتي ي مزون ؟
ام ترف"مزون" : م قلت الا الصدق
ابو وليد بحده : وش الصدق ذا اللي نطقتي به ؟ تحسبيني اعمى ولا م اسمع ؟ يعني منتي شايفة الكاميرات اللي هنا ؟
ام ترف بثقة مصطنعه : هه اسال ترف وش قلت
ترف وهي حاطه رجل ع رجل والمستور انكشف : سح ماما سادقة
ابو وليد يناظرها من فوق لتحت : تستري منتي بشايفة رجال قدامك ؟
ترف : والله انت عمو مو واحد غريب
ابو وليد بقرف : و ي عموو م تعرفي تلبسي شي تحت الفستان وتستري صدرك ؟
ولف ع لينا بحده : وانتي وش قلتي ؟
لينا وقفت وبعصبية خفيفة : اختك م تحشم الكبير ع الطالع والنازل سب وشتم تعاير المريض بمرضه وتتشمت بخلقة الله !
ابو وليد : ايش سوت تولين عشان تقولين الكلام هذا ي مزون ؟
مزون "ام ترف " : والله انت تعرفني اللي بقلبي ع لساني
ابو وليد بصرخة ع ترف : وانتي وين الضرب اللي تتكلمين عنه وين الدم وشد الشعور ؟
ترف برجفة : م ماما قـ قـآلت لي كذا
ابو وليد بتهديد : اللي بتسوي مشكلة فيكم والله وبالله م تطب بيتي ولساني م يجي بلسانها
وكمل بحدة وهو طالع : ومشاكلكم التافهه حلوها مع نفسكم
وطلع
_
دخل بعصبية وجلس بمكانه
وليد باستغراب : وش فيك يبه ؟
ابو وليد : تعرف عمتك تزود بهارات ع كل شي
دخل ابو سامي وبصوت واضحة فيه الحنية : السلام عليكم
وقفوا كلهم يسلمون ع الجد وابو فيصل اللي وصل
بعد م جلسوا
ابو سامي : وشلونكم عساكم بخير ؟
ابو وليد بحنية : بخير يبه الحمدلله وشلونك انت ؟
ابو سامي : الحمدلله باحسن حال
ابو وليد : عساه دوم "ولف ع ابو فيصل" وشلونك ي ابو فيصل ؟
ابو فيصل باحترام لاخوه الكبير: الحمدلله بخير
بعد م اجتمعو الاخوان
تكلم ابو وليد لوليد بهمس : قوم خل زوجتك تسلم ع اعمامها
وليد بارتباك : الله يصلحك يبه هي بالقوة استوعبت انك عمها والله لـ يطير عقلها
ابو وليد : وين يطير عقلها سلامات ؟
وليد : هي م تعودت تشوف احد الا ابوها ومرته نطلع لها احنا بالشلة الكريمة ؟
ابو وليد : روح جيبها وانت ساكت
وقف وليد وهو يتكلم : سلمت امري لله
طلع ودخل فهد اللي كان بدوره المياه بحسب ظن الكل
_
دخل جناحه وهو مستغرب برودته
توجه لـ السرير والصدمة كانت هنا !
تولين نايمة ؟
محد صحاها عشان تسلم ؟
دق ع لينا بغيض وهو يسألها
وليد : م صحيتي تولين لـ الحين ؟
لينا بهدوء : الا صحيتها وسلمت وشكلها تعبت ونامت
سكر الخط بوجهها وتوجه لها
متردد يصحيها ولا لا
وهو حالف ان من اليوم ورايح راح تلتزم لان ساعات نومها كانت تتقلص بعد م صار وليد يعطيها الدوا بنفسه
من 20 ساعة الى 17 ساعة
نزل وهو مو مستعد يصحيها لانه لو صحاها راح تعصب والنفسية راح تكون بالحضيض خصوصا انها توها نايمه
_
دخل وجلس
ابو وليد : وين البنت ؟
وليد : نايمه
دخل خالد وكان شكله مبهذل
لابس كذا
جلس وطلع جواله وركب السماعات
ابو سامي بعصبية خفيفة : لا بارك الله فـ ابليس وش ذا
ابو وليد : يمكن م قصد يبه
ابو سامي وهو يمد عصاه ويضرب رجل خالد فيها : قم قم وغير هالخلاقين اللي عليك
خالد ببرود وقف وباس راس جده وغير مكانه بحيث م توصله العصا
ابو وليد : م سمعت ابوي وش قال لك ؟
خالد ببرود : اسف بس انا م اسمع الا اللي يعجبني
وطلع له سيجارة وولعها
ابو وليد بعصبية : كم مرة قلت لك انت ورائد تبطلون القرف هذا ؟
طلع الدخان من فمه وبطفش : م يسليني غيره ! "وبسخرية" م ودك تجرب ؟
ابو وليد : دخن برا خنقتني وخنقت جدك
شفط بقوة حتى حمر وجهه
خالد : ماني بطالع عاجبني المكان
ابو فيصل : ي ولدي اسمع كلام ابوك
ناظره بنص عين
واعتدل بجلسته
دخل يده بعبث ف شعره وحركه حركات عشؤائية
حط يده تحت خده وكان متكي ع التكايه >مركى مدري وش تسمونه والله
والثانية ماسك فيها السيجارة
خلصت وبكل برود طفاها بباطن يده
وحطها بالزباله اللي كانت بقرب الباب
صحيح تألم لكنه متعود
رجع جلس وشغل وحده ثانية
بس م قدر يكملها حس نفسه يختنق فقفلها وطلع
ابو وليد : الولد ذا بيجيب لي الجلطة
ابو سامي : الله يصلحه " وبنرفزة" م عصبني الا هالخلاقين والدخان ذا
هز راسه بيأس : المشكلة ان فيه الربو يبه و م يتحمل الدخان وهو يدخن
ابو سامي : وشو ذا
وصار ابو وليد يشرح لابوه
وريان اكتشف سسر مرض اخوه
