بعد يومين
_
صار يمشي ويمشي ولا يشوف شي كل شي ظـلآم
يحس في شي يجذبه ويخليه يطيح ع الارض
ناظر الارض وحصلها كلها اشواك
استغرب نفسه كيف م يحس بـ الألم وهو يدوس عليها
كمل مشي صار ينادي بصوت خايف: يمــــه
سمع صوت امه بس بعييييد حييل : خاف الله ي خالد
خالد ببكاء: وش سويت ي يمه خبريني
وكمل ينادي بصوت عالي: يمـــــــه
م سمع صوتها وطاح ع الارض يبكي بصوت عالي
_
راكان بضيق وحزن : تكفى قوم ي خالد م صارت كلها نوم
وصار يشوف دموع خالد وهي تنزل بغزارة
مسح دموعه وصارت دموع راكان تنزل معه : خالد لاتبكي انت اقوى من الدموع
_
بالنسبة لابو وليد واولاده كانو صح حزينين ع خالد بس م يمنع انهم يحضرون عزايم
كانو جالسين بالمجلس الكبيير وكـ العادة الشياب يتكلمون عن الاسهم والشركات
بالنسبة لـ الشباب
فهد باستهبال : ي جماعة ودي نلعب بلاستيشن وش رايكم
رائد بضحكة : اخر مرة لعبت بلاستيشن بالمتوسط تبيني العبه الحين؟
وليد بعدم اهتمام : ولا مرة لعبته ولا قد فكرت العبه
فهد : افاا ي الوجه السموح اجل فاتك نص عمرك
وليد : نص عمري ولا ثلاث ارباعه الخرابيط ذي م تفهمني
جابر بضحكة: اخسس ي وليد م يهمك لا تكذب كنا نلعبه واحنا صغار بدون مهايطه رجاءًا
اعطاه وليد نظرة حادة بمعنى انطم
رائد : وش سر النظرات هذي ي وليد
تنرفز وليد : وش تبغاني اناظر الجدران
ابو وليد : الصلاة ي جماعة الخير
تضايق وليد وطلع برا يتوضى
يحس بخمول وبالقوة يجر نفسه
كبر مع المصليين وبدأو الصلاة
بدأ ابو محمد قراءة الفاتحة حس وليد بغثيان وحاول يتماسك
قراء سورة يونس ويوم وصل عند هذي الاية
(وقال فرعون ائتوني بكل ساحر عليم)
صار يرتجف بشكل مخيف حتى اللي جنبه خافو عليه
مسك راسه و صرخ بصوت عالي: اسكــــــــــــــــــــــــــــت
كمل ابو محمد : فلما جاء السحرة قال لهم موسى ألقوا ما أنتم ملقون
كمل وليد بصوت مخيف وحاد : قلت لك اسكــــت اسكككككتتتتتتتت
قطع رائد صلاته وسحب اخوه لـ المجلس
تكلم رائد بحده :خلك ساكت بروح اصلي وارجع
قال رائد الكلام هذا لان وليد كان يرتجف وخاف عليه
وطلع يعيد صلاته
_
بعد التسليم راح ابو محمد لـ ابو وليد وبأسف: الولد مسحور ي ابو وليد
ابو وليد بصدمة : ليش مسحور ومين اللي سحره اصلا؟
ابو جابر : لاحول ولا قوة الا بالله خلونا نروح لـ الولد لا يسوي بنفسه شي
راحو الرجال لوليد اللي كان مغمى عليه
ابو وليد بذهول: لا اله الا الله
ضربه ع خده ضربات متتالية وشبه خفيفة : وليــد
تكلم ابو وليد برجفة : ابغى عطر او موية اي شي
جابو عطر حط عطر ع المنديل وصار يمرره ع خشم وليد حتى صحى
فتح وليد عيونه اللي لونها احمر من العصبية اللي قبل دقايق والصداع اللي جا له
ابو محمد : وش تحس فيه ي ولدي ؟
وقف وم رد ع ابو محمد طلع برا الفلة وركب سيارته ورجع البيت
_
دق جوال ابو وليد : هلا راكان
راكان بفرحة : عمممي خالد صحى قبل شوي
فز ابو وليد بسرعة : جايك الحين
ونادى ع رائد اللي جا له وراحو لـ المستشفى
_
دخل بسرعة مع ابوه لغرفة خالد
رائد بفرحة: الحمدلله ع سلامتك ي خالد
خالد بهدوء: الله يسلمك
ابو وليد : الحمدلله ع سلامتك م تشوف شر ي ولدي
خالد بهدوء: الله يسلمك الشر م يجيك
وصار يتلفت نطق بـحزن : وين امـــــــــــــــــــــــي !
انصدمو
تكلم ابو وليد : الله يرحمها
خالد بحدة: ويــــــــن امــــــــــــــــــــــــي؟
ابو وليد بصدمة: قلت لك الله يرحمها
خالد ببكاء: يبه لا تكذب علي هي كلمتني وينها
سكتو كلهم وش فيه اجابة اكثر من الله يرحمها؟
!!!
خالد بانهيار : انا كلمتها قالت لي خاف الله ي خالد وش سويت انا ؟ علمووني وش سويت ؟
راكان : خالد م يصير اللي تسويه امك ميته من شهرين
خالد بصدمة: لااااااااااااااااااااااااا م من شهرين انتو كذابين انا راح احصلها بجناح ابوي "والتفت ع ابوه " صح يبه ؟
ابو وليد بعد صمت: صح ي خالد
؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!
_
تولين اللي خذاها وليد معه
تولين بخوف : وليد
وليد بسرحان : همم؟
تولين : اقولك شي بس م تضربني ؟
وليد باهتمام : قولي ، والله مااضربك
تولين بتردد : وحدة معي بالمدرسة اعطتني حبوب قالت لي هذي حبوب لـ الصداع واخذتها
وقف السيارة بسرعة وصدم راسها
تولين بألم: وش فيك؟
وليد بحدة : ي هبلة تعرفين وش هذا ؟
تولين ببراءة : لا
وليد بصراخ : هذا يمكن يكون من المخدرات اللي دخلت بدمك ي الهبلة
بكت تولين : طيب هي قالت لي حبوب لصداع
وليد بتوتر : حبوب الصداع عند المدمنين هي المخدرات
تولين بشهقة : وشوووووووووووو
وليد بسخرية: بطلي الافلام الهندية
تولين توترت: طيب وش اسوي
وليد : ولا شي راح اساعدك انا
تولين بـالم : يعني الصداع اللي احس فيه كل يوم من الحبوب
وليد بتوضيح: اذا اخذتي الحبة الاولى وقطعتي عن المخدرات راح يجيك صداع خصوصًا لو كان نوع المخدرات قوي واذا اخذتي الحبة الثانية يروح الصداع بس فترة ويرجع وتضطرين تاخذين حبة 3 وعلى هذا الحال
تولين تكتفت : طيب انا مصدعة الحين واحس راسي بينفجر من الصداع شسوي؟
وليد لما لمح السخرية بكلامها تكلم ببرود : تاكلين تبن وتسكتين حتى نوصل البيت
_
رائد بهمس: يبه لا تعلقه بوهم
راكان : ي عمي بالعكس انت راح تزيد الحالة اللي فيه
ابو وليد : خلك ساكت انت وياه انا ادرى باللي اسويه
راكان : ي عم انا دكتور نفسي افهم بالشغلات ذي
طالعه ابو وليد دقايق وطلع برا المستشفى
_
زياد بعصبية : لينا قسم بالله لو م تسكتين
لينا بعصبية : لو م سكت وش بتسوي يعني انت الغلطان ومن حقي اتكلم
زياد عصب: ي لينا قلت لك م لي دخخخخلللل فبلاش تدخليني
لينا : والرسايل اللي بالجوال احبك واعشقك والى الاخير وش تسميها ؟
زياد : اقولك هي اللي ترسل قسم بالله م اعرفها
لينا : اصلا من وين جاها الرقم هاه؟
زياد بعصبية: تدرين الشرهه مب عليك علي انا اللي ابرر لك لكن عندك اربع جدران وسقف وارض اختاري وطقي راسك فيها
وطلع
_
ريان ريان
فتح عيونه لـ الصوت للي يناديه :هلا؟
ابو وليد: الحمدلله ع السلامة
ريان : الله يسلمك بس منو انت؟
ابو وليد بهدوء: ابوك!
ريان بصدمة: كذاب اصلا ابوي الحقيقي امريكي
ابو وليد بهدوء: ومن وين لك الجنسية السعودية ؟
سكت ريان وبعدها تكلم : ابغى اثبات انك ابوي وانا ولدك !
ابو وليد : انت عندك توأم ولد واسمه .....
ريان بصدمة : بعد عندي توأم ؟ ابغى اثبآآت
ابو وليد : طيب انا عندي استعداد اسوي تحليلdna تسوي معي ؟
ريان بهدوء :طيب
طلع ابو وليد وبعد دقايق دخل ومعه ابرة سحب دم من ريان وطلع
.
دخل بعد فترة وتكلم : التحاليل تطلع بعد 14 يوم تقريبا وعندي شهادات ولادتك وولادة توأمك
ريان بهدوء: جيبها
_
وقف السيارة ف الباركينق ونزل ونزلت معه تولين
وليد بهدوء: وريني الحبوب
تولين :طيب
دخلت الغرفة وفتحت الدرج طلعت منه كيس فيه 5 حبات
مد يده واخذه تفحص الحبوب وتكلم : م فيه شك هذي مخدرات
تولين برجفة : طيب وش اسوي ؟
وليد : ولا شي بس زي م قلت لك راح اساعدك بالعلاج
ودخل الحمام حطها بالمغسلة وفتح المموية عليها حتى ذابت
قفل الموية وطلع
وليد باهتمام : ذلحين وش تحسين فيه ؟
تولين بتشتت : مدري
وليد : شلون م تدرين م تحسين بنفسك ؟
تولين : احس بصداع بس م طبيعي احس راسي بينفجر
ومسكت راسها بـألـم
وليد :طييب اول شي راح نقطع المخدرات عنك
ثاني شي عليك انتي
تولين باستغراب: كيف
وليد بنظرة : تحمل الالم
