........
الساعة خمسة الفجر وصلوا مطار هيثرو...
ناصر يتثاوب \ ااااااااااه فيني نووووووم
نور تبتسم \ قلتلك نام با الطيارة بس مارضيت ..
ناصر حمق \كيف انام با الطيارة ومثلا احد جاك ولا خطفك ..؟
نور \انت من جدك تحكي طيب اذا خطفني وين يوديني ..وبعدين اذا احد قرب انا باارفسك بقوة وانت تقوم وتذبحه ..
ناصر \ليش ماقلتيلي ذي الفكرة كان نمت وارتحت ..
نور \مااشن استهبالك ..
ناصر فتح جواله واتصل بهادي ...
هادي \ احلف احلف قل والله إلأى متى وانا انتظر هاه ؟
ناصر \اقول انطم لا اكفخك ليش تفتن ؟
هادي \فيني نوم ..وتراني علمت ابوي انكم سافرتوا اول ماركبتوا الطيارة .. وسالني كيف سافرت وجواز سفرها معه ..عاد انا علمته اني سرقته من خزانته وهو هزئني وحرم علي دخول داره ..والحين عطني اختي اكلمها ..
ناصر \هههههههههههههه وكيف تكلمها واختك ماتتكلم
<< مافيه احد يدري ان نور تتكلم الا ناصر <<
هادي \معليه اسمع تنفسها بس ..
ناصر حط الجوال عند فم نور ..ونور تناظره بغباء وياشر لها تنفسي .. بس نور سفهته ومشت قالت بداء تاثير النوم ..
راحوا الفندق اللي حجزوا فيه وناموا على طول ..
..........................
عادل \عبير ليش كل ها الدموع ؟
عبير \عادل ابى اكلم نور .. ونور ماتحكي اباها تسامحني قبل العملية .
عادل \ لا ان شاء الله بكره تتكلم مثل اول بس يمكن من الصدمة صار معها كذا .. واكيد نور بتسامحك ماانتوا دائما تتزاعلون وتتراضون بسرعة ..
عبير بصراخ \لااااا لااااااااا لا ماابي اموت وهي زعلانة كلمها كلمها اااااااااااااااا
عادل يضمها \طيب خلاص باقول لناصر يخليك تكلمينها زين بس انتي اهدي عمليتك بعد ساعة ..
عبير بتعب \ تعبانة ومقهووورة مقهورة
كانت عملية عبير بعد ساعة ونفسياتها مررررررة في الحظيظ ...
......................
فارس \هاه وش قلت ؟؟
ماجد بنظرات نارية \وانت من متى تدري ..؟
فارس\ انا اللي وديتهم المطار مع هادي
ماجد انقهر كيف ان ناصر اخذ نور وخرجها من السعودية وهو مايدري << اخذها بدون مايعبرني طيب كان علمني ..كان خلاني اودعها ولو من بعيد .. بس احسن غياب ناصر ونور عن البيت ماراح يدرون وش بيصير ..وهذا احسن لخطتي ولازم اتحرك بسرعة قبل لا يرجعون<<
فارس \مااااجد ابيك تقول لابوي .. تكفى
ماجد انبسط \ايه اقوله ليش مااقوله
فارس \والله انك كفو .. وترى هادي بيطق معي
دخلت عليهم ندى وهي مادة بوزها
ندى \وين بتروحون ..؟
فارس \باالحق عمي ناصر الى لندنووووووو
ندى \وانا وانا وانا ابى اروح وقفلي وقفلي
ماجد \لا ياشيخة وين تروحين اشوف ؟
ندى \بااروح لاخوي لا يكون عندك اعتراض ؟
ماجد \ من زينك اخليك تسافرين لحالك ..
ندى \بااروح مع فارس وهادي
ماجد \لا انسي مستحيل اخليك تروحين مع ذولي المهابيل ..اخاف عليك انا ..
ندى جنت \لااااا باروح غصب مو شغلي وبعدين تراني عمتك لا تحرمني من شيء ترى اغضب عليك بعدين ..
ماجد\اغضبي بكيفك سفر مافيه ماانتي مسافرة الا معي او مع فهد .. وبما ان احنا ماراح نسافر فانتي بتظلين هنا ..
ندى \ماجد بااروح ..وجوازي معي واخوي بيستقبلني هناك وش عندك ؟
ماجد يضحك \هههههههههههههههههههه انا ابى اعرف ليش كلكم عنيدات ماعدا سمر
فارس \طيب ليش ماتخليها تروح معي انا وهادي بنهتم فيها ماراح يصير لها شيء
ندى \ايوه بيهتمون فيني ماراح يصيرلي شيء ..
ماجد باصرار \لا يعني لا ..
ندى حمقت \اخرج من بيتنا ..
ماجد \ابشري بااخرج بس لا تتصلين علي وانتي تبكين مثل امس صبيتي قلبي خليتيني اجيك ركض <<يقلدها <<ماجد تعال نام عندي خايفة ..
ندى \ غلطت دقيت عليك وانا كنت ابي فهد .
فارس \ ماجد تكفى احجز لعمتي ندى معنا تكفى عادي والله راح اهتم فيها ..
ماجد يناظر ندى ويشوفها تترجاه بعيونها ..
ماجد \انا مو راضي بس انتي اسالي اخوك اللي هو ابوي وانشاء الله مايوافق ..
ندى \بس ضمنت السفرة اكيد عبدالرحمن بيوافق فديته مايردلي طلب ..
وفعلا طلبت اخوها وتدلعت عليه وهو وافق .انها تروح مع فارس وهادي لانه مايصير تطلع من السعودية بدون محرم <<وهذا قانون صارم جدا عندنا في السعودية بس مفيييييد <<
ندى تدلعت عند العم عبدالرحمن وهو يموت في البنات مثل ماتعرفون ولا يردلهم طلب ..
.............................
منى تشوت مريم \قومي جيبيلي عصير فرش
مريم تشوتها \تخسين
هند\ مريم ابالي كوفي
مريم \ لا اكون خدامتكم ولا مرت سواقكم
منى \الثنتين يا الله قومي اشوف المطبخ نظفيه عدل وبعدين نظفي غرفتي ..قومي يالله
مريم \انتي وشبلاك
منى \هههههههههههههههه اجرب اسوي مثل هذولي اللي يعذبون بنات عمهم لما يتركونها هلها ..
مريم \مدري انا وش اذنبت فيه يوم انك بنت عمي
منى \تراك مو قدها الكلام لا عاد تقطين كلام اكبر منك
مريم تشد منى من شعرها \قدة غصب عنك يا وغدة
منى تعض مريم في بطنها \الله ياخذك يا غدارة
ام هادي بعصبية \بلى بعينك انتي وهي تراكم مصختوها خلاص
منى \هي اللي بدت
ام هادي \على تبن انطمي
مريم \ههههههههههههههههه
ام هادي تناظرها بقوة \وانتي بعد انطمي
هند \يومه ماعليك فيهم لا تعصبين روقي يا حلو
ام هادي \ تدرين ان اختك سافرت
هند \ايه علمتني منى
ام هادي تناظر من \انت من ون دريتي .؟
منى تتجهز تبي تشرد \انا اللي سرقت جوازها مع هادي وعطيته عمي ناصر وعمي سافر مع نور ونور سافرت مع عمي وعمي ونور سافروا مع بعض وخلوووووووووووووني <<وطلعت تركض ع الدرج قبل لا تمسكها امها <<
ام هادي \تعالي هنا
منى واقفة بنص الدرج باستخفاف \ليش جنيت انا
ام هادي \ من سمحلك تفتحين خزانة ابوك
منى بسخرية \هع هع الظروووف اجبرتني
ام هادي \هين يا منى اذا ماربيتك مااكون هناء
هادي اللي سمعهم \ الحين انتي وش حارك انه نور سافرت اواني سرقت جوازها من عندك
ام هادي \هلا با القاطع اخيرا تذكرت ان لك بيت
هادي \لا انا مو راجع البيت جاي اشيل اغراضي واطلع
ام هادي بعصبية \ ووين ناوي تروح ؟؟ بتلحق اختك ؟
هادي \ههههههههههه ايه باالحقها ووين ماتروح اختي بااروح معها ..حتى جوازي تراني سرقته ..
مريم تستعبط \حشا يا عيال عمي كنكم خدم تسرقون جوازاتكم من عند هلكم ..
ام هادي اعجبها كلام مريم \سمعت حتى بنت عمك شكت بعقولكم ..عطني جوازك مافيه سفر
هادي \جوازي مو معي مع ماجد ..ولو كان معي ماعطيتك اياه
ام هادي تتبسم \اوكى مادام مع ماجد فانا ضامنته ماراح يعطيك اياه ..وبيرجعه لابوك
هادي \ههههههههههههه تراك ماخذه مقلب في ماجد ..ماجد يخلص حجزي وحجز فارس ههههههههههه
ام هادي \والله ماتسافر يا هادي
هادي يبوس راسها \والله اسافر يا ام هادي .. ولاني راجع الا واختي معي ..
..............................
نور \هذا ثالث يوم لنا ولساتني اضيع الطريق ..
ناصر بثقة \لانك متخلفة الحمدلله ..
نور تضربه على كتفه \ سخيييييييييييييف واجد
ناصر بنعومة \اي عورتيني
نور تشهق \هههههههههههههههه وين فهد منك لا يسويك با العقال
ناصر تذكر \هههههههههههههههه حشا ها الولد ماهو بطبيعي اذا شاف احد يتدلع قام عليه با العصا او الجوتي رقععععع الله يعين منى عليه
نور \ههههههههههههههههه وليش منى با الذات
ناصر \مدري احس انهم يليقون ببعض
نور \اخص يا الحريف طيب وانا فيه احد يليق معي ولااااااااا
ناصر يناظرها نظرات غريبة \ امممممممم احيان تعجبوني اذا جمعتكم بخيالي بس اذا رجعت للواقع اخاف عليكم من بعضكم ..
نور \انا ومنننننننننننننننننننننننننننننن
ناصر يرفع حواجبه \مايصير اقول ..
نور \لا تقول بس انا ماراح اعلمك من اللي تناسبك
ناصر بثقة \اعرفها بدون ماتقولين ...
نور حمقت \منهي فيه احد في بالك تعرف وحدة قووول علمني ..؟
ناصر \يومه غير كنك زوجتي وتغارين وش دخلك اذا اعرف او مااعرف ..
نور \لاااااا مافيه منهي هذي اللي ماتستحي على دمها <<بعصبية << من وين تعرفها ..؟
ناصر يهديها \نور علامك انتي عصبتي امزح معك وش فيك ؟
نور \ ويلك اذا اكتشفت انك تعرف وحدة ذبحتك وذبحتها معك ..
خذت جواله من يده ومشت تجلس لحالها ..
اتصلت برقم حافظته ....
سهام \ نعم .<<لان الرقم غريب <<
نور \ قليلة ادب ليش تردين على ارقام غريبة ..؟
سهام بصراخ \نووووووووووووووووووور
نور \ههههههههههههههه ايه انا وحشتيني
سهام \يا خايسة وينك وانا اتصل قدلي سنييين ماتردين لا على البيت ولا على جوال امك وخواتك ..وبعدين تعالي انتي بلندن ..؟
نور \اعوذباالله منك وش كل ها الاسئلة شوي شوي ..
سهام حمقت \ انتي بلندن ؟
نور \ايوه في لندن .. لا تعصبين مالي شغل الحين قدرت اسافر سوري مااقدر القاك
سهام \ طيب وين با الضبط ..
نور\ وانتي وش عليك وين انا في مكان مدري وش سماه ناصر ..انتي الحين علميني كيف اجواء الرياض
سهام بسخرية \طيبة اجواء الرياض موووووووت تهبل ..علميني وين انتي باي مكان ..ابيك تزورين مكان احبه مرة ...
نور \استني راح اسال ناصر .... نصوووووووووور
ناصر بزعل \وش تبين ؟
نور \ وه يا قلبي نصوري زعلان فديته انا ..
ناصر لف وجهه \ماابى اكلمك ..
قربت نور منه وباسته على راسه \بلا هبال ارضى ياالله
ناصر يناظرها \الحين انتي كذا بتراضين زوجك ..
نور \ههههههههههههه ايوه وش رايك ؟
ناصر \ الله يعينك يا ما........
نور تترجى \كمل كمل يا من كممممممممممممممل
ناصر \لا عيب ..
نور \طيب علمني وش اسم هذا المكان ..
علمها ناصر وهي علمت سهام ..
سهام \لا لا تقهوي مع عمك وانبسطي وخليني ع السماعة ..بس احسن الفاتورة عليكم مو علينا
نور شهقت \يا النذلة
وقفلت الخط بوجه سهام اللي انفجرت ضحك
وبعدها ارسلت لها سهام رسالة << ظلي بنفس مكانك وشوفي غروب الشمس مررررررررررة يجنن ..عشاني نور تذكريني لما تغيب الشمس <<
نور << اباك انتي ماابى غروب الشمس .. محتاجتك يا الغالية ادعيلي <<
سهام << ااااااااااااااه ليتني لساتني بلندن كان ضميتك وخليتك تبكين وتضحكين وتنسين الدنيا ظلي ابتسمي على طوووووول<<
نور << تعبنا نرسم البسمة ولو فينا حزن مرسوم ..ونضحك ضحكة التزييف ونكتم همنا فينا <<
.....................
فارس \ مو اكيد اليوم
ماجد \لا اليوم مو اكيد وبكره انتظار وبعده كمان مو اكيد حجزكم متاخر مرررة
هادي \ابوك يا القهر نبي ننبسط معهم ..
ندى \هذي دعوت فهد .. ربي يحبه
فارس \يا انا اتمنى اتوطاه با العقال لين يقول الحق ..
هادي \هههههههههههههههه يا احلامك كبيرة يا فارس كبيييييرة مرة
ماجد \عاد مالقيت الا فهد تتوطاه با العقال ..
ندى \ والله انك مسكين
.............................
منى \هههههههههههههههههههههههههه ههههههههههههه ههههههههههههههه
مريم \ههههههههههههههههههههههههه
فوز ههههههههههههههههههههههه
والله اني ضحكت عليه هههههههههههههه
منى \يستاهل ..بس عمامك من يبون يزوجونه
فوز تمسح عيونها من الدموع \ هههههههههههه مدري والله مدري قالوا له اخطب وتزوج ..
مريم \طيب غريبة يضغطون عليه وماجد اكبر منه وباقي ماخطب ولا تزوج
فوز \ اسمعي انتي ووجهك ..سمعت امي تقول لمها اختي ان ابوي يقول ان ماجد قال انه محير على وحدة من قريباتنا وبيخطبها رسمي قريب ..عشان كذا الشيبان علقوا بفهد ..
منى \وااااااااااااااااااااااع اكيد خطب تهاني بنت خالك
فوز \وععععععععع لا الله لا يقوله
مريم \لا تكفون الا هي
فوز \والله انكم خوفتوني يمكن هي لانه امي تحبها مرررة ..يا ويلكم اذا كانت هي
دق جوال فوز وكان فهد .....
فوز \هلا فهد ..لا باانام عند عمي ... عادي وش فيك انا قلت لابوي وامي ...لا والله بس مااظنك راح ترفض
منى فهمت ان فهد يخاصم فوز ليش انها بتنام عندهم ..سحبت الجوال من يد فوز ..
منى بوله \الووووووووووه فهيدان واشلونك يا الدووووب
فهد غصب عنه ابتسم \قليلة ادب وشله تكلميني .. هاه تبين العقال بين جنوبك ..
منى مصدومة \ افا يا ولد عمي وانا جاية افزعلك واضحي بنفسي عشانك اتاريك تهيني
فهد مستغرب \وش تفزعين لي فيه يا الفزاعة
منى حمقت \انا فزاعة يا الغراب .. بس ماعليه مقبولة منك ادري ان نفسياتك زفت بسبت الشيبان بس ولا يهمك الحل عندي
فهد يستعبط \تكفين الحقيني به هذا الحل ..
منى \ولا يهمك با ادخل معك مجلس الرجاجيل واحلف عليهم وابوس خشومهم واقول ..لا هنتوا يا الربع هذا ولد عمي وانا محيرته ..وانا اولى فيه من الغريبة ومالكم نصيب عندنا ..شلوا بنتكم والله يرزكم بولد الحلال اللي تستره بنتكم ..والوجه من الوجه ابيض .. وش رايك ؟؟
فهد متفاجى مصدوم مفجوع من كلامها ..هذي استخفت ولا ناوية تذبحه ولا وش سالفتها ... حسابك عندي يا منى .. وكان رده انه قفل الخط بوجها ..
منى بصراخ \ابشركم وافق ..السكوت علامة الرضى ..
مريم وفوز يسلمون عليها ويباركون لها ..
..........................................