.......... اول مادخل ماجد المستشفى توجه لمكتب الدكتور
ماجد \ السلام عليكم
نايف \وعليكم السلام
ماجد \ دكتور اخوي قالي اللي صاار مع نور طمني هي بخير
نايف \ اللي كنت خايف منه صار .. نور منهارة من الخوف .. ماادري وش صار لها كانت مبسوطة وتحسنت حالها بس فجاءة صارت تصارخ وتذكرت ماجد .. اموت واعرف ماجد هذا وش مسوي لها
.. يمكن تقدر تساعدني على اني افهم مشكلتها .
ماجد بغيرة \ دكتور انت مايحق لك تعرف شيء انت يحق لك تعالجها وبس
نايف \ مرض نور نفسي مو جسدي وماله داعي هاالاسلوب
ماجد بسخرية \ وصلت المعلومة عن اذنك
نايف ببرود \اذنك معك
..خرج ماجد من مكتب الدكتور وتوجه لفارس وهادي وسحبهم سحب من المستشفى
هادي \ماجد وين مودينا ؟
ماجد بعصبية \ لجهنم .. نور مو في حاجتكم
فارس\ وباي حق تبعدنا عنها ؟ من تكون ؟
ماجد \اكون تاج راسك .. اللي في نور يكفيها وانا مااريد منكم تخوفونها من شيء وخاصتا مني انا
هادي \ ياماجد نور تخاف منك من زمان .. وبعدين دائما نمزح معها عشان خوفها عادي
ماجد بتملك \ هذا شيء يخصني انا ونور ولا ابيكم تتدخلون فيه .
فارس بحقد \نور ماتخاف منك نور تكرهك
ماجد بكذب \ ادري ويحق لها
فارس بصدمة \انت بشو اذيتها وش سويت لها ؟
ماجد \مالك دخل
هادي بصدمة \يعني انت بجد مسويلها شيء ؟
ماجد \ايه اذيتها بس مدري كيف ومدري متى او وين
وظلوا ساكتين باقي الطريق لحتى وصلوا الشقة .. ولساته ناصر نايم .
... دخلت امل المجلس ولقت عادلفخافت وحاولت تهرب بس عادل مسكها وضمها في حضنه
عادل بحنان \لا تخافين ماراح اضربك
امل \ احبك ليش تضربني
عادل \لانك قلتي كلام مو حلوا لنور
امل \ لاني اكرها واحب هند
عادل بصدمة \ليش تكرهين نور
امل \لان بابا يكرها ويقول هي حيوانة ..
عادل \ وليش تحبين هند ؟
امل \لانها تحبني وتاخذني الحديقة (امل تذكرت ان هند في الحديقة ) عادل هند تعبانة وتبكي في الحديقة
عادل باهتمام \ هاه ليش وش فيها تبكي
امل \مدري قالت انا تعبانة وظلت تبكي بقوة
عادل \تعالي معي نروح نجيبها
خرج عادل واخذ امل معه واوال ماوصل الحديقة شاف هند جاية تركض وتبكي
هند \عادل مالقيت امل دورتها مالقيتها
عادل يهديها \ لا تخافين امل معي في السيارة ..رجعت البيت مع جارتنا . قالت انك تعبانة
هند متلعثمة \ لا انا ماني ..انا بخير مافيني شيء
عادل بنظرات شك \اكيد ياهند اذا فيك شيء او محتاجة شيء قولي لي انا مثل اخوك
هند تبتسم بسخرية \ اكيد انت اخوي .. عن اذنك
ورجعت تدخل الحديقة .زوعادل ماقدر يدخل وراها لان الحديقة مخصصة للنساء فقط
هند بخاطرها ..انسيه ..هذا سراب ..هذا اخوك ..حبيب اختك .
.... فارس \ عمييييي يا عمييييييييييي قوووم الله يهديك المؤذن خلص وقامت الصلاة وانت نايم
ناصر بنوم وعصبية \ الله يخسك ليش ماصحيتني قبل
فارس \والله اني ...
ناصر يقاطعه \انطم
ويقوم يوضي ويصلي .. وبعد ماخلص صلاة جلس مع فارس باالصالة ودخل عليهم ماجد وهادي جايين من المسجد
ماجد وهادي \ السلام عليكم
ناصر \وعليكم السلام .. هادي متى جيت من عند نور ؟
ماجد \ اول مانمت انت انا رحت اجيبهم
ناصر بعصبية \ انت جنيت ونور الحين من اللي عندها ؟
ماجد \نور ماراح تحس بغيابهم لانها تعبانة ونايمة
ناصر وقف بخوف \ وش صار فيها ..انا تركتها وهي بخير
هادي \ياعمي اهدا هي بخير بس هي .....
ناصر بصراخ \ بس شو تكلموا
فارس وهادي يناظرون ماجد يعني تكلم انت
ناصر فقد اعصابه \ ياعيال اللذين تكلموا
ماجد\ ياعم هي بخير ( وقاله كل شيء )
ناصر يناظر هادي وفارس بحقد \الله ياخذكم يا كلاب
وياخذ مفاتيح السيارة ويخرج بسرعة من الشقة وماجد وراه ويروحون المستشفى
ناصر \ الله ياخذني يوم خليتها مع الكلاب
ماجد \يا عم هد حالك هي بخير والدكتور طمني عليها
.. وصلوا المستشفى وقف ناصر السيارة عند المدخل ونزل ركض وماجد اخذ السيارة يركنها في المواقف .. واول مادخل الغرفة كان ميت من الخوف .ز نور كانت صاحية من ربع ساعة ..في البداية ناظرت ناصر وكانه غريب عنها ماتعرفه بس لما ادركت انه ناصر مدت يدينها له بضعف .ز وهو ركض لها وضمها بقوة وخوف ..
ناصر بندم \ اااه فديت روحك والله كنت خايف عليك ... سامحيني يا قلبي تركتك مرة ثانية اعذريني مابااعيدها ..
نور تبكي \ ناصر ..ماابى اظل هنا خرجني تكفى ابى اخرج الحين ماابى اظل هنا ماابى
ناصر بحزم \ الحين اطلعك والله الحين اطلعك
نور بشكوى \قال بيجي يذبحني .. وعيال الكلب خدروني وانا اقول لهم ماابى انام .. واناديك بس انت ماجيت ..وينك انت وينك
ناصر \خلاص قلبي انا جيت الحين اهدي مااحد راح يلمسك وعد
نور بضعف \ ابى بيتنا ابى اروح الرياض ابى سهام .. ابى ابى اروح
ناصر \الحين اروح اجيب اذن الخروج ونطلع زين
نور بخوف \لا لاتروح بيجي لا تروح
ناصر \ مابااروح خلاص ياالله اساعدك بملابسك ونروح
نور \ ابى اروح الرياض الحين
ناصر \بكره نروح ولو على السيارة زين
نور \ماابى اروح عند ماجد
ناصر \ انسي ماجد ماجد سافر مو هنا وبكره نروح الرياض
نور \ لاتخلي ماجد يروح معنا
ناصر \يخسي الا هو مابيروح معنا اصلا هو في الشرقية
.. كان ماجد واقف عند الباب وسمع كلامهم وانصدم ان ناصر يبي يطلع نور وهي منهارة ..... ناصر يتصل على ماجد ..\ يارفيق جيب سيارة عند باب مستشفى ولا اشوف وجهك عند الباب زين رفيق .
ماجد يماشيه وفهم ان ناصر مايبي نور تدري انه موجود \ زين يامجنون .
.. الدكتور المناوب في هذا الوقت كان مصري ولا كان يدري بحالة نور وبكذا بعد ماشاف ناصر مصمم يطلع نور كتب لها خروج . .. والدكتور نايف ماكان يدري بخروج نور .
