...............................
ناصر \ ايوه خله جاهز من ثلاث ايام لاسبوع .... ايوه مثل ماقلتلك .... و سا محني شكلي والله بااحرجك بس والله محتاج ذا الخدمة منك .... لا لا فيك الخير يا الطيب .. .. ههههههههههه على خير ..بينا اتصال ..بحفظ الله ..
قفل ناصر وانتبه لوجود ماجد وراه وشكله معصب ...
ناصر \خير ان شاءالله شغلة جديدة عندك التنصت ..
ماجد ينفخ بقوة \وين بتاخذها ..؟
ناصر ببرود \ماهو بشغلك ..بنتي وانا ادرى بمصلحتها ..ولا عاد اشوفك تحشر نفسك با اللي مايخصك ..
ماجد ببرود مماثل \ بنتك يا الحبيب صارت مربوطة بااسمي وبموافقة ابوها وابوي..
ناصر \والله يا ماجد نور لاهي برايقة لك ولا لابوك وعمك ..وابوها الله يصلحه لو يجيله يقطها با الشارع توكل الله يهديك شف حياتك وخل باقي عقل نور يظل براسها ..
ماجد \هذي حشيمتي عندك الحين تساويني با الشارع ..انت تدري زين اني ابي نور واذا ابوها عطاني اياها فهو معطيها رجال مو معطيها الشارع ..
ناصر \اذا تهمك نور اتركها بحالها واقصر الشر
ماجد \لانها تهمني فراح اخذها منكم كلكم واخبيها بعيد عنكم ... ولا عاد توصلونها الا باذن الكريم
ناصر برجاء \اعقل يا ماجد نور تكرهك تخاف منك انت ضربتها وبغيت تقتلها تكفى اتركها بحالها ..
ماجد \تكرهني انا راضي اهم شيء ان لي مكانه بقلبها مااحد وصلها .. ومصير خوفها يتحول لأمان وحب ..
عن اذنك ..
مشى ماجد وترك ناصر ..وظل الوضع معقد بينهم ..
....................
الدكتور طلع من غرفة العمليات ولقى الجمهور ينتظرونه وشوي يتذابحون عند الباب ..
ناصر \دكتور طمني وش صار معها ..؟
الدكتور \لا الحمدلله هي بخير ..والضرر مو كبير كان نزيف بسيط وقدرنا نسيطر عليه والدم اللي نزفته عوضناه با اللي تبرعتوا فيه ..
ابوعادل برجاء \هي بتعيش ..؟
الدكتور \ان شاء الله .. حالتها مستقرة بس ماتقدرون تشوفونها اليوم .. عن اذنكم
فهد \الحمدلله على سلامتها يا عم ماتشوف شر
ناصر بسرعة \الله يسلمك <<ويناظر سالم بتحدي <<
عادل بهدؤ \ مادامت بخير .. فانا رايح الحين اشوف حجوزاتنا لالمانيا عن اذنكم ..
ابوعادل \ واختك ؟
عادل بقوة \نور مو اختي ..
الكل انصدموا من رد عادل .. وش قصده وليش يقولها بها النبرة ..
هادي بعصبية \ لا تكفى عاد نور تقطعت تكون اخوها
فارس بعصبية اكبر \ ليش ماتشرفك نور ولا مو من مقامك ..
ابوهادي \انطم انت وهو ..عادل معه حق نور مو اخته
ابوعادل \ انا قصدت اختك عبير مو نور ..
عادل مو عارف بايش يرد لازم يصحح سؤ الفهم اللي صار ...
عادل \اعذرني يا عم والله نور غالية وماعليها قصور والكلمة خرجت غلط
ناصر بسخرية \ليش غلط الكلمة صح نور مو اختك
عادل عرف انه طينها \ فمان الله
خرج من المستشفى ولحقه اخوه خالد
وناصر صار يناظر اخوانه سالم ومنصور بقلق ..<<يعني متى بتروحون <<
منصور \ تراك اذيتنا بعيونك
ناصر \ تطمنتوا .. روحوا طمنوا هلكم اذا كان يهمهم
سالم صامت طول الوقت ولا يرد على ناصر ..هو عاذر ناصر ويدري بحبه لنور ..وفي باله انه الافضل ان نور تظل عند ناصر
ابوهادي \ فمان الكريم ..
قام وخرج من المستشفى وخرج معه ابوعادل ..
فهد سحب هادي وفارس معه با الغصب بعد هدة وصراخ .
اما ماجد فظل يناظر الغرفة ويتمنى لو بس يشوفها
ناصر فاهم عليه ويحز بخاطره انه يتهاوش معه طول الوقت ..بس ماجد لازم يفهم ..انه راح يئذي نور بالحاحه انه يتزوجها ..لازم امنعه من خطبتها ..لانه لوخطبها مستحيل ابوها يرفض ..
ماجد \ مااقدر اقولك وصل سلامي .. بس اوصيك تهتم بروحي ..تراها امانة عندك ..
خرج ماجد وناصر يتمنى لو يقدر يساعد ماجد ..بس نور اهم عنده من الكل .. ماجد يقدر ينقذ عمره ..اما نور فمالها بعد الله الا هو ..
