الساعة 6 الفجر يمشي ويحس براحة في هاالسكون والهدؤ اللي في المزرعة ... والله المزرعة تهبل وهواها يرد الروح << ليش المجنونة ماتحبها وش اللي مكرها فيها ..نفسي ادخل عقلها وقلبها وادري وش فيها .. توهتني معها تقول اني مدري وش سويت ..مجنونة بحت بنت عمي ..بس دواها عندي .. راح تدري اني في المزرعة ههههههههههههه بس بطريقة هتلر مو ماجد << نفسي ادخل الحين الفلة واضربها اضربها لين ترضى نفسي ..بس وش اقول ناصر ناشبلي مثل العلة .. وجات في باله فكرة وقرر ينفذها ..
نور بصراخ \ندىىىىىىىىىىىى بسرعة اذن الظهر وانتي تتمشين
ندى بقهر \انطمي جزاتي وافقة على خطتك الغبية
ناصر بفخر \لا والله فكرة عظيمة يا نور اهنيك
نور \ادري يا الله نروح
ندى \من وين طلعتلك فكرة فطور في اخر المزرعة
نور بطفش \استكشاف امشي علينا عجوز جدي
خرجت نور وندى وركبوا السيارة وناصر معهم ..كانوا فري مرة مو ماخذين في بالهم ان فيه احد غيرهم في المزرعة ..ندى وناصر يدرون بوجود ماجد بس طنشوه ..اما نور ماكانت تدري ولا اخذت لها عباية ولا طرحة ..
ندى \لا لا ناصر ابعد ودنا مكان بعيد في المزرعة
نور بقوة \لا ناصر وقف خلاص هنا حلو
ناصر \لا نور خلينا نروح اخر المزرعة
نور برجاء وخوف \لا ناصر تكفى هنا خلنا هنا
ندى حست بنور \ خلاص ناصر نزلنا هنا
ناصر ومو مقتنع \متاكدين نبعد كمان شوي
نور \لا هنا احلى
ناصر \اوكى على راحتكم انساتي
وفعلا وقف ناصر السيارة ونزلوا منها ونزلوا اغراضهم وفطورهم اللي مجهزينه في الفلة ...وفرشوا على الارض وجلسوا يحضرون الاكل ..
ندى تهمس لنور \نور جبتي الخبز
نور ناظرها بغباء \ ااا ا مم مدري لا
ندى حطت يدها على فمها \الله ياخذك بيذبحنا ناصر
نور بهمس \ اروح اجيبه
ندى \كيف مالت عليك وعلي يوم اعتمد عليك
نور حمقت \وجعوووه خلاص بااروح اجيبه انطقي الهي اخوك عني
ندى \ناصر تعال معي ابيك في سالفة
ناصر يناظرها بعتب \بعدين
نور \ماعليك مني رح مع اختك تبيك في سالفة رووووح
ناصر \ وش وراكم ؟
ندى \نور ماجابت الخبز هي المسؤلة
نور دعجت عيونها \ بااروح اجيبه عطني المفتاح واروح اجيبه <<وتبتسم
ناصر \ نور ناظري فوق
نور وندى يناظرون فوق
نور \وشهو وش فيه
ناصر \السماء اقربلك من المفتاح
نور \ يارب يارب يسمحون للمراء تسوق في السعودية ..واشتري لي امممممم اشتري فورد وامشي البنات في الشوارع وادلعهم
ناصر يكمل \ايوه ياربي ويصير معهم بنشر ..ويوقف عندهم البنزين ..وتجيهم مخالفات ويتبهذلون ياربي ..
ندى تضربه على ظهره \ ادعلنا با الخير
نور \ نصوووري بااروح اجيب الخبز واجي ركضضضضضضضضض
ناصر \كذوووب كيف تجين ركض وانتي على السيارة
نور \بااخلي السيارة تركض
ناصر قام ويرمي الكاب حقه على نور \مامنكم يا الحريم نفعه ابد
ندى \ افااااا وشهو له هاالكلام
نور \جب انتي ووجهك لو جبتي الخبز ماتبهذلنا
ندى \ الله يخارجنا مالك صاحب انتي
ناصر ركب السيارة وندى ركبت معه
نور \ لا والله وانا من بيظل معي
ناصر \ تجين معنا ؟
نور \لا بااظل احمي الفطور لين تجون
ندى \لا تاكلينه علينا
نور \ناصر تكفى جيب الخبز وانسى ندى في الفلة زين
ناصر \ههههههههههههه ابشري
رجع ناصر وندى للفلة .. نزلت ندى للفلة ..وناصر راح للملحق بس مالقى ماجد ..رجع الفلة وشاف ماجد في المطبخ مع ندى
ناصر \ وش دخلك الفلة ؟
ماجد \هلا صباح النور كيفك انت ؟ الحمدلله طيب .
ناصر بقوة \ماجد مو فهمتك امس انك راح تظل في الملحق لان نور ...
ماجد يقاطعه \وش اسويلها نور هاه ..انا جوعان ابي اكل ..والناس من وين ياكلون من المطبخ ..صح ندووو
ندى \صح
ناصر \ كان كلمتني وانا اجيبلك الفطور
ماجد \افااا لا انا ماارضاها لعمي يجيبلي الفور
ناصر يناظره بسخرية \ تصدق صدقتك ... احذر تصرفاتك بدت تزعجني
ماجد \ المعذرة ماسويت شيء
ناصر بجدية \ ماجد اكسبني في صفك ..لا تخسرني بتصرفاتك
ماجد \ ضامنك لا تشيل هم
ندى ماهي فاهمة شيء وش فيهم هذؤلا شوي ويتضاربون
ناصر \ياالله ندى
ندى \خلني احضر فطور ماجد شوي
ناصر \اجل ظلي معه .. عندي من هو اهم منه ..
خرج ناصر من الفلة وركب سيارته ورجع عند نور
