في القاعدة الجوية <<< في مجلس الرجال << تدخل منى معصبة وناوية ع الشر
منى \ يوبه ابيك تعال
ابوعادل \ هههههههههههه طيب ليه تفتنين ؟
منى بغيض \ ابى ابوي
ابو هادي \ تبيني تعالي
منى \لا تعال انت
ابو عادل وابوهادي \ههههههههههههههههههههههههههههه
منى \يوبه ابي اسافر ابي ارجع الرياض
ابوعادل \ افا ليش احد زعلك ؟
منى تناظر عمها بغباء \ لا سلامتك بس اشتقت لاختي حبيبتي روحي نوووووور
ابو هادي \ اااااااااااه قلتي مشتاقة لنور
منى بقوة \ ايوه
ام هادي \ وجع ليش تنافخين
منى \اثبت وجهة نظر
ابوعادل \ههههههههههههههههههههههه يا وجهة نظر
منى \عمي بلييييز نو كومنت << يعني لا تعليق <<
ابوهادي \ومتى تبين تسافرين واختك وينها ؟
منى تناظر ابوها بقهر \ماتدري وين بنتك ؟ انا اعلمك ..بنتك في الرياض ..راحت مع عمي ناصر وانا ابي اروح لهم الحين
ابوهادي بزعل \ روحي هذا الباب قدامك
منى حسها الزعل اللي بوجه ابوها \ يوبه اسمعني انا ما اقصد شيء بس ......
ام عادل \ منى تعالي معي
منى راحت مع عمتها \ خير يا عمة وش فيك ؟
ام عادل \ منى انتي وش ناوية عليه .. ابوك تعبان وماهو محتاج منك هاالمعاملة ..؟
منى \وش سويت انا ؟
ام عادل \ابوك يحس بفقدان نور ويحس انها تكرهه وانتي الحين تكلمينه بهاالاسلوب وتبين تروحين وتتركينه ؟
منى \ابوي انا ما بااتركه بس ابي اروح لنور ابوي معه امي وهند وانتوا بس نور مامعها احد
ام عادل \ انتي غلطانة نور الكل معها واذا مو بااجسامهم باارواحهم .. انتي هند عبير مريم امك وابوك وانا .. وبعدين كلنا بنروح الرياض بعد اسبوع يعني اصبري
منى بخاطرها << اكرهك <<(هاالكلمة عند منى ماتعني شيء )
................ماجد كان واقف عند المدخل الرئيسي للمبنى اللي هو ساكن فيه ويتصل في ناصر
ماجد بعصبية \انت ماتقول بلاك ثور هاه ماتفهم
ناصر بصوت عالي \بلى بشكلك وش عندك تفتن ترى العن خيرك وجع
ماجد\ ليش تركت نور لوحدها ؟
ناصر \______________ وش صار ؟
ماجد \تعال الشقة الحين
قفل ناصر الجوال ومو حاس بنفسه ..وش اللي صار نور وش فيها وهذا الثور وش اللي وداه الشقة .. الخسيس الكلب مايستحي على وجهه يبي يجيب اجله بيده .. واول ماوصل بداء يصارخ على ماجد
ناصر بعصبية \ انت وش جنسك هاه وش تبي تسوي في البنت انت جنيت ؟
ماجد\ ماكنت ادري انها في الشقة حسبتها طلعت معك
ناصر \ حتى لو طلعت وش جابك
ماجد \اسمعني مو وقت كلامك هذا الحين
ناصر \ اجل وشهو وقته
ماجد\ انا جيت اخذ اوراق من الشقة .ولقيت نور في المطبخ طايحة والقزاز برجلها ..انا عقمت الجرح وعطيتها علاج للحمى وخلاص
ناصر بسخرية \لا ياشيخ وخلاص
ويمشي ناصر معصب يبي يدخل الشقة امسكه ماجد من يده
ماجد \مالي حق ادري ..بس اوعدك يكون لي حق ياناصر .. وانا خايف عليها اذا انت وديتها الرياض من اللي راح يهتم فيها
ناصر يناظر بحقد \مو شغلك .. وااحذرك يا ماجد خلك بعيد عن نور
ماجد بتحدي \ نور طلبتني من دون ماتدري ياناصر وانا لبيت ..وبااكمل اللي براسي
ناصر \ماراح يصير اللي براسك الا بموتي او رضى نور
ماجد \بعيد الموت انشاء الله ..ورضى نور استبعده ..لانه برضاها او دون رضاها هي لي
ناصر بسخرية \ واثق يا ماجد .. واتحداك ماتوصلها بدون رضاها .وبوجودي
ماجد \بتحدي \اتحداك ماتكون راضية وبوجودك كمان
ناصر يعطيه ظهره ويمشي \ نشوف يا ........ ماجد
دخل ناصر عند نور وجلس على السرير وحاول يصحيها ..ونور تفتح عينها وتقفلها مو راضية تقوم غير الكمادات اللي عليها وراح المطبخ وشاف القزاز على الارض وبداء ينظف ..وبعدها جلس يفكر في كلام ماجد ..وهو يدري ومتاكد انه لو ماجد طلب نور فسالم مستحيل يرده او يرد ابوه عبدالرحمن ..ومتاكد ان نور مستحيل توافق .. وهذي نور وابوها مايعطي رايها اي اهمية ......... سمع جرس الباب وراح يفتح ..ولقى فارس وهادي وفهد
فارس يفتن \نسيتنا هاه ..والله انك عم سنافي
هادي \هذا وامي موصيتك علي لا تخليني لحالي عشان مااحد يخطفني وانت مفهي
فهد \ههههههههههههههههههههه ..الله ياناصر عينك تشوف اشكالهم وهم يدورونك في كل مكان حتى باالحمامات <<وانتوا بكرامة << كانهم عجايز
هادي بسخرية \كلن يشوف الناس بعين طبعه
ناصر ميت من الضحك على تصرفاتهم ..ويحاول يبرر لهم بس مافيه فايدة لانهم زعلانين
ناصر \ولا يهمكم الليلة اراضيكم في الطيارة
هادي وفارس مادين البووووز\ ............ مانبي
فهد \هههههههههههههههااااااااااااااااااااااااااااي يااخي كانهم زوجاتك وانت تراضيهم بعد دخول الثالثة ههههههههههههههههاااااااااااااااي
<< كلهم اضحكوا على سخافة فهد << اكرهه مدري ليه ..لا ادري ليه ..لانه يشبه شخصية واقعية <
