ابوعادل والله يااخوي الموضوع مو بهذي السهولة لا زم احد يكفله ولا مايمشي حاله
العم عبدالرحمن \ الله يعين ماعاد ندري وش السواه معهم الله كريم
ابوهادي يكلم ناصر \ هذا فردك
ناصر \ايوه وهذا فرد ماجد
هادي \يوبه ابيلي مسدس
ابو عادل بعصبية \وش تبي فيه لا تفكر بيوم تاخذلك فرد فاهم او لا لساتك صغير
ماجد \هد حالك ياعم وش فيك عصبت
ابوعادل \ ماتشوف البزر يبي فرد هذا مسؤلية مسؤلية ماانت بقدها
ابوهادي \ ياابن الحلال هد روحك اصلا هادي يتلقف بس
ابوعادل والضيقة تذبحه \ لا تفكر بيوم يا هادي ياولدي تملك مسدس الا وانت قده
ويقوم ابوعادل ضايق مخنوق وتاخذه الذكرى لزمان فات مايقدر ينسى مايقدر ويسمع ضحكة ويناظر ويشوف نور تضحك مع عبير ومنى ...وتشب النار في قلبه من جديد ويحملها المسؤلية في كل اللي صار .. وتضحكين يا نور تضحكين والله لا انسيك معنى الضحك والله والله لا اخليك تدعين با الموت على نفسك الله ياخذك انتي السبب انتي .
نور \ بنات عندي فكرة
فوز \قولي هببي
نور \اولا اوعدوني تكونون معي في هاالخطة
هند\ شكلك بتنكبينا وش وراك
نور \ وش رايكم نسوق السيارة
الكل ساكتين ينتظرونها تكمل
نور \انا اعرف اسوق واذا رحت واخذت المفتاح من امي وقلت لها ابوي يبيه بتعطيني المفتاح وحن نركب السيارة ونروح نفحط وش رايكم
منى فوز عبير مريم سمر \ موافقين
نور تناظر هند \ وانتي معنا ولا شو
هند \وش بيسوون فينا
نور \يا مجنونة وش بيسوون يعني كم كف على وجيهنا وبس وش قلتي
سمر \نور ابدي هند معنا معنا ياالله
ام هادي \ يابنت الحلال ازعجتني تقول تبي تاخذ اجازة عشان اختها بتسافر وهي تبي تسافر
ام ياسر \ ليش ماسمحتيلها طيب
ام هادي \ياام ياسار لو انا سمحت لها فراح اكون ظالمة مدرسة ثانية بحاجة للاجازة اكثر منها
نور بعجلة \يومه قال ابوي يبي المفتاح حق السيارة وينه
ام هادي \وش يبي فيها
نور بسرعة \مدري وينه يومه بسرعة
ام هادي تقوم وتدور المفتاح في الشنطة بس ماتلقاه
ام هادي \والله مدري وينه يمكن مع ابوك
نور \لا قال معك
ام هادي \ اصلا ماعطاني اياه يوم وصلنا
نور \والسواه وش اقوله
ام هادي \ يمكن المفتاح مع هادي ولا مع ماجد بعد ماوصلنا امس المفتاح معه
نور باارتباك \ مع م ما .......... خلاص بااقوله
هند \ بشري وين المفتاح ؟
نور \مدري قالت امي يمكنه مع هتلر
منى \اوف وش ذا الفصلة من بيجيبه الحين
فوز \انا راح اجيبه ... تنادي حمود ولد ياسر وتقوله
فوز \حمود روح لجدوه سالم وقول هادي يبي مفتاح السيارة عشان تاخذ حلاوه
نور \هههههههههههههه اخذ حلاوة مالت عليك فوز \روح حمود اركض
ويركض حمود ويجلس بحضن ابوهادي
ابوهادي \يا لبيه ياالشيخ كيفك
حمود \ جدوه هادي تبى فوز مفتاح السيارة
ابوهادي \وش يبون في السيارة والله مدري وينه
ماجد \تعال حمودي تبي المفتاح وياشرله باالمفتاح
حمود راح ياخذ المفتاح من ماجد وماجد مسكه وصار يبوسه ويضحكه وبعدين عطاه المفتاح
.
