خرجت من غرفة عبير ضايقة مجروووووحة ..
<< ماتوقعتك يا عبير تسوينها هذا وانا نور وانتي عبير .. اجل من عاد أامنله الحين .. معك حق تزعلين وتصارخين ..بس ماتجرحييين ماتجرحين .. ادري اني مو مهمة مثلك عند ابوي وامي بس انا اعز نفسي عندك وعند خواتي ..صحيح مو انتي اللي انطردتي ودلختي المستشفى و جاك انهيار بس مااحد درى عنك ... ومو انتي اللي تاخذين حبوب ضد الإكتئاب ولا احد من هلك يدري ..ومو انتي اللي مبهذلة ناصر معك ..كل هذا انا ايه انا .. بس مو انا ياعبير اللي اخون واجرح من يفديني بروحه مو انا ..<<
منى عند الباب \ نور نور حبيبي افتحي الباب .. تكفين نور ..
نور \ ................................. منى بانام ..
منى تبكي وتصارخ \نوووووووووووور افتحي لااذبح حالي هنا ..افتحي او قسم باالله ارجع غرفة عبير واشوها افتحييييي
نور قامت تفتح الباب لمنى ..اللي دخلت بسرعة وضمت نور وظلت تبكي عليها ..
منى \ ماعليك منها والله لاادفعها ثمن كل كلمة قالتها .. والله اشرشحها لك وتشوفين .. واخلي ابوها يدور على قطعها في كل بحر ..
نور تبتسم تبي تهدي منى \ وانتي وش عندك قالبة ذا القلبة ..عادي <<بغصة << عبير تعبانة وانا عاذرتها ..
منى تشهق \ عاذرتها ..نعنبو شكلها والله لاادوسها والله
نور تكمل ولا انتبهت للي وقفت عند الباب ..
نور \يامنى عبير مصدومة من شكلها ومن اللي صار لها .. وطبيعي تصارخ وتضارب وتسب الكل .. وترى اللي قالته عبير مو غلط ..
منى تناظرها بقهر \ليش تدافعين عنها ؟؟ لييييش ؟
نور \انا ماادافع عنها ..بس عاذرتها ..وتراها صادقة وكلنا ندري ان كل كلامها صح ومافيه غلط او تجني ..<< تمسح دموعها قبل لا تنزل << ماراح اقولك ان كلامها ماجرحني او قهرني .. راح اكون كذابة .. مهما صار هي عبير الغالية ..والجرح يامنى اذا جاء من غالي مستحيل << بدت تبكي <<مستحيل يبرى
منى تضم نور وتبكي معها .... وبعد وقت حسوا بااحد ثالث يحضنهم ..
مريم وهي تبكي \ جعلها فداك يا نور.. والله ان اختي ماتستاهل
......................................
ام هادي \ وش قلت ياابو هادي ؟؟ ترى صار لهم فترة طويلة وهم ينتظرون الرد وانت تماطل ..
ابوهادي بتفكير \ بس عادل يبيها ..وانا معطي اخوي كلمة وهند لولده ..والحين تبيني ازوجها برجال ثاني ..
ام هادي بطولة بال \يعني الى متى بتظل على ها الحال ..وولد اخوك رابط بنتك معه اذا كان مايبيها يقول .. خلها تشوف نصيبها
ابوهادي عصب \وش تبيني اقوله ..انت بتاخذ هند او اعطيها لغيرك
ام هادي تهديه \ انت ليش عصبت؟ كلم اخوك وقله ان هند خطبها ولد خالتها واذا ولدك مايبيها فراح نزوجها واذا يبيها يخطبها رسمي .. مايصير تمسك نصيب بنتك وتنتظر اخوك يخطبها لولده وولده يمكن مايبي ..
ابوهادي يدري ان زوجته معها حق في كلامها ..الى متى وهو يرد خطاب بنته هند ..وعادل ماناقصه شيء ولاقد خطبها رسمي ..
ابوهادي يقوم \خلاص على خير انا بااكلم ابوعادل ويصير خير
خرج ابوهادي وراح يشوف اخوه ويفاتح معه موضوع هند وعادل ..
.....................
فوز ترحب \يا حيا الله من جاء وارحبي ..
منى بقرف \هذي المرة المليون وارحبي ..انثبري
فوز \لاه لاه لاه وش فيك انتي وخشمك معصبين ..
منى عصبت \خلي خشمي بحاله تراني ماصدقت انكم تنسون منه ..
فوز \ههههههههههههههههه واحد ينساه هذا الخشم الكبييير
منى \ وجع تراكم عقدتووووني منه
سمر \هههههههههههههههههه ولا تزعلين تراهم محترين منه والله ان خشمك يهبل طويل كانه سيف ماشاء الله ..
منى تبتسم \فديتهم يعرفون يصفون الكلام ذا السمر
سمر عصبت \وجع وش السمر ..
منى تكذب \انا قلت السمر بفتح السين مو بضمه
فوز \ههههههههههههههههههه تكذب سمورة تكذب
منى عصبت \اقول يا كوفي عنان ماعندك غير ها الضحك ..
فوز \ هههههههههههههههه جاتكم كوندليزا رايس
سمر \هههههههههههههههههههههه حلوة بجد بينكم شبه منى كانك هي ..وفوز تصدقين توني اعرف من اللي يشبهك كوفي عنان صح ..هههههههههههههههههه
منى تناظر سمر \ عدال بس يا حزب الامم ..
سمر بقهر \ مالت عليكم تبطون الكبد .. اروح اكلم زوزي احسن لي
منى \زوزي سلميني عليه ..
راحت سمر وتركت منى وفوز لحالهم ..
منى بخوف \ فوووووووز
فوز تقلدها \هااااااااااااااااااااه
منى \هويتي زين .. تراني خايفة قومي نروح غرفتك اخاف لا احد من اخوانك يطب علينا ..
فوز \طيب قومييييييي
وهم ماشين وقفوا عند التلفزيون ومنى اخذت إطار زجاجي مكتوب عليه با الانجليزي كلاااام واااجد
منى \يااااااااو وش ذا كله من اللي فيه حيل يكتب ذا العنقريز كله ..
فوز \هههههههه هذي هدية فهد لما كان في بريطانيا وش رايك فيها
منى تتمصخر \ تكفين لا تضحكيني ..وليه حاطها هنا فارح بسواد وجهه ..؟
فوز عصبت \سودالله وجهك ..وش عندك هاه ..؟
منى \طيب راح اعذره لو انه جايب شهادة تختوراااه ..مو مدري وشهو ..
فوز \عاد انتي قولي دكتوراه زين بعدين علقي عليه ..يا السقوووط
منى بخجل \وجع انا ماعدت الا سنة وحدة في حياتي الدراسية مو سقوط الا لاني حبيت اول ثنوي لان مواده كانت واااجد ووناسة <<تكذب طبعا <<
فوز\ ومن اللي محمله مادتييين ها السنة ؟
منى \اششششش وجع تراك حتى انتي حاملة مادة انطمي لا افضحك
فوز \مادة مو مادتين ..مالت عليك ..
منى بنذالة \فوز ..فهد هو يحب هذي الهدية ..؟
فوز بغباء \ ايوه دوم يفتخر فيها ويشوف نفسه علينا .
منى \اااه << فكت الهدية من يدها وطاحت ع السرميك وانكسر جزئها الاعلى <<
منى بكذب \يوه بسم الله وش صار ..
فوز مفجوعة \الله ياخذك وش سويتي ..ياويلك من فهد ..
منى تضحك \ههههههههههه عادي عادي انكسر الشر قوليله ..
فوز تلف القطع المكسورة \ والله لا اعلمه والله ..
منى بتكبر \اخر همي اخوك الدجاجة هه..
مشت ودخلت غرفت فوز وهي تضحك على اللي سوته <<تستاهل يا فهيدان والله اطلع عيونك ..مو من شيء الا لاني ...........<<
..............................
كانت نور وام عادل جالسين في الصالة اللي تحت عند التلفزيون ..ودخل عليهم ابوهادي وابوعادل ..
ابوعادل \ يااخوي افهمني ..البنت نفسيتها تعبانة وابيها ترتاح قبل لانسوي العملية ..
ابوهادي معصب \ والله اللي اسمه الله انك ماتخرج من البيت لا انت ولا احد من هلك ..يااخوي تبي القطيعة تصير بينا يعني ..
ابوعادل \ لا اله الا الله وش قطيعته ذي لا ان شاء الله لا قطيعة ولا زعل ..بس عبير ودها تخرج تقول انها مو مرتاحة ..
ابوهادي حمقان \ وش اللي مضايقها ..وش مزعلها يوم انها تبي تخرج من البيت ..
ابوعادل \ انا لله وانا اليه راجعون ..انت ريح بالك شوي واسمعني ..
ابوهادي يكلم ام عادل \ يا ام عادل فيه احد مضايقكم احد مزعلكم بشيء ..محتاجين شيء وقصرت عليكم ..
ام عادل \لا والله ماقصرتوا بشيء يا ابو هادي ..ولو ان احنا في بيتنا ماارتحنا مثل مااحنا مرتاحين في بيتك ..
بس اعذرنا ها المرة عشان البنت ودها تغير المكان بس ..
ابوهادي \ماني مرخصكم ووالله لو تطلعون اني لا احلف يمين ماعاد ادخل بيتك يا اخوي طول عمري ..
ابوعادل مفجوع \صل على النبي واذكر ربك ..تراني مااعيش من دونك وانت تدري ..
ابوهادي \اجل غير رايك وشيل فكرة خروجكم من البيت من راسك وراس هلك ..وخلنا حبايب ..
ابوعادل بكره يناظر نور \بس عبير مو مرتاحة بوجودها مع نور في نفس البيت ..
ابوهادي فتح عيونه على وسعها وطالع نور بقوة \ انتي وش مسوية مع بنت عمك ...
نور مصدومة وخايفة \ وو والله ما ماسويت شيء ..
ابوعادل <<المفروض انتي اللي تشوهتي مو بنتي <<<
ابوعادل \يااخوي عبير زعلانة من نور شوي وتحب تبعد عنها بس ..
ابوهادي وقف وقرب من نور بصراخ عالي \ تكلمي وش انتي مسوية ..؟
نور بقوة \قلتلك ماسويت شيء
ام عادل تدخلت \الله يهديك يا ابو هادي لا تكبر الموضوع هم خوات ولا بينهم الا كل خير ..
دخلت مريم ومنى وهند من الحديقة بعد مااسمعوا صوت ابوهادي العالي ...
منى \وش فيكم ؟؟ وش صار .؟
ابوهادي يناظر منى \قوليلي اختك هذي وش مزعلة عبير فيه ؟
منى \هاه ..مم ما ماشيء عادي مابينهم شيء ..
ابوهادي \اجل ليش عبير زعلانة وتبي تطلع من البيت ؟
مريم بخوف \عمي فديتك وش زعل لا مافيه زعل احنا خوات ولا يصيربينا زعل ..
هند \ايه يوبه عبير ونور انت تعرفهم يموتون في بعض كيف يتزاعلون ..لا مايصير ..
ابوهادي بصوت حاد يكلم نور \ والله يا نور اذا كانت عبير تبي تطلع من البيت بسبتك لا اطلع روحك .. وانتي اللي تطلعين وعبير اللي تظل ..
نور قامت مخنوقة وبقهر \ والله اذا كانت الست عبير متضايقة ومالها خاطر تعيش هنا ..في حريقة اخر همي ..وبعدين مو انا اللي اطلع من بيتي عشان بنت ال ........... ماكملت كلامها وناظرت بعمها يعني <<افهموها <<
ابوهادي مسكها من شعرها \تطلعين وانتي ساكتة سامعة وعبير ابدى منك وتظل معززة مكرمة في ها البيت ..
<<نور تناظره بالم ..طيب ليش مادافعت عني لما طردني اخوك من بيته وضربني ..ليش ماشفت نخوتك هذي ليش ماقلت بنتي طالعة انا طالع معها ..ليش ظلمتني وتركتني با الشارع ليش <<
ام عادل برجاء \تكفى ياابوهادي اتركها ..والله انها ماسوت شيء والله ..
ابوهادي فكها بقوة \الله يسود وجهك سودتي وجهي .. انقلعي
نور وهي ماشية تناظر منصور بحقد \ قبل لا تطردني من ها اللبيت اطرد المجرم اول ...
ومشت طالعة الدرج ... وسمعت ابوها يناديها بس ماردت عليه
ابوهادي بصرخة \ نورالهدى ..
وقفت مكانها .. لما يناديني بااسمي كامل معناتها ناوي علي ابوي ..
شافت امها نازلة ..فراحت تركض لها
نور بخوف \يومه شوفي ابوي يبي يطردني من بيته
ام هادي ماسكه نور بقوة وتناظر ابوهادي \ وش فيك عليها وش تطردها من البيت تراها بنتك ..؟
ابوهادي \ نور تعالي هنا <<ياشر على مكان جنبه <<
نور بهمس خايف \يومه تكفين شوفيه ..
ام هادي \ اذكر ربك وصل على النبي .. ولما راقت اعصابك تعال وتفاهم معها ..
ام هادي خذت نور معها فوق ودخلت غرفتها وغرفة زوجها ..
ولا درت ان ابوهادي لحقهم فوق معصب ..
.............
ناصر \ الحين بلاك انت ووجهك ما تسافر تضبط امورك ؟
خالد \ واختي ؟؟
ناصر \واحنا وين رحنا وابوك وعادل ..كلنا معها ..مايصير تهمل شغلك وانت باقي مابديت ترى ممكن يفنشونك ..
خالد \نفس كلام عادل وابوي ..
فهد \اجل روح واهتم بشغلك انت ماصدقت يوافقون ...
ماجد \السلام عليكم .............
الكل \وعليكم السلام ..
ناصر \ انا بااطلع اودي ندى لخالها لانها بتسافر معه بكره ..
ماجد بسرعة \ بس انا باقي ماسلمت عليها ..
ناصر ياشر ع الدرج يعني اطلع لها .. طلع ماجد ولحقه ناصر
ماجد \ ندو تبين تروحين بدون ماتسلمين ..؟
ندى بحزن \ ماودي اسافر ..
ناصر بقوة \ندى خلاص انتهى الموضوع
ماجد بفضول \وش فيك ندى ليش ماتبين تسافرين ..؟
ناصر يقطعه \الله يسلمك سلمت عليها ..مع السلامة توكل ..
ماجد \ انا اكلم ندى ..ممكن لو سمحت ؟
ناصر بعصبية قرب منه \ لا وش رايك تضربها او تضربني انا بعد
ماجد عصب \ انت وش بلاك قلتلك الف مرة اسف ماكان قصدي خلاص اعذرني ..
ندى واقفة مصدومة <<وش بلاهم جنووو<<
ناصر \وانا قلتلك لا عاد اشوفك في بيتي ..صح ؟
ماجد \تبي تذلني الحين بيتي وبيتي ..ترى حتى انا عندي بيت وو
ناصر قاطعه \اجل روووح بيتك ..
ماجد بعناد \ندى ليش ماتبين تسافرين ؟؟
ندى بسرعة \ لا لاني يعني قلت ودي اجلس هنا مع البنات بس مو عشان شيء ..
ماجد يدري انها تكذب \على راحتك اذا تبين شيء كلميني ..
ومشى خارج من الغرفة ونزل تحت معصب وخرج بدون مايكلم العيال ....
.......................
نور بقهر \والله ماسويت لها شيء ..واذا كانت زعلانة وش اسويلها؟ ابوس يدها ترضى ..
ام هادي بخوف \نور لا تجننيني انتي شفتي ابوك تحت كيف معصب ..فلا ترادينه با الكلام ..
نور \ يومه هو اللي بداء يصارخ ..اقوله ماسويت شيء يقول بلى سويتي ..
ام هادي \ وهي وش طرالها تقول تبي تطلع ..؟ لا تكونييين ....
نور بشك \لا اكوووون وشهو
دخل ابوهادي معصب الغرفة \ يا اللي ما تستحين على وجهك .. وش انتي مسوية ..؟
نور نطت ورى امها \والله ماسويت لها شيء والله مدري وش فيها
ام هادي تحاول تهديه \ ياسالم اذكر الله ..طول بالك تراهم بنات واذا تزاعلوا اكيد يتراضون .. منهم لحالهم ..
ابوهادي \ابعدي اقولك ابعدي ..والله يا نور ..انك لا تنقلعين الحين عند امك مزون او تروحين لناصر او تشوفينلك صرفه ..ماراح ترجعين هنا الا لما ترضى عبير ..فاااااهمة
نور بحححححقد \ خلها هي تروح موانا هذا بيتي انا ..
ابوهادي بلؤم \تخسين هذا بيتي .. وعبير اللي بتظل وانتي تنقلعين عند ناصر ..
نور بعناد \ و الله مااطلع لو اشوف حبيبتك عبير ميته مااطلع
ابوهادي شال العقال يبي يضربها وهي تمسكت بظهر امها ..
نور \يومممممماااااااااه تكفين بعديه عني بعديه ..
ام هادي تمسكه تحاول تحمي نور منه \ حرام عليك انت وش تقول تطرد بنتك يا سالم اذكر ربك ..
ابوهادي بقوة \اجل تبيني اخلي اخوي وهله يطلعون من بيتي عشان بنتك الف............
ام هادي حطت يدها على فم زوجها \حلفتك برب العالمين لا تكمل
تراني ماتعذبت طول الزمن عشان تنطقها ..حلفتك لا تنطقها ..
نور مو فاهمة امها وش خايفة منه وليش بدت تبكي ..وايش الكلمة اللي كان راح يقولها ابوها ...؟
ام هادي تبكي \خلاص تبيها تروح بتروح بس لا لا تنطقها .
نور تناظر امها بخوف \وش اروح ..ووين اروح <<بصراخ
انتوا جنيتوا ... مجانيييين ..انا بنت وووين اروح وين مالي غيركم ..مالي غيييركم وين انطق وين انقلع .. اصلا لو عندي مكان كان تركتكم ورحت له من زمااان ..
ابوهادي جلس على السرير وحط راسه بين يدينه .. وكانه بمصيبه
ام هادي تقرب من نور \نور روحي عند ناصر تكفين ..ع الاقل لين ترتاح عبير ونعرف وش سالفتها .. او روحي عند امي مزون .. تكفين يا نور لا تفشلينا تكفين ..
نور تناظرهم بحزن \ مثل ماتحبين مثل ماتامر يا الاب الفاضل وبراحتك يا الام المحترمة ..كله ولا افشلك من عيوني ماراح افشلك .. بس ماراح اروح لناصر ولا اروح لامك .. تراه عيب انكم تبلون الناس بمصيبتكم ..يعني انتوا جبتوني للدنيا وانا مصيبتكم ليش ترموني على ناس غيركم << بغصة << انا طالعة بس والله ماارجع بيتك يا سالم ولا عاد ارتجيك يا هناء .. <<بدت تبكي بشهقات عالية << وخلوا عبير واهلها ينبسطون بقصركم الخرافي .. <<مشت وهي عند الباب << لا تطلبني بيوم ارجع والله والله ماارجع ...ما ارجع .
راحت تركض لغرفتها ولبست عبايتها واخذت طرحتها .. و مرت غرفة عبير ودخلت ولقت عبير تناظرها بخوف
نور وهي تبكي بشكل يوووجع \ ماقصرتي يا بنت العم .. بس عيشي بفراقي وخسارتي .. امي لك وابوي لك ... بس تكفين اعتقيني لوجه الله لوجه الله اعتقيني من شرك وشر ابوك ..
نزلت نور تركض ونزلت امها وراها تبي تمسكها ..تبي تدري هي وين بتروح ...
مرت من عند عمها والبنات جالسين جنبه
نور بدموع ماعاد قدرت تسيطر على نفسها ...
نور بصوت متقطع \ الله الله لا يفسحك ... الله لا يحلك دنيا واخرة
ام عادل تمسكها \ نور وين تبين
نور سحبت نفسها منها \ ابوي طردني طردني امي طردتني .. تهني تهني انتي وبنتك وزوجك بهلي ..ماعاد ابيهم ماعاد ابيهم ... الله ارحملي منكم ..ومنهم
خرجت من البيت تركض وامها وخواتها وراها
ام هادي تركض و بصراخ \نوووور وقفي وقفي يومااااه تكفين وقفي .. نوووور استني
خرجت نور من حديقة القصر ووقفت با الشارع تناظر امها وخواتها اللي ماقدروا يخرجون لانه مامعهم عبايات ...
وقدام عيونهم مرت سيارة وشحطت نوووور بقووووووة ع الرصيف ورمتها جثة نازفة ...........