* و بعد مرور ٣ شهور (سنة علي جواز ملك) *
*في الاوتيل*
ملك : ايه رأيكم في الفستان
رودينا : ده يجنن يابنتي
ملك : مامة حازم جايباه من فرنسا
غادة : انتي اللي محلياه يا ملوكة
ملك : حبيبتي انتي كمان زي القمر ... و فستانك جميل
رودينا : موبيلك بيرن يا ملك
ملك : ميين ؟
رودينا : مازن
ملك (بترد) : حبيبي
مازن : ايه يا قمر انتي فين و بتعملي ايه
ملك : اهو مع الماك اب ارتيست في الاوتيل .. معايا رودينا و غادة و ماما .. انت اللي فين
مازن : قاعد علي القهوة مع الحاج ابراهيم (والد مرام)
ملك : و مرام معاكوا ؟
مازن : لا في الصيدلية .. ملك انا هجيبها حفلة عيد جوازك انهردة
ملك : انت حمار يابني .. كنت جبتها تقعد معانا
مازن : معلش عندها شغل بقي ..
ملك : خلاص ماشي هقفل دلوقتي .. سلام .. (وقفل)
ملك : رودينا مش بتكلمي هايدي ..
رودينا : معتز قالي ان عندهم ظروف و سافروا البلد زي مقولتلك من زمان ..
ملك : فجأة كده الظروف جات .. من غير متقولنا وحشتني الكلبة ..
الام : احسن مكنتش برتاحلها ..
ملك : حرام عليكي يا ماما دي غلبانة ..
رودينا : بس احلي حاجة انك قعدتي من الشغل بقي و بقيتي علي طول في القاهرة .. بقينا نشوفك دايما
ملك : فعلا كده احسن
_______________________________________
* الساعة ١٢ بليل بعد الحفلة في الاوتيل*
ملك : كانت حفلة حلوة
حازم : ابوكي حجزلنا شهر في الstates
ملك : مانا عرفت اه .. هنسافر امتي ؟
حازم : بكرة بليل .. بقولك ايه انا لازم اسافر الغردقة الفجر .. و هرجعلك تاني
ملك : لييه ؟
حازم : شوية اوراق نسيت اسلمها و حاجات كده في الشغل
ملك : طب متقول لبابا يظبطلك الموضوع .. بدل متسافر و كده
حازم : لا انا بحب اعمل شغلي بنفسي و بعدين مش هتأخر متخافيش ..
_______________________________________
مرام (شات) : وصلت البيت ؟
مازن : اه اهو لسة داخل .. كنتي زي القمر 😍😍😍
مرام : 🙈🙈🙈
مازن : هنقضيها بقي الايموشن المهبب ده .. كل مقولك كلمة حلوة تردي عليا بقروود ؟ 💔
مرام : 😂😂
مازن : بتضحكي علي ايه يا بت 👊
مرام : دكتورة لو سمحت ✋😜
مازن : دكتورة علي نفسك يا حبيبتي 😛
مرام : انت كمان كان شكلك حلو في الفورمال اوي
مازن : يابنتي ده اقل حاجة عندي .. ده انا هبهرك😎
مرام : يا سلام 😆
مازن : و بعدين انا قافش منك 😔
مرام : ليه😕
مازن : بقي كلهم يقوموا يرقصوا سلو .. و انا اجي اقولك يلا بينا تبصلي بقرف ؟ 😒
مرام : انا مش بتاعة سلو ياخويا 👊
مازن : امال بتاعة ايه 😑
مرام : بتاعة test tubes و NH4 👌
مازن : مين يا عنيا ؟ 😓
مرام : بس يا جاهل 😂😜
مازن : انا كان ايه ياربي اللي خلاني احب دكتورة صيدلانية🙆
مرام : تحب ؟
مازن : قال يعني مش عارفة 😒
مرام : مش عارفة ايه ؟
مازن : ان الساعة بقت ١٢ و نص و لازم تنامي عشان عندك شغل الصبح 😅
مرام : و الله😕😂
مازن : اه😌
مرام : طب غور بقي 😤
مازن : كتك غوورة😂
مرام : اتفو علي دي صداقة 💁
مازن : صداقة ؟ 😐 اتحشرت انا في الفريند زون و مش عارف اخرج ؟ لا ده بعدك 😂
مرام : قصدك ايه ؟
مازن : قصدي انك لازم تنامي😜
مرام : طيب تصبح علي خير 🙅(وقفلت الموبيل و بتكلم نفسها) كل ده و لسة مقولتهاش بقي ده احنا بقلنا ٣ شهور نعرف بعض يا حيوان خلتني احبك كده!
_______________________________________
*تاني يوم الصبح*
رودينا (بتتصل بملك) : صبااح الفل
ملك : صباح النور يا رودي
رودينا : هتعتبريها حشرية مني لو قولتلك اني لاحظت ان انتي و حازم متخانقين امبارح؟
ملك : متخانقين ؟ و الله لا .. بس ليه بتقولي كده
رودينا : حسيت انك مش مبسوطة .. كان واضح اووي اصلا عليكي
ملك : بجد!
رودينا : صحيح جوزك صحي ؟
ملك : من بدري و نزل الغردقة ..
رودينا : يا حيوانة طفشتيه .. من بوزك ده!
ملك : انا مكنش قصدي يابنتي ..
رودينا : انزلي ورا جوزك الغردقة و خوديله بوكيه ورد
ملك : بس يا رودي ..
رودينا : من غير بس .. ده جايبلك خاتم الماظ يجنن و انتي قاعدة لاوية وشك ..
ملك : انتي شايفة كده ؟ يكون بيتحجج بالشغل عشان طفشان مني ؟
رودينا : Oui
ملك : طيب ماشي امري لله ..
_______________________________________
*في الغردقة ملك في عربيتها بتكلم نفسها*
ملك : غريبة في الاوتيل بيقولولي ان حازم مجاش .. امال هو فين .. اكيد راح الفيلا يريح شوية .. (و بعد شوية وصلت الفيلا .. )
ملك : حازم ؟
المشهد : علي الطربيزة كبيتين بيرة و التليفزيون مفتوح علي قناة اغاني و الصوت عالي اوي .. ملك حدفت الورد في الارض و طلعت علي الاوضة واقفة ورا الباب بتسمع
حازم : اديني سيبتها و جتلك اهو .. بس كان لازم يعني تهدديني انك هتيجي القاهرة و تفضحيني قدام مراتي .. لو مجتش حالا
- عشان اضمن انك تيجي يا حبيبي
حازم : و انا اقدر استغني يا حبيبتي ..
- (صوت ضحكة عالية)
ملك (فتحت الباب)
المشهد : حازم علي السرير و جمبه واحدة لابسة لانجري من بتوع ملك .. و ملك بتبصله باحتقار
حازم : ملك .. ملك هشرحلك ..
ملك : انت احقر بني آدم شوفته في حياتي ..
(بتجري علي السلم و حازم وراها)
حازم : استني يا ملك .. طب هشرحلك ..
ملك : مش عايزة اسمع منك غير كلمة واحدة .. تطلقني !
______________________________________
*في بيت اهل ملك في القاهرة*
الام : كفاية عياط بقي يابنتي .. اتحسدتوا و الله
ملك : اناا !! السافل الندل يخووني!! في بيتي و ملبسها لبسي كمااان !! (بتعيط)
الام : استهدي بالله يابنتي ..
ملك : انا لازم اطلق ..
الام : طلاق ايه بس ..
ملك (بعيط) : حرام عليكي بقي .. ده انا لو رجعتله بعد اللي عمله ده ابقي معدنيش كرامة و ليه حق يعمل فيا اكتر من كده ..
الام : يا ملك ..
ملك (قاطعتها) : انا داخلة اتخمد ..
*في اوضة ملك *
ملك (شات) : سمعت كلامك و رحتله الغردقة لاقيته بيخوني
______________________________________
الام : شوفتي عمايل اخوكي
غادة : ده مامة ملك كانت بتتكلم بأدب و الله ..
الام : ده يستاهل ضرب الجزم .. و الرمي قافل موبيله
غادة : بيهرب يا ماما .. شكله بقي زبالة .. هيقول ايه لعزمي !
الام : خسر كل حاجة طبعا .. خسر شغله و مشروعه و بيته و مراته ..
غادة : يستاهل بقي .. هو اللي نيته من الاول كانت زفت .. كته داهية في وساخته ماهو متجوز ! عايز ايه تاني ..
الام : اهمدي يا بوتجاز .. احنا عايزين نحاول نصلح
غادة : تصلحي ايه! الموضوع انتهي اصلا .. يا حبيبتي يا ملك .. اكيد مقهورة
_______________________________________
مازن (بيحضنها) : متعيطيش .. ده ابن كلب وسخ .. انا لو اطوله بس!
ملك : مبيردش علي حد بابا حاول يكلمه مبيردش
مازن : بابا نازل القاهرة انهردة يكلم امه .. عشان يطلق من سكات
ملك : انا حاسة اني كرامتي في الارض يا مازن ..
مازن : و الله هردلك كرامتك يا ملك ! (موبيله بيرن)
ملك : دي مرام صح؟
مازن : صح .. بس مش هرد ..
ملك : رد عليها .. متسبهاش تتصل و متردش عشان متديقش
مازن (رد) : الوو
مرام : ايوة يا مازن .. انا لابسة هتعدي عليا امتي
مازن : بقولك ايه ملك هتيجي معانا .. عندها مشكلة مع جوزها و عايزها تغير جو معانا
ملك : لا يا مازن اخرجوا انتوا لوحدكوا معلش
مرام : مشكلة ليه بس .. لا حول و لا قوة الا بالله .. اتحسدوا و الله
مازن : المهم شوية و هعدي عليكي .. قشطة ؟
مرام : ماشي
غادة (بخبط علي باب الاوضة)
مازن : ادخل
غادة : ملك (بتحضنها و بتعيط)
ملك : غااادة
مازن : لو جاية عشان تحاولي تصلحي الموضوع يبقي متتعبيش نفسك ..
غادة : لا و الله .. انا حاسة بيها .. انا اتعمل فيا كده من طليقي .. و حاسة بيها .. انتي لازم تطلقي يا ملك
مازن : طبعا هتطلق .. و هتتجوز راجل .. هاه؟ راجل مش عيل نجس زي حازم
غادة : حقك تقول اكتر من كده
مازن : و يا تري لسة بسلامته مختفي ؟
غادة (ساكة)
مازن : اصله مش راجل ..
_______________________________________
*في محل الحلويات اللي بتشتغل فيه هايدي*
هايدي : اخيرا نزلت من البيت بدل الحبسة اللي كنت فيها دي
شهد : و ايه اللي خلي امك تسيبك تنزلي الشغل تاني
هايدي : الفلوس ياختي .. اتزنقت في قرشين و طبعا سابتني انزل الشغل .. متعرفيش حاجة عن معتز ؟
شهد : قطع و قطعة سيرته .. ده انا جتتي بتتلبش اما بسمع اسمه
هايدي : و ملك ؟
شهد : اسكووووتي .. مش كان عيد جوازها امبارح .. و كانوا عاملينه في اوتيل نضيف اوي و كانت لابسة حتة فستان .. بيقولوا جايباه من برة .. و جوزها جابلها حتة خاتم الماظ روعة يلا الاهي ما تتهني بيه
هايدي : يا حزن الحزن .. و انتي عرفتي منين ؟
شهد : شوفت الصور علي الفيس في كل حتة ..
هايدي : مش عايزة تتهد البعيدة .. بقولك ايه يا شهد انا عايزة اروح النادي ..
شهد : تعالي نروح بعد الشغل
هايدي : لا .. امي قافشة اني لازم اروح في المعاد بظبط لاروح هنا و لا هنا ..
شهد : و انتي عايزة تزوغي طبعا ..
هايدي : بظبط ..
_______________________________________
ملك : مرحتش معاهم بقي .. قولت اسيبهم براحتهم
رودينا : كنتي روحتي غيرتي جوو
ملك (بتعيط) : بقي دي اخرتها .. جوزي يخوني .. ده انا لازم انتقم منه .. مش هكتفي بالطلاق
رودينا (ساكتة و باصلها)
ملك : بتبصلي كده ليه
رودينا : اصل احنا دفنينه سوا ..
ملك : يعني ايه
رودينا : يعني انتي زعلانة اوي ان حازم خانك و انتي عملتي زيه
ملك : اناااا!!
رودينا : اه .. مش انتي بنفسك اللي حكيالي علي سي مالك بتاعك ؟ و انك بتحبيه .. مش ده اسمه خيانة برده ؟
ملك : ده حلم يا رودينا !!! هو حقيقة
رودينا : حتي لو حلم .. الخيانة ممكن تبقي بالتفكير و الخيال ..
ملك (بعصبية) : انتي حيوانة !! انا معملتش حاجة و مخنتش حازم .. مخنتووش
رودينا (بتزعق) : فووقي بقي يا ملك .. انتي خاينة زيك زي حازم .. خاينة يا ملك سامعة ! انتي خاينة
ملك : (بصوت و بتعيط) : لا لا !!!
_______________________________________
مرام : انا مش متخيلة ان الخيانة توصل لكده
مازن : واطي يابنتي
مرام : و انت سايبها ؟ رووح اقعد معاهاا ..
مازن : هي اللي فضلت تزن اني اخرج معاكي ..
مرام : بس انا مبسوطة ان علاقتكم اتحسنت بملك
مازن : بسببك يا مرام .. انا فعلا اتغيرت بسببك في كل حاجة
مرام : و يا تري مش ناوي تتغير في الدراسة
مازن : قصدك ايه
مرام : قصدي تتخرج بقي
مازن : انا .. مش عارف يا مرام اتخرج .. مش قادر اذاكر مواد هندسة .. صعبة عليا و الله
مرام : ماهو مش هتفضل طول عمرك متعلق في هندسة يا مازن!
مازن : اعمل ايه طيب
مرام : خلي حد يساعدك في الدراسة و احضر كل المحاضرات و هتتخرج ان شاء الله
مازن : سيبيني افكر (بهزار) ..
مرام : و الله ؟ طب اتفلق انت حر هو مستقبلك و لا مستقبلي (بهزار)
مازن : مستقبلنا يا حمارة .. عشان اجي اخطبك و انا باشمهندس قد الدنيا
مرام : و مين قالك اني هوافق اصلا (بهزار)
مازن : انتي تطولي يا ماما (بهزار)
مرام : انا هتجوز دكتور اصلا .. الدكتورة بتتجوز دكتور و المهندس بيتجوز ..
مازن (قاطعها) : بيتجوز دكتورة صيدلانية زي القمر و من المنصورة و اسمها بيبدأ بحرف مرام
مرام (اتكسفت و سكتت)
مازن : بعشق شكل خدودك و هما حمر كده .. بتبقي كيوووت اوي
مرام : (ابتسمت)
مازن(نظرة طويلة)
مرام : متبص في طبقك بقي الله (بهزار)
مازن : هو انا طفس زيك (بهزار)
_______________________________________
ملك (بتتصل بكريم)
كريم : ازيك يا ملك ..
ملك (بتعيط)
كريم : في اييه!!
ملك : حازم الزبالة بعتلي ورقتي
كريم : من غير سبب
ملك : قفشته بيخوني .. و دلوقتي بكل بجاحة بعتلي ورقة الطلاق و هربان و قافل موبيله محدش عارف يوصله
كريم : ياديني علي الخرة!!
ملك : و لسة متخانقة مع رودينا .. مش عارفة الاقيها منين و لا منين (بتعيط)
كريم : ملك انا لازم اقفل و هكلمك تاني ..
(شاف جيجي واقفة مع هايدي في النادي)
كريم : جيجي .. هاي هايدي
هايدي : هاي
كريم : انتي كنتي مختفية فين كل ده يا هايدي
هايدي : ظروف
كريم : شوفتوا اللي حصل لملك ..
هايدي : ايه ؟؟؟
كريم : اطلقت ..
_______________________________________
*في حمام النادي*
جيجي : الوو
معتز : الوو مين
جيجي : انا جيجي .. بقولك ايه .. كريم قال قدام هايدي ان ملك اتطلقت
معتز : هي ملك اتطلقت!!!
جيجي : هي دي اللي مسكت فيها ؟
معتز : و هايدي ظهرت ازاي تاني ..
جيجي : معرفش .. انا خايفة تكون كل ده قاعدة في البيت بتكتك عشان تنتقم من ملك .. او مننا .. و رجعت بقي مدبرلنا مصيبة ..
معتز : هي كلمتك ؟
جيجي : شافتني .. و سلمت عليا بخباثة كده .. و فضلت تلقح بكلام .. و ملحقناش نتكام اصلا
معتز : بقولك ايه اقفلي دي جاية عليا (قفل)
معتز : اهلا
هايدي : اهلا اووي بصاحبي الغالي .. الكل اسراري كانت معاه .. و اخرة المطاف بيهددني بالاسرار دي قدام اهلي .. قولي بقي ده يبقي اسمه ايه؟
معتز : و انتي عملتي اوسخ من كده مع ملك
هايدي : يادي ملك و سنين ملك!! عرفت انها اطلقت ؟
معتز : و انتي مالك بيها ؟ تطلق تتجوز .. انتي مالك!
هايدي : ماليش .. بس كنت جاية اوريلك ان ربنا خدلي حقي منها .. زي مهيخودلي حقي منك كده .. اصل انا اللي بيجي عليا مبيكسبش
معتز : و انتي تعرفي ربنا اصلا ؟ انتي ايه اللي خرجك من البيت يا بت ! امك عارفة انك هنا ؟
هايدي : انت حقير اوي يا معتز
معتز : و انتي ******
هايدي : اه يا حيوااان
معتز : مش عايز اشوف وشك في النادي هنا تاني .. و الا ..
هايدي : هتقول لامي .. مانت عرفت ازاي تلوي دراعي لعبتها صح يا صاحبي
_______________________________________
*في بيت ملك*
هايدي (بتفتح اوضة ملك و داخلة)
ملك : هاااايدي (بتعيط و بتحضنها) وحشتيني اوووس شوفتي اللي حصلي
هايدي (ابتسامة خبيثة) شوفت .. و بصراحة .. جاية عشان اشمت فيكي
ملك : هايدي ؟ انتي بتقولي ايه !!
هايدي : جاية اقولك اني فرحانة انك اطلقتي و لو شفتك بتولي قدامي هفرح برده عشان انا بكرهك يا ملك
ملك : انتي بتهزي و لا بتتكلمي بجد !!
هايدي : و انا ههزر معاكي ليه!! انا جايية عشان اقهرك و اصدمك في صحبتك هايدي .. و اشوفك و انتي بتطقعي كده و اشفي غليلي منك ..
ملك : لييييه يااا هايدي !! ليييه بجد .. انا عمري دايقتك و لا عملتلك حاجة وحشة ؟؟؟ ده انا طول عمري بحبك و بعتبرك اختي
هايدي : و انا بقي بكرهك .. و بكره اشوفك فرحانة .. و جاية اشوف في عنيكي نظرة الكسرة و الذل دي .. كفياكي بقي يا شيخة .. عايشة احسن عيشة و علي طول ناجحة في حياتك و انا لا لييه !! ليه انتي تشتغلي في اوتيل محترم بتاع ابوكي و انا اشتغل كاشير معفنة لييه ؟؟ عشان انتي عندك اب غني و انا لا .. انا بتمناله الموووت عشان تتذلي و تتكسري شوية .. لييه انتي عندك فيلتين و احسن عربية و انا لاا .. لييه انتي الناس بتحبك و انا لاا !! ليه الانساان الوحيد اللي حبيته يسبني و يحبك انتي ؟ ليييييه ؟؟؟ فيكي ايه زيادة عني !!!!
ملك : معتز!!!!
هايدي : اه معتز !! عايزة اقولك اني انا اللي بعتلك صورتك مع كريم و كنت هبعت لجوزك صور متركبة و افضحك عارفة لييه ؟؟ عشان تدوقي شوية الوجع و الذل اللي انا فيه ! انا عايزة اوريكي انك متقدريش تاخدي كل حاجة من الدنيا و انكد عليكي و انتي لسة مطلقة كده .. تستاهلي يا ملك .. و بكرة حياتك تدمر اكتر و اكتر
ملك : لا .. لااااا اكيييييد في حاجة غلط .. انتي يا هايدي ؟ ده انا عمري مصدقت عليكي كلمة .. ده انا .. (ماسكة دماغها و وقعت في الارض) لييه يا هايدي السواد ده لييييه !
هايدي (ابتسامة شماتة) احسن يا رب تموتي و لا تتشلي عشان تتهدي شوية .. (خرجت و سابتها)
ملك (بتصرخ) : لييييه يااا رب كده ليييييييه !! كل ده يحصليي حراااااام .. كل الناس خنتني كلهم .. هووو انا عمللت ايه في دنيتي !!! ياااا رب خدنيي عندك !!!!! انا مش هقدر اعيييييييش
الام (بتفتح الباب) : ملك في اييييه يابتي
ملك : انا مش هعيش في الدنيا دي تانيي ...انا عايزة امووووووت (و اغمي عليها )