Instinct
Sinara ko ang bintana dahil tumatama na ang sinag ng araw sa akin. Lumingon ako sa mga pinsan kong tulog pa. Napalingon ako muli sa bintana at napangiti ako nang makitang nasa area na kami ng Tagaytay.
Whoa, it took a day?
Pinagsisisihan ko atang pumayag ako na mag land travel kami. I slept the whole time we're in the ferry, ayoko talaga ng pakiramdam ng nasa ferry. I feel so sick.
My back hurts too. Nangawit na 'to sa pag upo.
"Rian"
Napalingon ako kay Alice na kakagising lang. Ang isa niyang mata ay nakamulat habang ang isa ay nakapikit pa.
"What?" Binigay niya ang phone niya bilang sagot.
Tinignan ko ito at kita ko ang text ni Carl na mag stop by muna sa isang restaurant para kumain.
"Al-"
Natigilan ako nang makitang tulog na siya ulit. Napailing nalang ako.
"Adrian, stop by muna daw sa pinakamalapit na restaurant. Let's eat first."
"Okay."
Medyo naaawa pa nga ako sakanya dahil hindi pa siya nakikipagpalit. Bumagal na rin ang takbo niya.. marahil dahil sa pagod. Mahaba haba din ang byahe mula Cebu patungong Tagaytay.
"Alice.." pag gising ko sa katabi ko.
Kita ko ang pagsimangot niya kaya bahagya akong natawa.
"Jacob.." mahina kong tawag.
Napahalakhak ako nang bumalikwas siya ng upo at biglang nag-ayos pero nang marealize niya na linoloko ko lang siya ay masama niya akong tinignan at kinuha ang cellphone niya.
Hindi ko alam bakit siya nahulog sa patibong ko. Paano naman mapupunta sila Jacob dito? She likes him that much?
"I was just joking. You like him?" I asked the question with the most obvious answer.
"Crush lang." Saad niya at bahagyang napangiti.
"I didn't know you like mysterious types." Wika ko.
Tuwing nakikita ko si Jacob na kasama si Caden ay yun ang napapansin ko. Sometimes poker face, sometimes nakikipag-biruan.. parang hindi mo talaga alam kung anong iniisip niya.
"That's why crush nga diba.. siguro pag nalaman ko na yung totoong siya. Pag hindi na siya mysterious sa akin ay mawawala rin ito." Sabi niya at nagkibit-balikat.
Tama. Sabi nila ay kapag daw may hinahangaan ka, pag nawala na ang bagay na kinahahangaan mo sa taong 'yon ay mawawala din ang pagkagusto mo doon.
"Gisingin niyo na sila Gelo." Saad ni Adrian.
Ginising namin ni Alice si Gelo at Dos. Si Agatha ay nagising na rin. Pinili ni Adrian ang pinaka malapit daw sa tutuluyan namin. Pagka-park niya ay agad na rin kaming lumabas.
Tumingin ako sa cellphone ko pero walang messages. Saan kaya sila papunta? He's busy? So hindi rin siya pumasok sa third day ng event kung ganon?
Kumapit ako kay Gelo at tumabi muna kami para hintayin ang iba.
"Is it cold?" Tanong sa akin ni Gelo. Ngumiti ako dahil sa ka-sweetan ng kapatid ko.
Siya ang bunso sa amin at sa akin siya pinaka sumusunod. Mas pinapakinggan pa niya ako ke'sa kay Adrian.
Umiling ako. "It's fine.. the weather is so good."
"Just tell me.. may mga dala pa akong scarf." Natawa ako sa sinabi ni Gelo.
Hindi naman ganon kalamig ngayon.. ang maganda sa Tagaytay ay ang simoy ng hangin nito.
It's not hot and not too cold. Sakto lang.
Napatingin ako sa gilid at nagsalubong ang aking mga kilay. Tatlong sasakyan ang nag park sa tabi ng kotse namin. Pero hindi 'yon ang nakakuha ng atensyon ko, kung hindi ang pamilyar na sasakyan.
I know that car.. pinilig ko ang ulo ko.
Sabagay.. marami namang may ganong sasakyan at baka marami rin gustong kumain dito.
"Tumatawag sila sa akin. Hindi ko in-accept ang tawag at nag text nalang kay mama na let us be for a while." Wika ni Carl na kakalabas lang ng kotse niya.
He's wearing a bonet and mukhang bumili siya ng bagong headphones. Ngayon ko lamang nakita ang gamit niya ngayon.
"Shit. I can hear dad's voice inside my head." Natawa kami sa sinabi ni Agatha.
"Stop scaring us!" Bawal sakanya ni Uno.
Nagpamaywang si Agatha. "I'm not scaring you. Totoo naman ah."
"Bahala na.." saad ni Uno at tumabi kay Tulip.
Nakakatakot naman talaga. Pati ako ay parang naririnig ang galit na boses ni daddy.
"Dad messaged me and he told me that he's very disappointed." Malungkot na balita ni Tulip.
Tito Ivor is surely angry.
"Tutal disappointed na sila.. lubus-lubusin na natin." Saad ni Simon. Tumango ako doon at ngumiti.
If papagalitan kami.. we'll just make the most out of it. Sabay sabay na kaming papagalitan at isahan nalang.
"Nandito na pala sila. Kasabay lang natin." Napalingon ako kay Dos na prenteng nakatayo sa gilid ko habang nakapamulsa.
Sino? Sila Carl?
"Captain!" Namilog ang mata ko sa narinig kong sigaw at mabilis akong napalingon doon.
Mula sa kinatatayuan ko ay nakita kong pababa ng sasakyan si Caden. Nakangisi ito at sobrang nakakamanghang tignan sa suot niyang baby blue na long sleeves at maong pants. Bagay na bagay sakanya ang ganitong ayos. Simple pero siguradong mapapatingin ka sakanya.
I can't even take my eyes off him!
This is a sin!
Damn it!
He's really here!
"Laway ate.."
Sinamaan ko ng tingin si Gelo na pinipigilan matawa.
Really? Ako nalang ba napapansin nila?
"Nandito kayong lahat?" Gulat na tanong ni Alice.
Linibot ko ang mata ko sakanilang lahat. Tatlo lang naman sila.
"Lahat? We're only three. Me, Sky and Evander." Sagot ni Jacob. Kita kong pinamulhan ng pisngi si Alice.
"Hey.."
Napabitaw ako kay Gelo at napangiti nang nakalapit na pala sa akin si Caden.
"Binitawan si Gelo kasi nandyan na si Captain." Natatawang wika ni Dos at nauna ng pumasok.
"Magaling, Ri" dagdag ni Uno.
"Shut up!" Sigaw ko at lahat sila tumawa. Kita ko ang pag litaw ng dimples niya habang humahalakhak.
Pinanliitan ko naman siya ng tingin. Ngumisi naman siya.
"You're enjoying this too much?"
"Well.. yeah. I like it." Napabuga ako nang hangin sa sagot niya. Of course he is enjoying this!
Muli siyang natawa at inakbayan ako. Mabilis ko namang inalis ang pagkaka-akbay niya sa akin. Kita ko ang pagsimangot niya.
Nakakahiya kaya!
Pumasok na kami at kami lang pala ang customer. Kinausap ni Uno ang mga staff at pinagdikit dikit ang ilang table dahil napaka-dami namin.
"Bakit hindi mo sinabi na sasama pala kayo? May nalalaman ka pang nagising ka kasi minessage kita." Tanong ko nang makalapit kami sa table.
Hinawakan niya ako sa balikat at siya mismo ang nag-upo sa akin. Napalingon ako sa mga kasama namin at nakita ko ang pag-ngisi ni Clyde sa amin. Pinanlakihan ko naman siya ng mata.
Umupo siya sa tabi ko at pinaglapit ang upuan namin.
Hindi ako makapagsalita. This is so new to me! Sanay ako na si Adrian o Tulip ang katabi ko pag kumakain kami. Pakiramdam ko tunay akong prinsesa dahil sa ginagawa niya. He makes me feel so special.
"Inimbitahan kami nila Adrian. We said yes and it's the truth, you messaged me kaya ako nagising. Your message is my coffee. They woke me up."
Tumango ako at tumingin sa harap.
Hindi ko ata siya kayang titigan. Ramdam na ramdam ko ang pagkakatitig niya sa akin. How can he do this? Nasa harapan kami ng mga pinsan ko at kaibigan niya.
"Baka malusaw ang kapatid ko." Wika ni Adrian habang nakahalukipkip na umupo sa harapan namin.
Sinamaan ko siya ng tingin pero ngumisi lang ang kambal ko sa akin.
'Diyan siya uupo? How can I eat kung katabi ko si Caden at kaharap ko naman si Adrian? Oh please!
Rinig ko ang mahinang paghalakhak ni Caden kaya siniko ko siya ng bahagya. Nagulat siya sa ginawa ko kaya tinaasan ko siya ng kilay.
"Masanay ka na. Ganyan taga si Rian." Natatawang saad ni Simon. What the heck?
Nasaan na ang mga pinagsamahan namin?
"Oh really?" Lumingon ako kay Caden at napaawang ang labi ko sa sobrang lapit niya sa akin.
His face was only.. two inches away.
Ngayon lamang nagtama ang mga mata namin. Pilit ko itong iniiwasan kanina pa. Ayokong makita nila kung paano ako mamangha tuwing tinitignan ko ang mga mata niya.
Mas gusto ko nga na kami nalang ang magkasama.. fuck.
"Damn. My twin's captivated."
Rinig kong saad ni Adrian sa harap namin pero hindi ko pa rin siya magawang tignan dahil hindi ko maalis ang tingin ko kay Caden. Ramdam ko ang pagbaba ng tingin niya sa labi ko.
"Please! SPG!" Rinig kong wika ni Agatha. Humalakhak ang iba at kita ko rin ang pag-angat ng sulok ng labi ni Caden.
He's enjoying this! He's enjoying every embarrassing moment!
Lumapit pa siya lalo kaya halos mamilog na talaga ang mata ko. Halos mawalan na talaga ako ng hangin dahil sakanya. Linapit niya ang bibig niya sa tenga ko.
"I want to be very intimate with you but they're here." Napangiti ako sa sinabi niya at bahagya ko siyang sinuntok sa dibdib niya.
Naughty Caden!
Hinuli naman niya ito at hinawakan. Binaba niya 'yon at mula sa ilalim ng lamesa ay hawak niya ang kamay ko. Ang isa naman niyang kamay ay pinatong niya sa upuan ko.
This guy will make me crazy!
"Buti pumayag ka?" Tanong ko sakanya.
Everybody is busy talking about different stuff now.
"Well I want to have a vacation, it's a chance getting to know your family and I want to see you."
Sandali akong mariing pumikit at pinigilan ang ngiti ko. Kita ko rin ang naglalarong ngiti sakanyang mg labi.
Nasa sulok kami kaya hindi nila kami masyado napapansin.
I want to describe what I'm feeling right now but I can't. Basta ang alam ko.. para akong lumilipad.
"Ang straight to the point mo." Saad ko.
Sinubukan niyang hulihin ang tingin ko pero iniwasan ko ang kanyang nakakapasong tingin.
Sobra sobra ang pintig ng puso ko. Guess what? My baby butterflies are here again, naglalaro sa aking tyan.
"I thought you want this? Honest." Napasinghap ako sa sinabi niya.
I never thought he would still remember that. I didn't know he pays attention to every single thing that I said.
Nanglalambot ang puso ko dahil doon. I'm not a princess because of my surname.. I'm a princess because he made me feel like I do.
"Yeah.. I do." Saad ko at ngumiti sakanya.
Kakayanin ko ba ang honesty niya? Paano kung masakit na katotohanan na? Ang negative ko.
"Alice.. baka malusaw si Jacob" napatingin ako kay Simon sa komento niya.
Parang nahiya naman si Alice at nag-iwas ng tingin. So they have a new target huh?
"You like Jacob? Sayang naman at may hinhintay na first love ito."
Napataas ang kilay ko sa sinabi ni Sky. Wow.. so some guys really do that? The waiting thing? Nalungkot ako para kay Alice lalo na at kita kong dismiyado siya pero kung may iba talagang gusto si Jacob at hinihintay pa niya.. mas maganda na 'to para alam ni Alice at hindi na siya umasa pa.
"Stop that, Sky." Ani Jacob habang nakasandal sa kanyang upuan.
So he's sensitive sa topic na 'yon.
Gusto ko man mag concentrate ay hindi ko magawa dahil sa lalaking humahawak sa kamay ko. Akala ko ba ay sinabi ko kanina palang na ayaw kong sumobra? Why am I even letting him do this?
Kung sa iba siguro ay hindi ako papayag pero hinahayaan ko siyang hawakan ako ng ganito.
I can't even say no.
"Ikaw, Evander. Don't you have any first love na hinintay."
Nakuha ni Adrian ang atensyon namin. Binalingan ko si Caden dahil bigla niyang binitawan ang kamay ko.
Meron siya?
Shit. Nakaramdam ako ng pagsikip ng dibdib. Hinihintay ko siyang tumingin sa akin at alisin ang pangamba ko pero nanatili lamang siyang nakatingin kay Adrian.
Why?
"Wala."
Simple niyang sagot.
But something in me doesn't believe him. Hindi ako naniniwala. My woman instinct said so. Binalik niya ang tingin sa akin at hinawakan ang kamay ko pero binawi ko ito.
Umiwas din ako ng tingin.
I can't bear to look at him dahil alam kong malulusaw lamang ako at lalo lamang akong masasaktan pag nakita ko sa mga mata niya na nagsisinungaling siya.
Ayos lang naman na meron.. basta sabihin niya. First love is first love, normal 'yon pero kung hinihintay niya pa hanggang ngayon ay hindi ko ata kakayanin ang katotohanang 'yon.
Kung hindi siya nag sasabi ng totoo.. mas nakakatakot.
"Grace.." tawag niya sa akin.
Hindi ko siya nilingon at nanatiling nakatingin sa labas.