حور الفارس /بقلم لولا الشريف 💛

الفصل 10

حور:الفديو ده وصلك ازاي ؟

سفيان:دي مصادري الخاصة مقدرش اقولك ، كل اللي عايزك تعرفيه أني عيني عليكي ومستحيل أسمح لحد يأذيكي وهفضل أحميكي لحد ما تتأكدي من حبي ليكي وتقبلي تديني فرصة أعبرلك عن مشاعري

حور بأبتسامة ساخره:مصادرك الخاصة مره واحده،أسمع يا سفيان لأخر مره بقولك: أبعد عني بدل ما تشوف وش مني عمرك ما شوفته، وبقولهالك تاني لو أنت أخر راجل في الدنيا ،عمر اللي في خيالك ده ما هيحصل في يوم من الأيام ،عارف ليه لاني مش شايفاك راجل أصلا ومش بطيق أبص في وشك، وثاني حاجة أنت وعيلتك كلها علي بعضها نسب ما يشرفش عيلة الراوي،عشان عيلة الراوي ما بتنسبش غير رجالة مش دلوعة بابي ومامي ومدمن مخدارت 😅

سفيان كان هيضربها بالقلم حور مسكت أيده وتنتله صوابعه وفضل يصرخ من الألم

حور بعصبية:لسة متخلقش اللي يمد أيده علي حفيدة سالم الراوي، مش بقولك دلوع بابا وماما ، عارف مشكلتك أيه يا سفيان أن نزار بيه معلمكش يعني أيه كلمة راجل  بس أنا هعلمك راجل يعني أيه، جدي اللي يرحمه كان يقولي الراجل اللي يصون كرامته وميفرضش نفسه علي واحده مش عايزاه ، الراجل ميبقاش راجل لو فكر يمد أيده علي واحدة ست 😡

عارف يا سفيان مشكلتك أنك فاكرني قطة مغمضة وضعيفة، بس نسيت أن القطة لو حد
داس علي ذيلها مثلا بتقطعله وشه خرابيش وبتندمه علي انه أفتكرها كائن ضعيف مش هتعرف تاخد حقها

خيالك المريض صورلك أنك لما تيجي توريني الفديو ده أنا هضعف وأنهار وأقولك تصدق  أنت طلعت بتحبني بجد وخايف عليا وبتحميني من الأشرار وأترمي في حضنك وأقولك زوجتك نفسي 😂

فجأه حور تسيب أيده بعد ما كسرتله صوابعه وترميه علي الكرسي وتبص في عينيه وتقول:

تحب أقولك السيناريو اللي رسامته في خيالك أو بمعني أصح بداية الفليم اللي جاي تعمل مشهد النهاية بتاعه دلوقتي

عيشقتك الحلوة ألهام جت وقالتك الأتفاق اللي عرضته  عليها مشيره ،أنت طبعا قولتلها توافق علي العرض ولما تروح تقابلها عشان يتفقوا علي الخطة تسجلها فديو عشان أنت تيجي توريهوني لما مشيرة تنفذ خطتها وتعمل سوء تفاهم بيني وبين بهجت عشان تبان في عيني البطل المغوار اللي أنقذني من الاشرار،  وبكده تكون ضربت عصفورين بحجر واحد

خلقت سوء تفاهم بيني أنا وبهجت وخلتني اكرهه وطلعتني قدامه خيانة ومستهلش ثقته فيا ،وبكده الشخص اللي كان بيمنعك تقرب مني وكان بيقف في وشك مبقاش موجود ، ومنها تحاول تكسب قلبي بالفديو االي وريتهولي ومش بعيد كنت متخيل أني هطلب منك تنتقملي من بهجت ،تفكير قديم ورخيص أووي عشان تخلي واحدة تبص في وشك 😂😂😂

بلاش تشتري عداوتي يا سفيان لان صدقني هتندم فأبعد عن حياتي أحسنلك ،ولو فكرت تقرب مني تاني متلومش الأ نفسك فاهم ، أطلع برا بيتي مش عايزة أشوف وشك تاني وده أخر تحذير ليك😠😠

سفيان بغل وغضب:ماشي يا حور بكرا تعرفي مين هو سفيان الطوبجي ، بس زي ما قولتلك قبل كده لو مكنتيش ليا هقتلك قبل ما تكوني لغيري 😡😡😡

نيفين تمسك حور :حور حبيبتي أنتي كويسة

حور بتعب :كويسة بس دوخت شوية

بتول : طيب تعالي أقعدي علي مهلك وهروح أعملك حاجة تشربيها تروقك

نيفين:خليكي أنتي قاعدة معاها أنا هروح أعملها ، أنتي بس خلي بالك منها

بتول:تفتكري طنط مشيرة عملت كده عشان موضوع وصية حبيبة ؟

حور:يمكن

•••••

شهد:حمزه طمني حور عاملة أيه دلوقتي؟

حمزه :الحمد لله أحسن

شهد:مالك في أيه شكلك مضايق

حمزه:أنا اكتشفت أني لسة بحب حور ومقدرش أعيش من غيرها حياتي من غيرها مكنش ليها طعم أو معني ولما شوفتها ردت فيا الروح

شهد:طيب دي كلها مشاعر حلوه أمال أنت مضايق ليه؟

حمزه:كل مره كنا بنتقابل أنا وحور  كنت بحس أنها مخبية عني حاجة ، والحاجة دي هي اللي مخليها تعمل حاجز بيني وبينها عشان معرفهاش وبتبعدها عني كل ما نتقابل

شهد:وتفتكر ايه هي الحاجة اللي تمنع واحده تعيش مع الأنسان اللي بتحبه

حمزه:مش عارف زمان لما كنا متجوزين كنت بقول سبب خوفها وبعدها عني بسبب الظروف اللي بتمر بيها وحالتها النفسية وانها كانت ديما شايفة نفسها متستاهلنيش ، لكن دلوقتي أنا محتار أيه اللي يخليها تبعد عني وأنا متأكد أن هي كمان بتحبني زي ما بحبها شايف حبها ليا في عينيها ،يبقي أيه السبب اللي ممكن يخليها تبعد عني

شهد:وناوي تعمل أيه؟

حمزه:ناوي أعرف أيه الحاجة اللي مخليها بعيدة عني ومانعها تعترف بمشاعرها ، لأني مش هسمحلها تبعد عني مهما كان السبب

••••••

في صباح اليوم التالي

بهجت:ممكن أعرف جبتينا هنا ليه من الصبح؟

حور:شكرا أنك جيت وأوعدك دي أخر مره هتشوفني فيها عشان أنا مسافره ، أنا بس حبيت اشوفك لأخر مره عشان أثبتلك أني عمري ما خنت ثقتك فيا ،وأني كنت ضحية لعبة أتلعبت عليا وفخ  اتعملي عشان يوقعوا بينا ويخلوا حضرتك تفقد الثقة فيا

فاكر حضرتك أخر فتره أحنا كنا شاكين في  أن فيه خاين بينا بيسرب معلومات الصفقات والعروض اللي بنقدمها لشركة الطوبجي ، عشان كده زراعنا عين لينا هناك عشان نعرف مين الخاين

بهجت:أيوه فاكر

حور:الخاين ده طلع الهام سكرتيرة مكتب حضرتك ، سفيان قدر يضحك عليها ويجندها لحسابه  ويخليها تنقله كل كبيرة وصغيره بتحصل في الشركة، وهي اللي سربتلهم ورق صفقة سنغافوره

بهجت:بس الشخص اللي أنتوا زرعتوا في شركة الطوبجي جالي وقالي أنك أنتي اللي سربتي معلومات الصفقة وكان معاه تسجيلات وصور ليكي مع نزار بتثبت أنك بعتي الصفقة ليهم

حور:نزار كان بيحاول أكثر من مره يشتريني بالفلوس عشان أسربله معلومات عن الصفقه وكان بيطاردني في كل مكان بروحه عشان يحاول يقنعني وأنا كنت برفض وبسيبه وأمشي

بس مكنتش أعرف أن مشيره هانم وصلت للراجل اللي كنا مجندينه في شركة الطوبجي وطلبت منه يصورني مع نزار لما يقابلني  عشان توري لحضرتك الصور دي وتوهمك أني بعتك لي، حتي المكالمات اللي حضرتك سمعت أني بتفق فيها مع نزار عليك دي مكالمات بين الهام ونزار، مشيرة هانم خليتها تعمل كده وبعد كده لعبت في التسجيلات دي وبدل صوت الهام حطت صوتي بالفوتوشوب
عشان توهمك أني بعتك

بهجت:وأنا أيه اللي يثبتلي أن كلامك مضبوط ومش لعبة منك عشان تبرأي نفسك ؟

حور:ده تسجيل أعتراف من الولد اللي كنا مجندينه بعتهولي قبل ما يسافر برا البلد كنوع من الأعتذار علي اللي عامله معايا، أنه كان غصب عنه عشان مشيره هانم بتهدده بمراته وبنته لو معملش كده ومعاه تسجيلات المكالمات اللي بينه وبينها ، اللي بتقوله فيهم هيعمل أيه بالضبط ،ممكن تسمعهم وتتأكد بنفسك ، وده فيدو فيه الاتفاق اللي تم بين مشيره هانم والهام وهي بتتفق معاها تسرق نسخة الملف من مكتبي وتسربه لشركة الطوبجي

تعرف الفديو ده وصلي أزاي ؟ سفيان جابهولي أمبارح عشان يعمل فيها الملاك البرئ اللي كشف اللعبة اللي اتعملت عليا أوافق أتجوزه بعد ما أتأكد أنه خايف علي مصلحتي وبيحبني بجد ، بس مكنش يعرف أني عارفة أن الهام عيشقته وعينه في الشركة عندنا وبتنقله كل الأخبار 🙂

أنا كده عملت اللي عليا وبرأت ذمتي قدامكم وحضرتك حر تصدقني أو لا ، أنا طيارتي بكرا بليل وزي ما قولتلك دي أخر مره هتشوفني فيها ، أشوف وشكم بخير

بهجت:لو كلامك ده صح مشيره هتعمل معاكي كده ليه ، هتسفيد أيه؟

حور تلف وتبصله:صدقني مش عارفه وميهمنيش أعرف أيه السبب، ممكن حضرتك تسألها لو مهتم تعرف عملت كده ليه؟

بهجت:أنا فعلا هسألها وانتوا هتيجوا معايا ومحدش هيروح في حتة غير لما تتوضح حقيقة اللي حصل

حور: أنا •••

بهجت:مش عايز أعتراض ،أتفضلوا معايا

☆☆☆☆☆

نيفين:مشيره هانم فين ؟

الخدامة:في الصالون

مشيرة بأبتسامة:نيفين ايه المفاجأت الحلوة دي تعالي، كنت لسة بفكر أكلمك نتقابل نشرب قهوة سوا

نيفين: طول عمري أعرف أنك عنيدة ولو حطيتي حاجة في دماغك لازم تنفذيها بس مكنتش أتصور أن عندك وغرورك ممكن يوصلك أنك تدمري حياة بنتي لما تخليها تتجوز ادهم اللي قلبه وعقله مع بنتك الله يرحمها وعمره ماهيحب غيرها وأنا وأنتي عارفين كده كويس بس عشان تكون مربية لحفيدتك ، هسألك سؤال لو حبيبة مكان بتول كنت هتقبلي أنها تعيش مع واحد قلبه وروحه وعقله مع مراته اللي ماتت وكمان عنده بنت وحبيبة بنت بنوت ولسة مدخلتش دنيا، ردي عليا كنتي هتقبلي أنها تتجوز واحد أرمل وعنده بنت؟😡

مشيره:بس دي وصية ميت ولازم تتنفذ ، لو أنتي بقي مكاني كنتي هتتصرفي أزاي ؟

نيفين:لو شايفه أن وصية بنتي دي هتدمر حياة شخصين وهتتعسهم عمري ما كنت هنفذها، وكنت هطلب من بنتي تسامحني ، أنتي مش قادره تستوعبي أن أدهم وبتول مينفعوش لبعض مهما حصل عشان هما كانوا أعز صحاب يعني لو أدهم قرر ينفذ وصية حبيبة ويتجوز بتول عمره ما هيقدر يدي بنتي الحب اللي تستحقه وهيبقوا هما الأثين تعسي مش قادرين يسعدوا بعض عشان حبيبة هتفضل عايشة بينهم ، أنتي ليه مش قادرة تستوعبي ده ، لية مستخسرة لبنتي السعادة
ورضيلها أنها تعيش تعيسة طول عمرها عشان أنانيتك😠

مشيرة:وده كلامك بقي ولا كلام العقربة اللي أسمها حور 😡

نيفين:كلام حور هو كلامي اللي بحاول أقنعك بيه أنتي وبتول من زمان بس أنتوا مكنتش بتصدقوا كلامي ، عشان كده أول ما قولتلك أن حور قدرت تقنع بتول انها تدي فرصة لعصام وتقرب منه وتنسي وهم حبها لأدهم والأمل في انه يحبها في يوم من الأيام، عشان كده قررتي تنتقمي من حور بأنك تتهميها بالخيانة والسرقة وتوقعي بينها وبين بهجت وتخليه يفقد الثقة فيها ويطردها من الشركة ويخلي ليكي الجو وترجعي تزني علي بنتي وتستغلي حبها لأدهم عشان توافق تتجوزه وتحققي هدفك مش كده 😠

مشيرة بصدمة:أيه التخاريف اللي بتقوليها دي أنتي أتجننتي ؟

بهجت يوصل الفيلا ومعاه حور وأدهم ويدخلوا الصالون بعد ما سمعوا صوت خناقة مشيرة ونفين

نيفين:دي مش تخاريف وأنتي عارفه كده كويس، عندك عشان توصلي لهدفك خلاكي تدمري سمعة بنت بريئة ملهاش أي ذنب غير أنها رفضت تساعدك في تدمير حياة بنتي وحاولت تفوقها من الوهم اللي كانت عايشة فيه قبل فوات الأوان ، وقبل ما تحاولي تنكري شوفي الفديو ده 《وريتها فديو اتفاقها مع الهام 》

مشيره بغل وعصبية :هي اللي عملت في نفسها كده لما أدخلت في اللي ملهاش فيه وخربتلي خطتي اللي بختطلها بقالي سنين ، يوم 40حبيبة طلبت منها تساعدني وتبدي تقرب من بتول وأدهم، وقتها قالتلي مش وقته ولسة مفتش سنة علي موت حبيبة عدتها بعديها بفترة لقتها أتقربت من أدهم وبقوا صحاب قولت مش مشكلة يمكن عينيها منه وعايزاه يكون من نصيبها قولت لنفسي مفرقتش كثير، حبيبة الله يرحمها كانت بتحب حور زي بتول وأكيد مش هتزعل لو هي وأدهم أتجوزوا خصوصا أن مليكة متعلقة بحور أكثر من بتول ، صبرت سنة أثنين عشان يجوا يصارحونا بحبهم وأنهم قرروا يتجوزوا لكن ده محصلش، وفقدت الأمل لما ظهر طليقها وشوفت في عينيها يوم الحفلة أنها لسة بتحبه ويمكن يكون عندها أمل يرجعوا لبعض وقتها أكتشفت أني أستنيت كل ده علي الفاضي وكنت براهن علي الحصان الغلط

وفي يوم طلبت منها تساعدني تاني في موضوع أن احنا نقرب بين بتول وادهم عشان خاطر مصلحة مليكة ، هي رفضت وقالتلي الكلام الخايب اللي أنتي قولتي من شوية، أني كده هبقي بظلمهم وبحكم عليهم بالتعاسة طول العمر وأن حبيبة هتفضل بينهم والكلام الفاضي ده، متعرفش أن أي ست ممكن تخلي أي راجل خاتم في صباعها لو استخدمت جمالها وانوثتها ☹، وقولتلها اني هنفذ وصية بنتي بيها أو من غيرها واحسنلها متوقفش في طريقي ، بس هي أختارت تتحداني وكان لازم  تدفع الثمن ، وفي نفس الوقت كان لازم أخلص منها وأطلعها من حياتنا ،فملقتش أحسن من أني أطلعها خاينة وحرامية في نظركم عشان تفقدوا الثقة فيها وتطلع من حياتنا بشكل نهائي

نيفين:وأنتي فاكرة أنك لما تطلعي حور من حياتنا أنا هوافق علي جواز أدهم من بنتي الوحيده ده بعدك يا مشيره أنتي فاهمة الجوازة دي مش هتم الا علي جثتي 😡😡

مشيرة :لا مهو الجوازة دي هتم برضاكي أو غصب عنك ، أحسن ما أدمرلك حياة بنتك وأخليها تمشي تكلم نفسها ومتبصش في وشك تاني

نيفين:لو لامستي شعرة من بنتي هقتلك أنتي فاهمة

مشيرة:ومين قال أني هأذيها بالعكس ده أنا هعمل فيها معروف وأقولها علي الحقيقة اللي مخبياها عنها بقالك سنين ، هقولها أن محمود اللي هي فكراه أبوها مش أبوها وأن أبوها الحقيقي تاجر مخدارت ورد سجون ، وأنك لما كنتي حامل فيها جيتي علي هنا بعد ما أطلقتي من أبوها وهو في السجن ، وأشتغلتي محامية في شركة محمود وعرفتي تخليه يحبك ويتجوزك ويكتب بنتك بأسمه عشان مكنش بيخلف ، شوفي بقي لما تعرف كل ده يا تري هتبص في وشك تاني معتقدش 😏

نيفين بعزم ما فيها تضربها بالقلم:أنتي أيه يا شيخة شيطانة 😡😡😡😡

مشيرة:أنا أم بتحاول تنفذ وصية بنتها الأخيرة حتي لو أضطريت أدوس علي الدنيا كلها عشان أحققها هعمل كده 😠

أدهم بسخرية:بنتك هو أنتي من أمتي كنتي أم ولا عرفتي معني الأمومة ، الأمومة بالنسبة ليكي فلوس ودلع وشهرة وعربيات وأن الكل يغير من بنتك ويحسدك عليها مش كده، لكن الأمومة مش كده خالص ، الامومة يعني حنية طبطبة ، تسمعي بنتك لما يكون عندها مشاكل وهموم ، الامومة أن بنتك تأتمنك علي أسرارها تترمي في حضنك وتعيط لما يكون عندها هم ،لكن المظاهر عندك كانت أهم من أنك تسمعي بنتك وتقربيها منك وتحاولي تفهمي أن بنتك كانت محتاجلك أنتي أكثر من الفلوس والشهرة والعربيات

تعرفي حبيبة قالتلي أيه لما عرفت أنها حامل
في بنت، قالتي نفسي أكون أم زي طنط نيفين  أغرق بنتي حب وحنية وعمري ما هكون قاسية في مشاعري معاه زي ما ماما قاسية عليا، هفهم بنتنا أن الفلوس والشكل مش أهم من الحب وراحة البال وطيبة القلب ، وأنها بتدعي ربنا كل يوم أنها متبقاش أم زيك في يوم من الأيام

مشيرة:ولما هي كانت شايفاني وحشة أووي كده طلبت مني ليه قبل ما تموت أمن لها حياة ومستقبل بنتها  وأجوزك من بتول

أدهم:عشان هي كان عارفة أنك  معندكيش قلب ومش هتهتمي بمشاعر ولا أحساس حد فينا وأنتي بتعملي كده المهم توصلي لهدفك، وفعلا ظنها فيكي كان صح دوستي علينا كلنا عشان توصلي لهدفك ☹

بهجت يقرب منها:أنا النهارده أكتشفت أني متجوز عقربة حية سامة وانا معرفش ، أزاي قدرتي تستحلي أذية الناس وجرح مشاعرهم عشان مصلحتك ومتقوليش عشان خاطر بنتي ،بنتك قالت كده في لحظة ضعف خوف من الموت، كان لازم تفهمي أن قلوبنا مش بأيدينا  ولا الحب لعبة عشان تقولي مين يحب مين  ومين ميحبش مين ، من بكرا هكلم المحامي يرفع قضية طلاق أنا مستحيل أعيش معاكي تاني بعد ما شوفتك علي حقيقتك ☹

مشيرة تبصله بقهر وتطلع علي أوضتها 💔

حور:يلا يا طنط نيفين أوصلك علي البيت ، بعد أذنكم

بهجت :لحظة يا حور من فضلك

حور:أفندم يا مستر بهجت

بهجت يقرب منها :عارف أني مش من حقي أطلب منك تسامحيني بعد اللي عاملته معاكي ، بس أنا مش هثق في حد غيرك أنه ينفذ المشروع اللي كانت بتحلم بيه حبيبة ، أعتبري ده أخر طلب بطلبه منك وبتمني أنك توافقي مش عشاني عشان خاطر حبيبة الله يرحمها ، مش عايزك تردي عليا دلوقتي فكري 
كويس وبعدين ردي عليا هستني ردك وأتمني يكون أنك موافقة علي عرضي

حور بحزن:مش هقدر أوعدك أني هوافق سيبها للظروف يا بهجت بيه بعد أذنك

ادهم:هطلع معاكم أوصلكم

نيفين:هستناكي في العربية يا حور

حور:أدهم أنت كويس

أدهم بحزن:مش قادر استوعب كل اللي بيحصل ، ازاي حبيبه تفكر أني ممكن أحب حد غيرها وأتجوز وأعيش حياتي وأنساها بالسهولة دي ده أنا روحي ماتت من يوم ما ماتت وسبيتني واللي مصبرني علي العيشة من غيرها مليكة وبس والأ كنت موت نفسي وراها🥺🥺

فجأه سمعوا صوت الخدامه:الحقني يا بهجت بيه المدام قاطعة النفس

حور وأدهم ونيفين يجروا علي الفيلا

بهجت:أيه اللي حصل؟

الخادمة:طلعت اديها الأدوية لاقتها مغم عليها وقاطعة النفس

بهجت:مشيرة ردي عليا ، أدهم أطلب الأسعاف بسرعة

بهجت:طمنا يا دكتور

الدكتور:أزمه قلبية للاسف وصلت متأخر ومقدرناش نسعفها ، البقاء لله

الكل أتصدم :😱😱

•••••

بعد مرور شهرين

في أسوان

حور تقوم من النوم مفزوعة:مشيرة هانم😰

حور تبص في المرايا وتلاقي نفسها عرقاتة خالص تمسح وشها وتحاول تقوم من السرير بتعب

حور:شهد يا شهد

حور تلاقي ورقة متعلقة علي الثلاجة 《أنا خرجت مع تيمور ، أشوفك في الأجتماع يا قمر ، صحيح عمو حكمت قالي أقولك مستنيكي علي الفطار هو وطنط شمس زي كل يوم
  شهد》

حور تبتسم وتجيب ماية من الثلاجة وتفتح درج المطبخ وتطلع أدوية علاج العقم وتبصلها بحزن وتاخدها

بعد شوية يجلها مكالمة من يحيي

يحيي:صباح الفل يا رورو

حور بأبتسامة حزينة:صباح الخير يا حبيبي ، أخبارك أيه والولاد عاملين أيه

يحيي:كلهم كويسين يا حبيبتي المهم أنتي عاملة أيه طمنيني عليكي

حور:الحمد الله لسة صاحية من النوم ، هاخد شاور وأنزل افطر مع عمو حكمت وطنط شمس في المطعم ، اللي حكيتلك عنهم قبل كده، أنت مش متخيل كل ما اقعد معاهم بفتكر خالو مراوان وطنط ثريا شبههم أووي في كل حاجة حتي في خناقتهم مع بعض 😀

يحيي:اه طبعا فاكرهم شوقتيني أشوفهم من كثر كلامك عنهم ، خصوصا الفنان العبقري حكمت دويدار، عشان أشكره أنه عمل اللي أحنا مقدرناش نعمله وأقنعك تسعي ورا حلمك وتشاركي في معرض الرسم اللي هيتعمل في لندن

حور بأبتسامة:وأنا كمان نفسي أعرفك عليه أووي بس خلاص هانت أفتتاح المشروع كمان 3أسابيع وأكيد لازم تيجوا تتفرجوا علي أخر أنجازاتي في هندسة الديكور قبل ما أبقي أشهر رسامة في العالم ومعارض الرسم بتاعتي تلف العالم كله 😀

يحيي:أنا واثق فيكي يا حبيبتي وأن شاء الله المرة دي هتحققي كل أحلامك وهتخلينا كلنا فخورين بيكي

حور:حبيبي أنت يا يويو ، تعرف الدنيا دي غريبة أووي لما جيت هنا من شهرين كنت حزينة ومهزوزة وخايفه مكنش قد المسؤلية اللي وكلني بيها أونكل بهجت وثقة أدهم فيا أني أكون مسؤلة عن تنفيذ مشروع الفندق اللي كانت بنتهم بتحلم بيه ، بعد صدمتهم الكبيرة في موت مشيرة هانم ،  لو لا أصرارهم أني أكون مسؤولة عن المشروع يمكن مكنتش جيت هنا وشوفت الطبيعية الحلوة دي وعرفت قصة حب شهد وتيمور ، الشاب الفقير اللي أهلها رافضينه عشان مش من نفس مستواهم الأجتماعي ولسة بيبدأ حياته مهندس تحت التدريب في شركة من الشركات، وأتعرفت علي أهله الفنان اللي مخدش حقه حكمت دويدار وربة المنزل وطباخة بريمو شمس وبنتهم نور وجوزها جلال وبنتهم الصغيرة هنا ، عارف العيلة دي بسيطة أووي تدخل القلب مبدأهم في الحياة أكبر المشاكل تهون قدام حب العيلة والتفاهم اللي بينهم  ،اهم حاجة أتعلمتها من عمو حكمت أني ميأسش وأفضل أسعي ورا حلمي
وأعافر لحد ما أوصله، أنا اتعلمت منه حاجات في الرسم مكنش عندي فكرة عنها، ولولا تشجيعه ليا وأيمانه بيا مكنتش قدمت في المسابقة أصلا ، بجد راجل عظيم معرفتي بيه غيرت حياتي 😀

يحيي:ربنا يسعدك يا حبيبتي أنا فخور أنك بدأتي تفكري في مستقبلك وواثق أنك قدها

حور:حبيبي يا يحيي ، قولي سولي أخباره أيه وسيلين وأمير عيلة الراوي كبر ولا لسة.

يحيي:أسكتي يا حور دول بقوا عصابة ومش قادرين عليهم والفيلا بقت مورستان ولسة لما الفريق يكمل وريتاج تقوم بالسلامة العصابة هتزيد واحد

حور :قصدك بنوتة ريتاج كلمتني امبارح هي وفريد وقالتلي أنها قررت تسمي البيبي ميرا

يحيي:اه أمير هو اللي أختار الاسم عشان شبه أسمه تخيلي 😀😀

حور:ربنا يسعدهم وتقوم بالسلامة ، أسيبك أنا بقي وأنزل أفطر هكلمك تاني باااي ،سلملي عليهم كلهم لحد ما أكلمكم بليل فديو كول

يحيي:يوصل يا حبيبتي خدي بالك علي نفسك باي باي

••••

حور نزلت المطعم لقت حمزه قاعد مع تولين بنت صاحب الارض ،بيتكلم وبيضحك معاها وشكله مبسوط

تولين بمياعة:أنسة حور ، جيتي في وقتك كنت لسة بعزم البشمهندس علي حفلة عيد ميلادي عندي في الفيلا، وأستنيتك عشان أعزمك بنفسي أتمني تيجي مع البشمهندس هنبسط أووي وخصوصا ساهر أخويا

حور تبص لحمزه:بصي هو أنا تعبانة جدا بس طالما العزومة من ساهر بيه مقدرش أرفض طبعا أكيد هاجي

حمزه بغيره يبصلها:☹☹

تولين:كده يبقي أتفقنا هستناكم بليل متتأخروش 😀

حمزه:مكنتش أعرف أن ساهر بيه غالي عندك أووي كده

حور بأبتسامة:وفيها أيه الراجل ذوق جداا ، ومتنساش أنه هاود معانا كثير في سعر الأرض، مرواحي الحفلة النهارده مجاملة مش أكثر من كده ، لو مش حابب اروح تمام معنديش مشكلة، أهم حاجة أنت لازم تروح عشان صاحبة عيد الميلاد متزعلش منك

شمس:كل ده تأخير يا حور ، عملتلك عجة البيض اللي بتحبيها ،يلا أدخلي كليها قبل ما تبرد

حور:الله عليكي يا شموسة يامدلعني ،الفنان جوا

شمس:أيوه قاعد مستنيكي عشان تعمليله فنجان القهوة اللي مبقاش بيشربه غير من أيدك

حور :طيب أنا هدخله، أشوفك بليل في الحفلة ،كدة كدة أنتوا مش محتاجين وجودي في الأجتماع النهارده ، أنت وشهد كفاية أووي ، تقوللهم أخر التطورات

حمزه:أنتي زعلانه من بتول ؟

حور:لا عادي مفيش حاجة

حمزه:أمال ليه بطلتي تكلمي بتول، حتي لما جه أدهم الشهر اللي فات أتخانقتوا ومشي مضايق ، ومن وقتها وأنتي لما بنعمل معاهم أجتماع فديو كول عشان نبلغهم بتطورات المشروع أنتي مش بتطلعي معانا فيه

حور:أدهم كان جاي يقولي أنه بيفكر يتجوز بتول عشان بعد موت مشيرة هانم شاف أد أيه مليكة وبتول أتعلقوا ببعض ، وأنه شايف أن في وقت من الأوقات أكيد الظروف هتجبره يتجوز في يوم من الأيام عشان خاطر بنته فاليه متبقاش بتول صاحبته وعشرة عمره وكمان بنته متعلقة بيها  ،

حمزه:مش فاهم وأنتي أيه اللي يضايقك في كده؟

حور:يا حمزه أفهم المشكلة مش أنه قرر يتجوز، المشكلة أن بيفكر يتجوز بتول صاحبة حبيبة الأنتيم واللي وصيته قبل ما يموت يتجوزها،وده في ظلم كبير لبتول لأنه هيتجوزها بس عشان ينفذ وصية مراته وعشان تكون أم لبنته مش عشان بيحبها ، يمكن لو كان قرر يتجوز أي واحدة ثانية كنت قدرت أفهم أسبابه، بس جوازه من بتول أنانية خصوصا بعد ما عرف أنها بتحبه من زمان وعايز يستغل الحب ده لمصلحته في أنها تربيله بنته ،بعديها بكام يوم لاقيت طنط نيفين بتكلمني وبتقولي أنه فعلا عرض عليها الجواز هي موافقة ومصممة أنها مش هتتجوز حد غيره بعد ما كانت مقتنعة بكلامي وكانت بتفكر تدي فرصة لعصام وتقرب منه ، بس أنا عارفه هي عملت كده لية عشان بعد موت مشيرة طنط نيفين قررت تقولها علي حقيقة أن أونكل محمود مش أبوها الحقيقي كانت وجهة نظرها تعرف من غيرها أحسن ما تعرف من حد تاني ، ومن  وقت ما عرفت الحقيقة وهي بعدت عن طنط نيفين ومبقوش زي الأول حتي كلامها معايا بقي كل فين وفين وقربت من مليكة وأدهم

لما عرفت من طنط نيفين أنها وافقت تتجوز أدهم كلمتها ونصحتها كثير  أنها كده بتدمر حياتها وبتظلم نفسها بس حسيت أني بكلم واحدةمعرفهاش ، كان ردها عليا أنها قررت تدور علي سعادتها وتمشي ورا قلبها وانها عندها أمل أنه يمكن مع الوقت والعشرة يفهم هي بتحبه قد أيه  ويحبها من حبها ليه،أنا عذرها هي تحت تأثير صدمة الحقيقة اللي عرفتها وفكره أنها كده بتنتقم من طنط نيفين بس اللي متعرفوش أنها بتنتقم من نفسها وبتكتب تعاستها بأيدها ، لكن اللي مش قادره أفهمه أزاي أدهم يكون أناني بالشكل ده ويستغل حبها ليه☹

حمزه:محدش عارف الخير فين يمكن فعلا مع العشرة يحبوا بعض عندك مثلا أنا وأنتي لما أتجوزنا مكنتش متخيل أني هحبك وأتعلق بيكي بالشكل ده وأبقي مش قادر أعيش من غيرك

حور بحزن:بس في الأخر أيه اللي حصل عشنا سنتين بنعذب وبنقهر في بعد وفي الأخر أكتشفنا أننا مش هنقدر نكمل مع بعض وأطلقنا ،اهو انا بقي مش عايزه بتول ينكسر قلبها والشك والخوف والحيرة تلازمها طول الوقت يا تري مبسوط معاها ولا بيعملها كويس عشان بتربيله بنته ، يا تري بدأ يحبها ولو فعلا حبها هتشك ازاي نسي حبه عمره بالسهولة دي ، صدقني الأسئلة دي لما بتلازم الشخص مش بتخليه يستمتع بحياته حتي لو وصل لهدفه بتسود الدنيا في عينيه وبتخليه عايش طول الوقت خايف يخسر اللي بيحبهم فهمت أنا ضد جوازهم ليه؟

حمزه:حور مشكلتك أنك بتحكمي علي الأمور من وجهة نظرك وبتديها أحكام مسبقة ، اللي أقصده أن مش شرط عشان تجريبتنا فشلت
يبقي هما كمان هيفشلوا ،يمكن ينجحوا وحتي لو فشلوا أكيد هيتعلموا من التجربة دي حاجات كثير وهيتعلموا من أخطائهم ، أهم حاجة في التجربة شرف المحاولة سواء فشلت او نجحت ،أنتي مش من حقك تمنعيهم يحاولوا ،مقدر أنك خايفه عليهم بس مش لدرجة أنك تفرضي عليهم رأيك

حور بعصبية:طالما هما معندهمش مانع ينفذوا وصية حبيبة من الأول ، ليه أعترضوا لما عرفوها وكانوا السبب في موت مشيره من حزنها وقهرها أنها مقدرتش تنفذ وصية بنتها، والكاوبيس ملزماني كل يوم بصحي علي كابوس أفظع من اللي قبله هي بتقولي مش مسامحكي عشان رافضي تساعديني أحقق وصية بنتي  ، ده غير سمعتي اللي أدمرت في المانيا بسبب المؤامره الحقيرة اللي أتعملت عليا ،صح بهجت صدق أني بريئة بس أنا لسة في نظر الناس خاينة وعضيت الأيد اللي أتمدلي كل اللي حصل ده وبتقول مش من حقي أدخل في حياتهم 😡

حمزه:حور أهدي وأسمعيني ، أوقات لما حد بيجبرنا نعمل حاجة بنعد وبنرفض لمجرد أن أحنا حاسين أن ده تحكم وتدخل في حياتنا ،
بس لما بنهدي وبنفكر بعقل بنكتشف أن اللي أحنا رافضينه ده بيكون لمصلحتنا ومصلحة اللي حوالينا ، وده اللي حصل مع أدهم يمكن الظروف جبرته يوافق علي جوازه من بتول عشان مليكة محتاجة أم  تاخد بالها منها وتحبها زي بنتها بالضبط خصوصا بعد موت مشيره ومفيش غير بتول فيها كل الصفقات دي زائد أن مليكة متعودة عليها وبتحبها

حور:معني كلامك أن أي واحد مراته تموت من حقه يتجوز عادي لمجرد أنها سابتله بنت أو ولد مش قادر علي تربيتها لوحده ، فيتجوز ويعيش حياته عادي ، ولا كأنه كان في واحدة بتحبه مدفونة تحت التراب

يعني أحنا لو كنا لسة متجوزين كنت هتجوز واحدة بعد ما أموت وتنساني عادي كده

حمزه بمزاح:هو أنا عارف أتجوزك الأول عشان أفكر أتجوز غيرك لما تموتي😅

حور بعصبية:حمزه☹☹

حمزة يكتم ضحكته:أسف بس الأفيه حكمت والله 🤭، أحم نرجع لموضوعنا ، بصي يا حور قرار الجواز تاني ده مسؤلية كبيرة خصوصا لو في ظروف أدهم يمكن هو شايف أن مش هيقدر يتحمل مسؤلية تربية مليكة لوحده وده ما يعبوش أو يطلعه خاين لحبية بس زي ما قولتلك فيه راجل بعد وفاة مراته شايف أنه يقدر يربي ولاده لوحده من غير مساعدة حد ويفضل عايش علي حب وذكريات مراته اللي ماتت ، ورجالة تانية شايفه أنها محتاجة حد يشاركها ويساعدها في المسؤلية دي ، ومتقدريش تحكمي علي ده انه خاين ولا علي التاني أنه مخلص ووفي لمراته زي ما قولتلك الظروف والمسؤلية اللي أتحط فيها الشخص هي اللي بتجبره يختار

أنتي بقي لو كنتي مكان حبيبة كنتي هتطلبي مني اني أتجوز حد بعدك وأعيش حياتي ؟

أجاوبك أنا :أيوه كنتي هتعملي كده ، عشان أنتي دلوقتي باعده نفسك عني وعايزاني أكمل حياتي مع غيرك مع أني متأكد أنك بتحبيني زي ما بحبك ومش هتقدري تشوفيني مع حد تاني غيرك أبدا ، بس أنا بوعدك السبب اللي بعدك عني للدرجة دي هعرفه مهما حصل ، عشان أنا المرة دي مش هسمحلك تبعدي عني مهما كان السبب

حور:🥺🥺🥺

••••

في المساء

حور لابست وحطيت ميكاب وبصت لنفسه في المرايا

شهد :أش أش أيه الجمال ده كله يا حور طالعة زي حوريات البحر ، أنتي ناوية تخلي حمزه يرتكب جريمة النهارده أكيد

حور:بطلي أوفره يا شهد مش للدرجة دي يعني

شهد:ماشي يا ستي تراهني علي كام أن حمزه لما يشوفك هيتنح ويبلم من جمالك

حمزه:يلا يا حور أتأخرنا

حور:أيوه خلاص جاية أهو

حور تطلع وتيمور أول ما يشوفها يصفر

تميور:شكلك زي القمر يا حور الفستان كأنه متفصل عشانك

حور بأبتسامة:شكرا يا تيمور من ذوقك

شهد:وأنت يا حمزه مقولتش رأيك

حمزه بأنبهار: ها عادي يعني شكلك حلو يلا عشان منتأخرش

حور بأبتسامة حزينة:عندك حق أنا قولت أنهم بيأفورا ،يلا بينا🙂

تيمور:ليه عمل كده كسر بخاطرها وأحرجها جداا قدامنا

شهد بدهشة:أنا كمان مصدومة من رد فعله

••••••

في العربية

حمزه يحس بصداع شديد ويمسك دماغه

حور بقلق:حمزه أنت كويس ؟

حمزه :شوية صداع ممكن تناوليني المسكن من عندك

حور:أتفضل،حمزه موضوع الصداع ده زاد عن حده وبقي بيتكرر معاك كثير، لازم تشوف دكتور

حمزه:أنا بقيت أحسن متقلقيش ، تلاقي أرهاق  من الشغل مش أكثر

حور:لا مش أرهاق ، أنت شكلك تعبان بلاش نروح الحفلة وتعالي نروح مستسفي نطمن

حمزه:ماشي بس بشرط تقوليلي أيه الأدوية اللي بتخديها  ومخبياها في الدرج  وقافلة عليها أنا شوفتك وأنتي بتخديها كذا مره مخبية عني أيه يا حور؟

حور بتوتر:هخبي أيه يعني دي مهدئات علي فيتامينات كان كاتبلي عليهم دكتور فاروق 😰

حمزه بشك :أنا واثق أنك بتكدبي ومش بتقولي الحقيقة ،فطالما مصرة تكدبي يبقي أنا كمان أدري بنفسي أذا كنت محتاج لدكتور  ولا لا

•••••

في الحفلة

تولين أول ما شافت حمزه جريت عليه

تولين :نورتوا الحفلة

حور:من ذوقك كل سنة وانتي طيبة

تولين: وأنتي طيبة ميرسي علي الهدية تعبتي نفسك

حور:دي مني أنا وحمزة يارب تعجبك

تولين تبص لحمزه بأعجاب:أكيد هتعجبني

ساهر بأبتسامة يمسك أيد حور ويبوسها :أيه الجمال ده كله

حور بأحراج تسحب أيدها:ميرسي يا ساهر

تولين:حمزه تسمحلي بالرقصة دي.

حمزه:طبعا أتفضلي

ساهر:أنا سعيد أنك لبيتي دعوتي ، أتفضلي معايا أوريكي الطرابيزه بتاعتك

حور طول الوقت عينيها علي حمزه وهتموت من الغيرة عليه وهي شايفه بيرقص وبيضحك مع تولين ، وهي عارفه أنه بيعمل كل ده عشان يغيظها 💔

ساهر:ثواني وهرجعلك ، جارسون درينك هنا للهانم

حور فضلت تشرب لحد ما جتلها رسالة صدمتها ونزلت دموعها فجأه ، حمزه كان مديها ظهره ومشغول بالرقص مع تولين فجأه خدت شنطتها ومشيت ، طلبت من حراس المكان يطلبلها تاكسي  ومشيت

لما حمزه خلص رقص مع تولين دور بعينه علي حور ملقهاش

تولين:بعد أذنك هروح أصلح الميكاب وأرجعلك علي طول

حمزة بقلق:مستر ساهر مشفتش حور؟

ساهر:كنت سايبها من شوية علي الطرابيزه دي ، يمكن تكون في الحمام أو حاجة

تولين:بس أنا لسة جاية من هناك مكنش فيه حد

حمزه:هتكون راحت فين؟

ساهر:جرب تكلمها علي التليفون طيب

حمزه:بحاول مش بترد أنا لازم أمشي بعد أذنكم.

ساهر:طمنا عليها لما تلاقيها ،تحب أجي معاك

حمزه:لأ مفيش داعي كملوا سهرتكم أنتوا

حمزه يتصل بشهد:الو يا شهد حور رجعت البيت ؟

شهد:لا هي مش كانت معاك ، حصل أيه؟

حمزه:معرفش طلعت من الحفلة فجأه ومش لاقيها

شهد :طيب شوفها عند شط ••••، هي لما بتكون مضايقة بتحب تروح تقعد هناك ،انا وتيمور في مكان قريب منكم تحب أروح أشوفها هناك وأطمنك ؟

حمزه:لا مفيش داعي هروح أشوفها وأطمنك ، بس ياريت لو تعرفي تروحي البيت عشان لو رجعت تقوليلي

شهد:حاضر متقلقش أن شاء الله خير ، أكيد هتلاقيها هناك ، متنساش تطمني بس أهم حاجة

حمزه:حاضر وأنتي كمان لو عرفتي حاجة كلميني

•••••

حور تبص للموبيل بأنهيار  😭😭😭💔

حمزه يحمد ربنا لما شافها في المكان اللي قالتله عليه شهد ، يبعت رسالة لشهد انه لقاها، ينزل من العربية ويقعد جمبها:حور أنتي كويسة أيه اللي حصل مالك في أيه ؟

حور أول ما شافته خبت الموبيل ومسحت دموعها :اه أنا تمام متقلقش

حمزة:أمال سيبتي الحفلة لية ؟ في حد ضايقك ساهر قالك حاجة ؟

حور:لا بالعكس كان لطيف معايا أووي، بس أنت عارف أني بتخنق من الحفلات والزحمة وكده فكنت عايزة أمشي ، وأنت كان شكلك مبسوط أووي وأنت بترقص مع تولين فمحبتش أزعجك

حمزة:متقوليش أن سبب الدموع اللي شايفها في عينيكي أنك غيرانة عليا عشان رقصت مع تولين😏

حور:حتي لو غيرانة مش من حقي ، فرصتي خدها معاك وخسرتها من زمان ، دلوقتي كل اللي بتمناه نفضل صحاب 💔

حمزه:نفسي أعرف مخبية عليا مخليكي فاقدة الأمل في علاقتنا للدرجة دي ؟

حور بدموع:أوعدك هتعرف كل حاجة بعد حفلة أفتتاح الفندق ، بس توعدني  أن يوم ما تعرف الحقيقة تفكر بعقلك مش بقلبك
وأنا متأكده أنك لو فكرت بعقلك هتفهم أني كان حق وهتعذرني 🥺

حمزه:وليه مش دلوقتي؟

حور:لو سمحت أنا تعبانة وعايزه أروح أرتاح ممكن توصلني البيت

حمزه:حاضر يا حور أما أشوف أخرتها معاكي ، اتفضلي

•••••••••

حور رجعت علي البيت

شهد:حور أنتي كنتي فين قلقتينا عليكي؟

حور بأبتسامة حزينة: متقلقيش أنا تمام قدامك أهو ، انا بس تعبانة ومحتاجة أرتاح بعد أذنكم

شهد:هي مالها في أيه؟ حصل حاجة في الحفلة؟

حمزه:والله ما عارف لقتها في المكان اللي قولتيلي عليه ، وكانت مضايقة ومنهارة من العياط سألتها كثير متدنيش رد مقنع ، انا تعبت من غموضها ده بتعذب نفسها وبتعذبني معاها ، خلي عينك عليها لو حصل حاجة كلميني في أي وقت أنا سهران مش هنام

شهد:حاضر متقلقش

•••••

حور تدخل الحمام بعد ما جابت الأدوية من المطبخ وقفلت علي نفسها الباب وأنهارت من العياط ، بدأت تكسر في الأدوية وتقول بأنهيار :بعد كل ده ونسبة التحسن 5% ، ملكوش لازمة ، خلاص مبقاش عندي أمل أن أنا وحمزه نرجع لبعض تاني 😭

شهد تخبط علي الباب :حور أنتي كويسة طولتي أووي في الحمام

حور تمسح دموعها وتغسل وشها:أنا طالعة حالا

•••••

يوم الأفتتاح

بهجت:تسلم أيدك يا حور الفندق تحفه وموقعه حلو  أووي، كنتي قد المسؤلية وعن قداره والشكر موصول ليك طبعا يا بشمهندس مجهود عظيم ويحترم ، حولته حلم حبيبة لحقيقة علي الأرض مش عارف أشكركم أزاي

حمزه:الشكر بالنسبة لنا الفرحة اللي شايفنها في عينيك يا مستر بهجت وأن شاء الله ميكونش أخر تعمل شغل بينا

بهجت :أكيد طبعا يا بشمهندس ، بس أنا كان نفسي أتعرف علي كمال وعزيز عشان اشكرهم علي التربية العظيمه دي، بجد خسرناهم النهارده في الحفلة

حمزه:هما كانوا جاين بس للاسف أختي تعبت فجأه ودخلت المستشفي من خوفهم وقلقهم عليها مقدروش يجوا

بهجت:سلامتها الف سلامة ، وهي عاملة أيه دلوقتي

حمزه:الحمد الله بس محجوزه في المستشفي زيادة أطمأننان مش أكثر

بهجت:ربنا يطمنكم عليها

مليكة:حور وحشتيني يا ملاكي

حور تبص لحمزه بتأثر:وأنتي كمان وحشتيني أوووي يا روح الملاك أخبارك ايه 🥰

مليكة:زعلانة منك عشان مش بتكلميني

حور:معلش يا حبيبتي شوية شغل بس أنا ديما ببعتلك السلام مع جدو وبابي وبقولهم يبوسوكي من هنا ومن هنا  ومن هنا هههههه

مليكة:ههههههه

حمزه:مين القمر دي يا حور 😀

حور بأبتسامة:دي لوكا صاحبتي وده حمزه صاحبي يا لوكا

حمزه:شكلك حلو أووي يا لوكا ، تعرفي أنك أحلي واحده في الحفلة🥰

مليكة:لا في أحلي الملاك ديما بتطلع زي أميرات ديزني

حمزه يبص لحور:أنا كمان بقولها أنها شبه الملايكة بس هي مش بتصدقني

مليكة:أنا لما بقولها يا ملاكي عينيها بتفضل تنزل دموع كثير أووي معرفش ليه 🤔

حور:🙈🙈

بتول:ممكن أتكلم معاكي شوية يا حور من فضلك

حمزه:مليكة أيه رأيك نروح نرقص سوا ونغيظ بابي وجدو

مليكة :أتفقنا😀

بتول:لسة زعلانة مني؟

حور بأبتسامة:وهزعل منك لية بالعكس أنا حابة أعتذرلك عشان فرضت رأي عليكي بحكم تجربتي الفاشلة في الحب ، أنتي من حقك تجربي تكسبي قلب اللي بتحبيه ، صدقيني بتمني تنجحي وتكوني سعيدة مع أدهم وأطلع أنا الغلطانة لانه أنتوا الأثنين بجد تستاهلوا كل خير ، وبجد محدش عارف النصيب فين  ربنا يوفقكم 🙂

بتول تحضنها:شكرا يا حور عشان فهمتيني وأحترامتي مشاعري وصدقيني أنا عندي أمل أني هخلي أدهم يحس أد أيه أنا بحبه

حور:ربنا يحققلك كل أحلامك 🤩

☆☆☆☆

تولين :واو الفندق يجنن يا حمزه مكنتش متخيلة انه هيطلع بالجمال ده

حمزه:أنبسطت أنه عاجبك

تولين بمياعة:أي حاجة بتعملها بتعجبني

ساهر:المره اللي فاتت هربتي من الحفلة زي سندريلا المره دي مش هتنازل عن راقصة معاكي

حور:معنديش مانع طبعا بس الأول كنت حابة أعرفك علي مستر بهجت صاحب فكرة المشروع

ساهر :اووي أووي أتفضلي

حور:مستر بهجت أعرفك علي مستر ساهر صاحب الأرض اللي أتبني عليها المشروع مستر بهجت البحيري صاحب فكرة الفندق

ساهر:طبعا غني عن التعريف نار علي علم في مجال السياحة ،شرف ليا الشغل مع حضرتك

بهجت:الشرف ليا أنا يا بشمهندس ، أشكرك علي ذوقك

ساهر :ممكن بقي تسمحيلي بالرقصة دي يا بشمهندسة

حور:طبعا

ورقصت معاه وحمزه عينه عليهم وهيموت من الغيرة 😠

•••••

في صباح اليوم التالي

حور صحيت علي صوت التليفون

حور بنعاس:الو

يحيي:ريتاج ولدت بالسلامة جابت ميرا ياحور

حور بفرحة:بجد أيه الأخبار الحلوة دي علي الصبح ، تتربي في عزهم يارب

يحيي:بقولك طنط فريدة بتحاول تكلم حمزه موبيله مقفول بشريه أنتي بقي بالأخبار الحلوه دي

حور:حاضر هغير هدومي وأروحله وهكلمكوا من هناك فديو كول عشان أشوف النونو

يحيي :ماشي يا حبيبتي سلام دلوقتي

حور حاولت تكلم حمزه مردش برضو

شهد:صباح الخير، لابسة كده ورايحة علي فين من الصبح ؟

حور بفرحة:ريتاج ولدت جابت بنوتة

شهد :بجد ، الف مبرووك تتربي في عزكم

حور:الله يبارك فيكي يا شوشو ، بس حمزة مش بيرد عليا معرفش فيه أيه ما تلبسي كدة ونطب عليهم ونشوف بيعملوا أيه؟

شهد:حلوة الفكره هلبس هوا وأجيلك

••••••

تيمور:أيوه جاااي يلي علي الباب الصبر

شهد:كل ده نوم يا أستاذ

تيمور:في أيه ، هي الساعة كام

حور: ده أنت في غيبوبة ، فين حمزة؟

تيمور:نايم في أوضته

حور :نوم أيه عندي ليه خبر حلو ، يا حمزه ، هدخل أصحيه

تيمور بنعاس:هو فيه أيه ،أنا مش فاهم حاجة خالص

حور بصراخ:حمزه رد عليا مالك في أيه

تيمور وشهد يجروا علي صوتها يلاقوا حمزه مغم عليه علي الأرض

حور:أطلب الأسعاف بسرعة يا تيمور 😭😭😭

••••••

في المستشفي

حور:يارب أحميه واحفظه يارب ، مش هقدر أعيش لو جراله حاجة  😭

شهد :أهدي ياحور أن شاء الله هيكون كويس والدكاتره دلوقتي يطلعوا يطمنونا عليه

حور:يارب

الدكتور:أنتوا مع المريض اللي جوا

حور :أيوه، أيه اللي حصله يا دكتور

الدكتور:هو كان بيشتكي من حاجة في الفتره الأخيرة

حور بقلق:أيوه كان ديما بيجيله صداع مفاجأ بس الألم بيروح بالمسكنات

الدكتور:بصراحة الأشاعات والتحاليل بتقول أنه هو عنده ورم في المخ محتاجين ناخد عينة عشان نعرف هو خبيث ولا حميد  ونقدر نتعامل معاه في أسرع وقت

حور بصدمة :ورم💔😭😱

أستوب 🙃

الي اللقاء في الفصل الأخير لقد أوشكنا علي النهاية 💔🙈

رأيكم في الفصل وتوقعاتكم للفصل الجاي

متنسوش التصويت يا حلوين🤩

وأسفة علي التأخير بس أنتوا شايفين الفصل كبير أزاي 🥰

#لولا الشريف💛