حور الفارس /بقلم لولا الشريف 💛

الفصل9🔥🔥🔥

كمال بفرحه :مبرووك يا حبيبتي الف مبروووك ربنا يسعدك يا روح بابا ❤❤

حور:الله يبارك فيك يا بابا ،أيه يا عمتو مالك واقفه كده ليه مش هتبركيلي أنا وحمزه ولا أيه😏

عايده بغضب مكتوم :مبرووك يا حبيبتى ☹

حور بأبتسامة ساخره :مالك بتقوليها من غير
نفس كده ليه يا عمتو أنتي مش مبسوطلي ولا أيه ، ولا تكوني زعلانة من معتز عشان غير رأيه في أخر لحظه وبوظلك خطة أنتقامك من بابا عن طريقي

كمال بدهشه :أنتقام أيه يا حور ده اللي عايده هتاخده منك

حور بسخريه :أبدا يا بابا أصل عمتي كانت بتخطط تجوزني أنا ومعتز عشان تاخد حقها من ورث جده سالم الله يرحمه اللي حرمها منه لما أتجوزت أونكل محسن الله يرحمه وكتب الأملاك كلها بأسمك وشايفه أن حضرتك أكلت حقها في الورث وأحنا قاعدين في العز لوحدينا وبنتمتع بفلوس وأملاك جده الله يرحمه ، عشان كده قررت تخلي أبنها يمثل عليا أنه بيحبني وعايز يتجوزني ويخليني أحبه ومقدرش أستغني عنه وأعمل زي ما هي عملت زمان وأقف قصادك وأخليك تجوزني معتز غصب عنك وهي كانت واثقه ومتأكده أنك روحك فيا عشان كده عمرك ما هتعمل معايا زي ما جدو سالم عمل معاها زمان وأتبرا منها ، فكنت هتجوز معتز وبعد كام شهر هعرف يا حرام أنه شركته اللي ورثها من أبوه بتخسر وعلي وشك الافلاس بسبب أنه خسر كل فلوسه في القمار وكان بيهمل شغله لأنه أنسان فاشل، هجري عليك وأقولك ساعد جوزي يا بابا قبل ما يفلس والناس تقول جوز بنت كمال الراوي فلس وبقي علي الحديده ويمكن كمان ساعتها كنت أبقي حامل مين عارف ، ويبقي حضرتك قدام حلين طبعا ياما تشتري شركه أونكل محسن وتنقذها من الافلاس يا أما تشغل جوز بنتك معاك في الشركه وفي الحالتين عمتي هي اللي كسبانه ، وأستردت حقها في الورث مش كده يا عمتو ولا أيه😏

عايده تبص لعليا بصدمه وغضب :😲😡😡

حور :لا لا متظلميش عليا وتبصلها كده وتفتكريها كشفت سرك وفضحتك لا سمح الله ، عليا دي أنظف حد فيكم علي الأقل عندها ضمير ومهنتش عليها صلة الدم اللي بينا زي ما هانت عليكي أنتي وأبنك الواطي .

عايزه تعرفي أنا عرفت خطتك أزاي مش كده؟

عرفتها منك أنتي شخصيا أه والله منك أنتي
وعلي فكره أبنك ما خانكيش ولا حاجة لسمح الله لا هو كان جاي بس حبه لنفسه الزايد عن اللزوم منعه يجي هنا النهارده ، وعلي فكره أنا اللي بعت الرسالة من تليفون أبنك لبابا مش معتز ، أنتي أكيد تهتي مني ومش فاهمه حاجة من الصدمات اللي ورا بعض دي هفهمك عشان بجد صعبتي عليا يا حرام 😏

فلاش باااك

الكل كان جاي يحضر كتب الكتاب بناءا علي رغبة كمال وسوزان ومن ضمنهم عائلة عزيز طبعا ،حمزه كان حاسس انه مضايق عشان حور تستاهل واحد أحسن من معتز بكثير فجاه جاله تليفون شغل وطلع يرد في الجنينه