سراج: أتفضلي أنزلي وصلنا
حور:يعني كان لازم تصحيني من صباحية ربنا كده حتي مخلتنيش أخد الكوفي بتاعتي
سراج:معلش هعزمك علي الفطار لما نخلص، بس ادعي الاجتماع ده يعدي علي خير
حور بعدم فهم:تقصد أيه ؟
سراج:قصدي ادعي ناخد الصفقه والشركه دي تقبل تشتغل معانا
حور:متقلقش خلي عندك ثقه فيا كله تحت السيطره
سراج بقلق:أسترها يارب
••••
السكرتيره:تحبوا تشربوا أيه
حور:قهوه مظبوط
سراج بتوتر:أنا عايز كوباية ماية ساقعه لو سمحتي ، أقولك خليهم اثنين يمكن نحتاجها
السكرتيره:تمام تأمروا بحاجة تانية
حور بأبتسامه :لأ مرسي ليكي
السكرتيره:عن أذنكم
حور:مالك يا سراج مش علي بعضك ليه النهارده؟
سراج بأبتسامه خفيفه:أبدا يا بنتي توتر وتعب طول الليل سهران اراجع بنود الصفقه ومنمتش كويس مش أكثر
حور:مع اني مقتنعتش بس هعديها بمزاجي بعد الأجتماع لينا كلام تاني مش هسيبك غير لما أعرف مالك
حمزه بأبتسامه:أسف علي التأخير ، أنسه حور مش كده
حور أول ما تشوفه تحس بأحساس غريب ويجيلها صداع مفاجئ وتشوف صور مشوشه
حمزه برضو أول ما شافها حس بنفس الاحساس وحس أن دماغه بتضغط عليه يفتكر حاجه معينة وصورة حور بتظهر قدامه في أماكن مختلفه
حور وحمزه في نفس الوقت :أنا شوفتك قبل كده😱
ده أقتباس صغير للفصل الأول من الجزء الثاني اتمني يعجبكم 🙈
موعد نزول الفصل الأول يوم الجمعه 5/1/2024 أشوفكم علي خير ❤
سنه سعيده عليكم يا حلوين 🤩🥰🌹
#لولا الشريف💛
YOU ARE READING
حور الفارس /بقلم لولا الشريف 💛
Romanceلو جاتلك فرصه انك تختار مابين انك ننتقم لحد عزيز عليك من شخص اذاه ، بس وانت بتخطط تنتقم قابلت نصك الثاني وحب عمرك اللي بدور عليه من سنين ، يا تري هتعمل ايه؟ هتختار تكمل في طريق الانتقام ولا هتتمسك بحب عمرك وشريك حياتك اللي كنت بدور عليه من زمان🤔 تع...
