أولا :بعتذر لكم الفصل قصير أوعدكم هعوضكم الفصل الجاي ❤
ثانيا: للناس اللي متعرفش تصوت للفصل ازاي دوسوا علي النجمه اللي جمب التعليق والمشاركه ، قراءة ممتعة ❤
•••••
سوزان:لا مستحيل بنتي هتفوق وتمشي علي رجليها ونخرج من هنا مع بعض انت بتكذب عليا يا مراوان قول أنك بتكدب قول ان أنت وهي عاملين مقلب فيا زي عوايدكم عشان تشوف غلاوتها عندي قول يا مراواا ،ويغم عليها
يحيي وفريد يجروا عليها :مااااما
مراوان : شيلوها معايا نوديها أوضه ترتاح فيها
سيرين :أنا جايه معاكم
عزيز يطبطب علي رجل كمال :أنت كويس يا كمال ،ادعيلها تقوم بالسلامه أنت راجل مؤمن بقضاء ربنا والحمد الله الطب اتقدم دلوقتي وأكيد في علاج أن شاء الله بس لازم حور لما تفوق وتعرف الخبر تلاقيك جمبها قوي عشان تقدر تقويها وتصبرها
كمال بحزن :ربي أني لا أسألك رد القضاء ولكني أسألك اللطف فيه يارب قوني وصبرني اني اقدر أشوفها في الحاله دي ومضعفش قدامها 🥺
حمزه أتصدم لما سمع الخبر وحس بوجع غريب في قلبه وحس أنه مخنوق وطلع علي الجنينه يشم هوا
وبدأ يفتكر ذكرياته مع حور من أول مره شافها في الاسانسير وأد أيه كانت جميله وساحرته ضحكتها وطفولتها والبراءه اللي في عنيها
وشويه يفتكر لما كانت بتحكيله عن وعد وحضنها عشان يهديها ، وشويه يفتكر لما لعب معاها لعبة الجري بالوزن وهي كانت هتقع وهو مسكها وبصوا في عيون بعض شويه ،ومره لما كان بيرقص معاها في أول زياره عندهم في البيت لما كانت عايزه ريتاج وفريد يرقصوا مع بعض،وأفتكر لما جريت عليه وحضنته لما كانت فيروز بتولد ،وأفتكر نظره التحدي وهزارها لما كانوا بيلعبوا سله مع بعض ،وفجأه نزلت دمعه من عينه وبص للسماء وقال: ليه يارب الناس الطيبين هما اللي بيتوجعوا ليه مكتوب عليهم الحزن علي طول مش الفرح والسعاده ، حور ذنبها أيه تعيش علي كرسي متحرك طول عمرها بسبب تهور واستهتار حد تاني ،أشفيها يارب وقويها هي وأهلها وصبرهم
♤♤♤♤♤
هايدي بفرحه خبيثه:أنت متأكد من اللي بتقوله ده يا حبيبي يعني مش هتقدر تمشي علي رجليها تاني أبداااا
الشخص:أيوه يا هايدي متأكد ،أنتي أيه الجنان اللي عاملتيه ده، افرضي كان حد شافك تعرفي كان ممكن يجصلك أيه كنتي هتدخلي السجن في محاولة قتل ☹
هايدي :كنت عايزه أنتقم منها عشان دمرت كل اللي خطتناله السنين اللي فاتت وفكرت تلعب مع هايدي النشار وبسببها اللي أسمه حمزه هانيي وذلني وبسببه مبقاش حيلتي أي حاجة ،كنت عايزه أموتها وأحسر قلب عيلتها عليها طول عمرهم ومكنش حد هيعرف ولا يجي في باله اني انا اللي عملت كده انا واحده أمها بتموت في المستشفي وزعلانه عليها معقول اسيبها وأروح أقتل واحده
YOU ARE READING
حور الفارس /بقلم لولا الشريف 💛
Romanceلو جاتلك فرصه انك تختار مابين انك ننتقم لحد عزيز عليك من شخص اذاه ، بس وانت بتخطط تنتقم قابلت نصك الثاني وحب عمرك اللي بدور عليه من سنين ، يا تري هتعمل ايه؟ هتختار تكمل في طريق الانتقام ولا هتتمسك بحب عمرك وشريك حياتك اللي كنت بدور عليه من زمان🤔 تع...
